" ပထဆုံး မင်းကို ငါ့ရဲ့ လက်ရှိ အနေအထားကို ပွင့်ပွင့်လင်းလင်း ပြောပြမယ် ။ ဆေးရုံမှာ ရက်ကြာကြာ တက်ခဲ့ရပြီး နောက်ပိုင်း ငါ့ရဲ့ မှတ်ဉာဏ်တော်တော်များများ ပျောက်သွားသလို ဖြစ်နေတယ် ။ ရှေ့ဆက်ပြီး တခြား မလိုလားအပ်တဲ့ ပြသနာတွေ မပေါ်ပေါက်လာအောင် မင်းရဲ့ အကူအညီတွေ အများကြီး ငါလိုအပ်တယ် ။ "
ထမင်းစားစားပွဲဝိုင်းမှာ ထိုင်ကာ ကော်ဖီ တစ်ကျိုက်သောက်ရင်း ၊ ခုံထက်မှာ အသင့်ရှိနေတဲ့ ဖောင်တိန်နဲ့ စာရေးစက္ကူကို Tang Feng ညွှန်ပြလိုက်တယ် ။
ကံတရားက မျက်နှာသာပေးလေတယ် ဆိုရမှာပဲ ။ လူသစ်တစ်ယောက် ဆိုသော်ငြားလည်း Xiao Yu ဟာ တာဝန်ယူလုပ်ဆောင်ရမယ့် ကိစ္စတွေကို စီမံခန့်ခွဲနိုင်စွမ်း ရှိနေလေတယ် ။ အလုပ်အပေါ် စိတ်အာရုံ အပြည့်အဝ နှစ်မြုတ်ပြီး အကောင်းမွန်ဆုံး ဆောင်ရွက်နိုင်မယ်ဆိုတာ အမြင်တစ်ချက်နဲ့တင် တန်းပြောနိုင်တယ် ။
အိတ်ထဲက စာရွက် တစ်ရွက်ကို ထုတ်ယူလိုက်ပြီး....
" လက်တလောမှာ လုပ်စရာ အလုပ်တွေ များများစားစားတော့ မရှိသေးပါဘူး ။ ပထမဆုံး လုပ်ရမယ့် အလုပ်ကတော့ Ge Chen နဲ့ အတူတွဲ သရုပ်ဆောင် လက်စ " The Fashion Gentleman " ဆိုတဲ့ ရုပ်ရှင်ကို အပြီးသတ် ရိုက်ကူးပေးရမယ် ။ ရုပ်ရှင်ရဲ့ အဓိက ဇာတ်ဝင်ခန်းတွေကို ရိုက်ထားပြီး ဖြစ်တဲ့အတွက် ကုမ္ပဏီနှစ်ခုစလုံးရဲ့ သဘောတူ ဆုံးဖြတ်ချက်အရ ရှင် သရုပ်ဆောင်ဖို့ ကျန်နေသေးတဲ့ ဇာတ်ဝင်ခန်းလေးတွေကို အပြီးသတ် ရိုက်ကူးပေးယုံပါပဲ ။ "
" အဲ့ဒါဆိုရင် ဒီရိုက်ကူးရေးကို မြန်နိုင်သမျှ အမြန်ဆုံးစဖို့ စီစဉ်ပေးထားပါ ။ "
" Okay.. အမြန်ဆုံး စီစဉ်ပေးပါ့မယ် ။ Game Show တွေ အတွက်ကတော့....... "
" အဲ့ အစီအစဉ်တွေ အကုန်လုံးကို ငြင်းလိုက်ပါ ။ "
Tang Feng ဟာ အလိုမကျတဲ့ဟန်ပန်နဲ့ မျက်မှောက် တစ်ချက် ကြုံ့လိုက်တယ် ။ ဒီလိုပွဲတွေကို သူမနှစ်သက်ဘူး ။ ဘာလို့လည်းဆိုတော့ ပျော်ရွှင်ရတယ်ဆိုတာထက် အစီအစဉ်မှာ ပါဝင်တဲ့လူတွေကို စိတ်အနှောက်ယှက်ဖြစ်အောင် လုပ်နေတာတွေလို့ ခံစားရလို့လေ ။
ဘာဆက်ပြောရမှန်းမသိလို့ Xiao Yu ဘက်က တစ်ခဏ တိတ်ဆိတ်သွားတယ် ။ အားပြန်မွေးရင်း အကျိုးသင့် အကြောင်းသင့် ရှင်းပြနိုင်ဖို့ရာ သူမ ကြိုးစားလေတယ် ။
" ပွဲတွေ အကုန်လုံးက အဆိုးတွေချည်းပဲ မဟုတ်ပါဘူး ။ ရှင့် နည်းနည်းလောက် ပြန်စဉ်းစားသင့်တယ်လို့ ကျွန်မထင်တယ် ။ အခု လာကမ်းလှမ်းထားတဲ့ အစီအစဉ်တွေထဲက တစ်ခုရဲ့ နာမည်က " Dream Lover " လို့ခေါ်တယ် ။ ဒီဟာကို ရုပ်သံမှာ စလွှင့်လိုက်တဲ့ အချိန်ကတည်းက ပရိသတ်တွေရဲ့ အားပေးတုံ့ပြန်မူဟာ သမရိုးကျ အစီအစဉ်တွေထက် အများကြီး ပိုများတယ် ။ ခုရိုက်ကူးမယ့် " Dream Lover " ရဲ့ season အသစ်မှာ ကြီးမားတဲ့ ပြောင်းလဲမူတွေ အများကြီး လုပ်ထားတယ် ။ အဲ့ဒီအတွက်ကြောင့်မို့ ပရိသတ်ထုကြီးကော ၊ သတင်းမီဒီယာတွေကပါ ဒီအစီအစဉ်ကို အများကြီး အာရုံစူးစိုက်နေကြတယ် ။ ကျွန်မအမြင်ကတော့ ဒီအစီအစဉ်မှာ ပါလိုက်ခြင်းဟာ ရှင့်ရဲ့ အနုပညာလောကထဲ ပြန်လည်ခြေချခြင်းအတွက် အများကြီး အကျိုးရှိလာနိုင်စေတယ် ။ "
" ဒီလိုဆိုရင်လည်း အစီအစဉ်နဲ့ ပတ်သတ်တဲ့ အချက်အလက်တွေကို ငါကြည့်ရအောင် copy တစ်စောင် ထုတ်ထားပေးပါ ။ "
" လုပ်ပေးရမှာပေါ့ ။ "
Tang Feng ရဲ့ ပြောင်းလဲရလွယ်ကူတဲ့ စိတ်နေသဘောထားဟာ Xiao Yu ကို အံ့သြတုန်လူပ်စရာကောင်းလောက်အောင် ပျော်ရွှင်သွားစေခဲ့တယ် ။ ခေါင်းမာ တဇွတ်ထိုးနိုင်ပြီး အနိုင်ကျင့်တက်တဲ့ celebrities မျိုးတွေနဲ့ အလုပ်တွဲလုပ်ရမှာ သူမဘဝမှာ အကြောက်ဆုံးပဲ ။
" နောက်တစ်ခုကတော့ Talk Show အစီအစဉ်မျိုးပါ ။ ပုံမှန် ပါဝင်တင်ဆက်သူ တစ်ယောက်အနေနဲ့ ရက်သတ္တပတ် နည်းနည်းလောက် ရှိနေပေးယုံပါပဲ ။ တစ်ခါတစ်လေ စကားစမြည် နည်းနည်းပါးပါး ဝင်ပြောပေးရယုံလောက်ပါပဲ ။ အိုး.... ဒါနဲ့ ရှင့်ကို တစ်ခု ကြိုသတိပေးထားရဦးမယ် ။ ရှင်နဲ့ အဲ့ဒီအစီအစဉ်ကို တင်ဆက်တဲ့ presenter ကြားမှာ ကိစ္စလေးတွေ တချို့ရှိနေတယ်နော် ။ ရုတ်တရက်ကြီး မပြောမဆိုနဲ့ အဲ့ဒီ အစီအစဉ်ကနေ ရှင်နူတ်ထွက်သွားခဲ့လိုက်ရင် show procedures တွေ စိတ်အနှောက်အယှက် ဖြစ်သွားစေနိုင်တယ် ။ အဲ့ဒီလိုဖြစ်လာရင် " Dream Lover " မှာ ရှင် ပါဝင်ဖို့ အတားအဆီး တစ်ခု ဖြစ်လာနိုင်တယ် ။ "
ကြည့်ရတာတော့ အစီအစဉ် နှစ်ခုလုံးကို ရုပ်သံလိုင်း တစ်ခုတည်းက ထုတ်လွှင့်မှာ ထင်တယ် ။ ချက်ချင်း အဖြေပြန်မပေးပဲ Tang Feng အချိန်ခဏယူကာ သေချာစဉ်းစားလိုက်တယ် ။ ဆုံးဖြတ်ချက်တစ်ခု ချလိုက်ပြီးတော့ကာ.....
" Okay လေ... ဒီတစ်ခုလည်း လက်ခံလိုက်တာပေါ့ ။ "
အစီအစဉ် နှစ်ခုကြားမှာ ပြိုင်ဆိုင်စရာ အကြောင်းအရာ မရှိလာဘူးဆိုရင် နှစ်ဖက်လုံးကို သူအကောင်းဆုံး ကြိုးစားပြီး အဆင်ပြေအောင် လုပ်ဆောင်မယ် ။ သူ မနိုင်တော့တဲ့ ပြသနာ ဖြစ်လာတော့လည်း Charles ဆီကနေ အကူအညီ ယူလိုက်ယုံပေါ့ ။
" နောက်ဆုံးတစ်ခုကတော့.... အရင် မန်နေဂျာဟောင်းဟာ ရှင့်အတွက် TV Drama တစ်ခုမှာ ဇာတ်ပို့နေရာ တစ်နေရာကို လက်ခံပေးထားတယ် ။ ဇာတ်ပို့နေရာလို့ဆိုပေမယ့် ဇာတ်ညွှန်းကို ကျွန်မ ဖတ်ကြည့်လိုက်တော့ ရှင့်ရဲ့ Image ကို ဘာမှ မထိခိုက်စေပါဘူး ။ "
" ဘယ်လို Drama မျိုးလဲ ? "
ဒီသတင်းဟာ သူ့ရဲ့ အနုပညာပိုးကို လူပ်နိုးလိုက်သလိုပဲ ။ Show ပွဲတွေမှာ ပါဝင်တင်ဆက်နေရတာထက် သရုပ်ဆောင်ရတဲ့ ဘဝကို သူပိုမက်မောတောင့်တတယ် ။
သရုပ်ဆောင်ခြင်း ဆိုတာဟာ သူ့ဘဝရဲ့ အခြေခံကျပြီး အလေးနက်ဆုံး အစိတ်အပိုင်း တစ်ခုပဲ ။ သရုပ်ဆောင်အလုပ်ကို ဆက်မလုပ်ရဘူး ဆိုရင် ဆက်လက်ပြီး အသက်ရှင်နေနိုင်ချင်နေနိုင်မယ် ။ ပျော်ရွှင်မူတွေတော့ အားလုံးဆုံးရူံးသွားတော့မှာ အမှန်ပဲ ။
" အဲ့ဒါက သမိုင်းနောက်ခံ ဇာတ်လမ်းမျိုးပါ ။ ထုတ်လုပ်မယ့်သူက ဒီနိုင်ငံထဲမှာ လူသိများ ကျော်ကြားတဲ့လူ တစ်ယောက်ပါ ။ သူ့ဖန်တီးမူတွေကို ဝေဖန်တာတွေ အမြဲကြုံတွေ့နေရပေမယ့် ၊ rating ကတော့ အမြဲ ရလဒ်ကောင်းခဲ့တယ် ။ ဇာတ်လမ်းထဲမှာ မိန်းကလေးတစ်ယောက်ဟာ မထင်မှတ်ပဲ အတိတ်ကာလကို ရောက်သွားတဲ့ ပုံစံမျိုးပါ ။ ဇာတ်ဝင်ခန်း တော်တော်များများက ဘုရင့်နန်းဆောင်လို နေရာမျိုးမှာ နေရာယူထားတယ် ။ ရှင် သရုပ်ဆောင်ရမယ့် ဇာတ်ရုပ်က ကောင်မလေးအပေါ် စွဲလန်းသွားတဲ့ နန်းတွင်းဂီတပညာရှင် နေရာမှာ သရုပ်ဆောင်ရမယ် ။ နောက်ဆုံးမှာတော့ ရှင်ဟာ ကောင်မလေးကို ကာကွယ်လိုက်လို့ သေဆုံးသွားရတယ် ။ "
Xiao Yu ဟာ လက်ထဲက စာရွက်တွေကို လှန်ဖတ်နေရင်းနဲ့ Tang Feng ကို ရှင်းပြနေတယ် ။
ဝမ်းနည်းဖို့ကောင်းပြီး ဇာတ်နာမယ့် ဇာတ်ရုပ်မျိုးပဲ ။ အကောင်းဆုံးသာ သရုပ်ဆောင်နိုင်ခဲ့မယ်ဆိုရင် ပရိသတ်ဆီကနေ စိတ်ဝင်စားမူ နဲ့ တုံ့ပြန်မူကို တပြိုင်တည်း ရလာနိုင်တယ် ။
Tang Feng ခေါင်းညိမ့်လက်ခံလိုက်တယ် ။ အခုလိုအချိန်က ရလာတဲ့ အလုပ်တွေကို ချေးများပြီး ရွေးနေရမယ့် အချိန် မဟုတ်ဘူးလေ ။ တခြားခြား ထွေထွေထူးထူး ခံစားချက်မရှိပေမယ့် ဒီအလုပ်တွေကို လက်ခံရမယ် ။ အဲ့လိုလုပ်တာဟာ အနည်းဆုံးတော့ လက်ထဲ ဝင်ငွေ တစ်ခု ရစေနိုင်တယ်လေ ။
" Show ပွဲတွေကို ဘယ်ချိန်စ ရိုက်ကြမှာလဲ ? "
" ရုပ်ရှင်ရိုက်တာ လဝက်လောက်ကြာရင် show တွေ စလိမ့်မယ်ထင်တယ် ။ အသေးစိတ်အချက်အလက်တွေနဲ့ ဇာတ်ညွှန်းတွေကို ကြိုလေ့လာနိုင်အောင် ကျွန်မ ပြင်ဆင်ပေးထားပါမယ် ။ "
" ဒီလိုဆို မဆိုးပါဘူး ။ နောက်အပတ်ထဲမှာ ငါ အင်တာဗျူး တစ်ခု ဖြေစရာရှိတယ် ။ မင်း ငါနဲ့အတူ လိုက်ခဲ့ရမယ် ။ "
Tang Feng ဟာ စားပွဲကနေ မတ်တပ်ထရပ်ပြီး ပြုံးပြလိုက်တယ် ။
" ဒီနေ့လည်မှာ မင်း ဘာလုပ်စရာ ရှိသေးလဲ ? "
" ဟို...ကျွန်မ.... ကျွန်မ ဘာမှ လုပ်စရာ မရှိပါဘူး ။ "
Xiao Yu လည်း ထိုင်နေရာကနေ ချက်ချင်း မတ်တပ် ထရပ်လိုက်တယ် ။
" ဥက္ကဌ Lu က ကျွန်မကို ရှင့်တစ်ယောက်တည်းအတွက် မန်နေဂျာလုပ်ပေးဖို့ တာဝန်ပေးထားတာပါ ။ တခြားလုပ်စရာ ဘာအလုပ်မှ မရှိပါဘူး ။ "
" ဒီလိုဆိုရင် ခဏနေရင် ငါနဲ့အတူ အဝတ်အစားတချို့ဝယ်ဖို့ Shopping ထွက်ကြရအောင် ။ အခုအချိန်က ငါရဲ့ အရင်က Image ကို ပြောင်းလဲပစ်ဖို့ အချိန်ပဲ ။ "
အဲ့လို့ပြောရင်း Tang Feng ဟာ ခေါင်းကို လက်နဲ့ တစ်ချက် ကုတ်လိုက်တယ် ။ ဆံပင်တွေဟာ ရူပ်ထွေး လိမ်ကောက်ပြီး ပျက်စီးနေလေတယ် ။ ဘယ်လောက်တောင် ကြည့်ရဆိုးလိုက်လဲ ။
..............................
ရေးကောင်းကောင်းနဲ့ နာရီမကြည့်ပဲ ထိုင်ရေးနေတာ အချိန်က တစ်နာရီတောင်ခွဲသွားပြီ ။ ဆက်ရေးချင်ပေမယ့် energy က down နေပြီမို့ အိပ်လိုက်ဦးမယ် ။ အာ့မှ မနက်ကျ ဆက်ရေးနိုင်မှာ ^^