အနုပညာရပ်ဝန်းဆိုတာ မြေအောက်ဒုစရိုက်လောကနဲ့ မလွတ်မကင်း ဖြစ်နေတက်တာ သိပ်ပြီး ဆန်းကြယ်လှတဲ့ ကိစ္စတစ်ရပ်တော့ မဟုတ်ပါဘူး ။ ၈၀ ပြည့်နှစ်နဲ့ ၉ဝပြည့်နှစ် ပတ်ဝန်းကျင်တုန်းကဆိုရင် ဟောင်ကောင် အနုပညာလောကဟာ ဒုစရိုက်ဂိုဏ်းတွေရဲ့ လွှမ်းမိုးချုပ်ကိုင်ထားခြင်းကို ခံထားခဲ့ရတယ် ။ အပေါ်ယံ အများအမြင်မှာတော့ အနုပညာရှင်တွေရဲ့ ဘဝဟာ အဆုံးသတ်မရှိတဲ့ အောင်မြင်ကျော်ကြားမူတွေနဲ့ နှစ်လိုအားကျစရာ ကောင်းနေပေမယ့် ၊ နောက်ကွယ်မှာတော့ သူတို့ရဲ့ ဘဝကို ဘယ်လိုတွေ များပြားလှတဲ့ အန္တရာယ်တွေ အပြည့်နဲ့ ချိန်းခြောက်နေတယ်ဆိုတာကိုတော့ ဘယ်သူမှ မသိကြဘူး ။ ကံကောင်းထောက်မစွာပဲ အဲ့ဒီလို ဖြစ်ရပ်မျိုးတွေဟာ ယနေ့ခေတ် အချိန်အခါမှာတော့ မရှိသလောက် ရှားပါးသွားပြီ ။
အနုပညာလောကထဲ ကျင်လည်ခဲ့တာ အချိန်တစ်ခုတိုင် ကြာမြင့်ခဲ့ပြီမို့လို့ Tang Feng အတွက် အထက်ပါအကြောင်းအရာတွေကို သိနေခဲ့တာ သိပ်အထူးအဆန်းတော့ မဟုတ်ပါဘူး ။ ယနေ့အချိန်အခါမှာဆိုရင် အရင်တစ်ချိန်က ဒုစရိုက်ဂိုဏ်းဝင်တွေဟာ ဦးတည်ချက်ကို ပြောင်းလဲလိုက်ကြပြီး ဘဝအသစ်ကို စတင်နိုင်ဖို့ ကုမ္ပဏီလုပ်ငန်းခွင်တွေထဲ ဝင်ရောက်လုပ်ကိုင်နေကြပြီ ။ တော်တော်များများကတော့ ဒုစရိုက်အလုပ်တွေကို ပေါ်ပေါ်ထင်ထင်လည်း ဆက်မလုပ်ဘူး ၊ တရားဥပဒေဘောင်အတွင်းမှာလည်း အပြည့်အဝဝင်မနေပဲ ကြားနေဝါဒကို ကျင့်သုံးနေနေကြတယ် ။ အဲ့ဒီလူတွေရဲ့ အများစုက အနုပညာလုပ်ငန်းထဲ ဝင်ရောက် ရင်းနှီးမြုတ်နှံလာကြတယ် ။ အဲ့ဒီလို ရင်းနှီးမြုတ်နှံရတဲ့ အကြောင်းအရင်း တစ်ချက်ကတော့ လက်ရှိအချိန်ကာလမှာ အနုပညာရပ်ဝန်းဟာ အရှိန်အဟုန်နဲ့ ဖွံဖြိုးတိုးတက်လာနေလေတော့ ဒီလုပ်ငန်းကနေ မြောက်များစွာသော ငွေကြေးအကျိုးအမြတ်တွေ ရရှိနိုင်တယ် ။ နောက်တစ်ချက်ကတော့ သူတို့တွေ မတရားနည်းလမ်းတွေနဲ့ ရှာဖွေထားတဲ့ ငွေမည်းတွေကို ဒီအနုပညာလုပ်ငန်းတွေကနေ တဆင့် တရားဝင် ငွေဖြူတွေ ဖြစ်လာအောင် လုပ်ဆောင်နိုင်တယ် ။
Charles နဲ့ Lu Tian Chen တို့ရဲ့ နောက်ခံ background ဟာဆိုရင် Tang Feng တွေးထင်ထားတာထက် ပိုပြီးတော့ ရူပ်ထွေးနေနိုင်တယ် ။ သူတို့သုံးယောက် အတူတူ ညနေစာစားကြတဲ့ အချိန်တုန်းက Tang Feng ဟာ သူ့အနေနဲ့ ကြားဖို့ရာ မသင့်တဲ့ စကားအကြောင်းအရာ တချို့ကို ကြားခဲ့လိုက်ရတယ် ။ အိမ်ကို ပြန်ရောက်တဲ့အခါ သူ သေသေချာချာ စဉ်းစားကြည့်မိတယ် ။ လူတစ်ယောက်ကို ကုန်ပစ္စည်းချင်း အလဲအထပ်လုပ်သလိုမျိုး တစ်ဖက်လူဆီမှာ အချိန်တစ်လလောက် သွားနေဖို့ စီမံတယ်ဆိုတာ သာမန်ရိုးရိုး ဥပဒေကို လေးစားလိုက်နာတဲ့ ပြည်သူတစ်ယောက်ရဲ့ လုပ်ရပ်မျိုး လုံးဝမဟုတ်ဘူး ။
Charles ဟာ Tang Feng ကို မြို့ရဲ့ ထိပ်တန်းအဆင့်ရှိတဲ့ စားသောက်ဆိုင် တစ်ခုစီကို ကားနဲ့ ခေါ်ဆောင်သွားတယ် ။ Charles ကို ကောင်းကောင်း သိကျွမ်းနေပုံရှိတဲ့ စားပွဲထိုးဟာ သူတို့နှစ်ယောက်ကို သီးသန့်ခန်းရှိရာကို ခေါ်ဆောင်သွားလေတယ် ။
အနက်ရောင် ဝတ်စုံပြည့် ဝတ်ဆင်ထားတဲ့ ကြီးမားတောင့်တင်း သန်မာတဲ့ ဘော်ဒီဂတ် နှစ်ယောက်ဟာ ရက်စက်ခက်ထန်တဲ့ မျက်နှာ အမူအရာမျိုးနဲ့ သီးသန့်အခန်းရဲ့ တံခါးဝနားမှာ ရပ်စောင့်နေတယ် ။
Charles ရောက်လာတာကို မြင်လိုက်တာနဲ့ သူတို့နှစ်ယောက်လုံးဟာ တရိုတသေ ဦးညွတ်အလေးပြုလိုက်တယ် ။ အဲ့ဒီနောက်မှာ အခန်းတံခါးကို လေးလေးစားစား ဖွင့်ပေးလေတယ် ။ Tang Feng ဟာ သူ Charles နဲ့အတူ အခန်းထဲကိို လိုက်ဝင်သင့် မဝင်သင့် ချီတုံချတုံ ဖြစ်နေမိတယ် ။ စိတ်ထဲမှာ တွေးနေမိတဲ့ အမေးရဲ့ အဖြေကို စဉ်းစားချိန်လေးတောင် မရလိုက်ပါဘူး ။ Charles ရဲ့လက်တွေဟာ သူ့ရဲ့ ခါးကို ဆွဲဖက်ထားပြီးနေပြီ ။ သူဝင်ချင်စိတ်မရှိရင်တောင် လိုက်ဝင်ရတော့မယ် ။
အတွင်းမှာတော့ လူတော်တော်များများ ကြိုတင်ရောက်နှင့် နေလေပြီ ။ သူတို့တွေအားလုံးရဲ့ မျက်ဝန်းအရောင်တွေက အပြာရောင် ၊ အစိမ်းနုရောင်တွေ ။ ဆံပင်အရောင်တွေကလည်း ရွှေအိုရောင် ၊ အညိုနုရောင်တွေ ။ မျက်ဝန်း အနက်ရောင် ၊ ဆံပင် အနက်ရောင်နဲ့ အာရှတိုက်သားဆိုတာ တစ်ယောက်လေးတောင် ရှိမနေဘူး ။ အမေရိကဆီ သူပြန်ရောက်သွားနေသလိုပဲ ။
" Albert...ငါ့ သူငယ်ချင်းဟောင်းကြီး..."
Charles ဟာ စိတ်အားထက်သန်စွာပဲ နူတ်ခွန်းဆက်လိုက်တယ် ။ အဲ့ဒီလိုဆိုပေမယ့်လည်း Charles ရဲ့ ပြုမူပြောဆိုပုံတွေဟာ အမြဲတမ်း ကပြက်ကချော် နိုင်လွန်းလှတယ် ။
Charles နူတ်ဆက်လိုက်တဲ့ Albert ဆိုတဲ့ လူဟာ ညစာစားပွဲဝိုင်းမှာ ထိုင်နေဆဲ တစ်ဦးတည်းသော လူပဲ ။ အသက်ကတော့ Charles နဲ့ ရွယ်တူဝန်းကျင်လောက်ရှိမယ့်ပုံ ပေါက်ပြီး ပုံပန်းသွင်ပြင်ဟာ လူအများရဲ့ စိတ်ဝင်စားခြင်းကို အပြည့်အဝခံယူနိုင်တဲ့ ပုံသဏ္ဍန်ရှိနေလေတယ် ။ ရွှေအိုရောင် ဆံနွယ်တွေနဲ့ မြစိမ်းရောင်တောက်နေတဲ့ မျက်ဝန်းတွေရဲ့ အကြည့်ဟာ ၊ အကြည့်ခံရသူတစ်ဖက်သားရဲ့ စိတ်ကို မသက်မသာဖြစ်စေတာတော့ အမှန်ပဲ ။
Tang Feng နဲ့ အမှတ်မထင် အကြည့်ချင်း ဆုံလိုက်မိပေမယ့် Albert ဟာ အကြည့်ကို ချက်ချင်းပဲ လွဲဖယ်လိုက်တယ် ။ အဲ့ဒီအချိန်ခဏလေးနဲ့တင် Tang Feng ရဲ့ စိတ်ထဲမှာ သတိထားပြီးနေရမယ်ဆိုတဲ့ စိတ် ချက်ချင်းပေါ်သွားခဲ့တယ် ။ Albert ဆိုတဲ့လူကို Tang Feng သဘောမကျဘူး ။ အကြည့်လေးတစ်ချက်နဲ့တင် ဒီလူဟာ စိတ်ကောင်းနှလုံးကောင်း ရှိမယ့်လူ မဟုတ်ဘူးဆိုတာ Tang Feng ခံစားမိတယ် ။
အကယ်လို့များ Charles ဟာ အထက်တန်းလွှာ လူကြီးလူကောင်းဟန်ပန် ဖမ်းထားတဲ့ ဂျာကွာကျားသစ်တစ်ကောင်လို့ ခိုင်းနိူင်းမယ်ဆိုရင် Albert ဆိုတဲ့ လူကတော့ သူ့ရဲ့ ရက်စက်တဲ့ အတွင်းစိတ်ကို ဖုံးကွယ်ထားပြီး အခွင့်အရေး အချိန်အခါကောင်းကို ချောင်းမြောင်းနေတဲ့ တောကောင်ကြီး တစ်ကောင်နဲ့ အလားသဏ္ဍန်တူတယ် ။
" ဒါ မင်းရဲ့ ကစားစရာ အရုပ်အသစ်လား ? "
နူတ်ခမ်းထောင့်ကို တွန့်ကွေးပြီး မထီလေးစားပုံစံမျိုးနဲ့ Albert ဟာ သူ့ကို ကြည့်ပြီး Charles ကို မေးတယ် ။ Tang Feng ကို စိုက်ကြည့်နေတဲ့ အကြည့်ဟာ လူတစ်ယောက်ကို ကြည့်နေတဲ့ အကြည့်မျိုးနဲ့ မတူဘူး ။ သားကောင်တစ်ကောင် ကို ဆော့ကစားဖို့ ချောင်းမြောင်းနေတဲ့ သားရဲတစ်ကောင်ရဲ့ အကြည့်နဲ့ ပိုတူနေတယ် ။
Albert ရဲ့ နူတ်ဖျားကနေ ထွက်လာတဲ့ အင်္ဂလန်ဆန်တဲ့ လေယူလေသိမ်းဟာ နားထောင်ရတာ နှစ်လိုဖွယ်ရာ ကောင်းပေမယ့် ၊ စကားလုံးတွေကတော့ ကြားရတာ နားထဲ ခါးသက်လှတယ် ။
" သူဟာ တကယ်တမ်းတော့ Lu Tian Chen ပိုင်တဲ့လူ ။ ငါနဲ့ တစ်လ အတူတူ နေခွင့်ရအောင် နည်းလမ်းပေါင်းစုံနဲ့ မနည်း ကြိုးပမ်းခဲ့ရတာ ။ အဲ့လိုလုပ်ပြီးမှ ရယူနိုင်ခဲ့လို့ ငါ ဘယ်ကိုသွားသွား သူ့ကို ငါ့ဘေးမှာ ခေါ်ထားရတာ ။ "
အဲ့ဒီလိုပြောပြီးတော့ Charles ဟာ ဟက်ဟက်ပက်ပက် ရယ်မောနေတော့တယ် ။ Tang Feng ကိုဖက်ထားနေရင်းနဲ့ပဲ ခုံမှာ ဝင်ထိုင်ခိုင်းလိုက်တယ် ။ အဲ့ဒီနောက် Charles ဟာ Tang Feng ကို လေးနက်တည်ကြည်တဲ့ အကြည့်နဲ့ ကြည့်လိုက်ပြီး....
" ဒါပေမယ့် အခုနောက်ပိုင်း ငါ သူ့ကို တဖြည်းဖြည်း ပိုပို ချစ်မိလာတယ် ။ "
Charles ရဲ့ ပြောဆိုတဲ့ စကားသံကို နားထောင်လိုက်ရသူတွေရဲ့ ရင်ထဲမှာ သူတကယ်ပဲ Tang Feng ဆီ ပျော်ဝင်သွားပြီလို့ ထင်သွားကြနိုင်လောက်တယ် ။ Tang Feng ရဲ့ ရင်ထဲမှာတော့ ဘယ်လိုမှကို ဖြစ်မသွားဘူး ။
" မင်း ငါနဲ့ကော အတူတူ မနေချင်ဘူးလား ? Charles ကော Lu Tian Chen ကော ၊ နှစ်ယောက်လုံးက လူကောင်းတွေ မဟုတ်ဘူးနော် ။ "
Albert က နှစ်လိုဖွယ် အပြုံးနဲ့ ပြုံးလိုက်တယ် ။ စိတ်ခံစားချက် အမူအယာကြောင့် သူ့ရဲ့မျက်ဝန်းတွေဟာ ကျဉ်းမြောင်းသွားလေတယ် ။ Albert ရဲ့ မျက်ဝန်း အတွင်းထဲမှာတော့ ပြုံးရွှင်နေတဲ့ အရိပ်အယောင် မြူမှုန်တစ်စက်လေးမျှတောင် ရှိမနေဘူး ။
လူတွေ စကားပြောကြတဲ့အခါ စိတ်ထဲကမပါတဲ့ အပြုံးတုကို အခုလို ဆင်မြန်းပြီး ပြောနေကြပြီဆိုရင် ၊ သူတို့အတွင်းစိတ်ထဲမှာ လိုချင်နေတဲ့အရာက တစ်ခုထဲပဲ ။ Sex ကလွဲလို့ တခြားဟာ မရှိဘူး ။
" သူပြောတဲ့ ပေါက်ကရစကားတွေကို သွားပြီး နားမယောင်မိလိုက်နဲ့ ။ ဒီကောင်က ပုံမှန်မဟုတ်ဘူး ။ သူနဲ့ နောက်ဆုံး အတူတူအိပ်ခဲ့တဲ့ တစ်ယောက် ၊ အခု အုပ်ဂူထဲရောက်နေပြီ ။ ကိုယ့်ရဲ့ အချစ်ဆုံးလေး Tang... လူတိုင်းက ကိုယ့်လိုမျိုး ကြင်နာတက်ပြီး စာနာတက်တဲ့ စိတ်မျိုး ရှိကြတာ မဟုတ်ဘူး ။ "
Charles ဟာ ချက်ချင်းပဲ Albert ရဲ့ ဖုံးကွယ်ထားတဲ့ ဟန်ဆောင်မျက်နှာဖုံးကို ဆွဲခွာပစ်လိုက်တယ် ။
........................................................................
To be continued... Ch.36 Not Kindhearted (Part.2)