စစ်တုရင် ကစားနည်းမှာ နယ်ရုပ်က သင့် ဘုရင်ကို စားဖို့ ကြိုးစားရင် ၊ စစ်သူကြီးနဲ့ ကာကွယ်လို့ရတယ် ။ ရေကြီးပြီးတဲ့နောက်မှာ အဖိုးတန်တဲ့ မြေဆီမြေနှစ်တွေ ကျန်ရစ်လာမှာပဲ ။ ( ပြသနာတိုင်းအတွက် ရှောင်လွဲနိုင်စရာ နည်းတစ်ခုခု ရှိနေတက်ပြီး ၊ အခက်အခဲတိုင်းရဲ့ နောက်ကွယ်မှာ အောင်မြင်ခြင်းရှိနေတက်တဲ့ သဘောကို ပြောချင်တာပါ ) သူ့လို အသက်၃ရကျော် ရှိနေပြီဖြစ်တဲ့ သက်လက်ပိုင်းတစ်ယောက်ဟာ ၊ အသက်နှစ်ဆယ်ကျော် လူရွယ်တစ်ယောက်ကို ကြောက်ရွံ့နေစရာလား ။
Lu Tian Chen ဘက်က တွဲကဖို့ရာ လိုလိုလားလား ကမ်းလှမ်းနေမှတော့ Tang Feng ဘက်ကလည်း တွန့်ဆုတ်မနေဘဲ ကမ်းလှမ်းချက်ကို လက်သင့်ခံလိုက်တယ် ။
Lu Tian Chen ရဲ့ လက်တစ်ဖက်ဟာ သူ့ရဲ့ ခါးထက်နားကို ဆွဲဖက်ယူလိုက်တယ် ။ ဒီပုံအတိုင်းဆို Lu Tian Chen က အမျိုးသမီးနေရာကနေ ကဖို့ စိတ်ကူးမရှိဘူးထင်တယ် ။ Tang Feng တစ်ချက် ပြုံးလိုက်တယ် ။ သူ့ရဲ့ နက်မှောင်လှတဲ့ မျက်ဝန်းထဲမှာ အရှေ့က အေးစက်စက်ပုဂ္ဂိုလ်ရဲ့ ရောင်ပြန်ပုံရိပ် ထင်ဟပ်နေတယ် ။
" ကျွန်တော် အမျိုးသမီးနေရာကနေ ကမှာ မဟုတ်ဘူးနော် ။ "
" ငါက မင်း Tango အကြောင်း နားမလည်လောက်ဘူး ထင်နေတာ ။ "
အရှေ့ဘက်ဆီ ကိုယ်ကို အနည်းငယ် ကိုင်းညွှတ်လိုက်ကာ ၊ ရုတ်တရက်ဆိုသလို သူ့ရဲ့ခါးကို ခပ်တင်းတင်း ဆုပ်ကိုင်လိုက်တယ် ။ နှစ်ဦးစလုံးရဲ့ ရင်ဘတ်အစုံဟာ အရမ်းကို နီးကပ်နေလွန်းလို့ နှလုံးခုန်သံကိုတောင် အချင်းချင်း ပြန်ကြားနိုင်တယ် ။ Lu Tian Chen ရဲ့ အပြုအမူတွေဟာ အထက်စီးဆန်နေတယ်ဆိုပေမယ့် သူ ရှောင်လွဲဖို့ရာ မဖြစ်နိုင်ဘူး ။
လက်ရှိအခြေအနေဟာ Tang Feng အတွက် စာမေးပွဲ တစ်ခုကို ဖြေဆိုနေရသလိုမျိုးပဲ ။
သီချင်းသံ ညင်သာစွာ လွင့်ပျံလာတာနဲ့အတူ သူတို့ရဲ့ ခြေအစုံဟာလည်း စတင်လူပ်ရှားလာခဲ့တယ် ။
အမျိုးသမီးဘက်က ကရတဲ့ အကကို Tang Feng မသိတာတော့ မဟုတ်ဘူး ။ တမင်ကို အဲ့ဒီလိုမျိုး မကချင်တာ ။ အဲ့ဒီလိုဆိုပေမယ့် Lu Tian Chen ဘက်က ကလို့ အဆင်မပြေအောင် အနှောက်အယှက်ပေးချင်တာမျိုးလည်း မဟုတ်ခဲ့ဘူး ။
" ကျွန်တော့် အကြောင်းကို အခုထိ သေချာ နားမလည်သေးဘူး ထင်တယ် ။ President Lu "
ခပ်ဖွဖွလေး ပြုံးလိုက်ပြီး Tang Feng ဟာ Lu Tian Chen ရဲ့ လက်ကို ဆုပ်ကိုင်လိုက်တယ် ။ Lu Tian Chen ရဲ့ စိတ်မသက်သာဖြစ်သွားတဲ့ အမူအယာကို သူ့မျက်ဝန်းတွေက တဆင့် Tang Feng ကောင်းကောင်းကြီး မြင်လိုက်ရတယ် ။
ဂီတသံဟာ မမြင်တွေ့နိုင်တဲ့ နွယ်လက်တံတွေလို့ သူတို့ရဲ့ ခြေအစုံအကြား ဖြတ်ပြေးနေတယ် ။ အကကို အစပြုလိုက်တဲ့ အချိန်မှာပဲ ပတ်ဝန်းကျင်တစ်ခုလုံးရဲ့ အနေအထား ရုတ်ခြင်း ပြောင်းလဲသွားတော့တယ် ။ ရင်သပ်ရူမောဖွယ်ရာ တင့်တင်ပေမယ့် အရမ်းပဲ အင်အားပြင်းထန်လွန်းလှတယ် ။ ဒီလို အခြင်းအရာကို ခန့်ညားတဲ့ အမျိုးသားနှစ်ယောက် အခုလို ယှဉ်တွဲ ကနေတဲ့ Tango အကမှာပဲ မြင်တွေ့နိုင်တယ် ။ ခြေလှမ်းတိုင်း လူပ်ရှားမူတိုင်းရဲ့ နောက်ကွယ်မှာ မမြင်နိုင်ပေမယ့် ခံစားလို့ရတဲ့ အားကောင်းလှတဲ့ စွမ်းအားတွေ သိုဝှက်ထားတယ် ။ ကြိုးဝိုင်းထက်မှာ တစ်ယောက်နဲ့တစ်ယောက် အလစ်မပေးတမ်း ချောင်းမြောင်းနေကြသလိုမျိုးပဲ ။
" Ohh.. အခုအခြေအတိုင်းဆိုရင်... မင်းအကြောင်းကို ငါတကယ်ကို သေချာနားမလည်သေးတာပဲ ။ "
မျက်ဝန်းကို မှေးစင်းပြီး Lu Tian Chen ဟာ Tang Feng ကို အေးစက်တဲ့ အကြည့်နဲ့ စိုက်ကြည့်တယ် ။ တစ်ဖက်သားရဲ့ အတွင်းစိတ်ကို လှမ်းဖတ်ကြည့်ဖို့ ကြိုးစားပေမယ့်လည်း ၊ တစ်ဖက်ကလူရဲ့ စိတ်က ကန်ရေပြင်လို့ ငြိမ်သက်တိတ်ဆိတ်နေတာကိုပဲ တွေ့လိုက်ရတယ် ။
ရင်ဘတ်ချင်း ကပ်လုနီးပါး နီးနီးကပ်ကပ် အတူယှဉ်ရပ်နေကြပေမယ့် သူတို့အနေအထားဟာ ဓားသမားနှစ်ယောက် ဓားရေးယှဉ်ပြိုင်နေသလိုပဲ ။ အခြေအနေဟာ မီးနဲ့ရေကို ယှဉ်တွဲထားသလို ဆန့်ကျင်ဘက်တွေ ဖြစ်နေပေမယ့် နှစ်ယောက်သားဟာ တစ်ဖက်နဲ့တစ်ဖက် စမ်းသပ်ဖို့ ကြိုးပမ်းနေကြတယ် ။
" ဘယ်အရာမဆို လုံလောက်တဲ့ အကွာအဝေး အတွင်းမှာပဲ ရှိနေသင့်တယ်လို့ မထင်ဘူးလား ။ နီးလွန်းရင်လည်း မကောင်းသလို ၊ သိပ်ဝေးလွန်းရင်လည်း မကောင်းဘူး ။ "
Tang Feng ရဲ့ နူတ်ခမ်းဟာ အနမ်းငယ် ကွေးညွတ်သွားတယ် ။ Lu Tian Chan ဆိုတာ သူနဲ့ စိတ်ဓာတ်ဆင်ရေး လုပ်နိုင်ဖို့ရာ အရမ်းသမ္ဘာနုနေသေးတယ် ။ ဆယ်စုနှစ်နဲ့ချီပြီး နှလုံးရောဂါ ခံစားရခဲ့ရပြီးနောက် သူ့နှလုံးသားဟာ သံမဏိလိုမာကျောသွားခဲ့ပြီ ။ ဘယ်လို ကိစ္စကြုံလာလာ စိတ်ကို ငြိမ်အောင်ထားတက်တာဟာ သူ့အတွက် အကျင့်တစ်ခုလို ဖြစ်သွားခဲ့ပြီ ။
" ငါ့ နားနဲ့ ဆက်ဆက် ကြားလိုက်ရတာ မဟုတ်လို့ဆိုရင် ဒီစကားဟာ မင်းပါးစပ်က ထွက်လာတာလို့ လုံးဝယုံနိုင်မှာ မဟုတ်ဘူး ။ "
ဒါက သူ့ကို ချီးကျူးလိုက်တာလား ။ နားထောင်ရတာတော့ လှောင်ပြောင်နေတာနဲ့ ပိုတူနေတယ် ။
Tang Feng ဟာ Lu Tian Chen ရဲ့ မှတ်ချက်ကို တိတ်ဆိတ်စွာ လက်ခံလိုက်တယ် ။ Lu Tian Chen သူ့ကို မနှစ်မျို့ဘူးဆိုရင် ပွင့်ပွင့်လင်းလင်း တဲ့ပြောချလိုက်လို့ရတယ် ။ အခုလို ခနိုးခနဲ့ ပြောဆိုနေရတာ မပင်ပန်းဘူးလား မသိဘူး ။ သူ့မှာသာ Lu Tian Chen လိုမျိုး အဆင့်အတန်းနဲ့ နောက်ခံအင်အားတောင့်တင်းနေလို့ကတော့ ဘာကိုမှ ဂရုမစိုက်ပဲ ခပ်ချေချေ နေလိုက်မယ် ။ သူမဟုတ်တဲ့ တခြားသာမန် လူတစ်ယောက်ကို Lu Tian Chen အခုလိုမျိုး ပဟေဠိဆန်ဆန် စကားမျိုး ပြောလို့ကတော့ ၊ အဲ့ဒီလူ အဖြေပြန်မပေးခင် Lu Tian Chen ရဲ့ စကားအဓိပ္ပါယ်ကို အဖြေထုတ်ဖို့ ဝှက်စာသော့ အရင်သွားရှာဖို့ လိုအပ်လိမ့်မယ် ။
" အဲဒီစကားကို ကျွန်တော် သရဲဝင်ပူးပြီး ပြောလိုက်တာလို့ ခင်ဗျားထင်ချင် ထင်လိုက်လို့ရတယ် ။ "
Tang Feng ရယ်မောနေလိုက်တယ် ။
အံ့သြမူကြောင့် Lu Tian Chen ခေတ္တခဏ ဆွံ့အသွားတယ် ။ Tang Feng ဟာ သူ့ကို အခုလိုမျိုး အရွှန်းပြန်ဖောက်လိုက်မယ်လို့ မျှော်လင့်မထားမိခဲ့ဘူး ။ အခုလို ပြောဆိုပုံတွေနဲ့ အမူအကျင့် စရိုက်တွေဟာ အရင် သူသိခဲ့တဲ့ Tang Feng နဲ့ လုံးဝ တခြားစီပဲ ။
အဲ့ဒီအချိန်မှာပဲ တေးဂီတသံဟာ ရပ်တန့်သွားတယ် ။
Tang Feng ဟာ Lu Tian Chen ရဲ့ လက်ကို လွှတ်ပေးလိုက်ပေမယ့် ၊ တစ်ဖက်က အမျိုးသားဟာ သူ့ရဲ့ခါးကို ခပ်တင်းတင်း ဆွဲဖက်ထားတုန်းပဲ ။
" President Lu... ကျွန်တော့ကို နမ်းဖို့ စိတ်ကူးနေတာ မဟုတ်ဘူးဆိုရင် အခု လွှတ်ပေးလို့ ရပါပြီ ။ "
မြူဆွယ်ဖျားယောင်တဲ့ အရိပ်အယောင်ကို Tang Feng ရဲ့ မျက်ဝန်းထဲမှာ မြင်နိုင်တယ် ။ ကိုယ်ကို အနည်းငယ် ကိုင်းညွှတ်ပြီး အရှေ့မှာရှိနေတဲ့ အမျိုးသားရဲ့ နားအနား ခပ်တိုးတိုးလေး ပြောလိုက်တယ် ။
Lu Tian Chen ဟာ Tang Feng ကို စူူးစူးစိုက်စိုက် တစ်ချက်ပြန်ကြည့်ပြီး ၊ စိတ်မပါတဲ့ အမူအယာနဲ့ လက်လွှတ်ပေးလိုက်တယ် ။
Ahh.. ဒီလူကို ကြည့်စမ်းပါဦး ။ သူပိုင်တဲ့ လက်အောက်ငယ်သားက ဒီလောက် စိတ်အနှောက်ယှက်ပေးနေတာတောင် ဘာမှမဖြစ်သလို ရေခဲတုံးပုံစံနဲ့ နေနိုင်သေးတယ် ။
အဲ့ဒီအချိန်မှာပဲ Charles ဟာ သူတို့နံဘေးကို ရောက်လာခဲ့တယ် ။ ဒီ သိုးရေခြုံထားတဲ့ ဝံပုလွေဟာ Tang Feng ကို သူ့ဘေးဆွဲခေါ်သွားတယ် ။
" Hey.....မင်းတို့နှစ်ယောက် အပြန်အလှန် အချစ်မြားတွေ ပစ်ချင်ကြတယ်ဆိုရင် ငါ့ရှေ့မှာတော့ မလုပ်ကြနဲ့ကွာ ။ ဟုတ်လား ။ မင်းတို့အချင်းချင်း အဲ့ဒီလောက်စိုက်ကြည့်နေကြရင် ကြာရင် မျက်လုံးထဲကနေ မီးတွေထွက်လာတော့မယ် ။ "
" ရေနည်းနည်း ငတ်လာသလိုပဲ ။ ကျွန်တော်တို့ တစ်ခုခု သွားသောက်ကြရအောင်လား ။ "
Tang Feng ဟာ Charles နဲ့ မျက်နှာချင်းဆိုင်ပြီး ပြောလိုက်တယ် ။ သောက်ကြမယ်ဆိုတဲ့ အသံကြားလိုက်ရတာနဲ့ Charles တစ်ယောက် တက်ကြွတဲ့ ကြက်ဖကြီး ဖြစ်သွားတယ် ။ နှစ်ဦးသား ပခုံးချင်းယှဉ်ပြီး ကပွဲကြမ်းပြင်ထက်ကနေ ထွက်ခွာသွားခဲ့တယ် ။
.............................