#فصلية_الظالم_وحش
#بارت٣٨
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ( ﻭﺣﺶ )
ﺑﻘﻠﻤﻲ ﺳﻘﻴﻦ ﺍﻟﺸﻤﺮﻱ
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
ﻛﻤﻞ ﺍﻟﻌﻘﺪ ﻭﺍﻟﻨﺴﻮﺍﻥ ﻛﺎﻣﺖ ﺗﻬﻠﻬﻞ ﺭﺟﻌﺖ ﻟﻠﻜﻮﺷﺔ ﻭﻳﻮﺳﻒ ﻧﺰﻝ ﻭﻳﺔ ﺍﻟﺸﻴﺦ ﻭﺩﻳﺴﻠﻢ ﻋﺎﻟﻨﺎﺱ
ﺑﺎﻭﻋﺖ ﻟﻜﻴﺖ ﺍﻟﻔﺮﺣﺎﻥ ﻭﺍﻟﻲ ﺿﺎﻳﺞ ﻣﻦ ﻛﺮﺍﻳﺒﻨﻪ ﻭﻛﺮﺍﻳﺐ ﻳﻮﺳﻒ ﻭﺍﺻﻼ ﺍﻛﻮ ﻣﺮﻩ ﻭﺑﺼﻔﻬﺎ ﺑﻨﻴﻪ ﺷﺎﺑﻪ ﻣﻮ ﻃﺎﻳﻘﺎﺗﻨﻲ ﻣﻦ ﻧﻀﺮﺍﺗﻬﻦ
ﻛﺎﻣﻦ ﻳﺒﺎﺭﻛﻠﻲ ﺍﻟﻨﺴﻮﺍﻥ ﻭﻫﻨﻪ ﻣﺎ ﺑﺎﺭﻛﻦ ﺍﻟﻲ ﺍﺑﺪ ﻳﻠﻪ ﺷﺮﻳﺪ ﻣﻨﻬﻦ ﻭﺭﺓ ﺷﻮﻱ ﺩﺧﻞ ﻳﻮﺳﻒ ﻋﻴﻨﻲ ﻭﺃﺧﺬﻫﺎ ﻣﻦ ﺑﺎﺏ ﺍﻟﺪﺧﻮﻝ ﻟﻠﻜﻮﺷﺔ ﺑﺲ ﻳﺮﻛﺺ ﺧﺮﺑﻨﺔ ﺿﺤﻚ
ﻭﺍﻟﻨﺴﻮﺍﻥ ﻳﻀﺤﻜﻦ ﻭﻳﺒﺎﻭﻋﻦ ﻭﺫﻧﻲ ﺍﻝ٢ ﻣﺪﻟﻐﻤﺎﺕ ﺣﺘﻰ ﻣﺎ ﺿﺤﻜﻦ ﻭﻳﻮﺳﻒ ﻳﻤﺸﻲ ﻭﻳﺮﻛﺺ ﻭﻳﺼﻴﺢ ﻭﺍﺧﻴﺮﺍ ﺍﺧﺬﺕ ﺍﻻﺣﺒﻬﺎ
ﺻﺪﻳﻘﺎﺗﻲ ﺍﻟﻲ ﻭﻳﺎﻱ ﺑﺎﻟﻜﻠﻴﻪ ﺍﺟﻦ ﻭﻣﺎﺗﻦ ﺿﺤﻚ ﻋﻠﻴﻪ ﻋﺎﻟﺸﻲ ﺍﻟﻲ ﺳﻮﺍﻩ
ﺧﺮﺑﻨﻲ ﺿﺤﻚ ﻭﺻﻞ ﻟﻴﻤﻲ ﻭﺷﺎﻓﻨﻲ ﻛﺎﻝ ﺍَﻱ ﻭﻫﺴﻪ ﺻﺮﺗﻲ ﻣﺮﻳﺘﻲ ﻭﺍﻟﻴﻮﻡ ﺍﺷﺒﻌﺞ ﺑﻮﺱ ﻣﻨﻮ ﻳﻠﺰﻣﻨﻲ ﺑﻌﺪ
ﻳﺎﺑﻪ ﻏﺼﻴﺖ ﺑﻨﺺ ﻫﺪﻭﻣﻲ ﻣﻦ ﺍﻟﻤﺴﺘﺤﻰ ﻟﺰﻣﻨﻲ ﺷﺒﻌﻨﻲ ﺗﺒﻮﺱ ﻭﺃﺟﺮ ﺑﻨﻔﺴﻲ ﻭﻣﻴﻘﺒﻞ ﻭﺍﻟﻤﺼﻮﺭﺓ ﺗﺼﻮﺭ ﺑﻴﻨﺔ
ﺍﺣﺲ ﻭﺟﻬﻲ ﻃﻚ ﻣﻦ ﺍﻟﻤﺴﺘﺤﻰ ﺷﻜﺪ ﺧﺠﻠﺖ ﻭﺧﺪﻭﺩﻱ ﺍﺣﺴﻬﻦ ﺍﺷﺘﻌﻠﻦ ﻧﺎﺭ ﻭﻫﻮ ﻭﻻ ﻳﻤﺔ ﻭﻻ ﺍﺳﺘﺤﻰ
ﺍﻟﻲ ﻳﺸﻮﻑ ﻳﻮﺳﻒ ﺑﻴﻮﻣﻬﺎ ﺷﺴﻮﻩ ﻋﺒﺎﻟﻪ ﺃﺧﺬﻧﻲ ﻋﻠﻰ ﺣﺐ ﺻﺎﺭﻟﻨﺔ ﻋﻼﻗﻪ ﻓﺪ ٥ﺳﻨﻴﻦ٦ﺳﻨﻴﻦ
ﻭﻛﺎﻋﺪ ﻭﻓﺮﺣﺎﻥ ﺑﻴﻪ ﻭﺍﻧﻲ ﺍﺿﺤﻚ ﻭَﻳَﺎ ﻋﻠﻰ ﺿﺤﻜﺘﺔ ﺻﺎﺭﻟﻲ ﺷﻜﺪ ﻣﺎ ﺿﺎﺣﻜﺔ ﻫﻴﺞ ﺿﺤﻜﺔ
ﺍﺑﺎﻭﻉ ﻋﻠﻰ ﻣﺎﻣﺎ ﺗﺮﻳﺪ ﺑﺲ ﺗﻜﻮﻡ ﻣﻦ ﺍﻟﻔﺮﺡ ﻣﻜﻴﻔﺔ ﻃﺎﻳﺮﻩ ﻭﺗﺒﺎﻭﻋﻠﻲ ﻭﺗﻀﺤﻚ ﻋﺴﺎﻫﺎ ﻣﺎ ﻏﺎﺑﺖ ﺍﻟﻀﺤﻜﺔ ﻣﻨﺞ ﻛﻮﻥ ﺍﻧﺸﺎﻟﻠﻪ ﻳﺮﻭﺣﻲ
ﻭﺍﻧﻮﺏ ﻳﻮﺳﻒ ﻻﺯﻡ ﺍﻳﺪﻱ ﻣﻴﻬﺪﻫﺎ ﻫﺬﺍ ﺟﺮﻱﺀ ﻫﻬﻬﻬﻪ ﺟﺎﻥ ﻋﺎﻗﻞ ﻫﺴﻪ ﺷﻮﻱ ﺗﻮﻛﺢ
ﺑﻌﺪﻫﺎ ﻟﺒﺴﻨﻲ ﺍﻟﺬﻫﺐ ﻭﻗﻄﻌﻨﻪ ﺍﻟﻜﻴﻚ ﻭﺃﻛﻠﻨﻪ ﻭﻫﺎﻱ ﺍﻟﻤﺮﺍﺳﻴﻢ ﻭﺭﺍﻫﺎ ﺃﺟﺖ ﺻﺒﺎ ﺟﺎﻳﺒﻪ ﻣﺎﻣﺎ
ﻛﻤﺖ ﻋﺒﺎﻟﻲ ﺑﻴﻬﺎ ﺷﻲ ﻃﻠﻌﺖ ﺟﺎﻳﺒﺘﻠﻲ ﻫﺪﻳﻪ ﺍﻟﻌﻘﺪ ﺣﺰﺍﻡ ﺫﻫﺐ ﺑﺲ ﻣﻮ ﺟﺒﻴﺮ ﻭﻣﺒﺎﻟﻎ ﺑﻲ ﻭﺳﻂ ﻭﻣﻦ ﻳﻢ ﺍﻟﺼﺮﺓ ﺑﻲ ﺩﺍﺋﺮﺓ ﺟﺒﻴﺮﻩ ﻛﻠﺶ
ﺃﻛﺜﺮﻫﺎ ﺿﻠﺖ ﺻﺎﻓﻨﻪ ﻣﻦ ﻃﻠﻌﺘﻪ ﺧﺎﻟﺘﻲ ﻋﻠﻤﻮﺩ ﺗﻠﺒﺴﻨﻴﺎﻩ ﻭﺍﻧﻲ ﻫﻢ ﺗﻔﺎﺟﺄﺕ ﻣﺠﻨﺖ ﺍﺩﺭﻱ
ﺧﺎﻟﺘﻲ ﺗﻠﺒﺴﻨﻴﺎﻩ ﻭﻣﺎﻣﺎ ﻓﺮﺣﺎﻧﻪ ﻭﺗﻀﺤﻚ ﻭﻳﻮﺳﻒ ﻳﻤﻬﺎ ﻳﺒﻮﺱ ﺑﻴﻬﺎ ﻭﺍﻣﺔ ﺗﺒﺎﻭﻉ ﻋﻠﻴﻪ ﻭﻫﻴﻪ ﻛﺎﻣﺸﺔ ﺃﻳﺪ ﻳﻮﺳﻒ
ﺑﻌﺪﻫﺎ ﺑﺎﺟﻲ ﺃﺟﺖ ﺟﺎﻳﺒﻪ ﺍﻟﻲ ﺳﻮﺍﺭ ﻛﻠﺶ ﺟﺒﻴﺮ ﻣﻦ ﺫﻫﺒﻬﺎ ﻛﺎﻟﺖ ﻫﺬﺍ ﻫﺪﻳﻪ ﻣﻨﻲ ﺍﻟﺞ ﻣﻦ ﺩﺗﻠﺒﺴﻨﻴﺎﻩ
ﺷﺎﻭﺭﺗﻬﺎ ﻛﺘﻠﻬﺎ ﺑﻀﺤﻜﺔ ﺑﺎﺟﻲ ﺗﺮﺓ ﻋﻘﺪ ﻗﺮﺍﻥ ﻣﻮ ﺍﻟﻌﺮﺱ ﺿﺤﻜﺖ ﻭﻛﺎﻟﺖ ﻣﻴﻐﻠﻰ ﻋﻠﻴﺞ ﺷﻲ ﺣﺒﻴﺒﺘﻲ
ﺑﻌﺪﻫﺎ ﺧﺎﻟﻪ ﻟﺒﺴﺘﻨﻲ ﻛﻼﺩﻩ ﺍﻡ ﺳﺒﻊ ﻋﻴﻮﻥ ﻣﻮ ﻛﻠﺶ ﺟﺒﻴﺮﻩ ﺑﻌﺪﻫﺎ ﻛﻤﻨﺔ ﻧﺮﻛﺺ ﺳﻠﻮ ﻭﻳﻮﺳﻒ ﻣﺎ ﺻﺪﻙ
ﺣﺎﺿﻨﻲ ﻭﻳﺮﻛﺺ ﻣﻦ ﺩﻧﺮﻛﺺ ﻛﺘﻠﺔ ﺑﺮﺑﻚ ﺗﻜﻮﻝ ﺍﺧﺬﺕ ﺍﻻﺣﺒﻬﺎ ﺍﻟﻲ ﻳﺴﻤﻌﻚ ﻣﻮ ﻋﺒﺎﻟﻪ ﺻﺎﺭﻟﻨﺔ ﺳﻨﻮﺍﺕ ﻭﺍﺣﺪ ﻳﺤﺐ ﺍﻟﺜﺎﻧﻲ ﻣﻮ ﺍﺷﻬﺮ
بيج قصص عراقيه حقيقيه من واقعنا.روعه الطائي
ﻛﺎﻝ ﻫﻨﺔ ﺍﺷﻬﺮ ﻭﺍﻧﻲ ﻋﺒﺎﻟﻚ ﺳﻨﻴﻦ ﺻﺎﺭﻥ ﻋﻠﻴﻪ ﻛﺘﻠﻪ ﻫﺎ ﻛﺎﻝ ﺍَﻱ ﻛﺘﻠﺔ ﻣﻤﻤﻤﻢ ﻛﺎﻝ ﻏﻴﺮ ﺍﻧﻲ ﻣﺎ ﺍﺣﺠﻲ 😂
ﻛﻤﻠﻨﻪ ﺻﻮﺭ ﺍﻷﻟﺒﻮﻡ ﻭﺍﺧﺬﻧﻪ ﻟﻘﻄﺎﺕ
ﺍﻧﺘﺒﻬﺖ ﻧﻔﺲ ﺍﻟﺒﻨﻴﻪ ﺑﻌﺪﻫﺎ ﺗﺒﺎﻭﻉ ﺑﻀﻮﺟﺔ ﻭﺣﻘﺪ ﻭﻛﺮﻩ ﻭﻫﺴﻪ ﺻﺎﻳﺮﻩ ﻓﺪﻧﻮﺏ
ﺣﺴﻴﺖ ﺍﻧﻮ ﺗﺮﻳﺪ ﻳﻮﺳﻒ ﻻﻥ ﻣﺒﻴﻨﻪ ﺑﺲ ﺗﺒﺎﻭﻉ ﻋﻠﻴﻪ ﻭﺗﺒﺎﻭﻉ ﻋﻠﻴﻪ ﺑﻐﻀﺐ
ﻣﺒﻴﻨﻪ ﻫﺎﻱ ﺍﻟﻨﻀﺮﺍﺕ ﻣﻦ ﺗﺼﻴﺮ ﺑﺎﻷﻋﺮﺍﺱ ﻳﻮﺳﻒ ﻣﻮ ﻛﻠﻮﻟﺔ ﺍﺭﻛﺺ ﺳﻠﻮ ﻋﺒﺎﻟﻚ ﻛﻠﻮﻟﺔ ﺍﺣﻀﻨﻬﺎ
ﻣﺎ ﻫﺪﻧﻲ ﺧﻠﺼﺖ ﺍﻻﻏﻨﻴﺔ ﻭﻫﻮ ﻣﺎ ﻋﺎﻳﻔﻨﻲ ﺧﺎﻟﺘﻲ ﻛﻠﺘﻠﻪ ﺑﻀﺤﻜﺔ ﺭﺍﺣﺖ ﺍﻟﺒﻨﻴﻪ ﺩﻋﻮﻓﻬﺎ ﻋﺎﺩ ﻳﻜﻠﻠﻬﺎ ﻻ ﻣﺎ ﺍﻋﺮﻓﻬﺎ ﺍﺭﻳﺪ ﺍﺷﺒﻊ ﻣﻨﻬﺎ
ﻳﻌﻨﻲ ﻳﻮﺳﻒ ﺳﻮﻩ ﺷﻲ ﺑﻴﻮﻣﻬﺎ ﺧﻠﻪ ﺍﻟﻜﺎﻋﺪﻳﻦ ﺑﺎﻟﻘﺎﻋﺔ ﻛﻠﻬﺎ ﺗﺴﻮﻟﻒ ﻭﻫﺎﻱ ﺑﺎﻟﻌﻘﺪ ﺑﺎﻟﻌﺮﺱ ﺷﺮﺍﺡ ﻳﺴﻮﻱ
ﺑﻴﻮﻣﻬﺎ ﺣﺘﻰ ﺍﻧﻲ ﺷﻜﺪ ﻓﺮﺣﺖ ﻭﺿﺤﻜﺖ ﺍﺑﺪ ﻣﺎ ﺗﻜﺄﺑﺖ ﺍﻭ ﺿﺠﺖ ﺻﺎﺭﺕ ﺍﻟﺨﻄﻮﺑﺔ ﻭﻋﻘﺪ ﺍﻟﻘﺮﺍﻥ ﺷﻲ ﺷﻲ ﻳﺨﺒﻞ
ﺍﻟﺤﻤﺪﻟﻠﻪ ﺭﺑﻲ ﻭﺍﻟﺸﻜﺮ ﺑﺲ ﻣﺎ ﺍﻧﻜﺮ ﺍﻟﺨﻮﻑ ﺟﺎﻥ ﻣﺎﻟﻴﻨﻲ ﺑﺴﺒﺐ ﻓﻬﺪ ﺧﻔﺖ ﻳﺴﻮﻱ ﺷﻲ ﺍﻭ ﻳﺨﺮﺏ ﺍﻟﻌﻘﺪ ﻻﻥ ﺍﺩﺭﻱ ﺑﻲ ﻣﻴﻜﻌﺪ ﺭﺍﺣﺔ
ﺑﻌﺪﻫﺎ ﻓﻬﺪ ﻧﺰﻝ ﻳﻢ ﺍﻟﺰﻟﻢ ﺑﺎﻟﻘﺎﻋﺔ ﺍﻟﺠﻮﻩ ﺑﺲ ﻃﻠﻊ ﺍﻡ ﺍﻟﻲ ﺟﻲ ﺷﻐﻠﺘﻪ ﻋﺎﻟﺮﺩﺡ ﻭﺑﻠﺸﻦ ﺍﻟﺒﻨﺎﺕ ﺫﺑﻦ ﻟﺤﻢ ﺣﺘﻰ ﺻﺒﺎ ﺗﺨﺒﻠﺖ
ﺍﺟﺘﻲ ﻛﻮﻣﺘﻨﻲ ﺍﺭﻛﺺ ﺭﻛﺼﺖ ﺷﻮﻱ ﻭﻳﺎﻫﺎ ﻭﺭﺩﻳﺖ ﺩﺍﻛﻌﺪ ﻛﺎﻟﺖ ﻻ ﻟﺘﻜﻌﺪﻳﻦ ﺍﺭﻛﺼﻲ ﺍﻧﻲ ﺍﺭﻳﺪﺝ ﺗﺮﻛﺼﻴﻦ ﻛﺘﻠﻬﺎ ﻟﻴﺶ ﻛﺎﻟﺖ ﺑﻌﺪﻳﻦ ﺍﻛﻮﻟﺞ
ﺳﻮﻥ ﺩﺍﺋﺮﺓ ﻭﺧﻠﻨﻲ ﺑﺎﻟﻨﺺ ﻭﻛﻠﻬﻦ ﻳﺮﻛﺼﻦ ﻭﻳﺼﻔﻜﻠﻲ ﻭﺍﻧﻲ ﺑﻨﺼﻬﻦ ﺍﺭﻛﺺ ﺟﺎﻥ ﺷﻲ ﻛﻠﺶ ﺣﺒﻮ ﻭﻳﺨﺒﻞ
ﺧﻠﺼﺖ ﺍﻟﺤﻔﻠﻪ ﻭﺻﺎﺭ ﻻﺯﻡ ﻧﻄﻠﻊ ﻭﻳﻮﺳﻒ ﻛﺎﻝ ﻫﻢ ﻧﺮﻭﺡ ﺳﻮﻳﻪ ﺷﻮ ﻋﺪ ﺍﻟﻲ ﺭﻛﺒﻨﺎ ﻭﻛﻠﻤﻦ ﻃﻠﻊ ﺑﺴﻴﺎﺭﺗﻪ ﻭﺭﺍﺣﻮ
ﻳﻮﺳﻒ ﻏﻴﺮ ﻃﺮﻳﻖ ﺍﻟﺮﺟﻌﺔ ﻛﺘﻠﺔ ﻟﻴﺶ ﻛﺎﻝ ﺧﻠﻲ ﻧﻔﺘﺮ ﺷﻮﻱ ﻧﺤﺘﻔﻞ ﻭﺣﺪﻧﻪ ﻣﺎ ﻛﺪﺭﺕ ﺟﺎﻧﺖ ﺃﻣﺔ ﻣﺤﻤﺪ ﻛﻠﻬﺎ ﻣﻮﺟﻮﺩﻩ ﻛﺘﻠﺔ ﻋﺴﺎﺱ ﺍﻧﺘﻪ ﻗﺼﺮﺕ
ﺧﺎﺑﺮﺕ ﺻﺒﺎ ﻭﻛﺘﻠﻬﺎ ﻫﻴﺞ ﻭﻫﻴﺞ ﻭﺩﻳﺮﻱ ﺑﺎﻟﺞ ﻋﻠﻰ ﻣﺎﻣﺎ ﻛﻠﺶ ﺯﻳﻦ ﺑﻴﻦ ﻣﺎ ﺍﺟﻲ ﻭﻟﺘﺮﻭﺣﻴﻦ ﺍﺑﻘﻲ ﻋﻠﻤﺎ ﺍﺟﻲ ﻋﻠﻤﻮﺩ ﺗﻨﺘﺒﻬﻴﻦ ﻋﻠﻴﻬﺎ ﻻﻥ ﺑﺎﺟﻲ ﻫﺴﻪ ﺗﻌﺒﺎﻧﻪ ﻭﻣﺨﺒﻮﺻﺔ
ﻛﺎﻟﺖ ﺍﺻﻼ ﺍﻟﻴﻮﻡ ﺇﺑﺎﺕ ﻳﻤﺞ ﻛﺘﻠﻬﺎ ﺑﻌﺪ ﺍﺣﺴﻦ ﻭﻋﻠﻤﺘﻬﺎ ﺷﺴﻮﻱ ﻟﻤﺎﻣﺎ ﻭﺷﻨﻮ ﺗﻨﻄﻴﻬﺎ ﺩﻭﺓ ﻭﺗﺆﻛﻠﻬﺎ ﻭﻛﻤﻠﺖ ﻭﺳﺪﻳﺘﻪ
ﻫﻤﺰﻳﻦ ﺟﻨﺖ ﻻﺑﺴﻪ ﺟﺎﻛﻴﺖ ﻣﺎﻝ ﻋﺮﻭﺱ ﻓﻮﻙ ﺍﻟﻔﺴﺘﺎﻥ ﻻﻥ ﺟﺎﻥ ﺻﻠﻮﺥ ﺍﻓﺘﺮﻳﻨﻪ ﻭﻳﻮﺳﻒ ﻣﻄﻠﻊ ﺍﻏﺎﻧﻲ ﺃﻋﺮﺍﺱ ﻭﻳﺮﻛﺺ ﻭﻻﺯﻡ ﺍﻳﺪﻱ ﻛﺘﻠﻪ ﻣﺎ ﺗﻌﺒﺖ
ﻛﺎﻝ ﺍﺻﻼ ﺍﻟﻴﻮﻡ ﻛﻠﺶ ﻧﺸﻴﻂ ﺿﻠﻴﻨﻪ ﻧﻔﺘﺮ ﻣﺎ ﺧﻠﻴﻨﻪ ﺍﻟﻤﻨﺼﻮﺭ ﻓﺮﻉ ﻓﺮﻉ ﻋﺎﺩ ﺻﺎﺭ ﺍﻟﻠﻴﻞ ﻭﺗﻌﺸﻴﻨﺔ ﺭﺍﺩ ﻧﻨﺰﻝ ﻛﺘﻠﺔ ﻭﺍﻟﻠﻪ ﻣﺎ ﺍﻧﺰﻝ
ﻭﺍﻧﻲ ﻫﺬﺍ ﻭﺿﻌﻲ ﻋﺎﺩ ﺭﺍﺝ ﺟﺎﺏ ﺍﻛﻞ ﻭﺍﺟﺔ ﺗﻌﺸﻴﻨﻪ ﺑﺎﻟﺴﻴﺎﺭﻩ ﺧﻠﺼﻨﻪ ﻭﺭﺟﻌﻨﻪ ﻟﻠﺒﻴﺖ ﻭﻳﻮﺳﻒ ﻳﻜﻮﻝ ﻣﺎ ﺍﻛﺪﺭ ﺍﻓﺎﺭﻛﺞ ﻣﺎ ﺑﻴﻪ
ﻛﺘﻠﻪ ﻣﺎ ﺗﻌﺒﺖ ﻣﺎ ﻣﻠﻴﺖ ﻣﻦ ﺍﻟﻀﻬﺮ ﻟﺤﺪ ﺍﻻﻥ ﻣﻜﺎﺑﻠﻨﻲ ﻛﺎﻝ ﻟﻮ ﺑﻴﺪﻱ ﺍﺑﺎﺕ ﻳﻤﺞ ﻫﻢ ﻛﺘﻠﻪ ﻻ ﺍﻧﻲ ﺑﺲ ﺍﻭﺻﻞ ﺍﻧﺎﻡ ﻻﻥ ﺻﺮﺕ ﻓﺪﻧﻮﺏ
ﻛﺎﻝ ﻳﻤﻜﻦ ﻛﺒﻞ ﻣﺎ ﻳﺼﻴﺢ ﺍﻟﺪﻳﺞ ﺗﻠﻜﻴﻨﻲ ﻳﻤﺞ ﺿﺤﻜﺖ ﻋﻠﻴﻪ ﻭﺻﻠﻨﻪ ﻭﻣﺎ ﺭﺍﺡ ﺍﻻ ﻧﺰﻟﻨﻲ ﻭﻧﺰﻝ ﻭﻳﺎﻱ ﻭﻃﺒﺒﻨﻲ ﻟﻠﺒﻴﺖ ﺳﻠﻢ ﻭﻣﻦ ﻃﻠﻌﻨﻪ ﻣﺤﺪ ﻣﻮﺟﻮﺩ
بيج قصص عراقيه حقيقيه من واقعنا.روعه الطائي
ﻭﺟﺎﻥ ﻳﺤﺼﺮﻧﻲ ﻳﻢ ﺍﻟﺒﺎﺏ ﻭﻳﺒﻮﺳﻨﻲ ﺑﻜﻞ ﻗﻮﺗﻪ ﻭﺭﺍﺡ ﺍﺻﻄﻜﻴﺖ ﺑﻤﻜﺎﻧﻲ ﺷﻜﺪ ﺟﺮﻱﺀ
ﺭﻏﻢ ﻫﺎﻱ ﻣﻮ ﺍﻭﻝ ﻣﺮﻩ ﻳﻌﻨﻲ ﺟﻨﺖ ﻣﺰﻭﺟﺔ ﻭﻓﻬﺪ ﻣﻦ ﻳﺠﻲ ﻳﻤﻲ ﻭﻳﺮﻳﺪﻧﻲ ﻳﺒﻮﺳﻨﻲ ﺑﺲ ﻳﻮﺳﻒ ﻻﻥ ﻣﻤﺘﻌﻮﺩﻩ ﻋﻠﻴﻪ ﻭﻫﺎﻱ ﺍﻭﻝ ﻣﺮﺓ ﻭﻓﺸﻠﻪ ﺍﺳﺘﺤﻴﺖ
ﺭﺃﺳﺎ ﺭﺣﺖ ﻟﻤﺎﻣﺎ ﺍﺭﻛﺾ ﻟﻜﻴﺘﻬﺎ ﻣﺪﺩﻩ ﺑﻔﺮﺍﺷﻬﺎ ﻭﺗﻀﺤﻚ ﺑﻮﺳﺘﻬﺎ ﻭﻫﻴﻪ ﺷﺎﺑﻜﺔ ﺍﻳﺪﻳﻪ ﻭﺗﺮﻳﺪ ﺑﺲ ﺗﺤﺠﻲ ﻣﻜﻴﻔﺔ
ﺑﻌﺪ ﻣﺎ ﺧﻠﺼﺖ ﻛﻠﺶ ﺟﻮﻩ ﺻﻌﺪﺕ ﺳﺒﺤﺖ ﺭﺃﺳﺎ ﻭﻃﻠﻌﺖ ﻟﻜﻴﺖ ﺻﺒﺎ ﻛﺎﻋﺪﻩ ﻭﻣﺴﻮﻳﻪ ﺳﻬﺮﻩ
ﻛﺘﻠﻬﺎ ﺍﻧﻲ ﻛﻤﺖ ﺍﺷﻮﻓﺞ ﺍﺭﺑﻌﻪ ﻭﺍﻧﺘﻲ ﻣﺴﻮﻳﻪ ﺳﻬﺮﻩ ﺿﺤﻜﺖ ﻛﺎﻟﺖ ﻳﻤﻌﻮﺩﻩ ﺗﻌﺎﻱ ﻧﺴﻮﻟﻒ
ﻛﻌﺪﺕ ﻟﺨﺎﻃﺮﻫﺎ ﺷﻮﻱ ﻭﻛﺎﻣﺖ ﺗﺴﻮﻟﻒ ﺗﻤﻮﻝ ﻟﺘﺸﻮﻓﻴﻦ ﺍﻟﻨﺴﻮﺍﻥ ﺷﺴﻮﻥ ﻛﺘﻠﻬﺎ ﻣﻨﻮ ﻛﺎﻟﺖ ﻛﺮﺍﻳﺒﻨﻪ ﻭﻛﺮﺍﻳﺐ ﻳﻮﺳﻒ
ﻭﺑﺎﻟﺬﺍﺕ ﻛﺮﺍﻳﺒﻨﻪ ﻛﺘﻠﻬﺎ ﺷﺒﻴﻬﻦ ﻛﺎﻟﺖ ﺍﺷﻜﺎﻝ ﺣﺠﻦ ﻛﺎﻟﻦ ﺑﺎﻟﻠﻪ ﺷﻠﻮﻥ ﺣﻆ ﻳﺮﺑﻲ ﻫﻢ ﺍﻛﻮ ﻭﺣﺪﻫﺎ ﻋﺪﻫﺎ ﻣﺜﻠﻬﺎ
ﺭﺍﺣﺖ ﻓﺼﻠﻴﻪ ﻭﺍﻃﻠﻜﺖ ﻭﺃﺧﺬﺕ ﻭﺍﺣﺪ ﻳﻌﺎﺩﻝ ﺷﺒﺎﺏ ﺑﻐﺪﺍﺩ ﻛﻠﻬﺎ ﻛﺘﻠﻬﺎ ﺍﻋﻮﺫ ﺑﺎﻟﻠﻪ ﺭﺩﺕ ﻛﺎﻟﺖ ﻣﻦ ﺍﺟﻴﺖ ﺟﺎﻳﺒﻪ ﺧﺎﻟﻪ
ﻭﺍﻣﻲ ﻟﺒﺴﺘﺞ ﺍﻟﺤﺰﺍﻡ ﺍﻟﻲ ﺟﺎﻳﺒﺘﻪ ﺍﻣﺞ ﻛﻮﻟﻬﺎ ﺗﻜﻮﻝ ﺍَﻱ ﻋﻴﻨﻲ ﺷﻮﻓﻲ ﺑﺨﺖ ﻫﺎﻱ ﻫﺪﻳﻪ ﻋﻘﺪ ﺍﻟﻘﺮﺍﻥ ﻫﻴﺞ ﻟﻌﺪ ﺑﺎﻟﻌﺮﺱ ﺷﻠﻮﻥ
ﻳﻤﻜﻦ ﺭﺍﺡ ﺗﺎﺛﺚ ﺍﻟﺒﻴﺖ ﺍﻟﻬﺎ ﻟﻮ ﺗﺸﺘﺮﻳﻠﻬﺎ ﺑﻴﺖ ﻭﺍﻟﻠﻪ ﻭﺍﻋﻠﻢ ﺷﺮﺍﺡ ﺍﺳﻮﻳﻠﻬﺎ ﺑﻌﺪ ﻛﺘﻠﻬﺎ ﻋﻮﺫﻩ ﻫﻨﻪ ﻣﺘﺨﺒﻼﺕ ﻭﻣﺨﻠﻴﺎﺕ ﻋﻴﻨﻬﻦ
ﻋﻠﻰ ﻫﺎﻱ ﺍﻟﺴﻮﺍﻟﻒ ﻭﻣﻦ ﺭﺣﺖ ﻓﺼﻠﻴﻪ ﻭﺍﺗﻌﺬﺑﺖ ﻭﻭﺻﻠﺖ ﻟﻠﻤﻮﺕ ﻣﺎ ﺣﺠﻦ ﻭﻛﺎﻟﻦ ﺍﻟﻠﻪ ﻭﺃﻛﺒﺮ ﻋﻠﻴﻬﻦ
ﺿﻠﻴﻨﻪ ﻧﺴﻮﻟﻒ ﺍﺧﺮ ﺷﻲ ﻧﻤﺖ ﺍﻧﻲ ﻭﺍﺣﺠﻲ ﻭﻳﻪ ﺻﺒﺎ ﻭﺍﻟﺘﻴﻠﻔﻮﻥ ﻳﺪﻙ ﻭﺗﺠﻴﻨﻲ ﺭﺳﺎﻳﻞ ﻣﻦ ﻳﻮﺳﻒ
ﺑﺲ ﻣﺎ ﺑﻴﻪ ﺍﻓﺘﺢ ﻋﻴﻮﻧﻲ ﻋﺎﺩ ﻣﻮ ﺍﻛﻌﺪ ﺍﺣﺠﻲ ﻭَﻳَﺎ ﺛﺎﻧﻲ ﻳﻮﻡ ﺭﺣﺖ ﻟﻠﻜﻠﻴﻪ ﻭﺻﺪﻳﻘﺎﺗﻲ ﻃﺎﺷﺎﺕ ﺍﻟﺨﺒﺮ ﺑﺎﻟﻜﻠﻴﻪ ﻭﻛﻠﻬﺎ ﺗﺒﺎﺭﻙ ﻭﺗﻜﻮﻝ ﺟﺎﻥ ﻋﺰﻣﺘﻲ ﻭﺍﻟﻲ ﻫﻢ
ﻛﺎﻟﺖ ﻋﻴﻨﻲ ﺷﻠﻮﻥ ﺣﻆ ﺍﺧﺬﺗﻲ ﺍﺣﻠﻰ ﺿﺎﺑﻂ ﻛﻮﻣﺔ ﺣﺠﻲ ﺧﻠﺺ ﺍﻟﻴﻮﻡ ﻭﻳﻮﺳﻒ ﻳﺎ ﻣﺨﺎﺑﺮ ﻳﺎ ﺩﺍﺯ ﺭﺳﺎﻟﻪ ﺍﺧﺮ ﺷﻲ ﺍﺟﺎﻧﻲ ﻣﻦ ﺩﺍﻃﻠﻊ ﻣﻦ ﺍﻟﻜﻠﻴﻪ ﻭﻃﻠﻌﻨﻪ ﺳﻮﻩ
ﺗﻐﺪﻳﻨﻪ ﻭﺳﻮﺍﻟﻒ ﻭﻏﻴﺮﻫﺎ ﻭﺭﺟﻌﻨﺎ ﻟﻠﺒﻴﺖ ﺑﻘﻰ ﻳﻤﻨﻪ ﻟﻠﻌﺼﺮ ﻭﻛﻌﺪﻧﺎ ﻧﺨﻄﻂ ﻋﺎﻟﺒﻴﺖ ﻛﺎﻝ ﺍﺷﺘﺮﻱ ﻣﺎ ﺃﺍﺟﺮ ﻭﺿﻠﻴﻨﻪ ﻧﺴﻮﻟﻒ ﺑﻴﺎ ﻣﻨﻄﻘﻪ ﻧﻜﻌﺪ
ﻭﺍﺗﻔﺎﻗﻨﻪ ﺟﺎﻥ ﺍﺧﺬ ﻣﺎﻣﺎ ﻭﻳﺎﻱ ﻭﻫﻮ ﺍﺻﻼ ﻗﺒﻞ ﻭﻛﺎﻝ ﺍﻧﻲ ﻫﻢ ﻛﻠﺖ ﺭﺩﺕ ﺑﻴﺖ ﺑﺎﻟﻜﺮﺍﺩﻩ ﻭﻗﺮﻳﺐ ﻋﻠﻰ ﺑﻴﺘﻨﻪ ﻋﻠﻤﻮﺩ ﺑﺎﺟﻲ ﻭﺟﺪﻭ
ﺑﺲ ﻣﺎﻛﻮ ﻛﺎﻝ ﺍﺣﺎﻭﻝ ﺍﻟﻜﻲ ﺑﺎﻷﻓﺮﻉ ﺍﻟﻤﺠﺎﻭﺭﺓ ﻭﺍﺫﺍ ﻣﺎﻛﻮ ﺍﺷﻮﻑ ﺑﺎﻟﻜﺮﺍﺩﻩ ﻛﻠﻬﺎ
ﻣﻦ ﺻﺎﺭ ﻭﻛﺖ ﺭﻭﺣﺘﻪ ﻛﺎﻝ ﻣﺎ ﺍﻛﺪﺭ ﺍﻋﻮﻓﺞ
ﻛﺘﻠﻪ ﺍﻧﺘﻪ ﻻ ﺿَﻞ ﻳﻮﻣﻴﻪ ﺟﺎﻱ ﻟﻮ ﺍﻟﺘﻴﻠﻔﻮﻥ ﻣﻴﺴﻜﺖ ﻋﻨﺪﻱ ﻛﻮﻣﺔ ﺷﻐﻞ ﺩﺭﺍﺳﺘﻲ ﻭﺍﻣﻲ ﻭﺍﻟﺒﻨﺎﺀ ﻭﺍﻫﻤﻬﺎ ﺩﺭﺍﺳﺘﻲ
ﻣﺎ ﺍﺭﻳﺪ ﺃﺭﺳﺐ ﻛﺎﻝ ﺑﺰﻋﻞ ﻣﺼﻄﻨﻊ ﻳﻌﻨﻲ ﺗﻄﺮﺩﻳﻨﻲ ﻛﺘﻠﻪ ﻻ ﻣﻮ ﻫﻴﺞ ﻗﺼﺪﻱ ﺑﺲ ﺍﻧﻲ ﻫﻢ ﻋﻨﺪﻱ ﺍﻟﺘﺰﺍﻣﺎﺕ ﻭﺍﺫﺍ ﺿﻠﻴﻨﻪ ﻫﻴﺞ ﻟﻐﺪ ﺃﻋﻴﺪ ﺍﻟﺴﻨﻪ
ﻛﺎﻝ ﺍﻧﺸﺎﻟﻠﻪ ﺍﺣﺎﻭﻝ ﺍﻗﻠﻞ ﻣﺨﺎﺑﺮﺕ ﻭﺟﻴﺎﺗﻲ ﺟﻨﻪ ﻭﺣﺪﻧﺔ ﺑﺎﻻﺳﺘﻘﺒﺎﻝ ﻭﺭﺟﻊ ﺑﺎﺳﻨﻲ ﻭﻣﻦ ﺷﻔﺘﻲ ﻳﻤﺔ ﺧﺮﺏ ﻳﻮﻣﺔ ﻣﺘﺖ ﺣﺘﻰ ﻫﻮ ﻛﺎﻝ
ﺍﻧﻲ ﺻﺮﺕ ﺯﻭﺟﺞ ﻟﻴﺶ ﺍﻟﻤﺴﺘﺤﻰ ﻭﺧﺪﻭﺩﺝ ﺭﺍﺡ ﻃﻚ ﺿﺮﺑﺘﻪ ﻋﻠﻰ ﻛﺘﻔﺔ ﻛﺘﻠﻪ ﻋﻴﺐ ﺧﻠﻲ ﺃﺗﻌﻮﺩ ﻋﻠﻴﻚ ﻳﻠﻪ ﻋﻮﺩ ﺗﺎﺧﺬ ﺭﺍﺣﺘﻚ
ﺳﻠﻢ ﻭﺭﺍﺡ ﺻﻌﺪﺕ ﻟﻜﻴﺖ ﺧﺎﻟﻪ ﺍﻡ ﻋﻠﻲ ﻣﺘﺼﻠﺔ ﺧﺎﺑﺮﺕ ﻋﻠﻴﻬﺎ ﻭﺳﻠﻤﺖ ﻭﺑﺎﺭﻛﺘﻠﻲ ﻭﻛﺎﻟﺖ ﺷﻜﺪ ﺭﺩﺕ ﺍﺣﻀﺮ ﺍﻟﺤﻔﻠﺔ ﺑﺲ ﺍﻧﺸﺎﻟﻠﻪ ﻋﻠﻰ ﺍﻟﻌﺮﺱ ﻛﺘﻠﻬﺎ ﺍﻣﻴﻦ ﺿﻠﻴﻨﻪ ﻧﺤﺠﻲ ﻭﻧﺴﻮﻟﻒ ﻭﻛﺘﻠﻬﺎ ﻭﺍﻟﻠﻪ ﺍﻳﺪﻱ ﻋﻠﻰ ﻛﻠﺒﻲ ﺧﻔﺖ ﻣﻦ ﻓﻬﺪ ﻻ ﻳﺨﺮﺏ ﺍﻻﻭﻝ ﻭﺍﻟﺘﺎﻟﻲ ﻻﻥ ﻫﻮ ﺻﺎﺭ ﺍﺧﺘﺼﺎﺻﻪ ﺗﺨﺮﻳﺐ ﻭﻛﻠﺖ ﺑﺲ ﻻ ﻳﺘﻬﻮﺭ ﻭﻳﺠﻲ ﻳﺴﻮﻱ ﺷﻲ ﻭﻳﺘﻼﻛﻮﻥ ﻫﻮ ﻭﻳﻮﺳﻒ
ﻛﺎﻟﺖ ﻻ ﻋﻴﻨﻲ ﺍﺻﻼ ﻫﻮ ﺑﻴﻮﻡ ﺍﻟﻌﻘﺪ ﺟﺎﻥ ﻧﺎﻳﻢ ﺑﺎﻟﻤﺴﺘﺸﻔﻰ ﻛﺘﻠﻬﺎ ﺑﺘﻔﺎﺣﺊ ﺧﻴﺮ ﻟﻴﺶ ﻛﺎﻟﺖ ﻣﻮ ﻫﻮ ﻣﻮ ﻋﻨﺪﻩ ﺟﻔﺎﻑ ﻭﺃﺑﺪ ﻣﺪﻳﺎﻛﻞ ﺍﻭ ﻳﺸﺮﺏ ﻭﻣﻨﺘﻬﻲ ﺿﻌﻔﺎﻥ ﻛﻠﺶ
ﻭﺭﺍﻳﺢ ﻟﻠﺒﻴﺖ ﺻﺎﻋﺪ ﻧﺎﻳﻢ ﻟﻠﻤﻐﺮﺏ ﻣﺎ ﻧﺎﺯﻝ ﻭﺍﻫﻠﻪ ﻋﺎﻳﻔﻲ ﻣﺎ ﺻﺎﻋﺪﻳﻦ ﻣﻜﻌﺪﻱ ﻭﺳﻬﻴﻠﻪ ﻣﻤﻨﻮﻉ ﻃﺐ ﻟﻠﻐﺮﻓﻪ ﺣﺘﻰ ﻟﻮ ﺗﺸﻮﻓﻬﺎ ﻣﺤﺘﺮﻛﺔ ﻭﺑﺎﻗﻲ ﻫﻮ ﺛﺎﺭﻱ ﻣﺘﺨﺮﺑﻂ ﻭﻭﺍﻛﻊ ﻭﻓﺎﻗﺪ ﺍﻟﻮﻋﻲ ﻻﻥ ﺿﺎﻝ ﻣﺤﺪ ﻳﻤﺔ ﻭﻫﻤﺔ ﻋﺒﺎﻟﻬﻢ ﻧﺎﻳﻢ ﻭﻣﺤﺪ ﺻﺎﻋﺪﻟﺔ
ﺗﺎﻟﻲ ﻋﺎﻟﻌﺸﺔ ﺻﺎﻋﺪﻩ ﻫﻨﺎﺀ ﺗﺼﻴﺤﺔ ﻭﻛﺎﻳﻤﻪ ﺗﻌﻴﻂ ﺻﺎﻋﺪﻳﻦ ﻳﺮﻛﻀﻮﻥ ﻻﻛﻲ ﻭﺍﻛﻊ ﻭﻓﺎﻗﺪ ﺷﺎﻳﻠﻲ ﻭﻃﺎﻟﻌﻴﻦ ﺑﻲ ﻟﻠﻤﺴﺘﺸﻔﻰ
ﺫﺍﺑﻲ ﺑﺎﻟﻄﻮﺍﺭﺉ ﻭﺍﻟﺪﻛﺘﻮﺭ ﻛﺎﻳﻞ ﺍﻟﻬﻢ ﻧﺴﺒﻪ ﺍﻟﺠﻔﺎﻑ ﺻﺎﻳﺮﻩ ﻛﻠﺶ ﻋﺎﻟﻴﻪ ﻋﺪﻩ
ﻭﺿﻞ ٣ ﺍﻳّﺎﻡ ﺑﺎﻟﻤﺴﺘﺸﻔﻰ ﻭﻫﺴﻪ ﻻ ﺗﺸﻮﻓﻴﻦ ﺣﺎﻟﻪ ﻛﻠﺶ ﺗﻌﺒﺎﻥ ﻭﻣﺮﻳﺾ ﻭﺳﻬﻴﻠﻪ ﺗﺮﻳﺪ ﺩﺍ ﻱ ﻭﻫﻮ ﻣﻴﻘﺒﻞ
ﻭﺍﻧﻮﺍﺏ ﻳﺠﻲ ﻳﻤﻲ ﻭﻳﺸﻜﻴﻠﻲ ﻭﻟﺘﺸﻮﻓﻲ ﺷﺼﺎﻳﺮ ﻛﺘﻠﻬﺎ ﺭﻏﻢ ﺍﻟﻲ ﺳﻮﺍﻩ ﺑﻴﺔ ﺑﺲ ﻣﺎ ﺍﺗﺸﻤﺖ ﺑﻲ ﻻ ﺣﺮﺍﻡ ﻋﻠﻴﻪ ﻭﺍﻟﻠﻪ ﻻ ﻭﻓﻘﻨﻲ ﺍﺫﺍ ﺍﺗﺸﻤﺖ ﺑﺲ ﺍﻟﻠﻪ ﻳﻜﻮﻥ ﺑﻌﻮﻧﻪ ﻭﻳﺸﺎﻓﻲ ﻛﺎﻟﺖ ﺍﻣﻴﻦ
ﻛﺎﻟﺖ ﺳﻬﻴﻠﻪ ﻣﺼﻮﺭﻩ ﻭﻃﺎﻟﻊ ﺑﻴﻬﺎ ﺑﻨﻴﻪ ﻭﺍﻟﺸﻴﺨﺔ ﻭﺍﻡ ﻓﻬﺪ ﻛﺎﻳﻼﺕ ﺍﻟﻬﺎ ﻛﺒﺮ ﺍﻟﻔﺼﻠﻴﻪ ﺣﺒﻠﺖ ﺑﺘﻮﻡ ﻭﺛﻨﻴﻨﻬﻢ ﻭﻟﺪ ﺍﻻ ﺍﻧﺘﻲ ﺟﻨﺞ ﺛﻮﺭ ﻭﺣﺒﻼﻧﻪ ﺑﺒﻨﻴﻪ
ﻛﺘﻠﻬﺎ ﻃﺎﺡ ﺣﻀﻬﻦ ﻭﻛﺒﺮ ﻟﻔﻬﻦ ﻟﻴﺶ ﺷﺒﻴﻬﺎ ﺍﻟﺒﻨﻴﻪ ﻣﻮ ﺗﺨﺒﻞ ﺍﺻﻼ ﺍﻟﺒﻨﻴﻪ ﻧﻌﻤﺔ ﻭﺑﻌﺪﻳﻦ ﻫﻲ ﻣﻮ ﺧﻠﻔﺘﻬﻢ ﻟﻴﺶ ﻳﺤﺠﻮﻥ ﻋﻠﻴﻬﺎ ﻣﻴﺨﺎﻓﻦ ﻣﻦ ﺍﻟﻠﻪ
ﻻ ﻳﻄﻠﻊ ﺷﻲ ﺑﺎﻟﻄﻔﻠﺔ ﻳﻌﻨﻲ ﻭﺍﺫﺍ ﻣﺎ ﺟﺎﺑﺖ ﻭﻟﺪ ﺷﻨﻮ ﺍﻟﻲ ﻳﺼﻴﺮ ﺗﻨﻜﻠﺐ ﺍﻟﺪﻧﻴﺎ ﻛﺎﻟﺖ ﻏﻴﺮ ﻫﺬﺍ ﺗﻔﻜﻴﺮﻫﻦ
ﺿﻠﻴﻨﻪ ﻧﺤﺠﻲ ﻭﺧﻠﺼﻨﻪ ﻭﺗﻮﺍﻋﺪﻋﻨﻪ ﻭﺳﺪﻳﺘﻪ
ﻣﺸﺖ ﺍﻷﻳﺎﻡ ﻭﻧﻔﺲ ﺍﻟﺮﻭﺗﻴﻦ ﻳﻮﺳﻒ ﻭﺍﻟﺒﻨﺎﺀ ﻭﺍﻟﻜﻠﻴﻪ ﻭﻃﻠﻌﺎﺗﻨﻪ ﻭﺍﻟﻬﺪﺍﻳﺎ ﺍﻟﻲ ﻏﺮﻛﻨﻲ ﺑﻴﻬﺎ
ﻭﻣﺎﻣﺎ ﻭﻋﻼﺟﻬﺎ ﺍﻟﻔﻴﺰﻳﺎﺋﻲ ﻣﺴﺘﻤﺮﻩ ﺑﻲ ﻭﻋﻼﺟﺎﺗﻬﺎ ﻭﻛﻠﺸﻲ ﻳﺨﺼﻬﺎ ﻣﻬﺘﻤﺔ ﺑﻲ
ﻭﻫﻴﻪ ﻫﻢ ﺑﺪﺕ ﺗﺘﺤﺴﻦ ﺷﻮﻱ ﺷﻮﻱ ﻭﺻﺎﺭ ﻓﺮﻕ ﺟﺒﻴﺮ ﺑﻴﻦ ﻗﺒﻞ ﻭﻫﺴﻪ
ﻟﺤﺪ ﻣﺎ ﺑﻴﻮﻡ ﺭﺟﻌﺖ ﻟﻠﺒﻴﺖ ﻣﻦ ﺍﻟﻜﻠﻴﻪ ﻭﻟﻜﻴﺖ ﺑﺎﺟﻲ ﺗﺒﺠﻲ ﺭﺣﺖ ﺍﺭﻛﺾ ﻛﺘﻠﻬﺎ ﺷﺒﻴﺞ ﻋﺒﺎﻟﻲ ﻣﺎﻣﺎ ﺍﻭ ﺟﺪﻭ ﺑﻴﻬﻢ ﺷﻲ
ﺗﺒﺠﻲ ﻭﻣﺎ ﺑﻴﻬﺎ ﺗﺤﺠﻲ ﺭﺣﺖ ﺍﺭﻛﺾ ﻣﺎﻣﺎ ﻛﺎﻋﺪﻩ ﻭﻓﺮﺣﺎﻧﻪ ﺑﺎﻟﺼﺎﻟﻪ ﺟﺪﻭ ﻧﺎﻳﻢ ﺭﺣﺖ ﻋﻠﻴﻬﺎ ﻛﺘﻠﻬﺎ ﺑﺎﺟﻲ ﻣﻮ ﻣﻮﺗﻴﻨﻲ ﻛﻮﻟﻲ ﺷﻜﻮ ﺷﺒﻴﺞ
ﻛﻮﺓ ﻛﺪﺭﺕ ﺗﻨﻄﻖ ﻭﺗﻜﻮﻝ ﺍﻣﺞ ﺗﺤﺮﻛﺖ ﻭﻣﺸﺖ ﻭﺣﺪﻫﺎ ﺍﻟﻴﻮﻡ ﻣﻌﻘﻮﻟﻪ ﻣﺎ ﺻﺪﻛﺖ ﻛﺘﻠﻬﺎ ﻻ ﺑﺮﺑﺞ ﺍﺣﻠﻔﻲ ﺻﺪﻙ
ﻛﺎﻟﺖ ﺍَﻱ ﻭﺍﻟﻠﻪ ﻛﻌﺪﺕ ﻟﻠﻜﺎﻉ ﺍﺑﺠﻲ ﻓﺮﺣﺎﻧﻪ ﺭﺩﻳﺖ ﺭﺣﺖ ﻋﻠﻰ ﻣﺎﻣﺎ ﻭﻫﻴﻪ ﻋﻴﻮﻧﻬﺎ ﺗﻠﻤﻊ ﻣﺪﻣﻌﻪ ﻭﺗﻀﺤﻚ ﺣﺮﺕ ﻣﻨﻴﻦ ﺍﺑﻮﺳﻬﺎ ﻭﺍﺑﺠﻲ ﻣﺎ ﻣﺼﺪﻛﺔ
ﻭﻛﺘﻠﻬﺎ ﻛﻮﻣﻲ ﺷﻮﻓﻴﻨﻲ ﺍﺭﻳﺪ ﺍﺻﺪﻙ ﻛﺎﻣﺖ ﻋﻠﻰ ﻛﻴﻔﻬﺎ ﻭﺑﻌﺪﻫﺎ ﻣﺜﻞ ﺍﻟﻄﻔﻞ ﺗﻮﻩ ﻣﺘﻌﻠﻢ ﻳﻤﺸﻲ
ﻳﺮﺑﻲ ﻃﺮﺕ ﺣﺮﺕ ﺷﻨﻮ ﺍﺳﻮﻱ ﻛﻌﺪﺗﻬﺎ ﻭﺩﻧﻜﺖ ﺣﺘﻰ ﻋﻠﻰ ﺭﺟﻠﻴﻬﺎ ﺍﺑﻮﺳﻬﻦ ﺳﺤﺒﺘﻬﻦ ﻭﻣﻘﺒﻠﺖ ﺿﻠﻴﺖ ﺭﺑﻊ ﺳﺎﻋﻪ ﺣﺎﺿﻨﺘﻬﺎ ﻭﺍﺑﺠﻲ ﻣﺎ ﻣﺼﺪﻛﺔ
ﺑﺲ ﺻﺎﺭ ﺍﻟﻌﺼﺮ ﺍﺧﺬﺗﻬﺎ ﻟﻠﺪﻛﺘﻮﺭ ﻭﺑﺸﺮﺗﻪ ﻭﻛﺎﻝ ﻫﺎﻱ ﺧﻮﺵ ﺧﻄﻮﻩ ﺑﻤﻌﻨﻰ ﺍﻧﻮ ﺑﺪﺕ ﺗﺘﺸﺎﻓﻪ ﺑﺄﺳﺮﻉ ﻭﻗﺖ ﻭﻏﻴﺮ ﺍﻟﻬﺎ ﻛﻢ ﻋﻼﺝ
ﻃﻠﻌﻨﻪ ﻣﻦ ﺍﻟﻌﻴﺎﺩﺓ ﻭﺧﺎﺑﺮﻧﻲ ﻳﻮﺳﻒ ﻭﺑﺸﺮﺗﻪ ﻭﺷﻜﺪ ﻓﺮﺡ ﺍﻟﻬﺎ ﻛﻴﻒ
ﺑﻌﺪﻫﺎ ﻓﺮﻳﺘﻬﺎ ﺷﻮﻱ ﻋﻠﻤﻮﺩ ﻧﻔﺴﻴﺘﻬﺎ ﻭﺭﺟﻌﻨﻪ ﻟﻠﺒﻴﺖ
ﻳﺘﺒﻊ ......
ﻏﻠﺴﻮ ﻋﺎﻟﺴﺤﻚ ﺑﺪﻭﻥ ﻣﺮﺍﺟﻌﻪ
#فصلية_لظالم_وحش
بارت٣٩
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ( ﻭﺣﺶ )
ﺑﻘﻠﻤﻲ ﺳﻘﻴﻦ ﺍﻟﺸﻤﺮﻱ
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
...............
ﺭﺟﻌﻨﻪ ﻟﻠﺒﻴﺖ ﻭﺍﻧﻲ ﻓﺮﺣﺎﻧﻪ ﻭﻃﺎﻳﺮﻩ ﻣﻦ ﺍﻟﻔﺮﺡ ﻭﻟﻜﻴﺖ ﺑﻴﺖ ﺧﻮﺍﻟﻲ ﻭﺧﺎﻟﺘﻲ ﻛﻠﻬﻢ ﻣﻮﺟﻮﺩﻳﻦ ﻭﻣﺴﻮﻳﻦ ﺍﺣﺘﻔﺎﻝ ﻋﻠﻤﻮﺩ ﻣﺎﻣﺎ
ﺑﺎﺟﻲ ﻭﺧﺎﻟﻪ ﺍﺻﺮﻭ ﺍﺧﺎﺑﺮ ﻳﻮﺳﻒ ﻳﺠﻲ ﻳﺤﺘﻔﻞ ﻭﻳﺎﻧﻪ ﻭﻓﻌﻼ ﺧﺎﺑﺮﺗﻪ ﻭﻫﻮ ﻣﺎ ﺻﺪﻙ
ﺻﻌﺪﺕ ﻟﺒﺴﺖ ﻓﺴﺘﺎﻥ ﻻ ﻫﻮ ﻃﻮﻳﻞ ﻭﻻ ﻫﻮ ﻗﺼﻴﺮ ﻭﻧﺺ ﺭﺩﻥ ﻛﻠﺶ ﺣﻠﻮ ﻭﺷﻌﺮﻱ ﻫﻮ ﻣﺸﺴﻮﺭ ﻭﻣﻜﻴﺎﺝ ﺧﻔﻴﻒ ﻣﺨﻠﻴﻪ ﺑﺲ ﻃﻮﺧﺖ ﺍﻟﺤﻤﺮﺓ ﻭﻧﺰﻟﺖ
ﺟﺎﻥ ﻣﺼﻄﻔﻰ ﻣﻤﻮﺟﻮﺩ ﺷﻮﻱ ﻭﺃﺟﺎ ﻳﻮﺳﻒ ﺗﻔﺎﺟﺄ ﻣﻦ ﺷﺎﻓﻨﻲ ﻫﻴﺞ ﻻﺑﺴﻪ ﻭﻛﺎﻋﺪ ﻳﻤﻲ ﻭﻳﻜﺮﺹ ﻭﺍﻧﻮﺏ ﻳﻜﻮﻝ ﺿﺠﺖ
ﻛﺘﻠﺔ ﻟﻴﺶ ﻳﻜﻮﻝ ﻻﺑﺴﻪ ﻫﻴﺞ ﻭﺍﻧﻲ ﺃﻏﺎﺭ ﻛﺘﻠﺔ ﻣﺤﺪ ﻣﻮﺟﻮﺩ ﻛﺎﻝ ﺧﻮﺍﻟﺞ ﻣﻮﺟﻮﺩﻳﻦ ﻛﺘﻠﺔ ﺫﻭﻟﺔ ﺑﻤﺜﺎﺑﻪ ﺑﺎﺑﺎ ﻛﺎﻝ ﺣﺘﻰ ﻟﻮ ﺃﻏﺎﺭ
ﻛﺘﻠﺔ ﺍﻧﻲ ﻫﺬﺍ ﻟﺒﺴﻲ ﻭﺷﻔﺘﻨﻲ ﺍﻧﺘﻪ ﻣﺎ ﺃﻟﺒﺴﻪ ﺑﺮﻩ ﺑﺲ ﺑﺎﻟﺒﻴﺖ ﻳﻢ ﻋﺎﺋﻠﺘﻲ ﺍﻭ ﺍﻟﺤﻔﻼﺕ ﺍﻟﻌﺎﺋﻠﻴﺔ ﺍﻭ ﺑﺲ ﻧﺴﻮﺍﻥ
ﺍﺣﺘﻔﻠﻨﻪ ﻭﻣﺎﻣﺎ ﻗﻄﻌﺖ ﺍﻟﻜﻴﻜﺔ ﻭﺭﻛﺼﻨﺔ ﻭﺷﺒﻌﻨﻪ ﺳﻮﺍﻟﻒ ﻭﺿﺤﻚ ﻭﺧﻠﺺ ﺍﻟﻠﻴﻞ ﻭﻳﻮﺳﻒ ﻛﻮﺓ ﺭﺍﺡ
ﺛﺎﻧﻲ ﻳﻮﻡ ﺭﺣﺖ ﻟﻠﻜﻠﻴﺔ ﻭﺑﺎﻟﺮﺟﻌﺔ ﻣﺮﻳﺖ ﻋﺎﻟﺒﻨﺎﺀ ﺯﻳﻦ ﺧﻮﺵ ﻣﺸﻴﻪ ﺑﺎﻟﺒﻨﺎﺀ ﻣﺎﺷﻴﻦ ﺍﻟﻤﻘﺎﻭﻝ ﻛﺎﻝ ﺍﻧﺸﺎﻟﻠﻪ ﺷﻬﺮ ﻭﻧﺺ ﺷﻬﺮﻳﻦ ﺍﺳﻠﻤﺞ ﺍﻟﻤﻔﺎﺗﻴﺢ
ﺿﻠﻴﺖ ﻋﻠﻰ ﺗﻮﺍﺻﻞ ﻭﻳﺔ ﺍﻡ ﻋﻠﻲ ﻭﻓﻬﺪ ﺻﺎﺭ ﺯﻳﻦ ﻭﻳﻮﺳﻒ ﻭﻳﺎﻱ ﻭﻳﺎﻱ ﻭﻳﻮﻣﻴﺔ ﻫﺪﻳﻪ
ﺣﺎﻭﻝ ﺑﻘﺪﺭ ﺍﺳﺘﻄﺎﻋﺘﻪ ﺍﻧﻮ ﻳﺨﻠﻴﻨﻲ ﺍﺣﺒﻪ ﺍﻧﻲ ﺍﻭﻝ ﻓﺘﺮﻩ ﺟﻨﺖ ﻣﺎ ﻣﺘﺄﻣﻠﺔ ﻭﻛﻠﺖ ﻭﻳﺔ ﺍﻷﻳﺎﻡ ﺍﺷﻮﻑ
ﻭﺑﻌﺪﻫﺎ ﻛﻤﺖ ﺃﺗﻌﻮﺩ ﻋﻠﻴﻪ ﺑﺪﻳﺖ ﺍﺣﺒﻪ ﺷﻮﻱ ﻛﻤﺖ ﺃﺗﻌﺮﻑ ﻋﻠﻴﻪ ﺷﻮﻳﻪ ﺑﺲ ﻣﻮ ﻛﻞ ﺍﻣﻮﺭﻩ ﻳﻌﻨﻲ
ﻛﺎﻡ ﻳﺎﺧﺬﻧﻲ ﻟﺒﻴﺖ ﺃﻫﻠﻪ ﻭﻳﻌﺮﻓﻨﻲ ﻋﻠﻴﻬﻢ ﻭﻋﻠﻰ ﻃﺒﻴﻌﺘﻬﻢ ﻭﺍﺣﺪ ﻭﺍﺣﺪ ﺣﻤﺎﺗﻲ ﺯﻳﻨﻪ ﻭﺣﺒﺎﺑﻪ ﻣﺎ ﺷﻔﺖ ﻣﻨﻬﺎ ﺷﻲ
ﻭﺣﻤﺎﻳﺔ ﻛﻠﺶ ﻣﺮﺡ ﻭﻭﺩﻭﺩ ﻭﻋﻤﻲ ﺧﻮﺵ ﺭﺟﺎﻝ ﻭﻳﺤﺐ ﻳﻀﺤﻚ ﻭﻳﺴﻮﻟﻒ ﺍﺟﺘﻤﺎﻋﻲ ﻭﻋﻤﺘﻲ ﻫﻢ ﻣﺎ ﺷﻔﺖ ﻣﻨﻬﺎ ﺷﻲ
ﺭﻏﻢ ﺃﺷﻴﺎﺀ ﻣﺎ ﺟﺎﻧﺖ ﺗﺤﺒﻬﺎ ﺑﻴﻪ ﺑﺲ ﺗﺴﻜﺖ ﻣﺘﺤﺠﻲ ﻟﻮ ﺗﺴﻮﻱ ﺣﺮﻛﺔ ﺑﺤﻠﻜﻬﺎ ﺑﻤﻌﻨﻰ ﻫﺬﺍ ﺍﻟﺸﻲ ﻣﻌﺠﺒﻬﺎ ﺍﻭ ﺗﻀﻞ ﺗﺒﺎﻭﻉ
ﺻﺎﺩﻑ ﺭﺣﺖ ﺍﻟﻬﻢ ﻣﺮﺗﻴﻦ ﻭﺑﺎﻟﻤﺮﺓ ﺍﻟﺜﺎﻟﺜﺔ ﻟﻜﻴﺖ ﺑﻴﺖ ﻋﻤﻬﻢ ﻳﻤﻬﻢ ﻣﺴﻮﻳﻨﻬﺎ ﺯﻳﺎﺭﻩ ﻣﻔﺎﺟﺌﺔ ﻭﻟﻜﻴﺖ ﻧﻔﺲ ﺍﻟﺒﻨﻴﻪ ﺍﻟﻲ ﺷﻔﺘﻬﺎ ﺑﻌﻘﺪ ﺍﻟﻘﺮﺍﻥ ﻣﻮﺟﻮﺩﻩ
ﺍﺷﻮﻓﻬﺎ ﺗﺤﺎﺟﻲ ﻳﻮﺳﻒ ﻭﺗﺘﻠﻮﻙ ﻛﺪﺍﻣﻪ ﻭﺗﺘﻤﻀﺤﻚ ﻭﻫﻮ ﺳﺎﻛﺖ ﺍﺻﻼ ﻣﻴﺠﺎﻭﺑﻬﺎ ﻋﻜﺲ ﺣﻤﺎﻱ ﻗﻠﻴﻠﻪ ﺍﻟﻜﻼﻡ ﻭَﻳَﺎ ﺍﻭ ﻣﻮ ﻣﺜﻞ ﻳﻮﺳﻒ
ﻭﺍﺷﻮﻑ ﺣﻤﺎﺗﻲ ﺗﻀﻞ ﺗﺒﺎﻭﻉ ﻋﻠﻴﻬﺎ ﺗﺼﺮﻓﺎﺗﻬﺎ ﺟﺎﻧﺖ ﺗﻮﺣﻲ ﺍﻧﻮ ﺑﻴﻬﺎ ﺷﻲ ﺍﻭ ﻋﺪﻫﺎ ﺷﻲ
ﻣﻬﺘﻤﻴﺖ ﺷﻌﻠﻴﻪ ﺍﻧﻲ ﺑﺲ ﻣﺒﻴﻨﻪ ﻣﺜﻞ ﺍﻟﻲ ﺟﺎﻧﺖ ﺗﺮﻳﺪ ﻳﻮﺳﻒ ﻫﺎﻱ ﺍﻟﺸﻐﻠﻪ ﻭﺍﺭﺩﻩ ﻋﺪ ﻛﻞ ﻭﻟﺪ ﺍﻟﻌﻢ
ﺍﻟﺒﻨﺎﺀ ﻭﺻﻠﻮ ﺑﻲ ﻓﻮﻙ ﻣﻦ ﺍﻟﻨﺺ ﻭﻣﺎﻣﺎ ﺻﺎﺭﺕ ﺷﻮﻱ ﺗﻜﺪﺭ ﺗﺠﺮ ﺍﻟﻜﻠﻤﺔ ﻭﺗﺤﺠﻴﻬﺎ ﺑﺲ ﺍﻟﻜﻠﻤﺔ ﺍﻟﻮﺣﺪﺓ ﻃﻮﻝ ﺑﻴﻬﺎ ﺩﻗﻴﻘﺘﻴﻦ ﻳﻠﺔ ﺍﻟﺤﻤﺪﻟﻠﻪ ﺍﻟﻌﺎﻓﻴﻪ ﺩﺭﺟﺎﺕ
بيج قصص عراقيه حقيقيه من واقعنا.روعه الطائي
ﺑﺲ ﺧﻠﻲ ﺗﺼﺤﻰ ﻭﺗﺘﺤﺴﻦ ﻳﻮﺳﻒ ﻟﻜﺔ ﺑﻴﺖ ﺑﺎﻟﻜﺮﺍﺩﻩ ﺑﺲ ﺷﻮﻱ ﺟﺎﻥ ﻏﺎﻟﻲ ﻣﻘﺒﻠﺖ ﺑﺲ ﻫﻮ ﺍﺻﺮ ﻳﺸﺘﺮﻱ ﻭﻣﻮ ﻗﺮﻳﺐ ﻋﻠﻰ ﺍﻫﻠﻲ ﺟﺎﻥ
ﺍﺷﺘﺮﻳﻨﺎﻩ ﻭﺍﻫﻠﻲ ﻣﻦ ﺩﺭﻭ ﻛﺎﻟﻮ ﻫﺪﻳﺘﺞ ﻣﺎﻝ ﺍﻟﻌﺮﺱ ﺍﺛﺎﺙ ﺍﻟﺒﻴﺖ ﻳﻮﺳﻒ ﻣﻘﺒﻞ ﻛﺎﻝ ﺍﻧﻲ ﻋﻨﺪﻱ ﻓﻠﻮﺱ ﻛﻮﻣﺔ ﻻﻥ ﺟﻨﺖ ﺍﺟﻤﻊ ﻟﻌﺮﺳﻲ
ﻭﻋﻨﺪﻱ ﻣﺸﺮﻭﻉ ﺍﺷﺘﻐﻞ ﺑﻲ ﻫﻢ ﻭﺍﺫﺍ ﺍﻋﺘﺎﺯﻳﺖ ﺍﺧﺬ ﻣﻦ ﺍﻫﻠﻲ ﻛﻠﺘﻠﺔ ﺑﺎﺟﻲ ﻫﺬﺍ ﺍﻟﻮﺍﺭﺩ ﺑﻜﻞ ﻋﺮﺱ ﺑﻨﻴﻪ ﺍﻫﻠﻬﺎ ﻫﻢ ﻳﺴﻮﻥ ﻫﻴﺞ ﺍﻟﻬﺎ ﻳﺠﻬﺰﻭﻫﺎ ﻛﺎﻣﻞ ﻫﻮ ﻣﻘﺒﻞ
ﻋﺒﺎﻟﻪ ﻋﻠﻤﻮﺩ ﻻﻥ ﺍﺷﺘﺮﻯ ﺍﻟﺒﻴﺖ ﺟﺎﻥ ﺍﻟﺒﻴﺖ ﻃﺎﺑﻘﻴﻦ ﺑﺲ ﻣﻮ ﻛﻠﺶ ﺟﺒﻴﺮ ٢٠٠ﻣﺘﺮ ﻭﺑﻨﺎﺀﻩ ﺣﻠﻮ ﻭﺑﻲ ﺣﺪﻳﻘﻪ
ﺧﻮﺵ ﺑﻴﺖ ﻋﺎﺩ ﻛﻤﻨﻪ ﻧﺠﻬﺰ ﺑﻲ ﺍﻫﻠﻲ ﻭﺍﻫﻠﻪ ﺍﻟﻲ ﺟﺎﺏ ﺳﺒﻠﺖ ﻭﺍﻟﻲ ﺟﺎﺏ ﺗﻠﻔﺰﻳﻮﻥ ﻭﺍﻟﻲ ﺟﺎﺏ ﻃﺒﺎﺥ ﻭﺍﻟﻲ ﺟﺎﺏ ﺍﻟﺘﺨﻢ ﻭﻛﻮﻣﺔ ﺑﺲ ﺍﻫﻠﻲ ﺍﻛﺜﺮ ﺷﻲ ﺟﺎﺑﻮ
ﺃﻫﻠﻪ ﺣﺎﺟﺔ ﺍﻭ ﺣﺎﺟﺘﻴﻦ ﻭﺍﻫﻠﻲ ﻛﻞ ﻭﺍﺣﺪ ﺟﺎﺏ ﻛﻮﻣﺔ ﻣﺎﻣﺎ ﺟﻬﺰﺗﻨﻲ ﻣﻼﺑﺲ ﻭﻏﺮﺍﺽ ﻛﺎﻣﻞ
ﻫﻤﺔ ﺟﺎﺑﻮﻟﻲ ﺍﻷﺷﻴﺎﺀ ﺍﻟﺜﻜﻴﻠﻪ ﻭﺍﻧﻲ ﻛﺘﻠﻬﻢ ﺍﻧﻲ ﺍﺧﺘﺎﺭ ﺍﻟﻤﻮﺍﻋﻴﻦ ﻭﻏﺮﺍﺽ ﺍﻟﻤﻄﺒﺦ ﻭﺍﻟﻤﺰﻫﺮﻳﺎﺕ ﻭﺍﻟﻄﺒﻼﺕ ﻭﻫﺎﻱ ﺍﻟﺴﻮﺍﻟﻒ ﻋﻠﻰ ﺫﻭﻗﻲ
ﻳﻮﺳﻒ ﺑﻮﻛﺘﻬﺎ ﺣﻴﻞ ﺿﺎﺝ ﻭﺣﺮﺕ ﺷﻠﻮﻥ ﺃﻗﻨﻌﻪ ﻣﻮ ﻣﺴﺎﻋﺪﻩ ﻫﺬﺍ ﺍﻟﺸﻲ ﻻﺯﻡ ﻳﺼﻴﺮ ﻋﺪ ﻛﻞ ﺑﻨﻴﻪ ﺻﺢ ﺍﻧﻲ ﺍﻛﺜﺮ
ﻻﻥ ﺍﻧﻲ ﺟﻨﺖ ﻭﺣﻴﺪﻩ ﺍﻣﻲ ﻭﺍﻟﺤﻤﺪﻟﻠﻪ ﺍﻟﻠﻪ ﻣﻜﻨﻪ ﻭﺍﻧﻲ ﻫﻢ ﻣﺮﺿﻴﺖ ﻻﻥ ﻣﻨﺎ ﺗﻜﺎﻟﻴﻒ ﺍﻟﻌﺮﺱ ﻭﻣﻨﺎ ﺷﺮﺍﺀ ﺍﻟﺒﻴﺖ ﺻﺎﺭ ﺏ٣٠٠ﻣﻠﻴﻮﻥ ﻛﻮﻣﺔ ﻭﺍﻧﻲ ﺍﺩﺭﻱ ﺑﻲ ﺍﻛﻴﺪ ﺍﺧﺬ ﻣﻦ ﺃﻫﻠﻪ
ﻋﻠﻤﺎ ﻳﺼﻴﺮ ﻋﻨﺪﻩ ﻭﻳﺮﺟﻌﻬﻦ ﻻﻥ ﺟﺎﻥ ﻣﺒﻠﻎ ﺟﺒﻴﺮ ﻭﺍﻧﻲ ﻣﺮﺩﺕ ﺍﻟﺒﻴﺖ ﻫﻠﻜﺪﻩ ﻭﺭﺩﺕ ﺑﺲ ﻃﺎﺑﻖ ﻭﺍﺣﺪ ﺑﺲ ﻣﻠﻜﺔ
ﻋﺎﺩ ﺧﻮﺍﻟﻲ ﻭﺍﺣﺪ ﺟﺎﺏ ﺛﻼﺟﺔ ﻭﺍﻟﺜﺎﻧﻲ ﺟﺎﺏ ﻣﺠﻤﺪﻩ ﻭﺧﺎﻟﺘﻲ ﺟﺎﺑﺖ ﺳﺒﻠﺖ ﻟﻐﺮﻓﺘﻲ
ﻭﺑﺎﺟﻲ ﺟﺎﺑﺘﻠﻲ ﺍﻟﻄﺒﺎﺥ ﻭﺍﻟﺒﻼﺯﻣﺎ ﻣﺎﻝ ﺍﻟﺼﺎﻟﻪ ﺣﺠﻢ ﺟﺒﻴﺮ ﻭﺟﺪﻭ ﺟﺎﺑﻠﻲ ﺳﺒﻠﺖ ﻛﻨﺘﻮﺭﻱ
ﻭﻣﺎﻣﺎ ﺳﺒﻠﺖ ﻟﻐﺮﻓﺘﻲ ﻭﺑﻼﺯﻣﺎ ﻟﻐﺮﻓﺘﻲ ﻭﻫﻢ ﻣﻮﺍﻋﻴﻦ ﻭﻏﺮﺍﺽ ﻣﻄﺒﺦ ﻭﺑﺮﺍﺩ ﻣﺎﻝ ﻣﻲ
ﻭﺻﺒﺎ ﻣﻴﺰ ﺍﻟﻄﻌﺎﻡ ﺍﻧﻲ ﺍﺧﺘﺎﺭﻳﺘﻪ ﻭﻫﻴﺔ ﺟﺎﺑﺘﻪ ﻭﺍﻫﻠﻪ ﺧﺎﺑﺮﺗﻨﻲ ﺍﺧﺘﻪ ﺗﻜﻮﻝ ﺷﻨﻮ ﺗﺮﻳﺪﻳﻦ ﻫﺪﺍﻳﺎ ﻻﻥ ﺍﻫﻠﺞ ﺟﺎﻳﺒﻴﻦ ﻭﺍﺣﻨﻪ ﻫﻢ ﺩﻧﺎﺧﺬ
ﻟﻴﺶ ﻧﺠﻴﺐ ﺷﻲ ﻣﻜﺮﺭ ﻧﺠﻴﺐ ﻛﻞ ﻭﺍﺣﺪ ﺷﻐﻠﻪ ﻋﻠﻤﻮﺩ ﺗﺴﺘﻔﺎﺩﻳﻦ ﻛﺘﻠﻬﺎ ﺍَﻱ ﺻﺢ ﻋﺎﺩ ﻛﺘﻠﻬﺎ ﻏﺴﺎﻟﻪ ﻭﻣﺎﻳﻜﺮﻭﻭﻳﻒ ﻭﺳﺒﻠﺖ ﻟﻠﻐﺮﻓﻪ ﺍﻟﺜﺎﻧﻴﻪ ﻻﻥ ﺳﺌﻠﺘﻬﺎ ﺣﻚ ﺷﻜﺪ ﻛﺎﻟﺖ ﻫﺪﺍﻳﺎ ﺟﺒﻴﺮﻩ
ﻋﺎﺩ ﺍﻟﺤﻤﺪﻟﻠﻪ ﺧﻠﺼﺖ ﻣﻦ ﻫﺎﻱ ﺍﻟﺴﻮﺍﻟﻒ ﺑﻘﻰ ﺍﻟﺘﺨﻢ ﻣﺎﻝ ﺍﻻﺳﺘﻘﺒﺎﻝ ﻭﺍﻟﻐﺮﻓﺔ
ﻭﺍﻟﻜﺎﻭﻧﺘﺮ
ﺿَﻞ ﻳﻮﺳﻒ ﻳﻮﻣﻴﻦ ﻭﺟﻬﺎ ﺛﻜﻴﻞ ﻋﻠﻴﻪ ﻣﻦ ﻭﺭﻩ ﺍﻟﻐﺮﺍﺽ ﻋﺎﺩ ﺻﺎﺭﺕ ﻧﺺ ﺍﻟﺴﻨﻪ ﻭﺍﻣﺘﺤﻨﺖ ﻭﺧﻠﺼﺖ ﻭﺻﺎﺭ ﻋﻴﺪ ﺍﻟﺤﺐ ﻭﺳﻮﻳﺘﻠﻪ ﺩﺑﻮﺱ ﻣﻦ ﺍﻟﺬﻫﺐ ﺑﺎﺳﻤﺔ ﺍﻟﻈﺎﺑﻂ ﻳﻮﺳﻒ ﺍﺣﻤﺪ ﻋﻠﻲ ﻛﻠﺶ ﺣﻠﻮ
ﺳﻮﻳﺘﻠﻪ ﺍﺣﺘﻔﺎﻝ ﺑﻠﺒﻴﺖ ﺑﺎﻻﺳﺘﻘﺒﺎﻝ ﻭﻋﺰﻣﺘﻪ ﺍﺟﺎ ﺗﻔﺎﺟﺄ ﺍﻧﻲ ﻻﺑﺴﻪ ﻧﻔﻨﻮﻑ ﺻﻠﻮﺥ ﻭﻛﻠﺶ ﻗﺼﻴﺮ ﻭﻣﻜﻴﺎﺝ ﻭﺍﻟﺸﻌﺮ ﻣﺴﻮﻳﺘﻪ ﻛﻴﺮﻟﻲ
ﻃﺎﻟﻌﻪ ﺻﺎﻛﺔ 😁 ﻫﻮ ﻣﻦ ﺷﺎﻓﻨﻲ ﺗﺨﺒﻞ ﻭﻓﻘﺪ ﺭﺳﻤﻲ ﺍﺣﺘﻔﻠﻨﻪ ﺑﺲ ﺍﻧﻲ ﻭﻳﺎﻩ ﺑﺎﺟﻲ ﺑﻴﻮﻣﻬﺎ ﺍﺧﺬﺕ ﺟﺪﻭ ﻭﻣﺎﻣﺎ ﻭﺭﺍﺣﺖ ﻟﺒﻴﺖ ﺧﺎﻟﺘﻲ
بيج قصص عراقيه حقيقيه من واقعنا.روعه الطائي
ﺍﻧﻲ ﻣﻘﺒﻠﺖ ﺑﺲ ﻫﻲ ﺍﺻﺮﺕ ﺭﻛﺼﻨﻪ ﺳﻠﻮ ﻭﻫﻮ ﻳﺒﻮﺱ ﺑﻴﻪ ﻭﻳﻮﻛﻞ ﺑﻴﻪ ﺟﺎﻥ ﻳﻮﻡ ﺣﻠﻮ ﻛﻠﺶ ﻣﻦ ﺻﺪﻙ ﺣﺴﻴﺖ ﻳﻮﺳﻒ ﻧﻌﻤﺔ ﺩﺯﻩ ﺭﺏ ﺍﻟﻌﺎﻟﻤﻴﻦ ﺍﻟﻴﻪ ﻳﻌﻮﺿﻨﻲ ﺑﻴﻬﺎ ﻋﺎﻟﺮﺍﺡ
ﻃﻠﻌﻠﻲ ﻫﺪﻳﺘﻲ ﻭﺟﺎﻧﺖ ﻛﻼﺩﻩ ﺯﻏﻴﺮﺓ ﻭﻋﻠﻰ ﺷﻜﻞ ﻛﻠﺐ ﺗﻨﻔﺘﺢ ﻛﺎﻝ ﺍﻓﺘﺤﻴﻬﺎ ﻓﺘﺤﺘﻬﺎ ﻣﺨﻠﻲ ﺻﻮﺭﺗﻲ ﻭﺻﻮﺭﺗﻪ ﺑﻴﻬﺎ ﻛﻠﺶ ﺣﻠﻮﺓ ﺗﺨﺒﻞ ﺟﺎﻧﺖ
ﺻﺪﻙ ﺣﺒﻴﺘﻬﺎ ﻭﻷﻭﻝ ﻣﺮﻩ ﺣﻀﻨﺘﻪ ﻭﺍﺗﺸﻜﺮﺕ ﻣﻨﻪ ﻛﺎﻝ ﻫﺴﻪ ﺍﻧﺘﻲ ﺳﻮﻳﺘﻲ ﻣﻌﺮﻭﻑ ﻛﻤﻠﻲ ﻋﺎﺩ ﻛﺘﻠﻪ ﺷﻠﻮﻥ ﻛﺎﻝ ﺑﺨﺒﺎﺛﻪ ﺑﻮﺳﻴﻨﻲ 😈
ﻛﺘﻠﻪ ﻣﻨﺤﺮﻑ ﻣﻮ ﺑﻴﺪﻙ ﻛﺎﻝ ﻫﺴﻪ ﺭﺍﻳﺪ ﺑﻮﺳﺔ ﻃﻠﻌﺖ ﻣﻨﺤﺮﻑ ﻟﻌﺪ ﻟﻮ ﻣﺜﻞ ﺍﻟﻤﺨﻄﻮﺑﻴﻦ ﻣﻦ ﺻﺪﻙ ﻭﺍﻟﻠﻪ ﺑﻴﻬﻢ
ﻧﺴﻮﺍﻧﻬﻢ ﺗﺤﺒﻞ ﻗﺒﻞ ﺍﻟﻌﺮﺱ ﺍﻻ ﺍﻧﻲ ﺣﻀﻲ ﺃﻏﺒﺮ ﻭﻛﻒ ﺷﻌﺮ ﺭﺍﺳﻲ ﻣﻦ ﻛﻠﻲ ﻫﻴﺞ ﻳﺎ ﻛﺎﻉ ﺍﻧﺸﻜﻲ ﻭﺑﻠﻌﻴﻨﻲ
ﻳﺎ ﺭﺑﻲ ﻃﻤﺴﺖ ﺑﻬﺪﻭﻣﻲ ﻭﺭﺃﺳﺎ ﻋﻄﺖ ﺑﻲ ﻛﺘﻠﺔ ﻭﺍﻟﻨﺒﻲ ﺍﺫﺍ ﻣﺎ ﺑﻄﻠﺖ ﺳﻮﺍﻟﻔﻚ ﻫﺎﻱ ﺍﻋﻮﻓﻚ ﻭﺍﺻﻌﺪ ﻟﻠﻐﺮﻓﻪ ﻛﺎﻝ ﺍَﻱ ﻭﺍﻟﺤﻜﺞ ﺍﻧﻲ ﻭﺍﻗﻔﻞ ﺍﻟﺒﺎﺏ ﻭﺟﺎﻥ ﻳﻀﺤﻚ ﺍﻟﻠﻪ ﺷﺎﻫﺪ ﻫﻴﺞ ﺿﺤﻜﺔ ﻳﺸﺒﻬﺎ ﻫﻬﻪ 😈
ﻛﺘﻠﺔ ﻻ ﺍﻧﺘﻪ ﺍﻟﻴﻮﻡ ﻣﺘﺴﻜﺖ ﺍﺑﺪ ﻭﻣﺼﺮ ﻳﻌﻨﻲ ﺍﺧﺬ ﻫﺪﻳﺘﻚ ﻭﺍﺳﻜﺖ ﻻ ﻭﺍﻟﻠﻪ ﺍﺯﻋﻞ ﻛﺎﻝ ﺍﻣﺮﻱ ﻟﻠﻪ ﺍﺳﻜﺖ ﻫﻮ ﺷﻜﻮ ﻏﻴﺮ ﺍﻟﺴﻜﻮﺕ
ﻓﺘﺤﻬﺎ ﻭﻛﻠﺶ ﻋﺠﺒﺘﻪ ﺣﻴﻞ ﻓﺮﺡ ﺑﻴﻬﺎ ﻛﻤﻠﻨﻪ ﺍﻟﻴﻮﻡ ﻭﺑﻌﺪﻫﺎ ﺑﻜﻢ ﻳﻮﻡ ﻛﺎﻟﺖ ﺧﺎﻟﻪ ﺍﻡ ﻋﻠﻲ ﺳﻬﻴﻠﻪ ﺟﺎﺑﺖ ﻭﺍﻟﺒﻨﻴﺔ ﻃﻠﻌﺖ ﻣﺨﺘﻨﻜﺔ ﻣﻠﻔﻮﻑ ﺍﻟﺤﺒﻞ ﺍﻟﺴﺮﻱ ﻋﻠﻰ ﺭﻛﺒﺘﻬﺎ ﻭﺷﺎﺭﺑﻪ ﻣﻲ ﺍﻟﺮﺃﺱ
ﻭﺧﻠﻮﻫﺎ ﺑﺎﻟﺨﺪﺝ ﺧﻠﺼﺖ ﻋﻄﻠﻪ ﻧﺺ ﺍﻟﺴﻨﻪ ﻭﺭﺍﺣﺖ ﻭﺍﺳﺘﻠﻤﺖ ﺍﻟﻨﺘﻴﺠﺔ ﺍﻟﺤﻤﺪﻟﻠﻪ ﻧﺎﺟﺤﺔ
ﻭﺍﻟﺒﻴﺖ ﻋﻠﻰ ﻭﺷﻚ ﺍﻧﻮ ﻳﺨﻠﺺ ﻭﻳﻨﺘﻬﻲ ﻭﻫﺎﻱ ﻫﻢ ﻻﺯﻡ ﺍﺣﻴﺮ ﺍﻟﻬﺎ ﺑﺄﺛﺎﺙ ﺍﻧﻲ ﻋﻨﺪﻱ ﻓﻠﻮﺱ ﺑﻘﺖ ﺑﺲ ﺍﻧﻲ ﻫﻮﺍﻱ ﺷﻐﻼﺕ ﺍﺣﺘﺎﺟﻴﺖ
ﻭﻳﻮﺳﻒ ﺍﻧﻜﺮ ﺍﺫﺍ ﺍﻛﻮﻝ ﻣﺎ ﺣﺒﻴﺘﻪ ﺍﺻﻼ ﺃﺩﻣﻨﺖ ﻋﻠﻴﻪ ﻛﻤﺖ ﺍﻣﻮﺕ ﺍﺫﺍ ﻣﺎ ﺍﺷﻮﻓﻪ ﺧﺎﻟﻪ ﺍﻡ ﻋﻠﻲ ﺗﻜﻮﻝ ﻓﻬﺪ ﻣﺘﺎﺑﻊ ﺍﺧﺎﺑﺮﺝ ﺍﻭﻝ ﺑﺄﻭﻝ
ﻭﻣﻦ ﺩﺭﺓ ﺍﻧﺨﻄﺒﺘﻲ ﺍﺗﺨﺒﻞ ﻭﺭﺍﺩ ﻳﺠﻲ ﻟﺒﻐﺪﺍﺩ ﺑﺲ ﺟﺪﻩ ﻭﻭﻟﺪ ﻋﻤﺔ ﻋﺮﻓﻮ ﻭﺟﺎﻧﻮ ﺣﺎﺳﺒﻴﻦ ﻟﻬﺬﺍ ﺍﻟﺸﻲ ﻭﻣﺎ ﺧﻠﻮ
ﻭﺿﻠﻮ ﻭَﻳَﺎ ﻭَﻳَﺎ ﺧﺎﻑ ﻳﻐﺎﻓﻠﻬﻢ ﻭﻳﻨﻬﺰﻡ ﻭﻳﺠﻲ ﻟﺒﻐﺪﺍﺩ ﻛﺘﻠﻬﺎ ﻫﻮ ﺍﺫﺍ ﻣﻴﺨﺮﺏ ﺍﻟﻌﺮﺱ ﻋﺎﺩ ﻣﻴﺮﺗﺎﺡ ﻳﻌﻨﻲ ﺷﻮﻛﺖ ﺍﺭﺗﺎﺡ
ﻣﻦ ﺍﻭﻟﻲ ﻟﻠﻜﺒﻮﺭ ﻛﺎﻟﺖ ﺍﺳﻢ ﻋﻠﻴﺞ ﻳﻤﺔ ﺑﻴﺶ ﻃﺎﻟﺒﻪ ﻧﻔﺴﺞ ﺑﺸﺮﺗﻬﺎ ﺑﻨﺠﺎﺣﻲ ﻋﺒﺮﺕ ﻓﺘﺮﻩ ﻭﺧﻠﺺ ﺍﻟﺒﻴﺖ ﺍﻧﻲ ﻛﻠﺖ ﻻﻡ ﻋﻠﻲ ﺷﻬﺮ ﻭﻧﺺ ﻭﺍﺟﻴﺒﺞ
ﺑﺲ ﺍﻟﺒﻨﺎﺀ ﺷﻬﺮﻳﻦ ﻳﻠﺔ ﺧﻠﺺ ﻋﺎﺩ ﺭﺣﺖ ﺍﺧﺬﺗﻠﻬﺎ ﺗﺨﻢ ﻭﻏﺮﻓﺔ ﻟﻠﺒﻨﺎﺕ ﺑﻨﺎﺗﻴﻪ ﻭﺍﺧﺬﺗﻠﻬﺎ ﻛﺎﻭﻧﺘﺮ ﺑﺲ ﻣﻮ ﻫﺬﺍ ﺍﻟﻲ ﻳﺼﻴﺮ ﺩﺍﻳﺮ ﻣﺪﺍﻳﺮ ﺍﻟﻤﻄﺒﺦ ﻻ
ﻭﻣﻴﺰ ﻃﻌﺎﻡ ﻭﻫﻴﻪ ﺍﻟﻬﺎ ﻏﺮﻓﻪ ﻋﺎﺩﻳﻪ ﺃﺧﺸﺎﺏ ﻣﻮ ﺟﺒﻴﺮﻩ ﻛﻠﺶ ﻣﺎﻝ ﻛﺒﺎﺭ ﺑﺎﻟﻌﻤﺮ ﻭﻛﻢ ﻣﺎﻋﻮﻥ ﻭﻛﻼﺻﺎﺕ ﻣﺎ ﻛﺜﺮﺕ ﻻﻥ ﺍﻛﻴﺪ ﻫﻴﻪ ﻋﺪﻫﺎ
ﻭﺍﺧﺬﺗﻠﻬﺎ ﻓﻠﺘﺮ ﺑﻼﺯﻣﺎ ﻭﺣﺪﻩ ﺑﺲ ﻋﻠﻤﻮﺩ ﺗﻜﻔﻲ ﺍﻟﻔﻠﻮﺱ ﻭﺑﺎﺟﻲ ﻭﺧﺎﻟﻪ ﻃﻠﻌﻦ ﺍﻟﻬﺎ ﻓﺮﺍﺵ ﻭﻏﺮﺍﺽ ﻣﻦ ﺍﻟﺒﻴﺖ ﺭﺣﺖ ﺍﻧﻲ ﺳﻮﻳﺘﻪ ﻭﺭﺗﺒﺘﻪ ﻭﻳﺎﻱ ﺻﺒﺎ ﻭﺧﺎﺑﺮﺕ
ﻳﻮﺳﻒ ﺃﺟﻰ ﻋﺎﻭﻧﻲ ﻭﺑﺎﻷﺷﻴﺎﺀ ﺍﻟﺜﻜﻴﻠﻪ ﻫﻮ ﻭﻳﺎﻳﻪ ﻭﻋﻮﺯﺕ ﻃﺒﻼﺕ ﺛﺮﻳﺎﺕ ﻳﻮﺳﻒ ﺍﺷﺘﺮﺍﻫﻦ ﺍﻟﻬﺎ ﻫﺪﻳﻪ
بيج قصص عراقيه حقيقيه من واقعنا.روعه الطائي
ﺍﻟﻤﻬﻢ ﻛﻤﻠﺖ ﺍﻟﺒﻴﺖ ﺍﻟﻬﺎ ﺑﻘﻰ ﻃﺒﺎﺥ ﻭﻏﺴﺎﻟﻪ ﺍﻛﻴﺪ ﻋﺪﻫﻦ ﻭﺍﺫﺍ ﻣﺎ ﻋﺪﻫﻦ ﺍﻧﻲ ﺍﺟﻴﺐ ﺍﻟﻬﻦ
ﺍﺧﺬﺗﻠﻬﺎ ﺳﺠﺎﺩﺍﺕ ﻭﺯﻭﺍﻟﻲ ﻟﻠﺒﻴﺖ ﻛﻠﺔ ﻭﺻﻮﺑﺎﺕ ﻫﻢ ﻛﻤﻠﺘﻠﻬﺎ ﺍﻟﺒﻴﺖ ﻛﻠﺔ ﺍﻧﻜﺮ ﺍﺫﺍ ﺍﻛﻮﻝ ﻣﺎ ﻭﺍﺟﻬﺖ ﺻﻌﻮﺑﺎﺕ ﺍﻟﻔﻠﻮﺱ ﻋﻮﺯﺕ ﺷﻮﻱ ﺑﺲ ﺍﻟﺤﻤﺪﻟﻠﻪ ﻭﺍﻟﺸﻜﺮ ﺭﺑﻲ ﻣﻦ ﺍﻟﻔﻠﻮﺱ ﺍﻟﻲ ﻋﺪﻧﻪ ﺑﺎﻟﻘﺎﺻﺔ ﻳﻢ ﺑﺎﺟﻲ ﺍﺧﺬﺕ ﻣﻨﻬﻦ ﻭﻳﻮﺳﻒ ﻭﺍﻫﻠﻲ ﻭﻛﻔﻮ ﻭﻳﺎﻱ
ﻫﻮﺍﻱ ﻏﺮﺍﺽ ﺟﺎﺑﻮ ﺍﻟﻬﺎ ﻭﻳﺎﻳﻪ ﻛﻤﻠﺖ ﺍﻟﺒﻴﺖ ﻭﻗﻔﻠﺘﻪ ﻭﻃﻠﻌﺖ ﺿﺤﻜﻨﻲ ﻳﻮﺳﻒ ﻳﺼﻴﺤﻠﻲ ﺳﻌﺪ ﺍﻟﺒﺰﺍﺯ 😂 ﻛﺘﻠﺔ ﻳﺎﻟﻤﻀﻐﻮﻁ ﺍﻟﻠﻪ ﻳﻘﺪﺭﻧﻲ ﻋﻠﻰ ﻓﻌﻞ ﺍﻟﺨﻴﺮ ﻛﻮﻥ ﺍﻧﺸﺎﻟﻠﻪ ﺩﻭﻡ
ﺛﺎﻧﻲ ﻳﻮﻡ ﺭﺣﺖ ﻟﻠﻤﻮﻝ ﺍﺳﻮﻛﺖ ﺍﻟﻬﻦ ﻛﻢ ﻗﻄﻌﻪ ﻣﻼﺑﺲ ﻟﻠﺒﻨﺎﺕ ﻭﻟﺨﺎﻟﻪ ﺍﻡ ﻋﻠﻲ
ﺑﻌﺪﻫﺎ ﺧﺎﺑﺮﺕ ﻳﻮﺳﻒ ﻋﻠﻤﻮﺩ ﻳﺪﺯ ﺍﺣﺪ ﻟﻠﺠﻨﻮﺏ ﻳﺮﻭﺡ ﻳﺠﻴﺒﻬﺎ ﻭﻳﺎﺟﺮ ﺳﻴﺎﺭﻩ ﺣﻤﻞ ﺗﺠﻴﺐ ﺍﻟﻐﺮﺍﺽ ﺍﻟﻲ ﺗﺮﻳﺪﻫﺎ ﺍﻡ ﻋﻠﻲ ﻭﺗﺤﺘﺎﺟﻬﺎ ﻫﻴﻪ ﻗﺒﻞ ﻛﻢ ﻳﻮﻡ ﻧﻄﻴﺘﻬﺎ ﺧﺒﺮ ﻭﻛﺘﻠﻬﺎ ﺣﻀﺮﻱ ﻧﻔﺴﺞ
ﻛﺎﻟﺖ ﻭﻳﻦ ﻧﻜﻌﺪ ﻭﻣﺪﺭﻱ ﺷﻨﻮ ﻛﺘﻠﻬﺎ ﺍﻧﺘﻲ ﺑﺲ ﺗﻌﺎﻱ ﻛﺎﻟﺖ ﺧﺎﻟﻪ ﻓﺪﻭﺓ ﻻ ﺗﻮﺭﻃﻴﻨﻲ ﺍﻧﻲ ﺍﺭﻣﻠﺔ ﻭﺻﺎﺣﺒﻪ ﺑﻨﺎﺕ ﻳﺘﻴﻤﺎﺕ ﻭﻳﻦ ﺍﺭﻭﺡ
ﻭﺍﺫﺍ ﺍﺟﻴﺖ ﻟﺒﻐﺪﺍﺩ ﻣﺎ ﺍﻟﻲ ﺭﺟﻌﻪ ﻟﻤﻜﺎﻧﻲ ﺑﻌﺪ ﻻﻥ ﺭﺍﺡ ﻳﺸﺪﻭﻥ ﻭﻳﺎﻱ ﻭﻳﻀﺮﺑﻮﻧﻲ ﻭﺍﺷﻜﺎﻝ ﻳﺴﻮﻭﻥ ﺑﻴﺔ
ﻛﺘﻠﻬﺎ ﺧﺎﻟﻪ ﻭﺍﻟﻠﻪ ﻣﺎ ﺍﻭﺭﻃﺞ ﻭﺩﺍﻋﻪ ﻣﺎﻣﺎ ﻭﺭﻭﺡ ﺑﺎﺑﺎ ﻭﻏﻼﺗﺞ ﻋﻨﺪﻱ ﺑﻌﺪ ﺑﺸﻨﻮ ﺍﺣﻠﻔﻠﺞ
ﻛﺎﻟﺖ ﺯﻳﻦ ﺑﺲ ﻓﻬﻤﻴﻨﻲ ﻟﻴﺶ ﺗﺨﻠﻴﻨﻲ ﻣﺜﻞ ﺍﻷﻃﺮﺵ ﺑﺎﻟﺰﻓﻪ ﻛﺘﻠﻬﺎ ﻓﺪﻭﺓ ﺧﺎﻟﻪ ﺑﺮﻭﺡ ﺍﻟﻤﺮﺣﻮﻡ ﺯﻭﺟﺞ ﺑﺪﻭﻥ ﺍﺳﺄﻟﻪ ﻻﻥ ﻣﺎ ﺍﺩﺭﻱ ﺷﺠﺎﻭﺑﺞ
ﺍﻧﺘﻲ ﺑﺲ ﺗﻌﺎﻱ ﻣﺎ ﺍﻭﺭﻃﺞ ﺍﺑﺪ ﺿﻠﺖ ﺗﻠﺢ ﻭﺍﻧﻲ ﻣﻘﺒﻠﺖ ﺍﻛﻮﻝ ﺍﻟﻬﺎ ﻻﻥ ﺍﻭﻝ ﺷﻲ ﺍﺫﺍ ﺍﻛﻮﻟﻠﻬﺎ ﻣﺎ ﺭﺍﺡ ﺗﻘﺒﻞ ﻻﻥ ﻫﻴﻪ ﻋﺰﻳﺰﻩ ﻧﻔﺲ ﻛﻠﺶ
ﺛﺎﻧﻲ ﻳﻮﻡ ﻳﻮﺳﻒ ﺩﺯ ﺍﻟﺴﺎﻳﻖ ﻭﺣﻤﺎﻳﻪ ﻭَﻳَﺎ ﻭﺳﻴﺎﺭﻩ ﺣﻤﻞ ﺟﺒﻴﺮﻩ ﻟﻠﺠﻨﻮﺏ ﻋﻠﻤﻮﺩ ﻳﺠﻴﺒﻮﻥ ﺧﺎﻟﻪ ﺍﻡ ﻋﻠﻲ ﻭﺑﻨﺎﺗﻬﺎ ﻭﺍﻟﻐﺮﺍﺽ ﺍﻟﻲ ﻳﺮﻳﺪﻧﻬﺎ ﻭﺍﻛﺪﺕ ﻋﻠﻴﻬﺎ ﻛﺘﻠﻬﺎ ﺑﺲ ﺍﻟﻤﻬﻤﺎﺕ ﻭﺍﻟﻀﺮﻭﺭﻳﺎﺕ ﺟﻴﺒﻲ
ﻃﻠﻌﻮ ﻣﻦ ﺍﻝ٦ﺍﻟﺼﺒﺢ ﻭﺑﻴﻮﻣﻬﺎ ﻣﺎ ﺩﺍﻭﻣﺖ ﺑﻘﻴﺖ ﻭﺧﺎﺑﺮﺕ ﻳﻮﺳﻒ ﻛﺘﻠﺔ ﺑﺲ ﺗﺨﻠﺺ ﺷﻐﻞ ﺗﻌﺎﻝ ﻳﻤﻲ
ﻭﺭﺣﺖ ﻟﻠﺒﻴﺖ ﺍﻧﻲ ﻭﺻﺒﺎ ﻭﺃﺧﺬﺕ ﺣﺘﻰ ﻣﺎﻣﺎ ﻭﻳﺎﻱ ﺍﻟﺤﻤﺪﻟﻠﻪ ﻭﺍﻟﺸﻜﺮ ﺭﺑﻲ ﺗﺤﺴﻨﺖ ﻫﻮﺍﻱ ﻛﺎﻣﺖ ﺗﻤﺸﻲ ﻃﺒﻴﻌﻲ ﺑﺲ ﺑﻌﺪﻫﺎ ﻋﺎﻟﻜﺎﺯﻩ ﻭﺍﻟﺤﺠﻲ ﺗﺤﺴﻨﺖ ﺑﻲ ﺑﺲ ﻣﻮ ﻗﻮﻱ ﻭﻣﺜﻞ ﻗﺒﻞ
ﻫﺴﻪ ﻣﻴﺨﺎﻟﻒ ﻭﺍﻟﻒ ﺍﻟﺤﻤﺪﻟﻠﻪ ﻭﻳﻦ ﺟﺎﻧﺖ ﻭﻳﻦ ﺻﺎﺭﺕ ﺍﺻﻼ ﻳﻮﻣﻴﺔ ﺃﺗﺼﺪﻕ ﻭﻛﻞ ﺍﺳﺒﻮﻉ ﺍﻛﻮ ﻋﺎﺋﻠﻪ ﻓﻘﻴﺮﻩ ﺍﻋﺮﻓﻬﺎ ﺍﺗﺴﻮﻛﻠﻬﺎ ﻭﺍﺧﺬﻟﻬﺎ ﻋﺸﻪ ﻣﻦ ﺍﻟﺴﻮﻙ ﻭﺃﻭﺩﻱ ﺍﻟﻬﺎ
ﻭﻗﻬﺮﻧﻲ ﺍﺑﻨﻬﻢ ﻳﻜﻮﻟﻲ ﺧﺎﻟﻪ ﺍﺣﻨﻪ ﻣﺎ ﻣﺎﻛﻠﻴﻦ ﺍﻟﻠﺤﻢ ﺑﺲ ﻣﻦ ﺗﺠﻴﺒﻲ ﺍﻧﺘﻲ ﻧﺎﻛﻠﺔ ﻳﺎﺑﻪ ﺑﻮﻛﺘﻬﺎ ﺷﻜﺪ ﺑﺠﻴﺖ ﻋﻠﻴﻬﻢ
ﻭﻛﻤﺖ ﻛﻞ ﻓﺘﺮﻩ ﺍﺟﻤﻊ ﻭﺍﺧﺬ ﺍﻟﻬﻢ ﺷﻲ ﺍﻭ ﺣﺎﺟﺔ ﻟﻠﺒﻴﺖ ﻻﻥ ﺟﺎﻥ ﺣﻴﻞ ﺗﻌﺒﺎﻥ ﻭﺍﻟﺴﻜﻒ ﻋﺪﻫﻢ ﻣﺘﻬﺪﻡ ﻭﻣﺨﻠﻴﻦ ﺳﻴﻢ ﻋﻠﻴﺔ ﻭﻓﻮﻛﺎﻩ ﺟﺎﺩﺭ ﻭﻛﺎﻋﺪﻳﻦ ﻃﻠﻌﺖ ﻧﻔﺲ ﺍﻟﻌﻤﺎﻝ
ﻣﺎﻝ ﺑﻴﺖ ﺧﺎﻟﻪ ﺍﻡ ﻋﻠﻲ ﺳﻮﻭ ﺍﻟﻬﻢ ﻭﺻﺒﻐﻮ ﺍﻟﺒﻴﺖ ﻭﺟﺎﻣﺔ ﺍﻟﻤﻄﺒﺦ ﻣﻜﺴﻮﺭﻩ ﺻﻠﺤﺘﻬﺎ ﻭﺍﺧﺬﺗﻠﻬﻢ ﺳﺒﻠﺖ ﻭﻃﺒﺎﺥ ﻻﻥ ﻳﻄﺒﺨﻮﻥ ﻋﺎﻟﻨﺎﺭ ﻣﺎ ﻋﺪﻫﻢ ﺗﻜﻮﻝ ﺟﺎﻥ ﻋﺪﻧﻪ ﻭﺍﺣﺪ ﻗﺪﻳﻢ ﻭﺍﻧﻜﺴﺮ
بيج قصص عراقيه حقيقيه من واقعنا.روعه الطائي
ﻭﺑﻌﺪ ﻣﺎ ﺍﺷﺘﺮﻳﻨﻪ ﻻﻥ ﻣﺎ ﻋﺪﻧﻪ ﻭﺍﺧﺬﺗﻠﻬﻢ ﻏﺴﺎﻟﻪ ﻭﺍﺧﺬﺗﻠﻬﻢ ﺑﻼﺯﻣﺎ ﻭﺗﺨﻢ ﻟﻠﻬﻮﻝ ﺑﻮﻛﺘﻬﺎ ﻳﺎﺑﻪ ﻃﻤﺴﺖ ﺑﺎﻟﺪﻳﻦ ﺑﺲ ﺍﺗﻌﺎﻣﻠﺖ ﻭﻳﺔ ﺍﺑﻮ ﺍﻟﻤﺤﻞ ﻻﻥ ﻧﻔﺴﺔ ﺍﻟﻲ ﺍﺷﺘﺮﻳﺖ ﻟﺒﻴﺘﻲ ﻭﺑﻴﺖ ﺧﺎﻟﻪ ﺍﻡ ﻋﻠﻲ ﻣﻨﻪ
ﻭﺍﺻﻼ ﻳﻌﺮﻓﻨﻪ ﻻﻥ ﺍﺟﻬﺰﺗﻨﻪ ﻫﻢ ﻣﻦ ﻋﻨﺪﻩ ﻛﺘﻠﺔ ﺍﻧﻮ ﻣﺎ ﻋﻨﺪﻱ ﻭﻛﻞ ﺷﻬﺮ ﺍﺩﺯﻟﻚ ﻗﺴﻂ ﻣﺎ ﺣﺠﺔ ﺍﻟﺮﺟﺎﻝ ﺧﻄﻴﻪ ﺍﺻﻼ ﻛﺎﻝ ﺑﺮﺍﺣﺘﺞ ﺷﻮﻛﺖ ﻣﻴﻌﺠﺒﺞ
ﻳﻮﺳﻒ ﻣﻜﺘﻠﺔ ﺟﻨﺖ ﺍﺷﺘﺮﻱ ﻟﻬﻴﺞ ﻋﺎﺋﻠﻪ ﻻﻥ ﺑﺲ ﺍﻛﻠﺔ ﻳﺠﻲ ﻳﺸﺘﺮﻳﻠﻬﻢ ﻭﻳﺎﻱ ﻭﻫﻮ ﺟﻬﺰ ﻭﻳﺎﻱ ﺑﻴﺖ ﺧﺎﻟﻪ ﺍﻡ ﻋﻠﻲ ﻭﻣﻦ ﻏﻴﺮ ﺑﻴﺘﻨﻪ ﻭﺍﻟﻌﺮﺱ ﺗﻜﺎﻟﻴﻔﻪ ﻛﻮﻣﺔ ﻭﺍﺻﻼ ﻋﻴﺐ
ﺍﻧﻲ ﻣﺎ ﺃﺭﺿﺎﻫﺎ ﻋﻠﻰ ﻧﻔﺴﻲ ﺍﻧﻲ ﺍﻟﺤﻤﺪﻟﻠﻪ ﺟﻨﺖ ﺍﻟﻠﻪ ﻣﻜﻨﻲ ﻭﺍﻛﺪﺭ ﺍﺳﺎﻋﺪ ﺑﻠﻲ ﺍﻛﺪﺭ ﻋﻠﻴﻪ ﺑﺲ ﺍﻟﻠﻪ ﻭﻓﻘﻨﻲ ﺑﺴﺒﺒﻬﻦ ﻭﺃﻟﻒ ﺍﻟﺤﻤﺪﻟﻠﻪ ﻭﺍﻟﺸﻜﺮ ﻭﺣﺘﻰ ﺷﻔﺎﺀ ﻣﺎﻣﺎ ﻭﺑﻮﻗﺖ ﻣﻮ ﻃﻮﻳﻞ ﺑﺴﺒﺒﻬﻦ
ﺟﺎﻧﻮ ﻋﺎﺋﻠﻪ ﺍﺑﻮﻫﻢ ﻋﺎﻳﺶ ﻣﺎ ﻣﻴﺖ ﺑﺲ ﺭﺟﻠﻴﻪ ﻣﺒﺘﻮﺭﺓ ﺍﺛﻨﻴﻨﻬﻦ ﺍﺛﺮ ﺣﺎﺩﺙ ﻭﻋﻨﺪﻩ ﻣﺮﺗﻪ ﺗﺸﺘﻐﻞ ﺧﻴﺎﻃﻪ ﻭﺗﺨﺒﺰ ﻭﺗﺒﻴﻊ ﻭﺍﺑﻨﻪ ﻳﺒﻊ ﻣﻲ ﺑﺎﻟﺴﻴﻄﺮﺍﺕ
ﻋﺎﺋﻠﻪ ﻣﻦ ﺻﺪﻙ ﺗﻘﻬﺮ ﻛﻠﺶ ﻭﺍﻧﻲ ﺍﻟﻲ ﻛﺪﺭﺕ ﻋﻠﻴﻪ ﺳﺎﻋﺪﺗﻬﻢ ﺑﻲ ﺟﻨﺖ ﻛﻞ ﻳﻮﻡ ﺧﻤﻴﺲ ﺍﻣﺮ ﺍﻧﻄﻴﻬﻢ ﺍﻟﻌﺸﻪ ﻳﺎ ﺍﻣﺎ ﻛﺒﺎﺏ ﺍﻭ ﺗﻜﺔ ﺍﻭ ﺩﺟﺎﺝ ﺍﻭ ﺳﻤﺞ ﺍﻭ ﺑﻴﺘﺰﺍ ﺍﻭ ﻛﺺ ﺍَﻱ ﺷﻲ ﻛﻞ ﺃﺳﺒﻮﻉ ﺍﺧﺬﻟﻬﻢ ﺷﻜﻞ
ﻭﺍﻟﻤﺴﻮﺍﻙ ﻛﺎﻣﻞ ﻣﺨﻀﺮ ﻭﻓﻮﺍﻛﻪ ﻭﻟﺤﻢ ﻭﺩﺟﺎﺝ ﻭﻣﺮﺓ ﻃﺒﻴﺖ ﻟﺒﻴﺘﻬﻢ ﻟﻜﻴﺖ ﺍﻟﻮﻟﻴﺪ ﻣﺮﻳﺾ ﺳﺌﻠﺘﻬﺎ ﻟﻴﺶ ﻣﺠﺎﻭﺑﺖ ﺣﻠﻔﺘﻬﺎ
ﻛﺎﻟﺖ ﺷﺘﺔ ﻭﺑﺎﺭﺩﻩ ﻭﻣﺎ ﻋﻨﺪﻩ ﻣﻼﺑﺲ ﻳﻠﺒﺲ ﻭﺑﺎﺭﺩﻩ ﻣﺎ ﻋﺪﻧﻪ ﻧﻔﻂ ﻭﺍﺗﻤﺮﺽ ﺍﺧﺬﺗﺔ ﻭﻛﺘﻠﻬﺎ ﻟﺒﺴﻲ ﺍَﻱ ﺷﻲ ﻋﻨﺪﻩ ﻭﻃﻠﻌﺖ ﺑﻲ ﺍﺧﺬﺗﻪ ﻟﻤﺤﻞ ﺍﻃﻔﺎﻝ ﺍﺷﺘﺮﻳﺘﻠﻪ ﻣﻼﺑﺲ
ﺍﻟﺔ ﻭﻟﺨﻮﺍﻧﻪ ﻭﻟﺒﺴﺘﻪ ﺑﻐﺮﻓﻪ ﺍﻟﺘﺒﺪﻳﻞ ﻭﻃﻠﻌﺖ ﺑﻲ ﻟﻠﺪﻛﺘﻮﺭ ﺷﺎﻓﻪ ﻭﻛﺘﺒﻠﻪ ﻋﻼﺝ ﺍﺧﺬﺗﻪ ﻭﺭﺟﻌﺖ ﻟﺒﻴﺖ ﺃﻫﻠﻪ
ﻧﻄﻴﺖ ﺍﻟﻤﻼﺑﺲ ﻻﻣﺔ ﻭﺍﻟﻌﻼﺝ ﻭﺭﺟﻌﺖ ﻟﻠﺒﻴﺖ ﻛﻠﺖ ﻟﺒﺎﺟﻲ ﺍﺭﻳﺪ ﻓﺮﺍﺵ ﻭﺑﻄﺎﻧﻴﺎﺕ ﺍﺫﺍ ﻋﻨﺪﺝ ﻛﺎﻟﺖ ﻟﻴﺶ ﻛﺘﻠﻬﺎ ﻋﺎﺋﻠﻪ ﻓﻘﻴﺮﻩ ﻭﻣﺎ ﻋﻨﺪﻱ ﺍﺷﺘﺮﻳﻠﻬﻢ
ﻣﺎ ﻛﺎﻟﺖ ﻻ ﻛﺎﻣﺖ ﻭﻃﻠﻌﺖ ﺍﻟﻬﻢ ﺛﺎﻧﻲ ﻳﻮﻡ ﺍﺧﺬﺕ ﺍﻟﻬﻢ ﺑﺮﻣﻴﻞ ﻧﻔﻂ ﻭﺍﻟﻔﺮﺍﺵ ﻭﺭﺣﺖ ﻭﺩﻳﺘﻪ
ﺑﻌﺪﻫﺎ ﻛﻤﺖ ﺍﺭﻳﺪ ﺍﺩﻓﻊ ﺍﻟﻘﺴﻂ ﻭﺍﺧﺬﻟﻬﻢ ﻣﻼﺑﺲ ﻟﻠﻌﻴﺪ ﻭﻣﺎ ﻋﻨﺪﻱ ﺑﻌﺖ ﺳﻮﺍﺭ ﺍﻟﺬﻫﺐ ﻣﺎﻟﺘﻲ ﺩﺯﻳﺘﺔ ﻟﻠﺼﺎﻳﻎ ﻣﺎﻟﺘﻨﻪ ﻭﻗﻴﻤﺔ ﻭﺍﻧﻄﺎﻧﻲ ﻓﻠﻮﺳﺔ
ﻛﻠﺖ ﻟﺼﺒﺎ ﺗﻌﺎﻱ ﻧﻨﻔﺦ ﻛﻢ ﻧﻔﺎﺧﺔ ﻭﻧﺴﻮﻳﻠﻬﻦ ﺍﺣﺘﻔﺎﻝ ﺑﺴﻴﻂ ﻣﻦ ﻳﻄﺒﻦ ﻟﻠﺒﻴﺖ ﻛﺎﻟﺖ ﺍَﻱ ﺣﻠﻮ ﺧﻮﺵ ﻓﻜﺮﻩ
ﻛﻤﻠﻨﻪ ﻭﺭﺟﻌﻨﻪ ﻟﻠﺒﻴﺖ ﻭﺍﺟﻰ ﻳﻮﺳﻒ ﻭﺗﻐﺪﻩ ﻳﻤﻨﺔ ﻭﻛﻌﺪﻧﻪ ﻧﻨﺘﻀﺮ ﺷﻮﻛﺖ ﻳﻮﺻﻠﻮﻥ ﻭﻛﻞ ﺷﻮﻱ ﻟﻮ ﻳﻮﺳﻒ ﻳﺪﻙ ﻟﻮ ﺍﻧﻲ ﺍﺩﻙ ﻋﻠﻰ ﺧﺎﻟﻪ ﺍﻡ ﻋﻠﻲ
ﻟﺤﺪ ﻣﺎ ﻭﺻﻠﻮ ﻭﻛﻤﻨﺔ ﻧﺴﺘﻘﺒﻠﻬﻢ ﻣﻦ ﺍﻟﺒﺎﺏ ﻭﺍﻧﻲ ﻃﺎﻳﺮﻩ ﻭﻣﺎ ﻣﺼﺪﻛﺔ ﺷﻮﻛﺖ ﺍﺷﻮﻑ ﺧﺎﻟﻪ ﺍﻡ ﻋﻠﻲ
ﻓﺘﺢ ﺍﻟﺒﺎﺏ ﻳﻮﺳﻒ ﻭﺷﻮﻱ ﻭﻻﻓﻦ ﺍﻟﺴﻴﺎﺭﺍﺕ ﻣﻦ ﺭﺍﺱ ﺍﻟﻔﺮﻉ ﻭﺻﻠﺖ ﺍﻟﺴﻴﺎﺭﺍﺕ ﻳﻤﻨﺔ ﻭﻧﺰﻟﺖ ﺧﺎﻟﻪ ﺍﻡ ﻋﻠﻲ ﻭﺍﻟﺒﻨﺎﺕ ﻣﻨﻬﺎ
ﺍﻧﻲ ﺷﻔﺘﻬﺎ ﻭﺭﺣﺖ ﺍﺭﻛﺾ ﻋﻠﻴﻬﺎ ﺣﻀﻨﺘﻬﺎ ﻭﺍﺑﻮﺱ ﺑﻴﻬﺎ ﻣﺎ ﻣﺼﺪﻛﺔ ﻭﻫﻴﻪ ﺧﻄﻴﻪ ﻫﻢ ﺣﺎﺿﻨﺘﻨﻲ ﻭﺗﺒﻮﺱ ﺑﻴﺔ ﻭﺗﻜﻮﻝ ﻭﻟﺞ ﻳﻤﺔ ﺍﺷﺘﺎﻗﻴﺘﻠﺞ
بيج قصص عراقيه حقيقيه من واقعنا.روعه الطائي
ﺑﻌﺪ ﺍﻟﺴﻼﻡ ﺍﻟﻲ ﺑﻴﻨﻲ ﻭﺑﻴﻨﻬﺎ ﺳﻠﻤﺖ ﻋﺎﻟﻜﻞ ﻭﺳﻠﻤﺖ ﻋﻠﻰ ﻳﻮﺳﻒ ﻭﺗﺸﻜﺮﺕ ﻣﻨﺔ ﻻﻥ ﺩﺯ ﺍﻟﻬﺎ ﺳﻴﺎﺭﺍﺕ ﺟﺎﺑﻨﻬﺎ ﻭﺟﺎﺑﻦ ﻏﺮﺍﺿﻬﺎ
ﺑﻌﺪﻫﺎ ﻃﺒﻴﻨﻪ ﺟﻮﻩ ﻭﻛﻌﺪﻧﻪ ﻭﺧﻄﻴﻪ ﺑﻨﺎﺗﻬﺎ ﺑﺲ ﺻﺎﻓﻨﺎﺕ ﻋﺎﻟﺒﻴﺖ ﻛﺘﻠﻬﻦ ﺑﻜﻠﺒﻲ ﻟﻌﺪ ﻟﻮ ﺗﺸﻮﻓﻦ ﺑﻴﺘﺠﻦ ﺷﺮﺍﺡ ﺗﺴﻮﻥ
ﻗﺪﻣﺖ ﻣﻲ ﻭﺭﺍﻫﺎ ﺟﺎﻱ ﻭﺑﻌﺪﻫﺎ ﻋﺼﻴﺮ ﻭﻛﻴﻚ ﻭﺑﻌﺪﻫﺎ ﻓﻮﺍﻛﻪ ﻭﻛﻌﺪﻧﻪ ﺳﻮﻟﻔﻨﻪ ﺷﻮﻱ ﻭﻋﺎﻟﻮﺿﻊ ﻣﻦ ﺟﻮﻱ ﺑﺎﻟﻄﺮﻳﻖ ﺍﻧﻮ ﻣﺎﻛﻮ ﺷﻲ ﺯﻳﻦ
ﻣﻦ ﺧﻠﺼﺖ ﻏﻤﺰﺕ ﻟﻴﻮﺳﻒ ﻭﻛﺘﻠﻬﺎ ﺧﺎﻟﻪ ﻓﺪﻭﺓ ﺍﻧﺘﻲ ﻣﻮ ﺗﻌﺮﻓﻴﻦ ﺗﻘﺮﻳﻦ ﻋﺎﻟﻮﺍﺣﺪ ﻛﺎﻟﺖ ﺍَﻱ ﻳﻤﺔ ﺷﺴﻮﻱ ﻣﺎ ﻟﻜﻴﺖ ﻏﻴﺮ ﺟﺬﺑﻪ
ﻛﺘﻠﻬﺎ ﻓﺪﻭﺓ ﺍﺧﺖ ﺑﺎﺟﻲ ﻫﻨﺎ ﺑﻴﺘﻬﺎ ﻭﻣﺮﻳﻀﺔ ﻭﻣﺎ ﺑﻴﻬﺎ ﺗﺠﻲ ﻭﻛﺘﻠﻬﺎ ﻋﻠﻴﺞ ﺍﻣﻨﺘﻨﻲ ﺑﺲ ﺗﻮﺻﻠﻴﻦ ﻧﺮﻭﺡ ﺍﻧﻲ ﻭﻳﺎﺝ ﺗﻘﺮﻳﻦ ﻋﻠﻰ ﺭﺍﺳﻬﺎ ﻻﻥ ﺧﻄﻴﻪ ﻛﻠﺶ ﻣﻮ ﺯﻳﻨﺔ
ﻛﺎﻟﺖ ﻳﻠﻪ ﻳﻤﺔ ﺷﻜﻮ ﺑﻴﻬﺎ ﺍﻣﺸﻲ ﻧﺮﻭﺡ ﺍﻟﻬﺎ ﻛﻤﺖ ﻭﻳﻮﺳﻒ ﻛﺎﻝ ﺍﻧﻲ ﺍﻭﺻﻠﺠﻦ ﻟﻌﺪ ﻭﻛﻠﺖ ﻟﺒﻨﺎﺗﻬﺎ ﻛﻮﻣﻦ ﺍﻓﺘﺮﻥ ﺷﻮﻱ ﻫﻨﺎ
ﺟﺎﻧﻦ ﻻﺑﺴﺎﺕ ﻋﺒﻲ ﻛﺎﻣﻦ ﻭﻳﺎﻱ ﻭﺻﺒﺎ ﺟﺎﺑﺖ ﻣﺎﻣﺎ ﻭﻃﻠﻌﻨﻪ ﺑﺎﻟﺒﺪﺍﻳﻪ ﻃﻠﻌﻨﻪ ﺍﻧﻲ ﻭﻳﺎﻫﺎ ﻭﻳﻮﺳﻒ ﻭﺍﻟﺒﻨﺎﺕ
ﻭﻣﻦ ﻃﻠﻌﻨﻪ ﺍﻟﺒﺎﻗﻴﻦ ﻃﻠﻌﻮ ﻋﻠﻤﻮﺩ ﻟﻴﺤﺴﻦ ﺗﻤﺸﻴﻨﻪ ﺑﻴﺘﻴﻦ ﻭﺍﻟﺜﺎﻟﺚ ﺻﺎﺭ ﺍﻟﺒﻴﺖ ﻛﺘﻠﻬﺎ ﻫﺬﺍ ﺍﻟﺒﻴﺖ ﺧﺎﻟﻪ ﺗﻔﻀﻠﻲ
ﻓﺘﺤﺖ ﺍﻟﺒﺎﺏ ﻭﻃﺒﻴﻨﻪ ﻭﺻﻠﻨﻪ ﻟﺒﺎﺏ ﺍﻻﺳﺘﻘﺒﺎﻝ ﻭﻃﻠﻌﺖ ﺍﻟﻘﻔﻞ ﺩﺍﻓﺘﺢ ﺍﻟﺒﺎﺏ ﻛﺎﻟﺖ ﻳﻤﺔ ﻟﻴﺶ ﺷﻨﻮ ﻣﺎ ﻣﻮﺟﻮﺩﻳﻦ
ﻛﺘﻠﻬﺎ ﻫﺎ ﻛﺎﻟﺖ ﺷﻮ ﺗﻔﺘﺤﻴﻦ ﺍﻟﺒﺎﺏ ﻣﻘﻔﻮﻝ ﻟﻌﺪ ﺷﻠﻮﻥ ﺍﻟﻤﺮﻩ ﺟﻮﺓ ﻭﻗﺎﻓﻠﻴﻦ ﺍﻟﺒﺎﺏ ﻛﺘﻠﻬﺎ ﻻ ﻣﻮ ﻳﻨﺎﻣﻮﻥ ﻭﺍﻧﻲ ﻋﻨﺪﻱ ﻧﺴﺨﺔ ﻣﻦ ﺍﻟﻤﻔﺘﺎﺡ
ﻣﻦ ﺍﺭﻳﺪ ﺍﺟﻲ ﻋﻠﻴﻬﻢ ﻭﻗﺎﻓﻠﻴﻦ ﺍﻟﺒﺎﺏ ﺍﻓﺘﺤﻬﺎ ﺍﻧﻲ ﻛﺎﻟﺖ ﻫﺎ ﻓﺘﺤﺖ ﺍﻟﺒﺎﺏ ﻭﻃﺒﻴﻨﻪ ﻟﻼﺳﺘﻘﺒﺎﻝ ﺟﺎﻧﺖ ﺿﻠﻤﺔ ﺳﺎﺣﺒﻪ ﺍﻟﺒﺮﺍﺩﻱ
ﻛﺎﻟﺖ ﻳﺎ ﻳﻤﻜﻦ ﻃﻔﺖ ﺍﻟﻜﻬﺮﺑﺎﺀ ﻛﺘﻠﻬﺎ ﺍَﻱ ﻳﻤﻜﻦ ﻃﺒﻴﻨﻪ ﺟﻮﺓ ﻭﺟﺎﻥ ﺍﻓﺘﺢ ﺍﻟﻀﻮﺓ ﻭﻛﻠﻨﻪ ﻛﻠﻨﻪ ﻣﻔﺎﺟﺄﻩ
ﺍﻡ ﻋﻠﻲ ﻭﺍﻟﺒﻨﺎﺕ ﺿﻠﻦ ﻳﺒﺎﻭﻋﻮﻥ ﻋﻠﻴﻨﻪ ﻭﻋﺎﻻﺳﺘﻘﺒﺎﻝ ﻭﺍﻟﺘﺰﻳﻴﻦ ﻭﻣﺘﻔﺎﺟﺎﺕ ﻛﺎﻟﺖ ﺍﻡ ﻋﻠﻲ ﺧﻴﺮ ﻳﻤﺔ ﺷﻜﻮ
ﻛﺘﻠﻬﺎ ﺧﺎﻟﻪ ﻫﺬﺍ ﺑﻴﺘﺞ ﺍﻧﺘﻲ ﻭﺑﻨﺎﺗﺞ ﺿﻠﺖ ﺗﺒﺎﻭﻋﻠﻲ ﺑﺼﺪﻣﺔ ﺑﻌﺪﻫﺎ ﺿﺤﻜﺖ ﻛﺎﻟﺖ ﺗﺸﺎﻗﻴﻦ ﻣﻮ ﻳﻤﺔ ﻛﺘﻠﻬﺎ ﻻ ﻭﺍﻟﻠﻪ
ﺩﺍﺣﺠﻲ ﺻﺪﻙ ﻫﺬﺍ ﺑﻴﺘﺞ ﺍﻧﺘﻲ ﻭﺑﻨﺎﺗﺞ ﻛﺎﻟﺖ ﻣﻨﻴﻦ ﺑﻴﺘﻨﻪ ﻭﻣﻦ ﺷﻮﻛﺖ ﻭﺷﻠﻮﻥ ﻭﻣﺪﺭﻱ ﺷﻨﻮ
ﻛﺘﻠﻬﺎ ﺍﻫﺪﻱ ﻭﺍﻛﻌﺪﻱ ﻭﺍﻧﻲ ﺍﺳﻮﻟﻔﻠﺞ ﻛﻌﺪﺗﻬﺎ ﻭﺳﻮﻟﻔﺘﻠﻬﺎ ﻛﻠﺸﻲ ﻭﺣﺪﺓ ﻭﺭﺓ ﺍﻟﺜﺎﻧﻴﻪ ﻭﻫﻴﻪ ﻛﺎﻣﺖ ﺗﺒﺠﻲ ﻭﺑﻨﺎﺗﻬﺎ ﻳﺒﺠﻦ
ﻭﺍﻧﻲ ﺑﺠﻴﺖ ﻭﻳﺎﻫﻦ ﻭﻳﻮﺳﻒ ﻣﺪﻧﻚ ﺭﺍﺳﻪ ﻭﻛﻠﻬﺎ ﺗﺒﺠﻲ ﻭﻳﺎﻫﺎ ﻛﺎﻟﺖ ﻻ ﻣﺎ ﺍﻗﺒﻠﻪ ﻫﺬﺍ ﺗﻌﺒﺞ ﺍﻧﺘﻲ ﺷﻠﻮﻥ ﺃﺭﺿﺎﻫﺎ ﻋﻠﻰ ﻧﻔﺴﻲ
ﻛﺘﻠﻬﺎ ﺗﺴﺘﺎﻫﻠﻴﻦ ﻛﻠﺸﻲ ﺍﻧﺘﻲ ﻗﻠﻴﻞ ﺑﺤﻘﺞ ﻫﺬﺍ ﺍﻟﺸﻲ ﻣﻘﺒﻠﺖ ﻭﺣﻠﻔﺖ ﻣﺎ ﺗﺎﺧﺬﻩ ﻭﻻ ﺗﻜﻌﺪ ﺑﻲ ﻭﺳﺎﻋﻪ ﺍﺗﻮﺳﻞ ﻭﺃﻗﻨﻊ ﺑﻴﻬﺎ
بيج قصص عراقيه حقيقيه من واقعنا.روعه الطائي
ﻭﻣﺎﻣﺎ ﻭﺧﺎﻟﻪ ﻭﺑﺎﺟﻲ ﻭﺻﺒﺎ ﻭﻳﻮﺳﻒ ﻭﻛﻠﻨﻪ ﻭﻫﻴﻪ ﺗﺒﺠﻲ ﻣﺘﻘﺒﻞ ﻛﺘﻠﻬﺎ ﺑﻘﻬﺮ ﺧﺎﻟﻪ ﺣﻚ ﺗﻌﺒﻲ ﻋﺎﺩ ﻓﺮﺣﻴﻨﻲ
ﻭﻻ ﺗﻔﺸﻠﻴﻨﻲ ﺻﺎﺭ ﻣﻦ ﺧﺎﺑﺮﺗﺞ ﻭﺳﻮﻟﻔﺘﻴﻠﻲ ﻟﺤﺪ ﻫﺴﻪ ﺍﻧﻲ ﺍﺗﻤﻨﻰ ﻳﺠﻲ ﻫﺬﺍ ﺍﻟﻴﻮﻡ ﻭﻓﻌﻼ ﺍﺟﻰ ﺑﻘﺖ ﻋﻠﻴﺞ ﺍﻟﺴﺎﻟﻔﻪ ﻛﻠﻬﺎ ﻳﻤﺞ ﻟﺘﻔﺸﻠﻴﻨﻲ
ﻛﺎﻣﺖ ﺗﺒﺠﻲ ﻛﺎﻟﺖ ﺷﻠﻮﻥ ﺃﺭﺿﺎﻫﺎ ﻋﻠﻰ ﻧﻔﺴﻲ ﻳﻤﺔ ﻫﺬﺍ ﺑﻴﺖ ﺷﻜﺒﺮﻩ ﺷﻜﺪﻩ ﻭﻣﺎﺛﺚ ﻻ ﺑﻔﻠﺲ ﻭﻻ ﻓﻠﺴﻴﻦ ﺷﻠﻮﻥ ﺃﺭﺿﺎﻫﺎ ﻋﻠﻰ ﻧﻔﺴﻲ
ﺿﻠﻴﺖ ﻟﻠﻌﺼﺮ ﺍﻗﻨﻊ ﺑﻴﻬﺎ ﻭﻛﻠﻬﺎ ﻭﻳﺎﻱ ﺗﺤﺎﻭﻝ ﺗﻘﻨﻌﻬﺎ ﺗﺎﻟﻲ ﺑﺎﻷﺧﻴﺮ ﻭﺑﺄﻟﻒ ﻳﺎ ﻋﻠﻲ ﻗﻨﻌﺖ ﻭﻗﺒﻠﺖ
ﻭﻓﻮﻛﺎﻫﺎ ﺗﻜﻮﻝ ﺭﺍﺡ ﺍﺷﺘﻐﻞ ﻭﺍﺟﻤﻊ ﻓﻠﻮﺱ ﻭﺍﺭﺟﻌﻠﺞ ﺷﻮﻳﻪ ﺷﻮﻳﻪ ﻛﺘﻠﻬﺎ ﺍﺯﻋﻞ ﻋﻠﻴﺞ ﻭﺍﻟﻠﻪ
ﻗﻨﻌﻨﺎﻫﺎ ﻛﻮﺓ ﻭﺑﻌﺪﻫﺎ ﺃﺟﺖ ﺗﺮﻳﺪ ﺗﺒﻮﺱ ﺍَﻳﺪﻱ ﺟﺮﻳﺘﻬﺎ ﻣﻨﻬﺎ ﻭﻛﺘﻠﻬﺎ ﻭﺭﻭﺡ ﺑﺎﺑﺎ ﻻ ﺍﻋﺮﻓﺞ ﻭﻻ ﺗﻌﺮﻓﻴﻨﻲ ﺍﺫﺍ ﺳﻮﻳﺘﻴﻬﺎ ﺍﻧﻮﺏ
ﺍﻧﻲ ﺃﺑﻮﺱ ﺍﻳﺪﺝ ﻣﻮ ﺍﻧﺘﻲ ﺑﻌﺪﻫﺎ ﺍﺣﺘﻔﻠﻨﻪ ﻭﺳﻮﻟﻔﻨﺔ ﻭﺿﺤﻜﻨﺔ ﻭﻫﻨﻪ ﺭﻏﻢ ﻫﺬﺍ ﻣﺎ ﻣﺼﺪﻛﺎﺕ ﻳﻜﻮﻟﻦ ﻋﺒﺎﻟﻚ ﺑﺤﻠﻢ
ﻭﺍﻟﺴﺎﻳﻖ ﻭﺣﻤﺎﻳﻪ ﻳﻮﺳﻒ ﻧﺰﻟﻮ ﺍﻟﻐﺮﺍﺽ ﻛﻠﻬﺎ ﻭﻛﻢ ﺷﻐﻠﻪ ﺭﺗﺒﻮﻫﻦ
ﺻﺎﺭ ﻭﻛﺖ ﺍﻟﻌﺸﻪ ﻛﺘﻠﻬﺎ ﺍﻟﻴﻮﻡ ﻧﺘﻌﺸﻰ ﻳﻤﺞ ﻛﺎﻟﺖ ﺍﺗﺸﺮﻑ ﻭﻋﻠﻰ ﺭﺍﺳﻲ ﺍﻟﺒﻴﺖ ﺑﻴﺘﻜﻢ
ﺭﺍﺡ ﻳﻮﺳﻒ ﻳﺠﻴﺐ ﺍﻟﻨﻪ ﻋﺸﻪ ﻣﻦ ﺍﻟﻤﻄﻌﻢ ﻭﻛﺘﻠﻬﺎ ﺧﺎﻟﻪ ﻣﺸﺘﻬﻴﻪ ﺍﻛﻼﺗﺞ ﺗﺪﺭﻳﻦ ﻛﺎﻟﺖ ﺗﺪﻟﻠﻴﻦ ﻣﻦ ﻋﻴﻮﻧﻲ ﻣﻦ ﺑﺎﺟﺮ ﺍﺳﻮﻳﻠﺞ ﺍﻟﻲ ﺗﺮﺩﻱ
ﻛﺘﻠﻬﺎ ﻛﻮﻣﻲ ﺍﺩﻟﻴﺞ ﺑﺎﻟﺒﻴﺖ ﻭﺍﻟﻐﺮﺍﺽ ﻭﻓﻌﻼ ﺷﻮﻓﺘﻬﻦ ﻛﻠﺸﻲ ﻭﺩﻟﻴﺘﻬﻦ ﺑﺎﻟﻐﺮﺍﺽ ﻭﺍﻟﺒﻨﺎﺕ ﻣﻦ ﺷﺎﻓﻦ ﻏﺮﻓﺘﻬﻦ ﺷﻬﻜﻦ
ﺑﻌﺪﻫﺎ ﺍﺟﺔ ﻳﻮﺳﻒ ﻭﻣﺪﻳﻨﻪ ﺳﻔﺮﻩ ﺍﻧﻲ ﻭﺍﻟﺒﻨﺎﺕ ﻭﺗﻌﺸﻴﻨﺔ ﻳﻤﻬﺎ ﺑﻘﻴﻨﻪ ﻟﻠﻌﺸﺮﻩ ﺑﻠﻴﻞ ﻭﺑﻌﺪﻫﺎ ﺍﺗﺮﺧﺼﻨﺎ ﻛﻨﺎﻟﻬﺎ ﻫﻮﺍﻱ ﻃﻮﻟﻨﻪ
ﻭﺃﻧﺘﻦ ﺗﻌﺒﺎﻧﺎﺕ ﺗﺮﻳﺪﻥ ﺗﺎﺧﺬﻥ ﺭﺍﺣﺘﺠﻦ ﻣﻘﺒﻠﺖ ﻛﺎﻟﺖ ﻋﻴﺐ ﻫﻴﺞ ﺗﻜﻮﻟﻮﻥ ﻛﺘﻠﻬﺎ ﻻ ﺻﺪﻙ ﺍﺣﻨﻪ ﻫﻢ ﺗﻌﺒﺎﻧﻴﻦ
ﻃﻠﻌﻨﻪ ﻭﺭﺟﻌﻨﻪ ﻟﻠﺒﻴﺖ ﻭﻳﻮﺳﻒ ﻛﺎﻝ ﺗﻌﺒﺎﻥ ﺍﺭﻭﺡ ﻟﻠﺒﻴﺖ ﺍﺭﺗﺎﺡ ﺑﻮﺳﻨﻲ ﻭﺩﻋﻨﻲ ﻭﺭﺍﺡ
ﺛﺎﻧﻲ ﻳﻮﻡ ﻣﻦ ﺭﺟﻌﺖ ﻣﻦ ﺍﻟﻜﻠﻴﻪ ﻣﺮﻳﺖ ﻟﺨﺎﻟﻪ ﺩﺍﺷﻮﻓﻬﺎ ﻭﺻﻴﺖ ﺑﺎﺟﻲ ﺩﺯ ﺍﻟﻬﺎ ﻏﺪﻩ ﺍﻟﻴﻮﻡ ﻻﻥ ﺧﺎﻑ ﻣﺘﻠﺤﻚ ﺗﺴﻮﻱ ﺍﻭ ﻣﺸﻐﻠﺖ ﺍﻟﻄﺒﺎﺥ ﺑﻌﺪﻫﺎ
ﺟﻠﺒﺖ ﺑﻴﺔ ﻋﺎﻟﻐﺪﺓ ﻭﺧﺎﺑﺮﺕ ﺍﻫﻠﻲ ﻭﻧﻄﻴﺘﻬﻢ ﻋﻠﻢ ﻭﻛﻌﺪﻧﻪ ﺗﻐﺪﻳﻨﻪ ﻭﺳﻮﻟﻔﻨﺔ ﻭﺗﻜﻮﻝ ﻓﻬﺪ ﻣﻦ ﺩﺍﺭﻱ ﻣﺘﺨﺒﻞ
ﻛﺎﻳﻠﻠﻬﺎ ﺍﻧﻲ ﺍﺑﻨﻴﻠﺞ ﺑﻴﺖ ﻫﻨﺎ ﻭﺷﺘﺮﺩﻳﻦ ﺍﺳﻮﻳﻠﺞ ﺑﺲ ﻟﺘﺮﻭﺣﻴﻦ ﻣﺎ ﺍﻟﻲ ﻏﻴﺮﺝ ﺍﺣﺴﺞ ﻣﺜﻞ ﺍﻣﻲ
ﺗﻜﻮﻝ ﺑﺘﻪ ﻳﻮﻣﻴﺔ ﻣﺮﻳﻀﺔ ﻻﻥ ﺷﺎﺭﺑﻪ ﻣﻲ ﺍﻟﺮﺃﺱ ﻭﺍﻟﺠﻮ ﺑﺎﺭﺩ ﻭﺗﺘﻤﺮﺽ ﻭﺗﺨﺘﻨﻚ ﻭﻛﺎﻳﻞ ﻻﻡ ﻋﻠﻲ ﺍﻧﻮ ﻳﺨﺎﺑﺮﻫﺎ ﻭﻳﺸﻮﻓﻬﺎ ﻭﻳﻦ ﻛﻌﺪﺕ ﺷﺴﻮﺕ ﻭﻳﻦ ﺍﺧﺖ ﻭﻳﺠﻲ ﻋﻠﻴﻬﺎ ﻟﺒﻐﺪﺍﺩ ﻳﺸﻮﻓﻬﺎ
بيج قصص عراقيه حقيقيه من واقعنا.روعه الطائي
ﺑﻌﺪ ﻛﻢ ﻳﻮﻡ ﺳﺠﻠﺖ ﺍﻟﺒﻴﺖ ﺑﺎﺳﻤﻬﺎ ﻭﺑﻠﻐﺖ ﻳﻮﺳﻒ ﻳﺴﻮﻳﻠﻬﺎ ﺭﺍﺗﺐ ﺍﺭﺍﻣﻞ ﺍﻭ ﺭﻋﺎﻳﻪ ﻭﺍﺗﻜﻔﻞ ﺑﻬﺬﺍ ﺍﻟﻤﻮﺿﻮﻉ ﻭﻣﺎ ﻗﺼﺮ
ﻭﺑﺎﺟﻲ ﻛﻠﺘﻠﻬﺎ ﺗﺠﻴﻦ ﺑﻴﻦ ﻳﻮﻡ ﻭﻳﻮﻡ ﺗﻨﻀﻔﻴﻦ ﺍﻟﺒﻴﺖ ﻭﺍﻟﺞ ﻭﺍﺟﺘﻲ ﺷﻬﺮﻱ
ﻭﺍﻧﻲ ﻭﻋﺪﺗﻬﺎ ﺑﺲ ﺍﻟﻜﻲ ﺷﻐﻠﻪ ﻣﻨﺎﺳﺒﻪ ﺍﻟﻬﺎ ﺍﻛﻮﻟﻠﻬﺎ
ﺻﺢ ﺯﺍﺩ ﺃﻟﺤﻤﻞ ﻋﻠﻴﻪ ﻭﺻﺎﺭ ﻫﻮﺍﻱ ﻭﻣﺎﻣﺎ ﺗﻜﻮﻝ ﺯﻟﻢ ﻣﺸﻮﺭﺑﻪ ﻭﻋﻠﻴﻬﺎ ﺍﻻﻋﺘﻤﺎﺩ ﻣﺎ ﺳﻮﺕ ﺍﻟﻲ ﺳﻮﻳﺘﻲ ﺑﺲ ﺍﻟﺤﻤﺪﻟﻠﻪ
ﺍﺻﻼ ﺍﺣﺲ ﺭﻭﺣﻲ ﺍﻧﺘﻌﺶ ﻣﻦ ﺍﻗﺪﻡ ﻣﺴﺎﻋﺪﻩ ﻟﻠﻤﺤﺘﺎﺟﻴﻦ ﻭﺍﻟﺤﻤﺪﻟﻠﻪ ﺭﺑﻲ ﻳﻘﺪﺭﻧﻲ ﻋﻠﻰ ﻓﻌﻞ ﺍﻟﺨﻴﺮ
ﻣﺸﺖ ﺍﻷﻳﺎﻡ ﻭﻓﻬﺪ ﺩﺭﻩ ﺑﺴﺎﻟﻔﻪ ﺍﻟﺒﻴﺖ ﻭﺍﻧﻮ ﺍﻧﻲ ﺍﻟﻲ ﺳﻮﻳﺘﻪ ﻭﻛﻤﻠﺖ ﻛﻠﺸﻲ ﻭﺍﺟﻰ ﻋﻠﻰ ﺍﻡ ﻋﻠﻲ ﺩﻳﺸﻮﻓﻬﺎ
ﻣﻦ ﺭﺟﻌﺖ ﻣﻦ ﺍﻟﻜﻠﻴﻪ ﻟﻠﺒﻴﺖ ﺻﺪﻓﻪ ﺷﻔﺘﻪ ﻣﺪﺭﻱ ﺷﻄﻠﻊ ﻣﻦ ﺍﻟﺴﻴﺎﺭﻩ ﻭﺷﺎﻓﻨﻲ ﺍﻧﺼﺪﻡ ﻭﺍﻧﻲ ﻣﺎ ﺟﻨﺖ ﺍﺩﺭﻱ ﺑﻲ ﺍﻟﻴﻮﻡ ﻳﺠﻲ
ﺿَﻞ ﻳﺒﺎﻭﻉ ﻋﻠﻴﻪ ﻭ ﻭﺍﻛﻒ ﺑﻤﻜﺎﻧﺔ ﻭﺻﻠﺖ ﻟﻠﺒﻴﺖ ﻧﺰﻟﺖ ﻭﻫﻮ ﺑﻌﺪﻩ ﻭﺍﻛﻒ ﻭﻳﺒﺎﻭﻉ ﻋﻠﻴﻪ ﻛﻠﺖ ﻻ ﻳﺮﻭﺡ ﻳﺠﻲ ﻳﻮﺳﻒ
ﻭﻳﺸﻮﻓﺔ ﻭﻳﺘﻼﻛﻮﻥ ﺍﺟﻔﻰ ﺍﻟﺸﺮ ﻭﺍﻃﺐ ﺟﻮﺓ ﺑﺲ ﺿﻌﻔﺎﻥ ﻭﻣﺴﻤﺮ ﻭﻻ ﺫﺍﻙ ﻓﻌﺪ ﻧﻔﺴﺔ
ﺿَﻞ ﺑﻴﻦ ﻓﺘﺮﺓ ﻭﻓﺘﺮﻩ ﻳﺠﻲ ﻋﻠﻰ ﺧﺎﻟﻪ ﺍﻡ ﻋﻠﻲ ﻭﺍﻧﻲ ﺿﺠﺖ ﻭﻳﻮﺳﻒ ﺩﺭﺓ ﻭﻛﻠﺐ ﺍﻟﺪﻧﻴﺎ ﻭﺭﺍﺩ ﻳﺮﻭﺣﻠﺔ ﻟﺒﻴﺖ ﺧﺎﻟﻪ ﻣﻦ ﺩﺭﺓ ﻣﻮﺟﻮﺩ ﺑﺲ ﺍﺗﻮﺳﻠﺖ ﺑﻲ
ﻛﺘﻠﺔ ﺍﺣﻨﻪ ﺷﻌﻠﻴﻨﻪ ﺑﻲ ﻭﺍﻧﻮﺏ ﺿﺠﺖ ﻻﻥ ﻗﺮﻳﺐ ﻋﻠﻴﻨﻪ ﻭﺗﻨﺪﻣﺖ ﺑﺴﺒﺒﻪ ﺍﻧﻮ ﺧﻠﻴﺖ ﺑﻴﺖ ﺧﺎﻟﻪ ﺍﻡ ﻋﻠﻲ ﻗﺮﻳﺐ ﻋﻠﻴﻨﻪ
ﺑﺲ ﺷﺴﻮﻳﻠﻪ ﺿﻠﻴﺖ ﻣﺘﺠﻨﺒﻪ ﺍﻟﻪ ﺑﻴﻮﻡ ﺍﻟﻲ ﺍﺩﺭﻱ ﺑﻲ ﺟﺎﻱ ﻋﻠﻴﻬﺎ ﻣﺎ ﺃﻟﻔﻲ ﺣﺘﻰ ﺑﺎﻟﺒﻴﺖ ﺃﺿﻞ ﺑﺮﻩ ﻭﻳﺔ ﻳﻮﺳﻒ ﺍﻧﻮﺍﺏ ﻧﺮﻭﺡ ﻟﺒﻴﺘﻨﻪ ﻧﻀﻔﺔ ﻧﻜﻌﺪ ﺑﻲ
ﻳﻮﺳﻒ ﻳﻨﺤﺮﻑ ﺷﻮﻱ ﺑﺲ ﻣﻨﺘﺨﻄﻰ ﺍﻟﺤﺪﻭﺩ ﺍﻟﺤﻠﻮ ﺑﻲ ﻛﻠﺸﻴﺖ ﺑﺮﺿﺎﺗﻲ ﻳﺴﻮﻱ ﻣﻴﺠﺒﺮﻧﻲ ﻋﻠﻰ ﺷﻲ
ﻭﺍﺫﺍ ﺷﻲ ﻣﺎ ﺭﺩﺗﻪ ﻣﺴﺘﺤﻴﻞ ﻳﺴﻮﻱ ﻭﻋﻘﺪﻧﻪ ﻣﺤﻜﻤﺔ ﻭﻗﺮﺭﺕ ﺧﻠﺺ ﺍﻛﻤﻞ ﺣﻴﺎﺗﻲ ﻭﻳﺔ ﻳﻮﺳﻒ ﻻﻥ ﻓﻌﻼ ﻳﺴﺘﺎﻫﻞ ﻭﻣﺴﺘﺤﻴﻞ ﺍﻟﻜﻲ ﺷﺨﺺ ﻣﺜﻠﺔ ﺍﻻ ﻧﺎﺩﺭ
ﻗﺮﺑﺖ ﺍﻻﻣﺘﺤﺎﻧﺎﺕ ﺍﻟﻨﻬﺎﺋﻴﺔ ﻭﻗﺮﺑﺖ ﺗﺨﻠﺺ ﺍﻟﺴﻨﻪ ﻭﺻﺎﺩﻑ ﻋﺪﻧﻪ ﻋﻄﻠﻪ ﻧﻘﺮﻩ ﺑﻴﻬﺎ ﺭﺣﺖ ﺛﺎﻧﻲ ﻳﻮﻡ ﺍﻟﻌﻄﻠﻪ ﻋﻨﺪﻱ ﻓﻠﻮﺱ ﺿﻤﻴﺘﻬﻦ ﻋﻠﻰ ﺻﻔﺤﺔ
ﺍﺧﺬﺗﻬﻦ ﻭﺭﺣﺖ ﺍﺷﺘﺮﻳﺖ ﻣﻮﺍﻋﻴﻦ ﻭﻛﺪﻭﺭﺓ ﻭﺗﺤﻔﻴﺎﺕ ﻭﺳﻨﺎﺩﻳﻦ ﻭﺭﺩ ﻭﻣﺰﻫﺮﻳﺎﺕ ﻭﺗﻤﺜﺎﻝ ﺃﺷﻴﺎﺀ ﺣﻠﻮﺓ ﻭﺭﺍﻗﻴﻪ
ﺍﺧﺬﺕ ﻣﺴﺘﻠﺰﻣﺎﺕ ﺍﻟﻤﻄﺒﺦ ﻛﺎﻣﻠﺔ ﻛﻠﺸﻲ ﺣﺘﻰ ﺧﺎﺷﻮﻛﺔ ﺍﻟﭽﺎﻱ ﺍﺧﺬﺗﻬﺎ ﺑﺤﻴﺚ ﺍﻧﻮ ﺧﻠﺼﺖ ﺍﻟﻤﻄﺒﺦ ﻣﺎ ﺍﺷﺘﺮﻳﻠﻪ ﺷﻲ ﺑﻌﺪ
ﺍﻟﻤﺰﻫﺮﻳﺎﺕ ﻭﻫﺎﻱ ﺍﻟﺴﻮﺍﻟﻒ ﻛﺬﻟﻚ ﻛﻤﻠﺖ ﻫﺎﻱ ﺍﻟﻨﻮﺍﻋﻢ ﻛﻠﻬﺎ ﺧﺎﺑﺮﺕ ﻳﻮﺳﻒ ﻛﺘﻠﻪ ﺑﺎﺟﺮ ﻋﻨﺪﻱ ﻏﺮﺍﺽ ﺍﺭﻭﺡ ﺃﺭﺗﺒﻬﺎ ﺗﺠﻲ
ﻛﺎﻝ ﺍﻛﻴﺪ ﺛﺎﻧﻲ ﻳﻮﻡ ﺭﺣﻨﻪ ﻭﻣﻦ ﺷﺎﻑ ﺍﻟﻐﺮﺍﺽ ﻭﺩﺭﺓ ﺍﻧﻲ ﻣﺸﺘﺮﻳﺘﻬﻦ ﺿﺎﺝ ﻭﺯﻋﻞ ﻭﻋﻴﻂ ﺷﻮﻱ
بيج قصص عراقيه حقيقيه من واقعنا.روعه الطائي
ﻭﻛﺎﻝ ﺳﻮﻳﺘﻴﻨﻲ ﻓﻜﺮ ﻛﺘﻠﻪ ﻫﺴﻪ ﺍﻧﺘﻪ ﻟﻴﺶ ﺗﺎﺧﺬ ﻋﻠﻰ ﻧﻔﺴﻚ ﻭﻟﻴﺶ ﻣﻦ ﺍﺷﺘﺮﻱ ﺷﻲ ﻋﺒﺎﻟﻚ ﺍﻧﺘﻪ ﻣﺎ ﻋﻨﺪﻙ ﻓﻠﻮﺱ
ﺻﻴﺢ ﻭﻋﻴﻂ ﺷﻮﻱ ﻭﺧﻠﻪ ﻭﻃﻠﻊ ﺯﻋﻼﻥ ﻭﺭﺓ ﺭﺑﻊ ﺳﺎﻋﻪ ﺭﺟﻊ ﻟﻠﺒﻴﺖ ﻛﺘﻠﻪ ﻫﺎ ﺷﻮ ﺭﺟﻌﺖ ﻛﺎﻝ ﻭﺍﻧﻲ ﺷﻮﻛﺖ ﺭﺣﺖ ﺟﻨﺖ ﻛﺎﻋﺪ ﺑﺎﻟﺴﻴﺎﺭﻩ
ﺿﺤﻜﺖ ﻋﻠﻴﻪ ﺭﺣﺖ ﺣﻀﻨﺘﻪ ﻭﻛﺘﻠﻪ ﺍﻟﻤﻔﺮﻭﺽ ﺍﻧﻲ ﺍﺯﻋﻞ ﻛﺎﻝ ﻟﻴﺶ ﻛﺘﻠﻪ ﺍﻧﺘﻪ ﺑﻬﺬﺍ ﺣﺠﻴﻚ ﻭﺗﺼﺮﻓﻚ ﺗﻜﻮﻝ
ﻣﺎ ﺍﺭﻳﺪ ﺷﻲ ﻣﻨﺞ ﻭﻣﺘﻌﺎﻭﻧﻴﻨﻲ ﻭﻣﺘﻘﺒﻞ ﻭﺗﺴﻮﻱ ﺣﺎﺟﺰ ﺑﻴﻨﺎﺗﻨﻪ ﻛﺎﻝ ﺍﻧﻲ ﻣﻮ ﻫﺬﺍ ﻗﺼﺪﻱ ﺑﺲ ﻛﺘﻠﻪ ﺑﻼ ﺑﺲ
ﻣﻨﻮ ﻛﻠﻚ ﺍﻧﺘﻪ ﻓﻜﺮ ﺍﻛﻮ ﺿﺎﺑﻂ ﻓﻜﺮ ﺑﺲ ﻳﺎ ﺍﺧﻲ ﺍﻧﻲ ﺍﺣﺐ ﺍﺷﺘﺮﻱ ﻟﺒﻴﺘﻲ ﺍﻧﺘﻪ ﺷﻜﻮ ﻛﺎﻝ ﻋﻴﺐ ﺍﺳﺘﺤﻲ ﻭﺑﻌﺪﻳﻦ ﺍﻧﻲ ﻋﻨﺪﻱ ﻓﻠﻮﺱ ﺍﻟﻤﺘﺨﻠﺺ ﻟﻴﺶ ﺳﻮﻳﻦ ﻫﻴﺞ
ﻛﺘﻠﻪ ﺍﺩﺭﻱ ﻣﻴﺨﻠﺼﻦ ﺑﺲ ﺍﻧﺘﻪ ﺍﺣﺴﺐ ﺑﻌﺪ ﻭﺭﺍﻙ ﺷﻜﺪ ﻣﺼﺎﺭﻳﻒ ﻳﺮﺍﺩ ﺍﻟﻘﺎﻋﺔ ﻭﺍﻟﻔﻨﺪﻕ ﻭﺷﻬﺮ ﺍﻟﻌﺴﻞ ﻭﺍﻟﺼﺎﻟﻮﻥ ﻭﺍﻟﺒﺪﻻﺕ ﻭﻛﻮﻣﺔ ﺷﻐﻼﺕ ﺑﻌﺪ ﻋﻨﺪﻙ
ﻛﺎﻝ ﺍَﻱ ﺍﺩﺭﻱ ﻏﻴﺮﺕ ﻃﺮﻳﻘﻪ ﺣﺠﻲ ﻟﻠﺠﺪ ﻭﻛﺘﻠﻪ ﻳﻮﺳﻒ ﻗﺴﻤﺎ ﺑﺎﻟﻠﻪ ﺍﺫﺍ ﺳﻮﻳﺖ ﻫﻴﺞ ﻣﺮﻩ ﺛﺎﻧﻴﻪ ﺻﺪﻙ ﺍﻋﻮﻓﻚ ﻭﺃﻧﻬﻲ ﻛﻠﺸﻲ
ﺍﻧﻲ ﻣﺎ ﺍﺣﺐ ﻫﺎﻱ ﺍﻟﺴﻮﺍﻟﻒ ﺍﺣﺐ ﺍﻟﺘﻌﺎﻭﻥ ﺑﻴﻨﺎﺗﻨﻪ ﻳﻜﻮﻥ ﻟﻌﺪ ﺍﻧﻲ ﻣﻮ ﻣﺎ ﺣﺠﻴﺖ ﻣﻦ ﺳﺎﻋﺪﺗﻨﻲ ﺑﻴﺖ ﺧﺎﻟﻪ ﺍﻡ ﻋﻠﻲ
ﻛﺘﻠﻪ ﻣﻦ ﺗﺴﻮﻱ ﻫﻴﺞ ﺍﺿﻮﺝ ﺍﻧﻲ ﻓﻼ ﺗﻀﻮﺟﻨﻲ ﺑﻌﺪ ﻛﺎﻝ ﺍﺳﻒ ﻭﺑﻌﺪ ﻣﺎ ﺃﻋﻴﺪﻫﺎ ﺑﺲ ﻟﺘﺰﻋﻠﻴﻦ ﺑﺴﺘﻪ ﻭﺿﺤﻜﺖ ﻛﺎﻝ ﺗﺤﺠﻴﻦ ﻋﻠﻴﻪ ﻭﺻﺎﻳﺮﺓ ﻣﻨﺤﺮﻓﺔ
ﻛﻤﻠﻨﻪ ﻭﺗﻌﺸﻴﻨﻪ ﺑﻴﺘﻨﻪ ﻭﺭﺟﻌﻨﻪ ﻟﻠﺒﻴﺖ ﻣﺎﻣﺎ ﻛﺎﻟﺖ ﺍﺭﻳﺪﻛﻢ ﺑﺸﻐﻠﻪ ﻛﻨﺎﻟﻬﺎ ﺧﻴﺮ ﻛﻌﺪﻧﻪ ﻛﺎﻟﺖ
ﺍﻧﻲ ﻣﻦ ﺗﺮﻭﺣﻮﻥ ﻣﺎ ﺍﺣﻲ ﻭﻳﺎﻛﻢ ﻟﺒﻴﺘﻜﻢ ﺍﻧﺼﺪﻣﺖ ﻟﻴﺶ ﻛﺎﻟﺖ ﻣﺮﻩ ﻭﺭﺟﺎﻝ ﺍﻧﻲ ﺷﻌﻨﺪﻱ ﺟﺎﻳﻪ ﻳﻤﻜﻢ
ﻛﺎﻟﺖ ﻗﺒﻞ ﺟﻨﺖ ﻣﺮﻳﻀﻪ ﻭﻣﻘﻌﺪﻩ ﻭﻋﻠﻤﻮﺩ ﺩﺍﺭﻳﻨﻲ ﺍﻧﺘﻲ ﻫﺴﻪ ﺍﻧﻲ ﺻﺮﺕ ﺑﺤﻴﻠﻲ ﻭﺍﺗﻌﺎﻓﻴﺖ ﻭﻧﺒﻴﻪ ﺷﻲ ﺍﻧﺸﺎﻟﻠﻪ
ﺍﺑﻘﻰ ﻳﻢ ﺍﻣﻲ ﻭﺃﺑﻮﻱ ﻣﻨﻮ ﺍﻟﻬﻢ ﻭﺍﺻﻼ ﺑﻌﺪ ﻓﺘﺮﻩ ﺍﺭﺟﻊ ﻟﻠﺸﻐﻞ ﺑﺲ ﺍﺗﻘﻮﺓ ﺑﻤﺸﻴﺘﻲ ﻭﺗﺰﻭﺟﻴﻦ ﺍﻧﺘﻲ
ﻛﻤﺖ ﺍﺑﺠﻲ ﻭﺗﻮﺳﻠﺖ ﺑﻴﻬﺎ ﻭﻛﺘﻠﻬﺎ ﺍﻧﻲ ﺣﺘﻰ ﻏﺮﻓﺘﺞ ﺣﻀﺮﺗﻬﺎ ﺗﺎﻟﻲ ﻫﻴﺞ ﺗﻜﻮﻟﻴﻦ
ﻛﺎﻟﺖ ﻫﺬﺍ ﺍﻟﺼﺢ ﻭﺍﻧﻲ ﻣﺎ ﻃﺎﻳﺮﻩ
ﻣﻮﺟﻮﺩﻩ ﺷﻮﻛﺖ ﻣﻴﻌﺠﺒﺞ ﺗﺠﻴﻦ ﻋﻠﻴﻪ ﻭﺗﺸﻮﻓﻴﻨﻲ ﻭﺍﻧﻲ ﻫﻢ ﺍﻧﻮﺍﺏ ﺍﺟﻲ ﺍﺑﺎﺕ ﻳﻤﺞ ﺿﻠﻴﺖ ﺍﺑﺠﻲ ﻭﻳﻮﺳﻒ ﻳﻘﻨﻊ ﺑﻴﻬﺎ ﻭﻫﻴﻪ ﻗﺎﻓﻠﻪ
ﻭﺣﺘﻰ ﺟﺪﻭ ﻭﺑﺎﺟﻲ ﻛﺎﻟﻮ ﻫﺬﺍ ﺍﻟﺼﺢ ﻭﻣﻘﺒﻠﻮ ﻝ١٢ ﺑﻠﻴﻞ ﻧﻘﻨﻊ ﺑﻴﻬﺎ ﺍﻧﻲ ﻭﻳﻮﺳﻒ ﻭﻫﻴﻪ ﻣﺘﻘﺒﻞ ﺍﺧﺮ ﺷﻲ ﺍﺳﺘﺴﻠﻤﺖ ﻟﻸﻣﺮ ﺍﻟﻮﺍﻗﻊ ﺑﺲ ﻣﺠﺎﻥ ﺑﺎﻟﻲ ﺣﻴﺼﻴﺮ ﻫﻴﺞ
ﺑﻌﺪﻫﺎ ﺿﻠﻴﺖ ﺍﻗﺮﻩ ﻭﻣﺸﺖ ﺃﻳﺎﻣﻲ ﺭﻭﺗﻴﻦ ﻋﺎﺩﻱ ﻃﻠﻌﺎﺗﻲ ﻗﻠﻠﺘﻬﺎ ﺿﻠﻴﺖ ﺍﻗﺮﻩ ﺍﻧﻮﺍﺏ ﻧﺮﻭﺡ ﻟﺒﻴﺖ ﺧﺎﻟﻪ ﺍﻡ ﻋﻠﻲ
ﻭﺍﻧﻮﺍﺏ ﻫﻨﻪ ﻳﺠﻦ ﻳﻤﻨﺔ ﻭﺑﻨﺎﺗﻬﺎ ﺫﺑﻦ ﺍﻟﻌﺒﻲ ﻛﺎﻣﻦ ﻳﻠﺒﺴﻦ ﻧﻔﺎﻧﻴﻒ ﺑﺎﻟﻄﻠﻌﻪ ﻭﻣﺎﻣﺎ ﺻﺎﺭﺕ ﺻﺪﺍﻗﻪ ﻫﻴﻪ ﻭﺧﺎﻟﻪ ﺍﻡ ﻋﻠﻲ
ﺍﺟﺘﻲ ﺍﻻﻣﺘﺤﺎﻧﺎﺕ ﻭﺑﻠﺸﺖ ﺍﻣﺘﺤﻦ ﻭﻳﻮﺳﻒ ﻭﻳﺎﻱ ﺍﺑﺪ ﻣﺎ ﻋﺎﻓﻨﻲ ﻳﻮﻣﻴﺔ ﺍﺩﻋﻲ ﺭﺑﻲ ﻳﺤﻔﻀﺔ ﺍﻟﻴﻪ ﻣﻦ ﺻﺪﻙ ﺣﺒﻴﺘﻪ
ﺧﻠﺼﺖ ﺍﻣﺘﺤﺎﻧﺎﺕ ﻭﺍﺳﺘﻠﻤﺖ ﺍﻟﻨﺘﻴﺠﺔ ﻧﺎﺟﺤﺔ ﻭﺍﻟﺤﻤﺪﻟﻠﻪ ﻭﺑﻌﺪﻫﺎ ﻳﻮﺳﻒ ﻛﺎﻟﻮ ﻭﺭﻩ ﺃﺳﺒﻮﻋﻴﻦ ﻧﺴﻮﻱ ﺍﻟﻌﺮﺱ ﻣﺎ ﺍﺻﺒﺮ ﺑﻌﺪ
ﻭﺍﻟﺒﻴﺖ ﻛﻤﻠﻨﺎﻩ ﻛﺎﻣﻞ ﻛﻠﺸﻲ ﺑﻲ ﻭﺍﻟﻐﺮﻓﻪ ﺍﺧﺬﺗﻬﺎ ﺗﺮﻛﻴﻪ ﻭﺷﺪﻳﻨﺎﻫﺎ ﺑﺎﻟﻐﺮﻓﺔ ﻭﺍﺷﺘﺮﻳﺖ ﺍﻟﻬﺎ ﻓﺮﺷﻪ ﺍﻻ ﻣﺎ ﺗﺠﻨﻦ ﻭﻓﺮﺷﺘﻬﺎ
ﻭﺭﺗﺒﺖ ﺍﻟﻐﺮﻓﻪ ﻭﺯﻳﻨﺘﻬﺎ ﻭﺑﺪﻳﻨﻪ ﻧﺠﻬﺰ ﻟﻠﻌﺮﺱ ﺍﺧﺬﺕ ﻣﻼﺑﺲ ﻭﻣﻮ ﻫﻮﺍﻱ ﺍﻧﻲ ﻋﻨﺪﻱ ﻛﻮﻣﺔ ﻭﺍﺷﺘﺮﻳﺖ ﺍﻟﺒﺪﻻﺕ ﻣﺎﻝ ﺍﻟﺤﻨﻪ ﻭﺍﻟﺰﻓﻪ
ﻭﻋﻴﻨﻲ ﺑﺪﻟﻪ ﺍﻟﻌﺮﺱ ﺣﺎﻧﺖ ﻣﺎﻝ ﻣﻠﻜﺔ ﺟﻨﻦ ﻭﻣﻤﻠﺒﻮﺳﻪ ﺗﺨﺒﻞ ﺻﺪﻙ ﻋﺠﺒﺘﻨﻲ ﻭﺣﺒﻴﺘﻬﺎ
ﻛﻤﻠﺖ ﺍﻟﻤﻼﺑﺲ ﻭﻫﺎﻱ ﺍﻟﺴﻮﺍﻟﻒ ﻭﺭﺣﺖ ﺭﺗﺒﺘﻬﻦ ﺑﻴﺘﻲ ﻭﺍﻫﻞ ﻳﻮﺳﻒ ﻣﺮﺗﻴﻦ ﺍﺟﻮ ﻳﻤﻨﺔ
ﻭﺍﻧﻮﺍﺏ ﻳﺎﺧﺬﻧﻲ ﻳﻮﺳﻒ ﻭﻧﺮﻭﺡ ﻋﻠﻴﻬﻢ ﺧﻠﺼﺖ ﻛﻠﺸﻲ ﺑﻘﻰ ﺑﺲ ﺍﻟﻌﺮﺱ ﻭﺿﻠﻴﺖ ﺍﺩﻋﻲ ﺭﺑﻲ ﻳﺘﻤﻢ ﻋﻠﻰ ﺧﻴﺮ ﻻﻥ ﺍﺧﺎﻑ ﻣﻦ ﻓﻬﺪ
ﺧﺎﻟﻪ ﺍﻡ ﻋﻠﻲ ﺍﺧﺬﺗﻬﺎ ﻭﺃﺧﺬﺕ ﺑﻨﺎﺗﻬﺎ ﻭﺍﺷﺘﺮﻳﺘﻠﻬﻦ ﻣﻼﺑﺲ ﺣﺘﻰ ﻻﻣﻬﻦ ﻭﺍﺣﺬﻳﻪ ﻭﺇﻛﺴﺴﻮﺍﺭﺍﺕ ﻭﻛﺎﻣﻞ ﻭﺍﻧﻲ ﺩﻓﻌﺖ ﻣﻘﺒﻠﺖ ﺧﺎﻟﻪ ﺍﻡ ﻋﻠﻲ ﺑﺲ ﺍﺻﺮﻳﺖ
ﺣﺠﺰﻧﻪ ﺍﻧﻲ ﻭﻳﻮﺳﻒ ﺍﻟﻘﺎﻋﻪ ﻭﺍﺧﺘﺎﺭﻳﻨﻪ ﻓﻴﻜﺎﺕ ﻭﺩﺑﻜﺎﺕ ﻭﺍﺷﻴﺎﺀ ﻳﺴﻮﻧﻬﺎ ﺍﺛﻨﺎﺀ ﺍﻟﺤﻔﻠﻪ ﺗﺨﺒﻞ ﻭﺍﺧﺘﺎﺭﻳﺖ ﺍﻷﻏﺎﻧﻲ ﻛﻞ ﺃﻏﻨﻴﻪ ﻟﺤﺮﻛﺔ ﻣﺜﻞ ﺃﻏﻨﻴﻪ ﻟﻠﻜﻴﻚ ﺃﻏﻨﻴﻪ ﻟﺪﺧﻮﻟﻴﺘﻨﺎ ﺃﻏﻨﻴﻪ ﻟﻠﺴﻠﻮ ﺑﻌﺪﻫﺎ ﺿﻠﻴﺖ ﺍﻧﺘﻀﺮ ﻳﻮﻡ ﺍﻟﻌﺮﺱ
ﻭﻳﻮﺳﻒ ﻓﺮﺣﺎﻥ ﺍﻛﺜﺮ ﻣﻨﻲ ﻳﻜﻮﻝ ﻳﻮﻡ ﻋﻴﺪ ﻣﻦ ﻳﺤﻲ ﺍﻟﻴﻮﻡ ﺍﻟﻲ ﺗﺼﻴﺮﻳﻦ ﺑﻴﺘﻲ ﻭﺍﻟﻲ ﺍﻭﻑ ﺷﻮﻛﺖ ﻳﺨﻠﺺ ﺍﻷﺳﺒﻮﻉ
ﻳﺘﺒﻊ
#فصلية_لظالم_وحش
بارت٤٠
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ( ﻭﺣﺶ )
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
...................
ﺿﻠﻴﺖ ﺍﻧﺘﻀﺮ ﻳﻮﻡ ﺍﻟﻌﺮﺱ ﻭﺃﻳﺪﻱ ﻋﻠﻰ ﻛﻠﺒﻲ ﻣﻦ ﻭﺭﻩ ﻓﻬﺪ ﺧﺎﻑ ﻳﺴﻮﻱ ﺷﻲ
ﺻﺎﺭ ﻳﻮﻡ ﺍﻟﺤﻨﻪ
ﻭﻛﻌﺪﺕ ﻣﻦ ﺍﻟﺼﺒﺢ ﺳﺒﺤﺖ ﻭﻛﻤﻠﺖ ﻭﺭﺍﺣﺖ ﻭﻳﺎﻳﺔ ﻣﺎﻣﺎ ﻭﺻﺒﺎ ﻭﺧﺎﻟﻪ ﺍﻡ ﻋﻠﻲ ﺭﺍﺣﺖ ﻟﻠﺒﻴﺖ ﺗﻨﻀﻔﻪ ﻭﺗﺮﺗﺒﻪ ﻭﺗﺴﺎﻋﺪ ﺑﺎﺟﻲ ﻫﻴﻪ ﻭﺑﻨﺎﺗﻬﺎ
ﻣﻨﺎﻙ ﺃﺟﺖ ﻣﺮﻭﺓ ﺍﺧﺖ ﻳﻮﺳﻒ ﻭﺑﺪﻭ ﻳﺸﺘﻐﻠﻮﻥ ﺑﻴﺔ ﻋﻠﻰ ﻣﺴﺎﺝ ﻋﻠﻰ ﺗﻨﻀﻴﻒ ﻭﺳﻨﻔﺮﻩ ﻭﺃﻳﺪﻳﻪ ﻭﺭﺩﻭ ﻣﻜﻴﺎﺝ ﻭﺗﺴﺮﻳﺤﺔ
ﻛﻤﻠﺖ ﻭﻟﺒﺴﺖ ﺍﻟﺒﺪﻟﺔ ﻭﻃﻠﻌﺖ ﻭﺍﻭ ﺟﺎﻥ ﻟﻮﻥ ﺍﻟﺒﺪﻟﺔ ﻟﻮﻥ ﺗﻔﺎﺣﻲ ﻭﺭﺩﻱ ﻋﻠﻰ ﻓﺎﺗﺢ ﺑﺲ ﻳﻜﻮﻟﻮﻟﺔ ﺗﻔﺎﺣﻲ ﻛﻠﺶ ﺣﻠﻮﺓ
ﺟﺎﻥ ﻣﻮﺩﻳﻠﻬﺎ ﻭﻧﺎﺯﻟﺔ ﺟﺪﻳﺪﺓ ﺑﺎﻟﺴﻮﻙ ﻭﺃﻭﻝ ﻭﺣﺪﻩ ﺍﻧﻲ ﺍﻟﺒﺴﻬﺎ ﻭﺷﻌﺮﻱ ﺑﺲ ﻣﻴﺸﺘﻪ ﻻﻥ ﻫﻮ ﻟﻮﻧﻪ ﻋﻠﻰ ﺍﺷﻘﺮ ﻃﻠﻊ ﻳﻤﻮﺕ
ﺑﻴﻮﻣﻬﺎ ﻃﻠﻌﺖ ﻟﻌﺎﺑﻪ ﺍﻧﻲ ﻧﻔﺴﻲ ﺑﻨﻔﺴﻲ ﺍﻋﺘﺮﻑ 😅 ﻛﻠﺖ ﺍﻟﻴﻮﻡ ﺍﺫﺍ ﺷﺎﻓﻨﻲ ﻳﻮﺳﻒ ﻳﻔﻘﺪ
ﻛﻤﻠﻨﺔ ﻭﺭﺟﻌﻨﻪ ﻟﻠﺒﻴﺖ ﻭﻟﻜﻴﺖ ﺍﻟﻤﻌﺎﺯﻳﻢ ﻧﺼﻬﺎ ﺟﺎﻳﻪ ﻛﻌﺪﺕ ﻋﺎﻟﻜﻮﺷﺔ ﻭﻣﺎﻣﺎ ﺑﺲ ﺗﺼﻠﻲ ﻋﺎﻟﻨﺒﻲ ﻻ ﻳﺤﺴﺪﻭﻧﻨﻲ
ﺑﺪﺕ ﺍﻟﺤﻔﻠﻪ ﻭﺍﺟﻮ ﺍﻫﻞ ﻳﻮﺳﻒ ﺑﺲ ﻳﻮﺳﻒ ﻳﺠﻲ ﺍﻟﻤﻐﺮﺏ ﺍﻭ ﻗﺒﻞ ﺍﻟﻤﻐﺮﺏ ﺃﻭ ﺑﻠﻴﻞ ﻣﻦ ﻳﺼﻴﺮﻟﺔ ﻣﺠﺎﻝ ﻋﻠﻤﻮﺩ ﻳﺸﻮﻓﻨﻲ ﻭﻳﺤﻨﻴﻨﻲ
ﻭﺣﻠﻔﻨﻲ ﺍﺑﻘﻰ ﺑﺸﻜﻠﻲ ﻣﺎ ﺍﺑﺪﻝ ﺍﻭ ﺃﻏﻴﺮ ﺷﻲ ﻛﻠﻬﺎ ﺻﺎﻓﻨﻪ ﻋﻠﻴﻪ ﻭﻋﻤﺘﻲ ﻣﻜﻴﻔﺔ ﺟﻨﺘﻬﺎ ﺣﻠﻮﺓ ﻃﺎﻟﻌﻪ
ﻭﺑﺖ ﻋﻤﺔ ﻟﻴﻮﺳﻒ ﻫﻢ ﺟﺎﻳﻪ ﺍﺳﻤﻬﺎ ﻧﺒﺄ ﻭﺍﻟﻴﻮﻡ ﺣﻴﻞ ﺿﺎﻳﺠﺔ ﺑﺲ ﻻﺑﺴﻪ ﺻﻠﻮﺥ ﻭﻗﺼﻴﺮ ﻭﻣﻦ ﻓﻮﻙ ﻋﺎﻟﺼﺪﺭ ﺟﺎﻱ
ﺍﺫﺍ ﺩﻧﻚ ﻣﻼﺑﺴﻬﺎ ﺍﻟﺪﺍﺧﻠﻴﻪ ﺗﻄﻠﻊ ﻭﺣﺎﻃﺔ ﻣﻜﻴﺎﺝ ﻋﺮﻭﺱ ﻭﻫﻴﻪ ﺑﻨﻴﻪ ﻳﻌﻨﻲ ﻋﺎﺩﻱ ﻣﺜﻞ ﺧﻔﻴﻒ ﺑﻨﺎﺗﻲ ﻣﻮ ﻣﺎﻝ ﻋﺮﻭﺱ
ﺍﻧﻲ ﺷﻜﺪ ﻓﺮﻱ ﻭﺳﺒﻮﺭﺕ ﻭﻣﺘﺤﺮﺭﺓ ﺑﺲ ﻣﺎ ﺑﻴﻮﻡ ﺭﺣﺖ ﻟﻤﻜﺎﻥ ﺍﻭ ﻃﻠﻌﺖ ﺍﻭ ﺭﺣﺖ ﻟﺤﻔﻠﺔ ﻭﺣﻄﻴﺖ ﺍﻟﻤﻜﻴﺎﺝ ﺍﻟﻲ ﻣﺨﻠﻴﺘﻪ ﻫﻴﻪ
ﻭﻛﺎﻋﺪﺓ ﻭﻛﺎﻟﺒﻪ ﺧﻠﻘﺘﻬﺎ ﻣﺘﻘﺒﻞ ﺗﻜﻮﻡ ﺗﺮﻛﺺ ﻳﻜﻮﻣﻨﻬﺎ ﻛﺮﺍﻳﺒﻬﺎ ﻭﻫﻴﻪ
ﻣﺘﻘﺒﻞ ﻭﺗﺒﺎﻭﻋﻠﻲ ﺑﺨﺰﺭﺓ ﻣﻬﺘﻤﻴﺖ ﺍﻟﻬﺎ
ﺑﺲ ﺿَﻞ ﺑﻨﻔﺴﻲ ﺍﻋﺮﻑ ﺷﺒﻴﻬﺎ ﺿﻠﻦ ﺍﻟﺒﻨﺎﺕ ﻳﺮﻛﺺ ﻭﺧﺰﻥ ﺑﺎﻟﺮﻛﺺ ﻭﺻﺒﺎ ﺍﻧﺪﻣﺠﺖ ﻭﻳﺔ ﻣﺮﻭﺓ ﺍﺧﺖ ﻳﻮﺳﻒ
ﻭﺻﺪﻳﻘﺎﺗﻲ ﺍﺟﻨﻲ ﻭﻛﻮﻣﻨﻲ ﻭﺭﻛﺼﺖ ﻭﻳﺎﻫﻦ ﺷﻮﻳﻪ ﻭﺻﻮﺭﻧﺔ ﻛﻮﻣﺔ ﺻﻮﺭ ﻭﻫﻨﻪ ﻫﻢ ﻃﻜﻦ ﻭﻳﺎﻱ ﺻﻮﺭ ﻛﻮﻣﺔ ﻭﺍﻟﻒ ﻟﻘﻄﻪ ﺳﻮﻥ
ﺻﺎﺭﺕ ﺍﻟﺪﻧﻴﺎ ﻋﻠﻰ ﻏﺮﻭﺏ ﺧﺎﺑﺮﻧﻲ ﻳﻮﺳﻒ ﻛﺎﻝ ﺍﺟﻴﺖ ﺑﺎﻟﻄﺮﻳﻖ ﻭﺧﺎﺑﺮ ﺃﻣﺔ ﻫﻢ ﻛﻠﻠﻬﺎ
ﻋﺎﺩ ﺷﻮﻱ ﻭﻭﺻﻞ ﻃﺒﺖ ﻣﺮﻭﺓ ﻛﺎﻟﺖ ﺍﺟﺔ ﺍﻟﻌﺮﻳﺲ ﻛﻠﻬﺎ ﻟﺒﺴﺖ ﻭﺳﺘﺮﺕ ﺭﻭﺣﻬﺎ ﻭﻟﺒﺴﺖ ﺷﺎﻻﺕ
ﺍﻻ ﻧﺒﺄ ﺿﻠﺖ ﻣﺜﻞ ﻣﺎ ﻫﻴﻪ ﻻ ﻛﺎﻣﺖ ﻭﻻ ﺗﺤﺮﻛﺖ ﺍﺻﻼ ﻛﺎﻣﺖ ﺗﻌﺪﻝ ﺑﺮﻭﺣﻬﺎ ﺗﻔﺎﺟﺄﺕ ﻫﺎﻱ ﺷﺒﻴﻬﺎ ﻟﻮﻳﻦ ﺗﺮﻳﺪ ﺗﻮﺻﻞ
ﺿﻠﺖ ﻋﻴﻨﻲ ﻋﻠﻴﻬﺎ ﻭﻛﺎﻣﺖ ﻏﻴﺮﺕ ﻣﻜﺎﻧﻬﺎ ﻛﻌﺪﺕ ﺑﻤﻜﺎﻥ ﻣﻠﻔﺖ ﻟﻼﻧﺘﺒﺎﻩ ﻃﺐ ﻳﻮﺳﻒ ﻳﻤﺔ ﻓﺪﻭﺓ ﺭﺣﺖ ﻟﻄﻮﻟﺔ ﺷﻄﺎﻟﻊ
بيج قصص عراقيه حقيقيه من واقعنا.روعه الطائي
ﻳﻤﻮﺕ ﻳﺠﻠﻂ ﻳﻜﻬﺮﺏ ﻫﻬﻬﻬﻬﻪ ﻃﺐ ﺑﺎﻭﻋﻠﻲ ﻭﺿﺤﻚ ﺍﺟﻰ ﻳﻤﻲ ﻭﻛﻌﺪ ﺷﺎﻝ ﺍﻳﺪﻱ ﺑﺄﺳﻬﺎ ﻛﺎﻝ ﻟﺞ ﻫﺎﻱ ﺷﻄﺎﻟﻌﻪ
ﺿﺤﻜﺘﻠﺔ ﻛﺘﻠﺔ ﻣﻮ ﺍﺣﻠﻰ ﻣﻨﻚ ﺣﺒﻴﺒﻲ ﻛﺎﻝ ﻋﻤﻲ ﻭﻳﻦ ﺍﻭﺻﻞ ﻟﺠﻤﺎﻟﺞ ﺍﻧﻲ ﺍﻧﺘﻲ ﺍﻟﻜﻤﺮ ﻭﺍﻧﻲ ﺍﻟﻨﺠﻤﺔ
ﻣﺎﺧﺬ ﺣﻮﺭﻳﻪ ﺍﻧﻲ ﻛﺘﻠﺔ ﺍﻭﻱ ﺣﻨﻔﺦ ﺭﻳﺸﺎﺗﻲ ﻫﻬﻬﻪ ﻛﺎﻝ ﻣﻦ ﺍﺭﻭﺡ ﺍﻧﻲ ﻭﻋﺸﻴﺮﺗﻲ ﻓﺪﻭﺓ ﻟﻼﻭﻱ ﻫﺬﻩ
ﻛﺎﻋﺪ ﻳﻤﻲ ﻭﻳﺴﻮﻟﻒ ﻭﻳﺒﻮﺱ ﺍﻳﺪﻱ ﻭﻧﺒﺄ ﻋﻴﻮﻧﻬﺎ ﺻﺎﺭﺕ ﺷﺮﺍﺭ ﻗﻄﻌﻨﻪ ﺍﻟﻜﻴﻜﺔ ﻭﺍﻛﻠﻨﺔ ﻭﺷﺮﺑﻨﻪ ﻋﺼﻴﺮ ﻭﻟﺒﺴﻨﻲ ﺍﻟﺬﻫﺐ
ﻛﺎﻣﻦ ﺍﻟﺒﻨﺎﺕ ﻳﻄﻜﻦ ﺻﻮﺭ ﻭﻳﺎﻧﻪ ﻛﺮﺍﻳﺐ ﻳﻮﺳﻒ ﻭﻣﻦ ﻛﺮﺍﻳﺒﻲ ﺑﺲ ﺍﻟﻘﺮﻳﺒﻪ ﻣﺜﻞ ﻣﺎﻣﺎ ﻭﺻﺒﺎ ﻭﺧﺎﻟﺘﻲ ﻭﺑﺎﺟﻲ ﻭﺍﻡ ﻋﻠﻲ
ﺍﺟﺘﻲ ﻧﺒﺄ ﺗﺘﻤﻨﺪﻝ ﺑﻤﺸﻴﺘﻬﺎ ﻭﺗﻌﺪﻝ ﺷﻌﺮﻫﺎ ﻭﺟﺎﻥ ﺗﻜﻮﻝ ﺍﺭﻳﺪ ﺍﻃﻚ ﺻﻮﺭﺓ ﻭﻳﺎﻛﻢ ﺑﻤﻴﺎﻋﻪ ﺍﺛﻨﻴﻨﻪ ﻣﺎ ﺟﺎﻭﺑﻨﺎﻫﺎ
ﺧﻠﺖ ﻭﻛﻌﺪﺕ ﻣﻦ ﺟﻬﺔ ﻓﻬﺪ ﻣﺎ ﻛﻌﺪﺕ ﺑﺎﻟﻨﺺ ﺍﻭ ﻣﻦ ﺟﻬﺘﻲ ﻭﺟﺎﻥ ﺗﺤﻀﻨﻪ ﻭﺗﻨﺎﻡ ﻋﻠﻰ ﺟﺘﻔﺔ ﻭﺗﻜﻮﻝ ﻷﺧﺘﻬﺎ ﺍﺧﺬﻳﻠﻲ ﺻﻮﺭ
ﺭﺩﺕ ﺍﺧﺬﺕ ﺍﻟﺘﻴﻠﻔﻮﻥ ﻭﻛﺎﻣﺖ ﻃﻚ ﺳﻠﻔﻲ ﻭَﻳَﺎ ﻭﻫﻮ ﻟﻮ ﻳﻨﺪﺍﺭ ﻋﻠﻴﻪ ﻟﻮ ﻳﺤﺠﻲ ﻭﻳﺔ ﺃﻫﻠﻪ ﺍﻭ ﻳﺪﻳﺮ ﻭﺟﻬﺎ
ﻭﺍﻧﻲ ﺍﺣﺲ ﺩﺧﻨﺖ ﺭﺩﺕ ﺃﻛﻮﻡ ﺃﻣﻠﺨﻬﺎ ﺍﺣﺲ ﻧﺎﺭ ﻭﺍﺷﺘﻌﻠﺖ ﺑﻴﻪ ﻭﺗﺘﻤﻀﺤﻚ ﻳﻮﺳﻒ ﺣﺲ ﺑﺪﻭﻥ ﻣﺎ ﺍﺣﺪ ﻳﻨﺘﺒﻪ ﺟﻔﺼﺖ
ﺑﻜﻌﺐ ﺍﻟﺤﺬﺍﺀ ﻋﻠﻰ ﺭﺟﻠﺔ ﻣﺎ ﺣﺠﺔ ﺑﺲ ﺍﺑﺎﻭﻉ ﻋﻠﻴﻪ ﻭﺟﻬﺎ ﺻﺎﺭ ﻃﻤﺎﻃﺔ ﻻﻥ ﻛﻞ ﻗﻮﺗﻲ ﺟﻔﺼﺖ ﻋﻠﻰ ﺭﺟﻠﺔ
ﻏﻤﺰ ﻟﻤﺮﻭﺓ ﻭﺟﺎﻥ ﺗﻜﻮﻟﻠﻬﺎ ﺷﻮ ﻭﺧﺮﻱ ﺩﺍﺭﻳﺪ ﺍﻃﻚ ﺻﻮﺭ ﻭﻳﺔ ﺍﺧﻮﻳﺔ ﻛﺎﻣﺖ ﻭﺗﺘﻤﻮﻉ ﻛﺪﺍﻣﻪ ﻭﺿﻠﺖ ﻛﺪﺍﻣﺔ ﻭﺍﻛﻔﺔ
ﻭﺗﺘﻌﻤﺪ ﻋﺴﺎﺱ ﺗﺎﺧﺬ ﻣﻲ ﻣﻦ ﺍﻟﻤﻴﺰ ﺍﻭ ﺷﻲ ﻭﺩﻧﻚ ﻭﻳﻄﻠﻊ ﺻﺪﺭﻫﺎ ﻛﻠﺔ ﺍﺻﻼ ﺛﻮﺑﻬﺎ ﻣﺎ ﺑﻲ ﻃﻮﻝ ﻣﺘﺮ ﻭﺍﺣﺪ ﻛﺪ ﻣﺎ ﻗﺼﻴﺮ
ﻛﻠﻬﺎ ﺍﻧﺘﺒﻬﺖ ﻋﻠﻴﻬﺎ ﻭﻋﻠﻰ ﺗﺼﺮﻓﺎﺗﻬﺎ ﻭﺿﻠﺖ ﺗﻬﺰ ﺑﻤﻴﺎﻋﻪ ﻛﺪﺍﻡ ﻳﻮﺳﻒ ﻭﻫﻮ ﻣﻨﺰﻝ ﺭﺍﺳﻪ ﻟﻮ ﻳﺤﺠﻲ ﻭﻳﺎﻱ ﻣﺎ ﻣﻌﺒﺮﻫﺎ ﻭﺍﻧﻲ ﻣﺘﺖ ﻣﻦ ﻭﺭﺍﻫﺎ
ﻳﻮﺳﻒ ﺣﺲ ﻋﻠﻴﻪ ﺣﺠﺔ ﻭﻳﺎﻱ ﻧﺘﺮﺕ ﺑﻲ ﺑﺪﻭﻥ ﻣﺎ ﺍﺣﺪ ﻳﻨﺘﺒﻪ ﻭﻋﺼﺮﺕ ﺍﻳﺪﻩ ﺣﻴﻞ ﻛﺎﻝ ﺷﺒﻴﺞ ﻳﺮﻭﺣﻲ ﻛﺘﻠﺔ ﺷﻨﻮ ﻫﺎﻻﺳﺘﻬﺘﺎﺭ
ﻛﺎﻝ ﺣﺸﺎﺝ ﻭﺣﺪﺓ ﺳﺎ .... ﺓ ﺷﻌﻠﻴﺞ ﺑﻴﻬﺎ ﺧﺰﺭﺗﺔ ﺿﻠﺖ ﻭﺍﻛﻔﺔ ﻛﺪﺍﻣﻨﺔ ﻭﺍﻧﻲ ﺍﻓﻮﺭ ﺭﺩﻥ ﺻﺒﺎ ﻭﻣﺮﻭﺓ ﻛﻮﻣﻨﺔ ﺍﻧﻲ ﻭَﻳَﺎ ﻧﺮﻛﺺ
ﻭﻛﻤﻨﺔ ﺭﻛﺼﻨﻪ ﺿﺤﻜﺖ ﻭَﻳَﺎ ﻭﻣﺒﻴﻨﺖ ﻟﻠﻨﺎﺱ ﺑﺲ ﻣﻦ ﺟﻮﺍﻱ ﺃﻏﻠﻲ ﺗﻤﻨﻴﺖ ﻛﻮﻥ ﺍﻧﻲ ﻭﻳﺎﻫﺎ ﻭﺣﺪﻧﺔ ﻭﻣﺎﻛﻮ ﺍﺣﺪ ﺍﻻ ﺍﺷﺮﺏ ﻣﻦ ﺩﻣﻬﺎ
ﺭﻛﺼﻨﻪ ﻋﻠﻰ ﺃﻏﻨﻴﻪ ﻣﺮﺗﻲ ﻣﺎﻝ ﻣﺤﻤﺪ ﺍﻟﺴﺎﻟﻢ ﺑﺲ ﺍﻧﻲ ﻭَﻳَﺎ ﻭﺳﻮﻥ ﺩﺍﺋﺮﺓ ﻭﺧﻠﻨﻪ ﺑﺎﻟﻨﺺ
ﻭﺍﻧﻮﺏ ﻃﻠﻌﻦ ﺍﻏﺎﻧﻲ ﺭﺩﺡ ﻭﻛﻤﻨﺔ ﻧﺮﻛﺺ ﺟﺎﻥ ﺍﻻﺳﺘﻘﺒﺎﻝ ﻣﺎﻟﺘﻨﻪ ﻛﻠﺶ ﺟﺒﻴﺮ ﻭﻣﺨﻠﻴﺎﺕ ﻣﻜﺎﻥ ﻳﺮﻛﺼﻦ ﺑﻲ ﺟﺒﻴﺮ
ﻋﺎﺩ ﻃﻠﻌﺖ ﻣﺮﻭﺓ ﺳﺎﺟﺪﻩ ﻋﺒﻴﺪ ﻭﻛﺎﻣﺖ ﺗﺮﻛﺺ ﻭﻳﺔ ﻳﻮﺳﻒ ﻭﻫﻮ ﻳﺮﻛﺺ ﻭﻳﺎﻫﺎ ﻭﻓﺮﺣﺎﻥ
ﺃﺟﺖ ﻧﺒﺄ ﻭﺟﺮﺗﻪ ﻛﺎﻣﺖ ﺗﺮﻛﺺ ﻭَﻳَﺎ ﻭﺗﺨﻠﻲ ﺃﻳﺪﻳﻬﺎ ﻋﻠﻰ ﺻﺪﺭﺓ ﻭﻓﺪ ﺣﺮﻛﺎﺕ ﻫﻮ ﺍﺳﺘﺤﻰ ﻭﺧﺠﻞ ﻛﻠﺶ ﻭﻳﺪﻓﻊ ﺑﻴﻬﺎ ﻭﻣﺘﻮﺧﺮ
ﻣﻦ ﺷﻔﺘﻬﺎ ﻫﻴﺞ ﺳﻮﺕ ﺻﺪﻙ ﺿﺠﺖ ﺑﺎﻭﻋﺖ ﻋﻠﻴﻪ ﻭﺟﺎﻥ ﺍﺧﺰﺭﻫﺎ ﻭﻣﺎ ﺟﺎﺯﺕ ﺧﻠﻴﺖ ﻭﻛﻠﺖ ﻟﺼﺒﺎ ﺑﺲ ﺑﻌﺪﻱ ﺍﻟﺒﻨﺎﺕ ﺍﺭﻳﺪ ﺍﺭﺟﻊ ﺍﻛﻌﺪ
بيج قصص عراقيه حقيقيه من واقعنا.روعه الطائي
ﺟﺮﺗﻨﻲ ﻭﺟﺮﺕ ﻳﻮﺳﻒ ﻭﺧﻠﺘﻨﻪ ﻧﺮﻛﺺ ﺳﻮﻩ ﺑﺲ ﺍﻧﻲ ﺧﺮﺏ ﻭﺍﻫﺴﻲ ﻣﻦ ﻭﺭﺍﻫﺎ ﺳﺤﺒﺖ ﺍﻳﺪﻱ ﻭﺩﺍﺭﺟﻊ ﺍﻛﻌﺪ ﻟﺰﻣﻬﺎ ﻭﺭﺣﻨﻪ ﺳﻮﻩ ﺭﺟﻌﻨﻪ ﻛﻌﺪﻧﻪ
ﻛﺎﻝ ﺣﺒﻴﺒﻲ ﺷﺒﻴﺞ ﺿﺠﺘﻲ ﻛﺘﻠﺔ ﻭﺗﺴﺎﻝ ﻳﻌﻨﻲ ﻋﺴﺎﺱ ﻣﺘﻌﺮﻑ ﻫﺎﻱ ﺍﻟﻤﻬﺰﻟﺔ ﺷﻨﻮ ﻛﺎﻝ ﻭﺩﺍﻋﺘﺞ ﻣﺎ ﺍﺩﺭﻱ
ﺑﺲ ﻣﻦ ﺍﺭﺟﻊ ﺍﻻ ﺍﻃﻴﺢ ﺣﻀﻬﺎ ﻭﺍﻛﻮﻝ ﻻﺑﻮﻫﺎ ﻭﺃﺧﻮﻫﺎ ﻋﻠﻰ ﻫﺬﺍ ﺍﻻﺳﺘﻬﺘﺎﺭ ﻭﻋﻠﻰ ﻟﺒﺴﻬﺎ ﻫﺬﺍ ﻛﺪﺍﻣﻲ
ﺳﻜﺘﺖ ﺷﺤﺠﻲ ﻣﺎ ﺍﺩﺭﻱ ﺑﺲ ﻫﻮ ﻣﻌﻠﻴﻪ ﻭﻣﺎ ﻧﻄﺎﻫﺎ ﻣﺠﺎﻝ ﻭﻣﺎ ﻫﻤﻬﺎ ﺍﻟﺤﻘﻴﺮﻩ ﺿﻠﺖ ﺗﺘﻤﺮﻛﺺ ﻛﺪﺍﻣﺔ ﻭﺗﻬﺰ ﺑﻤﻮﺧﺮﺗﻬﺎ
ﻭﻫﻴﻪ ﻗﺒﻞ ﻻ ﻳﺠﻲ ﻳﻮﺳﻒ ﺭﺍﺩﻧﻬﺎ ﺑﺲ ﺗﻜﻮﻡ ﺗﺮﻛﺺ ﺷﻮﻱ ﻣﺎ ﻛﺎﻣﺖ ﻋﺎﺩ ﻃﻠﻌﻨﻪ ﻣﻦ ﺍﻻﺳﺘﻘﺒﺎﻝ ﺷﻮﻱ ﺭﺍﺩ ﻧﻜﻌﺪ ﻭﺣﺪﻧﺎ ﻭﻣﺎﻣﺎ ﺍﺻﻼ ﻣﻦ ﺍﻟﺒﺪﺍﻳﻪ ﺍﻧﺘﺒﻬﺖ ﻋﻠﻴﻪ
ﻭﺍﺷﺮﺗﻠﻲ ﺍﺳﻜﺖ ﻭﻣﻦ ﺷﺎﻓﺖ ﻳﻮﺳﻒ ﻳﺮﻳﺪ ﻧﻜﻌﺪ ﺍﻧﻲ ﻭَﻳَﺎ ﻭﺣﺪﻧﻪ ﺭﺃﺳﺎ ﻓﺘﺤﺖ ﻏﺮﻓﺘﻬﺎ ﻭﻛﻌﺪﺗﻨﺔ
ﻃﺒﻴﻨﻪ ﺑﺲ ﺍﻧﻲ ﻭَﻳَﺎ ﻭﺳﺪ ﺍﻟﺒﺎﺏ ﻭﻛﻌﺪ ﻳﻤﻲ ﺑﺲ ﺍﻧﻲ ﺑﺲ ﻳﻜﻮﻟﻲ ﺑﺰ ﺍﻋﻴﻂ ﺑﻮﺟﻬﺎ ﻣﻦ ﻭﺭﻩ ﻫﺎﻱ ﺍﻻﺩﺑﺴﺰ
ﺍﺟﻰ ﻳﻤﻲ ﻭﺿﻞ ﻳﺒﻮﺱ ﺑﻴﺔ ﻭﺍﻧﻲ ﺿﺎﻳﺠﺔ ﺣﺘﻰ ﻣﺎ ﺑﺎﺩﻟﺘﻪ ﺍﻟﺒﻮﺳﺔ ﻛﺎﻝ ﺷﺒﻴﺞ ﻳﺮﻭﺣﻲ ﻟﻴﺶ ﺿﺎﻳﺠﺔ ﺍﻛﻮ ﻭﺍﺣﺪ ﻳﻀﻮﺝ ﺑﻴﻮﻡ ﻋﺮﺳﺔ
ﻛﺘﻠﻪ ﺍَﻱ ﻃﺒﻌﺎ ﺍﺿﻮﺝ ﺟﻨﺖ ﺷﺤﻼﺗﻨﻲ ﻭﻛﺎﻋﺪﺓ ﺍﺿﺤﻚ ﻭﺍﺳﻮﻟﻒ ﻟﻮ ﻣﻮ ﻫﺎﻱ ﺃﻟﺲ ......... ﺓ ﻫﻴﺞ ﺗﺴﻮﻱ ﺑﺎﻱ ﺣﻖ
ﺗﺴﻮﻱ ﻫﻴﺞ ﺣﺘﻰ ﻟﻮ ﺑﺖ ﻋﻤﻚ ﺑﺲ ﺍﻧﺘﻪ ﺯﻭﺟﺖ ﻋﻴﺐ ﻋﻠﻴﻬﺎ ﻛﺎﻝ ﻭﺍﻟﻠﻪ ﻣﺎ ﺍﺩﺭﻱ ﺑﻴﻬﺎ ﻫﻴﺞ ﺣﺴﻮﻱ
ﻭﻟﻮ ﺍﺩﺭﻱ ﺍﺻﻼ ﻣﺎ ﺍﺧﻠﻴﻬﺎ ﺗﻠﻔﻲ ﺑﺎﻟﻌﺮﺱ ﻛﻠﺔ ﺑﺲ ﻭﺩﺍﻋﺘﺞ ﻣﺎ ﺍﺩﺭﻱ ﺿَﻞ ﻳﺤﺠﻲ ﻭﻳﺎﻱ ﻭﻳﻘﻨﻌﻨﻲ
ﻭﺍﻧﻲ ﻫﻢ ﻛﻠﺖ ﻋﻠﻰ ﺷﻨﻮ ﺿﺎﻳﺠﺔ ﻭﺑﻴﻮﻡ ﻋﺮﺳﻲ ﻭﻣﻦ ﻭﺭﺓ ﺣﺜﺎﻟﻪ ﻫﻮ ﻗﺎﺑﻞ ﻳﻮﻣﻴﻪ ﻋﻨﺪﻱ ﻋﺮﺱ ﺍﻧﻲ ﻫﻮ ﻣﺮﺓ ﻭﺣﺪﻩ ﺑﺎﻟﻌﻤﺮ
ﻫﺪﻳﺖ ﺷﻮﻱ ﻭﺣﺠﻴﺖ ﻭَﻳَﺎ ﻭﺿﺤﻜﺖ ﻭﺿﻠﻴﻨﻪ ﻛﺎﻋﺪﻳﻦ ﺷﻮﻳﻪ ﻭﺣﺪﻧﻪ ﺑﻌﺪﻫﺎ ﻃﻠﻌﻨﻪ ﺍﻛﺜﺮ ﺍﻟﻌﺎﻟﻢ ﺭﺍﺣﺖ ﺑﻘﻮ ﺑﺲ ﻛﺮﺍﻳﺒﻨﻪ ﻭﻣﺎ ﺷﺎﺀ ﺍﻟﻠﻪ ﻳﻜﻔﻮﻥ ﻭﻳﻮﻓﻮﻥ
ﺑﻌﺪﻫﺎ ﻛﺎﻝ ﻣﺎ ﺍﻛﺪﺭ ﺍﻃﻮﻝ ﺟﻤﺎﻋﺘﻲ ﻭﻳﺎﻱ ﺑﻘﻮ ﺑﺎﻟﺴﻴﺎﺭﻩ ﻭﺍﻟﻮﻟﺪ ﻣﺴﻮﻳﻠﻲ ﺣﻨﻪ ﻭﻋﺎﺯﻣﻴﻦ ﻭﻋﻴﺐ ﻻﺯﻡ ﺍﺭﻭﺡ
ﻛﺘﻠﻪ ﺣﺒﻴﺒﻲ ﺭﻭﺡ ﺍﻟﻠﻪ ﻭﻳﺎﻙ ﻭﻣﻦ ﺗﻮﺻﻞ ﺧﺎﺑﺮﻧﻲ ﻋﺎﺩ ﺣﺼﺮﻧﻲ ﺍﻧﻲ ﻭﺍﻟﺒﺪﻟﻪ ﻋﺎﻟﺤﺎﻳﻂ ﻭﺿﻞ ﻳﺒﻮﺱ ﺑﻴﻪ
ﻭﻳﻜﻮﻝ ﻭﻋﻠﻲ ﻣﺎ ﺍﺻﺒﺮ ﻟﺒﺎﺟﺮ ﻣﺎ ﺍﻛﺪﺭ ﻣﻮ ﺑﻴﺪﻱ ﻭﺍﻧﻲ ﺍﻛﻮﻟﻪ ﺑﻀﺤﻜﺔ ﻫﺎﻧﺖ ﻣﺒﻘﻰ ﺷﻲ
ﻛﻠﻲ ﺍَﻱ ﺣﻘﺞ ﺗﻀﺤﻜﻴﻦ ﺍﻟﻲ ﺍﻳﺪﻩ ﺑﺎﻟﻤﻲ ﻣﻮ ﻣﺜﻞ ﺍﻟﻲ ﺍﻳﺪﻩ ﺑﺎﻟﻨﺎﺭ ﻭﻋﻠﻲ ﻣﺎ ﺍﺻﺒﺮ ﻣﻨﺎ ﻟﺒﺎﺟﺮ ﺿَﻞ ﻳﺒﻮﺱ ﺑﻴﻪ
ﺍﻧﺪﻛﺖ ﺍﻟﺒﺎﺏ ﻭﻣﺮﻭﺓ ﻛﺎﻟﺖ ﻳﻮﺳﻒ ﻣﺮﺗﻀﻰ ﺧﺎﺑﺮ ﻳﻜﻮﻝ ﺧﻠﻲ ﻳﺠﻲ ﻋﺎﺩ ﺍﻟﻌﺎﻟﻢ ﻛﻠﻬﺎ ﺃﺟﺖ ﻋﻴﺐ
ﻋﺎﺩ ﻓﺘﺢ ﺍﻟﺒﺎﺏ ﻭﻭﺩﻋﻨﻲ ﻭﺭﺍﺡ ﺃﻫﻠﻪ ﺑﻘﻮ ﻣﺮﺍﺣﻮ ﻻﻥ ﺟﺎﻥ ﺑﻌﺪ ﻭﻛﺖ ﺭﺩﺕ ﺍﺻﻌﺪ ﺍﺑﺪﻝ
ﺻﻌﺪﻥ ﻭﻳﺎﻱ ﺻﺒﺎ ﻭﻣﺮﻭﺓ ﻧﺰﻋﻨﻲ ﺍﻟﺒﺪﻟﺔ ﻭﺑﺪﻟﺖ ﻓﺴﺘﺎﻥ ﻣﺎﻝ ﻋﺮﻭﺱ ﺑﺲ ﺍﺭﻳﺢ ﻣﻦ ﺍﻟﺒﺪﻟﺔ
ﺿﺤﻜﺘﻨﻲ ﻣﺮﻭﺓ ﺗﻜﻮﻝ ﻳﻮﺳﻒ ﻣﻦ ﻃﻠﻊ ﻳﻜﻮﻝ ﻻﻣﻲ ﻳﻤﺔ ﻋﻮﺩ ﺟﻴﺒﻲ ﺯﻣﺮﺩ ﻭﻳﺎﺝ ﺑﺎﻟﺠﻨﻄﺔ ﻣﺎ ﺍﺻﺒﺮ ﻣﻨﺎ ﻟﺒﺎﺟﺮ
بيج قصص عراقيه حقيقيه من واقعنا.روعه الطائي
ﻛﺎﻟﺖ ﺻﺒﺎ ﻭﺍﻟﻠﻪ ﻳﺎ ﺍﺧﺘﻲ ﻟﻌﺪ ﺍﻟﻠﻪ ﻳﻌﻴﻨﺞ ﻋﻠﻰ ﺑﺎﺟﺮ ﺿﺤﻜﻨﺔ ﻛﻠﻨﻪ ﻛﻤﻠﺖ ﺗﺒﺪﻳﻞ ﻭﻧﺰﻟﺖ ﻛﺎﻣﻦ ﻳﻮﺯﻋﻦ ﺍﻟﻌﺸﻪ ﺟﺎﻧﻦ ﺑﺴﻔﺮﻱ ﻣﺤﻄﻮﻁ ﺍﻻﻛﻞ ﻛﻞ ﻭﺣﺪﺓ ﺍﻟﻬﺎ ﻗﻄﻌﻪ ﺷﺎﻭﺭﻣﺎ ﻭﺷﻴﺶ ﻛﺒﺎﺏ ﻭﻓﻨﻜﺮ ﻭﺑﺼﻔﻪ ﻛﺺ ﻭَﻳَﺎ ﺑﻄﻞ ﺑﻴﺒﺴﻲ ﺍﻭ ﻋﺼﻴﺮ
ﺗﻌﺸﻴﻨﻪ ﻭﺍﻧﻲ ﺟﻨﺖ ﺟﻮﻋﺎﻧﻪ ﻻﻥ ﻣﻤﺘﻐﺪﻳﻪ ﻭﻧﺒﺄ ﺑﻌﺪﻫﺎ ﻭﻛﺎﻋﺪﺓ ﻭﺗﺒﺎﻭﻉ ﻋﻠﻴﻪ ﺩﻙ ﺍﻟﺘﻴﻠﻔﻮﻥ ﻣﺎﻝ ﻣﺮﻭﺓ
ﺣﺠﺖ ﻭﺳﺪﺗﻪ ﻭﺟﺎﻥ ﻳﻮﺳﻒ ﻳﺤﺠﻲ ﻭﻳﺎﻫﺎ ﻭﺟﺎﻥ ﺗﻜﻮﻝ ﻋﻴﻨﻲ ﻣﺮﺕ ﺍﺧﻮﻳﺔ ﻳﻮﺳﻒ ﻳﻜﻮﻝ ﺧﻠﻲ ﻣﺮﺗﻲ ﺗﺘﻌﺸﻰ ﺯﻳﻦ ﻭﺗﺸﺒﻊ ﻻ ﺍﺟﻲ ﺍﻫﺪ ﺍﻟﺒﻴﺖ ﻋﻠﻰ ﺭﺍﺳﻜﻢ
ﺿﺤﻜﻨﺔ ﻛﻠﻨﺔ ﻋﻠﻴﻬﺎ ﻭﺟﺎﻥ ﺗﻜﻮﻝ ﻧﺒﺄ ﺍَﻱ ﻋﻴﻨﻲ ﻭﺷﺪﻋﻮﺍﻩ ﻫﻴﺞ ﻣﺘﺨﺒﻞ ﻣﺄﺧﺬ ﺯﺭﻗﺎﺀ ﺍﻟﻴﻤﺎﻣﺔ
ﻟﻮ ﻣﻮ ﻫﻴﺔ ﻣﻄﻠﻘﺔ ﻻ ﺍﺳﺘﺤﻴﺖ ﻭﻻ ﺧﺠﻠﺖ ﻭﻫﻴﻪ ﻛﺎﻋﺪﻩ ﺑﻨﺺ ﺑﻴﺘﻨﻪ ﻛﺘﻠﻬﺎ ﻟﻮ ﻣﻮ ﻛﺎﻋﺪﻩ ﺑﻨﺺ ﺑﻴﺘﻨﻪ ﺟﺎﻥ ﻋﺮﻓﺖ ﺷﺠﺎﻭﺑﺞ ﻭﺷﺮﺩ ﺍﻟﺞ
ﻛﻠﺘﻠﻬﺎ ﻣﺮﻭﺓ ﻭﺍﻧﺘﻲ ﺷﺤﺎﺭﻙ ﺣﻤﺎﻣﺞ ﻭﺯﺭﻗﺎﺀ ﺍﻟﻴﻤﺎﻣﺔ ﺗﻄﻠﻊ ﻳﻢ ﻣﺮﺕ ﺍﺧﻮﻱ ﺻﻔﺮ ﻭﺍﻧﺸﺎﻟﻠﻪ ﺍﻭﺻﻞ ﻟﻠﺒﻴﺖ
ﻭﺃﺧﻠﻲ ﻳﻮﺳﻒ ﻳﻌﻠﻤﺞ ﻋﺎﻻﺩﺏ ﻭﺍﻷﺻﻮﻝ ﺻﺎﺭﺕ ﺷﻮﻱ ﻟﻐﻮﺓ ﺩﺧﻠﺖ ﺍﻡ ﻳﻮﺳﻒ ﻭﺳﻜﺘﺘﻬﻦ ﻋﺎﺩ ﻣﺎ ﻃﻮﻟﻦ ﻧﺺ ﺳﺎﻋﻪ
ﻭﺧﺎﺑﺮﻥ ﻋﻠﻰ ﻳﻮﺳﻒ ﻳﺪﺯ ﺳﻴﺎﺭﺍﺕ ﻳﺠﻦ ﻳﺎﺧﺬﻧﻬﻦ ﺷﻮﻳﺔ ﻭﺍﺟﻮ ﻋﻠﻴﻬﻦ ﻭﻳﻮﺳﻒ ﻫﻢ ﺟﺎﻱ
ﻃﺐ ﻳﺸﻮﻓﻨﻲ ﻭﺟﻨﺖ ﻣﺒﺪﻟﺔ ﻭﺿﻞ ﻳﻜﺮﺹ ﻭﻳﻜﻮﻝ ﻋﻠﻴﺞ ﺍﻟﻠﻪ ﺍﻣﺸﻲ ﻧﺮﻭﺡ ﻟﺒﻴﺘﻨﻪ ﻫﺴﻪ ﻓﻀﺤﻨﺔ ﺧﺮﺏ
ﺍﻧﺘﺒﻬﺖ ﻣﻦ ﺻﻌﺪﻥ ﺍﻫﻞ ﻳﻮﺳﻒ ﻭَﻳَﺎ ﺑﺎﻟﺴﻴﺎﺭﻩ ﺻﻌﺪﺕ ﻭﻳﺎﻫﻢ ﻧﺒﺄ ﻫﻢ ﻛﻠﺖ ﺍﻟﻴﻮﻡ ﺑﺎﻟﻘﺮﺍﻥ ﻟﻮ ﺍﺳﻮﻱ ﻣﺸﻜﻠﺔ ﻣﺎ ﺍﺧﻠﻴﻬﺎ ﺗﺼﻌﺪ ﻭَﻳَﺎ ﻭﺗﻀﻞ
ﻋﺎﺩ ﺍﻟﺤﻤﺪﻟﻠﻪ ﺑﺪﻭﻥ ﻣﺎ ﺍﺣﺠﻲ ﻣﺮﻭﺓ ﻛﻠﺘﻠﻬﺎ ﺍﻣﺞ ﺗﺼﻴﺤﻠﺞ ﻭﻣﺎﻛﻮ ﻣﻜﺎﻥ ﻭﺧﺎﻟﺘﻲ ﺭﺍﺡ ﺗﺠﻲ ﺗﺮﻛﺐ ﻫﻨﺎ ﺍﻧﺰﻟﻲ
ﻣﺴﺘﺎﻫﻠﺔ ﺍﺑﻮ ﺯﺍﻳﺪ ﺧﻮﺵ ﺗﻔﺸﻠﺖ ﺿﺤﻜﺖ ﻋﻠﻴﻬﺎ ﻳﻮﺳﻒ ﺣﺲ ﺑﻮﺳﻨﻲ ﺑﻜﻞ ﻗﻮﺗﺔ ﺑﻌﻨﺎﺩﻫﺎ ﻭﺳﻠﻢ ﻭﺭﺍﺡ
ﻃﺒﻴﺖ ﺟﻮﺓ ﻭﻛﺮﺍﻳﺒﻨﻪ ﺷﻮﻱ ﺷﻮﻱ ﻛﺎﻣﻮ ﻳﺮﻭﺣﻮﻥ ﻭﺧﺎﻟﻪ ﺍﻡ ﻋﻠﻲ ﻫﻢ ﺭﺍﺣﺖ ﻫﻴﻪ ﻭﺑﻨﺎﺗﻬﺎ ﺗﻜﻮﻝ ﻣﺎ ﺍﻛﺪﺭ ﺍﺑﺎﺕ ﻋﻮﺩ ﻣﻦ ﺍﻟﺼﺒﺢ ﺍﺟﻲ ﻭﻓﺮﻍ ﺍﻟﺒﻴﺖ ﺑﺲ ﺑﻘﻮ ﺑﻴﺖ ﺧﺎﻟﺘﻲ ﺍﺧﺖ ﺑﺎﺟﻲ ﻳﻤﻨﺔ
ﻻﻥ ﻫﻴﻪ ﻣﻦ ﻏﻴﺮ ﻣﺤﺎﻓﻀﺔ ﺑﻘﺖ ﻫﻴﻪ ﻭﺑﻨﺎﺗﻬﺎ ﺗﺎﺧﺮ ﺍﻟﻮﻛﺖ ﻭﺻﻌﺪﺕ ﻭﺻﺒﺎ ﺑﺎﺗﺖ ﻳﻤﻲ ﺻﻌﺪﺕ ﻟﻐﺮﻓﺘﻲ
ﺗﻨﺎﻡ ﻳﻤﻲ ﻋﺎﺩ ﻓﺘﺤﺘﻠﻲ ﺍﻟﺘﺴﺮﻳﺤﺔ ﻭﺗﻜﻮﻝ ﺑﺎﺟﺮ ﻳﻮﺳﻒ ﻳﻔﺘﺤﻬﺎ ﺍﻟﺞ ﻣﻮ ﺍﻧﻲ ﺿﺤﻜﻨﺔ ﻫﻴﻪ ﻭﺗﻔﺘﺤﻠﻲ ﺍﻟﺘﺴﺮﻳﺤﺔ ﺗﻜﻮﻝ
ﺷﻔﺘﻲ ﻫﺎﻱ ﺑﺖ ﻋﻤﺔ ﺷﺴﻮﺕ ﻛﺘﻠﻬﺎ ﺍَﻱ ﺍﻟﻜﻠﺒﻪ ﺍﻟﺤﻘﻴﺮﻩ ﻛﺎﻟﺖ ﺍﺳﻜﺘﻲ ﻛﻞ ﻛﺮﺍﻳﺒﻨﻪ ﺣﺠﻮ ﻋﻠﻴﻬﺎ ﻭﻛﺎﻟﻮ ﻫﺎﻱ ﺷﻨﻮ
ﺿﻠﻴﻨﻪ ﻧﺤﺠﻲ ﻭﻓﺘﺤﻨﻪ ﻣﻮﺍﺿﻴﻊ ﺻﺎﺭﺕ ﺍﻟﻴﻮﻡ ﺑﺎﻟﺤﻨﻪ ﻭﻛﻤﻠﻨﻪ ﻃﺒﻴﺖ ﺍﺳﺒﺢ ﻭﻫﻴﻪ ﻃﻠﻌﺘﻠﻲ ﻣﻼﺑﺲ
ﻛﻤﻠﺖ ﻭﻧﻄﺘﻨﻴﺎﻫﻦ ﺑﺎﻟﺤﻤﺎﻡ ﺑﺪﻟﺖ ﻭﻃﻠﻌﺖ ﺧﺎﺑﺮﻧﻲ ﻳﻮﺳﻒ ﻭﺳﻮﻟﻔﻨﻪ ﺷﻮﻱ ﻭﺑﻌﺪﻫﺎ ﻛﺘﻠﻪ ﻋﻮﻓﻨﻲ ﺍﺭﻭﺡ ﺍﻧﺎﻡ ﻭﺭﺍﻱ ﻛﻌﺪﻩ ﻋﻠﻴﻚ ﺍﻟﻠﻪ
ﻋﺎﺩ ﺳﺪﻩ ﻭﺭﺣﺖ ﺑﺴﺎﺑﻊ ﻧﻮﻣﺔ ﻣﻦ ﺍﻟﺘﻌﺐ ﻛﻌﺪﺕ ﺛﺎﻧﻲ ﻳﻮﻡ ﻣﺘﺮﻳﻜﺖ ﻣﺎ ﺍﺷﺘﻬﻲ ﻭﻻﻥ ﻛﻌﺪﺕ ﻣﻦ ﻭﻛﺖ ﻭﺳﺒﺤﺖ ﺑﺴﺎﻉ ﺻﺒﺎ ﻛﺎﻣﺖ ﺗﻌﻴﻂ ﻛﺎﻟﺖ ﻣﻮ ﺳﺒﺤﺘﻲ ﻭﻧﻤﺘﻲ
بيج قصص عراقيه حقيقيه من واقعنا.روعه الطائي
ﻛﺘﻠﻬﺎ ﻣﻮ ﻋﻠﻤﻮﺩ ﻳﺘﻨﺸﻂ ﺟﺴﻤﻲ ﺷﺒﻴﺞ ﻛﻤﻠﻨﻪ ﻭﻃﻠﻌﻨﻪ ﻭﻫﻢ ﺍﻧﻲ ﻭﻳﺎﻫﺎ ﻣﺎﻣﺎ ﻛﺎﻟﺖ ﺍﻟﻲ ﻡ ﻣﺎ ﺍﻛﺪﺭ ﻻﻥ ﺯﻓﺔ ﺍﻛﻮ ﺃﻣﻮﺭ ﻻﺯﻡ ﺍﺳﻮﻳﻬﺎ
ﺍﺫﺍ ﻛﺪﺭﺕ ﺍﺟﻲ ﺍﻟﺞ ﻗﺒﻞ ﻻ ﺗﻄﻠﻌﻴﻦ ﻣﻦ ﺍﻟﺼﺎﻟﻮﻥ ﻃﻠﻌﻨﻪ ﺍﻧﻲ ﻭﺻﺒﺎ ﻭﻣﻦ ﻟﻔﻨﻪ ﻣﻦ ﺍﻟﻔﺮﻉ ﻋﺒﺮﻧﻪ ﻓﺮﻋﻴﻦ ﻋﻦ ﺑﻴﺘﻨﻪ ﻭﻃﺒﻜﺖ ﻋﻠﻴﻨﻪ ﺳﻴﺎﺭﻩ
ﻭﺻﺎﺭ ﺍﻟﻲ ﺟﻨﺖ ﺧﺎﻳﻔﻪ ﻣﻨﺔ ﻭﻧﺰﻝ ﻓﻬﺪ ﺑﺲ ﺷﻜﻠﺔ ﺍﺑﺪ ﻣﻴﻮﺣﻲ ﻋﻠﻰ ﺧﻴﺮ ﺟﺎﻥ ﺍﻟﻔﺮﻉ ﻧﺼﺔ ﺑﻴﻮﺕ ﻭﻧﺼﻪ ﺑﻴﻮﺕ ﺩﻳﺒﻨﻮﻥ ﺑﻴﻬﺎ ﻳﻌﻨﻲ ﻣﻜﺎﻣﻠﺔ ﻓﻘﻠﻴﻞ ﻧﺎﺱ ﺑﻲ
ﻭﺑﺴﺎﻋﺘﻬﺎ ﺣﻀﻲ ﺍﻷﻏﺒﺮ ﻣﺎﻛﻮ ﺍَﻱ ﺍﺣﺪ ﻓﺎﺕ ﺍﻭ ﻃﻠﻊ ﻻﻥ ﺟﺎﻥ ﻭﻛﺖ ﺩﻭﺍﻣﺎﺕ ﻭﻣﻦ ٩ ﺍﻟﺼﺒﺢ ﻣﻨﻮ ﺍﻛﻮ ﺍﻏﻠﺒﻬﺎ ﻧﺎﻳﻤﺔ ﻭﺃﻏﻠﺒﻬﺎ ﻃﺎﻟﻌﻪ
ﻳﻤﺔ ﻣﻦ ﺷﻔﺘﻪ ﻛﻤﺖ ﺍﺭﺟﻒ ﺣﺮﻛﺖ ﺍﻟﺴﻴﺎﺭﻩ ﺩﺍﻃﻠﻊ ﺑﺴﺎﻉ ﻣﻦ ﻏﻴﺮ ﻃﺮﻳﻖ ﻫﻮ ﻋﺮﺽ ﺳﻴﺎﺭﺗﻪ ﻣﺎ ﺍﻛﺪﺭ ﺻﺒﺎ ﺗﻜﻮﻝ ﻭﺝ ﻋﺰﻩ
ﺭﺟﻌﺖ ﺍﻟﺴﻴﺎﺭﻩ ﻟﻴﻮﺭﻩ ﺍﺭﻳﺪ ﺍﺭﺟﻊ ﻃﻠﻊ ﺍﻟﻤﺴﺪﺱ ﻭﺿﺮﺏ ﺍﻟﺘﺎﻳﺮ ﻭﺍﻷﺣﻠﻰ ﻣﻦ ﻫﺬﺍ ﻛﻠﺔ ﻣﺨﻠﻲ ﻛﺎﺗﻢ ﻟﻠﻤﺴﺪﺱ
ﻳﻌﻨﻲ ﺑﺴﻼﻣﺘﺔ ﻣﺤﺴﺐ ﻟﻜﻠﺸﻲ ﺣﺴﻴﺖ ﺭﻭﺣﻲ ﺑﻔﻠﻢ ﻫﻨﺪﻱ ﻛﻞ ﻣﺎ ﺍﻛﻮﻝ ﺧﻠﺼﺖ ﺍﺭﺟﻊ ﻣﻦ ﺟﺪﻳﺪ
ﺿﻠﻴﺖ ﻣﺘﺼﻨﻤﺔ ﺑﻤﻜﺎﻧﻲ ﻣﺎ ﺍﻋﺮﻑ ﺷﺴﻮﻱ ﺑﺲ ﺍﺑﺎﻭﻉ ﻋﻠﺔ ﻓﻬﺪ ﻋﺎﻃﺖ ﺑﻴﺔ ﺻﺒﺎ ﻛﺎﻟﺖ ﺍﻣﺸﻲ ﻧﺰﻟﻲ ﺧﻠﻲ ﻧﻨﻬﺰﻡ
ﻓﺘﺤﺖ ﺍﻟﺒﺎﺏ ﻭﻧﺰﻟﻨﻪ ﺩﻧﻨﻬﺰﻡ ﺻﺎﺡ ﺯﻣﺮﺩ ﺍﻗﺴﻢ ﺑﺤﺒﻲ ﺍﻟﺸﺮﻭﻛﻲ ﺍﻟﺞ ﺍﻥ ﺗﺤﺮﻛﺘﻲ ﺧﻄﻮﺓ ﻭﺣﺪﺓ ﺑﻌﺪ
ﺍﻓﺮﻍ ﺍﻟﻤﺴﺪﺱ ﺑﺠﺴﻤﺞ ﻳﺮﺑﻲ ﺷﻠﻮﻥ ﻭﺭﻃﺔ ﻫﺎﻱ ﺍﺟﺎ ﻳﺘﻤﺸﻰ ﻋﻠﻴﻨﻪ ﻭﻭﺻﻞ ﻭﺳﺤﺒﻨﻲ ﻣﻦ ﺍﻳﺪﻱ ﻭﻛﺎﻝ ﺍﻣﺸﻲ ﻭﻳﺎﻱ
ﻋﺘﻴﺖ ﺍﻳﺪﻱ ﻣﻨﺔ ﻣﻘﺒﻠﺖ ﺍﺭﻭﺡ ﺿﺮﺑﻨﻲ ﺑﺮﺍﺷﺪﻱ ﻧﻮﻣﻨﻲ ﻟﻠﻜﺎﻉ ﺻﺒﺎ ﻛﺎﻣﺖ ﺗﻌﻴﻂ ﻭﺍﻧﻲ ﻫﻢ ﺻﻢ ﺣﻠﻜﻲ ﻭﺣﻂ ﺍﻟﻤﺴﺪﺱ ﺑﺮﺍﺱ ﺻﺒﺎ
ﻛﻠﻠﻬﺎ ﺣﺮﻑ ﻭﺍﺣﺪ ﻭﺍﻛﺘﻠﺞ ﺑﻤﻜﺎﻧﺞ ﺑﺲ ﺟﺎﻧﻦ ﻋﻴﻮﻧﺔ ﺣﻤﺮ ﺩﻡ ﻭﺭﺑﻲ ﺧﻔﺖ ﻣﻨﺔ ﻭﺍﻧﻮﺏ ﻻ ﺑﻴﺔ ﺍﻃﻠﻊ ﺍﻟﺘﻴﻠﻔﻮﻥ ﻭﺍﺩﻙ
ﻭﻻ ﺑﻴﻪ ﺃﺻﻴﺢ ﻭﻻ ﺑﻴﻪ ﺍﻧﻬﺰﻡ ﺷﻠﻮﻥ ﻭﺭﻃﻪ ﻳﺎ ﺭﺑﻲ ﺟﺮﻧﻲ ﻣﻦ ﺍﻳﺪﻱ ﻭﻣﺸﻰ ﻟﻠﺴﻴﺎﺭﻩ ﻋﺎﻃﺖ ﺻﺒﺎ ﺿﺮﺏ ﻃﻠﻘﻪ ﻳﻢ ﺭﺟﻠﻬﺎ
ﺍﺗﺼﻨﻤﺖ ﺑﻤﻜﺎﻧﻬﺎ ﺑﻮﻛﺘﻬﺎ ﻣﻦ ﻣﺤﺪ ﻋﺒﺮ ﺣﺴﻴﺖ ﺣﺘﻰ ﺍﻟﺪﻧﻴﺎ ﻋﻜﺴﻲ ﻭﻛﻠﺖ ﺷﻨﻮ ﻣﻌﻘﻮﻟﺔ ﻗﺎﺑﻞ ﺑﻔﻠﻢ ﻻ ﺑﺪ ﺍﺣﺪ ﻳﻌﺒﺮ
ﻛﻤﺖ ﺍﺑﺠﻲ ﻛﺘﻠﺔ ﻓﻬﺪ ﻓﺪﻭﺓ ﻋﻮﻓﻨﻲ ﺩﺧﻴﻞ ﺍﻟﻠﻪ ﻛﺎﻝ ﻭﻻ ﺣﺮﻑ ﺗﺮﻳﺪﻳﻦ ﺗﺰﻭﺟﻴﻦ ﻣﻮ ﻭﺗﻨﺎﻣﻴﻦ ﺑﺤﻀﻨﺔ
ﻣﺜﻞ ﻣﺎ ﺟﻨﺖ ﺍﻧﻴﻤﺞ ﺑﺤﻀﻨﻲ ﻳﺤﺠﻲ ﺑﻌﺼﺒﻴﻪ ﻛﺘﻠﺔ ﻋﻮﻓﻨﻲ ﺍﻧﺘﻪ ﺷﺘﺮﻳﺪ ﻣﻨﻲ ﻣﺘﻜﻠﻲ
ﻛﺎﻝ ﺍﺭﻳﺪﺝ ﺍﻧﺘﻲ ﻟﻮ ﺍﻟﻲ ﻟﻮ ﺍﻃﻠﻊ ﺑﺮﻭﺣﺞ ﻛﺘﻠﺔ ﻋﻮﻓﻨﻲ ﻓﻬﺪ ﺷﺘﺮﻳﺪ ﻣﻨﻲ ﻣﻜﺎﻓﻲ ﺍﻟﻲ ﺳﻮﻳﺘﻪ ﺑﻴﻪ
ﻛﺘﻠﺔ ﺍﻧﺘﻪ ﻣﻮ ﻣﺰﻭﺝ ﺷﺘﺮﻳﺪ ﻣﻨﻲ ﺍﻧﻲ ﻣﺴﺘﺤﻴﻞ ﺃﺻﻴﺮ ﺍﻟﻚ ﺑﻌﺪ ﺍﻟﻲ ﺳﻮﻳﺘﻪ ﺑﻴﻪ ﻭﻓﻮﻛﺎﻫﺎ ﻣﺰﻭﺝ ﻭﻋﻠﻴﻪ ﺿﺮﻩ ﻭﺗﺒﻘﻰ
ﻛﺎﻝ ﻱ ﻭﺭﺟﻠﻴﺞ ﻓﻮﻙ ﺭﺍﺳﺞ ﺗﺒﻘﻰ ﻋﻨﺪﺝ ﺿﺮﺓ ﺍﻧﺘﻲ ﺍﻟﻲ ﻳﺴﺤﻞ ﺑﻴﺔ ﻭﻳﻜﻮﻝ ﺍﻧﺘﻲ ﺍﻟﻲ
ﺑﻬﺎﻻﺛﻨﺎﺀ ﺍﺟﺘﻲ ﺳﻴﺎﺭﻩ ﻭﻫﻮ ﻛﺎﻡ ﻳﺴﺤﻞ ﺑﻴﺔ ﺑﺴﺎﻉ ﻳﺮﻳﺪ ﻳﺼﻌﺪﻧﻲ ﺗﺎﻟﻲ ﻃﻠﻌﻮ ﻭﻟﺪ ﻋﻤﺔ ﻣﻦ ﺷﺎﻓﻮ ﻫﻴﺞ ﻣﺴﻮﻱ ﺭﺍﺩﻭ ﺃﻟﺴﺮﻋﻪ
بيج قصص عراقيه حقيقيه من واقعنا.روعه الطائي
ﻭﺻﻠﻮ ﻳﻤﻨﺔ ﻭﻧﺰﻟﻮ ﻳﺮﻛﻀﻮﻥ ﻭﺍﺟﻮﻱ ﻋﻠﻴﻨﻪ ﻛﻠﻠﻬﻢ ﺑﺎﻟﻌﺒﺎﺱ ﺍَﻱ ﻭﺍﺣﺪ ﻳﺘﻘﺮﺏ ﺍﻛﺘﻠﻬﺎ ﻃﻠﻌﺖ ﺍﻡ ﺍﻟﺒﻴﺖ ﺍﻟﻲ ﻭﺍﻛﻔﻴﻦ ﻛﺪﺍﻣﻪ
ﻭﺟﺎﻥ ﺗﻌﻴﻂ ﻛﻠﻠﻬﺎ ﺍﺳﻜﺘﻲ ﻭﻻ ﻧﻔﺲ ﺣﺴﺞ ﻣﺎ ﺍﺳﻤﻌﻪ ﻛﻠﻠﻬﺎ ﺍﺑﻦ ﻋﻤﺔ ﺧﻴﺘﻲ ﻣﺎﻛﻮ ﺷﻲ ﻃﺒﻲ ﺟﻮﺓ ﻭﺍﻧﺸﺎﻟﻠﻪ ﺧﻴﺮ
ﻫﻴﺔ ﻫﻢ ﻣﺎ ﺟﺬﺑﺖ ﺧﺒﺮ ﻃﺒﺖ ﻭﺳﺪﺕ ﺑﺎﺑﻬﺎ ﺣﺠﻮ ﻭَﻳَﺎ ﻭﻟﺪ ﻋﻤﺔ ﻭﺿﻠﻮ ﻳﺤﺠﻮﻥ ﺑﻬﺪﺍﻭﺓ ﻭﻛﻠﻮﻟﺔ ﺍﺳﺘﻬﺪﻱ ﺑﺮﺣﻤﺎﻧﻚ
ﻟﺨﺎﻃﺮ ﺍﺧﻮﻙ ﺍﻟﻤﺮﺣﻮﻡ ﻛﺎﻓﻲ ﻣﻮ ﺣﺮﺍﻡ ﻋﻠﻴﻚ ﻋﺪﻙ ﺑﻨﻴﺔ ﻣﺘﺨﺎﻑ ﺍﻟﻠﻪ ﻳﻌﺎﻗﺒﻚ ﺑﻴﻬﺎ ﻛﻠﻠﻬﻢ ﻣﺎ ﺍﻛﺪﺭ ﻣﺎ ﺍﻛﺪﺭ ﺍﺷﻮﻓﻬﺎ ﺗﺮﻭﺡ ﻣﻦ ﺍﻳﺪﻱ ﻫﺎﻱ ﺟﺎﻧﺖ ﻣﺮﺗﻲ
ﻭﻫﺴﻪ ﺻﺎﺭﺕ ﻟﻐﻴﺮﻱ ﻭﺍﻟﻴﻮﻡ ﺗﻨﺎﻡ ﺑﺤﻀﻨﻪ ﻣﺎ ﺃﺗﺤﻤﻞ ﺍﻧﻲ ﺭﺟﺎﻝ ﺷﺮﻭﻛﻲ ﻭﻣﺎ ﺍﻛﺪﺭ ﺍﺷﻮﻑ ﺍﻟﻲ ﺟﺎﻧﺖ ﻣﺮﺗﻲ ﺗﺮﻭﺡ ﻟﻐﻴﺮﻱ
ﻣﺎ ﺍﻋﻮﻓﻬﺎ ﻣﺴﺘﺤﻴﻞ ﺍﻋﻮﻓﻬﺎ ﺍﻻ ﺍﻛﺘﻠﻬﺎ ﺍﺫﺍ ﻣﺎ ﺻﺎﺭﺕ ﺍﻟﻲ ﺳﺤﺐ ﺃﻗﺴﺎﻡ ﻭﺍﻧﻲ ﺳﻤﻌﺘﻪ ﺳﺤﺐ ﺗﺨﺮﺑﻄﺖ ﻭﺍﻏﻤﻰ ﻋﻠﻴﻪ
&
ﺻﺒﺎ : ﻟﺞ ﻳﻤﺔ ﻋﻴﻨﻲ ﺯﻣﺮﺩ ﻭﺭﺣﺖ ﺍﺭﻛﺾ ﻋﻠﻴﻬﺎ ﻭﺝ ﺯﻣﺮﺩ ﺍﺻﺤﻲ ﻳﻤﻌﻮﺩﻩ ﻓﻬﺪ ﺗﺨﺒﻞ ﻣﻦ ﺷﺎﻓﻬﺎ ﺃﻏﻤﻰ ﻋﻠﻴﻬﺎ
ﻣﻮ ﻫﺴﻪ ﺭﺩﺕ ﺗﻜﺘﻠﻬﺎ ﺍﺟﻮ ﻭﻟﺪ ﻋﻤﺔ ﻳﺮﻛﻀﻮﻥ ﻭﻳﺎﻳﻪ ﻭﺭﺩﻧﻪ ﻧﺼﺤﻲ ﺯﻣﺮﺩ ﻣﺎﻛﻮ ﻓﻬﺪ ﺗﺨﺒﻞ ﻋﻠﻴﻬﺎ ﻭﺑﺲ ﻳﺼﻴﺢ ﻟﺞ ﺯﻣﺮﺩ ﻓﺪﻭﺓ ﺍﻓﺘﺤﻲ ﻋﻴﻮﻧﺞ
ﺑﻠﺸﺖ ﺑﻲ ﻏﻠﻂ ﻭﺣﺠﻲ ﻭﻓﺸﺎﺭ ﻭَﻳَﺎ ﻛﻠﺐ ﻳﺎ ﺣﻘﻴﺮ ﻳﺎ ﺣﻴﻮﺍﻥ ﻳﺎ ﻋﺪﻳﻢ ﺍﻟﺮﺟﻮﻟﺔ ﻋﻮﻓﻬﺎ ﻟﻠﺒﻨﻴﻪ ﺷﺘﺮﻳﺪ ﻣﻨﻬﺎ ﺑﻌﺪ ﻣﻮ ﻛﺎﻓﻲ
ﺩﻣﺮﺗﻬﺎ ﺧﻠﻴﻬﺎ ﺗﻌﻴﺶ ﺣﻴﺎﺗﻬﺎ ﺍﻟﻠﻪ ﻻ ﻳﻮﻓﻘﻚ ﻋﺴﺎﻙ ﻻ ﺷﻔﺖ ﺍﻟﺮﺍﺣﺔ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﻚ
ﻭﻟﺪ ﻋﻤﺔ ﻛﺎﻟﻮ ﺧﻠﻲ ﻧﺸﻴﻠﻬﺎ ﻧﻮﺩﻳﻬﺎ ﻟﻠﺒﻴﺖ ﻛﺘﻠﻬﻢ ﻻ ﻫﺴﻪ ﺧﺎﻟﺘﻲ ﺑﺲ ﺗﺸﻮﻓﻬﺎ ﺗﻨﺠﻠﻂ ﻭﺗﻤﻮﺕ
ﺍﺣﻨﻪ ﻣﺎ ﺻﺪﻛﻨﺔ ﺻﺤﺖ ﻭﺭﺟﻌﺖ ﻋﺎﻓﻴﺘﻬﺎ ﻛﺎﻟﻮ ﻟﻌﺪ ﺷﻠﻮﻥ ﻛﺘﻠﻬﻢ ﺍﻧﺸﺮ ﻧﺎﺧﺬﻫﺎ ﻟﺒﻴﺘﻨﻪ
ﺭﺩ ﻓﻌﺪ ﻛﺎﻝ ﻻ ﻻ ﺧﻠﻲ ﻧﻮﺩﻳﻬﺎ ﻟﺒﻴﺖ ﺧﺎﻟﻪ ﺍﻡ ﻋﻠﻲ ﻗﺮﻳﺐ ﻫﻨﺎ ﻣﻮﺟﻮﺩ ﻛﺘﻠﺔ ﻳﺎﻟﻔﻬﻴﻢ ﻫﺴﻪ ﺍﺣﺪ ﻳﻄﻠﻊ ﻣﻦ ﺍﻟﺒﻴﺖ ﻭﻳﺸﻮﻓﻮﻧﻪ ﺍﻣﺸﻮ ﻧﺮﻭﺡ ﻟﺒﻴﺘﻨﻪ ﻫﺴﻪ ﻣﺎ ﺑﻲ ﺍﺣﺪ
ﻳﺠﻮﺯ ﺑﺲ ﺍﺧﻮﻳﺔ ﻭﺍﻛﻴﺪ ﻧﺎﻳﻢ ﻣﻴﺪﺭﻱ ﺑﻜﻠﺸﻲ ﺷﺎﻟﻬﺎ ﻓﻬﺪ ﻭﺣﻄﻬﺎ ﺑﺤﻀﻨﻪ ﺑﺎﻟﺴﻴﺎﺭﻩ ﻭﻛﻌﺪ ﻭﻃﻠﻌﻨﻪ ﻟﺒﻴﺘﻨﻪ
ﻛﺘﻠﺔ ﺑﻜﻠﺒﻲ ﻟﻮ ﻳﻠﻜﻔﻚ ﻳﻮﺳﻒ ﻫﺴﻪ ﺍﻟﻠﻪ ﻳﺨﻠﻲ ﺭﺍﺳﻚ ﻭﺣﺪ ﻭﺟﺴﻤﻚ ﻭﺣﺪ ﺍﺑﻦ ﻋﻤﺔ ﺍﺧﺬ ﺍﻟﻤﺴﺪﺱ ﻣﻨﺔ
ﺩﻟﻴﺘﻬﻢ ﺑﻴﺘﻨﻪ ﻭﻭﺻﻠﻨﺎﻟﻪ ﻧﺰﻟﻨﻪ ﻭﺯﻣﺮﺩ ﻛﺎﻣﺖ ﺗﻮﻥ ﺷﺎﻟﻬﺎ ﻓﻬﺪ ﻭﻃﺒﺒﻬﺎ ﻟﻠﺒﻴﺖ ﻭﺍﻟﻤﺼﻴﺒﺔ ﻭﺍﻟﻜﺒﺮﻯ ﺑﺎﺑﺎ ﺟﺎﻥ ﻣﻮﺟﻮﺩ
ﺍﻛﻠﻨﺔ ﺗﺒﻦ ﻣﺎﻝ ﺍﻭﺍﺩﻡ ﺗﻔﺎﺟﺄ ﺷﻨﻮ ﻫﺎﻱ ﻭﻋﺮﻑ ﻓﻌﺪ ﻻﻥ ﺷﺎﻳﻔﻪ ﻭﺷﺎﻑ ﺯﻣﺮﺩ ﺻﺎﺡ ﻫﺎﻱ ﺷﻜﻮ ﻭﺷﺒﻴﻬﺎ ﺯﻣﺮﺩ
ﻓﻬﺪ ﺍﻧﺤﺼﺮ ﺑﻌﺪ ﻭﻳﻦ ﻳﻜﺪﺭ ﻳﺎﺧﺬﻫﺎ ﻭﻝ ﻋﻤﺔ ﻭﺑﺎﺑﺎ ﻛﻠﺔ ﺍﺑﻦ ﻋﻢ ﻓﻬﺪ ﺣﺠﻲ ﺍﺣﻨﻪ ﻧﻌﺘﺬﺭ ﺑﺲ ﻫﺴﻪ ﺑﺲ ﺧﻠﻲ ﺗﺼﺤﺔ ﺍﻟﺒﻨﻴﻪ
ﻭﻟﻜﻞ ﺣﺎﺩﺙ ﺣﺪﻳﺚ ﺧﻼﻫﺎ ﻓﻬﺪ ﻋﺎﻟﺘﺨﻢ ﺑﻌﺪ ﻣﺎ ﺭﺣﺖ ﻓﺘﺤﺖ ﺑﺎﺏ ﺍﻻﺳﺘﻘﺒﺎﻝ ﻭﻛﻌﺪ ﻳﻢ ﺭﺍﺳﻬﺎ ﻭﻫﻴﻪ ﻛﺎﻣﺖ ﺗﻮﻥ
ﺟﺒﺘﻠﻬﺎ ﻣﻲ ﺍﺭﻛﺾ ﻏﺴﻠﺘﻠﻬﺎ ﻭﺑﺎﺑﺎ ﻭﺍﻛﻒ ﻣﺜﻞ ﺍﻷﻃﺮﺵ ﺑﺎﻟﺰﻓﻪ ﻭﺑﺲ ﻳﺴﺄﻝ ﺷﺒﻴﻬﺎ ﺯﻣﺮﺩ
ﻭﺭﺓ ﺷﻮﻱ ﺻﺤﺖ ﺯﻣﺮﺩ ﻭﻫﻴﻪ ﺷﺎﻓﺖ ﻓﻬﺪ ﻛﺪﺍﻣﻬﺎ ﻛﺎﻣﺖ ﺗﻌﻴﻂ ﻭﺗﺒﺠﻲ ﺗﻬﺴﺘﺮﺕ ﺷﺎﻓﺖ ﺑﺎﺑﺎ ﻣﻮﺟﻮﺩ
بيج قصص عراقيه حقيقيه من واقعنا.روعه الطائي
ﺭﺍﺣﺖ ﺗﺮﻛﺾ ﺧﺘﻠﺖ ﻭﺭﺍﻩ ﻭﺗﻜﻠﺔ ﻓﺪﻭﺓ ﻋﻤﻮ ﺭﺍﺡ ﻳﻜﺘﻠﻨﻲ ﺧﻠﺼﻨﻲ ﻣﻨﺔ ﺧﺎﺑﺮ ﻳﻮﺳﻒ ﺧﻠﻲ ﻳﺠﻲ
ﻓﻬﺪ ﻣﻦ ﺳﻤﻌﻬﺎ ﺗﻜﻮﻝ ﻳﻮﺳﻒ ﻭﺗﺴﺘﻨﺠﺪ ﺑﻲ ﺗﺨﺒﻞ ﺍﺑﺎﻭﻉ ﻋﻠﻴﻪ ﺭﺍﺩ ﻳﻄﻚ ﺑﺎﺑﺎ ﻛﺎﻝ ﻟﺰﻣﺮﺩ ﻟﺘﺨﺎﻓﻴﻦ ﺑﻨﺘﻲ
ﻣﺎﻛﻮ ﺷﻲ ﺷﺤﺪﺓ ﺍﻟﻲ ﻳﻮﺻﻞ ﻳﻤﺞ ﺑﻌﺪﻩ ﺑﻄﻦ ﺃﻣﺔ ﺑﺲ ﺷﻜﻮ ﺍﻫﺪﻱ ﻭﺍﺣﺠﻴﻠﻲ ﻭﻟﺪ ﻋﻢ ﻓﻬﺪ ﻭﻓﻬﺪ ﻣﻨﺰﻟﻴﻦ ﺭﺃﺳﻬﻢ
ﻭﻣﺤﺠﺮ ﺷﻲ ﻭﺯﻣﺮﺩ ﺑﺲ ﺗﺒﺠﻲ ﻭﺗﻜﻮﻝ ﻣﺎ ﺍﺭﻳﺪ ﺍﺷﻮﻓﻪ ﺧﻠﻲ ﻳﻄﻠﻊ ﻣﻨﺎ ﻃﻠﻌﻮ ﺑﺎﺑﺎ ﻛﺎﻝ ﺍﺧﺬﻳﻬﺎ ﺟﻮﺓ ﺧﻠﻲ ﺗﺮﺗﺎﺡ
ﻭﺍﻧﻲ ﺭﺍﺡ ﺍﻓﺘﻬﻢ ﺷﻜﻮ ﻃﻠﻌﻨﻪ ﺍﻧﻲ ﻭﻳﺎﻫﺎ ﻃﻠﻌﺘﻬﺎ ﻭﻛﻌﺪﺗﻬﺎ ﺑﺎﻟﻐﺮﻓﺔ ﺍﻟﻲ ﻣﺴﻮﻳﻨﻬﺎ ﺟﻨﻪ ﻟﺠﺪﻭ ﺷﻮﻱ ﻭﺳﻤﻌﻨﻪ ﺑﺎﺑﺎ ﻛﺎﻡ ﻳﻌﻴﻂ
ﻭﺯﻣﺮﺩ ﺗﺒﺠﻲ ﻭﺗﺴﺪ ﺑﺎﺫﺍﻧﺎﺗﻬﺎ ﻭﺗﻤﻮﻝ ﺍﺭﻳﺪ ﻳﻮﺳﻒ ﺧﺎﺑﺮﻳﻠﻲ ﻳﻮﺳﻒ ﻓﺪﻭﺓ
ﻛﻌﺪﺗﻬﺎ ﻭﻫﺪﻳﺘﻬﺎ ﻭﻫﻴﻪ ﻣﺴﺘﻤﺮﻩ ﺗﺒﺠﻲ ﻭﺗﺸﻬﻚ ﺳﻤﻌﺖ ﺑﺎﺑﺎ ﻳﺤﺠﻲ ﻭﻳﺎﻫﻢ ﺑﻌﺼﺒﻴﻪ ﺑﻌﺪﻫﺎ ﻣﺪﺭﻱ ﺷﺤﺠﻮ ﻭﺑﺎﺑﺎ ﻫﺪﻩ
ﺻﺎﺭ ﻳﺤﺠﻲ ﻭﻳﺎﻫﻢ ﻋﻠﻰ ﻛﻴﻒ ﻋﺎﺩ ﻃﻠﻌﺖ ﺍﺗﺴﻤﻊ ﺳﻤﻌﺘﺔ ﻳﻜﻮﻟﻠﻬﻢ ﻣﻮ ﻛﺎﻓﻲ ﺗﺮﻩ ﻫﻴﻪ ﺍﺩﻣﺮﺕ ﺷﻴﺮﻳﺪ ﻣﻨﻬﺎ ﺑﻌﺪ
ﻫﺎﻱ ﻣﺮﺗﻴﻦ ﻫﻮ ﺭﺍﺩ ﻳﻜﺘﻠﻬﺎ ﺍﻟﻠﻪ ﻳﺴﺘﺮ ﻣﻦ ﺍﻟﺜﺎﻟﺜﺔ ﻛﻠﻮﻟﻪ ﻻ ﺍﻧﺸﺎﻟﻠﻪ ﻣﺎﻛﻮ ﻭﺣﺴﺎﺑﻨﻪ ﻋﺴﻴﺮ ﻭﻳﻪ ﻓﻬﺪ ﻣﻦ ﻧﺮﺟﻊ
ﻭﺍﺣﻨﻪ ﻧﻌﺘﺬﺭ ﻭﺍﺫﺍ ﺗﺮﺩﻭﻥ ﺗﺴﻮﻥ ﻛﻌﺪﻩ ﻭﻓﺼﻞ ﺍﺣﻨﻪ ﺣﺎﺿﺮﻳﻦ ﻛﻠﻠﻬﻢ ﺑﺎﺑﺎ ﺍﺣﻨﻪ ﻧﺎﺱ ﻣﺴﺎﻟﻤﻴﻦ ﻣﺎ ﻋﺪﻧﻪ ﻓﺼﻮﻝ ﻋﺪﻧﻪ ﻗﺎﻧﻮﻥ
ﻭﺯﻭﺟﻬﺎ ﺍﺫﺍ ﺩﺭﻩ ﻳﻜﺘﻠﻪ ﺧﻼﺹ ﻻﻥ ﻫﻮ ﻣﺘﺤﻠﻒ ﺍﻟﻪ ﻭﻟﺨﺎﻃﺮ ﻭﺟﻮﻫﻜﻢ ﺍﻟﻄﻴﺒﺔ ﻫﺎﻟﻤﺮﻩ ﺭﺍﺡ ﺍﺳﻜﺖ ﻻﻥ ﻫﺴﻪ ﺍﺫﺍ ﺣﺠﻴﺖ
ﺍﻧﺘﻮ ﺗﻀﺮﺭﻭﻥ ﻭﺍﺣﻨﻪ ﻧﻀﺮﺭ ﻓﺎﻟﺴﻜﻮﺕ ﺍﺣﺴﻦ ﺑﺲ ﻣﺮﺓ ﺍﻟﺠﺎﻳﻪ ﺍﻟﻠﻪ ﻻ ﻳﻜﻮﻟﻬﺎ ﺍﺫﺍ ﺗﻜﺮﺭ ﻫﺬﺍ ﺍﻟﺸﻲ
ﺍﺣﻨﻪ ﺑﻌﺪ ﻣﺎ ﻣﺴﺆﻭﻟﻴﻦ ﻋﺎﻟﻲ ﻳﺼﻴﺮ ﺑﺎﺑﻨﻜﻢ ﺿﻠﻮ ﻳﺤﺠﻮﻥ ﻭﻳﻌﺘﺬﺭﻭﻥ ﻭﺭﺍﻫﺎ ﺭﺍﺣﻮ ﺑﺲ ﻓﻬﺪ ﺗﺨﺒﻞ ﻛﺎﻡ ﻳﺼﻴﺢ ﺍﺭﻳﺪﻫﺎ ﻫﻴﻪ ﺑﺲ ﺍﻟﻲ ﺍﺭﻳﺪﻫﺎ
ﺑﺎﺑﺎ ﻛﻠﺔ ﺟﺎﻥ ﺣﺎﻓﻈﺖ ﻋﻠﻴﻬﺎ ﻣﻦ ﺟﺎﻧﺖ ﻋﻨﺪﻙ ﻫﺴﻪ ﻳﻼ ﺗﻨﺪﻣﺖ ﻋﻠﻴﻬﺎ ﺭﺍﺣﻮ ﻭﺑﺎﺑﺎ ﻃﺐ ﻭﺭﺍﺡ ﻋﻠﻰ ﺯﻣﺮﺩ ﻳﻬﺪﻳﻬﺎ
ﻭﻫﻴﻪ ﻣﻨﻬﺎﺭﺓ ﺗﺒﺠﻲ ﻭﺗﺮﺟﻒ ﻭﻣﺘﻘﺒﻞ ﺗﺮﻭﺡ ﻟﻠﺼﺎﻟﻮﻥ ﻭﺑﺲ ﺗﻤﻮﻝ ﺍﺭﻳﺪ ﻣﺎﻣﺎ ﺍﺭﻳﺪ ﻳﻮﺳﻒ
ﻋﻠﻤﺎ ﺳﻜﺘﻬﺎ ﺑﺎﺑﺎ ﻭﻗﻮﻋﻬﺎ ﻛﻮﺓ ﻛﻠﻠﻬﺎ ﺍﺫﺍ ﺷﺎﻓﺘﺞ ﺍﻣﺞ ﺭﺍﺡ ﺗﻨﻬﺎﺭ ﻭﺗﻮﻛﻊ ﻭﺗﺘﻤﺮﺽ ﻣﻦ ﺟﺪﻳﺪ ﺗﻘﺒﻠﻴﻦ ﺍﻧﺘﻲ
ﺳﻜﺘﺖ ﻭﻫﺪﺕ ﻛﺎﻟﺖ ﺑﺲ ﺍﺭﻳﺪ ﻳﻮﺳﻒ ﺍﺭﻳﺪ ﻳﻮﺳﻒ ﺑﺎﺑﺎ ﻛﺎﻝ ﺍﻧﺘﻀﺮﻧﻲ ﺑﺲ ﺍﺑﺪﻝ ﻭﺍﻧﻲ ﺍﻭﺻﻠﺠﻦ ﻟﻠﺼﺎﻟﻮﻥ ﻛﺘﻠﺔ
ﺑﺎﺑﺎ ﻋﻮﺩ ﺭﻭﺡ ﻋﺎﻟﺴﻴﺎﺭﻩ ﻻﻥ ﺑﻘﺖ ﻫﻨﺎ ﻭﻓﺎﺵ ﺍﻟﺘﺎﻳﺮ ﻣﺎﻟﺘﻬﺎ ﻛﺎﻝ ﺍﻧﺘﻲ ﺟﺒﺘﻲ ﺍﻟﻐﺮﺍﺽ
ﻛﺘﻠﺔ ﺑﺲ ﺍﻟﺠﻨﻂ ﻭﺍﻟﺒﺪﻟﻪ ﺑﻘﺖ ﻫﻨﺎﻙ ﻛﺎﻝ ﻫﺴﻪ ﺑﺪﺭﺑﻨﻪ ﻧﻤﺮ ﻧﺎﺧﺬﻫﺎ ﺻﺪﻙ ﺑﺪﻝ ﻭﺃﺟﺎ ﻛﻮﻣﺖ ﺯﻣﺮﺩ ﻭﻃﻠﻌﻨﻪ ﺭﻛﺒﻨﻪ ﺑﺎﻟﺴﻴﺎﺭﻩ ﻭﻫﻴﻪ ﺗﺮﺟﻒ ﻭﺗﺒﺠﻲ
ﻃﻠﻌﻨﻪ ﻭﻭﺻﻠﻨﻪ ﻟﻠﺴﻴﺎﺭﻩ ﻧﺰﻟﺖ ﻓﺘﺤﺘﻬﺎ ﻭﺃﺧﺬﺕ ﺍﻟﻐﺮﺍﺽ ﻣﻨﻬﺎ ﻭﻗﻔﻠﺘﻬﺎ ﺻﻌﺪﺕ ﺑﺎﻟﺴﻴﺎﺭﻩ ﻭﻃﻠﻌﻨﻪ ﻟﻠﺼﺎﻟﻮﻥ ﻭﺑﺎﺑﺎ ﺿَﻞ ﻳﺤﺠﻲ ﻭﻳﺔ ﺯﻣﺮﺩ ﻭﻳﻬﺪﻱ ﺑﻴﻬﺎ
بيج قصص عراقيه حقيقيه من واقعنا.روعه الطائي
ﻳﺮﻳﺪ ﻳﺴﻜﺘﻬﺎ ﻭﻳﻨﺴﻴﻬﺎ ﺑﺲ ﻫﻴﻪ ﺧﻄﻴﻪ ﺍﻧﻬﺎﺭﺕ ﺗﻜﻮﻝ ﻫﺬﺍ ﺍﻟﻲ ﺟﻨﺖ ﺧﺎﻳﻔﻪ ﻣﻨﺔ ﻭﺻﺎﺭ
ﻭﺻﻠﻨﻪ ﻟﻠﺼﺎﻟﻮﻥ ﻭﻧﺰﻟﻨﻪ ﻭﻧﺰﻟﺖ ﺍﻟﻐﺮﺍﺽ ﻭﺯﻣﺮﺩ ﺳﻜﺘﺖ ﺑﺲ ﺿﻠﺖ ﺍﻟﺮﺟﻔﺔ ﺑﻴﻬﺎ
ﻃﺒﻴﻨﻪ ﻭﺣﺘﻰ ﺍﻟﻲ ﺑﺎﻟﺼﺎﻟﻮﻥ ﺍﻧﺘﺒﻬﻮ ﻋﻠﻴﻬﺎ ﻭﻫﻴﻪ ﺿﻠﺖ ﻛﺎﻋﺪﻩ ﻭﺗﺸﻬﻚ ﻭﺗﻜﻮﻝ ﻳﻮﺳﻒ ﺍﺭﻳﺪ ﻳﻮﺳﻒ
ﺍﺧﺮ ﺷﻲ ﺍﺿﻄﺮﻳﺖ ﺍﺧﺎﺑﺮﻩ ﺑﺲ ﻛﺘﻠﻬﺎ ﻟﺘﻜﻮﻟﻴﻦ ﺍَﻱ ﺷﻲ ﺍﻟﻪ ﺑﺲ ﻛﻮﻟﻴﻠﻪ ﻣﺸﺘﺎﻗﺘﻠﻚ ﻭﺍﺫﺍ ﺳﺌﻞ ﺷﺒﻴﺞ ﻛﻮﻟﻴﻠﻪ ﻻﻥ ﺭﺍﺡ ﺍﻋﻮﻑ ﻣﺎﻣﺎ
ﺧﺎﺑﺮﺗﻪ ﻭﻧﻄﻴﺘﻬﻴﺎ ﻫﻮ ﻛﺎﻝ ﺍﻟﻮ ﻭﻫﻴﻪ ﻓﺘﺤﺖ ﺑﻮﺭﻱ ﻣﻦ ﻋﻴﻮﻧﻬﺎ ﺍﻧﻮﺏ ﻫﻮ ﺗﺨﺒﻞ ﻋﺒﺎﻟﻪ ﺑﻴﻬﺎ ﺷﻲ ﻭﻫﻴﻪ ﺗﻜﻠﺔ
ﻣﺤﺘﺎﺟﺘﻚ ﺍﺭﻳﺪ ﺍﺷﻮﻓﻚ ﻭﻫﻮ ﻛﻠﻠﻬﺎ ﻫﺴﻪ ﺍﺟﻲ ﻭﻳﻦ ﺍﻧﺘﻲ ﺍﻧﻮﺏ ﺧﺒﻠﺘﻪ ﻋﺎﺩ ﻛﻠﺘﻠﺔ ﺑﺎﻟﺼﺎﻟﻮﻥ ﺍﻧﻲ ﻛﻠﻠﻬﺎ ﻣﺴﺎﻓﻪ ﺍﻟﻄﺮﻳﻖ ﻭﺍﻧﻲ ﻳﻤﺞ
&
...............
ﺯﻣﺮﺩ : ﺑﻌﺪ ﺍﻟﻲ ﺻﺎﺭ ﺍﺗﺨﺒﻠﺖ ﻓﺮﺣﺘﻲ ﻻﺯﻡ ﻣﺘﻜﻤﻞ ﺍﺩﺭﻱ ﺑﻴﻬﺎ ﺣﻀﻲ ﻭﺍﻋﺮﻓﻪ ﺍﻋﻮﺝ ﻛﻦ ﻳﻮﻣﺔ
ﺭﺩﺕ ﻣﺎﻣﺎ ﺑﺲ ﺻﺒﺎ ﻭﺭﺟﻞ ﺧﺎﻟﺘﻲ ﻛﺎﻟﻮ ﺍﺫﺍ ﺩﺭﺕ ﺍﻭ ﻋﺮﻓﺖ ﺑﻴﺞ ﺷﻲ ﺗﻨﻬﺎﺭ ﻭﻓﻌﻼ ﺗﺎﻟﻲ ﺳﻜﺘﺖ
ﺑﺲ ﺿﻠﻴﺖ ﺍﻟﻮﺏ ﺍﺭﻳﺪ ﻳﻮﺳﻒ ﺗﺎﻟﻲ ﻣﺘﺤﻤﻠﺖ ﺧﺎﺑﺮﺗﻪ ﺻﺒﺎ ﻭﺣﺠﻴﺖ ﻭَﻳَﺎ ﻭﻫﻮ ﺗﺨﺒﻞ ﻋﻠﻴﻪ ﺧﻄﻴﻪ
ﻋﺎﺩ ﻛﺎﻝ ﻫﺴﻪ ﺍﺟﻲ ﻣﺴﺎﻓﻪ ﺍﻟﻄﺮﻳﻖ ﻭﻓﻌﻼ ﺍﺟﻰ ﻋﻠﻴﻪ ﻃﻠﻌﺘﻠﺔ ﻭﺍﻧﻲ ﺷﻔﺘﻪ ﻭﺭﺣﺖ ﺍﺭﻛﺾ ﻋﻠﻴﻪ ﻭﺍﺑﺠﻲ ﻭﺣﻀﻨﺘﻪ
ﺑﻮﻛﺘﻬﺎ ﻳﻠﻪ ﺣﺴﻴﺖ ﺑﺎﻷﻣﺎﻥ ﻭﺷﻮﻱ ﺍﺭﺗﺎﺣﻴﺖ ﺑﺤﻀﻨﺔ ﺑﻌﺪﻫﺎ ﺿَﻞ ﻳﺴﺄﻟﻨﻲ ﺷﺒﻴﺞ ﻭﻛﺘﻠﺔ ﻻﻥ ﺣﻔﺎﺭﻙ ﻣﺎﻣﺎ ﻛﺎﻝ ﺷﻮﻛﺖ ﻣﺘﺮﻳﺪﻳﻦ ﺍﻭﺩﻳﺞ ﺍﻟﻬﺎ ﻭﺟﺎﻳﺒﻬﺎ ﻫﻴﻪ ﻫﻢ ﻳﻤﺞ
ﻋﺎﺩ ﺑﻌﺪ ﻣﺎ ﻫﺪﻳﺖ ﻭﺍﺭﺗﺎﺣﻴﺖ ﺑﺤﻀﻨﻪ ﺭﺍﺡ ﻭﺍﻧﻲ ﻃﺒﻴﺖ ﻟﻠﺼﺎﻟﻮﻥ ﻋﻠﻤﻮﺩ ﻳﺒﻠﺸﻮﻥ ﺑﻴﺔ
ﺧﻠﺼﻮﻧﻲ ﻭﻛﻤﻠﺖ ﻭﺧﺎﺑﺮﺗﻪ ﻟﻮ ﻫﻮ ﻳﺠﻲ ﻳﺎﺧﺬﻧﻲ ﻟﻮ ﻳﺪﺯ ﺍﺣﺪ ﻛﺎﻝ ﻫﺴﻪ ﺑﺲ ﻟﻴﺶ ﺳﻴﺎﺭﺗﺞ ﻭﻳﻦ
ﻛﺘﻠﻪ ﻃﺎﻙ ﺍﻟﺘﺎﻳﺮ ﻭﺟﺎﺑﻨﻪ ﺭﺟﻞ ﺧﺎﻟﺘﻲ ﻭﻫﺴﻪ ﺧﺎﻑ ﻣﻤﻮﺟﻮﺩ ﻭﻳﺠﻲ ﻋﻠﻴﻨﻪ ﻛﺎﻝ ﻻ ﻻ ﻟﺘﺨﺎﺑﺮﻳﻨﺔ ﻫﺴﻪ ﺍﺩﺯ ﻣﺮﺗﻀﻰ ﺍﺧﻮﻳﻪ ﻳﺠﻲ ﻋﻠﻴﺠﻦ
ﻋﺎﺩ ﺍﺟﺔ ﻣﺮﺗﻀﻰ ﻭﻃﻠﻌﻨﻲ ﻟﻠﺴﻴﺎﺭﻩ ﻣﺮﻭﺓ ﻭﺻﺒﺎ ﻣﺮﻭﺓ ﺃﺟﺖ ﻭﻳﺔ ﻳﻮﺳﻒ ﻭﺭﻛﺒﺖ ﻭﻃﻠﻌﻨﻪ ﻭﻫﻤﺔ ﺑﺎﻟﺴﻴﺎﺭﻩ ﻳﺮﻛﺼﻮﻥ ﻭﺃﻏﺎﻧﻲ ﻭﺍﻧﻲ ﺳﺎﻛﺘﻪ ﺻﺒﺎ ﻫﻢ
ﺷﻮﻱ ﺟﺎﻣﻠﻬﻢ ﻭﺗﺮﻛﺺ ﻭﻳﺎﻫﻢ ﻭﺗﻀﺤﻚ ﻭﺷﻮﻱ ﺗﺴﻜﺖ ﻭﺻﻠﻨﻪ ﻟﻠﺒﻴﺖ ﻭﻧﺰﻟﺖ ﻭﻃﺒﻴﺖ ﺷﻔﺖ ﻣﺎﻣﺎ ﻭﺭﺃﺳﺎ ﺑﺠﻴﺖ ﻭﻛﻠﻬﺎ ﻛﺎﻣﺖ ﺗﺤﺠﻲ ﻭﺗﻜﻮﻝ ﺭﺍﺡ ﺍﻟﻤﻜﻴﺎﺝ
ﻭﻫﻴﻪ ﻫﻢ ﺗﺒﺠﻲ ﻭﺧﺎﻟﻪ ﺍﻡ ﻋﻠﻲ ﻫﻢ ﺗﺒﺠﻲ ﺳﻮﻳﺘﻬﺎ ﻣﻨﺎﺣﺔ ﻣﻨﺎ ﻋﺎﻟﺼﺎﺭ ﺑﻴﻪ ﻭﻣﻨﺎ ﻋﻠﻤﻮﺩ ﻓﺮﺍﻙ ﻣﺎﻣﺎ ﻛﻌﺪﺕ
ﻭﺭﺓ ﺳﺎﻋﻪ ﺃﺟﺖ ﺍﻟﺰﻓﻪ ﻭﻛﻞ ﺷﻮﻱ ﺻﺒﺎ ﺗﻌﺪﻝ ﻣﻜﻴﺎﺟﻲ ﻣﻦ ﻭﺭﺓ ﺍﻟﺒﺠﻲ ﻃﺐ ﻳﻮﺳﻒ ﻓﺪﻭﺓ ﻟﻠﻲ ﺧﻠﻘﻪ ﺷﻄﺎﻟﻊ
ﺍﺟﺔ ﻭﻣﺒﺘﺴﻢ ﻭﻳﻀﺤﻚ ﻋﺎﺩ ﻛﻌﺪ ﺑﺼﻔﻲ ﻭﻛﺮﺍﻳﺒﻪ ﻭﺟﻤﺎﻋﺘﻪ ﺍﻟﻮﻟﺪ ﻃﺒﻮ ﻭﻓﺮﻗﻪ ﺗﻌﺰﻑ ﻭﻛﻠﻬﺎ ﺗﺮﻛﺺ ﻭﻓﺮﺣﺎﻧﻪ
ﻭﺣﺘﻰ ﻳﻮﺳﻒ ﺍﻻ ﺍﻧﻲ ﺑﻐﻴﺮ ﻋﺎﻟﻢ ﻻﻥ ﺧﻔﺖ ﺧﺎﻑ ﻫﻢ ﻳﻄﻠﻊ ﻣﺮﺓ ﺛﺎﻧﻴﻪ ﻭﻳﺨﺮﺏ ﺍﻟﻌﺮﺱ ﻋﺎﺩ ﺷﻮﻱ
ﻭﻛﻮﻣﻨﻲ ﻳﻮﺳﻒ ﻭﻃﻠﻌﻨﻪ ﺭﻛﺒﺖ ﺑﺎﻟﺴﻴﺎﺭﻩ ﻭﻫﻢ ﻭﺣﺪﻧﻪ ﻣﺎﻛﻮ ﺍﺣﺪ ﻭﻳﺎﻧﻪ ﻭﺭﺣﻨﻪ ﻟﻠﻘﺎﻋﻪ
ﻳﺘﺒﻊ
ﺍﻡ ﻋﻠﻲ ﻧﺴﻴﺖ ﺍﻭﺿﺢ ﺍﻣﺮﻫﺎ ﺟﺎﺑﺖ ﺍﻭﻝ ﻃﻔﻞ ﻗﺒﻞ ﺍﻟﺒﻨﺎﺕ ﻭﺳﻤﺘﻪ ﻋﻠﻲ ﺑﺲ ﺟﺎﻥ ﻋﻨﺪﻩ ﻓﺘﺤﺔ ﺑﺎﻟﻘﻠﺐ ﻭﻣﺎﺕ ﻭﻫﻮ ﺻﻐﻴﺮ ﻭﻫﻴﻪ ﻣﺘﻘﺒﻞ ﺍﺣﺪ ﻳﺼﻴﺤﻠﻬﺎ ﻏﻴﺮ ﺍﻡ ﻋﻠﻲ
ﻭﻃﺒﻌﺎ ﻗﺒﻞ ﻳﻮﻣﻴﻦ ﺑﻨﻴﻪ ﺩﺧﻠﺘﻠﻲ ﺧﺎﺹ ﻭﺭﺍﺩﺕ ﺍﻧﺸﺮ ﻗﺼﺘﻬﺎ ﻭﻛﺎﻟﺖ ﺯﻣﺮﺩ ﺷﺠﻌﺘﻨﻲ ﻻﻥ ﺟﻨﺖ ﻋﺒﺎﻟﻲ ﺑﺲ ﺍﻧﻲ ﻣﻀﻠﻮﻣﺔ
ﻭﻗﺼﺘﻬﺎ ﺗﺸﺒﻪ ﺯﻣﺮﺩ ﻫﻢ ﺗﻌﺬﻳﺐ ﺑﺲ ﻣﻮ ﻣﺜﻞ ﺯﻣﺮﺩ ﻭﺍﻗﻞ ﻭﺫﻳﺞ ﻣﻮ ﻓﺼﻠﻴﻪ ﺫﻳﺞ ﺍﺑﻦ ﻋﻤﻬﺎ ﻫﻴﺞ ﺳﻮﺓ ﺑﻴﻬﺎ ﻓﻜﻠﺖ ﺃﺷﻮﻓﻜﻢ ﺗﺤﺒﻮﻥ ﺍﻧﺸﺮﻫﺎ ﻣﻦ ﺑﻌﺪ ﻫﺎﻱ ﻟﻮ ﺍﻧﺸﺮ ﻏﻴﺮﻫﺎ ﻭﺍﺭﺟﻊ ﺍﻧﺸﺮﻫﺎ ﺍﻟﻬﺎ ﻻﻥ ﺷﻮﻱ ﻫﻢ ﺑﻴﻬﺎ ﺣﺰﻥ ﻛﻠﺖ ﺍﺷﻮﻑ ﺷﻨﻮ ﺭﺃﻳﻜﻢ ﻻﻥ ﺍﻧﻲ ﻫﺴﻪ ﻫﻮﺍﻱ ﻗﺼﺺ ﻋﻨﺪﻱ ﻭﻻﺯﻡ ﺍﻧﺸﺮﻫﺎ
🌺🌺🌺🌺🌺