True Star Training Class ကို သတင်းစာရှင်းလင်းပွဲ ကျင်းပပြီး နောက်တစ်ရက်မှာ တရားဝင် စတင် ဖွင့်လှစ်ခဲ့လေတယ် ။ ကုမ္ပဏီတွေ ဘက်ကနေ ကြိုတင်ရွေးချယ်ထားတဲ့ လူတွေအပြင် တိုင်းပြည်အနှံ့မှာ ကျင်းပခဲ့တဲ့ လူရွေးပွဲစဉ်တွေကို ဖြတ်ကျော်အောင်မြင်ခဲ့သူများပါ သင်တန်းသားများအဖြစ် တက်ရောက်လာကြလေတယ် ။ ဒီလူတွေထဲမှာ Tang Feng ကဲ့သို့ အနုပညာလောကထဲ အချိန်တစ်ခု ကျင်လည်ခဲ့ပြီးပေမယ့် အရည်အချင်းအပြည့်အဝ ထုတ်ဖော်ပြခွင့် မရရှိကြသေးတဲ့ မျက်နှာသစ် သရုပ်ဆောင်များလည်း ပါဝင်နေလေတယ် ။ Tang Feng ဟာ ရူတင်အတွက် ပြင်ဆင်ထားတဲ့ နေရာမှာ မမျှော်လင့်ထားတဲ့ ရင်းနှီးသိကျွမ်းခဲ့ပြီးသား မျက်နှာတစ်ခုကို မြင်တွေ့လိုက်ရတယ် ။ အဲ့ဒီလူကတော့ သူနဲ့အတူတူ မကြာမီကမှ ဒရမ်မာဇာတ်လမ်းတွဲ အတူရိုက်ကူးခဲ့တဲ့ Tang Tian Tian ဖြစ်လေတယ် ။
Tang Tian Tian ဟာ သူ့ကို တွေ့လိုက်တာနဲ့ အပြေးတစ်ပိုင်း ရောက်လို့လာပြီး ပြုံးချိုစွာ နူတ်ခွန်းဆက်ခဲ့လေတယ် ။ လွန်ခဲ့တဲ့ရက်က ရိုက်ကွင်းမှာ မမျှော်လင့်ပဲ ရရှိသွားခဲ့တဲ့ ဒဏ်ရာတွေ ကောင်းကောင်း သက်သာသွားပြီးလားလည်း မေးရင်း နောက်ကွယ်က အဓိက ကြိုးကိုင်တဲ့ အမည်မသိပုဂ္ဂိုလ်ကိုလည်း ကျိန်ဆဲလို့နေလေတယ် ။ အဲ့ဒီလူ ဘယ်တော့မှ မအောင်မြင်ပါစေနဲ့ ၊ နိုင်ငံတကာ အဆင့်ကို မရောက်နိုင်ပါစေနဲ့ ၊ ဘာလုပ်လုပ် အဆင်မပြေပါစေနဲ့ ဆိုပြီး တတွတ်တွတ် ကျိန်ဆဲလို့ နေလေတယ် ။
" ဒီလိုမျိုး နောက်ကွယ် ချောင်ထဲမှာ ပုန်းနေပြီး ယုတ်မာတဲ့ လုပ်ရပ်လုပ်တဲ့ လူမျိုးတွေဆိုတာလေ လောကကြီးကို အမြင်ကျယ်ကျယ် မကြည့်နိုင်တဲ့ လူစားမျိုးတွေပဲ သိလား ။ သူတို့ဘဝက ရေတွင်းထဲက ဖားသူငယ်လိုပဲ ။ ပင်လယ်က သူတို့နေတဲ့ ရေတွင်းထက် ဘယ်လောက်ကျယ်ပြောတယ်ဆိုတာ ဒီတစ်သက် သိလာမှာ မဟုတ်ဘူး ။ "
အခုလိုမျိုး ပြောရင်း Tang Tian Tian ဟာ လေထဲမှာ လက်ချောင်းနဲ့ စက်ဝန်းပုံ ရေးဆွဲပြီး သူမပြောချင်တဲ့ အဓိပ္ပာယ်ကို ပိုပြီး ပေါ်လွင်သွားအောင် ပြုလုပ်လို့ နေလေတယ် ။
သူတို့ နှစ်ယောက် စကားစမြည် ခေတ္တခဏပဲ ပြောခဲ့လိုက်ရတယ် ။ မကြာခင်မှာ staff members တွေ ဗြုန်းစားကြီး ရောက်ချလာပြီး သင်တန်းသား တစ်ယောက်ချင်းစီကို ဝန်းရံလိုက်ကြပြီး ကြီးမားတဲ့ လူစုလူဝေးကြီး တစ်ခု ဖြစ်သွားခဲ့လေတယ် ။ ဒီလူစုလူဝေးထဲမှာ သင်တန်းသူ ၊ သင်တန်းသား ၊ သင်ကြားပို့ချမယ့် ဆရာတွေ အပြင် ဒီသင်တန်းရဲ့ ထုတ်လုပ်ရေးအဖွဲ့မှ ဝန်ထမ်းများပါ ပါဝင်နေတာကို Tang Feng သတိထားမိလိုက်တယ် ။ အဲ့ဒီနောက် ထုတ်လုပ်ရေးအဖွဲ့ခေါင်းဆောင်ဟာ အခုလို ကြေငြာချက်တစ်ရပ် ထုတ်ပြန်လေတယ် ။
" အခုအချိန်က စပြီး မင်းတို့ ပြောသမျှ စကားလုံးတိုင်း ၊ လူပ်ရှားမူတိုင်းကို ကင်မရာနဲ့ မှတ်တမ်းတင်ထားပြီးတော့ တီဗီမှာ ထုတ်လွှင့်ပြသမှာပဲ ဖြစ်တယ် ။ ဒီ ဗီဒီယိုဖိုင်တွေကို အင်တာနက်ပေါ်မှာလည်း တင်မှာဖြစ်ပြီး အဲ့ဒီမှာ ပရိသတ်တွေက ဝင်ရောက်ကြည့်ရူပြီး မင်းတို့ရဲ့ လုပ်ဆောင်ချက်တွေ ကောင်းမကောင်း ထင်မြင်သုံးသပ်ချက်တွေ ပေးသွားကြမှာပဲ ဖြစ်တယ် ။ အရည်အချင်းရှိတဲ့ မင်းသား ၊ မင်းသမီးတွေ ဖြစ်လာဖို့ ပထမဆုံးအနေနဲ့ မင်းတို့တွေဟာ ဒီကင်မရာတွေနဲ့ အကျွမ်းဝင်မူရှိနေဖို့ရာ လိုအပ်တယ် ။ "
ခေါင်းဆောင်ဟာ အနီးအနားမှာရှိတဲ့ မီးစလိုက် တစ်ခုကို လက်ညိုးထိုးပြပြီး အခုလို ဆက်လက် ပြောကြားတယ် ။
" ဒီမီးရောင်တွေအောက်မှာ အမြဲနေနေရမယ့် ဘဝကိုလည်း ကျင့်သားရအောင် နေနိုင်ဖို့လည်း လိုအပ်တယ် ။ များပြားလှတဲ့ အာရုံစိုက်ထားခြင်းတွေကို အခုအချိန်ကစပြီး မင်းတို့တွေ ခံထားရတော့မှာဖြစ်လို့ မင်းတို့တွေရဲ့ ကိုယ်ပိုင်ဘဝတွေဆိုတာ မရှိတော့ဘူးလို့ သတ်မှတ်ထားလိုက်ကြတော့ ။ "
Tang Feng ဟာ Lu Tian Chen ရဲ့ အမြတ်အစွန်းရရှိလာအောင် တီထွင်ဖန်တီး ဆန်းသစ်နိုင်မူ စွမ်းအားအပေါ် စိတ်ထဲကနေ လက်ဖျားခါ ချီးကျူးလိုက်မိတယ် ။ အနာဂတ်မှာ မည်သို့မည်ပုံ ဖြစ်လာမယ်ဆိုတာ သေချာမသိနိုင်တဲ့ အနုပညာရှင် လူသစ်တွေကို လက်သပ်မွေးမြူရတယ်ဆိုတာဟာ တော်တော်လေးကို အန္တရာယ်ကြီးလှတဲ့ ရင်းနှီးမြုတ်နှံမူ တစ်ခုရယ်ပါ ။ အစပိုင်းမှာကတည်းက ငွေကြေးအလုံးအရင်းထည့်ပြီး မြုတ်နှံထားထားရတာ ။ အနာဂတ်ကာလမှာ မျှော်လင့်ထားသလို ရလဒ်ရလာမလာဆိုတာ ဘယ်လိုမှ ကြိုတင်မသိနိုင်တဲ့ ကိစ္စတစ်ခုပဲ ။ မျှော်မှန်းထားတာထက် ပိုမိုတဲ့ အောင်မြင်မူတွေလည်း ရလာနိုင်သလို ၊ မျှော်လင့်ထားတဲ့ အခြေအနေကို ဘယ်လိုမှ မချည်းကပ်နိုင်ပဲ ကုမ္ပဏီအတွက် ကြီးမားလှတဲ့ ဆုံးရူံးနစ်နာမူကြီးလည်း ဖြစ်ချင်ဖြစ်သွားနိုင်လေတယ် ။
ဒီလို ဆုံးရူံးနိုင်ခြေရှိမူတွေကို မျှခြေတစ်ခု ဖြစ်သွားဖို့အတွက် ကြည့်ရတာ Lu Tian Chen တစ်ယောက် သင်တန်းသားတွေကို ပရိသတ်တွေဆီ ချပြမယ့် အစီအစဉ်ကို ပိုပြီး အဆင့်မြင့်တင်လိုက်ဖို့ ဆုံးဖြတ်ချက်ချလိုက်တဲ့ပုံစံပဲ ။ သင်တန်းတစ်ခုလုံးကို reality TV show ပုံစံ ပြောင်းပစ်လိုက်ပြီး တစ်နိုင်ငံလုံးကို ထုတ်လွှင့်ပြသဖို့ စီမံခဲ့လိုက်တာပဲ ။ TV show အတွက် မူပိုင်ခွင့်ကနေ အကျိုးအမြတ် အမြောက်အများ ရရှိလာမယ့်အပြင် ၊ training class နဲ့ Lu Tian Chen Group ရဲ့ ကြော်ကြားမူကိုပါ ပြည်သူတွေကြား တစ်လက်စတည်း ကြော်ငြာလိုက်သလို ဖြစ်သွားစေတယ် ။ အကယ်လို့များ show အစီအစဉ်သာ ထင်ထားသလို အောင်မြင်သွားခဲ့လို့ရှိရင် Lu Tian Chen ရဲ့ လက်ထဲမှာ နောက်ထပ် နိုင်ဖဲတစ်ချပ် ထပ်ရသွားတဲ့ သဘောအလားပဲ ။
Tang Feng ဟာ Lu Tian Chen ရဲ့ စီးပွားရေးအပေါ် အမြင်စူးရှမူရှိခြင်းကို စိတ်ထဲကနေ တိတ်တဆိတ် ချီးကျူးလိုက်မိတယ် ။ အဲ့ဒီအချိန်မှာပဲ staff members တွေဟာ training class ရဲ့ စည်းမျဉ်းစည်းကမ်းတွေကို အားလုံးသိအောင် ကြေငြာလေတယ် ။ သင်တန်းကာလအတွင်း သင်တန်းသားအားလုံးဟာ အိပ်ဆောင်တစ်ခုထဲမှာပဲ အတူနေထိုင်ကြရမယ် ။ သင်တန်းအချိန်ဇယားကတော့ သာမန်သင်တန်းတစ်ခုမှာ မြင်တွေ့နိုင်တဲ့ အချိန်ဇယားမျိုးပါပဲ ။ တစ်နေ့တာ သင်တန်းအချိန် ပြီးဆုံးရင်တော့ သင်တန်းသားတွေဟာ မိမိဆန္ဒရှိသလို ရှပ်ရှင်ရိုက်ကူးတာဖြစ်ဖြစ် ၊ ကြော်ငြာရိုက်ကူးတာဖြစ်ဖြစ် ၊ show ပွဲတွေမှာ ပါဝင် ရိုက်ကူးတာဖြစ်ဖြစ် လွတ်လပ်စွာ လုပ်ဆောင်နိုင်ကြတယ် ။
သင်တန်းကာလ ပြီးဆုံးတဲ့ အချိန်မှာတော့ စပွန်ဆာပေးထားတဲ့ ကုမ္ပဏီတွေမှ အကြီးအကဲတွေဟာ သင်တန်းသားတွေရဲ့ ပြုမူဆောင်ရွက်ပုံတွေ ၊ ထူးချွန်စွာ လုပ်ဆောင်ချက်တွေ အပေါ် အခြေခံပြီး ဆုတံဆိပ်တွေ ချီးမြင့်ကြမှာ ဖြစ်လေတယ် ။ တစ်ဦးတစ်ယောက်တည်းသာလျှင် ခမ်းနားကြီးကျယ်လှတဲ့ " True Star " title ဆုကို ရရှိမှာပဲ ဖြစ်လေတယ် ။ ဆုကြေးငွေ ယွမ်တစ်သန်း ရရှိမယ့်အပြင် တရုတ်ပြည်တွင်း အောင်မြင်ထင်ရှားတဲ့ ဒါရိုက်တာတွေ ဖန်တီးပုံဖော်မယ့် ရုပ်ရှင်ကားများမှာလည်း ပါဝင် သရုပ်ဆောင်ခွင့် ရရှိမှာ ဖြစ်လေတယ် ။ နောက်ထပ်လည်း ယွမ်ငွေတစ်သန်း တန်ဖိုးရှိတဲ့ စီးပွားရေးကြော်ငြာ ရိုက်ကူးဖို့ စာချုပ်ချုပ်ဆိုခွင့် ရရှိဦးမှာပါ ။ ဒါ့အပြင် နာမည်ကြီး မဂ္ဂဇင်း လေးခုရဲ့ မျက်နှာဖုံး မော်ဒယ် အဖြစ်လည်း ရိုက်ကူးခွင့် ရရှိဦးမှာပဲ ဖြစ်တယ် ။
ဒီလို များပြားလှတဲ့ အကျိုးအမြတ် အခွင့်အလမ်းတွေ ရရှိစေမယ့် title ဆုဟာ သင်တန်းသား အားလုံးရဲ့ စိတ်ဝင်စားမူကို ပိုမို မြင့်တက်လာစေခဲ့လေတယ် ။ လက်ရှိအချိန် အားလုံးဟာ မိတ်ဆွေသူငယ်ချင်း ၊ လုပ်ဖော်ကိုင်ဖက်တွေ ဖြစ်ကြသလို ၊ တစ်ချိန်တည်းမှာပဲ အားလုံးဟာ ကိုယ့်ရဲ့ အဓိက ယှဉ်ပြိုင်ဘက်တွေ ဖြစ်သွားကြလေတယ် ။ Tang Feng စိတ်ထဲ တွေးလိုက်မိတာက ဒါဟာ Lu Tian Chen ဘက်ကနေ တိုက်ရိုက်မပြောပဲ မြုတ်ကွယ်ထားတဲ့ သင်တန်းသားတွေရဲ့ လူအချင်းချင်း ပေါင်းသင်းဆက်ဆံမူဆိုင်ရာ အရည်အချင်းကို စမ်းသပ်ချက်ချက်တစ်ခုပဲ ဖြစ်ရမယ်လို့လေ ။
ထက်မြက်တဲ့ လူဆိုရင်တော့ သင်တန်းသား အားလုံးနဲ့ ရင်းနှီးကျွမ်းဝင်ဖို့ မိတ်ဆွေဖွဲ့ရန် ကြိုးပမ်းမှာ ဖြစ်ပေမယ့် ၊ စိတ်သဘောထား ကျဉ်းမြောင်း သေးသိမ်တဲ့ လူစားမျိုးဆိုရင်တော့ တခြားသူတွေရဲ့ လမ်းကြောင်းကို တားဆီးပိတ်ပင်ဖို့ ကြိုးစားမှာပဲ ။
ဒါဟာ သာမန် သင်တန်းတစ်ခုရယ်ပါ ။ ရှေ့ဆက်လျှောက်လမ်းရမယ့် သရုပ်ဆောင်လမ်းခရီးရှည်ကြီးနဲ့ နိူင်းစာရင် သမုဒ္ဓရာထဲက ရေစက်တစ်စက် သာသာပါ ။ သင်တန်းကာလ ပြီးဆုံးတဲ့ အချိန်ရောက်ရင် တစ်ယောက်ရဲ့ ရန်သူတော်ဟာ သူ့ရဲ့ မိတ်ဆွေကောင်းတစ်ယောက် ဖြစ်သွားနိုင်တယ် ။ ရုပ်ရှင်ဇာတ်ကားတစ်ခုတည်းမှာ အတူတွဲဖက် သရုပ်ဆောင်ရတဲ့ လူတွေလည်း ဖြစ်သွားနိုင်လေတယ် ။
မိတ်ဆွေတစ်ယောက် ရလာတယ်ဆိုတာ ရန်သူတစ်ယောက် တိုးပွားလာတဲ့ အခြေအနေထက် အစစအရာရာ အများကြီး ပိုမိုကောင်းမွန်လေတယ်လေ ။
................
သင်တန်းရဲ့ ပထမဆုံးနေ့ကို အကသင်တန်းနဲ့ စတင်ဖွင့်လှစ်ခဲ့လေတယ် ။ သင်တန်းသားအားလုံးကို ကြီးမားကျယ်ပြောလှတဲ့ အကခန်းမထဲမှာ စုဝေးစေပြီး ၊ အညိုရင့်ရောင် ဆံကေသာရှိတဲ့ ဥရောပလူမျိုး သင်တန်းဆရာတစ်ယောက်ဟာ သူတို့အားလုံးရဲ့ ရှေ့ကို ရောက်ရှိလာခဲ့လေတယ် ။ သူ့ရဲ့ပုံပန်းသွင်ပြင်ဟာ အနောက်တိုင်း ဆီဆေးပန်းချီကားတွေထဲကအတိုင်း ထပ်တူထပ်မျှ ရှိနေသော်လည်းပဲ ၊ သင်တန်းဆရာဟာ သူတို့အားလုံး လုံးဝမျှော်လင့်မထားတဲ့ တရုတ်ဘာသာစကားနဲ့ ပြေပြေပြစ်ပြစ် ပြောဆိုခဲ့လေတယ် ။ သင်တန်းဆရာဆီကနေ ရည်မွန်ကျော့ရှင်းပြီး တင့်တယ်တဲ့ ကိုယ်ရောင်ဝါတွေ ထွန်းလင်းလို့နေလေတယ် ။ လူပ်ရှားမူတိုင်းဟာ ပြေပြစ်ကျော့ရှင်းလို့နေလေတယ် ။
သို့ပေမယ့်လည်း သင်တန်းဆရာရဲ့ စကားလေသံဟာ တည်ကြည်ခိုင်မာပြီး လေးလေးနက်နက် ရှိလို့နေလေတယ် ။ ချက်ချင်းဆိုသလို အားလုံးဟာ အခု ဒီအကသင်ခန်းစာမှာ ပျင်းရိလေးကန်တဲ့ လူစားမျိုးအတွက် နေစရာနေရာ တစ်ခုတောင် ရှိမနေဘူးဆိုတာ တန်းပြီး သဘောပေါက်သွားခဲ့တယ် ။
" မင်းတို့အားလုံး ငါ့ကို Pacino လို့ ခေါ်ဆိုနိုင်တယ် ။ Tango ဆိုတာဟာ မီးတောက်မီးလျှံလို အရှိန်အဟုန်ပြင်းထန်တဲ့ အကတစ်မျိုးပဲ ဖြစ်တယ် ။ အထူးသဖြင့် Argentine Tango အကကတော့ ကကွက်တွေထဲမှာ romance ဆန်တဲ့ အချစ်ရဲ့ရနံ့တွေ ရောယှက်လို့နေတယ် ။ "
Tang Feng ရဲ့ နံဘေးမှာ ရှိနေတဲ့ Tang Tian Tian ဟာ သင်တန်းဆရာရဲ့ ပြောစကား အဆုံးမှာ စိတ်ပူပန်မူတွေနဲ့ ညည်းတွားလိုက်မိလေတယ် ။
" ဒုက္ခပါပဲ ။ ကျွန်မ လုံးဝ မကတတ်ဘူး ။ ကတာကလွဲရင် ကျန်တာအားလုံး ကျွန်မ ကောင်းကောင်း လုပ်နိုင်တယ် ။ Tang Feng... ကျွန်မ ဘာဆက်လုပ်ရမလဲဟင် ? "
Tang Feng ရယ်ချင်စိတ်ကို မထိန်းနိုင် ဖြစ်သွားခဲ့တယ် ။
" ငတုံးမလေး ။ မကတက်ဘူးဆိုလည်း ဘာဖြစ်လဲ ? အခု ဆရာသင်တဲ့အခါ သေချာလိုက်လုပ်ပေါ့ ။ "
" ဘယ်လိုဖြစ်ဖြစ်လေ ။ ရှင်က ကောင်းကောင်း ကတက်တော့ ကျွန်မတော့ အားရှိသွားပြီ ။ အခုကစပြီးတော့ ရှင် ကျွန်မကို ဘယ်လို ကရမယ်ဆိုတာ သင်ပေးရမယ်နော် ။ အကသင်တန်းချိန်တွေ အားလုံး ကျွန်မကို လက်တွဲခေါ်ပေးရမယ်နော် ။ ကျွန်မက ရှင်ရဲ့ dance partner အဖြစ် နေရာကြိုဦးထားလိုက်ပြီ ။ "
Tang Tian Tian ဟာ ပြောနေရင်းနဲ့ပဲ ရယ်လိုက်မိတယ် ။ Tang Feng ကို လှမ်းကြည့်လိုက်တော့ သူမရဲ့ တောင်းဆိုမူကို သဘောတူလက်ခံတဲ့ အနေနဲ့ ခေါင်းညိမ့်ပြနေတာကို တွေ့လိုက်ရတယ် ။ ရုတ်ခြင်းပဲ သူမရဲ့ နှလုံးသားထဲမှာ အမည်ဖော်ရခက်တဲ့ ယားယံမူတစ်မျိုး ဖြစ်ပေါ်လာတယ် ။ Tang Feng ဟာ တင့်တယ်ပြီး ချောမောခန့်ညားတဲ့ အမျိုးသားတစ်ယောက်ဖြစ်ပြီး သူ့ဆီမှာ classical ဖြစ်တဲ့ အငွေ့အသက်တွေ တွေ့မြင်ရတယ် ။ Tang Feng ကလိုက်တဲ့အခါ ဘယ်လိုတွေများ ကြည့်လို့ ကောင်းလေမလဲလို့ သူမ စိတ်ကူးကြည့်နေမိတယ် ။
.............
နောက်ဆုံးမှာတော့ Tang Feng ဟာ အစောပိုင်း အချိန်တုန်းက Tang Tian Tian ဘာလို့ စိုးရိမ်ပူပန်စိတ် ဖြစ်ပေါ်လာရတယ်ဆိုတာ ကောင်းကောင်းကြီး သဘောပေါက်သွားလေတယ် ။ ဒီကောင်မလေးဟာ လုံးဝကို မကတက်ဘူးဘဲ ။
သူမရဲ့ မရရအောင် ကြိုးပမ်းနေတဲ့ ပုံကိုကြည့်နေရင်း Tang Feng အလိုလို ရယ်ချင်လာမိတယ် ။ တကယ့်လက်တွေ သင်တန်းကို အစမပြုခင် Pacino ဟာ သင်တန်းသားအားလုံးကို သူနဲ့ အတူတူ တစ်ယောက်ချင်းစီ တွဲကကြည့်ဖို့ ဖိတ်ခေါ်ခဲ့တယ် ။ ဘာမှ ထွေထွေထူးထူး ကကွက်ဆန်းတွေ လူပ်ရှားဖို့ မလိုအပ်ပါဘူး ။ ဂီတသံကို ခံစားပြီး Pacino ရဲ့ ဦးဆောင်မူနောက်ကို အသာလိုက်ကာ Argentina Tango ရဲ့ နူးညံ့သိမ်မွေ့မူနဲ့ ပြင်းရှတဲ့အရသာကို စီးမျောခံစားကြည့်ယုံပါပဲ ။
စိုးရိမ်ပူပန်သောကရောက်နေတဲ့ Tang Tian Tian ဟာ Pacino နှင့် အတူတွဲကဖို့ ပထမဆုံး ကံစမ်းမဲ ပေါက်သွားခဲ့လေတယ် ။ Romantic ဆန်လှတဲ့ လက်တင်တေးဂီတသံဟာ ခန်းမအတွင်း ပျံ့လွင့်လာပြီး အားလုံးရဲ့ ခြေထောက်တွေကြားထဲကို ဖြတ်သန်း စီးဆင်းသွားလေတယ် ။ Pacino ရဲ့ လူပ်ရှားမူတိုင်းဟာ လွတ်လပ်ပေါ့ပါးပြီး နှစ်သက်ကြည်နူးဖွယ်အပြည့်ရှိနေလေတယ် ။ Tang Tian Tian ကတော့ သူနဲ့ လုံးဝကို ဆန့်ကျင်ဘက် အနေအထား ဖြစ်လို့နေလေတယ် ။
တေးဂီတသံစဉ်ဟာ သိသိသာသာကို အေးဆေးနူးညံ့ ချိုသာသိမ့်မွေ့ပြီး စိတ်နှလုံးကို ကြည်နူးချမ်းမြေ့စေလေတယ် ။ Tango အကမှာ ဆရာတစ်ဆူ ဖြစ်တဲ့ Pacino ရဲ့ ဦးဆောင်မူနောက်မှာ အလိုက်သင့်လေး လိုက်ကရတာဆိုပေမယ့်လည်း Tang Tian Tian ရဲ့ လူပ်ရှားမူတွေဟာ စက်ရုပ်တစ်ရုပ်လိုမျိုး ဖြစ်လို့နေလေတယ် ။ Tango အကအမျိုးအစား များစွာ အထဲကမှ Argentina Tango အကဟာဆိုရင် ကနေတဲ့သူ နှစ်ယောက်ကို မမြင်ရတဲ့ နှောင်ကြိုးနဲ့ ချည်နှောင်ထားသလို ဆက်နွယ်နေပြီး စိတ်တွင်းခံစားချက်ကို အလုံးစုံ ဖော်ထုတ်ပြသနိုင်တဲ့ အကတစ်မျိုးပဲ ဖြစ်လေတယ် ။ တစ်ယောက်နဲ့ တစ်ယောက်ကြား နွယ်ကြိုးတွေလို ရစ်ပတ်နှောင်တွယ်ထားပြီး ၊ dancers တွေရဲ့ ကိုယ်ခန္ဓာရော ၊ စိတ်နှလုံးကိုပါ တစ်သားတည်းကျသွားအောင် ပြုလုပ်နိုင်စွမ်းရှိတဲ့ အကပဲ ဖြစ်လေတယ် ။
သို့ပေမယ့်လည်း Pacino နဲ့ Tang Tian Tian တို့ကြားမှာတော့ ကြည့်ရူနေတဲ့ ပရိသတ်ရဲ့ စိတ်နှလုံးကို ဆွဲညိူ့ယူနိုင်လောက်တဲ့ မီးပွားစလေး တစ်စလောက်တောင် ထွက်ပေါ်မလာခဲ့ပေဘူး ။ ကနေတဲ့သူတွေဟာ စိတ်ပင်ပန်းကြီးစွာ ကနေကြရတဲ့ ပုံဟန်ပေါ်နေသလို ၊ ကြည့်နေရတဲ့ ပရိသတ်တွေရဲ့ စိတ်မှာလည်း ပျင်းရိငြီးငွေ့စိတ်တွေ ဖြစ်ပေါ်လို့ လာခဲ့လေတယ် ။
" No...no...အဲ့ဒီလို ကရတာ မဟုတ်ဘူးလေ ။ "
Pacino ဟာ ခေါင်းကို မသက်မသာ ခါယမ်းလိုက်ပြီး တေးဂီတသံကို ပိတ်ပစ်လိုက်လေတယ် ။
" ကျွန်မမှ ဘယ်လို ကရမှန်း မသိတဲ့ဟာကို ။ "
Tang Tian Tian ဟာ ပုခုံးကို တစ်ချက်တွန့်လိုက်ပြီး အားနာတဲ့ အမူအရာနဲ့ အဖြေပြန်ပေးလိုက်တယ် ။
" ဒါကို သာမန် အက တစ်ခုလို ၊ ပြီးဆုံးအောင် ဆောင်ရွက်ရမယ့် တာဝန်ဝတ္တရား တစ်ခုလို သဘောမထားနဲ့ ။ မင်းရဲ့ နှလုံးသားကို အသုံးပြုပြီး ဂီတရဲ့ နူးညံ့မူကို ရှာဖွေရမယ် ။ ကိုယ့်တွဲဖက်ရဲ့ လူပ်ရှားမူ ၊ အသက်ရူသံ ၊ ခြေလှမ်း အားလုံးကို ထပ်တူထပ်မျှ ခံစားနိုင်ရမယ် ။ "
Pacino ဟာ Tang Feng ရှိရာဆီကို လျှောက်လှမ်းလာနေပေမယ့် Tang Tian Tian ကို အခုလို ဆက်လက် ပြောဆိုလေတယ် ။
" ဂီတဆိုတာ နက်ရိူင်းတဲ့ တောအုပ်အတွင်းက သေးငယ် ကျဉ်းမြောင်းတဲ့ လူသွားလမ်းလေး တစ်ခုလိုပဲ ။ မင်းရဲ့ ယာယီချစ်သူဖြစ်တဲ့ တွဲကဖော်နဲ့ အတူ ဒီလူသွားလမ်းလေးကို အတူ လျှောက်လှမ်းပြီး တောအုပ်အတွင်းက ငြိမ်းချမ်းမူကို ဖွေရှာတာဟာ Tango ရဲ့ အနှစ်သာရပဲ ။ "
" ကဲ...မင်းကော ဘယ်လိုလဲ ? ငါနဲ့ တစ်ခေါက်လောက် တွဲက ကြည့်မလား ? "
Pacino ဟာ Tang Feng ရှေ့မှာ ရပ်တန့်လိုက်ပြီး အပြုံးနဲ့ လက်တစ်ဖက်ကို ဆန့်တန်းလိုက်လေတယ် ။
Tang Tian Tian ဟာ လက်နှစ်ဖက်ကိုပိုက် ၊ မျက်မှောင်ကို ကြုံ့ထားပြီး နံရံကို မှီကာ ရပ်လို့နေလေတယ် ။ ဒါဟာ သာမန် ရိုးရိုး အကတစ်ခုပဲ မဟုတ်ဘူးလား ? ဘာလို့ အဲ့ဒီလောက် နားလည်ရခက်တဲ့ အဓိပ္ပာယ်တွေရှိနေရတာလဲ ? Pacino က သူမ စိတ်ရူပ်အောင် တမင်ပြောလိုက်တာပဲနေမှာ ။ ဒီအချိန်မှာ Tang Feng နှင့် Pacino အတူတွဲကဖို့ ခန်းမအလယ်မှာ ရပ်တန့်လိုက်ကြတာကို မြင်လိုက်ရတော့ သူမရဲ့ အတွေးတွေ ချက်ချင်း ပျောက်ကွယ်ကုန်တယ် ။ တခြား အမျိုးသား သင်တန်းသားတွေနဲ့ Pacino ယှဉ်တွဲကတာကို မြင်ဖူးပြီးပေမယ့်လည်း ၊ ဘာရယ်ကြောင့်မှန်းမသိ ဒီတစ်ခေါက်ကို သူမ ပိုပြီး ရင်ခုန် စိတ်လူပ်ရှားနေမိတယ် ။
Tang Feng နဲ့ Pacino ကို ကြည့်နေရင်း သူမရဲ့ မျက်ဝန်းထောင့်မှာ ဖျတ်ခနဲ အရိပ်တစ်ခုကို တွေ့လိုက်မိတယ် ။ ဘာများပါလိမ့်ဆိုပြီး လိုက်ကြည့်မိတော့ စတူဒီယိုခန်းမရဲ့ တံခါးဝမနားမှာ လူစိမ်းတစ်ယောက် ရပ်တန့်နေတာကို တွေ့လိုက်ရတယ် ။
" ဟိုတစ်ယောက်က President Lu မဟုတ်ဘူးလား ? သူ ဒီကို ဘာလာလုပ်တာပါလိမ့် ? "
ဂီတသံဟာ နောက်တစ်ကြိမ် ထပ်မံ ပေါ်ထွက်လာလေတယ် ။
တေးဂီတသံရဲ့ စည်းချက်သံဟာ ခန်းမအတွင်း တိတ်ဆိတ်ငြင်သာစွာ စီးဆင်းသွားလေတယ် ။ ဂီတသံနဲ့အတူ Tang Feng နဲ့ Pacino တို့ရဲ့ ခြေလှမ်းတွေဟာ ကြမ်းပြင်ထက်မှာ ပေါ့ပါးစွာ ရွေ့လျားသွားလေတယ် ။
သူတို့ရဲ့ ခြေလှမ်းတိုင်းမှာ နွယ်ပင်တွေ ယှက်ဖြာဆင်းသွားသလို ကျော့ရှင်းလှတဲ့ ပုံရိပ်ဟန်တွေ ပရိသတ်တွေရဲ့ အမြင်အာရုံမှာ ထင်ဟပ်လာလေတယ် ။ စောနတုန်းက Tang Tian Tian နှင့် အတူတွဲကတုန်းကလို ကကျိုးကကြောင်နိုင်ပြီး ပျင်းရိငြီးငွေ့စရာကောင်းတဲ့ အခြေအနေနဲ့ လုံးဝ တခြားစီပဲ ။ နောက်တစ်ကြိမ် သီချင်းထပ်ကျော့ချိန်မှာ ခန်းမအတွင်းက လေထုအခြေအနေ လုံးဝ ခြားနားသွားတော့တယ် ။ Tang Feng နဲ့ Pacino ရဲ့ ကကွက်တွေဟာ တင့်တယ်လှပလှသလို တစ်ဖက်ကလည်း သြဇာအရှိန်အဝါ ကြီးမားလို့နေလေတယ် ။ သူတို့ရဲ့ ခြေလှမ်းတိုင်း ၊ ကိုယ်နေဟန်ထားတိုင်းဟာ အင်အားကြီးမားပြီး ၊ တစ်ဖက်သားကို လွှမ်းမိုးချုပ်ကိုင်နိုင်စွမ်း အပြည့်ရှိတယ် ။ သူတို့ရဲ့ လူပ်ရှားမူတိုင်းဟာ စစ်တိုက်နေတဲ့ အလားပဲ ။
သူတို့နှစ်ယောက်ကြား ရှိနေတဲ့ အကွာအဝေးဟာ အရမ်းကို ကျဉ်းမြောင်းလို့နေပြီး တစ်ယောက်ရဲ့ရင်ဘက်ကို တစ်ယောက်က ထိလုနီးပါးပဲ ။ အဲ့ဒီလို အခြေအနေမျိုးမှာတောင် သူတို့နှစ်ယောက်ဟာ တစ်ဖက်လူ ဒူးထောက်လဲပြိုကျသွားအောင် အချိန်မရွေး ဓားနဲ့ ထိုးနှက်ဖို့ ချိန်ရွယ်ထားကြတဲ့ ပြိုင်ဘက်တွေပုံစံ ဖြစ်လို့နေတယ် ။ သူတို့ရဲ့ အကမှာ အဖိုဓာတ်ခြင်း အပြင်းအထန် တွန်းလှန်တိုက်ခိုက်နေကြပေမယ့် ဒီဟာကပဲ သမရိုးကျနဲ့ ကွဲပြားတဲ့ အရသာသစ်တစ်ခုကို ပေးစွမ်းလို့နေလေတယ် ။ အားလုံးဟာ မှင်သပ်မိန်းမောနေပြီး Tang Feng ဆီကနေ တစ်ချက်လေးတောင် အကြည့်ကို လွဲမဖယ်နိုင်ကြလေဘူး ။
နူးညံ့ညင်သာတယ် ။ သို့သော် စိတ်လိုလက်ရမရှိပဲ လှောင်အိမ်ထဲက ကျားသစ်တစ်ကောင်လို သဏ္ဍန်ရှိတဲ့ Tang Feng ဟာ သူ့ကို ချည်နှောင်ထားတဲ့ သံကြိုးတွေကို ဖြတ်တောက်ပစ်ဖို့ ကြိုးစားလို့နေလေတယ် ။ Pacino ကတော့ အလိမ္မာယ်ဆရာတစ်ယောက်နဲ့ တူလေတယ် ။ ခြေလှမ်းတိုင်းမှာ Tang Feng ကို သူ့အနား ပိုပို နီးကပ်လာအောင် ကြိုးပမ်းနေပြီး တစ်ဖက်ကလူကို သူ့နံဘေးမှာ ထာဝရ ဖမ်းဆီးထားနိုင်ဖို့ ကြိုးစားလို့နေလေတယ် ။
ဒီလို ချစ်ရမ္မက်ပြင်းထန်ပြီး ထိတ်တိုက်ရင်ဆိုင်မူတွေ ကြီးမားလှတဲ့ Tango အကဟာ ကြည့်ရူနေကြသူ အားလုံးရဲ့ စိတ်ထဲ ဘယ်တော့မှ မေ့ပျောက်မသွားနိုင်တော့ပေဘူး ။
သူတို့နှစ်ယောက်ရဲ့ အကကိုကြည့်ရင်း Tang Tian Tian ဟာ Tang Feng အခြားတစ်ဖက်ခြမ်းကို ရှာဖွေတွေ့ရှိသွားလေတယ် ။ အလွှာများစွာ ဖုံးကွယ်ကာ ကာကွယ်ထားတဲ့ Tang Feng ရဲ့ ထိခိုက်လွယ်တဲ့ နှလုံးသားကိုကော ၊ အညိုရင့်ရောင် မျက်ခုံးအောက်မှာ လျို့ဝှက်ထားတဲ့ သိမ့်မွေ့မူတွေကိုပါ သူမ ရှာဖွေတွေ့ရှိခဲ့တယ် ။ လူတွေဟာ သူတို့ရဲ့ အမြင်အာရုံကို ပိတ်ပင်တားဆီးထားတဲ့ ကြားခံ အလွှာတွေကို ခွာထုတ်ကြည့်တော့မှ တစ်ဖက်သားရဲ့ အတွင်းစိတ်ကို နက်နက်ရိူင်းရိူင်း မြင်လာရတက်တာ ဓမ္မတာပဲ ။
Tang Tian Tian ရဲ့ နူတ်ခမ်းထက်မှာ အပြုံးတစ်ခု ပေါ်ပေါက်လာတယ် ။ Tango ကို သင်ယူဖို့ရာ လိုအပ်တဲ့ အဓိက အကြောင်းရင်းကို သူမ ရှာဖွေတွေ့ရှိသွားတယ် ။ ရုပ်ရှင်ရိုက်ကူးရာမှာ အထောက်အကူပြုဖို့ ယုံတင်မက ၊ နောက်နောင်ကာလတွေမှာ သင့်တော်တဲ့ တွဲဖက်ဖော်တစ်ယောက်နဲ့ အတူ ဖယောင်းတိုင်းအလင်း ထွန်းညှိထားတဲ့ ခန်းမအလယ်မှာ ကြည်နူးဖွယ်အပြည့်နဲ့ ကနိုင်တဲ့ အနေအထားအထိ သင်ယူဖို့ စိတ်ပိုင်းဖြတ်လိုက်တယ် ။
" အရမ်းကောင်းတယ် ။ အကယ်လို့များ ငါ့မှာသာ အစောကတည်းက ချစ်ရမယ့်သူ ရှိမနေလို့ရှိရင် သေချာပေါက် မင်းကို ကြွေဆင်းမိတော့မှာပဲ ။ "
Pacino ဟာ Tang Feng ရဲ့ လက်ကို လွှတ်ပေးလိုက်ပြီး နောက်ကို ခြေတစ်လှမ်း ဆုတ်လိုက်တယ် ။ အဲ့ဒီနောက် အခုလို စကားကို တဲ့တိုးပြောဆိုလိုက်တယ် ။
" မင်းဟာ ဘာမှမလုပ်ပဲ ရပ်နေတဲ့ အချိန်တုန်းကတော့ သေနေတဲ့ သစ်တုံးတစ်တုံးလို တစ်ချက်မှ တုတ်တုတ်တောင်မလူပ်ဘူး ။ ကလိုက်တဲ့ အခါမှာတောင် မင်းဟာ ညိူ့အားအရမ်းပြင်းတယ်ဆိုတာ ကြည့်နေတဲ့သူတွေ ဘယ်သူမှ မငြင်းနိုင်ဘူး ။ "
ဒါ ငါ့ကို မြောက်ပင့်နေတာများလား ? Tang Feng ဟာ ပြုံးပြလိုက်ပြီး ချီးမွမ်းစကားကို လက်ခံယူလိုက်တယ် ။
" ပုံမှန်အားဖြင့် Tango ဟာ အမျိုးသားနဲ့ အမျိုးသမီး တွဲဖက်ကကြရတဲ့ အကဖြစ်တယ် ။ သို့ပေမယ့်လည်း တစ်ခါတစ်ရံ ရုပ်ရှင်တွေမှာ လိုအပ်ချက်အရ အမျိုးသားနှစ်ယောက် တွဲကရတဲ့ အခြေအနေမျိုးလည်း ဖြစ်ချင်ဖြစ်လာနိုင်တယ် ။ Tango အကမှာ အမျိုးသားနဲ့ အမျိုးသမီး ကကြရတဲ့ အပိုင်းတွေကို ခွဲခြား သတ်မှတ်ထားပြီးသားဖြစ်တယ် ။ အမျိုးသားနှစ်ယောက် တွဲကရပေမယ့်လည်း ကိုယ့်ကိုယ်ကို အမျိုးသားတစ်ယောက်ပဲ ဖြစ်တယ်ဆိုတာ မမေ့လိုက်နဲ့ ။ "
Pacino ဟာ Tang Feng ရဲ့ ပုခုံးကို တစ်ချက်ပုတ်ကာ ပြုံးရင်း အခုလို ပြောလိုက်တယ် ။ အဲ့ဒီနောက် ထပ်မံပြီးတော့...
" ဒီကောင်မလေးကို ကူသင်ပေးဖို့ မင်းကိုပဲ တာဝန်ပေးလိုက်မယ် ။ "
ချက်ချင်းပဲ Tang Tian Tian တစ်ယောက် အကြီးအကျယ် ပျော်ရွှင်သွားတယ် ။ ဘေးမှာ ရပ်နေတဲ့ သင်တန်းသားတစ်ချို့ဟာ လက်ခုပ်တီးပြီးတော့ Tang Feng ရဲ့ အထင်ကြီးစရာကောင်းလှတဲ့ performance ကို ချီးမွမ်းကြလေတယ် ။ သင်တန်းသူတချို့ရဲ့ ပါးစပ်ကနေ " မတရားဘူး " ဆိုတဲ့ အသံလည်း ထွက်ပေါ်လာတယ် ။ သူမတို့လည်း Tang Feng ကို သူမတို့ရဲ့ dance partner ဖြစ်စေချင်ကြတယ်လေ ။
သက်ဦးဆံပိုင် ဧကရီတစ်ပါးလို Tang Tian Tian ဟာ အရှေ့ကို ထွက်လာပြီး အော်ပြောလိုက်တယ် ။
" ဘယ်သူမှ Tang Feng ကို လာမလုနဲ့ ။ သူ့ကို ငါပိုင်တယ် ။ "
အဲ့ဒီလို ဟစ်ကြွေးပြီး သူမ ရုတ်တရက် Lu Tian Chen ကို သတိရမိသွားတယ် ။ တံခါးဘက်ကို နောက်ပြန်လှည့်ကြည့်လိုက်တော့ စောနက ရပ်နေတဲ့ အဲ့ဒီပုဂ္ဂိုလ်ကို လုံးဝ မတွေ့ရတော့ဘူး ။
တော်တော်ထူးဆန်းတာပဲ ။ President Lu က ဒီကို ဘာလာလုပ်တာလဲ ?
...........................................................
To be continued.... Ch.65 : Calling a True Star ( Part.1 )