-
يصحى عدي من صوت منبه ساري و يشوف ساري نايم فالعميق و نفسه منتظم و شفايفه متطابقه ببعضها، و الجرح الطويل فخده مخيط مع كذا كدمه فوجهها واضحه، وجبينه معرق ناحية شعره، يسحب تليفون ساري يسكر المنبه، و يبعد ساري عن حظنه
"ساريي ساري" يهز كتفه و يشوف سرير غسان نايم فيه
"ساريي اصحى" يصحيه و يفتح ساري عيونه بالبطئ "اختبارك لا تتأخر عليه طق منبهك" يقول له و يفرك ساري عينه بكسل مافي حيل يقوم "اسف سهرتك امس لليل اسف" يبوس عدي خده
"مصحصح مصحصح الحين بصحى اروح اختبر" يقول له صاحي من فراشه و يفقد توازه و يمسكه عدي بسرعه من ظهره
"ويين تقول لي مصحصح؟" يسأله و يبعد ساري عنه
"ارتبط ذا الزق برجلي" يبعد ساري البطانيه عن رجله و يصحى من مكانه عدي عينه على جسم ساري، و البوكسر كيف ضيق عليه، يسحب ساري فوطته و يدخل للحمام، و عدي يرجع ينام مغطي نفسه نايم على بطنه
-
يجهز ساري و يروح لطاولته ياخذ نظارته يلبسها و شايف بس شعر عدي طالع من البطانيه، يقرب منه بايس راسه، يرفع عدي راسه يشوف ساري لابس نص كم و بنطرون اسود قطني و يطلع من الغرفه ساحب تليفونه و جنطته الظهر بيده الثانيه كتابه، الجو برد شوي، يرجع عدي ينام بعد ساعتين يخلص ساري من اختباره عنده وقت يشبع نوم
-
طلع ساري من الاختبار و هو نفسيته زق ما فهم شي و الدكتور جايب اسأله مو مباشره من برا الكتاب بعد، عذره اللي دارس بيفهم!، يروح للمكان اللي اتفق يشوف عدي فيه بعد الاختبار، و هو يرجف من البرد، عدي معطيه ظهره لابس جاكيت اسود و بنطرون كحلي قطني و عدي قدامه لابس بلوفر ازرق و شورت قطن رمادي
يقعد جنب عدي فاصخ جنطته من ظهره و شايفين وجهه المنفس "وش فيك؟" يسأله غسان و عدي شايف ساري يفرك يدينه ببعضها و يطلع جاكيت زايد جايبه له
"الاختبار خرا" يرد بعصبيه و عدي يلبسه الجاكيت و يلبسه ساري مدخل يده فيه و يسكره من قدام
"ليش كيف تقديمك؟" يسأله عدي
"خراا كله خرا بخرا اي شي اي زق اكتبه" يرد بضيقة خلق و عدي شايف ساري يرجف من البرد و ضام تفسه فالجاكيت
"بشتري لك هوت تشوكلت و اجي" يقول له قايم من مكانه رايح للقهوه قدامهم
"كل الطلبه معك ولا بس لانك مو دارس عدل؟" يسأله غسان
"كلهمم كلهم قالوا الاسئله جايبها من دكتور ثاني مب كتاب ذكتورنا طيب؟ قال ماله دخل هي ماده نفسها اللي دارس دارس يلعن اصله" يرد منقهر
"اشتكوا عليه ترى مو من حقه ياخذ اختبار دكتور ثاني ماله حق لا تصير غبي و اشتكي درجاتك ذي" يقول له و ساري يفكر فيها بس ماله دخل بالمشاكل معه و يحقد عليه
"عندك اختبار ثاني؟" يسأله غسان
"اي بعد بكرا انقليزي" يجاوبه و هو يحرك يده على فخوذه شايف كوب هوت تشوكلت حاره تنحط قدامه و يقعد عدي جنبه حاط يده ورا كرسي ساري "شكراً" يشكره ساري و ياخذ الكوب ماسكه يدفي يده على ما تبرد شوي و يقدر يشربها
"قدم زين فاختبارك الجاي و هذا اتوقع عليه ٥٪ بس من درجاتك لا تفكر كثير" يقول له ساري و هو يدخل يده برقبة ساري من ورا و يدلكها له عالخفيف
"وش جديدك فويل؟" يسأل غسان موجه السؤال لعدي
"مدري ليلحين افكر وش اسوي فيه بخليه يرتاح شوي و برجع له" يرد و ساري يقلب عينه
"عديي الله يخلييك الله يخليييك خلاص انهي الموضوع" يقول له يبعد يد عدي عن رقبته
"قلت لك انهيه لما يجي يعتذر" يرد ببرود
"مابيه يعتذر كيف يعني؟ جد مابيه يعتذر ولا اشوف رقعة وجهه بس ابيه يظف وجهه بعيد عني بس" يقول له و يهز عدي راسه
"طيب بس انا ما اشفيت غليلي كيف يعني؟" يرد و غسان يشرب قهوته يسمع لهم
"لا تشفيه مب شرط!! على زق هالويل بلعنه تلعن من جاب اهله بس ادري فيك لو تضرب بتنسى عمرك متعه عندك الضرب و بتدخل فالسجن و ان سويتها والله والله يا عدي ازعل منك جدد" يهدده ساري و يتنهد عدي ما يقدر يعارضه
"طيييب طيبب ماراح اتعرض له" يرفع يده كاستسلام و يرتاح ساري يرجع لوضيعته فقعدته و يشرب مشروبه الحار
"اعترفتوا لبعض انتوا؟" يسألهم غسان مو فاهم شي و عدي يخزه يبيه يسكت
"بــوش؟" يسأله ساري مجعد حاجبه
"انكم تحبون بعض!" يرد غسان مو شايف عدي، و ساري يطالع فعدي اللي عدل وجهه بسرعه
"مااا نحب بعض" يقول له عدي و ساري يطالع فغسان
"ممكن افهم ليش غصب كلكم تشبكونا فبعض؟" يسأله و عدي حاس ان ساري جد ما يفكر يكون وياه بهالطريقه و بس يلهي عمره و يضيع وقته معاه
"لانكم حلوين مع بعض!! ولان واضح تحبون بعض بس تستهبلون يلعن ام جوكم" يرد غسان متنرفز
"طيب ليش بكذب اذا احب عدي؟ اذا احبه بعترف له بس ما احبه بهالطريقه انا و عدي مره قراب من بعض بس ما يعني غصب نحب بعض حتى هو قال لك ما يحبني خلاص بالله بطلوا هالسيره" يرد منهي الموضوع و عدي يلعب بفمتاح سيارته ما تكلم و يوم عن يوم يحمد ربه انه ما اعترف لساري و بيظل الوضع مثل ما اهوا ماراح يعترف له
"طييب كيفك" يرد غسان و هو يطالع عدي شاغل نفسه و هو يلوي شفايفه "المهم انا بروح عندي محاضره" يسحب غسان كتبه و يوقف رايح لقاعته
"عدي انت تحبني؟" يسأله ساري و عدي يطالع فيه و قلبه نبضاته زادت مليوون و حس بفمه جف من داخل من التوتر
"اكيد بس مو بذي الطريقه يعني قايل له انا مالي فالسوالف" يرد بسرعه و يهز ساري راسه
"كويس" يتنهد براحه و يشرب مشروبه الحار يكمله و عدي يلعن اللحظه اللي غسان تكلم فيها، بس لو ما تكلم غسان؟ كان مثل الغبي اعترف له و بينرفض منه! اول حب له ينرفض منه!
ظلوا اثنينهم ساكتين مو عارفين شنو يقولون، ساري ريح راسه من هالسيره و عدي بقلبه كلام يتكلم
"لكن اذا ما تحبني وش تسمي اللي تسويه؟" يسأل عدي و يطالعه ساري و بهاللحظه عدي تمنى لو احتفظ السؤال لنفسه
"وش اسوي؟" يسأله ساري
"تبوسني و تطلب تنام فحضني تخاف علي تبي تبقى معي طول الوقت ثامر جاك و رفضته لاني عندك؟ وش اسميه؟" يسأله عدي
"سألت نفس السؤال و وش قلت؟ قلت اصدقاء صح؟ فلا تعقد المواضيع عدي خلنا اصدقاء" يرد عليه
"هذا جوابي انا انت وش تسميه؟" يسأله عدي من جديد
"ما كان عندي جواب ولا فاهم الوضع ولا فاهمنا احنا وش بيننا عند الناس كلهم احنا حبايب بس بيني و بينك نسوي اشياء و خل نكون صريحين اللي نسويه الحبايب بس يسوونها الاصدقاء مالهم فهالحركات و نقول للي حولنا احنا اصدقاء بس و لا انا ولا انت فاهمين انا وش موقعنا فالاعراب" يرد ساري بصراحه
"انت وش تبيها تكون؟" يسأله عدي
"صداقه" يرد ساري بصراحه
"يعني نوقف كل ذا؟ لان الاصدقاء ما يسوون ذي الحركات" يقول له عدي يعيد كلام ساري
"براحتك" يرفع ساري كتفه و هو عينه على كوبه يحرك بيده يمين و يسار
"طيب" يهز عدي راسه و يوقف من مكانه مبعد عن ساري، و مسح ساري وجهه بكفة يده و هو يلعن هاليوم كيف خايس مره!!!
"وينهم؟" يقعد مازن قباله و يطالعه ساري و مبين من وجهه انها قافله معه
"مدري" يرد باختصار
"وش فيك؟" يسأل مازن
"ولا شي" يهز راسه و يوقف رايح للسكن و نفسيته قافله معه لاخر اليوم ما يبي احد يكلمه
يصعد لغرفته و يدخلها فاصخ جاكيت عدي و يرميه على السرير و ينسدح كارهه الساعه اللي جا فيها للندن!!
-
تمر الايام بدون لا يصير اي شي بين ساري و عدي كلام سطحي حالهم حال اي صديق عادي، و عدي كارهه هالشي مو قادر يمسك نفسه ما يحظنه و يبوسه و ينام فحظنه، لكن الايام اللي عاشها بدون ساري قبل لا يعرفه يقدر يعيشها من جديد مو ميت بدونه!!
يشوفون بعض بالايام قليل و عادي يمر يوم كامل محد فيهم يشوف الثاني، ولا يتصلون حتى، ساري انشغل بدراسته يحاول يتناسى عدي، و هو يتجاهل شعور الشوق اللي فقلبه، عدي استغل هالفرصه بأنه يبيع مخدرات اكثر، و كل ماله يجني من الفلوس اكثر يحطهم فالجنطه تحت سريره و له جنطتين كاملين كلها فلوس و يبي له جنطه ثالثه
"امش يلا لا تصير تافهه" يحن غسان على ساري و ساري رافض يروح يبي يدرس، و كأنها الايام الاولى له تنعاد
"بدرس غسان مابي" يرفض بكذبه سببه الرئيسي انه ما يبي يشوف عدي، لو يشوفه بيعرف انه راح يضعف و بيرجع له ما يبي يرجع له يبي الشعور فقلبه يختفي
"ياااا غثككك ياا غثك" يرد غسان طالع من الغرفه و يشوف عدي توه بيفتح الباب
"خلصت؟" يسأله عدي و ساري فز قلبه هذه اول مره يسمع فيها صوته من ايام!!
"اي مشينا" يرد عليه غسان طالع من الغرفه و يسكر الباب وراه و ساري يرمي القلم عالارض و يشد على شعره كارهه هاللشعوورر!!!
ينتبه لتليفون غسان و يلعنه هالغبي و ياخذه بسرعه يركض برا
"غساانن غسان" ينزل له بالدرج بسرعه و قلبه بيطيح بمكانه من شكل عدي! كيف شكله مره حلو!! يبعد عدي عنهم رايح للسياره من غير لا يشوف ساري حتى و ساري عينه عليه لحد ما اختفى من عينه و غسان يصعد له
"ثانكييوووو يا النفسيه" ياخذه منه نازل من الدرج و يقعد ساري بمكانه يطالع فسيارة عدي غسان يركب فيها و تبعد عن عيونه
تحبه يا ساري؟ تحب عدي؟ مشتاق لصوته مشتاق لضحكته و حظنه، مو عارف ينام الليل الا و حط وساده متظاهر بأنها صدر عدي اللي ينام عليه
يوقف من مكانه رايح لغرفته و يشوف ثامر قاعد على فراش غسان
"كيف دخلت؟" يسأله بصدمه
"الجامعه لها ابواب كثيره يا ساري ولا نسيت؟" يبتسم له رافع حاجبه
"وش تبي ثامر؟" يسأله ساري متأزم منه
"تسامحني بس بس ابيك تسامحني" يقول له و يهز ساري راسه
"طيب طيب مسامحك اطلع برا" يأشر عالباب
"لا تسلك لي!! حسسني انك جد مسامحني ساري حس فتأنيب الضمير اللي انا عايشه" يرد عليه
"لا شكراً مابي احس بشي و قلت لك مسامحك ثامر بعد بالطيب لا تنجر مثل الكلب برا" يقول له بنفسيه و ثامر يوقف من مكانه
"يعني مسامحني جد؟" يسأله
"اي" يهز راسه و يطلع ثامر برا و يوقف ساري صافق الباب بقوه مسكره وراه
"يلعن اصلك فاضي لك انا احس باحساسك؟؟ كافي عندي مليون الف شعور مو عارف افسره" يتحلطم مع نفسه و ينسدح بفراشه يحاول ينام
-
يفتح عينه على ازعاج غسان و هو مشغل اغنيه و يجهز اغراضه فشنطه
"غسان ما تشوف في حيوان نايم هنا تحترمه؟" يسأله بنفسيه
"قوم يلااا بنروح للكوخ ذاك تذكره؟ بنروح كلنا" يصحيه
"متى؟" يسأله مصحصح
"الحين قوم حط ملابسك فالشنطه و تجهز البس" يرد عليه و يوقف ساري داخل للحمام يستحم عالسريع و يطلع الفوطه على خصره و يسحب شنطه من تحت سريره حاطها فوق سريره، و يسحب كل ملابسه اللي جابها فالمصبغه يدخلها فالشنطه و يحط له بوكسرات كثير و يلبس واحد ساحب بلوفر و بنطرون قطن يلبسهم و حط كاب على شعره المبلل فوقه كاب البلوفر نفسه
"خلصت؟" يدخل عدي للغرفه و ينتبه لساري اللي يلبس جوتيه
"بتجي؟" يسأله عدي و ساري نزل راسه حس نفسه مو مرغوب معهم
"اي" يرد
"طيب ترى اثنينكم بسيارتي و الباقين مع مازن" يقول لهم و يوقف ساري مخلص و غسان لبس سحب جاكيته يلبسه
"يلا خلصت" يوقفون و يسحبون جناطهم شايلينهم بكتفهم رايحين لبرا الغرفه و عدي يقفل الغرفه من برا و ينزلون اثنينهم و محد فيهم تكلم، ركب ساري ورا حاط جنطته جنبه ورا مقعد عدي و هو ورا غسان يبي يتجنب اي شي يطالعون فيه بعضهم
يركب غسان و يلبس حزامه و ياخذ الاي يو اكس يشبكه بتليفونه "اطربكم الحين" يقول لهم و محد تكلم، اثنينهم حاسين بالتوتر من وجود الثاني
طول الطريق ساكتين بس غسان اللي يغني و منطرب مع نفسه، و عدي احياناً يضحك معه و يعلق وياه، و ساري ياخذ نظرات من عدي و يبعد عينه بسرعه، ينبته لاذنه لابس فيها حلق اسود صغير، مره يلوق عليه!
"افكر اصبغ شعري اي لون اخليه؟" يسألهم غسان
"خليه طبيعي انتظره يطول و قص اطرافه انت احسن شي انك مو صابغ جذوره وردي بعد" يقول له عدي و هو يشوف شعر غسان و يطالع فالطريق من جديد
"اي قالت اومبريه مدري ايش كذا عن الصبغه المهم شكلي بنتظره يطول و اخليه عليه الطبيعي" يقول له و هو يلعب بشعره
"اي كذا احسن" يرد عدي و يكمل غسان الاغنيه و يغني معها داش جو
يوصلون و ينزل ساري شايل جنطه على كتفه و يشوف الكوخ الكبير، مرتب و شكله نظيف طابقين و فيه بلكونه واسعه يطل على بحيره "نشكر الاغنياء غسان و عدي" يتكلم مازن و يبتسم عدي و يضحك غسان ساحب جنطته
"و تقولون نترك اللي نسويه؟" يسأله غسان و عدي يسحب جنطته و ينتبه انه مو له، يفتحها و يلقى تي شيرت ساري و لعن حظه!!، يسكرها و يشوفهم كلهم دخلوا لداخل
يسكر سيارته و يدخل لداخل و يشوف ساري الجنطه على كتفه يطالع برا من الباب اللي يطل على البحيره، و في قعده حولها نار بكراسي مريحه بيضا، و مكان للشوي مع خشب على طول البحر يصف جنبه قوارب بمجدافها و سترات نجاة على جنب
"يالله احللىىىى وييكك اند" يصرخ عمر و كارلوس يفصخ تي شيرته و جوتيه و عمر يفصخ معه و يتسابقون و اثنينهم يقفزون بالماي و تحمس مازن فصخ تي شيرته رامي جوتيه ورا و يركض وراهم ى يدخل غواصي معهم
"بررردد وش جوكم؟!" يسألهم وليد
"بباااااررده المويه لا تطوفكم اخخ" يصرخ مازن و محد سمع له و كملوا يسبحون راحوا لبعيد
"ساري" يسمع صوت عدي وراه و دق قلبه ملتفت له بسرعه "ماخذ شنطتي" يقول له مأشر على الشنطه بكتف ساري، ينتبه لهالشي ساري و يعطيه الشنطه بسرعه
"ما انتبهت اسف" يتأسف بسرعه و ما علق عدي اخذ جنطته و مد جنطة ساري له
"تصدق تحمست ادخل معهم" يتنهد غسان و هو يشوفهم يسبحون بعيد
"البحيره مافيها حيوانات صح؟" يسأل ساري عنده فوبيا من البحر
"بلى البحيره مفتوحه عالمحيط فتجي احياناً اسماك قرش كذا" يتطنز غسان و صدقه ساري
"و ذول عادي عندهم؟" يسأل بصدمه
"بموسم الشتا ما تجي شوف يعني الحيوانات البحريه عندهم مبيت شتوي بعد مثل الحيوانات البريه-"
"لا تبدا تألف من طيزك تراها بحيره مغلقه مافيها حيوانات خطره بس اسماك ما تضر" يقول له عدي و هو يشد المظله فاتحها و يخز ساري غسان
"تدري انك زباله؟" يضربه على كتفه و يقرب للبحيره واقف فوق الخشب بعيد عنهم
"وش وضعكم؟" يسأل غسان ملتفت لعدي يساعده بفتح المظله الكبيره
"مافي وضع" يرد و غسان استوعب
"انت ليش تفتح المظله؟" يسأله و يتنهد عدي
"مدري مدرري ياخي مدري وش قاعد اسوي" يرد مرجع يسكرها و يبتعد عنها عينه على ساري و هو قاعد منزل رجله عالماي بس
"معقد الوضع بينكم؟" يسأله
"مرره" يتنهد ملتفت ساحب جنطته و يدخل "صحوني بليل" يصرخ صاعد للدور اللي فوق للغرف
يصعد يلقى وليد بوحده من الغرف يتكلم بالتليفون و من غير سمعه يتكلم "مافي امل لهالمرض؟.... طيب يا دكتور من وين انا اجيب ٢٠ الف ريال؟ ايي كثيره طيب لو نصف العلاج تاخذه و اكمل لك مبلغك والله اعطيك اياه" يحلف بصوت يرجف و تنهد عدي مبعد عن الغرفه داخل لوحده من الغرف من هي اللي تتعالج؟ و مازن يدري ولا لا؟ قرر ما يتدخل
-
بعد ساعه طلعوا من الماي و هم يرجفون يركضون لداخل و عمر زلق على وجهه، و كلهم التفتوا ضحكوا عليه و ظل منسدح من الالم فوجهه، رجع له كارلوس و هو يضحك ينزل له يبوس شفايفه و يوقف يسحبه يوقف معه
"شوي شوي لا تزلق" يقول له و يدفه عمر عنه و يدخلون لداخل كل واحد ساحب جنطته صاعدين لفوق
يدخل مازن الغرفه و شايف وليد يمسح على عيونه و مصدع "شفيه الحلو؟" يسأل مادن فاصخ شورته
"مصدع صاحي بدري" يرد بابتسامه له
"دايماً تصحى بدري وش الجديد؟" يسأله مازن مطلع ملابس دافيه من جنطته
"اي مدري صداع وبس" يرد رافع كتفه و مازن يفصخ بوكسره و ياخذ بوكسر ثاني نظيف يلبسه
"تنام شوي؟ و اصحيك بعد كم ساعه؟" يسأله و هو يلبس ملابسه و وليد حاس هم الكون شايله على كتفه
"مازن احظني" يطلب منه و مازن هنا تأكد ان فيه شي و قرب منه يحظنه بسرعه
"حبي قلبي وليد شفيك؟" يتكلم بهدوء و يهز وليد راسه
"مشتاق لحظنك مافيني شي" يرد بصوت مكبوت
"قول والله؟ وليد قول والله مافيك شي" ما صدقه و ناوي يسحب منه الكلام بعدين لما يهدى
"مافيني شي مازن عمري خبيت عنك شي انا؟" يسأله و مازن يفكر بمره وليد كذب عليه ما لقى لذا يحاول يصدقه هالمره
"طيب حبيبي بتنام ولا تنزل؟" يسأله
"انزل انت انا جايك وراك" يقول له و يبوس مازن خده و ينزل يحرك يده على شعره بقوه تتطاير قطرات الماي منه و يرجعه لورا
يلقى بس ساري و غسان قاعدين قبال بعض و شابين نار قدامهم يسولفون
"وينهم الباقيين؟" يسأل غسان
"عمر و كارلوس فوق و وليد الحين ينزل و عدي مدري ما شفته" يقول له مازن متنهد
"اي عدي قال لي بينا و نصحيه بليل" يرد غسان
"وش اللي نصحيه بليل علشان يخرب نومه غبي ذا؟ ساري لو سمحت قوم شوف مهمتك صحه" يقول ل مازن و يطالعه ساري
"ماراح اصحي احد و عدي مب بزر خله" يرد و هو اكيد ماراح يصعد لعدي يصحيه!
ينزل كارلوس وراه عمر و هو يعرج و استغرب مازن "مسرع سويتوها امداكم!" يسأل مستغرب و يضحكون و كارلوس يبتسم يطالع فعمر و هو يطالعهم نفسيه
"حرااام لاا طاح طاح توه" يقول له غسان و كارلوس يقرب من عمر يبوس خده
"اي اضحك معهم على حبيبك بعدين تعال بوسني!" يخزه عمر و يقعدون جنب بعض
و يكملون شوالف لحد ما صارت الساعه ٩ و ينزل عدي لهم بوجهه مفقع نوم دايخ و مو شايف كرسي فاضي الا اللي جنب ساري، تنهد و قعد جنبه
"اووه صح النوم" يتكلم مازن و يطالعه عدي و يلتفت على وليد جنب مازن بس باله بمكان ثاني و يفكر يهز رجله بتوتر
يلتفت عنهم ما تكلم و شاف الغروب من البحيره، و قام من مكانه رايح و يقعد على الخشبه يشوف الغروب و ساري عينه عليه من بعيد و هم كملوا سوالفهم يقارنون حفلات هالسنه بحفلات اللي فاتت و ساري مو فاهم شي من اللي يقولونه
عدي كل تفكيره بكيف يعطي هالمرحله كيف ينهيها و يرتاح باله من هالهم، و طلع له وليد ما يدري من وين يحس وده يساعده و يقدر يساعده... يقدر بس مو عارف اذا بيقبل هالمبلغ منه ولا لا!
"وليد" يناديه بصوت عالي ملتفت لهم، و ساري دق قلبه توقعه يناديه و تضايق ليش ينادي وليد ما ناداه!، "تعال شوي" يناديه و يقوم له وليد رايح له و يقعد جنبه
"هلا"
"بدون قصد والله كنت صاعد انا و سمعتك تتكلم بالتليفون... ابي اساعدك" يقول له و انقلب وجهه وليد و لف وجهه عنه
"عدي مو مجبور المبلغ مو قليل-"
"محد قال اني مجبور! بساعدك انا ولا ترد لي الفلوس ما ابيهم" يقول له و وليد ما رضى
"اقدر هالشي عدي مشكور بس مقدر اقبله" يهز راسه بيوقف بس يسحبه عدي يقعده
"طيب بمقابل! كيف كذا؟ اعطيك اياه فمقابل" يسأله و تنهد وليد
"وش المقابل؟"
"لا تحزن قلب مازن بس ذا اللي ابيه منك" يطلب منه
"عدي عطني شي واقعي قلب مازن لا توصي عليه-"
"طيب بس هذا اللي ابيه انا! حافظ على مازن لا تجرحه بس فكر فاللي تبي تساعدها المبلغ وصل لك لحد رجلك و بتكفل انا بعلاجها قول انك اخذت قرض و انتهى" يقول له و وليد متنهد يفكر باخته
"طيب مشكور عدي" يبتسم له و يبتسم عدي له و ارتاح باله
"روح الحين استانس معهم لا يكشر وجهك" يقول له و يقرب منه وليد يحظنه و يوقف من مكانه راجع لهم
"وش يبي منك؟" يسأله مازن
"يسأل اممم عنن شي هديه لك" يقول له و يبتسم مازن
"هديه لي؟" يسأله
"اي بس مفروض تكون مفاجئه لا تخربها عليه" يقول له و يهز مازن راسه و يوقف عدي من مكانه راجع لهم بعد ما غربت الشمس و النار بينهم منوره المكان
"شغلوا فلم بالله و اثنين او ثلاث يروحون لاقرب مطعم يجيبون لنا اكل" يقول لهم عدي
"انا اروح اجيب الاكل من يجي معي؟" يسأل غسان
"انا بروح معك" يتكلم ساري و عدي ما حط عينه عليه
"احد فيكم يساعدني يجيب البروجيكتر" يقول لهم عدي فاتح الكراج و يساعدونه يطلع برا
-
يجيبون الاكل و يشبكون تليفون غسان بالبروجيكتر
"ياااا عندي لكن فيديوواتت" يضحك و الكل تحمس يشوفون "افضل فيديو للابد" يعلق داخل لفيديو ساري و عدي بالتحدي و هو يشفشفون بعض، عدي ابتسم و هو يشوف الفيديو و ساري انحرج عطى وجهه بسرعه و الكل يضحك و مازن و وليد مصدومين ما كانوا موجودين
"وششش ذا عديي ساري حركااات" يضحك وليد شايفهم و عدي ما علق و يشوف الفيديو بابتسامه جانبيه و هو شايف كيف ساري منحرج بالفيديو و بالواقع و ساري منزل راسه يحرك للعود فمشروبه
"بالله شوفوا ساري بريييييىء حرام" يضحك مازن شايف ساري و عدي حاس مو قادر حتى يطالع فيه
"طيب غيره؟" يسأله عدي و يلف غسان للفيديو اللي جنبه و كان عدي فالمطعم عينه على ساري و ساري رفع عينه تذكر وقتها و انتبه ان عدي كان يطالعه، غسان طالع بعيون عدي و ابتسم ابتسامه خبيثه و قلبها ما شغل الفيديو، بدى يكمل الفيديوات و وصل لفيديو عمر و هو يهز بالحفله و شغله و ماتوا ضحك عليه، و عمر مبتسم بس يشوف الفيديو
"بالله قوووم قوم سووها" يتكلم عدي و يوقف ماسك يده بالمنديل، يوقف قدامهم و منهارين ضحك قبل لا يبدا يرقص حتى
"صلوا عالنبي بالاول لا باجر يطلع فيني بواسير من عيونكم" يقول لهم و يحط يده على ركبه و يبدا يهز و عدي تحمس معه
"بالله علمننييي" يركض له واقف جنبه
"والله هي موهبه من الله بس بعلمك حط يدك على ركبك و مد مكوتك لورا" يقول له و يقلده عدي "و بس يمين يسار يمين يسار" يبدا يهز و يهز معه عدي و يضحك يدف عمر عنه
"يخرربب بيتك انت و مكوتك كيييف تسويها؟؟" يسأله بجديه مع ابتسامه، و ساري ما تكلم بكلمه عينه على عدي الوقت اللي ما يكون منتبه له بس
"علشان تعرف انك محظوظ فيني" يأشر عمر لكارلوس و يبتسم كارلوي لعمر و حاط يده على خده يتأمله
"الفيديو اللي بعده" يتكلم مازن و يقلب غسان الفيديو عمر يسحب كولا قاعد مكانه، و يلفه كارلوس له و يبدا يشفشفه و عدي انتبه لهم
"هيي هيي في بزر هنا" يقول لهم مأشر على ساري وراه، و رفع ساري حاجبه له، و يذكر نفسه ما يبي يكون حساس ما يبي يكون حساس لا تكون حساس ساري يمزح معك
"كل زق صدقتك" يرد عمر و يلتفت لكارلوس يكمل بوسته، و عدي التفت لساري يطالعه من فوق لتحت و يلتفت قدامه عينه على الفيديو، ساري ما فهم نظرة عدي لكن حاول يتجاهلها
"بحط فيديو مدري عادي عندكم ولا لا بس عدي تذكر ذاك مديرك؟ اللي طردك لانك دخنت؟ الاصلع الضعيف اللي يلبسه بدله رماديه ما يغيرها جوتيه انت قلت ك-"
"طيييب غسان من كثر المدراء اللي اشتغلت عندهم؟ هو واحد و طردني وش فيه؟" يقاطعه يبيه يكمل
"شوف لقيته ينيك وحده ورا الزبايل امانه شوف" يرد و يشغل بس قبلها طالع ساري "ساري تستحي ولا؟ لاني احسك بريئ" يقول له و يرفع عدي حاجبه
"هذا بريئ؟" يسأل باستهزاء مأشر على ساري باستخفاف من غير لا يطالعه حتى
"ايي مررره بريئ والله" يرد مازن و كلهم يطالعون فساري
"اي بريئ بالله شوف وجهه و نظارته مره كيوت" يبتسم وليد
"وجهه معنى البراءه" يعلق عمر
"اول مره تشوفوني؟" يسألهم
"لا بس منخدعين فيك" يرد عدي و هو ملتفت يطالع قدام "شغل الفيديو طيب اللي ما يطالع يغمض عينه" يرد مستقصد ساري، و تجاهل ساري متنهد
طيب" يشغل غسان الفيديو و يتقزز عدي من اللي يشوفه
"ييععع ييععع غيررره" يتكلم مازن و يضحك غسان مغير الفيديو و يكون فيديو لحنين
"بنت الكلب اشتقت لها" يتنهد مبعد الفيديو يلقى فيديو لعدي و هو يحشش و بعده بسرعه، يكملون الفيديوات و تحرك ساري واقف من مكانه رمى زجاجته الكولا فالزباله و التفت عدي له شايفه يدخل لداخل، و قلبه يدق بقوه شايف مشية ساري ما يدري هي مشيته كسوله ولا حزينه
و يصعد بالدرج بخطوات بطيئه لحد ما اختفى من انظاره، و التفت يطالع قدام يشوف وياهم الفيديوات و كل تفكيره بساري و وش كثر مشتاق له! ينتبه لظل من فوق و عرف ان ساري فالبلكونه يطل عالمنظر و وقف من مكانه بسرعه دخل لداخل و صعد رايح للبلكونه
يشوف ساري واقف يطاله فالمنظر قدامه، بحيره منورها نور القمر مع اضواء الشارع البعيده مع منظر الجبال، هوا بارد و هادي بس يسمع اصواتهم تحت يضحكون و يسولفون
"توقعتك نايم" يسمع صوت عدي وراه و يلتفت بسرعه حاس بنفسه يثقل
_____________________________
هااااييييييييي
والله ما هان علي انام و البارت كان يبي له تكمله بسيطه و يخلص قلت ما يسوى تنطرون لبكرا فنزلته لكم
تصبحون على ما تتمنون يارب