ခင်ဗျားလိုချင်တာက အနမ်းတစ်ခုဆို ၊ အဲ့ဒီ အနမ်းကို ကျွန်တော် ပေးမယ် ။
ကျွန်တော်က ခင်ဗျားကို နမ်းစေချင်တယ် ဆိုရင်လည်း ၊ ရတယ်လေ ။ ကျွန်တော့်ဘက်က နမ်းပေးနိုင်တယ် ။
Tang Feng ဟာ driver ထိုင်ခုံမှာ ထိုင်နေတဲ့ Lu Tian Chen ကို စေ့စေ့စပ်စပ် ကြည့်လိုက်တယ် ။ Tang Feng ဟာ လက်ချောင်းလေးတွေနဲ့ ကားပြတင်းမှန်ကို သုံးလေးချက်လောက် ခေါက်လိုက်ပြီး ၊ အပြုံးတစ်ခုကို မျက်နှာထက် ဆင်မြန်းကာ....
" နောက်ဆုံးတော့လည်း President Lu က ကျွန်တော့်ကို အနီးကပ် သင်ကြားပေးတော့မှာပါလား ။ ကျွန်တော့်ဘက်က ဝမ်းမြောက်ဝမ်းသာစွာ လက်ခံပေးရမှာပေါ့ ။ အဲ့ဒီတော့ President Lu က ဘယ်လိုလုပ်ချင်လဲ ။ ခုချက်ချင်း နမ်းစေချင်တာလား ၊ ဒါမှမဟုတ် ကျွန်တော်တို့ ညနေစာစားပြီးမှလား ။ "
ဒီလို စကားကို ဆိုရင်းနဲ့ Tang Feng ဟာ Lu Tian Chen ရှိရာဆီ တိုးကပ်လာခဲ့တယ် ။ အနည်းငယ် ရှက်ရွံ့နေမူလေးကိုတောင် သူ့ရဲ့မျက်နှာထက်ဆီမှာ တစိုးတစိမှ မတွေ့မြင်ရဘူး ။
မူလတန်းအရွယ်ကို ကျော်လွန်ပြီးချိန်မှစလို့ Tang Feng ဟာ ရှက်ရွံ့မူ ဆိုတာ ဘာအဓိပ္ပါယ်မှန်း သူ မသိတော့ဘူး ။
ခင်ဗျားလည်း ယောကျာ်း ၊ ကျွန်တော်လည်း ယောကျာ်းပဲ ။ ခင်ဗျားက ကျွန်တော့်ကို နမ်းဖို့ကြိုးစားမှတော့ ၊ ကျွန်တော့်ဘက်က ဘာလို့ ပြန်မနမ်းနိုင်ရမှာလဲ ။ ခင်ဗျားရဲ့ အတွင်းစိတ်က ပုတ်သိုးနေရင်တောင် ၊ ပြင်ပရုပ်ရည်က ကြည့်ကောင်းနေသေးတယ်လေ ။ ဒီလို ငယ်ရွယ်ပြီး ချောမောတဲ့ လူတစ်ယောက်ဆီကနေ အနမ်းတစ်ခုတင်မကဘူး ၊ ညနေစာစားဖို့တောင် ဖိတ်ကြားသေးတယ်ဆိုတော့ ၊ ခင်ဗျားက ဘယ်လောက်တောင် သဘောကောင်းလိုက်သလဲ ။ ညနေစာကို ဖိတ်ယုံမဟုတ်သေးဘူး ၊ ကျသမျှအကုန် ခင်ဗျားပဲ အကုန်ရှင်းရဦးမယ်ဆိုတော့လည်း အားနာနာနဲ့ ကျေးဇူးတင်ရမှာပဲ ။
အကယ်လို့များ Lu Tian Chen တစ်ယောက် Tang Feng စိတ်ထဲ တွေးတောနေတာကို ကြားနိုင်လို့ကတော့ နေရာတင် ဒေါသစိတ်ကြောင့် သွေးပွက်ပွက်အန်ပြီး သေသွားလောက်တယ် ။
Lu Tian Chen ကတော့ Tang Feng ဘက်က ဒီလို လွယ်လွယ်ကူကူပဲ လိုက်လျောလိုက်မယ်လို့ မမျှော်လင့်ထားဘူး ။ မနှစ်မြို့တဲ့ ခံစားချက်တစ်ခု သူ့ရဲ့မျက်ဝန်းထဲ ထင်ဟပ်သွားတယ် ။ ဒါပေမယ့် အဲ့ဒီ အကြည့်ဟာ ကြယ်ကြွေလိုက်သလို ၊ စက္ကန့်ပိုင်း အတွင်း ကွယ်ပျောက်သွားတယ် ။
" ဘယ်လို သဘောရလဲ.....President Lu ? "
ခင်ဗျားက ကျွန်တော့် ပုခုံးပေါ် လက်လာတင်ရင် ၊ ကျွန်တော်လည်း ခင်ဗျား ပုခုံးကို ပြန်တင်ရမယ် ။
Tang Feng ဟာ ပြုံးပြုံးလေးနဲ့ Lu Tian Chen ရဲ့ ပုခုံးထက် လက်နှစ်ဖက်ကို တင်ထားလိုက်တယ် ။ သူ့ရဲ့ မျက်ဝန်းထဲမှာ အရှေ့မှာ ထိုင်နေတဲ့ လူရဲ့ တင်းမာခက်ထန်တဲ့ ပုံရိပ် ထင်ဟပ်နေလေတယ် ။
" ငါ မင်းကို အပျော်အပျက် ပြောလိုက်တာပါ ။ "
ပါးစပ်ကသာ အခုလို ပြောလိုက်ပေမယ့် ၊ ဒါဟာ ဟာသတစ်ခုလို ပြောခဲ့တာမဟုတ်ဘူးဆိုတာ Lu Tian Chen ရဲ့ မျက်နှာအမူအယာမှာ ပေါ်လွင်နေတယ် ။ ဒီစကားပြောပြီးနောက် သူဟာ Tang Feng ကို ကိုင်ထားတဲ့ လက်တွေကို ပြန်ရုပ်သိမ်းလိုက်ပြီး ၊ ကားတံခါးလော့ခ်ကို ဖွင့်ပေးလိုက်တယ် ။
Lu Tian Chen ရဲ့စိတ်ကို မချင့်မရဲ ဖြစ်အောင် လုပ်နိုင်ခဲ့လို့ Tang Feng တော်တော်လေးကို ကျေနပ်သွားတယ် ။ ဒီလောက်ဆို Lu Tian Chen မှတ်လောက်သားလောက် ဖြစ်သွားပြီ ။ Tang Feng ကားထဲကနေ ပြုံးပြုံးရွှင်ရွှင် ထွက်လာခဲ့တယ် ။ Lu Tian Chen ဘက်က သူ့ကို နမ်းချင်စိတ် ရှိနေသေးလားလို့ ထပ်ပြီး မေးမနေတော့ဘူး ။
လူတိုင်းလူတိုင်းမှာ ကိုယ့်ကိုယ့်ကိုယ် တန်ဖိုးထား သိမ်းဆည်းထားတဲ့ ဂုဏ်သိက္ခာ ဆိုတာရှိတယ် ။ Tang Feng ဟာ Lu Tian Chen တစ်ယောက် သူ့စကားနဲ့သူ ပြန်ခြေချုပ်မိသွားတဲ့ အဖြစ်ကို ကျေနပ်မဆုံး ဖြစ်နေတယ် ။
...........
စားသောက်ဆိုင်ရဲ့ အတွင်းပိုင်း ပြင်ဆင်ထားမူဟာ အင်မတန်ပဲ ကောင်းမွန်လွန်းလှတယ် ။ ခေတ်ဟောင်းအငွေ့အသက်ကို အပြည့်အဝ ရရှိ ခံစားမိစေတယ် ။ ဆိုင်တွင်း ပြင်ဆင်ထားတဲ့ ရှေးဟောင်း အသုံးအဆောင် ပစ္စည်းတွေကို မြင်တွေ့ယုံနဲ့တင် ၊ ဒီဆိုင်က အစားအသောက်တွေဟာ တော်တန်ယုံ စျေးနူန်း မဟုတ်ဘူးဆိုတာ ခန့်မှန်းမိနိုင်တယ် ။ ရုပ်ရည်ချောမောလှတဲ့ စားပွဲထိုး မိန်းမလှလေးတွေဟာ cheongsam ဝတ်စုံကို ( ပိုင်ဟွေ့အကျီပုံစံ ) လှပသိမ်မွေ့စွာ ဆင်ယင်ထားကြပြီး ၊ သူတို့နှစ်ယောက်ကို အခန်းတစ်ခုဆီ ခေါ်ဆောင်သွားကြတယ် ။ ကြည့်ရတာ Lu Tian Chen ဟာ ကြိုတင် booking လုပ်ထားနှင့်တယ် ထင်တယ် ။
အခန်းတံခါးဝထက်မှာတော့ " Leisure Room " ဆိုတဲ့ ဆိုင်းပုဒ်ကို ချိတ်ဆွဲထားလေတယ် ။
တံခါးရဲ့နောက်မှာတော့ အလင်းရောင်ဝင်ဖို့ ခေါင်မိုးထက်မှာ အပေါက်လေးတွေ အများအပြားရှိနေတဲ့ သေးငယ်တဲ့ ခြံဝန်းငယ်လေးတစ်ခု ရှိနေလေတယ် ။ တင့်တယ်ကျော့ရှင်းလှတဲ့ လူလုပ် ပန်းပင်တွေနဲ့ သစ်ပင်ငယ်လေးတွေပါ ထည့်သွင်း ဆင်ယင်ထားတယ် ။ တံတားငယ်လေး တစ်ခုရယ် ၊ စမ်းချောင်းလေးရယ်ပါ ရှိနေလေတော့ တိတ်ဆိတ်အေးချမ်းလှတဲ့ အရသာကို ရရှိစေတယ် ။ ခြံဝင်းငယ်လေးပုံစံဟာ ရုပ်ရှင်ရုံ အသေးစားတစ်ခုလိုပဲ ။ အလယ်နေရာမှာ စားပွဲတစ်လုံး တည်ရှိပြီး ၊ ဘေးပတ်လည်မှာ ဝါးနဲ့ပြုလုပ်ထားတဲ့ ထိုင်ခုံလေးတွေ ဝန်းရံစီချယ်ထားလေတယ် ။ ထိုင်ခုံတစ်ခုံထက်မှာတော့ လူတစ်ယောက်ဟာ ကြိုတင်နေရာယူထားနေလေတယ် ။
Charles ဟာ ခြေနှစ်ဖက်ကို ချိတ်ထိုင်ထားကာ ၊ လက်ဖက်ရည်တည်ခင်းပွဲ အရသာကို ခံစားနေလေတယ် ။ Tang Feng နဲ့ Lu Tian Chen ရောက်လာတာကို မြင်တော့ ၊ လက်ဖက်ရည်တည်ခင်းပေးနေတဲ့ မိန်းမပျိုလေးကို နောက်ဆုတ်ခိုင်းလိုက်တယ် ။
အခုတော့ Tang Feng သဘောပေါက်သွားပြီ ။ Lu Tian Chen က သူ့ကို ညနေစာ အတူစားဖို့ ဖိတ်ခဲ့တာ မဟုတ်ဘဲ ၊ Charles က အကူအညီတောင်းထားလို့ သူ့ကို ဒီနေရာကို ခေါ်ဆောင်လာခဲ့တယ် ဆိုတာကိုပေါ့ ။
Charles ဟာ သူ့ရဲ့စိတ်ကို ကျေနပ်နှစ်သိမ့်အောင် စွမ်းဆောင်နိုင်တဲ့ အရည်အချင်းရှိတဲ့ ချစ်သူတစ်ယောက်ဆိုတာ အသိအမှတ်ပြုလို့ Tang Feng ဟာ Charles ကို အပြုံးလေးနဲ့ နူတ်ခွန်းဆက်လိုက်တယ် ။ Lu Tian Chen ဟာ Charles နဲ့ မျက်နှာခြင်းဆိုင် နေရာမှာ ဝင်ထိုင်နေလိုက်ပြီး ၊ သူကတော့ Charles ရဲ့ ဘေးနားမှာ ပုံမှန် ဖြစ်ရိုးဖြစ်စဉ် လိုပဲ ဝင်ထိုင်လိုက်တယ် ။
သေးငယ်လှတဲ့ လေးထောင့် စားပွဲခုံထက်မှာဆိုရင်တော့ ၊ Charles ဟာ Tang Feng ရဲ့ ညာဘက်ဘေးမှာ ထိုင်နေပြီး ၊ Lu Tian Chen ဟာတော့ မျက်နှာခြင်းဆိုင် နေရာမှာ ရှိနေတယ် ။ သူတို့သုံးယောက်ရဲ့ အကြားမှာတော့ လှပတဲ့ မိန်းမပျိုလေးဟာ လက်ရည်ပွဲကို တည်ခင်းပြင်ဆင်ပေးနေလေတယ် ။
Charles လက်ယမ်းပြလိုက်တော့ မိန်းမပျိုလေးဟာ နောက်ကို အသာအယာဆုတ်သွားတယ် ။ အဲ့နောက် သူတို့အတွက် အစားအသောက်တွေ ယူဆောင်လာပေးဖို့ မှာကြားလိုက်တယ် ။
" Darling.... ဒီနေ့ လူရွေးပွဲက အခြေအနေဘယ်လိုလဲ ? "
Charles ဟာ ပေါ့ပေါ့ပါးပါးပဲ မေးမြန်းလိုက်တယ် ။ ဘယ်လိုလူမဆို Charles မျက်နှာ အမူအရာကို ကြည့်လိုက်တာနဲ့ ရင်ထဲက တကယ်ဂရုစိုက်ပြီး သိချင်လို့ မေးတာ မဟုတ်ဘူးဆိုတာ ပြောနိုင်လေတယ် ။
" အဆင်ပြေပါတယ် ။ "
Tang Feng ဘက်ကလည်းပဲ စားသောက်နေတဲ့ အချိန်မှာ အလုပ်အကြောင်း ပြောဆိုရတာ စိတ်မဝင်စားဘူး ။ ဒီလိုနေရာမှာတော့ သူနဲ့ Charles စိတ်သဘောထားချင်း တိုက်ဆိုင်တယ် ။ တစ်ဖက်သား လုပ်ကိုင်တဲ့ အလုပ်အပေါ် တကယ်ကိုပဲ စိတ်ဝင်တစားရှိတယ်ဆိုတဲ့ လူမျိုးဟာ သိပ်များများစားစား မရှိဘူးလေ ။
စိတ်ထဲမပါတဲ့ စကားတွေ ဘာလိုများ ပြောဆိုနေရအုံးမှာလဲ ....
Lu Tian Chen ရဲ့ ရှေ့မှောက်မှာပဲ Charles ဟာ ပြုံးရယ်ပြီး ပြောတယ် ။
" ငါ့ရဲ့ စိတ်ထဲက အလိုတိုင်းဆိုရင် မင်းက Ge Chen ထက်ပိုပြီးတော့ ပိတ်ကားပြင်ကျယ်ကြီးနဲ့ ပိုသင့်တော်တယ် ။ မင်းမျက်နှာလေးကိုသာ ပိတ်ကားပေါ်မှာ အကျယ်ချဲ့ပြီး ပြလိုက်လို့ကတော့ ကြည့်လိုက်တဲ့လူတွေအကုန် ရူးသွပ်သွားကြမှာပဲ ။ "
Tang Feng ဟာ လက်ဖက်ရည် တစ်ငုံသောက်လိုက်ပြီး ၊ ခပ်အေးအေးပဲ အဖြေပြန်ပေးတယ် ။
" ဒီလောကထဲမှာ ရုပ်ချောတဲ့သူတွေဆိုတာ အများကြီးပဲ ။ သူတို့မျက်နှာကို အဆတစ်ရာမက ပုံကြီးချဲ့ပြီး ပိတ်ကားပေါ်ပြရင်လည်း ရုပ်ချောတာထက် ဘာမှ ပိုမထူးဆန်းသွားဘူး ။ "
" Charles... မင်းလို လူမျိုးတစ်ယောက်က ဒီလို ရုပ်ချောတာလေး တစ်ခုတည်းနဲ့ Tang Feng ဆီမှာ ပျော်ဝင်သွားလိမ့်မယ်လို့ ငါမထင်ထားခဲ့မိဘူး ။ "
Lu Tian Chen ဆီကနေ ရှားရှားပါးပါး ချီးမွမ်းစကား တစ်ခွန်း Tang Feng ရရှိလိုက်တယ် ။
ဒီလူနှစ်ယောက် ပြောဆိုနေတဲ့ စကားလုံးတွေကြား ဖြစ်ပေါ်လာတဲ့ ထူးဆန်းတဲ့ အခြေအနေကြားမှာ Tang Feng နေရထိုင်ရတာ သိပ်အဆင်မပြေချင်ဘူး ။ တစ်ဖက်လူ နှစ်ယောက်ဟာလည်း လိမ္မာပါးနပ်တဲ့ သူတွေ ဖြစ်လေကျတော့ ၊ အချိန်ခဏအတွင်းမှာပဲ ပြောနေကြတဲ့ စကားတွေဟာ ခေါင်းစဉ် ပြောင်းသွားကြလေတယ် ။ သူနဲ့ မသက်ဆိုင်ပေမယ့်လည်း အဲ့လို ပြောင်းလဲသွားတဲ့ စကားခေါင်းစဉ်တွေအပေါ် Tang Feng စိတ်ထဲမှာ မနှစ်မြို့ဘူး ။
လက်နက်တွေ....မှောင်ခိုကုန်ကူးတာတွေ....ငွေကြေးခဝါချတာတွေ.......ဘာတွေပြောဆိုနေကြမှန်း သူ လုံးဝ မကြားမိဘူး ။ ( T.S note... မကြားချင်ယောင်ဆောင်နေလိုက်တယ်လို့ ဆိုလိုချင်တာ ။ )
စားသောက်ဖွယ်ရာတွေ အပေါ်မှာပဲ သူ့အာရုံကို အပြည့်နှစ်မြုတ်လိုက်တယ် ။ မဆိုးပါဘူး ။ စားရသောက်ရတာ တော်တော်လေး အရသာရှိတယ် ။
........................................................................
To be continued... Ch.33 Dream Lover ( Part 1 )