فصليه وحش 300بسرعه
#فصلية_لظالم_وحش
بارت٣٥
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ( ﻭﺣﺶ )
ﺑﻘﻠﻤﻲ ﺳﻘﻴﻦ ﺍﻟﺸﻤﺮﻱ
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
...............
ﺯﻣﺮﺩ : ﺭﺟﻌﻨﻪ ﻟﻠﺒﻴﺖ ﻭﺍﻧﻲ ﺍﺗﺨﻴﻞ ﻓﻬﺪ ﻣﻦ ﺷﻔﺘﻪ ﻳﻤﺔ ﻫﺎﻱ ﺍﻟﻔﺘﺮﻩ ﺍﻟﻲ ﺗﻌﺎﻓﻴﺖ ﺑﻴﻬﺎ ﻛﻠﻬﺎ ﺭﺍﺣﺖ ﻣﻦ ﺷﻔﺘﻪ ﻛﺪﺍﻣﻲ
ﺣﺘﻰ ﻣﻦ ﻃﻠﻜﺖ ﻣﺎ ﺧﻠﺼﺖ ﻣﻨﺔ ﺑﺲ ﺧﻠﻲ ﻳﻮﻟﻲ ﻫﺎﻟﻤﺮﺓ ﻟﻮ ﻣﻮ ﻳﻠﻜﻮﻧﻲ ﺟﺎﻥ ﻣﺘﺖ ﻫﺴﻪ
ﺑﺲ ﺷﻠﻮﻥ ﻋﺮﻓﻮ ﻣﻜﺎﻧﻲ ﻭﺑﻬﺎﻟﺴﺮﻋﻪ ﺳﺎﻟﺖ ﺧﻮﺍﻟﻲ ﻛﺎﻟﻮﻟﻲ ﺷﻨﻮ ﺳﻮﻩ ﻳﻮﺳﻒ
ﺧﻄﻴﻪ ﺣﺘﻰ ﻣﺎ ﺍﺗﺸﻜﺮﺕ ﻣﻨﺔ ﺭﺩﻳﺖ ﺳﺎﻟﺖ ﻋﺎﻟﺴﻴﺎﺭﻩ ﻛﺎﻟﻮ ﺑﻌﺪ ﺍﻟﺒﺼﻤﺎﺕ ﻭﺍﻟﺘﺤﻘﻴﻖ ﻧﺎﺧﺬﻫﺎ
ﻛﺘﻠﻬﻢ ﺍﻭﺩﻳﻬﺎ ﻟﻠﻤﺼﻠﺢ ﻳﺼﻠﺤﻬﺎ ﻻﻥ ﺍﻧﻜﺴﺮﺕ ﺍﻟﺠﺎﻣﻪ ﻛﺎﻟﻮ ﺍﻧﺸﺎﻟﻠﻪ ﺳﺎﻟﻮﻧﻲ ﺷﻨﻮ ﺻﺎﺭ ﻭﺳﻮﻟﻔﺘﻠﻬﻢ
ﺭﺩﻭ ﺍﻧﻮﺏ ﻛﺎﻟﻮ ﺗﺮﺓ ﻳﻮﺳﻒ ﻛﺎﻝ ﻻﺯﻡ ﺗﺠﻲ ﻟﻠﻤﺮﻛﺰ ﺗﻘﺪﻡ ﺑﻼﻍ ﻭﻻﺯﻡ ﻧﺎﺧﺬ ﺃﻗﻮﺍﻟﻬﺎ ﻓﻴﺠﻮﺯ ﺑﻌﺪ ﺷﻮﻱ ﻧﺮﻭﺡ
ﻛﺘﻠﻬﻢ ﺍﻧﺸﺎﻟﻠﻪ ﻣﺎﻣﺎ ﺣﺎﺿﻨﺘﻨﻲ ﻭﺗﺒﺠﻲ ﻭﺍﻧﻲ ﺍﻳﺪﻱ ﻛﺎﻣﺖ ﺗﺼﻞ ﻋﻠﻴﻪ ﻣﻦ ﺍﻟﻮﺟﻊ ﺭﺩﻳﺖ ﺳﺎﻟﺖ ﺍﻟﺘﻠﻔﻮﻥ ﺍﻟﻐﺮﺍﺽ
ﻛﺎﻟﻮ ﺍﻟﺠﻨﻄﻪ ﻣﻮﺟﻮﺩﻩ ﺑﺲ ﺗﻠﻔﻮﻧﺞ ﻣﺎﻛﻮ ﺍﻭﻑ ﻳﻌﻨﻲ ﻫﻢ ﺍﻧﻮﺏ ﺭﺍﺡ ﻭﺍﻧﻮﺏ ﺑﻲ ﺻﻮﺭ ﺍﻭﻳﻠﻲ
ﻋﺎﺩ ﺧﺎﺑﺮ ﻳﻮﺳﻒ ﻭﺳﺎﻝ ﺷﻮﻛﺖ ﻧﺮﻭﺡ ﻟﻠﻤﺮﻛﺰ ﻭﻛﻠﺖ ﻟﻬﺎﻟﻮ ﻳﺴﺄﻟﻪ ﻋﺎﻟﺘﻠﻔﻮﻥ ﻛﻠﺔ ﺍَﻱ ﻣﻮﺟﻮﺩ ﺑﻜﻴﻨﺎ ﻋﺪ ﻓﻬﺪ
ﺍﻭﻑ ﻫﻤﺰﻳﻦ ﻛﻴﻔﺖ ﻭﺍﺭﺗﺎﺣﻴﺖ ﺑﻌﺪﻫﺎ ﺭﺣﺖ ﺳﺒﺤﺖ ﻭﺿﻠﻴﺖ ﺍﻓﺮﻙ ﺑﻴﺪﻱ ﻣﻦ ﺍﻟﻮﺟﻊ ﻣﺠﺮﺣﺔ
ﻋﺎﺩ ﻧﺰﻟﺖ ﻭﺭﺣﻨﻪ ﻟﻠﻤﺮﻛﺰ ﺑﺲ ﻫﺬﺍ ﺍﻟﺤﺠﻲ ﺑﻌﺪ ﻣﺎ ﺭﺍﺡ ﻳﻮﺳﻒ ﺍﻛﻮ ﺏ٣ ﺳﺎﻋﺎﺕ ﻭﻧﺺ ﻳﻌﻨﻲ ﺭﺣﻨﻪ ﺍﻟﻀﻬﺮ
ﻋﺎﺩ ﻟﻜﻴﺖ ﺃﻫﻠﻪ ﻫﻨﺎﻙ ﺍﺟﻮﻱ ﺑﺲ ﻭﻟﺪ ﻋﻤﺔ ﺳﻠﻤﻮ ﻭﺭﺩﻳﺖ ﺍﻟﺴﻼﻡ ﻭﺣﺠﻮ ﺑﺎﻟﻤﻮﺿﻮﻉ
ﻋﻄﺖ ﻛﺘﻠﻬﻢ ﺍﻟﻲ ﺍﺳﻮﻱ ﺑﻌﺪ ﺷﻨﻮ ﺷﻮ ﺗﻨﺎﺯﻝ ﻭﺗﻨﺎﺯﻟﺖ ﺑﺲ ﻫﻮ ﻣﻮ ﺭﺍﺿﻲ ﻳﻌﻮﻓﻨﻲ ﺑﺤﺎﻟﻲ ﻭﻟﻮ ﻣﻮ ﻻﻛﻴﻨﻲ ﺟﺎﻥ ﺍﻧﻲ ﻫﺴﻪ ﻣﻴﺘﻪ
ﻷﻧﻮ ﻫﻮ ﻛﻠﻲ ﺍﻣﻮﺗﺞ ﺧﻼﺹ ﺣﺘﻰ ﻣﺤﺪ ﻳﺎﺧﺬﺝ ﻏﻴﺮﻱ ﻭﺧﻨﻜﻨﻲ ﺑﻌﺪ ﺍﻧﻲ ﺷﻨﻮ ﺫﻧﺒﻲ ﻭﺍﺫﺍ ﻣﺎ ﻳﻨﺎﻡ ﺳﺠﻦ ﻭﻳﻨﺤﻜﻢ
ﻣﺎ ﺍﺧﻠﺺ ﻣﻨﺔ ﻛﻞ ﻣﺮﺓ ﻳﺮﺟﻊ ﻧﻔﺲ ﺍﻟﺸﻲ ﻛﺎﻟﻮ ﻭﺍﻟﻠﻪ ﻫﻮ ﻣﺪﻣﺮ ﻭﺭﺍﺝ ﻭﺣﺘﻰ ﻣﺮﺗﻪ ﺳﻬﻴﻠﻪ ﺭﺍﺩ ﻳﻄﻠﻜﻬﺎ
ﻭﺗﻮﺳﻞ ﺑﺠﺪﻱ ﻧﺠﻲ ﻧﻌﺘﺬﺭ ﻣﻨﺞ ﻭﻳﻤﺸﻲ ﻋﻠﻴﺞ ﻭﺟﺪﻱ ﻣﻘﺒﻞ ﻭﺿﻠﻮ ﻳﺤﺠﻮﻟﻲ ﻣﺎ ﻗﺒﻠﺖ ﻛﺘﻠﻬﻢ ﻫﺎﻟﻤﺮﺓ ﺍﻟﻘﺎﻧﻮﻥ ﻳﺎﺧﺬ ﻣﺠﺮﺍﻩ ﺍﻧﻲ ﻣﺎ ﻋﻠﻴﻪ ﺑﻌﺪ
ﺿﻠﻮ ﻳﺤﺠﻮﻥ ﻭﺍﻧﻲ ﻗﺎﻓﻠﻪ ﻃﻠﻊ ﻳﻮﺳﻒ ﺷﺎﻓﻬﻢ ﺍﺟﺎ ﻳﺮﻛﺾ ﺻﺎﺣﻠﻨﺔ ﻭﻛﺎﻝ ﺍﺗﻔﻀﻠﻮ ﺑﻤﻜﺘﺒﻲ ﻋﻠﻤﺎ ﻳﺼﻴﺮ ﺍﻟﻮﻛﺖ ﻭﻓﻌﻼ ﻃﺒﻴﻨﻪ ﻟﻤﻜﺘﺒﻪ ﻭﺍﻫﻞ ﻓﻬﺪ ﺑﻘﻮ ﺑﺮﻩ
ﻭﻳﻮﺳﻒ ﻻﺯﻡ ﺍﻟﺘﺤﻘﻴﻖ ﻭﻳﺔ ﻓﻬﺪ ﻭﻗﻀﻴﺘﻪ ﻭﺷﺎﺑﻌﻪ ﻛﺘﻞ ﻭﻣﻄﻮﻕ ﺇﻳﺪﻳﻦ ﻓﻬﺪ ﻻﻥ ﺫﺍﻙ ﺟﺴﺮ ﻭﻳﺘﺠﺎﻭﺯ ﻭﻛﺎﺿﻲ ﺑﻲ ﺍﻟﺘﻮﺑﻪ
ﻋﺎﺩ ﺻﺎﺭ ﻭﻛﺖ ﺍﻧﻮ ﻳﺎﺧﺬﻭﻥ ﺃﻗﻮﺍﻟﻲ ﻭﺣﺠﻴﺖ ﺍﻟﻬﻢ ﻛﻠﺸﻲ ﻭﻫﻢ ﺍﺷﺘﻜﻴﺖ ﻋﻠﻴﻪ ﻭﺫﺑﻮ ﺑﺎﻟﺴﺠﻦ ﺑﻌﺪ ﻣﺎ ﻃﻠﻌﻮ ﻣﻦ ﺍﻟﺤﺠﺰ
بيج قصص عراقيه حقيقيه من واقعنا.روعه الطائي
ﻧﻄﺎﻧﻲ ﻓﻬﺪ ﺗﻠﻔﻮﻧﻲ ﺑﻌﺪ ﻣﺎ ﻛﺘﻠﻪ ﻋﻠﻴﻪ ﻭﺃﺧﺬﺗﻪ
ﻟﺤﻜﻨﻲ ﺍﺑﻦ ﻋﻤﺔ ﻭﺗﻮﺳﻞ ﻛﺎﻝ ﺑﺲ ﺍﺭﻳﺪ ﻣﻨﺞ ﺭﺑﻊ ﺳﺎﻋﻪ ﺍﻛﻌﺪﻱ ﺍﺳﻮﻟﻔﻠﺞ ﺷﺼﺎﺭ ﺑﻲ ﻛﺘﻠﻪ ﻋﻴﺎ ﻣﺎ ﻳﺮﻭﺡ ﻟﺠﻬﻨﻢ ﺍﻟﺤﻤﺮﺓ ﺍﻧﻲ ﻣﺎ ﺩﺧﻠﻨﻲ ﺑﻲ ﺷﻌﻠﻴﻪ
ﺿَﻞ ﻳﻘﻨﻊ ﺑﻴﻪ ﻛﺪ ﻣﺎ ﻟﺢ ﻭﺍﻓﻘﺖ ﺑﺲ ﻳﻮﺳﻒ ﻧﺐ ﻣﻦ ﻳﻤﺔ ﻭﻛﺘﻠﻪ ﺍﻟﻘﺮﺍﺭ ﺍﻟﻲ ﻭﺍﻧﻲ ﺑﻜﻴﻔﻲ ﺍﺳﻤﻊ ﺍﻭ ﻻ ﻭﺟﺎﺀً ﻟﺤﺪ ﻳﺪﺧﻞ
ﻋﺎﺩ ﻃﻠﻌﻨﻪ ﺑﺮﻩ ﺍﻟﻤﺮﻛﺰ ﻭﻛﻠﻲ ﺍﻧﻮ ﻓﻬﺪ ﻣﺘﺒﻬﺬﻝ ﻣﻦ ﻭﺭﺍﻱ ﻭﺻﺎﻳﺮ ﺑﺸﺮ ﺛﺎﻧﻲ ﻭﺣﺘﻰ ﺳﻬﻴﻠﻪ ﻣﻮﺗﻬﺎ ﻛﺘﻞ
ﻻﻥ ﺩﺭﻩ ﻫﻴﻪ ﺍﻟﻲ ﺧﻠﺖ ﺍﻟﺞ ﺳﻢ ﺑﺎﻻﻛﻞ ﻭﻣﻮﺗﻬﺎ ﻛﻮﺓ ﺧﻠﺼﻮﻫﺎ ﻣﻦ ﻋﻨﺪﻩ ﻭﺩﺯﻫﺎ ﻟﺒﻴﺖ ﺍﻫﻠﻬﺎ ﺯﻋﻼﻧﻪ ﻭﺣﻠﻒ ﻳﻄﻠﻜﻬﺎ ﻭﺷﻜﺪ ﺣﺠﻰ ﻭَﻳَﺎ ﺟﺪﻱ ﻣﻘﺒﻞ
ﻭﺭﺩﺕ ﻭﺭﻩ ﻓﺘﺮﻩ ﺩﺯﺕ ﺧﺒﺮ ﺍﻟﻪ ﺍﻧﻮ ﻫﻴﻪ ﺣﺎﻣﻞ ﻭﻫﻢ ﻣﻘﺒﻞ ﻳﺮﺟﻌﻬﺎ ﻛﺎﻝ ﺗﺠﻴﺐ ﻭﺍﺧﺬ ﺍﻟﻄﻔﻞ ﻣﻨﻬﺎ ﻭﺍﻃﻠﻜﻬﺎ ﺍﻧﻲ ﻣﻦ ﺍﻻﻭﻝ ﻣﺎ ﺭﺩﺗﻬﺎ
ﻭﺟﺪﻱ ﺑﺪﻭﻥ ﻣﻮﺍﻓﻘﺘﻪ ﻭﻋﻠﻤﺔ ﺭﺍﺡ ﺭﺟﻊ ﺳﻬﻴﻠﻪ ﻫﻮ ﻭﺣﺒﻮﺑﺘﻲ ﻭﺍﻣﺔ ﻟﻔﻬﺪ ﻭﻣﻦ ﺭﺟﻊ ﻟﻠﺒﻴﺖ ﻭﺷﺎﻓﻬﺎ ﺭﺍﺟﻌﻪ ﻛﺴﺮ ﺍﻟﺒﻴﺖ ﻭﻣﻮﺗﻬﺎ ﻭﻃﻠﻌﻬﺎ ﺑﺮﻩ ﺍﻟﺒﻴﺖ
ﺣﺘﻰ ﺟﺪﻱ ﻣﺎ ﻛﺪﺭﻟﺔ ﺗﺎﻟﻲ ﻛﺎﻣﺖ ﺗﻨﺰﻑ ﻭﺃﺧﺬﻭﻫﺎ ﻟﻠﻤﺴﺘﺸﻔﻰ ﻭﺟﺎﻧﺖ ﻣﻬﺪﺩﻩ ﺑﺎﻹﺳﻘﺎﻁ ﻭﺗﺎﻟﻲ ﺭﺟﻌﺖ ﺑﻌﺪ ﺍﺻﺮﺍﺭ ﺟﺪﻱ ﻟﻠﺒﻴﺖ
ﺑﺲ ﻫﺎﺟﺮﻫﺎ ﻭﻃﻠﻌﻬﺎ ﻣﻦ ﺍﻟﻐﺮﻓﻪ ﻭﺣﺘﻰ ﻏﺮﺍﺿﻬﺎ ﻃﻠﻌﻬﺎ ﻭﻧﺎ ﻋﻠﻴﻪ ﺑﻴﻬﺎ ﻣﻦ ﻳﻮﻡ ﺍﻟﺼﺎﺭ ﻟﻠﻴﻮﻡ ﻭﻫﻴﻪ ﺣﺎﺭﺕ ﺷﺴﻮﺕ ﺑﺲ ﻫﻮ ﻗﺎﻓﻞ
ﻭﻛﺎﻡ ﻳﻤﺸﻲ ﻭﻳﻮﻛﻊ ﻭﺗﻤﺮﺽ ﻭﺍﻧﺘﻜﺴﺖ ﺣﺎﻟﺘﻪ ﻭﺩﻳﻨﺎﻩ ﻟﻠﺪﻛﺘﻮﺭ ﻭﻃﻠﻊ ﻋﻨﺪﻩ ﺟﻔﺎﻑ ﻭﻓﻌﻼ ﻫﻮ ﻻ ﺍﻛﻞ ﻭﻻ ﺷﺮﺏ
ﻛﺘﻠﻪ ﺧﻮﻳﻪ ﺑﺎﻟﻤﺨﺘﺼﺮ ﺍﻟﻤﻔﻴﺪ ﻫﺴﻪ ﻟﻮ ﻳﻤﻮﺕ ﻛﺪﺍﻣﻲ ﻣﺎ ﻳﺮﻓﻠﻲ ﺟﻔﻦ ﻋﻠﻴﻪ ﺫﻣﺎ ﺷﻔﺖ ﻣﻨﺔ ﺷﻲ ﺣﻠﻮ ﻟﻮ ﺷﻲ ﻳﺮﻳﺤﻨﻲ ﺣﺘﻰ ﺍﺭﺟﻌﻠﻪ
ﺍﺻﻼ ﺍﺣﻨﻪ ﺑﻴﻨﺎﺗﻨﻪ ﻓﺮﻕ ﻣﻦ ﺍﻟﺴﻤﺎ ﻟﻠﻜﺎﻉ ﻻ ﻫﻮ ﻣﻦ ﺛﻮﺑﻲ ﻭﻻ ﺍﻧﻲ ﻣﻦ ﺛﻮﺑﻪ ﻭﺍﺻﻼ ﻣﻤﺘﻮﺍﻟﻤﻴﻦ
ﺣﺘﻰ ﻟﻮ ﻫﻴﺞ ﺳﻮﻩ ﺷﻨﻮ ﺍﻟﻲ ﺧﺴﺮﻭ ﻫﻤﺔ ﺍﻧﻲ ﺍﻟﻲ ﺧﺴﺮﺕ ﻭﺍﻧﻲ ﺍﻟﻲ ﺭﺣﺖ ﺑﻴﻬﺎ ﻭﺑﻌﺪﻳﻦ ﻣﺎ ﺍﺭﺟﻌﻠﻪ ﻭﻓﻮﻛﺎﻫﺎ ﻣﺘﺰﻭﺝ ﻭﻓﻮﻛﺎﻱ ﺿﺮﻩ
ﻭﺍﺭﺟﻊ ﻭﻧﻔﺲ ﺍﻟﻤﻌﺎﻧﺎﻩ ﻣﺴﺘﺤﻴﻞ ﻳﻨﺴﻮﻥ ﺍﻟﻲ ﺻﺎﺭ ﻭﺍﻧﻮ ﺍﻧﻲ ﺑﺖ ﻋﻢ ﺍﻟﻲ ﻛﺘﻞ ﺍﺑﻨﻬﻢ ﻭﺳﻬﻴﻠﻪ ﻣﺎ ﺗﻌﻮﻓﻨﻲ ﻭﺣﺪﻱ
ﻭﺍﻧﻲ ﺍﺩﻭﺭ ﺑﻴﺖ ﻭﺣﺪﻱ ﻭﻭﻭﻭﻭﻭﻭ ﻛﻮﻣﺔ ﺣﺠﻲ ﻛﻮﻣﺔ ﻛﺘﻠﻪ ﻓﺮﺟﺎﺀً ﺍﺗﺮﻙ ﺍﻟﺴﺎﻟﻔﻪ
ﻋﻔﺘﻪ ﺩﺍﺭﻭﺡ ﺭﺟﻌﺖ ﻋﻠﻴﻪ ﻛﺘﻠﻪ ﺑﻠﻪ ﺯﺣﻤﺔ ﻋﻨﺪﻙ ﺭﻗﻢ ﺧﺎﻟﻪ ﺍﻡ ﻋﻠﻲ ﺗﻨﻄﻴﻨﻴﺎﻩ ﻛﺎﻝ ﻭﺍﻧﻲ ﻋﺒﺎﻟﻲ ﻗﻨﻌﺘﻲ ﻛﺘﻠﻪ ﺗﻨﻄﻲ ﻟﻮ ﻻ
ﻃﻠﻊ ﺍﻟﺘﻴﻠﻔﻮﻥ ﻧﻄﺎﻧﻲ ﺍﻟﺮﻗﻢ ﻭﺗﺸﻜﺮﺕ ﻣﻨﺔ ﻭﺭﺣﺖ ﻳﻮﺳﻒ ﺑﺲ ﻳﻨﺎﻓﺦ ﻭﻳﺎﻫﻮ ﺍﻟﻲ ﻳﺤﺠﻲ ﻭَﻳَﺎ ﻳﻌﻴﻂ ﺑﻲ
ﺧﻠﺼﻨﻪ ﻛﻠﺸﻲ ﻭﻣﻦ ﺩﻧﻄﻠﻊ ﺍﺗﺸﻜﺮﺕ ﻣﻦ ﻳﻮﺳﻒ ﻭﻃﻠﻌﺖ ﺭﺣﺖ ﻟﻠﺒﻴﺖ ﻟﻠﺰﻡ ﺍﻗﺮﻩ ﺑﺎﺟﺮ ﺩﻭﺍﻡ ﺍﻟﻴﻮﻡ ﻏﺒﺖ ﺑﺲ ﺍﻟﺘﻌﺐ ﻳﻘﺮﻩ ﺍﻟﻒ
ﻛﻮﺓ ﻛﺪﺭﺕ ﺍﻗﺮﻩ ﻭﺃﻭﻝ ﻣﺎ ﺧﻠﺼﺖ ﻃﻤﻨﺎ ﻋﻠﻰ ﻣﺎﻣﺎ ﻟﻜﻴﺘﻬﺎ ﻧﺎﻳﻤﺔ ﻭﺍﻧﻲ ﻫﻢ ﺻﻌﺪﺕ ﻭﻧﻤﺖ ﻣﺎ ﻛﻌﺪﺕ ﻏﻴﺮ ﻋﻠﻰ ﺻﻮﺕ ﺑﻴﺒﻲ ﻃﺎﻟﻊ ﺍﻟﺼﺒﺢ
ﺩﺗﻜﻌﺪﻧﻲ ﻟﻠﻜﻠﻴﻪ ﻭﺗﻜﻮﻝ ﺗﻨﺒﻞ ﻣﺎﻝ ﻧﻮﻡ ﻛﻮﻣﻲ ﺻﺪﻙ ﺻﺎﺭ ﺷﻜﺪ ﻧﺎﻳﻤﻪ ﻛﻤﺖ ﻏﺴﻠﺖ ﻭﺟﻬﻲ ﻧﺰﻟﺖ ﺍﻭﻝ ﺷﻲ ﻃﻤﻨﺖ ﻋﻠﻰ ﻣﺎﻣﺎ ﻭﺑﻌﺪﻫﺎ ﺳﻮﻳﺖ ﺭﻳﻮﻙ ﺭﻳﻜﺘﻬﺎ ﺑﺎﻳﺪﻱ ﻭﻛﺎﻟﺖ ﺑﻴﺒﻲ ﺣﺘﺘﺎﺧﺮﻳﻦ
بيج قصص عراقيه حقيقيه من واقعنا.روعه الطائي
ﻛﺘﻠﻬﺎ ﻋﺎﺩﻱ ﺑﺲ ﺍﻭﻝ ﻣﺤﺎﺿﺮﻩ ﻛﻤﻠﺘﻬﺎ ﺷﺮﺑﺘﻬﺎ ﺩﻭﺍﻫﺎ ﻭﻛﻤﻠﺖ ﺻﻌﺪﺕ ﺳﺒﺤﺖ ﻋﺎﻟﺴﺮﻳﻊ ﻭﻃﻠﻌﺖ ﺑﺪﻟﺖ ﻭﺷﺴﻮﺭﺕ ﺷﻌﺮﻱ ﻭﺗﻤﻜﻴﺠﺖ ﺧﻔﻴﻒ
ﻛﻤﻠﺖ ﻭﻧﺰﻟﺖ ﻳﺮﺑﻲ ﺑﻴﺶ ﺭﺍﺡ ﺍﺭﻭﺡ ﻟﻠﻜﻠﻴﻪ ﺍﻟﺴﻴﺎﺭﻩ ﻭﻣﺎﻛﻮ ﺧﺎﺑﺮﺕ ﺧﺎﻟﺘﻲ ﻛﺎﻟﺖ ﺍﺧﺬﻱ ﺳﻴﺎﺭﺗﻲ ﺍﻟﻴﻮﻡ ﻣﺎ ﺍﺣﺘﺎﺟﻬﺎ ﻫﻤﺰﻳﻦ
ﻃﻠﻌﺖ ﺍﺗﻤﺸﻴﺖ ﻟﺒﻴﺘﻬﻢ ﺩﻛﻴﺖ ﺍﻟﺒﺎﺏ ﻓﺘﺤﺘﻪ ﺳﻠﻤﺖ ﻋﻠﻴﻬﺎ ﻭﻧﻄﺘﻨﻲ ﺍﻟﺴﻮﻳﺞ ﻭﻛﺎﻟﺖ ﻓﺎﺭﻏﻪ ﻋﻮﺩ ﻣﺎ ﺑﻴﻬﺎ ﺑﺎﻧﺰﻳﻦ ﻫﺎﻱ ﻓﻠﻮﺱ
ﻓﻮﻟﻴﻬﺎ ﻋﻮﺩ ﻛﺘﻠﻬﺎ ﻣﻮ ﻋﻴﺐ ﺟﺎﻥ ﺍﺳﺘﺤﻴﺘﻲ ﺍﻧﻲ ﺃﻓﻮﻟﻬﺎ ﻣﻦ ﻋﻨﺪﻱ ﺭﻛﺒﺖ ﻭﻃﻠﻌﺘﻬﺎ ﻭﺭﺣﺖ ﺑﻴﻬﺎ ﻟﻠﻜﻠﻴﻪ ﻛﻠﺖ ﻣﻦ ﺍﻃﻠﻊ ﺃﻓﻮﻟﻬﺎ
ﺗﻠﻜﻨﻲ ﺻﺪﻳﻘﺎﺗﻲ ﻭﺍﻟﺨﻮﻑ ﺑﻴﻬﻦ ﻋﻠﻴﻪ ﻳﺴﺄﻟﻦ ﻭﻳﺴﺘﻔﺴﺮﻥ ﺩﺧﻠﺖ ﻣﺤﺎﺿﺮﺍﺕ ﻭﻛﻤﻠﺖ ﻭﻣﺸﻰ ﺍﻟﺪﻭﺍﻡ ﻛﻤﻠﺖ ﻭﻃﻠﻌﺖ
ﻓﻮﻟﺖ ﺍﻟﺴﻴﺎﺭﻩ ﻭﻃﻠﻌﺖ ﻟﻠﺒﻴﺖ ﻣﺎ ﺍﻟﻲ ﺧﻠﻚ ﻛﻠﺸﻴﺖ ﺭﻭﺗﻴﻦ ﻣﻤﻞ ﻭﺍﻟﻲ ﺩﻳﺼﻴﺮ ﺷﻲ ﺗﻌﻴﺲ
ﺩﻙ ﺗﻠﻔﻮﻧﻲ ﺷﻔﺘﻪ ﻳﻮﺳﻒ ﺟﺎﻭﺑﺘﻪ ﻛﺎﻝ ﺍﺭﻳﺪﺝ ﺑﻤﻮﺿﻮﻉ ﺿﺮﻭﺭﻱ ﺑﻠﻜﺖ ﻧﻠﺘﻘﻲ ﺑﻤﻜﺎﻥ ﻭﻧﺤﺠﻲ ﻛﺘﻠﻪ ﺧﻴﺮ ﺧﻮﻣﻮ ﺍﻛﻮ ﺷﻲ
ﻛﺎﻝ ﻻ ﻣﺎﻛﻮ ﺑﺲ ﺍﺭﻳﺪﺝ ﺑﻤﻮﺿﻮﻉ ﻛﺘﻠﻪ ﺍﻧﺸﺎﻟﻠﻪ ﺑﺎﺟﺮ ﻭﺭﻩ ﺍﻟﺪﻭﺍﻡ ﺍﻟﻴﻮﻡ ﻣﺎ ﺑﻴﻪ ﺗﻌﺒﺎﻧﻪ ﻛﺎﻝ ﺗﻤﺎﻡ
ﺛﺎﻧﻲ ﻳﻮﻡ ﺍﻟﺘﻘﻴﻨﻪ ﺑﻤﻄﻌﻢ ﻋﺰﻣﻨﻲ ﻋﻠﻰ ﻏﺪﻩ ﺑﻌﺪ ﺍﻟﺪﻭﺍﻡ ﻭﺳﺄﻟﺘﻪ ﻋﻠﻰ ﻗﻀﻴﻪ ﻓﻬﺪ ﻭﻛﺎﻝ ﻃﻴﺤﺖ ﺣﻀﺔ ﺧﻠﻴﺖ ﺃﻫﻠﻪ ﻣﺎ ﻋﺮﻓﻮﻩ
ﻛﺘﻠﻪ ﺧﻴﺮ ﻟﻌﺪ ﺷﺮﺩﺕ ﺷﻨﻮ ﺍﻟﺸﻲ ﺍﻟﻲ ﺭﺩﺕ ﺗﻜﻮﻟﻪ ﻛﺎﻝ ﺧﻠﻲ ﻧﺘﻐﺪﻩ ﻭﺑﻌﺪﻳﻦ ﺍﻛﻮﻟﺞ ﺻﺪﻙ ﻃﻠﺒﻨﻪ ﺍﻛﻞ ﻭﺗﻐﺪﻳﻨﻪ
ﻛﻤﻠﻨﻪ ﻫﻮ ﺷﺮﺏ ﺟﺎﻱ ﻭﻛﻤﻞ ﺍﻧﻲ ﻣﺎ ﺍﺣﺒﻪ ﺑﺲ ﺑﺎﻟﺮﻳﻮﻙ ﻭﻣﻦ ﺍﺷﺘﻬﻲ
ﻋﺎﺩ ﻛﺎﻝ ﺍﻫﺪﻱ ﺍﻓﺘﻬﻤﻴﻨﻲ ﻭﻗﺒﻞ ﻻ ﺗﺘﺴﺮﻋﻴﻦ ﺍﺳﺘﻮﻋﺒﻲ ﻭﺟﺎﻭﺑﻴﻨﻲ
ﻛﺘﻠﻪ ﺧﻴﺮ ﻳﺎ ﺳﺘﺎﺭ ﺷﻜﻮ ﺷﻨﻮ ﻫﺎﻟﺸﻲ ﺍﻟﻲ ﺭﺍﺡ ﺗﻜﻮﻟﺔ ﻛﺎﻝ ﺭﺍﺡ ﺍﺣﺠﻲ ﺑﺲ ﻣﺜﻞ ﻣﺎ ﻭﺻﻴﺘﺞ
ﻛﺘﻠﻪ ﻫﺴﻪ ﺍﻧﺘﻪ ﺩﻛﻮﻝ ﻣﻮ ﻭﻛﻔﺖ ﻛﻠﺒﻲ ﺳﻜﺖ ﺿَﻞ ﻳﺒﺎﻭﻉ ﻋﻠﻴﻪ ﺭﺩ ﻛﺎﻝ ﺯﻣﺮﺩ ﺍﻧﻲ ﺍﺣﺒﺞ ﻭﺍﺭﻳﺪﺝ ﻋﻠﻰ ﺳﻨﻪ ﺍﻟﻠﻪ ﻭﺭﺳﻮﻟﻪ
ﺻﻔﻨﺖ ﻋﻠﻴﻪ ﻭﻣﺎ ﺣﺠﻴﺖ ﺷﻲ ﻫﻮ ﺿَﻞ ﻳﺤﺠﻲ ﻭﺍﻧﻲ ﺻﺎﻓﻨﻪ ﺍﺧﺮ ﺷﻲ ﺻﺎﺡ ﺯﻣﺮﺩ ﺗﺴﻤﻌﻴﻨﻲ ﻣﻮ ﺍﺣﺠﻲ ﻭﻳﺎﺝ
ﺻﺤﻴﺖ ﻣﻦ ﺻﻔﻨﺘﻲ ﻭﻛﺘﻠﻪ ﺍﻧﺘﻪ ﺷﺘﺤﺠﻲ ﻛﺎﻝ ﺑﺎﻋﻲ ﺯﻣﺮﺩ ﻣﺎ ﺍﺟﺒﺮﺝ ﺍﻭ ﺍﺿﻐﻂ ﻋﻠﻴﺞ ﺍﻧﻄﻴﺞ ﻣﻬﻠﻪ ﻭﻓﻜﺮﻱ ﺑﻴﻬﺎ
ﺍﻧﻲ ﻣﻦ ﻳﻮﻡ ﺷﻔﺘﺞ ﻧﻌﺠﺒﺖ ﺑﻴﺞ ﻭﻳﻮﻡ ﺑﻌﺪ ﻳﻮﻡ ﺍﻧﻌﺠﺐ ﺍﻛﺜﺮ ﻭﻣﺘﺮﻭﺣﻴﻦ ﻣﻦ ﺑﺎﻟﻲ ﺍﺑﺪ
ﺍﻧﻲ ﻋﺒﺎﻟﻲ ﺃﺿﻞ ﺳﺎﻛﺖ ﺣﺪ ﻣﺎ ﺗﻌﺒﺮ ﻓﺘﺮﻩ ﺯﻳﻨﻪ ﺍﻟﺞ ﺗﺮﺗﺎﺣﻴﻦ ﺑﻴﻬﺎ ﻣﻦ ﺍﻟﻲ ﺻﺎﺭﻟﺞ ﺑﺲ
ﺑﻌﺪ ﺍﻟﻲ ﺻﺎﺭ ﺍﻟﺒﺎﺭﺣﺔ ﻣﺎ ﺍﻛﺪﺭ ﺃﺳﻜﺖ ﻻﺯﻡ ﺗﺼﻴﺮﻳﻦ ﺑﺤﻤﺎﻳﺘﻲ ﺑﻌﺪ ﻭﺍﺧﺎﻑ ﺗﻔﻜﺮﻳﻦ ﺗﺮﺟﻌﻴﻦ ﻟﻔﻬﺪ ﻟﻮ ﺗﺰﻭﺟﻴﻦ ﻏﻴﺮﻱ ﻏﻴﺮ ﺍﻃﻚ ﻭﺃﻣﻮﺕ
ﻛﺘﻠﻪ ﻭﺍﻧﺘﻪ ﻣﻦ ﺷﻮﻛﺖ ﻫﻴﺞ ﺣﺒﻴﺘﻨﻲ ﺿﻮ ﻣﺎ ﻛﻠﺖ ﻛﺎﻝ ﻣﻮ ﻛﺘﻠﺞ ﻣﻦ ﺍﻭﻝ ﻳﻮﻡ ﺷﻔﺘﺞ ﺍﻧﻌﺠﺒﺖ ﺑﻴﺞ ﻭﻫﺴﻪ ﺻﺎﺭ ﻛﻢ ﺷﻬﺮ
ﻭﺑﻌﺪ ﺍﻟﻲ ﺻﺎﺭ ﻣﻮ ﻛﺎﺩﺭ ﺃﺗﺤﻤﻞ ﻭﺍﺳﻜﺖ ﻓﺪﻭﺓ ﺯﻣﺮﺩ ﻓﻜﺮﻱ ﻭﺭﺟﻌﻴﻠﻲ ﺟﻮﺍﺏ
ﺍﻟﺞ ﻣﻬﻠﺔ ﻣﻨﺎ ﻷﺳﺒﻮﻉ
ﻛﺘﻠﺔ ﺑﺲ ﻳﻮﺳﻒ ﺍﻧﻲ ﻛﺮﻫﺖ ﺍﻟﺰﻟﻢ ﻛﻠﻬﺎ ﺑﻌﺪ ﺍﻟﻲ ﺻﺎﺭ ﻭﺣﻘﺪﺕ ﻋﻠﻴﻬﻢ ﻛﺎﻝ ﻣﻮ ﻛﻞ ﺍﺻﺎﺑﻌﺞ ﺳﻮﻩ ﻭﺍﻧﻲ ﺍﺧﺘﻠﻒ ﻭﺍﻟﻲ ﺧﻠﻘﻨﻲ ﺍﻋﻴﺸﺞ ﻣﻠﻜﺔ
بيج قصص عراقيه حقيقيه من واقعنا.روعه الطائي
ﺍﻧﺘﻲ ﺑﺲ ﻭﺍﻓﻘﻲ ﻓﺪﻭﺓ ﻭﺍﻟﻠﻪ ﻛﻤﺖ ﻻ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ ﻭﺍﻧﺘﻲ ﺍﻭﻝ ﻭﺣﺪﺓ ﺣﺒﻴﺘﺞ ﻭﺩﺧﻠﺘﻲ ﻛﻠﺒﻲ
ﻛﺘﻠﻪ ﻫﺎﻱ ﺍﻻﺳﻄﻮﺍﻧﻪ ﻛﻞ ﻭﺍﺣﺪ ﻳﻜﻮﻟﻬﺎ ﻟﻠﻲ ﻳﺤﺒﻬﺎ ﻭﻫﻮ ﻛﻠﺒﺔ ﻛﻮﺳﺘﺮ ﻳﺴﻊ ﻟﺠﻤﻴﻊ ﺍﻟﺮﻛﺎﺏ ﺿﺤﻚ ﻛﺎﻝ ﻻ ﻭﺍﻟﻠﻪ
ﻭﺩﺍﻋﻪ ﺍﻣﻲ ﻣﺎ ﺍﺣﺪﺏ ﻭﺍﻛﻮﻟﺞ ﻣﺎ ﻋﺮﻓﺖ ﻗﺒﻠﺞ ﺑﺲ ﻣﺎ ﺣﺒﻴﺖ ﻻﻥ ﺍﻧﻲ ﺿﺎﺑﻂ ﻭﺍﻋﺮﻑ ﺍﻟﻨﺴﻮﺍﻥ ﺍﻟﻲ ﻧﺘﻌﺮﻑ ﻋﻠﻴﻬﺎ ﺷﻨﻮ
ﺷﻜﺪ ﺷﻔﺖ ﻭﺻﺎﺩﻗﺖ ﺑﻨﺎﺕ ﺑﺲ ﻣﺎ ﺣﺒﻴﺖ ﻭﺣﺪﻩ ﻭﺩﺧﻠﺖ ﻛﻠﺒﻲ ﻏﻴﺮﺝ ﺍﻧﺘﻲ ﻭﺭﺑﻲ ﺷﺎﻫﺪ ﻋﻠﻰ ﻛﻼﻣﻲ
ﺿﻠﻴﺖ ﺳﺎﻛﺘﻪ ﺷﻨﻮ ﺍﺭﻳﺪ ﺍﺣﺠﻲ ﻭﺍﺭﺩ ﺍﻟﻪ ﻭﺍﻛﻮﻟﻪ ﻛﺘﻠﻪ ﺑﻌﺪ ﻓﺘﺮﻩ ﻣﻦ ﺳﻜﻮﺗﻲ ﺍﻓﻜﺮ ﻭﺍﺭﺩﻟﻚ ﺟﻮﺍﺏ ﺑﺲ
ﻣﺎ ﺃﻭﻋﺪﻙ ﺍﻧﻮ ﺍﻗﺒﻞ ﺍﻭ ﺍﺻﻼ ﺃﻭﻋﺪﻙ ﺑﺸﻲ ﻻﻥ ﺍﻧﻲ ﻣﻤﻔﻜﺮﻩ ﺑﺴﺎﻟﻔﻪ ﺍﻻﺭﺗﺒﺎﻁ ﻫﺴﻪ ﻧﻬﺎﺋﻲ
ﻭﺍﻟﻲ ﻣﺮﻳﺖ ﺑﻲ ﻣﻮ ﻗﻠﻴﻞ ﻭﺑﻌﺪﻳﻦ ﻣﺎ ﺍﻛﺪﺭ ﺍﻋﻮﻑ ﻣﺎﻣﺎ ﻭﺣﺪﻫﺎ ﻭﺍﻧﺘﻪ ﺗﻌﺮﻑ ﺣﺎﻟﻬﺎ ﻛﺎﻝ ﻭﻏﻼﺗﺞ ﻋﻨﺪﻱ ﺣﺘﻰ ﺍﻟﻮﺍﻟﺪﻩ ﺍﺧﻠﻴﻬﺎ ﺗﻜﻌﺪ ﻭﻳﺎﻧﻪ
ﻭﺑﻴﺖ ﻭﺣﺪﻧﻪ ﺑﺲ ﺍﻧﺘﻲ ﻭﺍﻓﻘﻲ ﻭﺍﻟﻠﻪ ﺍﺣﺒﺞ ﻭﺭﻭﺡ ﺣﺪﻱ ﺍﺣﺒﺞ ﺿﺤﻜﺖ ﻋﻠﻴﻪ
ﻛﺎﻝ ﻣﺎ ﺍﺭﻳﺪ ﺍﺧﺴﺮﺝ
ﻛﺘﻠﻪ ﺯﻳﻦ ﻣﻨﻮ ﻳﻜﻮﻝ ﺍﻫﻠﻚ ﻳﻮﺍﻓﻘﻮﻥ ﻭﺍﻧﻲ ﺟﻨﺖ ﻓﺼﻠﻴﻪ ﻭﺍﻃﻠﻜﺖ ﻛﺎﻝ ﻭﺍﻧﺘﻲ ﺣﺘﺰﻭﺟﻴﻦ ﺍﻫﻠﻲ ﻟﻮ ﺗﺰﻭﺟﻴﻨﻲ ﺍﻧﻲ
ﻛﺘﻠﻪ ﺣﺘﻰ ﻟﻮ ﺑﺲ ﺭﺃﻱ ﺍﻻﻫﻞ ﻣﻬﻢ ﻛﺎﻝ ﻣﻴﻌﺎﺭﺿﻮﻥ ﻣﺎ ﺩﺍﻡ ﺍﻧﻲ ﺍﺭﻳﺪ ﻫﺬﺍ ﺍﻟﺸﻲ ﻳﻘﺒﻠﻮﻥ ﺑﻲ ﻣﺪﺧﻠﻬﻢ ﺑﻴﻪ
ﻛﺘﻠﻪ ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻛﻮﻟﻚ ﺑﺲ ﺍﻧﻄﻴﻨﻲ ﻛﺘﻠﻪ ﺍﻓﻜﺮ ﻫﻮﺍﻱ ﺃﻣﻮﺭ ﺑﺎﻟﻲ ﻭﻫﻮﺍﻱ ﺃﻣﻮﺭ ﻋﻨﺪﻱ ﻭﻛﻮﻣﺔ ﻛﻮﻣﺔ ﺷﻐﻼﺕ ﻋﻨﺪﻱ
ﻛﺎﻝ ﺍﻧﺘﻲ ﺍﺧﺬﻱ ﺭﺍﺣﺘﺞ ﻭﺍﻧﻲ ﻛﺘﻠﺞ ﻣﻨﺎ ﻷﺳﺒﻮﻉ ﻳﻠﻪ ﺗﺮﺩﻳﻠﻲ ﺟﻮﺍﺏ ﻭﻫﺬﺍ ﺍﻷﺳﺒﻮﻉ ﻛﻠﺔ ﻣﺎ ﺭﺍﺡ ﺍﻟﺘﻘﻲ ﺑﻴﺞ
ﻋﻠﻤﻮﺩ ﻻ ﺍﻭﺗﺮﺝ ﺍﻭ ﺍﺳﺒﺐ ﺍﻟﺞ ﺍﺯﻋﺎﺝ ﺍﻭ ﺍﺿﺎﻳﻘﺞ ﻭﺍﺿﻐﻂ ﻋﻠﻴﺞ ﻭﺃﺷﺘﺖ ﺗﻔﻜﻴﺮﺝ ﻭﻟﻮ ﻣﻮ ﻫﻴﻦ ﻋﻠﻴﻪ ﺍﺳﺒﻮﻉ ﻣﺎ ﻧﺘﺸﺎﻭﻑ
ﻛﺘﻠﻪ ﺍﻧﺸﺎﻟﻠﻪ ﻫﺴﻪ ﺍﻧﻲ ﺍﺗﺮﺧﺺ ﻻﺯﻡ ﺗﺮﺟﻊ ﻟﻠﺒﻴﺖ ﻛﻤﺖ ﻭﻫﻮ ﻫﻢ ﻛﺎﻡ ﺩﻓﻊ ﺍﻟﺤﺴﺎﺏ ﻭﻃﻠﻌﻨﻪ ﺳﻮﻩ
ﺗﻮﺍﺩﻋﻨﻪ ﻋﻨﺪ ﺍﻟﺴﻴﺎﺭﺍﺕ ﻭﻛﻠﻤﻦ ﺭﺍﺡ ﺑﻄﺮﻳﻘﺔ ﻭﺍﻧﻲ ﺭﺣﺖ ﻟﻠﺒﻴﺖ ﻭﻫﻮ ﻛﺎﻝ ﺭﺍﻳﺢ ﻟﻠﻤﺮﻛﺰ
ﻭﺻﻠﺖ ﻟﻠﺒﻴﺖ ﻭﻛﺎﻟﺖ ﺑﻴﺒﻲ ﺍﻫﻞ ﻓﻬﺪ ﺍﻟﺼﺒﺢ ﺍﺟﻮ ﻋﻠﻴﺞ ﻭﻛﺘﻠﻬﻢ ﺑﺎﻟﻜﻠﻴﻪ ﻭﺑﺎﺟﺮ ﻳﺠﻮﻥ ﺍﻧﻮﺏ
ﻛﺘﻠﻬﺎ ﺫﻭﻟﻪ ﻣﺎ ﻳﻤﻠﻮﻥ ﻳﻌﻨﻲ ﻓﻮﻙ ﻫﺬﺍ ﻛﻠﺔ ﻣﺎ ﻳﻜﻮﻟﻮﻥ ﺍﺣﻨﻪ ﻏﻠﻄﺎﻧﻴﻦ ﻛﺎﻟﺖ ﺍﻧﻲ ﺭﺯﻟﺘﻬﻢ ﺑﺤﺴﻦ ﺭﺿﺎﺗﻬﻢ
ﻭﻣﺎ ﺧﻠﻴﺖ ﺷﻲ ﻣﺎ ﻛﻠﺘﻪ ﺍﻟﻬﻢ ﻭﻛﺘﻠﻬﻢ ﻋﻮﻓﻮﻫﺎ ﻋﺎﺩ ﻋﺪﻫﺎ ﻛﻠﻴﻪ ﻭﺩﺍﻭﻡ ﻣﻮ ﻛﺎﻓﻲ ﺭﺍﺣﺖ ﺳﻨﻪ ﻋﻠﻴﻬﺎ ﻟﺘﺸﺘﺘﻮﻥ ﺍﻧﺘﺒﺎﻫﻪ
ﻛﺘﻠﻬﺎ ﺍَﻱ ﻭﺷﻜﺎﻟﻮﻟﺞ ؟؟
ﻛﺎﻟﺖ ﻳﻜﻮﻟﻮﻥ ﺑﺎﺣﺮ ﺍﻟﻌﺼﺮ ﻧﻤﺮ ﺍﻟﺞ ﻭﻧﺠﻲ ﻭﺍﻧﺸﺎﻟﻠﻪ ﻫﺎﻟﻤﺮﻩ ﺭﺍﺡ ﺗﻨﺤﻞ ﻛﻞ ﺍﻣﻮﺭﻧﻪ ﻛﺘﻠﻬﺎ ﻳﻮﻡ ﻋﻴﺪ ﻣﻦ ﺍﺧﻠﺺ ﻣﻨﻬﻢ
ﺳﻜﺘﺖ ﺭﺩﻳﺖ ﻛﻠﺖ ﺍﻟﻬﺎ ﻋﻠﻰ ﻣﻮﺿﻮﻉ ﻳﻮﺳﻒ ﻭﻛﺎﻟﺖ ﻭﺍﻟﻠﻪ ﺍﻧﻲ ﺣﺴﻴﺖ ﻣﻦ ﺍﻟﺒﺪﺍﻳﻪ ﻭﻋﺮﻓﺖ ﻫﺬﺍ ﺍﻟﻲ ﺭﺍﺡ ﻳﺼﻴﺮ
ﻻﻥ ﺍﻫﺘﻤﺎﻣﺔ ﺑﻴﺞ ﻣﻮ ﻃﺒﻴﻌﻲ ﻭﺣﺘﻰ ﺧﻮﺍﻟﺞ ﺍﻧﺘﺒﻬﻮ ﻭﻛﻠﻮﻟﻲ ﻭﺭﺩﻳﺘﻬﻢ ﻛﺘﻠﻬﻢ ﻣﻌﻠﻴﻜﻢ ﻫﻴﻪ ﺗﻌﺮﻑ ﺗﺼﺮﻑ ﻭﻣﺴﺘﺤﻴﻞ ﺗﺨﻠﻲ ﻳﺠﺎﻭﺯﺣﺪﻭﺩﺓ
ﺍﻧﺘﻲ ﺑﺲ ﻭﺍﻓﻘﻲ ﻓﺪﻭﺓ ﻭﺍﻟﻠﻪ ﻛﻤﺖ ﻻ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ ﻭﺍﻧﺘﻲ ﺍﻭﻝ ﻭﺣﺪﺓ ﺣﺒﻴﺘﺞ ﻭﺩﺧﻠﺘﻲ ﻛﻠﺒﻲ
ﻛﺘﻠﻪ ﻫﺎﻱ ﺍﻻﺳﻄﻮﺍﻧﻪ ﻛﻞ ﻭﺍﺣﺪ ﻳﻜﻮﻟﻬﺎ ﻟﻠﻲ ﻳﺤﺒﻬﺎ ﻭﻫﻮ ﻛﻠﺒﺔ ﻛﻮﺳﺘﺮ ﻳﺴﻊ ﻟﺠﻤﻴﻊ ﺍﻟﺮﻛﺎﺏ ﺿﺤﻚ ﻛﺎﻝ ﻻ ﻭﺍﻟﻠﻪ
ﻭﺩﺍﻋﻪ ﺍﻣﻲ ﻣﺎ ﺍﺣﺪﺏ ﻭﺍﻛﻮﻟﺞ ﻣﺎ ﻋﺮﻓﺖ ﻗﺒﻠﺞ ﺑﺲ ﻣﺎ ﺣﺒﻴﺖ ﻻﻥ ﺍﻧﻲ ﺿﺎﺑﻂ ﻭﺍﻋﺮﻑ ﺍﻟﻨﺴﻮﺍﻥ ﺍﻟﻲ ﻧﺘﻌﺮﻑ ﻋﻠﻴﻬﺎ ﺷﻨﻮ
ﺷﻜﺪ ﺷﻔﺖ ﻭﺻﺎﺩﻗﺖ ﺑﻨﺎﺕ ﺑﺲ ﻣﺎ ﺣﺒﻴﺖ ﻭﺣﺪﻩ ﻭﺩﺧﻠﺖ ﻛﻠﺒﻲ ﻏﻴﺮﺝ ﺍﻧﺘﻲ ﻭﺭﺑﻲ ﺷﺎﻫﺪ ﻋﻠﻰ ﻛﻼﻣﻲ
ﺿﻠﻴﺖ ﺳﺎﻛﺘﻪ ﺷﻨﻮ ﺍﺭﻳﺪ ﺍﺣﺠﻲ ﻭﺍﺭﺩ ﺍﻟﻪ ﻭﺍﻛﻮﻟﻪ ﻛﺘﻠﻪ ﺑﻌﺪ ﻓﺘﺮﻩ ﻣﻦ ﺳﻜﻮﺗﻲ ﺍﻓﻜﺮ ﻭﺍﺭﺩﻟﻚ ﺟﻮﺍﺏ ﺑﺲ
ﻣﺎ ﺃﻭﻋﺪﻙ ﺍﻧﻮ ﺍﻗﺒﻞ ﺍﻭ ﺍﺻﻼ ﺃﻭﻋﺪﻙ ﺑﺸﻲ ﻻﻥ ﺍﻧﻲ ﻣﻤﻔﻜﺮﻩ ﺑﺴﺎﻟﻔﻪ ﺍﻻﺭﺗﺒﺎﻁ ﻫﺴﻪ ﻧﻬﺎﺋﻲ
ﻭﺍﻟﻲ ﻣﺮﻳﺖ ﺑﻲ ﻣﻮ ﻗﻠﻴﻞ ﻭﺑﻌﺪﻳﻦ ﻣﺎ ﺍﻛﺪﺭ ﺍﻋﻮﻑ ﻣﺎﻣﺎ ﻭﺣﺪﻫﺎ ﻭﺍﻧﺘﻪ ﺗﻌﺮﻑ ﺣﺎﻟﻬﺎ ﻛﺎﻝ ﻭﻏﻼﺗﺞ ﻋﻨﺪﻱ ﺣﺘﻰ ﺍﻟﻮﺍﻟﺪﻩ ﺍﺧﻠﻴﻬﺎ ﺗﻜﻌﺪ ﻭﻳﺎﻧﻪ
ﻭﺑﻴﺖ ﻭﺣﺪﻧﻪ ﺑﺲ ﺍﻧﺘﻲ ﻭﺍﻓﻘﻲ ﻭﺍﻟﻠﻪ ﺍﺣﺒﺞ ﻭﺭﻭﺡ ﺣﺪﻱ ﺍﺣﺒﺞ ﺿﺤﻜﺖ ﻋﻠﻴﻪ
ﻛﺎﻝ ﻣﺎ ﺍﺭﻳﺪ ﺍﺧﺴﺮﺝ
ﻛﺘﻠﻪ ﺯﻳﻦ ﻣﻨﻮ ﻳﻜﻮﻝ ﺍﻫﻠﻚ ﻳﻮﺍﻓﻘﻮﻥ ﻭﺍﻧﻲ ﺟﻨﺖ ﻓﺼﻠﻴﻪ ﻭﺍﻃﻠﻜﺖ ﻛﺎﻝ ﻭﺍﻧﺘﻲ ﺣﺘﺰﻭﺟﻴﻦ ﺍﻫﻠﻲ ﻟﻮ ﺗﺰﻭﺟﻴﻨﻲ ﺍﻧﻲ
ﻛﺘﻠﻪ ﺣﺘﻰ ﻟﻮ ﺑﺲ ﺭﺃﻱ ﺍﻻﻫﻞ ﻣﻬﻢ ﻛﺎﻝ ﻣﻴﻌﺎﺭﺿﻮﻥ ﻣﺎ ﺩﺍﻡ ﺍﻧﻲ ﺍﺭﻳﺪ ﻫﺬﺍ ﺍﻟﺸﻲ ﻳﻘﺒﻠﻮﻥ ﺑﻲ ﻣﺪﺧﻠﻬﻢ ﺑﻴﻪ
ﻛﺘﻠﻪ ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻛﻮﻟﻚ ﺑﺲ ﺍﻧﻄﻴﻨﻲ ﻛﺘﻠﻪ ﺍﻓﻜﺮ ﻫﻮﺍﻱ ﺃﻣﻮﺭ ﺑﺎﻟﻲ ﻭﻫﻮﺍﻱ ﺃﻣﻮﺭ ﻋﻨﺪﻱ ﻭﻛﻮﻣﺔ ﻛﻮﻣﺔ ﺷﻐﻼﺕ ﻋﻨﺪﻱ
ﻛﺎﻝ ﺍﻧﺘﻲ ﺍﺧﺬﻱ ﺭﺍﺣﺘﺞ ﻭﺍﻧﻲ ﻛﺘﻠﺞ ﻣﻨﺎ ﻷﺳﺒﻮﻉ ﻳﻠﻪ ﺗﺮﺩﻳﻠﻲ ﺟﻮﺍﺏ ﻭﻫﺬﺍ ﺍﻷﺳﺒﻮﻉ ﻛﻠﺔ ﻣﺎ ﺭﺍﺡ ﺍﻟﺘﻘﻲ ﺑﻴﺞ
ﻋﻠﻤﻮﺩ ﻻ ﺍﻭﺗﺮﺝ ﺍﻭ ﺍﺳﺒﺐ ﺍﻟﺞ ﺍﺯﻋﺎﺝ ﺍﻭ ﺍﺿﺎﻳﻘﺞ ﻭﺍﺿﻐﻂ ﻋﻠﻴﺞ ﻭﺃﺷﺘﺖ ﺗﻔﻜﻴﺮﺝ ﻭﻟﻮ ﻣﻮ ﻫﻴﻦ ﻋﻠﻴﻪ ﺍﺳﺒﻮﻉ ﻣﺎ ﻧﺘﺸﺎﻭﻑ
ﻛﺘﻠﻪ ﺍﻧﺸﺎﻟﻠﻪ ﻫﺴﻪ ﺍﻧﻲ ﺍﺗﺮﺧﺺ ﻻﺯﻡ ﺗﺮﺟﻊ ﻟﻠﺒﻴﺖ ﻛﻤﺖ ﻭﻫﻮ ﻫﻢ ﻛﺎﻡ ﺩﻓﻊ ﺍﻟﺤﺴﺎﺏ ﻭﻃﻠﻌﻨﻪ ﺳﻮﻩ
ﺗﻮﺍﺩﻋﻨﻪ ﻋﻨﺪ ﺍﻟﺴﻴﺎﺭﺍﺕ ﻭﻛﻠﻤﻦ ﺭﺍﺡ ﺑﻄﺮﻳﻘﺔ ﻭﺍﻧﻲ ﺭﺣﺖ ﻟﻠﺒﻴﺖ ﻭﻫﻮ ﻛﺎﻝ ﺭﺍﻳﺢ ﻟﻠﻤﺮﻛﺰ
ﻭﺻﻠﺖ ﻟﻠﺒﻴﺖ ﻭﻛﺎﻟﺖ ﺑﻴﺒﻲ ﺍﻫﻞ ﻓﻬﺪ ﺍﻟﺼﺒﺢ ﺍﺟﻮ ﻋﻠﻴﺞ ﻭﻛﺘﻠﻬﻢ ﺑﺎﻟﻜﻠﻴﻪ ﻭﺑﺎﺟﺮ ﻳﺠﻮﻥ ﺍﻧﻮﺏ
ﻛﺘﻠﻬﺎ ﺫﻭﻟﻪ ﻣﺎ ﻳﻤﻠﻮﻥ ﻳﻌﻨﻲ ﻓﻮﻙ ﻫﺬﺍ ﻛﻠﺔ ﻣﺎ ﻳﻜﻮﻟﻮﻥ ﺍﺣﻨﻪ ﻏﻠﻄﺎﻧﻴﻦ ﻛﺎﻟﺖ ﺍﻧﻲ ﺭﺯﻟﺘﻬﻢ ﺑﺤﺴﻦ ﺭﺿﺎﺗﻬﻢ
ﻭﻣﺎ ﺧﻠﻴﺖ ﺷﻲ ﻣﺎ ﻛﻠﺘﻪ ﺍﻟﻬﻢ ﻭﻛﺘﻠﻬﻢ ﻋﻮﻓﻮﻫﺎ ﻋﺎﺩ ﻋﺪﻫﺎ ﻛﻠﻴﻪ ﻭﺩﺍﻭﻡ ﻣﻮ ﻛﺎﻓﻲ ﺭﺍﺣﺖ ﺳﻨﻪ ﻋﻠﻴﻬﺎ ﻟﺘﺸﺘﺘﻮﻥ ﺍﻧﺘﺒﺎﻫﻪ
ﻛﺘﻠﻬﺎ ﺍَﻱ ﻭﺷﻜﺎﻟﻮﻟﺞ ؟؟
ﻛﺎﻟﺖ ﻳﻜﻮﻟﻮﻥ ﺑﺎﺣﺮ ﺍﻟﻌﺼﺮ ﻧﻤﺮ ﺍﻟﺞ ﻭﻧﺠﻲ ﻭﺍﻧﺸﺎﻟﻠﻪ ﻫﺎﻟﻤﺮﻩ ﺭﺍﺡ ﺗﻨﺤﻞ ﻛﻞ ﺍﻣﻮﺭﻧﻪ ﻛﺘﻠﻬﺎ ﻳﻮﻡ ﻋﻴﺪ ﻣﻦ ﺍﺧﻠﺺ ﻣﻨﻬﻢ
ﺳﻜﺘﺖ ﺭﺩﻳﺖ ﻛﻠﺖ ﺍﻟﻬﺎ ﻋﻠﻰ ﻣﻮﺿﻮﻉ ﻳﻮﺳﻒ ﻭﻛﺎﻟﺖ ﻭﺍﻟﻠﻪ ﺍﻧﻲ ﺣﺴﻴﺖ ﻣﻦ ﺍﻟﺒﺪﺍﻳﻪ ﻭﻋﺮﻓﺖ ﻫﺬﺍ ﺍﻟﻲ ﺭﺍﺡ ﻳﺼﻴﺮ
ﻻﻥ ﺍﻫﺘﻤﺎﻣﺔ ﺑﻴﺞ ﻣﻮ ﻃﺒﻴﻌﻲ ﻭﺣﺘﻰ ﺧﻮﺍﻟﺞ ﺍﻧﺘﺒﻬﻮ ﻭﻛﻠﻮﻟﻲ ﻭﺭﺩﻳﺘﻬﻢ ﻛﺘﻠﻬﻢ ﻣﻌﻠﻴﻜﻢ ﻫﻴﻪ ﺗﻌﺮﻑ ﺗﺼﺮﻑ ﻭﻣﺴﺘﺤﻴﻞ ﺗﺨﻠﻲ ﻳﺠﺎﻭﺯﺣﺪﻭﺩﺓ
بيج قصص عراقيه حقيقيه من واقعنا.روعه الطائي
ﻫﺎﻱ ﺣﻴﺎﺗﻬﺎ ﻭﻫﻴﻪ ﺣﺮﺓ ﺑﻴﻬﺎ ﻭﺑﺘﺼﺮﻓﺎﺗﻬﺎ ﻭﺳﻜﺘﺘﻬﻢ ﻛﺘﻠﻬﺎ ﻭﺍﻟﻠﻪ ﻣﺎ ﺍﺩﺭﻱ ﺷﻨﻮ ﺍﻛﻮﻟﺞ ﺑﻴﺒﻲ
ﺑﺲ ﺷﻨﻮ ﺭﺍﻳﺞ ﻛﺎﻟﺖ ﻭﺍﻟﻠﻪ ﺑﻴﺒﻲ ﻋﺮﺽ ﻣﺎ ﻳﺘﻔﻮﺕ ﻭﻫﻮ ﺧﻮﺵ ﻭﻟﺪ ﻭﺷﺎﺏ ﻭﺭﺟﺎﻝ ﻭﻧﻌﻢ ﺍﻟﺮﺟﻮﻟﺔ ﺍﻟﻲ ﻋﻨﺪﻩ
ﺻﻌﺐ ﺑﻬﻴﺞ ﻳﻮﻡ ﺗﻠﻜﻴﻦ ﻭﺍﺣﺪ ﻣﺜﻠﻪ ﻭﺍﻧﺘﻲ ﺻﺎﺭﺕ ﻋﻨﺪﺝ ﺗﺠﺮﺑﻪ ﺑﺎﻟﺰﻟﻢ ﻭﺷﻔﺘﻲ ﻭﺍﻧﺘﻲ ﻣﺤﺘﺎﺟﺔ ﻫﻴﺞ ﺭﺟﺎﻝ ﻳﺴﻨﺪﺝ ﻭﺗﻜﺪﺭﻳﻦ ﺗﺮﺑﻄﻴﻦ ﺑﺎﻗﻲ ﻋﻤﺮﺝ ﻭَﻳَﺎ
ﻭﺍﻧﺘﻲ ﻳﺘﻴﻤﺔ ﻣﺎ ﺍﻟﺞ ﺍﺣﺪ ﺑﺲ ﺍﻧﻲ ﻭﺍﻣﺞ ﻭﺟﺪﺝ ﺑﺎﺟﺮ ﻋﻜﺒﻪ ﺍﻟﻠﻪ ﺍﺧﺬ ﺍﻣﺎﻧﺘﻪ ﻣﻨﻮ ﺍﻟﺞ ﻭﺍﻟﻠﻪ ﺑﻴﺒﻲ ﺍﻧﺼﺤﺞ ﺗﻮﺍﻓﻘﻴﻦ ﻭﻣﺮﺍﺡ ﺗﺨﺴﺮﻳﻦ ﺷﻲ
ﻛﺘﻠﻬﺎ ﻭﺍﻟﻠﻪ ﻣﺎ ﺍﺩﺭﻱ ﺷﻨﻮ ﺍﻛﻮﻟﺞ ﻛﺎﻟﺖ ﺯﻳﻦ ﺍﻧﺘﻲ ﺷﻨﻮ ﺭﺍﻳﺞ ﺑﻲ ﻛﺘﻠﻬﺎ ﻭﺍﻟﻠﻪ ﻫﻮ ﺧﻮﺵ ﻭﻟﺪ ﻣﺎ ﺷﻔﺖ ﻣﻨﻪ ﺷﻲ ﻣﻮ ﺯﻳﻦ
ﻭﻛﻢ ﻣﺮﻩ ﻧﺨﻴﺘﻪ ﻣﺎ ﺭﻓﻀﻨﻲ ﻭﺩﻭﻡ ﻳﺴﺎﻋﺪﻧﻲ ﻭﺫﺍﻙ ﺍﻟﻴﻮﻡ ﻛﺎﻡ ﻳﺠﻲ ﻟﻠﻜﻠﻴﻪ ﻭﺍﺗﻌﺎﺭﻛﺖ ﻭَﻳَﺎ ﻭﻃﺮﺩﺗﻪ ﻭﺿﻞ ﺍﻛﺜﺮ ﻣﻦ ﺍﺳﺒﻮﻉ
ﻣﻤﺘﺸﺎﻭﻓﻴﻦ ﻭﻻ ﻣﺘﺨﺎﺑﺮﻳﻦ ﻭﻓﻌﻼ ﺣﺴﻴﺖ ﺑﻔﺮﺍﻍ ﻣﻦ ﻣﺎ ﺷﻔﺘﻪ ﻭﻻ ﺧﺎﺑﺮﺗﻪ ﻭﻓﻌﻼ ﻫﻮ ﻣﺎ ﻳﺘﻔﻮﺕ ﻭﺑﻲ ﺻﻔﺎﺕ ﻓﺎﺭﻱ ﺃﺣﻼﻣﻲ ﺑﺲ ﺍﺧﺎﻑ ﺑﺎﺟﻲ ﺍﺧﺎﻑ ﺍﺭﺗﺒﻂ ﻣﺮﻩ ﺛﺎﻧﻴﻪ ﻭﺍﻧﺘﻲ ﺗﺪﺭﻳﻦ ﺷﺼﺎﺭ ﺑﻴﻪ
ﻛﺎﻟﺖ ﺑﻴﺒﻲ ﻣﻮ ﻣﻮ ﻛﻞ ﺍﺻﺎﺑﻌﺞ ﺳﻮﺓ ﻛﺘﻠﻬﺎ ﻫﻮ ﻫﻢ ﻛﺎﻝ ﺑﺲ ﻣﺎ ﺍﻋﺮﻑ ﻣﺎ ﺍﺩﺭﻱ ﻭﻟﻮ ﺍﻧﻲ ﻣﺎ ﺍﺭﻳﺪ ﺃﺧﺴﺮﻩ
ﻛﺎﻟﺖ ﺑﻌﺪ ﺍﻟﻘﺮﺍﺭ ﺭﺍﺟﻊ ﺍﻟﺞ ﻭﺍﻧﺘﻲ ﺍﻟﻲ ﺗﻘﺮﺭﻳﻦ ﻭﻣﺤﺪ ﻳﺠﺒﺮﺝ ﻭﻻ ﻳﻀﻐﻂ ﻋﻠﻴﺞ ﺑﻜﻴﻔﺞ ﺍﻧﺘﻲ ﻫﺎﻱ ﺣﻴﺎﺗﺞ ﻭﺍﻧﺘﻲ ﺍﻟﻲ ﺗﻘﺮﺭﻳﻬﺎ
ﻛﻤﻠﻨﻪ ﺣﺠﻲ ﻭﻃﺒﻴﺖ ﺷﻔﺖ ﻣﺎﻣﺎ ﻧﺎﻳﻤﺔ ﺻﻌﺪﺕ ﺑﺪﻟﺖ ﻭﻣﺪﺩﺕ ﻣﺎ ﻧﻤﺖ ﻛﻠﺒﺖ ﺷﻮﻱ ﺑﺎﻟﺘﻴﻠﻔﻮﻥ ﻭﻗﺮﻳﺖ ﺍﻟﻌﺼﺮ ﻧﺰﻟﺖ ﻣﻦ ﻛﻌﺪﺕ ﻣﺎﻣﺎ
ﺭﺣﺖ ﻟﻠﻤﻄﺒﺦ ﺳﻮﻳﺘﻠﻬﺎ ﻋﺼﺮﻳﻪ ﻋﻠﻤﻮﺩ ﺃﻭﻛﻠﻬﺎ ﻭﺳﻮﻳﺘﻠﻬﺎ ﻋﺼﻴﺮ ﻃﺒﻴﻌﻲ ﻭﻛﻤﻠﺖ ﻭﺍﺧﺬﺗﻬﻦ ﺍﻟﻬﺎ ﺭﺣﺖ ﻳﻤﻬﺎ
ﻛﻌﺪﺗﻬﺎ ﻭﻋﺪﻟﺖ ﻛﻌﺪﺗﻬﺎ ﻭﺃﺧﺬﺕ ﺍﻟﻬﺎ ﻣﻲ ﻭﺧﺎﻭﻟﻲ ﺧﻠﻴﺘﻪ ﻋﻠﻰ ﺻﺪﺭﻫﺎ ﻭﻏﺴﻠﺖ ﻭﺟﻬﺎ ﺑﺪﻭﻥ ﻣﺎ ﺍﺑﻠﻞ ﻣﻼﺑﺴﻬﺎ ﻭﻧﺸﻔﺖ ﻭﺟﻬﺎ
ﻭﻛﻌﺪﺕ ﺍﻭﻛﻠﻬﺎ ﻛﻤﻠﺖ ﺍﻟﻬﺎ ﻭﺷﺮﺑﺘﻬﺎ ﻋﺼﻴﺮ ﺷﺮﺑﺘﻪ ﻛﻠﺔ ﻭﻣﺴﺤﺖ ﺣﻠﻜﻬﺎ ﻭﺃﺷﺮﺕ ﺍﻟﻲ ﻋﻄﺸﺎﻧﻪ ﻻﻥ ﺍﻟﻌﺼﻴﺮ ﺷﻮﻱ ﺣﻠﻮ
ﺭﺣﺖ ﺟﺒﺖ ﻣﻲ ﻭﺷﺮﺑﺘﻬﺎ ﻭﻛﻌﺪﺕ ﻳﻤﻬﺎ ﻫﺎﻻﻳﺎﻡ ﻫﻮﺍﻱ ﺗﺤﺴﻨﺖ ﻛﺎﻣﺖ ﺗﺘﺤﺮﻙ ﺯﻳﻦ ﺗﺄﺷﺮ ﺗﻘﻮﻱ ﻧﻔﺴﻬﺎ ﺗﺮﻳﺪ ﺗﺤﺠﻲ
ﺑﺲ ﻣﺎ ﺑﻴﻬﺎ ﻭﺍﻛﻮ ﻛﻠﻤﺎﺕ ﺧﻔﻴﻔﻪ ﺗﻜﺪﺭ ﺗﻨﻄﻘﻬﻦ ﺑﺼﻌﻮﺑﻪ ﻭﺍﻧﻲ ﻓﺮﺣﺎﻧﻪ ﻋﻠﻤﻮﺩﻫﺎ ﺭﺩﻳﺖ ﻓﺘﺤﺖ ﻭﻳﺎﻫﺎ ﻣﻮﺿﻮﻉ ﻳﻮﺳﻒ
ﻭﺭﺃﺳﺎ ﻛﺎﻣﺖ ﺗﻀﺤﻚ ﻭﺗﺎﺷﺮ ﻭﺗﺮﻳﺪ ﺗﺤﺠﻲ ﻛﻴﻔﺖ ﻭﺍﻧﻲ ﺿﺤﻜﺖ ﻭﻳﺎﻫﺎ ﻻﻥ ﻣﻜﻴﻔﻪ ﺭﺩﺕ ﺍﺷﺮﺕ ﺍﻟﻲ ﺑﻤﻌﻨﻰ ﺍﻧﻮ ﺍﻧﻲ ﺷﻨﻮ ﺭﺍﻳﻲ
ﺷﺮﺣﺘﻠﻬﺎ ﻭﻛﺘﻠﻬﺎ ﻭﻫﺰﺕ ﺍﻟﻲ ﺭﺍﺳﻬﺎ ﺑﻤﻌﻨﻰ ﻣﻴﺨﺎﻟﻒ ﻭﻛﺘﻠﻬﺎ ﻭﺍ ﺍﺩﺭﻱ ﺍﻓﻜﺮ ﻣﻨﺎ ﻷﺳﺒﻮﻉ ﺍﻧﺸﺎﻟﻠﻪ
ﺛﺎﻧﻲ ﻳﻮﻡ ﺭﺣﺖ ﻟﻠﻜﻠﻴﻪ ﻭﺭﺟﻌﺖ ﻭﻓﻌﻼ ﻣﺎ ﺷﻔﺖ ﻳﻮﺳﻒ ﻭﻻ ﺍﺗﺼﻞ ﻋﻠﻴﻪ ﻭﻟﻠﻌﺼﺮ ﺍﺟﻮ ﺍﻫﻞ ﻓﻬﺪ
ﻭﻫﺎﻟﻤﺮﺓ ﺍﻡ ﻓﻬﺪ ﻭﺃﺧﺘﻪ ﻋﻔﺮﺍﺀ ﻭﻋﺬﺭﺍﺀ ﻭﻳﺎﻫﺎ ﺍﺳﺘﻐﺮﺑﺖ ﻭﺳﻠﻤﺖ ﺑﺲ ﻋﻠﻰ ﻋﻔﺮﺍﺀ ﻻﻥ ﻫﻴﻪ ﺟﺎﻧﺖ ﺯﻳﻨﻪ ﻭﻳﺎﻱ
ﻭﺟﺎﻳﻴﻦ ﻋﻤﺔ ﻟﻔﻬﺪ ﻭﻭﻟﺪ ﻋﻤﺔ ﻭﺍﺑﻦ ﻋﻤﺔ ﻻﺑﻮ ﻓﻬﺪ ﺍﺑﻦ ﻋﻤﺘﻪ ﺟﺒﻴﺮ ﺩﺧﻠﻮ ﻟﻼﺳﺘﻘﺒﺎﻝ ﻭﻛﻌﺪﻭ ﻭﻗﺪﻣﺖ ﺍﻟﻬﻢ ﺍﻟﻀﻴﺎﻓﺔ
ﻭﻫﻢ ﺣﺠﻮ ﺑﻤﻮﺿﻮﻉ ﻓﻬﺪ ﻭﻓﺘﺤﻮ ﻭﻛﺘﻠﻬﻢ ﺍﻟﻤﺮﻩ ﺍﻟﻲ ﻓﺎﺗﺖ ﺗﺮﻛﺘﻪ ﻭﻟﺨﺎﻃﺮﻛﻢ ﻭﺍﺗﻨﺎﺳﻴﺖ ﻣﻮ ﻧﺴﻴﺖ ﺍﻟﻲ ﺳﻮﺍﻩ ﺑﻴﻪ
ﺑﺲ ﻫﺎﻟﻤﺮﻩ ﻻ ﻻﻥ ﺗﻌﻤﺪ ﻳﺮﻳﺪ ﻳﻜﺘﻠﻨﻲ ﻭﺍﺣﻨﻪ ﻫﺴﻪ ﻣﺎ ﺗﺮﺑﻄﻨﻪ ﺍَﻱ ﻋﻼﻗﻪ ﺑﻌﺾ ﻭﺍﻧﻲ ﻛﻤﺖ ﺍﺧﺎﻑ ﻋﻠﻰ ﻧﻔﺴﻲ
ﺷﻨﻮ ﺍﻟﻲ ﻳﻀﻤﻦ ﺍﻟﻲ ﺍﻧﻮ ﺍﻃﻠﻌﻪ ﻣﻦ ﺍﻟﺴﺠﻦ ﻭﻳﺮﺟﻊ ﻳﺨﻄﻔﻨﻲ ﻭﻳﻤﻮﺗﻨﻲ ﻭﺍﻛﻮ ﻣﺜﻞ ﻳﻜﻮﻝ ﻣﻮ ﻛﻞ ﻣﺮﻩ ﺗﺴﻠﻢ ﺍﻟﺠﺮﻩ
ﻛﺎﻟﻮ ﻻ ﺑﺲ ﺍﺗﻨﺎﺯﻟﻲ ﺍﻧﺘﻲ ﻭﺍﻟﻠﻪ ﻭﻋﺪ ﺷﻴﻮﺥ ﺑﻌﺪ ﻣﺎ ﻋﻠﻴﻪ ﺑﻴﺞ ﻭﻻ ﻳﺠﻲ ﺻﻮﺑﺞ
ﺿﺤﻜﺖ ﺑﺎﺳﺘﻬﺰﺍﺀ ﻛﺘﻠﻬﻢ ﻭﻋﺪ ﺷﻴﻮﺥ ﺍَﻱ ﻭﺍﻟﻠﻪ ﺻﺪﻛﺘﻮ ﺭﺩﺕ ﺣﺠﺖ ﺍﻡ ﻓﻬﺪ ﻭﻛﺎﻟﺖ ﺍﻧﻲ ﺻﺢ ﻛﺮﻫﺘﺞ ﻭﻋﺬﺑﺘﺞ ﻭﻣﺎ ﺍﻛﻠﺞ ﺍﻧﻲ ﻫﺴﻪ ﺍﺣﺒﺞ
ﺑﺲ ﺍﻧﺘﻲ ﺣﻤﻠﺘﻲ ﻭﺟﺮﺑﺘﻲ ﻭﻟﻮ ﺷﻮﻱ ﺷﻌﻮﺭ ﺍﻷﻣﻮﻣﺔ ﻭﺷﻔﺘﻲ ﻭﺷﻠﻮﻥ ﺗﺨﺒﻠﺘﻲ ﻣﻦ ﻣﺎﺗﻮ ﺟﻬﺎﻟﺞ ﺑﻄﻨﺞ ﻭﻫﻤﺔ ﻣﺎ ﺟﺎﻳﻴﻦ ﻟﻠﺪﻧﻴﺎ
ﺯﻳﻦ ﻛﻴﻔﻤﺎ ﺍﻧﻲ ﺣﺒﻠﺖ ﻭﺟﺒﺖ ﻭﺭﺑﻴﺖ ﻭﻛﺒﺮﺕ ﻭﺗﻌﺒﺖ ﻭﻣﺎﺕ ﻭﺍﺣﺪ ﻭﺗﻠﻮﻋﺖ ﺑﻲ ﻭﻫﺴﻪ ﺍﻟﺜﺎﻧﻲ ﺭﺍﺡ ﻳﺮﻭﺡ ﻣﻦ ﺍَﻳﺪﻱ ﻭﻣﺎ ﻋﻨﺪﻱ ﻏﻴﺮﻩ ﻭﻳﻦ ﺍﻧﻄﻲ ﻭﺟﻬﻲ ﺑﻌﺪﻩ ﻭﻳﻦ ﺍﺭﻭﺡ ﻏﻴﺮ ﺍﻃﻚ ﻭﺃﻣﻮﺕ ﻋﻮﻓﻲ ﺍﻟﻲ ﺻﺎﺭ ﻋﻠﻰ ﺻﻔﺤﺔ ﺧﻠﻲ ﻧﺤﺠﻲ ﻣﻦ ﺍﻡ ﻻﻡ
ﺿﻠﺖ ﺗﺤﺠﻲ ﺻﺪﻙ ﻗﻬﺮﺗﻨﻲ ﺭﻏﻢ ﺍﻟﺤﻘﺪ ﺍﻟﻲ ﺻﺎﺭ ﺑﻜﻠﺒﻲ ﻋﻠﻴﻬﻢ ﺗﺨﺮ ﺷﻲ ﻛﺎﻟﺖ ﺑﺮﻭﺡ ﺍﺑﻮﺝ ﺍﺗﻨﺎﺯﻟﻲ ﻋﻨﻪ ﺧﻠﻲ ﻳﻄﻠﻊ ﻫﻮ ﻣﺮﻳﺾ ﻭﻣﻮ ﺯﻳﻦ ﻻ ﻳﺮﻭﺡ ﻳﻤﻮﺕ
ﺗﺎﻟﻲ ﺭﺿﺨﺖ ﻟﻸﻣﺮ ﺍﻟﻮﺍﻗﻊ ﻭﺭﺣﺖ ﺍﺗﻨﺎﺯﻟﺖ ﻋﻨﻪ ﺛﺎﻧﻲ ﻳﻮﻡ ﻭﻟﻜﻴﺖ ﻳﻮﺳﻒ ﻫﻨﺎﻙ
ﻳﺘﺒﻊ ........
ﻏﻠﺴﻮ ﻋﺎﻟﺴﺤﻚ ﺑﺪﻭﻥ ﻣﺮﺍﺟﻌﻪ
فصليه_لظالم_وحش
بارت٣٦
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ( ﻭﺣﺶ )
ﺑﻘﻠﻤﻲ ﺳﻘﻴﻦ ﺍﻟﺸﻤﺮﻱ
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
..........
ﺳﻠﻤﻨﻪ ﻋﻠﻴﻪ ﻭﺗﻔﺎﺟﺄ ﺑﻮﺟﻮﺩﻱ ﺑﺎﻟﻤﺮﻛﺰ ﺳﺎﻟﻨﻲ ﺷﺴﻮﻳﻦ ﻫﻨﺎ ﻭﻛﺘﻠﻪ ﺿﺎﺝ ﻭﻋﺼﺐ ﻭﻣﻘﺒﻞ ﺃﺗﻨﺎﺯﻝ
ﻛﺘﻠﻪ ﺑﻜﻴﻔﻲ ﻣﻮ ﻛﻴﻔﻚ ﺍﻭ ﻛﻴﻒ ﺍﺣﺪ ﻛﺎﻝ ﺍﻧﺘﻲ ﺷﻠﻮﻥ ﺗﻜﺪﺭﻳﻦ ﻣﻮ ﻫﻴﺞ ﻭﻫﻴﺞ ﺳﻮﻩ ﺑﻴﺞ
ﻛﺘﻠﻪ ﺍَﻱ ﺑﺲ ﻫﺎﻟﻤﺮﻩ ﻭﻫﺎﻱ ﺍﺧﺮ ﻣﺮﻩ ﺍﺳﺎﻣﺤﺔ ﻭﺭﺍﺡ ﺍﺧﻠﻲ ﻳﻜﺘﺐ ﺗﻌﻬﺪ ﻣﺎ ﻳﺠﻲ ﺻﻮﺑﻲ ﺑﻌﺪ
ﻛﺎﻡ ﻳﻨﺎﻓﺦ ﻭﻳﻤﺸﻲ ﺑﺼﻔﻲ ﻭﻳﺒﻌﺪ ﺍﻫﻞ ﻓﻬﺪ ﻋﻨﻲ ﻭﺿﺎﻳﺞ ﻭﻛﺎﻝ ﻗﻬﺮﺗﻴﻨﻲ ﺯﻣﺮﺩ ﻫﻴﺞ ﺗﺤﺎﺟﻴﻨﻲ
ﻛﺘﻠﻪ ﻣﺎ ﺍﺣﺐ ﺍﺣﺪ ﻳﺪﺧﻞ ﺑﺸﻲ ﻣﻴﻌﻨﻲ ﻭﺷﻲ ﺭﺍﺟﻊ ﺍﻟﻲ ﻛﺎﻝ ﺍﻧﺘﻲ ﻧﺎﺳﻴﻪ ﺷﺴﻮﻩ ﺑﻴﺞ
ﻛﺘﻠﻪ ﻻ ﻣﻨﺎﺳﻴﻪ ﺑﺲ ﻫﻮ ﻣﺮﻳﺾ ﻭﺃﻣﻪ ﺃﺟﺖ ﺗﺘﺴﻮﻝ ﺗﻜﻮﻝ ﺧﻠﻲ ﻳﻄﻠﻊ ﻻ ﻳﺮﻭﺡ ﻳﻤﻮﺕ ﻭﺍﺷﻴﻞ ﺧﻄﻴﺘﻪ
ﺭﺑﻲ ﻣﻴﻨﺴﺎﻧﻲ ﻭﻳﺎﺧﺬﻟﻲ ﺣﻘﻲ ﻣﻨﻬﻢ ﻛﻠﻬﻢ ﻣﺎ ﺍﺭﻳﺪ ﻳﻤﻮﺕ ﻟﻮ ﻳﺼﻴﺮ ﺑﻲ ﺷﻲ ﻭﻳﻮﻛﻊ ﺑﺮﺍﺳﻲ
ﺿَﻞ ﻳﻨﺎﻓﺦ ﻭﻃﻨﻜﺮ ﻋﻠﻴﻪ ﻭﺿﺎﻳﺞ ﺳﺤﺒﺖ ﺍﻟﺸﻜﻮﺓ ﻭﻛﺘﺐ ﺗﻌﻬﺪ ﺍﻧﻮ ﻣﻴﺎﺫﻳﻨﻲ ﺍﻭ ﻳﻄﻠﻊ ﺑﻄﺮﻳﻘﻲ
ﻛﻤﻠﺖ ﻭﺩﺍﻃﻠﻊ ﻣﻦ ﺍﻟﻤﺮﻛﺰ ﻳﻮﺳﻒ ﻳﻔﺘﺮ ﻭﻳﺎﻳﻪ ﻭﻳﻨﺎﻓﺦ ﻭﻳﺨﺰﺭ ﺑﺎﻫﻞ ﻓﻬﺪ ﻃﻠﻌﺖ ﻭﺻﻠﺖ ﻟﻠﺴﻴﺎﺭﻩ
ﺭﻛﺒﺖ ﻭﻫﻮ ﻣﺎ ﻧﻄﻖ ﻛﻠﻤﻪ ﻭﺣﺪﻩ ﻣﻄﻨﻜﺮ ﻭﺩﻋﺘﻪ ﻭﻫﻮ ﻫﺰ ﺭﺍﺳﻪ ﻭﺷﻐﻠﺖ ﺍﻟﺴﻴﺎﺭﻩ ﻭﻃﻠﻌﺖ
ﺿﻠﻴﺖ ﺍﻓﺘﺮ ﺑﺸﻮﺍﺭﻉ ﺑﻐﺪﺍﺩ ﻭﺣﺎﻳﺮﻩ ﻭﺿﺎﻳﺠﺔ ﻭﻣﺎ ﺍﻋﺮﻑ ﺷﻨﻮ ﻣﻀﻤﻮﻣﻠﻲ ﻭﺷﻨﻮ ﺭﺍﺡ ﺃﻭﺍﺟﻪ ﺑﻌﺪ
ﻭﻻ ﺷﺴﻮﻱ ﻣﺎ ﺭﺟﻌﺖ ﻏﻴﺮ ﻭﺭﻩ ﺍﺫﺍﻥ ﺍﻟﻤﻐﺮﺏ ﺿﺎﻳﺠﺔ ﺣﻴﻞ ﻭﻣﺨﻨﻮﻛﺔﻭﻣﺎ ﺍﻋﺮﻑ ﺷﻨﻮ ﺍﺳﻮﻱ ﻭﺍﻗﺮﺭ ﺑﺨﺼﻮﺹ ﻳﻮﺳﻒ
ﻫﻮ ﺷﺨﺺ ﻛﺎﻣﻞ ﻭﺍﻟﻜﻤﺎﻝ ﻟﻠﻪ ﺑﺲ ﻟﻜﻴﺖ ﺑﻲ ﻣﻦ ﺻﻔﺎﺕ ﻓﺎﺭﺱ ﺃﺣﻼﻣﻲ ﻭﺍﻟﻲ ﺣﺒﻴﺖ ﻭﺗﻤﻨﻴﺖ ﺍﻧﻮ ﺍﺭﺑﻂ ﺍﺳﻤﻲ ﺑﺎﺳﻤﻪ
ﻭﺍﻛﻤﻞ ﺣﻴﺎﺗﻲ ﻭَﻳَﺎ ﻭﺍﻋﻴﺶ ﻋﻤﺮﻱ ﻛﻠﻪ ﺳﻮﻩ ﺍﻧﻲ ﻭﻳﺎﻩ ﺑﺲ ﺧﺎﻳﻔﻪ ﺗﺠﺮﺑﺘﻲ ﻭﻳﻪ ﻓﻬﺪ ﺧﻮﻓﺘﻨﻲ ﻣﻦ ﻛﻠﺸﻴﺖ
ﻭﺑﻌﺪﻧﻲ ﻣﺎ ﺍﺗﻌﺎﻓﻴﺖ ﻣﻦ ﺍﻟﺼﺪﻣﺔ ﺑﺎﻟﻜﺎﻣﻞ ﻭﺍﻧﻮﺍﺏ ﺍﻓﻜﺮ ﺍﺭﻭﺡ ﻃﺒﻴﺐ ﻧﻔﺴﻲ ﻭﺍﺗﻌﺎﻟﺞ ﻋﻨﺪﻩ ﺑﺲ ﺃﻏﻴﺮ ﺭﺍﻳﻲ ﻭﺍﺻﻼ ﻣﺎ ﻋﻨﺪﻱ ﺣﺘﻰ ﻣﺠﺎﻝ ﺍﺭﻭﺡ
ﻳﻮﺳﻒ ﺷﺨﺺ ﻣﻴﺘﻌﻮﺽ ﻣﺎ ﺍﺭﻳﺪ ﺃﺧﺴﺮﻩ ﻭﺑﻨﻔﺲ ﺍﻟﻮﻛﺖ ﻣﺎ ﺍﻛﺪﺭ ﺃﻭﺍﻓﻖ ﺑﺴﺒﺐ ﺧﻮﻓﻲ ﻭﺍﻟﻲ ﻣﺮﻳﺖ ﺑﻲ
ﻭﺍﺫﺍ ﻣﺎ ﻗﺒﻠﺖ ﺍﻛﻴﺪ ﺭﺍﺡ ﻳﺰﻋﻞ ﻭﺍﻧﻲ ﺃﺣﺴﻪ ﺻﺎﺭ ﻗﺮﻳﺐ ﻋﻠﻴﻪ ﻭﺣﺎﻳﺮﻩ ﺷﻨﻮ ﺍﺳﻮﻱ ﻣﺎ ﺍﺩﺭﻱ
ﺭﺟﻌﺖ ﻟﻠﺒﻴﺖ ﻭﻃﺒﻴﺖ ﺑﻴﺒﻲ ﻛﺎﻋﺪﻩ ﻳﻢ ﻣﺎﻣﺎ ﻭﺗﺤﺠﻲ ﻭﻳﺎﻫﺎ ﻭﺟﺪﻭ ﺑﺎﻟﺼﺎﻟﻪ ﻛﺎﻋﺪ ﻋﺎﻟﺘﻠﻔﺰﻳﻮﻥ ﻛﺘﻠﻬﺎ ﺧﻴﺮ
ﻛﺎﻟﺖ ﻣﺘﻘﺒﻞ ﺗﺎﻛﻞ ﺗﻜﻮﻝ ﻣﺎ ﺍﺭﻳﺪ ﺍﻻ ﺗﺮﺟﻊ ﺯﻣﺮﺩ ﻛﺘﻠﻬﺎ ﻋﻮﻓﻴﻬﺎ ﻫﺴﻪ ﺍﻧﻲ ﺃﻭﻛﻠﻬﺎ ﺻﻌﺪﺕ ﺑﺪﻟﺖ ﻭﻏﺴﻠﺖ ﻭﺟﻬﻲ ﻭﻧﺰﻟﺖ
ﺻﺒﻴﺖ ﺍﻟﻬﺎ ﻋﺸﻪ ﺍﺣﻨﺎ ﻧﺘﺄﺧﺮ ﻳﻠﻪ ﻧﺘﻌﺸﻰ ﺑﺲ ﻣﺎﻣﺎ ﻋﻠﻤﻮﺩ ﺍﻟﺪﻭﺓ ﻭﺗﻨﺎﻡ ﻣﻦ ﻭﻛﺖ ﻣﺎ ﺍﺧﻠﻴﻬﺎ ﺗﺴﻬﺮ ﻣﻮ ﺯﻳﻦ ﻋﻠﻴﻬﺎ
ﻓﺎﻋﺸﻴﻬﺎ ﻣﻦ ﻭﻛﺖ ﺍﺧﺬﺗﻪ ﻭﺭﺣﺖ ﻳﻤﻬﺎ ﻛﻌﺪﺗﻬﺎ ﻭﻫﻴﻪ ﺗﻜﺪﺭ ﺗﺘﺤﺮﻙ ﺷﻮﻱ ﺯﻳﻨﻪ ﺍﻛﻮ ﺗﺤﺴﻦ ﺑﺤﺎﻟﺘﻬﺎ
ﺑﺪﻳﺖ ﺃﻭﻛﻞ ﺑﻴﻬﺎ ﺟﺪﻭ ﺻﺎﺡ ﻟﺒﻴﺒﻲ ﺭﺍﺣﺖ ﻋﻠﻴﻪ ﺍﻧﻲ ﺃﻭﻛﻠﻬﺎ ﻭﺳﺎﻛﺘﻪ ﻭﺍﺻﻔﻦ ﺍﺷﺮﺕ ﺍﻟﻲ ﻭﻛﺎﻟﺘﻠﻲ ﺑﺤﺮﻛﺔ ﺃﻳﺪﻫﺎ ﺷﺒﻴﺞ
ﺍﺑﺘﺴﻤﺖ ﺑﻮﺟﻬﺎ ﻛﺘﻠﻬﺎ ﻣﺎ ﺑﻴﻪ ﺑﺲ ﺩﺍﻓﻜﺮ ﻛﺎﻟﺖ ﺑﺸﻨﻮ ﺑﺎﻳﺪﻫﺎ ﻛﺘﻠﻬﺎ ﻟﺘﺸﻐﻠﻴﻦ ﺑﺎﻟﺞ ﻋﻠﻤﻮﺩ ﺍﻟﻜﻠﻴﻪ ﺍﻓﻜﺮ ﺑﺎﺟﺮ ﻣﺎ ﺍﺩﻭﺍﻡ
ﺍﺷﺮﺕ ﺃﻟﻲ ﺑﻼ ﻳﻌﻨﻲ ﻣﻘﺒﻠﺖ ﻭﺭﺩﺕ ﺍﺷﺮﺕ ﻛﺎﻟﺖ ﻻ ﻻﺯﻡ ﺗﺮﻭﺣﻴﻦ ﻟﺘﻬﻤﻠﻴﻦ ﺩﺭﺍﺳﺘﺞ
ﻛﻤﻠﺖ ﻋﺸﺎﻫﺎ ﻭﺷﺮﺑﺘﻬﺎ ﺩﻭﺍﻫﺎ ﻭﻃﺒﺖ ﺧﺎﻟﺘﻲ ﻭﺑﺘﻬﺎ ﺻﻔﺎ ﻭﻣﺼﻄﻔﻰ ﻭﺭﺍﻫﻦ ﺳﺎﻣﻌﺎﺕ ﺑﺠﻴﻪ ﺍﻫﻞ ﻓﻬﺪ ﺍﻟﻴﻮﻡ ﻭﺍﻧﻲ ﺭﺣﺖ ﺗﻨﺎﺯﻟﺖ ﻭﺟﺎﻳﺎﺕ ﻋﻠﻤﻮﺩ ﻫﺬﺍ ﺍﻟﺸﻲ
ﻋﺎﺩ ﻛﻌﺪﻧﻪ ﻳﻢ ﻣﺎﻣﺎ ﺑﺎﻟﻐﺮﻓﺔ ﻭﺳﻮﻟﻔﻨﺔ ﻭﻣﺮﻩ ﺍﺻﻔﻦ ﻭﻣﺮﻩ ﺍﺣﺠﻲ ﻭﻳﺎﻫﻢ ﻋﺎﺩ ﻛﺎﻟﺖ ﺻﺒﺎ ﻟﺞ ﺯﻭﺯﺓ ﻫﺬﺍ ﺍﻟﻈﺎﺑﻂ ﻏﻴﺮ ﺣﻠﻴﻮﺓ ﻭﻳﺨﺒﻞ
ﻋﻠﻴﺞ ﺍﻟﻠﻪ ﻣﺎ ﺗﺬﻛﺮﻳﻨﻪ ﻛﺪﺍﻣﻪ ﻛﻤﻨﺔ ﻧﻀﺤﻚ ﻋﻠﻴﻬﺎ ﻭﻣﺼﻄﻔﻰ ﻛﻔﺨﻬﺎ ﺑﺎﻟﻜﻮﺷﻪ ﻛﻠﻠﻬﺎ ﺍﺩﺑﺴﺰ ﻣﻮ ﺍﻧﻲ ﻛﺎﻋﺪ
ﻛﺘﻠﻪ ﺷﻌﺠﺐ ﺍﻟﻴﻮﻡ ﻣﺎ ﻃﺎﻟﻊ ﻛﺎﻝ ﻭﺍﻟﻠﻪ ﻣﺎ ﺍﺩﺭﻱ ﻣﻦ ﺍﻟﺼﺒﺢ ﻟﺤﺪ ﻗﺒﻞ ﺷﻮﻱ ﺩﻳﺎﺣﺔ ﻭﻫﺴﻪ ﻣﺎ ﺍﻟﻲ ﻭﺍﻫﺲ ﺍﻃﻠﻊ
ﺿﻠﻴﻨﻪ ﻧﺴﻮﻟﻒ ﻭﻛﻞ ﺷﻮﻱ ﻭﻳﻮﺳﻒ ﻳﺨﻄﺮ ﻋﻠﻰ ﺑﺎﻟﻲ ﻣﻦ ﻳﻮﻡ ﺍﻟﻲ ﻛﻠﻲ ﻭﻫﻮ ﺿَﻞ ﺑﻔﻜﺮﻱ ﻻﻥ ﻛﻠﻲ
ﻓﻀﻠﻴﺖ ﺍﻓﻜﺮ ﺑﻲ ﻋﺎﺩ ﺧﻠﺺ ﺍﻟﻠﻴﻞ ﻭﺑﻴﺖ ﺧﺎﻟﺘﻲ ﺭﺍﺣﻮ ﻭﻣﺎﻣﺎ ﻧﺎﻣﺖ ﻭﺍﻧﻲ ﻫﻢ ﺻﻌﺪﺕ ﻭﻧﻤﺖ
ﻛﻌﺪﺕ ﻛﺎﻟﻌﺎﺩﻩ ﺭﻳﻮﻙ ﻟﻤﺎﻣﺎ ﻭﻏﺴﻞ ﻭﺗﺒﺪﻳﻞ ﻭﺭﻭﺣﺔ ﻟﻠﻜﻠﻴﻪ ﻭﻳﻮﺳﻒ ﺍﺑﺪ ﻣﺎ ﺍﺗﺼﻞ ﻭﻻ ﺣﺘﻰ ﻣﺴﺞ ﺩﺯ
ﺿﻠﻴﺖ ﺷﺎﺭﺩﻩ ﻭﺻﺎﻓﻨﻪ ﺣﺘﻰ ﺑﺎﻟﻤﺤﺎﺿﺮﺍﺕ ﺭﺟﻌﺖ ﻟﻠﺒﻴﺖ ﻣﺎﻛﻮ ﺷﻲ ﺟﺪﻳﺪ ﻋﺒﺮﻥ ﻳﻮﻣﻴﻦ ﻭﻗﺮﺏ ﻳﺨﻠﺺ ﺍﻷﺳﺒﻮﻉ ﻭﺍﻧﻲ ﺣﺎﻳﺮﻩ ﺑﻴﻮﺳﻒ ﺍﺟﺬﺏ ﺍﺫﺍ ﺍﻛﻮﻝ ﺍﻛﺪﺭ ﺍﺭﻓﻀﻪ
ﻻﻥ ﺗﻌﻮﺩﺕ ﻋﻠﻴﻪ ﻭﺗﻐﻴﺮﺕ ﻧﻀﺮﺗﻲ ﺷﻮﻱ ﺗﺠﺎﻫﻪ ﺣﺎﻳﺮﻩ ﺷﻨﻮ ﺍﺳﻮﻱ ﻣﺎ ﺍﺩﺭﻱ ﻃﻠﻌﺖ ﻣﻦ ﺍﻟﻜﻠﻴﻪ ﻭﺭﺣﺖ ﻟﻸﻣﺎﻡ ﺍﻟﻜﺎﺿﻢ ﻋﻠﻴﻪ ﺍﻟﺴﻼﻡ
ﻃﺒﻴﺖ ﺯﺭﺕ ﻭﺩﻋﻴﺖ ﻟﻤﺎﻣﺎ ﺭﺑﻲ ﻳﺤﻔﻀﻬﺎ ﻭﻳﺸﺎﻓﻴﻬﺎ ﻭﻛﺘﻠﻪ ﻳﺎ ﻏﺮﻳﺐ ﺑﻐﺪﺍﺩ ﻭَﻳَﺎ ﺍﺳﺪ ﺑﻐﺪﺍﺩ ﻫﺎﻱ ﺣﺎﻟﺘﻲ ﻭﺍﺟﻴﺖ ﺍﺣﺠﻴﻠﻚ
ﺃﺭﻳﺪﻙ ﺍﻧﺘﻪ ﻣﻦ ﺑﻌﺪ ﺭﺑﻲ ﺗﺮﺷﺪﻧﻲ ﻟﻠﻄﺮﻳﻖ ﺍﻟﺼﺤﻴﺢ ﻭﺗﻘﺪﻡ ﺍﻟﻲ ﺑﻲ ﺧﻴﺮ ﻭﺻﺎﻟﺢ ﻛﻤﻠﺖ ﻭﻃﻠﻌﺖ ﺭﺟﻌﺖ ﻟﻠﺒﻴﺖ
ﺧﺎﺑﺮﺕ ﺍﻡ ﻋﻠﻲ ﻭﺳﻠﻤﺖ ﻋﻠﻴﻬﺎ ﻭﻛﺘﻠﻬﺎ ﺍﻧﻲ ﺯﻣﺮﺩ ﻭﺧﻄﻴﻪ ﺗﺨﺒﻠﺖ ﻣﻦ ﺩﺭﺕ ﺷﻜﺪ ﻓﺮﺣﺖ ﻭﺗﺴﺎﻝ ﻭﺗﻜﻮﻝ ﻣﺸﺘﺎﻗﺘﻠﺞ ﻳﻤﺔ ﻛﻮﻣﺔ
ﺳﻠﻤﺖ ﻋﻠﻰ ﺑﻨﺎﺗﻬﺎ ﻭﺿﻠﻴﺖ ﺍﺣﺠﻲ ﻭﻳﺎﻫﺎ ﻭﻛﺘﻠﻬﺎ ﻭﺍﻟﻠﻪ ﻭﺍﻟﺤﺴﻴﻦ ﺍﻧﻲ ﻫﻢ ﻣﺸﺘﺎﻗﺘﻠﺞ ﻛﻮﻣﺔ ﻭﻣﺘﻠﻬﻔﺔ ﺍﺭﻳﺪ ﺍﺷﻮﻓﺞ
ﺿﻠﻴﻨﻪ ﻧﺤﺠﻲ ﻭﻛﺘﻠﻬﺎ ﻣﺎ ﻋﻨﺪﻱ ﺍﺣﺪ ﺍﺣﺠﻴﻠﻪ ﻭﺍﺷﻜﻴﻠﻪ ﻏﻴﺮﺝ ﻭﻫﻴﺞ ﻭﻫﻴﺞ ﺳﺎﻟﻔﺘﻲ ﻛﺘﻠﻬﺎ ﻋﻠﻰ ﻳﻮﺳﻒ ﻭﺣﺠﻴﺘﻠﻬﻢ ﻋﻨﻪ ﻛﻠﺸﻴﺖ ﻭﻛﺘﻠﻬﺎ
ﺍﻧﺘﻲ ﺷﺘﻜﻮﻟﻴﻦ ﻭﺷﻨﻮ ﺭﺍﻳﺞ ﻛﺎﻟﺖ ﻭﺍﻟﻠﻪ ﻳﻤﺔ ﺍﻧﺼﺤﺞ ﻧﺼﻴﺤﺔ ﻟﺘﻌﻮﻓﻲ ﻭﻟﺘﺮﻓﻀﻲ ﻫﺎﻱ ﻓﺮﺻﻪ ﺭﺑﺞ ﺩﺯﻫﺎ ﺍﻟﺞ
ﻛﺘﻠﻬﺎ ﻣﺎ ﺍﺩﺭﻱ ﺧﺎﻟﻪ ﺍﻧﻲ ﺣﺘﻰ ﺗﻔﻜﻴﺮﻱ ﻣﺘﺸﺘﺖ ﻭﺍﺧﺎﻑ ﺍﺧﻄﻲ ﺧﻄﻮﻩ ﻭﺗﻨﻜﻠﺐ ﻋﻠﻴﻪ ﻛﺎﻟﺖ ﺍﻧﻲ ﺍﻟﻴﻮﻡ ﺍﺭﻭﺡ ﺍﻛﻮ ﻭﺣﺪﺓ ﻫﻨﺎ ﺗﺎﺧﺬ ﺧﻴﺮﻩ ﻭﺧﻴﺮﺗﻬﺎ ﻣﻀﺒﻮﻃﺔ ﺍﺧﺬﻟﺞ ﻭﺷﻨﻮ ﺗﻜﻮﻝ ﺍﻛﻮﻟﺞ ﺍﻭ ﺍﺗﺼﻞ ﻋﻠﻴﺞ ﻣﻦ ﻳﻤﻬﺎ ﻭﺗﺴﻤﻌﻴﻦ ﺍﻟﺤﺠﻲ
ﻛﺘﻠﻬﺎ ﻭﺍﻟﻠﻪ ﻣﺎ ﺍﻋﺮﻑ ﻭﻣﺎ ﺍﺩﺭﻱ ﻛﺎﻟﺖ ﺍﻧﺘﻲ ﺗﺎﻣﻨﻴﻦ ﺑﻬﻴﺞ ﺳﻮﺍﻟﻒ ﻛﺘﻠﻬﺎ ﻧﺺ ﻭﻧﺺ ﻣﻮ ﻛﻠﺶ ﺑﺲ ﺍﺣﺒﻬﻦ
ﻛﺎﻟﺖ ﺍﻧﺸﺎﻟﻠﻪ ﺍﻟﻴﻮﻡ ﻟﻌﺪ ﺍﺭﻭﺣﻠﻬﺎ ﻛﺘﻠﻬﺎ ﺍﻧﺸﺎﻟﻠﻪ ﺿﻠﻴﻨﻪ ﻧﺤﺠﻲ ﺍﻧﻲ ﻭﻳﺎﻫﺎ ﻭﺳﺎﻟﺖ ﻋﻠﻰ ﻭﺿﻌﻲ ﻭﺿﻊ ﻣﺎﻣﺎ ﻭﺳﻮﻟﻔﺘﻠﻬﺎ ﻛﻠﺸﻴﺖ ﺑﺤﻴﺚ ﺭﺻﻴﺪ ﺍﺑﻮ ٢٥ ﺩﻭﻻﺭ ﻣﺴﻮﻳﺘﻪ ﺧﺪﻣﺔ ﺧﻠﺺ ﻭﺭﻩ ﻳﻮﻣﻴﻦ
ﻭﻫﻴﻪ ﻫﻢ ﺳﻮﻟﻔﺘﻠﻲ ﻋﻠﻰ ﻭﺿﻊ ﺑﻴﺖ ﺍﻫﻞ ﻓﻬﺪ ﺑﺪﻭﻥ ﻣﺎ ﺍﻧﻲ ﺍﺳﺄﻟﻬﺎ ﻭﻛﺎﻟﺖ ﺗﺮﻛﺖ ﺍﻟﺸﻐﻞ ﻋﺪﻫﻢ ﻛﺘﻠﻬﺎ ﻟﻴﺶ ﺗﻔﺎﺟﺄﺕ
ﻛﺎﻟﺖ ﺑﻌﺪ ﻣﺎ ﺍﻧﻬﺰﻣﺘﻲ ﻣﻦ ﺭﺟﻌﻨﻪ ﺍﻫﻞ ﻓﻬﺪ ﻛﻠﻬﻢ ﺣﺠﻮ ﻋﻠﻴﻪ ﻭﻃﺒﻜﻮ ﻋﻠﻴﻪ ﻭﻛﺎﻟﻮ ﺍﻧﺘﻲ ﻭﺍﻟﻔﺼﻠﻴﻪ ﺍﺗﻔﻘﺘﻦ ﻭﺧﻄﻄﺘﻦ ﻭﺍﻧﻬﺰﻣﺖ
ﻭﺍﻧﺘﻲ ﺍﻟﻲ ﺳﺎﻋﺪﺗﻴﻬﺎ ﺑﺤﻴﺚ ﺣﺘﻰ ﺟﺪﻫﻢ ﺟﺴﺮ ﻋﻠﻴﻪ ﻛﺎﻝ ﻧﺰﻟﺘﻦ ﺭﺍﺳﻨﻪ ﺑﺎﻟﻜﺎﻉ ﺍﻟﻠﻪ ﻻ ﻳﻮﻓﻘﺠﻦ ﻭﺭﺍﺣﻮ ﻭﺍﺷﺘﻜﻮ ﻟﺤﻤﻮﻳﻨﻲ ﻭﺟﻮﻱ
ﻟﻌﺒﻮ ﺑﻴﺔ ﻓﻠﻚ ﻣﺎ ﺧﻠﻮ ﺷﻲ ﻣﺎ ﺳﻮﻭ ﻭﺣﺘﻰ ﺿﺮﺑﻮﻧﻲ ﻭﺍﺷﻜﺎﻝ ﺣﺠﻮ ﻭﺭﺩﺕ ﺍﻡ ﻓﻬﺪ ﻃﺮﺩﺗﻨﻲ
ﻭﺭﺟﻌﺘﻨﻲ ﺍﻟﺸﻴﺨﺔ ﻟﺨﺎﻃﺮ ﺑﻨﺎﺗﻲ ﺑﺲ ﺷﻨﻮ ﺻﺢ ﺍﻧﻲ ﺧﺪﺍﻣﺔ ﺑﺲ ﻋﺎﻣﻠﻮﻧﻲ ﻣﻌﺎﻣﻠﺔ ﺣﻘﻴﺮﻩ ﻭﻓﻬﺪ ﻣﺎﻛﻮ ﻭﺍﺷﻜﺎﻝ ﺳﻮﻭ ﺑﻴﻪ
ﻭﺗﺎﻟﻲ ﺧﻠﻴﺖ ﻭﺑﻄﻠﺖ ﻣﻨﻬﻢ ﻣﺎ ﺍﺭﻳﺪ ﻳﻤﺔ ﺣﺘﻰ ﻛﺮﺍﻣﺘﻲ ﺍﻟﺒﺎﻗﻲ ﻣﻨﻬﺎ ﺷﻮﻳﻪ ﺍﻧﻤﺴﺤﺖ ﺑﺎﻟﻜﺎﻉ ﻛﻤﺖ ﺍﺑﺠﻲ ﻓﺤﻄﺖ ﻃﻜﻴﺖ ﺑﺠﻲ
ﻛﺘﻠﻬﺎ ﻛﻞ ﻫﺬﺍ ﺻﺎﻳﺮ ﻭﺍﻧﻲ ﻣﺎ ﺍﺩﺭﻱ ﻭﻛﺎﻋﺪﺓ ﺍﻛﻞ ﻭﺍﺷﺮﺏ ﻭﺍﻧﺘﻲ ﺣﺎﻝ ﺍﻟﻀﻴﻢ ﺣﺎﻟﺞ ﻛﺎﻟﺖ ﻻ ﻳﻤﺔ ﺳﻮﺩﻩ ﻋﻠﻴﻪ ﻭﺍﻟﻠﻪ ﻣﺎ ﺭﺩﺕ ﺍﻛﻮﻟﺞ
ﺑﺲ ﺯﻝ ﻟﺴﺎﻧﻲ ﻭﺍﻟﻠﻪ ﻭﺭﻭﺡ ﺍﻟﻤﺮﺣﻮﻡ ﻏﻴﺮ ﻣﻦ ﻃﻠﻊ ﻓﻬﺪ ﻣﻦ ﺍﻟﺴﺠﻦ ﺟﺎ ﻋﻠﻴﻪ ﻭﺷﻜﺪ ﻟﺢ ﻳﺮﻳﺪ ﺍﺭﺟﻊ ﻭﻛﺎﻝ ﻳﺎ ﻭﻳﻠﻪ ﺍﻟﻲ ﻳﺤﺠﻲ ﻭﻳﺎﺝ ﻟﻮ ﻳﻐﺜﺞ ﺑﻜﻠﻤﻪ
ﺍﺣﺴﺐ ﺍﻟﻠﻪ ﻣﺎ ﺧﻠﻘﻪ ﺑﺲ ﺍﻧﻲ ﻣﺎ ﺭﺟﻌﺖ
ﻛﺮﺍﻣﺘﻲ ﻣﺎ ﺳﻤﺤﺘﻠﻲ ﻻﻥ ﺍﻧﻬﺎﻧﻴﺖ ﻫﻮﺍﻱ ﻭﺍﻧﺬﻟﻴﺖ ﻭﻣﺎ ﻗﺒﻠﺖ ﻛﺘﻠﻬﺎ ﻭﻫﺴﻪ ﻟﻌﺪ ﺷﺘﺸﻐﻠﻴﻦ ﻛﺎﻟﺖ ﻭﺍﻟﻠﻪ ﻳﻤﺔ ﺍﺷﺘﻐﻠﺖ ﺧﺪﺍﻣﻪ ﻋﺪ ﻏﻴﺮ ﻧﺎﺱ
ﻭﻛﻤﺖ ﺑﺎﻟﺒﻴﺖ ﺍﺧﺒﺰ ﻭﺃﺑﻴﻊ ﻭﺍﻧﻮﺍﺏ ﻋﺰﺍﻳﻢ ﺍﺳﻮﻱ ﻭﺧﻄﻴﻪ ﻓﻬﺪ ﺍﺑﺪ ﻣﺎ ﻗﺼﺮ ﻳﻮﻣﻴﺔ ﻳﺠﻲ ﺟﺎﻳﺐ ﺍﺷﻜﺎﻝ ﺍﻟﻤﺴﻮﺍﻙ ﻭﺍﻟﻠﺤﻢ ﻛﺎﻣﻞ ﻛﻠﺸﻴﺖ ﺣﺘﻰ ﻣﻮﺍﺩ ﻏﺪﺍﺋﻴﻪ ﻭﻳﻨﻄﻴﻨﻲ ﻣﺼﺮﻑ ﻛﻞ ﺍﺳﺒﻮﻉ
ﺑﺲ ﺍﻧﻲ ﻣﺎ ﺍﺧﺬﻩ ﺍﻧﻮﺍﺏ ﻳﺬﺑﻪ ﺑﺎﻟﺒﺎﺏ ﻭﻳﺮﻭﺡ ﻭﺍﻟﺤﻤﺪﻟﻠﻪ ﻣﻴﺴﻮﺭ ﺣﺎﻟﻨﻪ ﻭﺍﻟﻠﻪ ﺣﺘﻰ ﺍﻟﺜﻼﺟﺔ ﻣﺘﻔﺮﻍ ﻣﻦ ﺍﻻﻛﻞ ﻣﻦ ﻭﺭﺓ ﻓﻬﺪ ﺧﻄﻴﻪ ﺍﻟﻠﻪ ﻳﻨﻄﻲ
ﺿﻠﻴﺖ ﺍﺣﺠﻲ ﻭﻳﺎﻫﺎ ﻭﺍﺑﺠﻲ ﻃﻜﻴﺖ ﻋﻠﻴﻬﺎ ﺍﺣﺴﻬﺎ ﻣﺜﻞ ﺍﻣﻲ ﻭﺷﻜﺪ ﺍﺗﺎﺫﻳﺖ ﻣﻦ ﺩﺭﻳﺖ ﺑﻴﻬﺎ ﻫﻴﺞ ﺻﺎﻳﺮ ﺑﻴﻬﺎ
ﻋﺎﺩ ﻛﺘﻠﻬﺎ ﻣﻮ ﺑﺖ ﺃﺑﻮﻱ ﺍﺫﺍ ﻣﺎ ﺍﺟﻴﺒﺞ ﻟﺒﻐﺪﺍﺩ ﻭﺍﻛﻌﺪﺝ ﻳﻤﻲ ﻭﺍﺧﻠﺼﺞ ﻣﻦ ﻫﺎﻱ ﺍﻟﻌﻴﺸﻪ
ﻛﺎﻟﺖ ﺷﻠﻮﻥ ﻳﻌﻨﻲ ﺷﺴﻮﻳﻦ ﻛﺘﻠﻬﺎ ﺍﻧﺘﻲ ﺗﺮﻳﺪﻳﻦ ﺗﻄﻠﻌﻴﻦ ﻣﻨﺎﻙ ﻭﺗﺨﻠﺼﻴﻦ ﻣﻦ ﻫﺎﻱ ﺍﻟﻌﻴﺸﻪ
ﻛﺎﻟﺖ ﺍَﻱ ﻭﺍﻟﻠﻪ ﻳﻤﺔ ﺍﻟﻴﻮﻡ ﻗﺒﻞ ﺑﺎﺟﺮ ﺑﺲ ﺷﻠﻮﻥ ﻭﺷﺴﻮﻱ ﻭﻣﻨﻴﻦ ﻋﻨﺪﻱ ﻓﻠﻮﺱ ﻭﻛﺬﺍ ﻭﻛﺬﺍ
ﻛﺘﻠﻬﺎ ﺍﻧﺘﻲ ﺑﺲ ﻛﻮﻟﻲ ﺗﺮﻳﺪﻳﻦ ﺗﻄﻠﻌﻴﻦ ﻛﺎﻟﺖ ﺍَﻱ ﻛﺘﻠﻬﺎ ﻭﺣﻤﻮﻳﻨﺞ ﻛﺎﻟﺖ ﻳﻤﺔ ﻫﻤﺔ ﻻ ﺳﺎﺋﻠﻴﻦ ﻋﻠﻴﻪ ﻭﻻ ﻳﻌﺮﻓﻮﻧﻪ ﻭﻟﺤﺪ ﻫﺬﺍ ﻳﻮﻣﻬﻢ ﻣﺎ ﻧﻄﻮﻧﻪ ﻓﺪ ﻣﺮﻩ ﻣﺼﺮﻑ
ﺍﺻﻼ ﻣﺜﻠﺞ ﺍﻧﻲ ﺍﺫﺍ ﺍﻃﻠﻊ ﺍﻻ ﺍﺗﺒﺮﻩ ﻣﻨﻬﻢ
ﻛﺘﻠﻬﺎ ﺃﺑﺸﺮﻱ ﺍﺗﺤﻤﻠﻲ ﺍﻟﺞ ﻣﻨﺎ ﻟﻔﺘﺮﻩ ﻛﻠﺶ ﻗﺼﻴﺮﻩ ﻭﺍﺫﺍ ﻣﺎ ﺧﻠﺼﺘﺞ ﻣﻮ ﺯﻣﺮﺩ ﺍﻧﻲ ﻭﻻ ﺑﺖ ﺃﺑﻮﻱ
ﻛﺎﻟﺖ ﺷﻠﻮﻥ ﻣﺪﺭﻱ ﺷﻨﻮ ﻛﺘﻠﻬﺎ ﻣﻌﻠﻴﺞ ﺑﻌﺪﻳﻦ ﺗﻌﺮﻓﻴﻦ ﻳﺠﻴﺞ ﺍﻟﺼﺎﻓﻲ ﺍﻧﺘﻲ ﺑﺲ ﺍﺻﺒﺮﻱ ﻛﺎﻟﺖ ﺍﻧﺸﺎﻟﻠﻪ
ﻭﻟﻮ ﺍﻧﻲ ﻣﺎ ﺍﺩﺭﻱ ﺷﺮﺍﺡ ﺗﺴﻮﻳﻦ ﻭﻻ ﺍﺫﺍ ﺩﺗﺨﻄﻄﻴﻦ ﻣﻨﻴﻦ ﺍﺟﻴﺒﻠﺞ ﻓﻠﻮﺱ
ﻛﺘﻠﻬﺎ ﺍﻧﺘﻲ ﺍﺻﺒﺮﻱ ﻭﺍﻟﻠﻪ ﻛﺮﻳﻢ ﻛﺎﻟﺖ ﻭﻧﻌﻢ ﺑﺎﻟﻠﻪ ﺧﻠﺼﻨﻪ ﺣﺠﻲ ﻭﻛﺘﻠﻬﺎ ﻧﺒﻘﻰ ﻋﻠﻰ ﺗﻮﺍﺻﻞ ﻳﻮﻣﻴﺔ ﺍﻭ ﺑﻴﻦ ﻳﻮﻡ ﻭﻳﻮﻡ
ﻛﻤﺖ ﺑﺲ ﺳﺪﺗﻪ ﻣﻨﻲ ﺍﺟﺎﻧﻲ ﻧﺸﺎﻁ ﻣﻮ ﻃﺒﻴﻌﻲ ﻧﺰﻟﺖ ﺍﺭﻛﺾ ﺭﺣﺖ ﻋﻠﻰ ﺑﻴﺒﻲ ﻛﺘﻠﻬﺎ ﺍﺭﻳﺪ ﻃﻠﻌﻴﻦ ﺫﻫﺒﻲ ﻣﻦ ﺍﻟﻘﺎﺻﻪ ﻛﻠﻪ
ﻛﺎﻟﺖ ﺧﻴﺮ ﺷﺴﻮﻳﻦ ﺑﻲ ﻛﺘﻠﻬﺎ ﻫﺴﻪ ﻃﻠﻌﻲ ﻛﺎﻣﺖ ﻃﻠﻌﺘﻪ ﻓﺘﺤﺘﻪ ﻭﻃﻠﻌﺘﻪ ﻣﻦ ﺍﻟﻌﻠﺐ ﺑﺎﻭﻋﺖ ﻋﻠﻴﻪ ﻭﻛﻠﺖ ﺑﻜﻠﺒﻲ ﻫﺬﺍ ﻣﻴﻜﻔﻲ ﺍﺷﺘﺮﻱ ﻛﺎﻉ ﻣﻮ ﻋﺎﺩ ﺍﺑﻨﻲ
ﻛﺎﻟﺖ ﺑﻴﺒﻲ ﻣﺘﻜﻮﻟﻴﻠﻲ ﺷﺪﺳﻮﻳﻦ ﻛﺘﻠﻬﺎ ﺑﺎﺟﻲ ﺗﺬﻛﺮﻳﻦ ﺧﺎﻟﻪ ﺍﻡ ﻋﻠﻲ ﺍﻟﻲ ﺣﺠﻴﺖ ﺍﻟﺞ ﻋﻨﻬﺎ ﻛﺎﻟﺖ ﺍَﻱ ﻛﺘﻠﻬﺎ ﻫﻴﺞ ﻭﻫﻴﺞ ﺣﺎﻟﺘﻬﺎ
ﻭﺍﻧﻲ ﺍﺭﻳﺪ ﺃﺟﻴﺒﻬﺎ ﻫﻨﺎ ﻟﺒﻐﺪﺍﺩ ﺗﻜﻌﺪ ﺑﻐﺪﺍﺩ ﻭﺃﺭﻳﺪ ﻫﻨﺎ ﻗﺮﻳﺐ ﻋﻠﻴﻨﻪ ﻛﺎﻟﺖ ﻭﺷﻠﻮﻥ ﻛﺘﻠﻬﺎ ﻫﻴﺔ ﺍﺭﻣﻠﺔ ﻣﻮ ﺗﺪﺭﻳﻦ ﻭﻣﺎ ﻋﺪﻫﺎ ﺷﻲ
ﻭﻣﺎﻛﻮ ﺍﺣﺪ ﺍﻟﻲ ﻳﻌﻴﻨﻬﺎ ﺍﺭﻳﺪ ﺍﺷﺘﺮﻱ ﺍﻟﻬﺎ ﻫﻨﺎ ﻗﻄﻌﻪ ﺣﺘﻰ ﻟﻮ ﺻﻐﻴﺮﺓ ﻭﺑﺎﻟﻲ ﻫﺎﻱ ﺍﻟﻘﻄﻌﻪ ﺍﻟﻲ ﻳﻤﻨﺔ ﻛﻠﺶ ﻗﺮﻳﺒﻪ ﺑﺲ ﻏﺎﻟﻴﻪ ﻭﺃﺭﻳﺪ ﺍﺷﺘﺮﻳﻬﺎ ﻭﺍﺑﻨﻴﻬﺎ
ﺍﻟﻬﺎ ﺣﺘﻰ ﻟﻮ ﺑﺲ ﻏﺮﻓﺘﻴﻦ ﺑﺲ ﺍﺭﻳﺪ ﺍﻃﻠﻌﻬﺎ ﻣﻨﺎﻙ ﻭﻣﺎ ﺍﺩﺭﻱ ﺷﻠﻮﻥ ﺣﺎﻳﺮﻩ ﺯﻳﻦ ﺫﻫﺒﻲ ﻛﻠﻪ ﺑﺎﻟﺰﺍﻳﺪ ﻳﻄﻠﻊ ﺑﺎﻝ٢٥ ﻣﻠﻴﻮﻥ ﻭﺭﺩﻳﺘﻲ ﺍﻟﻔﻠﻮﺱ ﺍﻟﻤﺠﻤﻮﻋﺔ
ﻣﻴﺸﺘﺮﻥ ﻛﺎﻉ ﻻﻥ ﻫﻨﺎ ﺷﻜﺪ ﻏﺎﻟﻴﻪ ﻭﺍﻧﻲ ﺍﺭﻳﺪﻫﺎ ﻫﻨﺎ ﻻﻥ ﻫﻴﻪ ﻣﺘﻨﺪﻝ ﺑﻐﺪﺍﺩ ﻭﻣﻨﻮ ﺍﻟﻬﺎ ﺍﺻﻼ ﻋﻠﻤﻮﺩ ﻫﻨﺎ ﺗﺼﻴﺮ ﻗﺮﻳﺒﻪ ﻋﻠﻴﻨﺎ
ﺯﻳﻦ ﺍﻧﻲ ﺍﺧﺎﻑ ﻣﺎﻣﺎ ﺍﺳﻢ ﺍﻟﻠﻪ ﻳﺼﻴﺮ ﺑﻴﻬﺎ ﺷﻲ ﺍﻭ ﺗﺤﺘﺎﺝ ﺷﻲ ﺍﺫﺍ ﺻﺮﻓﺘﻬﻦ ﻣﻨﻴﻦ ﺍﺟﻴﺐ ﺍﻟﻬﺎ ﻭﺍﺻﻼ ﻫﺎﻱ ﻛﺎﻉ ﻣﺘﺸﺘﺮﻱ
ﻛﺎﻟﺖ ﻫﻴﻪ ﺧﻮﺵ ﻓﻜﺮﻩ ﻭﺍﻧﻲ ﺍﺃﻳﺪﺝ ﻋﻠﻴﻬﺎ ﻭﺑﺎﺭﻙ ﺍﻟﻠﻪ ﺑﻴﺞ ﺑﺲ ﻋﻠﻰ ﺣﺠﻴﺞ ﻳﺮﺍﺩﻟﻬﺎ ﻓﻠﻮﺱ
ﻋﻨﺪﺝ ﺣﻠﻴﻦ ﺑﺲ ﻛﺘﻠﻬﺎ ﻭﻫﻨﻪ ﻛﺎﻟﺖ ﻳﺎ ﺍﻣﺎ ﺗﺒﻴﻌﻴﻦ ﺍﻟﻜﺎﻉ ﺍﻟﻲ ﺑﺎﺳﻢ ﺍﻣﺞ ﻳﺎ ﺍﻣﺎ ﺗﺴﺤﺒﻴﻦ ﻗﺮﺽ
ﻛﺘﻠﻬﺎ ﺍَﻱ ﻭﺭﺑﻲ ﺻﺪﻙ ﺑﺲ ﺍﻟﻘﺮﺽ ﻣﺎ ﺍﻟﻲ ﺣﻴﻠﻪ ﻭﺭﺩﻳﺘﻲ ﺍﻟﻜﺎﻉ ﻫﻴﻪ ﻣﺎﻝ ﻣﺎﻣﺎ ﻭﺧﺎﻑ ﻣﺘﻘﺒﻞ
ﻛﺎﻟﺖ ﻛﻮﻟﻲ ﺍﻟﻬﺎ ﻭﺷﻮﻓﻴﻬﺎ ﺷﺘﻜﻮﻝ ﻭﻫﻴﻪ ﺗﻜﻴﻒ ﻋﺎﻟﻤﺴﺎﻋﺪﻩ ﻭﺍﻻﻧﺴﺎﻧﻴﻪ ﻭﻣﺮﺍﺡ ﺗﺮﻓﺾ
ﻋﺎﺩ ﺭﺣﻨﻪ ﻋﻠﻴﻬﺎ ﻭﻛﻌﺪﻧﻪ ﻳﻤﻬﺎ ﻭﻛﻠﻨﻪ ﺍﻟﻬﺎ ﺿﻠﺖ ﺗﺴﺘﻤﻊ ﺑﻌﺪﻳﻦ ﺑﺎﻭﻋﺖ ﻋﻠﻴﻪ ﺭﺩﺕ ﺍﺷﺮﺕ ﺍﻧﻮ ﻣﻮﺍﻓﻘﻪ
ﻛﺘﻠﻬﺎ ﺍﻧﻲ ﻣﺎ ﺍﺭﻳﺪ ﺍﺿﻐﻂ ﻋﻠﻴﺞ ﻭﺍﺻﻼ ﺍﺗﺮﻛﻴﻬﺎ ﺍﻟﺴﺎﻟﻔﻪ ﺍﺳﺤﺐ ﻗﺮﺽ ﻟﺰﻣﺖ ﺍﻳﺪﻱ ﻭﻛﺎﻣﺖ ﺗﺼﻴﺢ ﺍﻟﻲ ﺑﻤﻌﻨﻰ ﻻ ﻻ ﺍﻧﻲ ﻣﻮﺍﻓﻘﻪ
ﻛﺘﻠﻬﺎ ﻣﺎﻣﺎ ﻫﺎﻱ ﻛﺎﻋﺞ ﺍﻧﺘﻲ ﺗﻌﺒﺞ ﻫﺬﺍ ﻣﺎ ﺍﻗﺒﻠﻬﺎ ﺍﺷﺮﺕ ﺍﻟﻲ ﻛﺎﻟﺖ ﺍﻧﻮ ﻫﻴﻪ ﻣﺸﺘﺮﻳﺘﻬﺎ ﻋﻠﻤﻮﺩﻱ
ﺿﻠﺖ ﺳﺎﻋﻪ ﺗﻘﻨﻊ ﺑﻴﻪ ﻋﻠﻤﻮﺩ ﺃﻭﺍﻓﻖ ﺃﺑﻴﻊ ﺍﻟﻜﺎﻉ ﻭﺑﺎﺟﻲ ﻛﺎﻟﺖ ﻣﻮ ﺗﻌﺒﺘﻴﻬﺎ ﻻﻣﺞ ﺍﻗﻨﻌﻲ ﻋﺎﺩ
ﻗﻨﻌﺖ ﻭﻫﻴﻪ ﻛﺎﻣﺖ ﺗﺒﺠﻲ ﻋﺒﺎﻟﻲ ﻻﻥ ﺭﺍﺡ ﺗﺮﻭﺡ ﺍﻟﻜﺎﻉ ﻃﻠﻌﺖ ﻣﻜﻴﻔﻪ ﺍﻧﻮ ﺍﻧﻲ ﺍﺳﺎﻋﺪ ﺍﻟﻤﺤﺘﺎﺝ ﻭﺍﻟﻨﺎﺱ ﻭﻛﻠﺒﻲ ﺭﺅﻭﻑ ﻭﺭﺣﻴﻤﺔ ﻋﺎﻟﻨﺎﺱ
ﺑﺴﺘﻬﺎ ﻭﺍﺗﺸﻜﺮﺕ ﻣﻨﻬﺎ ﻭﻛﻤﺖ ﺑﺴﺎﻉ ﺻﻌﺪﺕ ﻟﻐﺮﻓﺘﻲ ﺟﻬﺰﺕ ﻧﻔﺴﻲ ﻭﻃﻠﻌﺖ ﺍﻟﻌﺼﺮ ﺭﺣﺖ ﻟﻤﻜﺎﻥ ﺍﻟﻜﺎﻉ ﻭﺍﺫﺍ ﺍﻛﻮﻟﻠﻜﻢ ﻭﻳﻦ ﻫﻴﻪ ﺗﻨﺼﺪﻣﻮﻥ
ﻣﻜﺎﻥ ﺭﺍﻗﻲ ﻭﻏﺎﻟﻲ ﻭﻛﻠﺶ ﺣﻠﻮ ﻭﺍﺻﻼ ﺣﺾ ﻳﺎ ﻧﺼﻴﺐ ﺍﺧﺬﻧﺎﻫﺎ ﺑﻮﻛﺘﻬﺎ ﻻﻥ ﻣﻮﻗﻊ ﻛﻠﺶ ﺣﻠﻮ
ﺟﺎﻧﺖ ﻣﺎﻣﺎ ﻣﻔﻜﺮﻩ ﺗﺒﻨﻴﻬﺎ ﻣﺠﻤﻊ ﻃﺒﻲ ﺍﻭ ﻣﺠﻤﻊ ﻣﻼﺑﺲ ﺍﻭ ﻋﻤﺎﺭﻩ ﻭﺗﺎﺟﺮﻫﺎ ﺑﺲ ﺑﻮﻛﺘﻬﺎ ﺍﺧﺬﺗﻬﺎ ﻏﺎﻟﻴﻪ ﻭﻛﺎﻟﺖ ﻋﻠﻤﺎ ﺍﺳﺪﺩﻫﺎ ﻭﺍﺗﺮﻫﻰ ﻋﻠﻰ ﻭﺿﻌﻲ ﺍﺑﻠﺶ ﺑﻨﺎﺀ ﺑﻴﻬﺎ
ﺑﻌﺪﻫﺎ ﺗﺮﻛﺘﻬﺎ ﻋﻠﻤﻮﺩ ﺗﺴﺪﺩ ﺍﻟﻔﻠﻮﺱ ﻻﻥ ﻏﺎﻟﻴﻪ ﻭﺑﻮﻛﺘﻬﺎ ﺍﺣﻨﺔ ﻣﻦ ﺃﺧﺬﻧﺎﻫﺎ ﺟﺎﻧﺖ ﺭﺧﻴﺼﻪ ﻭﻛﺎﻟﺖ ﺍﺟﻤﻊ ﻓﻠﻮﺱ ﻋﻠﻤﻮﺩ ﺍﺑﻠﺶ ﺑﻨﺎﺀ ﺑﻴﻬﺎ
ﻭﺗﺮﻛﻨﺎﻫﺎ ﺗﻘﺮﻳﺒﺎ ﺳﻨﻪ ﻭﻧﺺ ﻭﺭﺍﻫﺎ ﺻﺎﺭﺕ ﻣﺸﻜﻠﺘﻲ ﻭﺻﺎﺭ ﺗﻘﺮﻳﺒﺎ ﺑﺎﻟﺴﻨﺘﻴﻦ ﻭﻧﺺ ﻣﺘﺮﻭﻛﺔ ﺑﺲ ﻓﺘﺤﺘﻬﺎ ﻛﺮﺍﺝ ﻋﻠﻤﺎ ﺗﺒﻠﺶ ﺑﻨﺎﺀ ﺑﻴﻬﺎ
ﻓﺠﺎﻥ ﻫﻢ ﺧﻮﺵ ﻣﺒﻠﻎ ﻳﻮﺻﻞ ﻣﻦ ﺍﻟﻜﺮﺍﺝ ﻻﻥ ﻣﻜﺎﻥ ﻋﺎﻡ ﻭﺍﻟﻌﺎﻟﻢ ﻛﺘﻞ ﻫﻨﺎﻙ ﺻﻴﺮ ﻭﻛﻠﻬﺎ ﺗﺮﻛﻦ ﺳﻴﺎﺭﺍﺗﻬﺎ ﻫﻨﺎﻙ ﻓﺠﺎﻥ ﻣﻮﻗﻌﻬﺎ ﺣﻠﻮ
ﺟﺎﻧﺖ ﺍﻟﻜﺎﻉ ﺑﺎﻟﻤﻨﺼﻮﺭ 😍 ﻓﺄﻛﻴﺪ ﻫﺴﻪ ﻛﻠﺶ ﻏﺎﻟﻴﻪ ﻫﻤﺰﻳﻦ ﺭﺑﻲ ﻋﺒﺎﻟﻚ ﺃﺟﺖ ﻧﺠﺎﻩ ﺍﻟﻴﻪ ﻫﺎﻱ ﺍﻟﺸﻐﻠﻪ
ﻭﻋﺒﺎﻟﻚ ﻣﻘﺴﻮﻣﺔ ﺍﻟﻜﺎﻉ ﻣﻦ ﺍﺷﺘﺮﺗﻬﺎ ﻣﺎﻣﺎ ﺍﻧﻮ ﺃﺑﻴﻌﻬﺎ ﻟﻬﺬﺍ ﺍﻟﺴﺒﺐ ﻋﺎﺩ ﻭﺻﻠﺖ ﺍﻟﻬﺎ ﻭﺭﺣﺖ ﻟﻠﺪﻻﻝ ﺍﻟﻘﺮﻳﺐ ﻋﻠﻴﻬﺎ ﻭﻋﺮﺿﺘﻬﺎ ﻟﻠﺒﻴﻊ ﻭﻛﺘﻠﻪ ﻣﺴﺘﻌﺠﻠﻪ
ﻋﺎﺩ ﺭﺟﻌﺖ ﻭﺍﺩﻋﻲ ﺑﻠﻜﺖ ﺗﺼﻴﺮ ﺍﻟﺴﺎﻟﻔﻪ ﻳﺎ ﺭﺑﻲ ﻭﺗﺮﻫﻢ ﺭﺑﻲ ﺍﻧﻲ ﻳﺘﻴﻤﺔ ﻭﺍﺩﺭﻱ ﺑﻬﺬﺍ ﺍﻟﺸﻌﻮﺭ
ﻭﺟﺮﺑﺖ ﺷﻌﻮﺭ ﺍﻟﺬﻝ ﺭﺑﻲ ﺑﺠﺎﻫﻚ ﺳﻴﺪﻱ ﻭﻣﻮﻻﻱ ﻗﺪﺭﻧﻲ ﻋﻠﻰ ﺍﻟﻲ ﺭﺍﺡ ﺍﺳﻮﻱ
ﻭﻫﻨﻪ ﺧﻄﻴﻪ ﻣﺎ ﺍﻟﻬﻦ ﻭﺍﻟﻲ ﻭﻻ ﻋﺪﻫﻦ ﺍﺥ ﻭﻻ ﻳﻜﺪﺭﻥ ﻳﺴﻮﻥ ﺍَﻱ ﺷﻲ
ﻋﺎﺩ ﺛﺎﻧﻲ ﻳﻮﻡ ﺍﺟﺎﻧﻲ ﻳﻮﺳﻒ ﻻﻥ ﺧﻠﺺ ﺍﻷﺳﺒﻮﻉ ﻭﺭﺍﺩ ﻳﺴﻤﻊ ﺟﻮﺍﺑﻲ ﻃﻠﻌﻨﻪ ﻣﻦ ﺍﻟﻜﻠﻴﻪ ﻭﺭﺣﻨﻪ ﻟﻤﻄﻌﻢ ﻗﺮﻳﺐ ﻋﺎﻟﻜﻠﻴﻪ
ﻭﻫﻮ ﻣﺘﻠﻬﻒ ﻳﺴﻤﻊ ﺟﻮﺍﺑﻲ ﻭﺍﻧﻲ ﻣﺘﺮﺩﺩﻩ ﺍﻛﻮﻝ
ﻋﺎﺩ ﺿَﻞ ﻳﻠﺢ ﻭﻛﺘﻠﻪ ﺷﻨﻮ ﺷﻌﻮﺭﻱ ﻭﺷﻨﻮ ﺍﺣﺲ ﻛﺎﻝ ﺍﻧﺘﻲ ﺑﺲ ﻭﺃﻓﻘﻲ ﻭﺷﻮﻓﻲ ﺷﻨﻮ ﺍﺳﻮﻳﻠﺞ ﺍﻻ ﺍﺧﻠﻴﺞ ﻣﻠﻜﺔ ﺯﻣﺎﻧﺞ
ﺿَﻞ ﻳﻠﺢ ﻛﺘﻠﻪ ﻣﻮﺍﻓﻘﻪ ﺑﺸﺮﻁ ﻛﺎﻡ ﻳﻜﻤﺰ ﻣﺎ ﻣﺼﺪﻙ ﺍﻧﻲ ﻭﺍﻓﻘﺖ ﻛﺘﻠﻪ ﺍﺳﻤﻊ ﺍﻟﺸﺮﻁ
ﻛﺎﻝ ﻭﻫﻮ ﻛﺘﻠﻪ ﺍﻛﻴﺪ ﻫﺴﻪ ﺧﻄﻮﺑﻪ ﻓﺮﺍﺡ ﺍﻃﻮﻝ ﺍﻟﺨﻄﻮﺑﺔ ﺍﺭﻳﺪ ﺃﺗﻌﺮﻑ ﺍﻛﺜﺮ ﻋﻠﻴﻚ ﻭﺍﻓﻬﻤﻚ ﻭﺷﻨﻮ ﺍﻛﻮﻝ ﻳﺘﻨﻔﺬ
ﻭﻣﻤﻨﻮﻉ ﺍﺑﻄﻞ ﻣﻦ ﻛﻠﻴﺘﻲ ﻛﺎﻝ ﺍﺑﺪ ﻻ ﻣﺘﺒﻄﻠﻴﻦ
ﻛﺘﻠﻪ ﺑﻴﺖ ﻭﺣﺪﻱ ﻛﺎﻝ ﻗﺒﻠﺞ ﻭﺍﺻﻼ ﺩﺍﺩﻭﺭ ﻛﺘﻠﻪ ﻓﺘﺮﻩ ﺍﻟﺨﻄﻮﺑﺔ ﻧﺘﻌﺮﻑ ﻋﻠﻰ ﺑﻌﺾ ﻭﻧﺸﻮﻑ ﺍﺫﺍ ﻣﻤﺘﻮﺍﻟﻤﻴﻦ ﻧﻨﻔﺼﻞ ﻛﺎﻝ ﻻ ﺍﻟﻠﻪ ﻻ ﻳﻜﻮﻟﻬﺎ
ﻛﺘﻠﻪ ﺍَﻱ ﻟﻴﺶ ﺗﻜﻮﻝ ﻣﻜﺎﻟﺖ ﻭﻣﻮ ﺭﺃﺳﺎ ﻧﺘﺰﻭﺝ ﺍﺧﻠﺺ ﻫﺎﻱ ﺍﻟﺴﻨﻪ ﻳﻠﻪ ﻭﺃﺗﻌﺮﻑ ﻋﻠﻴﻚ ﻭﺍﻛﻤﻞ ﺍﺛﺎﺙ ﺍﻟﺒﻴﺖ ﺍﻟﻲ ﻧﻜﻌﺪ ﺑﻲ ﺍﻧﻲ ﻭﻳﺎﻙ ﻳﻠﻪ
ﻛﺎﻝ ﺗﺪﻟﻠﻴﻦ ﻣﻦ ﻋﻴﻮﻧﻲ ﻳﺎﺑﻪ ﺑﺲ ﻭﺍﻓﻘﻲ ﺍﻧﺘﻲ ﻛﺘﻠﻪ ﻳﻮﺳﻒ ﻛﺎﻝ ﻣﻦ ﺭﺣﺖ ﻓﺪﻭﺓ ﻟﻠﻲ ﺗﻜﻮﻝ ﻳﻮﺳﻒ ﻫﻬﻬﻪ
ﻛﻤﺖ ﺍﺣﺐ ﺍﺳﻤﻲ ﻣﻦ ﻭﺭﺍﺝ ﻣﻮ ﺍﺳﻢ ﺗﻜﻮﻟﻴﻦ ﻋﺒﺎﻟﻚ ﺗﻐﻨﻴﻦ ﻣﻌﺰﻭﻓﺔ ﻛﺘﻠﻪ ﻭﺭﺑﻚ ﻻ ﻋﺎﺩ ﻛﺎﻓﻲ ﻟﻬﻨﺎ ﻭﺑﺲ ﺳﻮﻳﺘﻨﻲ
ﻧﺎﻧﺴﻲ ﻋﺠﺮﻡ ﻭﺭﺍﺡ ﺍﻧﻔﺦ ﺭﻳﺸﺎﺗﻲ ﺍﻟﻲ ﻳﺴﻤﻌﻚ ﻫﺴﻪ ﻳﻜﻮﻝ ﺑﺲ ﺍﺭﻳﺪ ﺍﺷﻮﻓﻬﺎ ﻛﺎﻝ ﺍﺑﻄﻂ ﻋﻴﻮﻧﻪ ﺍﻟﻲ ﻳﺸﻮﻓﺞ ﺧﺮﺑﺖ ﺿﺤﻚ ﻋﻠﻴﻪ
ﻛﺎﻝ ﺍﻧﺘﻲ ﻏﻴﺮ ﺍﻟﻠﻪ ﺫﺍﺏ ﺑﻴﺞ ﺟﻤﺎﻝ ﺍﻟﺪﻧﻴﺎ ﻛﻠﻬﺎ ﻛﺘﻠﻪ ﻳﻠﻪ ﺍﺣﺎﻭﻝ ﺍﺻﺪﻙ ﻭﻟﻮ ﺍﺣﺴﻚ ﺗﺒﺎﻟﻎ ﻛﺎﻝ ﻛﻴﻔﺞ ﺑﻌﺪ ﺑﺲ ﻫﺬﺍ ﺭﺍﻳﻲ
ﺭﺩ ﻓﺘﺢ ﻣﻮﺿﻮﻉ ﻓﻬﺪ ﻭﻛﺎﻝ ﺷﻜﺪ ﺿﺠﺖ ﻭﺍﻧﻘﻬﺮﺕ ﻣﻦ ﻭﺭﺍﺝ ﻛﺘﻠﻪ ﺷﻮﻑ ﺻﺢ ﺍﻛﺮﻫﺎ ﻭﺻﺢ ﺍﺗﺨﺒﻞ ﻣﻨﻪ ﻭﺻﺢ ﺁﺫﺍﻧﻲ ﻛﻠﺶ
ﺑﺲ ﺍﻟﻲ ﺃﻗﻮﻯ ﻣﻨﻲ ﻭﻣﻨﻚ ﻳﻌﺎﻗﺒﻪ ﻭﺑﻌﺪﻳﻦ ﺗﺪﺭﻱ ﻫﻤﺰﻳﻦ ﻃﻠﻌﺘﻪ ﻛﺎﻝ ﻟﻴﺶ ﻛﺘﻠﻪ ﻣﻦ ﺟﻨﺖ ﻳﻤﻬﻢ ﺍﻟﺨﺪﺍﻣﻪ ﺍﻟﻲ ﺗﺸﺘﻐﻞ ﻋﺪﻫﻢ ﺧﻄﻴﻪ ﻫﻴﻪ ﺟﺎﻧﺖ ﻭﻳﺎﻱ ﻭﺗﺴﺎﻋﺪﻧﻲ
ﺟﺎﻧﺖ ﻣﺜﻞ ﺍﻣﻲ ﻣﺎ ﻗﺼﺮﺕ ﻭﻳﺎﻱ ﺑﺸﻲ ﻭﻣﻦ ﺳﺎﻋﺪﺗﻨﻲ ﺣﺘﻰ ﺍﻧﻬﺰﻡ ﻃﺎﺭﺩﻳﻬﺎ ﻣﻦ ﺍﻟﺸﻐﻞ ﻭﺃﺧﻮ ﺯﻭﺟﻬﺎ ﺍﻟﻤﺮﺣﻮﻡ ﺷﺎﺑﻌﻬﺎ ﻛﺘﻞ
ﻭﻫﺴﻪ ﺧﻄﻴﻪ ﺗﺸﺘﻐﻞ ﺑﻐﻴﺮ ﺑﻴﺖ ﺑﺲ ﺑﺎﺟﺮ ﻗﻠﻴﻞ ﻛﻠﺶ ﻭﻣﻦ ﻃﺎﻟﻊ ﻓﻬﺪ ﻣﻦ ﺍﻟﺴﺠﻦ ﻫﻮ ﺍﻟﻲ ﻛﺎﻳﻢ ﻳﺼﺮﻑ ﻋﻠﻴﻬﺎ
ﺳﻜﺖ ﻣﺤﺠﺔ ﺷﻲ ﺿﻠﻴﻨﻪ ﻧﺤﺠﻲ ﻭﻫﻮ ﻳﻜﻮﻝ ﺍﺭﻳﺪ ﺍﺣﺪﺩ ﻳﻮﻡ ﺍﻟﺨﻄﺒﻪ ﻛﺘﻠﻪ ﺷﺒﻴﻚ ﻣﺴﺘﻌﺠﻞ ﻏﻴﺮ ﺗﺠﻲ ﺍﻣﻚ
ﻭﺗﺘﻔﻖ ﻭﻳﺔ ﺑﺎﺟﻲ ﻭﺧﺎﻟﺘﻲ ﻭﻣﺎﻣﺎ ﻭﺗﺸﻮﻓﻨﻲ ﺑﺎﻟﻠﻪ ﻣﻌﺠﺒﺘﻬﺎ ﺷﻠﻮﻥ ﻭﻫﻨﻪ ﻳﺤﺪﺩﻥ ﻳﻮﻡ
ﻛﺎﻝ ﻭﺍﻟﻠﻪ ﻛﻞ ﻫﺬﺍ ﺍﻟﺠﻤﺎﻝ ﻭﻣﺎ ﺗﻨﻌﺠﺐ ﺑﻴﺞ ﺍﻻ ﺍﻣﻲ ﻟﻌﺪ ﻋﻤﻴﻪ ﻭﺑﻌﺪﻳﻦ ﺍﻧﻲ ﻟﻮ ﺑﻴﺪﻱ ﻫﺴﻪ ﺍﺧﺬﺝ ﻭﻳﺎﻱ ﻟﻠﺒﻴﺖ
ﺭﺟﻌﺖ ﻟﻠﻜﻠﻴﻪ ﻻﻥ ﺟﺎﻥ ﺑﻌﺪﻩ ﺍﻟﺪﻭﺍﻡ ﻣﺎ ﻣﻨﺘﻬﻲ ﻭﺧﺎﺑﺮﻧﻲ ﺍﻟﺪﻻﻝ ﻳﻜﻮﻝ ﻟﻜﻴﺖ ﻣﺸﺘﺮﻱ ﻟﻠﻜﺎﻉ
ﻛﺘﻠﻪ ﺍﻧﺸﺎﻟﻠﻪ ﺑﺤﺪﻭﺩ ﺍﻟﺴﺎﻋﻪ ﺍﻭ ﺳﺎﻋﺘﻴﻦ ﺃﻣﺮ ﺍﻟﻚ ﺧﻠﺼﺖ ﺩﻭﺍﻡ ﻭﻃﻠﻌﺖ ﻭﺑﻮﺟﻬﻲ ﻟﻠﺪﻻﻝ ﻣﺴﺘﻌﺠﻠﻪ ﻛﻠﺶ ﻭﺻﻠﺖ
ﻭﻧﺰﻟﺖ ﺳﻠﻤﺖ ﻋﻠﻴﻪ ﻭﻛﻌﺪﺕ ﻛﺎﻝ ﺍﻛﻮ ﻣﺸﺘﺮﻱ ﺭﺍﺩﻫﺎ ﻫﻮ ﻗﺒﻞ ﻛﻠﻲ ﻋﻠﻴﻬﺎ ﺑﺲ ﺍﻧﺘﻮ ﺍﺩﺭﻱ ﻣﺘﺮﻳﺪﻭﻥ ﺗﺒﻴﻌﻮﻥ
ﻭﻣﻦ ﻛﻠﺘﻲ ﺧﺎﺑﺮﺗﻪ ﻭﺭﺃﺳﺎ ﻗﺒﻞ ﻛﺘﻠﻪ ﺍَﻱ ﻭﺑﺸﻜﺪ ﺗﻨﺒﺎﻉ ﻛﺎﻝ ﻫﻴﻪ ٣٠٠ﻣﺘﺮ ﻭﻣﻮﻗﻊ ﻛﻠﺶ ﺭﺍﻗﻲ ﻳﻌﻨﻲ ﻏﺎﻟﻴﻪ ﺗﺼﻴﺮ ﻛﺘﻠﻪ ﺯﻳﻦ ﺍﻧﻲ ﻣﺎ ﺍﺭﻳﺪ ﺃﺑﻴﻌﻬﺎ ﻛﻠﻬﺎ
ﺍﺭﻳﺪ ﻣﺜﻼ ﻧﺼﻬﺎ ﺍﻭ ﺑﺲ١٠٠ ﻣﺘﺮ ﺷﻜﺪ ﺗﻜﻠﻒ ﻛﺎﻝ ﻗﺒﻞ ﻛﻢ ﻳﻮﻡ ﻭﺍﺣﺪ ﺑﺎﻉ ﺍﻟﺤﺪﻳﻘﺔ ﻣﺎﻝ ﺑﻴﺘﻪ ﺟﺎﻧﺖ ١٠٠ ﻣﺘﺮ ﺻﺪﻛﻲ ﻭﺍﻟﻠﻪ ﺍﻟﻌﻀﻴﻢ ﺏ٣٥٠ﻣﻠﻴﻮﻥ
ﻛﺘﻠﻪ ﻣﻤﻌﻘﻮﻟﺔ ﻛﺎﻝ ﺍَﻱ ﻭﺍﻟﻠﻪ ﻭﻣﺴﺘﻌﺪ ﺃﻃﺐ ﺍﻟﻘﺮﺍﻥ ﻫﻢ ﻭﺍﻧﺘﻲ ﺍﻟﻜﺎﻉ ﻣﺎﻟﺘﻜﻢ ﻣﻮﻗﻊ ﻭﻛﻠﺸﻴﺖ ﻳﻨﺒﻨﻲ ﺑﻴﻬﺎ ﻋﻤﺎﺭﻩ ﺍﻭ ﻣﺠﻤﻊ ﻃﺒﻲ ﺍﻭ ﻣﺮﻛﺰ ﺗﺠﻤﻴﻞ ﺍﻭ ﻣﺠﻤﻊ ﻣﻼﺑﺲ ﺍﻭ ﻣﻮﻝ ﻛﻠﺸﻴﺖ ﻳﺼﻴﺮ ﺑﻴﻬﺎ
ﻭﺗﺬﻛﺮﻳﻦ ﻣﻦ ﺟﻨﺖ ﺍﻛﻠﻠﻜﻢ ﺍﺧﺬﺗﻮﻫﺎ ﺑﺎﻟﺤﻆ ﻳﺎ ﻧﺼﻴﺐ ﻻﻥ ﺑﻮﻗﺘﻬﺎ ﺑﺴﻌﺮ ﻣﻮ ﻛﻠﺶ ﻏﺎﻟﻲ ﻛﺘﻠﻪ ﺍَﻱ ﺻﺢ ﺍﺫﻛﺮ
ﻋﺎﺩ ﻛﺘﻠﻪ ﺭﺍﺡ ﺃﺑﻴﻊ ﺑﺲ ١٠٠ﻣﺘﺮ ﻭ٢٠٠ﻳﺒﻘﻦ ﺍﻟﻲ ﻣﺎ ﺍﺑﻴﻌﻬﻦ ﻛﺎﻝ ﺩﻗﻴﻘﻪ ﺍﺧﺎﺑﺮ ﺍﻟﻤﺸﺘﺮﻱ ﻭﺍﺷﻮﻑ ﺷﻴﻜﻮﻝ
ﻋﺎﺩ ﺧﺎﺑﺮﻩ ﻭﺫﺍﻙ ﻛﻠﺔ ﺍﻧﻲ ﺭﺩﺗﻬﺎ ﻛﻠﻬﺎ ﻛﻠﺔ ﻣﻘﺒﻠﻮ ﻳﺒﻴﻌﻮﻥ ﺑﺲ ١٠٠ ﺗﺸﺘﺮﻳﻬﺎ ﺩﻋﻴﺖ ﺭﺑﻲ ﻳﻮﺍﻓﻖ ﻭﻓﻌﻼ ﻭﺍﻓﻖ
ﻋﺎﺩ ﺍﺗﻔﻘﻨﻪ ﺑﺎﺟﺮ ﻳﺠﻲ ﻭﻧﺘﺸﺎﻭﻑ ﻭﺍﺣﺪﺩﻟﺔ ﻣﻦ ﻳﺎ ﻣﻜﺎﻥ ﺃﺑﻴﻊ ﺍﻟﻪ ﻭﺍﺳﺘﻠﻢ ﺟﺎﻥ ﺍﻻﺗﻔﺎﻕ ﻋﻠﻰ ٥٠٠ﻣﻠﻴﻮﻥ ﺑﺼﺮﺍﺣﺔ ﺍﻧﻲ ﺗﻔﺎﺟﺄﺕ ﻣﻤﺘﻮﻗﻌﻪ ﻫﻴﺞ ﺳﻌﺮ ﺭﺍﺡ ﺗﻨﺒﺎﻉ
ﻳﻌﻨﻲ ﺑﺲ ١٠٠ﻭﺏ٥٠٠ ﻣﻠﻴﻮﻥ ﻳﻤﻜﻦ ﺍﺫﺍ ﺃﺑﻴﻌﻬﺎ ﻛﻠﻬﺎ ﻓﻮﻙ ﺍﻟﻤﻠﻴﺎﺭ ﻫﻢ ﺍﻟﺤﻤﺪﻟﻠﻪ ﻭﺍﻟﺸﻜﺮ ﺭﺑﻲ
ﻫﺴﻪ ﺍﻧﺘﻮ ﺗﻔﺎﺟﺄﻭﻥ ﺑﺎﻟﺴﻌﺮ ﻭﺗﻜﻮﻟﻮﻥ ﺟﺬﺏ ﺑﺲ ﺍﻗﺴﻢ ﺑﻀﻠﻊ ﺍﻟﺰﻫﺮﻩ ﻫﺬﺍ ﺍﻟﺼﺪﻙ ﻭﺍﺳﺎﻟﻮ ﺑﻨﺎﺕ ﺑﻐﺪﺍﺩ ﻭﺧﻮﺻﻮﺻﺎ ﺍﻟﻲ ﻛﺎﻋﺪﺍﺕ ﺑﺎﻟﻤﻨﺼﻮﺭ
ﻭﺍﻧﻲ ﺑﺼﻔﺘﻲ ﺍﻟﻜﺎﺗﺒﻪ ﻟﻮ ﺍﺩﺭﻱ ﻫﺬﺍ ﺍﻟﺸﻲ ﺟﺬﺏ ﺍﻭ ﻣﺒﺎﻟﻎ ﺑﻲ ﻭﺍﻟﻘﺮﺍﻥ ﻣﺎ ﺍﻛﺘﺒﻪ ﺍﻭ ﺍﻛﻮﻟﺔ ﺑﺲ ﻫﺬﺍ ﺍﻟﺼﺪﻙ ﻭﺍﺳﺎﻟﻮ ﺍﺫﺍ ﺗﺮﻳﺪﻭﻥ
ﻭﻫﻴﻪ ﺍﻟﻜﺎﻉ ﺟﺎﻧﺖ ﻣﻮﻗﻊ ﻛﻠﺶ ﺣﻠﻮ ﺑﻨﺺ ﺍﻟﻤﻨﺼﻮﺭ ﻭﺍﺭﻗﻰ ﻣﻜﺎﻥ
ﻋﺎﺩ ﺻﺎﺭ ﺛﺎﻧﻲ ﻳﻮﻡ ﻭﺧﺎﺑﺮﻧﻲ ﻳﻮﺳﻒ ﻳﺮﻳﺪ ﻳﺠﻴﺐ ﺃﻣﺔ ﻭﻳﺠﻲ ﻛﺘﻠﺔ ﻋﻠﻴﻚ ﺍﻟﻠﻪ ﺍﺟﻠﻬﺎ ﺑﺎﺟﺮ ﺍﻟﻴﻮﻡ ﻋﻨﺪﻱ ﺷﻐﻞ ﻣﻘﺒﻞ ﻭﻛﺎﻝ ﻭﺍﻟﻠﻪ ﻣﺴﺘﻌﺠﻞ
ﻛﺘﻠﺔ ﻭﺭﻭﺡ ﺑﺎﺑﺎ ﻋﻨﺪﻱ ﺷﻐﻠﻪ ﺿﺮﻭﺭﻳﺔ ﻛﺎﻝ ﺷﻨﻮ ﻫﺎﻱ ﺍﻟﺸﻐﻠﻪ ﻛﺘﻠﺔ ﺑﻌﺪﻳﻦ ﺗﻌﺮﻑ
ﺭﺣﺖ ﺍﻟﺴﺎﻋﻪ ﺏ١٠ ﺻﺎﺩﻑ ﻳﻮﻡ ﺟﻤﻌﻪ ﻭﺻﻠﺖ ﻭﻧﺰﻟﺖ ﻟﻜﻴﺘﻬﻢ ﻣﻮﺟﻮﺩﻳﻦ ﺳﻠﻤﺖ ﻭﻛﻌﺪﺕ ﺍﺗﻔﻘﻨﻪ ﻋﻠﻴﻬﺎ ﻟﻠﻜﺎﻉ
ﻭﺭﺣﻨﻪ ﺍﻟﻬﺎ ﻭﺍﺧﺬﻧﻪ ﻣﻬﻨﺪﺱ ﻳﻘﺴﻤﻬﺎ ﻭﻛﻠﺘﻠﻪ ﻣﻦ ﻭﻳﻦ ﺭﺍﺡ ﺃﺑﻴﻊ ﺍﻟﻪ ﻛﻤﻠﻨﻪ ﻭﺭﺣﻨﻪ ﺳﻮﺍﻟﻒ ﺍﻟﺒﻴﻊ ﻭﺍﻟﺸﺮﺍﺀ ﻭﺍﻟﻤﻜﺎﺗﺒﺔ ﻋﺎﻟﻜﺎﻉ
ﺧﻠﺼﻨﻪ ﻛﻠﺸﻴﺖ ﻭﺍﺳﺘﻠﻤﺖ ﺍﻟﻔﻠﻮﺱ ﻭﺭﺣﺖ ﻟﻠﺒﻴﺖ ﻭﻛﻠﺖ ﻟﺒﺎﺟﻲ ﻭﻣﺎﻣﺎ ﻭﺑﻠﻐﺘﻬﻦ ﺍﻟﻌﺼﺮ ﺭﺣﺖ ﺍﻧﻲ ﻭﺧﺎﻟﻮ ﻻﺑﻮ ﺍﻟﻜﺎﻉ ﺍﻟﻲ ﻳﻤﻨﺔ ﻭﻛﺘﻠﻪ ﺍﺭﻳﺪ ﺗﺒﻴﻌﻠﻴﺎﻫﺎ ﻣﻘﺒﻞ
ﺗﻮﺳﻠﺖ ﺑﻲ ﻣﻘﺒﻞ ﻛﻮﺓ ﻗﻨﻌﺘﻪ ﺭﺩﻳﺖ ﻛﺘﻠﻪ ﺍﺭﻳﺪ ﺑﺲ ١٠٠ ﻣﺘﺮ ﻛﺎﻝ ﻫﺬﺍ ﻏﻴﺮ ﻣﺸﺘﺮﻯ ﻛﺘﻠﻪ ﻓﺪﻭﺓ ﻣﺎﻝ ﻳﺘﺎﻣﻰ ﻭﺍﻟﻘﺮﺍﻥ
ﻋﻠﻴﻚ ﺑﺪﺍﻋﺔ ﻋﺰﺍﺯ ﻛﻠﺒﻚ ﻻ ﺗﻔﺸﻠﻨﻲ ﻋﺪ ﺭﺑﻚ ﺟﺒﻴﺮﻩ ﻫﺎﻱ ﺑﻌﺪ ﺳﺎﻋﻪ ﺇﻗﻨﺎﻉ ﺑﻲ ﻭﺍﻓﻖ ﺍﻟﺤﻤﺪﻟﻠﻪ ﻋﺎﺩ
ﺛﺎﻧﻲ ﻳﻮﻡ ﻫﻢ ﺟﺒﻨﻪ ﻣﻬﻨﺪﺱ ﻗﺴﻢ ١٠٠ ﻣﻦ ﺍﻟﻜﺎﻉ ﺟﺎﻧﺖ ﻫﻴﻪ ٢٠٠ ﺍﻧﻲ ﻣﻜﺪﺭﺕ ﺍﺷﺘﺮﻳﻬﺎ ﺍﻟﻬﺎ ﻛﻠﻬﺎ ﺑﻌﺪ ﺑﻨﺎﺀ ﻭﺭﺍﻱ
ﻋﺎﺩ ﻛﻤﻠﺖ ﻣﺸﺘﺮﺍﺗﻬﺎ ﻭﺍﻟﻌﺼﺮ ﺍﺟﻮﻱ ﻳﻮﺳﻒ ﻭﺍﻣﺔ ﻭﺃﺧﺘﻪ ﺳﻠﻤﻦ ﻭﻛﻌﺪﻥ ﻭﻫﻮ ﺍﻻﺑﺘﺴﺎﻣﺔ ﺷﺎﻛﺔ ﺣﻠﻜﺔ ﻣﻤﺼﺪﻙ
ﺃﻣﺔ ﺯﻳﻨﺔ ﻭﺗﺤﺠﻲ ﻭﺗﺴﻮﻟﻒ ﺑﺲ ﻣﺒﻴﻦ ﻋﻠﻰ ﺷﻜﻠﻬﺎ ﻣﻮ ﺭﺍﺿﻴﻪ ﺍﻛﻴﺪ ﻻﻥ ﺟﻨﺖ ﻓﺼﻠﻴﻪ ﻭﺍﻧﻮﺏ ﻣﻄﻠﻘﻪ
ﺑﺲ ﻫﻴﻪ ﻣﺒﻴﻨﺖ ﺍﻧﻮ ﺿﺎﻳﺠﺔ ﺍﻭ ﻣﺘﺮﻳﺪﻧﻲ ﺑﺲ ﻋﻴﻮﻧﻬﺎ ﻓﺎﺿﺤﺎﺗﻬﺎ ﺭﻏﻢ ﺗﺴﻮﻟﻒ ﻭﺗﻀﺤﻚ ﻭﻳﻤﻜﻦ ﺟﺎﻧﺖ ﻣﺘﻮﻗﻌﻪ ﻣﻮ ﻣﻦ ﻣﺴﺘﻮﺍﻫﻢ ﺍﺣﻨﻪ
ﻭﻋﺠﺒﻬﻦ ﺩﻳﻜﻮﺭ ﺍﻟﺒﻴﺖ ﻣﻦ ﺍﻟﺨﺎﺭﺝ ﻭﺩﻳﻜﻮﺭ ﺍﻻﺳﺘﻘﺒﺎﻝ ﻭﺟﺎﻥ ﻛﻠﺔ ﺗﺼﻤﻴﻤﻲ ﻫﺬﺍ
ﻋﺎﺩ ﺳﻮﻟﻔﻦ ﻭﺍﺗﻔﻘﻦ ﻭﻛﺎﻟﻦ ﺍﻟﺠﻤﻌﺔ ﺍﻟﻲ ﺗﺠﻲ ﺍﻧﺸﺎﻟﻠﻪ ﺍﻟﻌﻘﺪ
ﻭﺍﻧﺸﺎﻟﻠﻪ ﻫﺎﻟﻴﻮﻣﻴﻦ ﻧﻤﺮ ﺍﻟﻜﻢ ﻧﺮﻭﺡ ﻧﺸﺘﺮﻱ ﻧﻴﺸﺎﻥ ﻣﺤﺠﻴﻨﻪ ﺷﻲ ﻭﻭﺍﻓﻘﻨﻪ ﻛﻤﻠﻮ ﻭﻃﻠﻌﻮ ﻭﻳﻮﺳﻒ ﺑﺲ ﻳﺘﻤﻀﺤﻚ ﻓﺮﺣﺎﻥ ﺍﻛﺜﺮ ﻣﻨﻲ ﺍﻧﻲ ﺍﻟﻌﺮﻭﺱ ﻫﻬﻬﻬﻪ
ﻋﺎﺩ ﺛﺎﻧﻲ ﻳﻮﻡ ﻭﻛﻠﺖ ﻣﻘﺎﻭﻝ ﻳﺒﻨﻲ ﺍﻟﺒﻴﺖ ﺑﺄﺳﺮﻉ ﻭﻗﺖ ﻭﺟﺎﻥ ﺍﻟﺒﻨﺎﺀ ﻏﺮﻓﺘﻴﻦ ﻭﺻﺎﻟﻪ ﻭﻣﻄﺒﺦ ﻭﺻﺤﻴﺎﺕ ﻭﺣﻤﺎﻡ ﻭﻛﺘﻠﻪ ﺍﺫﺍ ﻳﺼﻴﺮ ﻭﻳﻜﻔﻲ ﺍﺳﺘﻘﺒﺎﻝ ﺻﻐﻴﺮ
ﺍﻟﻴﻮﻡ ﺍﻟﻲ ﺑﻌﺪﻩ ﺑﻠﺸﻮ ﺗﺨﻄﻴﻂ ﻭﺑﻨﺎﺀ ﻻﻥ ﻛﺘﻠﻬﻢ ﻣﺴﺘﻌﺠﻠﻪ ﻛﻠﺶ ﻭﺃﺭﻳﺪﻩ ﺍﻟﻴﻮﻡ ﻗﺒﻞ ﺑﺎﺟﺮ
ﺧﺎﻟﻪ ﺍﻡ ﻋﻠﻲ ﺧﺎﺑﺮﺗﻨﻲ ﻭﺗﻜﻮﻝ ﺧﻠﻲ ﺗﻔﻮﺕ ﺑﻔﺎﻟﻬﺎ ﺧﻮﺵ ﻗﺴﻤﺔ ﻭﺭﺍﺡ ﻭﺗﻨﺴﻌﺪ ﺑﻴﻬﺎ
ﻭﺍﻟﻴﻮﻡ ﺍﻟﺜﺎﻧﻲ ﺍﺟﺔ ﻳﻮﺳﻒ ﻭﺍﻣﺔ ﻭﺃﺧﺘﻪ ﻭﺍﻧﻲ ﺭﺍﺣﺖ ﻭﻳﺎﻱ ﺧﺎﻟﻪ ﻭﻃﻠﻌﻨﻪ ﻟﻠﺴﻮﻙ ﺍﻭﻝ ﺷﻲ ﻛﺎﻟﻮ ﻧﺸﺘﺮﻱ ﺫﻫﺐ
ﺭﺣﻨﻪ ﻻﺑﻮ ﺍﻟﺬﻫﺐ ﻭﻣﻜﻠﺖ ﺍﻟﻬﻢ ﺍﻻ ﻣﻦ ﺍﺑﻮ ﺍﻟﺬﻫﺐ ﺷﺮﻳﻜﻨﻪ ﻛﻠﺖ ﻫﻤﺔ ﺑﺮﺍﺣﺘﻬﻢ ﻣﻨﻴﻦ ﻣﻴﺮﻳﺪﻭﻥ ﻳﺸﺘﺮﻭﻥ ﺧﻠﻲ ﻳﺎﺧﺬﻭﻥ
ﻋﺎﺩ ﻃﺒﻴﻨﻪ ﻻﺑﻮ ﺍﻟﺬﻫﺐ ﻭﻛﻌﺪﻧﻪ ﻭﻛﺎﻟﺖ ﻋﻤﺘﻲ ﺷﺘﺮﻳﺪﻳﻦ ﺣﺒﻴﺒﺘﻲ ﺑﺸﻜﺪ ﺳﻌﺮ ﻳﻮﺳﻒ ﻛﺎﻝ ﺍﻟﻲ ﻳﻌﺠﺒﺞ ﺍﺧﺬﻱ
ﻛﺘﻠﻬﻢ ﺑﺼﺮﺍﺣﺔ ﺍﻧﻲ ﻣﺎ ﺍﺭﻳﺪ ﺍﺛﻜﻞ ﺑﺸﺮﺍﺀ ﺍﻟﺬﻫﺐ ﺍﺭﻳﺪ ﺷﻲ ﺑﺴﻴﻂ ﻋﻤﺘﻲ ﺗﻔﺎﺟﺄﺕ ﻋﺒﺎﻟﻬﺎ ﺭﺍﺡ ﺍﻃﻠﺐ
ﻛﺎﻟﻮ ﻟﻴﺶ ﻭﺣﺘﻰ ﻳﻮﺳﻒ ﻛﺘﻠﻬﻢ ﺍﻧﻲ ﻋﻨﺪﻱ ﺫﻫﺐ ﻛﻮﻣﺔ ﺷﺴﻮﻱ ﺑﻲ ﺧﻠﻲ ﺍﻟﻔﻠﻮﺱ ﻳﺮﻭﺡ ﻳﻜﻤﻞ ﺑﻴﻬﺎ ﻏﻴﺮ ﺷﻲ ﻣﺜﻞ ﺍﻟﺒﻴﺖ ﺍﻭ ﻣﺼﺎﺭﻳﻒ ﺍﻟﻌﺮﺱ ﻳﺠﻤﻌﻬﺎ
ﻻﻥ ﺍﻧﻲ ﻋﺮﺳﻲ ﺑﺎﻟﻘﺎﻋﺔ ﺍﺳﻮﻱ ﺗﺮﻩ ﺑﺎﻭﻋﺖ ﻋﻠﻴﻪ ﻋﻤﺘﻲ ﻣﻦ ﻛﻠﺖ ﺍﺳﻮﻱ ﺍﻟﻌﺮﺱ ﺑﺎﻟﻘﺎﻋﺔ
ﻛﺎﻝ ﻳﻮﺳﻒ ﻣﻴﺨﺎﻟﻒ ﺯﻣﺮﺩ ﺃﺧﺬﻱ ﻫﺬﺍ ﺣﻘﺞ ﻭﻋﻨﺪﻱ ﻓﻠﻮﺱ ﺍﻟﻲ ﺗﻜﻔﻲ ﻣﺎ ﻋﻠﻴﺞ ﺑﻬﺬﺍ ﺍﻟﺸﻲ ﻻ ﺩﻳﺮﻳﻦ ﺑﺎﻝ
ﺭﺩﺕ ﻋﻤﺘﻲ ﻣﺜﻞ ﻧﺒﺮﻩ ﺳﺎﺧﺮﻩ ﻛﺎﻟﺖ ﺍَﻱ ﻭﺷﻌﻨﺪﺝ ﺫﻫﺐ ﺑﺎﻟﻠﻪ ﺧﺰﺭﻫﺎ ﻳﻮﺳﻒ ﺑﺲ ﻫﻴﻪ ﻣﻦ ﺗﺤﺠﻲ ﻣﻮ ﺑﻌﺼﺒﻴﺔ ﺍﻭ ﺗﻜﺒﺮ
ﻛﺘﻠﻬﺎ ﻋﻨﺪﻱ ﻛﻼﺩﻩ ﺟﺒﻴﺮﻩ ﻭﻋﻨﺪﻱ ﻣﻼﻭﻱ ٢ ﻭﻋﻨﺪﻱ ﺑﺘﻮﺕ ﻭﻋﻨﺪﻱ ﺗﺮﺍﺟﻲ ﻭﻋﻨﺪﻱ ﺳﻼﺡ ﻭﻣﺤﺎﺑﺲ ٢
ﻓﻜﺖ ﺣﻠﻜﻬﺎ ﻋﻤﺘﻲ ﻣﻦ ﻛﻠﺖ ﻫﻴﺞ ﻋﺒﺎﻟﻬﺎ ﺃﺷﻴﺎﺀ ﺻﻐﺎﺭ ﻛﺎﻟﺖ ﻭﻣﻨﻴﻦ ﺍﻟﺞ ﻫﺬﺍ ﻛﻠﺔ ﻭﺍﻧﺘﻲ ﺑﻌﺪﺝ ﺑﻨﻴﻪ
ﺭﺩﺗﻬﺎ ﺧﺎﻟﺘﻲ ﻛﻠﺘﻠﻬﺎ ﻋﻴﻨﻲ ﺗﺮﻩ ﻫﻤﺔ ﺍﻫﻞ ﺍﻟﺬﻫﺐ ﻭﺍﻣﻬﺎ ﺳﻮﺗﻠﻬﻴﺎ ﻟﻬﺬﺍ ﺍﻟﺬﻫﺐ ﻭﺑﻌﺪﻳﻦ ﻫﻲ ﻻ ﺷﻲﺀ ﻳﻢ ﺫﻫﺐ ﺃﻣﻬﺎ
ﺗﻔﺎﺟﺄﺕ ﻋﻤﺘﻲ ﻛﻠﺶ ﺍﻧﻲ ﻣﺤﺠﻴﺖ ﻛﺎﻟﺖ ﺷﻨﻮ ﺗﻜﻮﻟﻴﻦ ﻫﻤﺔ ﺍﻫﻞ ﺍﻟﺬﻫﺐ ﻛﻠﺘﻠﻬﺎ ﺃﻣﻬﺎ ﺷﺮﻳﻜﺔ ﺑﻤﺤﻞ ﺫﻫﺐ ﺑﺎﻟﻨﺺ
ﻣﺠﺎﻧﺖ ﻣﺘﻮﻗﻌﻪ ﻫﻴﺞ ﺷﻲ ﻋﻤﺘﻲ ﻋﺎﺩ ﻛﺎﻝ ﻳﻮﺳﻒ ﺣﺘﻰ ﻟﻮ ﺗﺸﺘﺮﻱ ﻳﻌﻨﻲ ﺗﺸﺘﺮﻱ ﻣﻘﺒﻠﺖ ﻭﺍﺻﺮﻳﺖ ﻋﻠﻴﻪ ﻛﺎﻝ ﺍﻧﻲ ﺍﺭﻳﺪ ﺍﻟﺒﺴﺞ
ﻭﺍﺗﺒﺎﻫﻪ ﺑﻴﺞ ﻛﺪﺍﻡ ﺍﻟﻜﻞ ﻛﺘﻠﺔ ﻣﻴﺨﺎﻟﻒ ﻣﺎ ﺍﻟﻪ ﺩﺍﻋﻲ ﻭﺍﻟﻠﻪ ﻟﻮ ﺍﺭﻳﺪ ﺍﻧﻲ ﺍﻛﻮﻝ ﺿَﻞ ﻳﻠﺢ
ﻛﻤﺖ ﺍﺧﺬﺕ ﺷﺒﺎﺣﻴﺔ ﺫﻫﺐ ﻭﺃﺧﺬﺕ ﺣﻠﻘﻪ ﻭﺃﺧﺬﺕ ﻣﺤﺎﺑﺲ ٢ ﻭﻳﺔ ﺍﻟﻲ ﻋﻨﺪﻱ ﻭﺃﺧﺬﺕ ﻛﻼﺩﻩ ﻛﻠﺶ ﻧﺎﻋﻤﺔ ﺣﻴﻞ ﻋﺎﻟﺮﻛﺒﻪ ﻫﺬﺍ ﺷﻜﻠﻬﺎ ♾ ﻭﺣﺠﻞ ﻧﺎﻋﻢ ﻛﻠﺶ ﺍﺣﺐ ﺍﻷﺷﻴﺎﺀ ﺍﻟﻨﺎﻋﻤﺔ
ﻛﺘﻠﻬﻢ ﻫﺎﻳﻬﻴﻪ ﺧﻠﺺ ﺑﺲ ﺫﻧﻲ ﺿﻠﻮ ﻳﺒﺎﻭﻋﻮﻥ ﻋﻠﻴﻪ ﺻﺎﻓﻨﻴﻦ ﻛﺎﻟﻮ ﺍﻧﺘﻲ ﻣﻘﺘﻨﻌﻪ ﺑﺎﻟﻲ ﺍﺧﺬﺗﻲ ﻛﺘﻠﻬﻢ ﺍَﻱ ﻟﻴﺶ
ﺧﺎﻟﺘﻲ ﻛﺎﻟﺖ ﺗﺮﻩ ﻫﻴﻪ ﻫﺎﻱ ﻣﺸﺘﺮﺍﺗﻬﺎ ﻭﻣﺘﺤﺐ ﺗﻜﻠﻒ ﺍﺣﺪ ﻳﻮﺳﻒ ﻣﻘﺒﻞ ﻭﻛﺎﻝ ﻭﺍﻟﻠﻪ ﺍﻻ ﺗﺸﺘﺮﻳﻦ ﺷﻲ ﺟﺒﻴﺮ ﺿَﻞ ﻳﻠﺢ
ﺍﺧﺮ ﺷﻲ ﻛﺘﻠﻪ ﺍﻧﺘﻪ ﺣﻚ ﺷﻜﺪ ﺗﺮﻳﺪ ﺍﺧﺬ ﺫﻫﺐ ﻛﺎﻝ ﻣﻔﺘﻮﺡ ﺍﻟﺞ ﻛﺘﻠﻪ ﻻ ﻛﻮﻟﻲ ﺳﻌﺮ ﻣﻔﺘﻮﺡ ﺍﻟﻲ ﺷﻨﻮ
ﻳﻌﻨﻲ ﻣﻔﺘﻮﺡ ﺍﻟﻲ ﺷﻠﺖ ﺍﻟﻤﺤﻞ ﻭﻃﻠﻌﺖ ﺗﻨﺠﻠﻂ ﻏﻴﺮ ﺧﺮﺑﻮ ﺿﺤﻚ ﻛﺎﻝ ﻭﺗﺪﻟﻠﻴﻦ ﻭﺗﺴﺘﺎﻫﻠﻴﻦ ﻗﻠﻴﻞ ﺑﺤﻘﺞ ﺃﻣﺔ ﺗﺒﺎﻭﻉ ﻋﻠﻴﻪ
ﻋﺎﺩ ﻛﺘﻠﻪ ﺣﺪ ﻭﻳﻦ ﻛﻮﻝ ﻛﺎﻝ ١٠ ﻣﻼﻳﻦ ﻭﺍﺫﺍ ﺗﺮﻳﺪﻳﻦ ﺍﻛﺜﺮ ﺑﺮﺍﺣﺘﺞ ﻛﺘﻠﻪ ﻻ ﺍﺻﻼ ﻫﺎﻱ ﻫﻮﺍﻳﻪ
ﻋﺎﺩ ﺍﻟﻲ ﺍﺷﺘﺮﻳﺘﻬﻦ ﻛﻠﻬﻦ ﺳﻮﻥ ﻣﻠﻴﻮﻧﻴﻦ ﻛﺘﻠﻬﻢ ﺑﻜﻴﻔﻜﻢ ﺑﻌﺪ ﺍﻧﻲ ﻣﺎ ﺍﺧﺬ ﺭﺩﺕ ﻋﻤﺘﻲ ﻛﺎﻟﺖ ﻭﺍﻧﻲ ﺍﺑﻨﻲ ﺿﺎﺑﻂ ﺍﻃﻠﻌﺞ ﻛﺪﺍﻡ ﺍﻟﻌﺎﻟﻢ ﻣﺸﺘﺮﻳﻪ ﺧﺮﻛﺘﻴﻦ
ﻋﺎﺩ ﺍﺷﺘﺮﻱ ﺑﺨﻤﺴﻪ ﺑﺄﺭﺑﻊ ﻣﻼﻳﻴﻦ ﻛﺘﻠﻬﺎ ﺧﺎﻟﻪ ﺍﻧﻲ ﻣﺎ ﺭﺩﺕ ﺍﻛﻠﻔﻜﻢ ﻭﺑﻜﻴﻔﻜﻢ ﺑﻌﺪ ﺍﺫﺍ ﺗﺮﻳﺪﻭﻥ ﺍﻧﺘﻮ ﺍﺧﺬﻭ
ﻛﺎﻡ ﻳﻮﺳﻒ ﻛﺎﻝ ﺍﻧﻲ ﺍﺧﺘﺎﺭﻟﺞ ﺗﺨﻢ ﻛﺘﻠﻪ ﺑﺮﺍﺣﺘﻚ ﺍﺧﺬﻟﻲ ﻭﺍﺣﺪ ﺏ٩ ﻣﻼﻳﻴﻦ ﻣﻘﺒﻠﺖ ﻭﺣﺘﻰ ﺃﻣﺔ ﻣﺜﻞ ﺍﻟﻀﺎﺟﺖ
ﻻﻥ ﺻﺎﺭ ﺑﺄﻛﺜﺮ ﻣﻦ ١٠ ﻣﻼﻳﻦ ﻭﻛﺘﻠﺔ ﺍﺭﺟﻊ ﺍﻟﻲ ﺍﺷﺘﺮﻳﺘﻬﻦ ﺍﻧﻲ ﻛﺎﻝ ﺍﻣﺎﻧﻪ ﺍﻟﻠﻪ ﺑﺲ ﺗﺮﺟﻌﻴﻬﻦ ﻣﺎ ﺍﺣﺠﻲ ﻭﻳﺎﺝ
ﻋﺎﺩ ﺧﺎﻟﺘﻲ ﻛﺎﻟﺖ ﺑﻜﻴﻔﻬﻢ ﺧﺎﻟﻪ ﺧﻠﻴﻬﻢ ﺍﺣﻨﻪ ﻣﻌﻠﻴﻨﻪ ﻭﺑﻜﻴﻔﻬﻢ ﺑﻌﺪ ﻋﺎﺩ ﺳﻜﺘﺖ ﻳﻮﺳﻒ ﺟﺎﻥ ﺃﻫﻠﻪ ﻫﻢ ﻧﺎﺱ ﺭﺍﻗﻴﻦ ﺑﺲ ﺃﻣﺔ ﻭﺍﺧﺘﻪ ﻣﺤﺠﺒﺎﺕ
ﻭﺃﺑﻮ ﺩﻛﺘﻮﺭ ﻭﺃﺧﻮ ﻣﻬﻨﺪﺱ ﻭﺍﺧﺘﻪ ﺗﺪﺭﺱ ﻗﺎﻧﻮﻥ ﻳﻌﻨﻲ ﻋﺎﺋﻠﻪ ﻛﻠﻬﺎ ﺷﻬﺎﺩﺍﺕ ﺑﺲ ﺃﻣﺔ ﺭﺑﺔ ﺑﻴﺖ
ﻭﻋﺪﻫﻢ ﻛﻮﻣﺔ ﺍﻣﻼﻙ ﻭﺭﺍﻗﻴﻦ ﻭﻃﺎﻛﻴﻦ ﻣﺜﻠﻨﻪ ﻭﺍﻟﺤﻤﺪﻟﻠﻪ ﻋﺎﺩ ﺑﻌﺪ ﻣﺎ ﺍﺷﺘﺮﻳﺘﻪ ﺫﻫﺐ ﻭﻛﻤﻠﻨﺔ ﻭﺍﺧﺬﻧﻪ ﻟﻴﻮﺳﻒ ﺣﻠﻘﺘﻴﻦ ﻓﻀﺔ ﻭﺫﻫﺐ
ﺭﺣﻨﻪ ﻧﺤﺠﺰ ﺑﺪﻟﻪ ﻭﺻﻠﻨﻪ ﻛﺘﻠﻬﻢ ﺍﺭﻳﺪ ﻓﺴﺘﺎﻥ ﻫﻢ ﻳﺼﻴﺮ ﻣﻨﻔﻮﺵ ﺑﺲ ﻣﻮ ﻣﺜﻞ ﺍﻟﺒﺪﻟﺔ ﻳﻮﺳﻒ ﻛﺎﻝ ﺑﺮﺍﺣﺘﺞ
ﺍﺧﺘﺎﺭﻳﺖ ﻓﺴﺘﺎﻥ ﺑﺲ ﻳﻮﺳﻒ ﻃﻠﺐ ﻳﻜﻮﻥ ﻣﻤﻠﺒﻮﺱ ﻳﻌﻨﻲ ﻳﻄﻠﻌﻪ ﻣﻦ ﺍﻟﻐﻼﻑ ﻭﺍﻧﻲ ﺍﻟﺒﺴﻪ ﻋﺎﺩ ﺍﺧﺘﺎﺭﻳﺖ ﻭﺍﺣﺪ ﻛﻠﺶ ﺣﻠﻮ ﻳﺼﻴﺮ ﻣﻦ ﻓﻮﻙ ﻋﺎﻟﺠﺴﻢ ﻭﻣﻦ ﻳﻢ ﺍﻟﻤﺤﺰﻡ ﻳﻨﻔﺶ ﻣﻦ ﺍﺧﺘﺎﺭﻳﺘﻪ ﻳﻮﺳﻒ ﻛﺎﻝ ﺗﺸﺘﺮﻱ ﻣﺘﺎﺟﺮﻱ ﺭﺩﺕ ﺗﻮﺳﻠﺖ ﺑﻲ ﺍﻳﺠﺎﺭ ﻣﻘﺒﻞ ﻛﺎﻝ ﻳﺒﻘﻰ ﺫﻛﺮﻯ ﻋﻠﻤﻮﺩ
ﻭﺭﺍﻫﺎ ﻋﻤﺘﻲ ﻛﺎﻟﺖ ﻋﻠﻰ ﺣﺠﺰ ﺍﻟﺼﺎﻟﻮﻥ ﻛﺘﻠﻬﺎ ﺍﻧﻲ ﺍﺣﺠﺰ ﻳﻢ ﺍﺭﻳﺪﻭ ﻻﻥ ﺍﻧﻲ ﻫﻨﺎﻙ ﻛﻞ ﺷﻲ ﺍﺳﻮﻱ ﻋﺪ ﺍﺭﻳﺪﻭ
ﻳﻮﺳﻒ ﻛﺎﻝ ﻭﻳﻦ ﻳﻌﺠﺒﺞ ﺑﻜﻴﻔﺞ ﺍﻧﺘﻲ ﺃﻣﺔ ﺷﻮﻱ ﺿﺎﺟﺖ ﻻﻥ ﻣﺎ ﺍﺧﺬﺕ ﺷﻲ ﻋﻠﻰ ﺫﻭﻗﻬﺎ ﺍﻭ ﺑﺴﺒﺐ ﻳﻮﺳﻒ ﻛﻠﻪ ﻳﻜﻮﻝ ﻋﻠﻰ ﺫﻭﻗﺞ
ﺍﺧﺘﻪ ﺗﻜﻮﻝ ﺑﻜﻴﻔﺞ ﺍﻧﺘﻲ ﺍﻟﻌﺮﻭﺱ ﻋﺎﺩ ﻛﻤﻠﻨﻪ ﻭﺭﺟﻌﻨﻪ ﻟﻠﺒﻴﺖ ﺷﻮﻓﺖ ﺍﻟﻐﺮﺍﺽ ﻟﻤﺎﻣﺎ ﻭﻓﺮﺣﺎﻧﻪ ﻃﺎﻳﺮﻩ ﻣﻦ ﺍﻟﻔﺮﺡ ﺧﺎﻟﺘﻲ ﺑﻘﺖ ﻋﺪﻧﺔ
ﻭﺍﺟﺘﻲ ﺑﺘﻬﺎ ﺻﺒﺎ ﻭﺭﺟﻞ ﺧﺎﻟﺘﻲ ﻭﻛﻌﺪﻧﻪ ﻧﺴﻮﻟﻒ ﻭﺑﺎﺭﻛﻮ ﺍﻟﻲ ﺑﺲ ﻣﺼﻄﻔﻰ ﻣﺎﻛﻮ ﻛﺎﻟﻮ ﻃﺎﻟﻊ ﻣﻦ ﺍﻟﻌﺼﺮ
ﺻﺒﺎ ﺗﻜﻮﻝ ﻣﺼﻄﻔﻰ ﺿﺎﻳﺞ ﻭﻣﻘﻬﻮﺭ ﻭﺻﺎﺭ ﺍﻋﺼﺎﺏ ﻣﻦ ﺩﺭﺓ ﻣﻬﺘﻤﻴﺖ ﺍﻟﻪ
ﺭﺟﻞ ﺧﺎﻟﺘﻲ ﻛﺎﻝ ﺍﻧﻲ ﺃﺗﻜﻔﻞ ﻳﻮﻡ ﺍﻟﻤﺸﻴﻪ ﺷﻨﻮ ﺗﺤﺘﺎﺟﻮﻥ ﻭﺍﺟﻲ ﻣﻦ ﺍﻟﺼﺒﺢ ﻭﺣﺘﻰ ﺍﻟﻤﻌﺎﺯﻳﻢ ﺍﺫﺍ ﺗﺮﻳﺪﻭﻥ ﺍﻧﻲ ﺃﻋﺰﻡ
ﻛﻠﺘﻠﻪ ﺑﺎﺟﻲ ﻣﺘﻘﺼﺮ ﺍﺑﻮ ﻣﺼﻄﻔﻰ ﺑﺲ ﻧﺮﻳﺪﻙ ﺗﺤﺠﺰ ﺍﻟﻨﻪ ﻛﻴﻚ ﺟﺎﻫﺰ ﻗﻄﻊ ﻭﻛﻴﻜﺔ ﺍﻟﻌﺮﻭﺱ ﺗﺨﺘﺎﺭ ﺷﻜﻠﻬﺎ ﺯﻣﺮﺩ ﻭﺗﻮﺻﻲ ﻳﺴﻮﻭﻫﺎ ﻣﺜﻞ ﻣﺘﺮﻳﺪ
ﻛﺎﻟﺖ ﻫﺎﻱ ﻫﺪﻳﻪ ﻋﻘﺪ ﺍﻟﻘﺮﺍﻥ ﻣﺎﻟﺘﺞ ﺍﻟﻜﻴﻚ ﻭﺍﻟﻠﻔﺎﺕ ﻭﺍﻟﻌﺼﺎﻳﺮ ﻭﻛﻠﺸﻲ ﻣﻨﻲ ﻫﺪﻳﻪ
ﻛﺘﻠﻬﺎ ﺗﺴﻠﻤﻴﻦ ﻛﻠﺘﻠﻪ ﺟﻴﺐ ٣٠٠ ﻗﻄﻌﻪ ﻻﻥ ﺍﻛﻴﺪ ﻫﻮﺍﻱ ﻋﺎﻟﻢ ﻳﺠﻮﻥ ﻭﺍﺫﺍ ﻣﺎ ﻛﻔﻰ ﻧﺠﻴﺐ ﺑﻌﺪ ﻋﺎﺩ
ﻭﺻﺖ ﻟﻔﺎﺕ ﻛﺺ ﻭﻛﺒﺎﺏ ٣٠٠ ﻭﺍﻟﻜﻴﻚ ٣٠٠ ﻭﺍﻟﻌﺼﺎﻳﺮ ٣٠٠ ﻛﺘﻠﻬﺎ ﺍﺣﻨﻪ ﻣﻨﻌﺰﻡ ﻭﻫﺬﺍ ﻫﻮﺍﻱ ﻛﺎﻟﺖ ﺍﻧﺒﻠﻪ ﻧﻌﺰﻡ ﻭﺍﻧﻲ ﻣﺘﻘﺼﺪﺓ ﺍﻋﺰﻡ
ﻛﻠﻠﻬﺎ ﺭﺟﻞ ﺧﺎﻟﺘﻲ ﺍﺭﻭﺡ ﻓﺪﻭﺓ ﻟﻌﻤﺘﻲ ﻣﻦ ﺗﻜﻮﻡ ﺗﺨﻄﻂ ﺧﺮﺑﻨﻪ ﺿﺤﻚ
ﻋﺎﺩ ﺛﺎﻧﻲ ﻳﻮﻡ ﺩﺍﻭﻣﺖ ﺑﺎﻟﻜﻠﻴﻪ ﻭﻣﻜﻠﺖ ﻻﺣﺪ ﺑﺲ ﺻﺪﻳﻘﺎﺗﻲ ﻭﻛﺘﻠﻬﻦ ﻣﻌﺰﻭﻣﺎﺕ ﻋﻜﺐ ﺑﺎﺟﺮ ﻋﻠﻰ ﻋﻘﺪ ﺍﻟﻘﺮﺍﻥ
ﻋﺎﺩ ﺧﺎﺑﺮﻧﻲ ﻳﻮﺳﻒ ﻛﺎﻝ ﺍﻧﺘﻲ ﺑﺎﻟﻜﻠﻴﻪ ﻛﺘﻠﻪ ﺍَﻱ ﻛﺎﻝ ﺟﺎﻳﺞ ﻟﻌﺪ ﺳﺪﻳﺘﻪ ﻣﻨﻪ ﻭﻛﻌﺪﺕ ﻳﻢ ﺻﺪﻳﻘﺎﺗﻲ ﺑﺎﻟﻜﺎﻓﺘﺮﻳﺎ ﺑﻴﻦ ﻣﺎ ﺍﺟﻰ ﺗﺮﺧﺺ ﻣﻨﻬﻦ ﻭﺭﺣﺖ ﻭَﻳَﺎ
ﻭﺍﺟﻰ ﺑﻤﻼﺑﺴﻪ ﺍﻟﻌﺴﻜﺮﻳﺔ ﻳﻤﺎﻱ ﻳﻤﻮﺕ ﻃﺎﻟﻊ ﻭﻛﺎﻋﺪ ﻳﻤﻲ ﻭﺍﻟﻜﻠﻴﻪ ﻛﻠﻬﺎ ﺗﺒﺎﻭﻉ ﻋﻠﻴﻨﻪ
ﻛﺎﻝ ﺯﻣﺮﺩ ﺗﺮﻩ ﺣﺴﻮﻱ ﺍﻟﻌﻘﺪ ﺑﺎﻟﻘﺎﻋﺔ ﻛﺘﻠﻪ ﻟﻴﺶ ﻛﺎﻝ ﻫﻮﺍﻱ ﻧﺎﺱ ﻋﺰﻣﺖ ﻭﺃﺻﺪﻗﺎﺋﻲ ﺍﻟﻈﺒﺎﻁ ﻛﻠﻬﻢ ﺣﺘﻰ ﻣﻦ ﺧﺎﺭﺝ ﺍﻟﻤﺤﺎﻓﻀﻪ ﺍﻛﺜﺮ ﻣﻦ٢٠٠ ﻭﺍﺣﺪ ﺣﻴﺠﻮﻥ ﻣﺎ ﻋﺪﺍ ﻛﺮﺍﻳﺒﻲ ﺍﻟﻨﺴﻮﺍﻥ ﻫﺬﺍ ﻛﻠﺔ ﻭﻳﻦ ﻧﻜﻌﺪﻩ ﻛﺘﻠﻪ ﺑﺮﺍﺣﺘﻚ ﻳﻮﺳﻒ ﺍﻟﻲ ﻳﻌﺠﺒﻚ ﺳﻮﻱ
ﻛﺎﻝ ﺍَﻱ ﻣﻮ ﻛﻠﺖ ﺩﺍﻛﻠﺞ ﺧﺎﻑ ﻣﺘﺮﺿﻴﻦ ﻛﺘﻠﻪ ﻻ ﻟﻴﺶ ﻣﺎ ﺍﺭﺿﻰ ﺻﺪﻙ ﻳﻌﻨﻲ ﻭﻳﻦ ﺗﺤﻄﻬﻢ ﻟﻌﺪ ﻭﺑﻌﺪﻳﻦ ﺍﻛﻮ ﻭﺣﺪﺓ ﻋﺮﺳﻬﺎ ﻭﻋﻘﺪ ﻗﺮﺍﻧﻬﺎ ﺑﻘﺎﻋﻪ ﻭﻣﺘﺮﺿﻰ ﺿﺤﻚ
ﻛﺎﻝ ﻣﻮ ﺍﻛﻮﻝ ﺍﻧﺘﻲ ﻃﺒﺎﻛﺎﺕ ﺧﺎﻑ ﻣﺘﺮﺿﻴﻦ ﻋﻘﺠﺖ ﺣﻮﺍﺟﺒﻲ ﻛﺘﻠﻪ ﻟﻴﺶ ﺷﻨﻮ ﻣﺨﺒﻠﻪ ﺍﻧﻲ ﻛﺎﻝ ﻭﺍﺭﻭﺡ ﻓﺪﻭﻩ ﻟﻬﻴﺞ ﻣﺨﺒﻠﻪ ﺍﻧﻲ ﺿﺤﻜﺖ
ﻋﺎﺩ ﻛﺘﻠﻪ ﺑﺲ ﺗﺮﻩ ﺑﻴﺒﻲ ﻭﺻﺖ ﻭﺣﺠﺰﺕ ﺍﻟﻜﻴﻚ ﻭﺍﻟﻌﺼﺎﻳﺮ ﻭﺍﻷﻛﻞ ﻟﻌﺪ ﺷﻠﻮﻥ ﺗﻔﺎﺟﺄ ﻛﺎﻝ ﻟﻴﺶ
ﻛﺘﻠﻪ ﻫﺪﻳﻪ ﻋﻘﺪ ﺍﻟﻘﺮﺍﻥ ﺗﻜﻮﻝ ﻛﺎﻝ ﻋﻴﺐ ﺫﻧﻲ ﺍﻧﻲ ﻻﺯﻡ ﺍﺟﻴﺒﻬﻦ ﻛﺘﻠﻪ ﻻ ﻣﻮ ﻋﻴﺐ ﻭﺍﺻﻼ ﻫﻴﻪ ﺣﺠﺰﺕ
ﻛﺎﻝ ﻳﻠﻪ ﻣﻮ ﻣﺸﻜﻠﺔ ﺍﺗﻔﻖ ﻭﻳﺔ ﺍﺑﻮ ﺍﻟﻘﺎﻋﺔ ﺍﻛﻮﻟﺔ ﺍﺣﻨﻪ ﻧﺠﻴﺐ ﺍﻻﻛﻞ ﻭﻫﺎﻱ ﺍﻟﺴﻮﺍﻟﻒ ﻛﺘﻠﺔ ﺗﻤﺎﻡ ﻟﻌﺪ
ﻛﺎﻝ ﺍﻭﻑ ﻫﻢ ﻳﺠﻲ ﻳﻮﻡ ﺍﻟﺠﻤﻌﺔ ﻣﻮ ﺭﺍﺡ ﺍﻃﻚ ﺍﺳﺘﺤﻴﺖ ﻣﻨﺔ ﻛﺘﻠﻪ ﺍﻛﻠﻚ ﺍﻧﺘﻪ ﻳﻮﻣﻴﺔ ﺟﺎﻱ ﻣﺎ ﻋﻨﺪﻙ ﺩﻭﺍﻡ ﺑﺎﻟﻠﻪ ﻛﺎﻝ ﺗﺪﺭﻳﻦ ﺣﺘﻰ ﺍﺟﺎﺯﻩ ﺩﺍﺧﺬ ﻣﻦ ﻭﺭﺍﺝ
ﺍﻟﺴﺎﻳﻖ ﻣﺎﻟﺘﻲ ﻭﺍﻟﻤﺴﺎﻋﺪ ﻳﻜﻮﻝ ﺳﻴﺪﻱ ﺻﺎﻳﺮ ﻇﺎﺑﻂ ﻣﻬﻤﻞ ﺿﺤﻜﺖ ﺿﺤﻜﺔ ﺍﻻ ﻣﺎ ﻣﺘﺖ ﻛﺘﻠﻪ ﺍَﻱ ﻭﺍﻟﻠﻪ ﺣﺠﻰ ﺍﻟﺤﻖ ﺿﺒﺎﻁ ﺍﺧﺮ ﻭﻛﺖ ﻛﺎﻝ ﻏﻴﺮ ﺍﻟﻔﺨﺮ ﺍﻟﺞ
ﻛﺘﻠﺔ ﺍﻧﻲ ﺷﻌﻠﻴﻪ ﻋﺎﺩ ﻛﺘﻠﻪ ﻭﺍﻧﻲ ﺻﺎﺭ ﻧﺺ ﺷﻬﺮ ﻛﻢ ﺃﺟﺎﺯﻩ ﺍﺧﺬﺕ ﻭﺗﻐﻴﺒﺖ ﻛﺎﻝ ﺍﻧﻲ ﻣﻦ ﻭﺭﺍﺝ ﺍﻧﺘﻲ ﺷﻜﻮ
ﻛﺘﻠﺔ ﺗﺼﺎﺩﻑ ﻋﻨﺪﻱ ﺿﺮﻭﻑ ﻭﺍﻣﻮﺭ ﻭﺍﺿﻄﺮ ﺍﺧﺬ ﺍﺟﺎﺯﺓ ﺍﻧﻲ ﻭﺍﺣﺠﻲ ﻭَﻳَﺎ ﺩﻙ ﺍﻟﻤﻘﺎﻭﻝ
ﻳﺘﺒﻊ ........
ﻃﺒﻌﺎ ﺍﻟﺒﺎﺭﺣﺔ ﺑﻠﻴﻞ ﻛﻌﺪﺕ ﺍﻛﺘﺐ ﺍﻟﺒﺎﺭﺕ ﻭﻏﺎﻓﻴﻪ ﻭﺍﻭﻛﻊ ﺍﻟﺘﻠﻔﻮﻥ ﻣﻦ ﺍﻳﺪﻱ ﻭﺟﺮﻳﺘﻬﺎ ﻧﻮﻣﺔ ﻣﺎ ﻛﻌﺪﺕ ﻏﻴﺮ ﺍﻟﺼﺒﺢ 😂
ﻭﻛﻠﺖ ﺍﻟﻴﻮﻡ ﺷﻜﺪ ﺣﺠﻴﺘﻦ ﻭﺳﺒﻴﺘﻦ ﻋﻠﻴﻪ ﻫﺴﻪ ﻭﻣﻦ ﺍﻟﺼﺒﺢ ﻟﺤﺪ ﻫﺴﻪ ﺍﺭﻳﺪ ﺍﻛﻤﻞ ﺍﻟﺒﺎﺭﺕ ﻭﺍﻧﺸﺮﻩ ﻣﺎ ﺩﺍﻓﺮﻍ ﻻﻥ ﺍﻟﻴﻮﻡ ﺍﻟﺴﺎﺑﻊ ﻣﺎﻝ ﻣﺮﺕ ﺧﺎﻟﻲ
ﻋﻠﻴﻜﻢ ﺍﻟﻌﺒﺎﺱ ﺍﺑﻮ ﻓﺎﺿﻞ ﺍﻋﺬﺭﻭﻧﻲ ﻭﺳﺎﻣﺤﻮﻧﻲ ﺍﻟﻨﻮﻡ ﻏﻠﺒﻨﻲ ﻭﺧﻠﻴﺘﻜﻢ ﺑﺪﻭﻥ ﺑﺎﺭﺕ
ﻭﺣﺎﻟﻴﺎ ﺍﻧﻲ ﺧﺎﺗﻠﻪ ﺟﻮﻩ ﺍﻟﺒﻄﺎﻧﻴﺔ ﻋﺴﺎﺱ ﺗﺨﺮﺑﻄﺖ ﻋﻠﻤﻮﺩ ﺍﻛﻤﻞ ﺍﻟﻜﻢ ﺍﻟﺒﺎﺭﺕ
ﺍﺣﺠﻮﻟﻲ ﺷﻨﻮ ﺭﺃﻳﻜﻢ ﺑﺎﻟﻲ ﺳﻮﺗﻪ ﺯﻣﺮﺩ ﻟﺨﺎﻃﺮ ﺍﻡ ﻋﻠﻲ
🌺🌺🌺🌺🌺