"pinapansin ka na ba ni jennie?" tanong ni jhope. napailing ako at napabuntong hininga. nakatingin lang kami sa ulap na medyo kulay abo.
andito kami ngayon sa rooftop ng condominium ni namjoon. sa amin kasing pito, sila ni kuya jin ang may condo.
"ni hindi ko man lang nga magawang lapitan eh." sabi ko. dumukot ako ng isang kaha sa bulsa ko. nabigla pa si jhope ng makita ang ginawa ko.
"naninigarilyo ka na ngayon?" tanong niya. nagkibit balikat ako at tsaka kumuha ng isang stick ng marlboro.
sisindihan ko na sana nang biglang agawin sakin ni namjoon.
"kailan ka pa natutong manigarilyo?" tanong niya, habang masama ang tingin sa akin. kinuha niya din ang kaha ng malboro na iisa palang ang bawas.
napangisi lang ako.
"nakakatakot ang ngisi mo, ogag." sabi ni hoseok.
"nag-aadik ka na ba ha?! sabihin mo nga!" sumigaw pa si namjoon sa akin habang dinuduro duro ang sigarilyo sa mukha ko.
"chill! pang dagdag senti lang yan, yung mga heartbroken na nasa pelikula? nagiinom pa nga sila! tapos para silang baliw." sagot ko na ikinagulat nila. parehas nila akong hinampas na ikinatawa ko lang.
naisipan ko lang na bumili ng sigarilyo kanina tsaka ng alak sa seven eleven.
wala eh, hindi ko man lang magawang lapitan si jennie.
"gago ka talaga!" sabi ni hoseok na ngayon ay tumatawa na. i laughed with him.
"pero seryoso, bakit ka nga blinock ni jennie?" tanong ni namjoon. naging seryoso na kaagad ako.
"baka naman may kagaguhan kang ginawa?" tanong naman ni hoseok.
"aaminin ko na, gago ako. oo na. gago talaga. pero totoo lang, hindi ko kaya yung ganito.." naging mahina ang boses ko, parang kinakapos na lang ako ng hininga.
tumingala ako habang sila naman ay tahimik na nakatingin sa akin.
"bakit di ka magpatulong kay jin?" tanong ni namjoon.
ayun na nga eh, hindi ko pa nakakausap si kuya jin. ilang araw na ang nakakalipas pero parang iwas siya sa akin. mukhang nagbreak din kasi sila ni jisoo. tuwing gusto ko siyang kausapin tungkol sa relasyon nila, mas pinipili na lang niya ang mapag-isa.
"ewan ko ba, mukhang nag break na sila ni jisoo." sagot ko at napabuntong hininga.
"kay jimin?" tanong ni jhope. napailing din ako.
"isa pa yon, mas malupet pa yata kay mino kung makabantay kay jennie. ayaw niyang lapitan ko si jennie, kasi alam niyang sasaktan ko lang daw. marunong pa siya sakin?! kaibigan ko siya pero wala siyang tiwala sakin."
kung bakuran ko din kaya si chaeyoung para di siya makalapit ha?!
tangina niya eh.
"kung ako sa'yo, hindi ako matatakot sa kuya ni jennie." sabi ni namjoon. napatingin ako sa kaniya. seryoso ba siya?
"bakit, hindi ka ba natatakot kay mino?" tanong ko. ngumisi siya tapos ay umiling.
"hindi mo ba alam? that guy is always second when it comes to me." sabi niya na talagang nagpagulat sa akin.