" True Star Training Class "
ဒီ ရူးကြောင်ကြောင် နာမည်ကို Tang Feng ကြားလိုက်ရတဲ့ အခိုက်အတန့်မှာ ၊ ရုတ်တရက် ထရယ်မိတော့မလို ဖြစ်သွားရတယ် ။ ကုမ္ပဏီက လုပ်ကြံဖန်တီးထားတဲ့ ဒီလို သင်တန်းမျိုးဟာ ဘယ်လိုနည်းနဲ့မှ စစ်မှန်တဲ့ အနုပညာတွေ ဖြစ်ထွန်းမလာနိုင်ဘူးလို့ သေချာပေါက် ပြောရဲတယ် ။ အနုပညာရှင်တွေကို ဒီလိုမျိုး သင်တန်းပို့ချလို့ အောင်မြင်ကြေးဆိုရင် ၊ ဒီကမ္ဘာမှာ Superstars ဆိုတာတွေ ရိုက်သတ်လို့ ကုန်မှာ မဟုတ်တော့ဘူး ။
သူ ကြိုခန့်မှန်းထားသလိုပါပဲ ။ ဒီသင်တန်းဟာ ကုမ္ပဏီ နှစ်ခု ပူးပေါင်းပြီး ဖန်တီးထားတဲ့ ထုတ်ကုန်တစ်ခု သာသာပါပဲ ။ ဒီသင်တန်းထဲမှာ မြောက်များစွာသော ကြော်ငြာအင်အား ၊ ငွေကြေးရင်းနှီးမြုတ်နှံမူ ၊ လူအင်အားတွေ စိုက်ထည့်ထားလေတော့ သင်ဟာ ဒီလို သင်တန်းမှာ တက်ရောက်ဖို့ အခွင့်အရေးသာ သေချာပိုင်နိုင်စွာ ရှိနေပါစေ ၊ နာမည်မသိသေးတဲ့ အနုပညာလောကကို ခြေချစပြုတဲ့ လူသစ်တစ်ယောက်ဖြစ်နေနေ ၊ Tang Feng လို ခေတ်မမီတော့တဲ့ ကြယ်ပွင့်ဟောင်းပဲ ဖြစ်ခဲ့ဖြစ်ခဲ့ ၊ ဒီသင်တန်းဆီကနေ ရွှေရောင် အနာဂတ်တစ်ခုကို ဖမ်းဆုတ်နိုင်မှာ အသေအချာပဲ ။
အဲ့ဒီနေ့ရဲ့ ညနေခင်းလေးမှာပဲ Tang Feng နဲ့ Charles ဟာ စားသောက်ဆိုင်တစ်ခုမှာ ညနေစာကို အတူတူ စားသုံးကြလေတယ် ။
ကစားပွဲရဲ့ အဆုံးသတ်ချိန်မှာတော့ အားလုံးဟာ ကိုယ်စီ လမ်းခွဲသွားကြတယ် ။ Tang Feng အတွက်ကတော့ အနည်းငယ် အလိုမကျ ဖြစ်ခဲ့ရတယ် ။ Lu Tian Chen ကို သူနဲ့ ယှဉ်ကစားပြီး ၊ ချွေးပြန်အောင် လုပ်ခွင့် မရလိုက်ဘူးလေ ။ ထားလိုက်ပါလေ ။ အနာဂတ်မှာ သူ အနိုင်ယူခွင့်ရမယ့် အချိန်တွေ သေချာပေါက် ရောက်လာဦးမှာပဲ ။ Tang Feng ရရှိထားတဲ့ ခန္ဓာကိုယ်ရဲ့ မူလပိုင်ရှင်က အရင်အချိန်တုန်းက Lu Tian Chen အပေါ် ဘယ်လိုပဲ ပြုမူခဲ့ပြုမူခဲ့ ၊ လက်ရှိကာလမှာ Lu Tian Chen ရဲ့ မတူမတန်သလို အထင်အမြင်သေး နှိမ့်ချဆက်ဆံတာ ခံနေရခြင်းကို Tang Feng လုံးဝ လက်မခံနိုင်ဘူး ။
ကိုယ့်အပေါ် အနိုင့်ကျင့်တဲ့သူကို ခေါင်းငုံ့မခံပဲ ပြန်လည် လက်တုံ့ပြန်တက်ခြင်းဟာ Tang Feng ရဲ့ လက်ဆွဲ ဆောင်ပုဒ်ပဲ ။
ကိုယ့်အပေါ် အနိုင်ကျင့်လာသမျှကို ခေါင်းငုံ့ ငြိမ်ခံနေခဲ့မယ်ဆိုရင် သင့်ကို ရှေ့လျှောက် ဆက်အနိုင်ကျင့်နေဦးမှာပဲ ။ တစ်ခါတစ်ရံမှာ လူတစ်ယောက်ရဲ့ ကိုယ်ရည်ကိုယ်သွေးဟာ အဲ့ဒီလူရဲ့ ကံကြမ္မာကို ပြဌာန်းနိုင်တယ် ။ လူတစ်ချို့ဟာ သနားစရာသတ္တဝါတစ်ကောင်လို အနိုင်ကျင်ခံနေရတဲ့ လူတွေကို နေရင်းထိုင်ရင်း အကြောင်းမဲ့ အမြင်ကတ် ၊ မုန်းတီးနေတက်ကြတာ မဟုတ်ဘူး ။ လူတော်တော်များများဟာ ကိုယ်ရည်ကိုယ်သွေး ယုတ်လျော့ အားနည်း မှေးမှိန်ပြီး ၊ လူစွမ်းလူစညံ့တဲ့ သူတွေကို မနှစ်မြို့ကျလေဘူး ။
" ငါ သတင်းကြားမိတာက ရုပ်ရှင်ရိုက်ကွင်းမှာ မင်း Ge Chen နဲ့ ရန်ဖြစ်ပြီး နှစ်ယောက်လုံး ပင်လယ်ထဲ ပြုတ်ကျသွားကြတယ်ဆို ။ "
ရုတ်တရက် ချက်ချင်းကြီး Charles ဟာ မတော်တဆ ထိခိုက်ဒဏ်ရာရခဲ့တဲ့ အကြောင်းကိစ္စကို ပြောနေလေတယ် ။ မျက်ဝန်းအစုံက ဝိုင်အရှိန်နဲ့ ရီဝေယစ်မူးနေတယ် ။
" ခင်ဗျားကလည်း အဲ့ဒီကိစ္စကို ကျွန်တော့်အမှားပဲလို့ မြင်နေတာပဲလား ? "
Tang Feng က ပေါ့ပေါ့ပါးပါး ရယ်မောရင်း ပြန်မေးတယ် ။ လက်ထဲက ဝိုင်ခွက်ကို တစ်ငုံစာ ငုံလိုက်ပြီး ၊ ခပ်အေးအေး အမူအယာနဲ့ ဆက်ပြောလေတယ် ။
" အဲ့ဒီ ဖြစ်ရပ်အတွက် အပြစ်တင်ခံရမယ့်သူက ကျွန်တော်ပဲလို့ အားလုံးက သတ်မှတ်ကြတယ်ဆိုရင်လည်း နောက်ဆက်တွဲ အကျိုးဆက်တွေကို ကျွန်တော် အခု ခံစားနေရတာပဲ မဟုတ်ဘူးလား ။ "
Charles ဟာ နူတ်ခမ်းပါးတွေကို ခပ်တင်းတင်းစေ့ကာ ပြုံးနေရင်းနဲ့ပဲ အရှေ့နားဆီမှာ ခန့်ညားကျော့ရှင်း တင့်တယ်စွာ ထိုင်နေတဲ့သူကို ငေးမောကြည့်နေတယ် ။
" ဒီလိုသာဆိုရင် မင်းရဲ့ အဖြစ်က အရမ်း သနားစရာ ကောင်းလွန်းနေပြီ ။ မင်းဘက်ကသာ Lu Tian Chen ကို ရူးရူးမူးမူး စွဲလန်းခဲ့ပေမယ့် ၊ သူ့ကတော့ တခြားပြိုင်ဘက်ကုမ္ပဏီက သရုပ်ဆောင်တစ်ယောက်ကို ပိုအခွင့်ရေးတွေ ပေးနေခဲ့တယ် ။ မင်းကိုကျတော့ လုံးဝ ချောင်ထိုးထားတယ် ။ "
" ဒီ အနုပညာလောကနဲ့ ဆက်နွယ်တဲ့ စီးပွားရေးလုပ်ငန်းကို စအခြေချတဲ့ အချိန်တုန်းက Lu Tian Chen ဟာ မင်းရဲ့ အမေဆီကနေ အကူအညီ ယူခဲ့ဖူးတယ် ။ ဒီ့အတွက် သူ့ဆီကနေ မင်း ပြန်တောင်းဆိုခွင့်ရှိတယ် ။ "
Charles ရဲ့လက်ထဲက ဝိုင်ခွက်ဟာ ခန်းမရဲ့ အလင်းရောင်တွေကြားမှာ သွေးအရောင်လို နီရဲရွှန်းစိုနေလေတယ် ။
Charles စကားတွေအရ Lu Tian Chen ဟာ ကျေးဇူးတရားကို နားမလည်တဲ့ လူစားမျိုး ဖြစ်နေတာလား ?
ဒါပေမယ့် ဒီီအကြောင်းရာတွေကို Charles က သူ့ကို ပြောပြရတဲ့ အဓိကအကြောင်းအရင်းက ဘာလဲ ။
" ကျွန်တော်က ခင်ဗျားတို့ နှစ်ယောက်က အရမ်းကို ရင်းနှီးကြတဲ့ သူငယ်ချင်းတွေလို့ ထင်ထားတာ ။ "
" သူက မင်း နင့်နင့်သီးသီး ချစ်ဖို့ရာ မထိုက်တန်တဲ့ လူမျိုးလေ ။ "
" ကျွန်တော် သူ့ကို ဆက်ပြီး မစွဲလန်းတော့ပါဘူး ။ "
ဒီစကားက လုံးဝ အမှန်တရား တစ်ခုပါ ။ Lu Tian Chen ရဲ့ သွင်ပြင်လက္ခဏာ ဟာ သူ့ရဲ့ အကြိုက် ဖြစ်ချင်ဖြစ်နေဦးတော့ ။ " ရူးသွပ်စွဲလန်းခြင်း " ဆိုတာ Tang Feng ရဲ့ ဘဝအဘိဓာန်ထဲမှာ မရှိတဲ့ စကားတစ်လုံးပဲ ။
ဒီ ကမ္ဘာလောကကြီးထဲမှာ ယောကျာ်း ၊ မိန်းမတွေဟာ မရေတွက်နိုင်လောက်အောင် ပေါများလွန်းလှတယ် ။ ဘယ့်အတွက်ကြောင့်များ ကိုယ့်အပေါ် အထင်မြင်သေး ၊ တန်ဖိုးထားရကောင်းမှန်း မသိတဲ့ လူတစ်ယောက် အပေါ် ကိုယ်စိတ်နှလုံး ပုံအပ်ထားရဦးမှာလဲ ။ ထိုက်တန်လို့လား ။
" ဒါဆိုရင် မင်းအခု ငါ့ကိုကော ချစ်နိုင်သေးရဲ့လား ? "
" ကျွန်တော်တို့ကြားမှာ သဘောတူစာချုပ် အသက်ဝင်နေသေးတဲ့ ကာလအတွင်းတော့ ကျွန်တော် ခင်ဗျားကို ချစ်နေဦးမှာပါ ။ "
ခုလက်ရှိ အခြေအနေဟာ ချောမောခန့်ညားတဲ့ ယောကျာ်းပျို တစ်ယောက်နဲ့ ဟန်းနီးမွန်း အချိန်ကာလကို ဖြတ်သန်းနေရတယ်လို့ Tang Feng စိတ်ထဲ ယူဆထားလိုက်တယ် ။ Tang Feng အနေနဲ့ Charles ရဲ့ စိတ်ထဲရှိသလို တဲ့တိုးပြောတက်တဲ့ အကျင့်စရိုက်ကိုကော ၊ ဂရိနတ်ဘုရား ရုပ်တုလို တောင့်တင်းခိုင်မာလှတဲ့ ခန္ဓာကိုယ် အချိုးအဆစ်ကိုရော သဘောကျနှစ်သက်တယ်လေ ။
" ငါဟာ မင်းအတွက် အကောင်းမွန်ဆုံးနဲ့ အပြည့်စုံဆုံး ချစ်သူတစ်ယောက် ဖြစ်စေရမယ် ။ "
Charles ဆိုတာဟာ အမြဲ ပွင့်ပွင့်လင်းလင်း နေတက်ပြီး ၊ နှောင်တွယ်တက်တဲ့ လူစားမျိူး မဟုတ်ခဲ့ဘူး ။ ညအတူအိပ်ဖော် တစ်ယောက် အနေနဲ့လည်း ရုပ်ရည်က ပြောစရာမလိုလောက်အောင် ချောမောပြီး ၊ တစ်ဖက်သားကို စိတ်ဆန္ဒပြည့်ဝအောင် စွမ်းဆောင်နိုင်တဲ့ အရည်အချင်း အပြည့်အဝရှိတယ် ။
" Lu Tian Chen ကို မင်းအတွက် မန်နေဂျာ အသစ်တစ်ယောက် ပြောင်းပေးဖို့ ပြောပြီးသွားပြီ ။ မနက်ဖြန်ကျရင် မင်းဆီကို ရောက်လာလိမ့်မယ် ။ အချင်းချင်းတွေ့ကြတဲ့အခါ စကားစမြည် ပြောကြည့်ကြပေါ့ ။ "
" ဒီလိုဆိုရင် ကျွန်တော် မနက်ဖြန် ခင်ဗျားနဲ့ အတူတူ နေပေးဖို့ မလိုတော့ဘူးပေါ့ ? "
ဒီနေ့အတွက် သတင်းကောင်း တစ်ခုကို နောက်ဆုံးတော့ ကြားလိုက်ရပြီ ။ Charles ရဲ့ အချိန်တိုတစ်ခုအတွင်းမှာ ပြသနာတစ်ခုကို ပြေလည်အောင် ဖြေရှင်းနိုင်တဲ့ အရည်အချင်းကို Tang Feng နှစ်သက်မိတယ် ။
" ဒီည မင်း ငါနဲ့ အတူ ကောင်းကောင်း နေပေးဖို့ တစ်ခုပဲ လိုအပ်တယ် ။ "
...........................
အရေးအသားနဲ့ ပတ်သတ်ပြီး ဖတ်ရတာ အဆင်မပြေတာပဲ ဖြစ်ဖြစ် ၊ စာဖတ်ရတာ ထောက်နေတာပဲ ဖြစ်ဖြစ် ၊ စိတ်ထဲ မကျေလည်တာများဖြစ်ခဲ့ရင် ဝေဖန် အကြုံပြုနိုင်ပါတယ်ဗျာ ။ comment များကို စောင့်မျှော်နေပါတယ် ။ ^_<