" ငါ မင်းကို ဒါရိုက်တာ Li နဲ့ မိတ်ဆက်ပေးဖို့က ဘာပြသနာမှ မရှိဘူး ။ ဒါပေမယ့် မင်းသိထားရမှာက အဲ့ဒါရိုက်တာက စပွန်ဆာပေးမယ့်လူ မိတ်ဆက်ပေးတာနဲ့ လွယ်လွယ်ကူကူ လက်ခံပေးလိုက်မယ့် လူမျိုးမဟုတ်ဘူး ။ "
Charles ဟာ အရှေ့မှာ ထိုင်နေတဲ့ ရုပ်ရည်ချောမောတာအပြင် ဘာမှမရှိတဲ့ ကောင်လေးမျိုးကို နာမည်ကြီး ဒါရိုက်တာက အသိအမှတ်ပြုပေးလိမ့်မယ်လို့ ထင်ကိုမထင်ထားဘူး ။ ပထမဆုံးအကြိမ် တစ်ကိုယ်တော် Debut လုပ်လိုက်တာနဲ့ တန်းကျရူံးသွားတဲ့ Tang Fang လို လူစားမျိုးဟာ ပရိသတ် အတင်းအဖျင်းပြောစရာ Idol ဟောင်းတစ်ယောက်ထက် ဘာမှမပိုဘူး ။
ဒါပေမယ့် အခုလက်ရှိ Tang Fang ဟာ အရင်နဲ့ မတူ၊ ကိုယ့်ကိုယ်ကို ယုံကြည်ချက် ပြည့်နှက်နေတဲ့ အနေအထားဟာ ဘေးနားမှာ ရှိနေတဲ့ လူတွေအားလုံး သူ့အပေါ် ယုံကြည်စိတ် တိုးပွားအောင် လုပ်နိုင်နေတယ် ။ တစ်ချိန်က သူသိထားတဲ့ ကလေးဆန်တဲ့ Tang Fang နဲ့ အခုပုံစံဟာ လုံးဝ တခြားစီပဲ ။
ချက်ချင်းဆိုသလိုပဲ Charles ဟာ ဘာကြောင့်မို့လို ဒီလို သာမည အနုပညာရှင် ကောင်လေး တစ်ယောက်နဲ့ လိုလိုလားလား လက်ခံ စကားပြောချင်စိတ် ပေါ်လာတာကို သဘောပေါက်သွားတယ် ။ ဒီကောင်လေးကို အရင်ကထက် ပိုလိုချင်လာတယ် ။
ဘာလို့များ Lu Tain Chen ဟာ Tai Fang ကို အသုံးမဝင် ၊ စိတ်ရူပ်စရာ အမိူက်တစ်စလို့ သဘောထားခဲ့ရတာလဲ မသိဘူး ? Tai Fang ဟာ လူတစ်ဖက်သားရဲ့ စိတ်အာရုံကို ဖမ်းစားနိုင်ပြီး ၊ သူ့အပေါ် ယုံကြည်မူတွေ တိုးပွားလာအောင် လုပ်နိုင်တဲ့ လူမျိုး တစ်ယောက်ပဲ ။
" အနုပညာလောကဆိုတာ ရုပ်ရည်ချောတာလေးတစ်ခုလောက်နဲ့က ဘာမှ အသုံးမဝင်ဘူး ။ ဒါပေမယ့် မင်းအတွက်ငါ အခွင့်အလမ်းတွေ ဖန်တီးပေးနိုင်ပါတယ် ။ "
Charles က ရေအောက်ထဲမှာ ရှိနေတဲ့ Tai Fang ရဲ့ ခြေချင်းဝတ်ကို အသာကိုင်လိုက်တယ် ။ ဒီလို စိတ်ဝင်စားဖို့ကောင်းတဲ့ ကောင်လေးမျိုးနဲ့ ပထမဆုံး အခိုက်အတန့်ကို ဆေးသုံးပြီး လုပ်ခဲ့ရတာ ပြန်တွေးမိရင် ရှက်တော့ရှက်စရာပဲ ။
ခြေထောက်ကို နောက်ပြန်ရုတ်လိုက်ပြီး Tang Fang ဟာ Charles ကို ဝေဖန် အကဲခတ်တဲ့ မျက်ဝန်းနဲ့ စိုက်ကြည့်လိုက်တယ် ။
ရယ်ချင်လာတဲ့စိတ်ကို မချုပ်တည်းနိုင်တော့လို့....
" ခင်ဗျားက ဘာလဲ... ကျွန်တော့်ကို အပိုင်ဝယ်ပစ်ဖို့ လုပ်နေတာလား ? "
" မင်းကကော.... ငါဝယ်မယ်ဆိုရင် လက်ခံမှာလား?"
Tang Fang ရဲ့ ပွင့်ပွင့်လင်းလင်း ပြောတက်တဲ့ပုံစံဟာ Charles ရဲ့စိတ်ထဲ အကောင်းမြင်နေတဲ့ စိတ်ကို ပိုမြင့်တင်ပေးလိုက်တယ် ။ Charles ဟာ အရင်တုန်းကလည်း celebrity များစွာနဲ့ ဇယားဖြစ်ဖူးတယ် ။ အများစုက အရမ်း ရိုးစင်းလွန်းတယ် ။ သူ့အပေါ် အရမ်းရိုကျိုးပြရင်ပြ ၊ ဒါမှမဟုတ် အလျော့ပေးလွန်းရင်းပေးနဲ့ စိတ်ဝင်စားဖို့ မဖြစ်လာပဲ ကြာလာလေ ငြီးငွေ့လာလေ ဖြစ်ခဲ့ရတယ် ။
" ခင်ဗျားရဲ့ လေသံကတော့ အထက်စီးကပဲ ။ ဒါပေမယ့် ကျွန်တော်က ကိုယ့်ကိုယ်ကို ရုပ်ရည်လေး တစ်ခုကို ဗန်းပြပြီး လုပ်စားတဲ့လူလို့ မသတ်မှတ်ထားဘူး ။ ဝယ်တယ် ဆိုတဲ့ စကားလုံးကိုလည်း ကျွန်တော် မကြိုက်ဘူး ။ "
ဒီလိုပြောလာလို့လည်း Charles စိတ်ဆိုးသွားတာ မဖြစ်ဘူး ။ တစ်ဖက်လူက ခုလို ငြင်းပယ်မယ်ဆိုတာ အစောကတည်းက မျှော်လင့်ထားပြီးသား ။ ခုလို ငြင်းလိုက်လည်း အချိန်တစ်လတိတိ သူ့ဘေးမှာ ရှိနေရဦးမယ်ဆိုတော့ ကံကောင်းသေးတယ် ပြောရမှာပဲ ။
Charles က ပြုံးပြပြီးတော့....
" ငါတို့နှစ်ယောက် တစ်ယောက်ကိုတစ်ယောက် ကောင်းကောင်း နားလည်ဖို့ အချိန်က တစ်လတောင် ရှိသေးတာပဲ ။ "
" ဒီ အပေးအယူကို ဖျက်လို့မရမှတော့ နည်းနည်းလောက် ပြင်ပေးလို့မရဘူးလား ? ကျွန်တော့်ကို Director Li နဲ့ တွေ့ခွင့်ရအောင် လုပ်ပေးပါ ။ အကောင်းဆုံး ကြိုးစားပြီး ကျွန်တော့်ကို လက်ခံလာအောင် စည်းရုံးပါမယ် ။ ပြီးတော့ မနက်ပိုင်း အချိန်တွေမှာ ကျွန်တော် အေးအေးဆေးဆေး ၊ လွတ်လွတ်လပ်လပ် နေချင်တယ် ။ ဘယ်လိုလဲ.... သဘောတူမလား ? "
သေသေချာချာ ချင့်ချိန် စဉ်းစားပြီးမှ Tang Fang ဟာ ဒီ အပေးအယူကနေ သူ့ကိုယ်ပိုင် လွတ်လပ်ခွင့်ကို ရနိုင်သလောက် အရယူဖို့ ဆုံးဖြတ်လိုက်တယ် ။
အသားစားကျားနဲ့ တူတဲ့ Charles လို လူမျိုးနဲ့ အစကတည်းက ဒီလို ပြင်ဆင်ထားတာက အကောင်းဆုံး အကြံဉာဏ်ပဲ ။ အကြောက်အကန် ငြင်းဆန်နေတာတို့ ၊ ဘာမှလက်မခံပဲ နေလိုက်တာတို့ဆိုရင် တစ်ဖက်လူက စိတ်ပျက်သွားနိုင်တယ် ။ အခန့်မသင့်ရင် သူမသိတဲ့ ဒီနေရာမှာ အသတ်တောင် ခံရနိုင်သေးတယ် ။ အနုပညာလောကကို ပြန်ဝင်ပြီး အောင်မြင်အောင် လုပ်ဖို့ ကိစ္စတွေက ရှိနေသေးတယ် ။ ဒါကြောင့် အရာရာကို အဆင်ပြေအောင် နေတက်ရမယ် ။
အဖြစ်ချင်ဆုံး ဆန္ဒကတော့ ရလာတဲ့ အခွင့်အရေးကို လက်လွတ်မခံ အသုံးချပြီး အကောင်းဆုံး လုပ်နိုင်ဖို့ပဲ ။
အရင် Tang Fang က ကုမ္ပဏီ CEO မျက်မုန်းကျိုးအောင် တော်တော် လုပ်ခဲ့တယ် ထင်တယ် ။ မဟုတ်ရင် ဘာလို့ ဘာလို့ အသုံးမကျတဲ့ မန်နေဂျာမျိုးနဲ့ လွှတ်ထားရမှာလဲ ။ အခု Tang Fang ကတော့ အရင်လူရဲ့ အတိတ်ဆိုးကို ခွာချရမယ့်အပြင် ၊ နောက်ကနေ အကောင်းဆုံး ထောက်ပံပေးနိုင်မယ့် လူမျိုးကို ရှာဖွေထားရမယ် ။ အဲ့လိုလူဆိုတာက အရှေ့မှာရှိနေတဲ့ Charles လို လူမျိုးပဲ ။
အချိန်နည်းနည်း ကြာအောင် ဘာမှ မပြောပဲနေပြီးတော့ ၊ Charles ဟာ ခေါင်းငြိမ့်လိုက်တယ် ။ Tang Fang အတွက် ခိုင်မာတဲ့ အဖြေတစ်ခု ပေးလိုက်တယ် ။
" OK လေ... မင်းစိတ်ကြိုက် အတိုင်းပေါ့ ။ ငါကတော့ မင်းကို ပိုပို သဘောကျလာပြီ ။ "
" ကျွန်တော်လည်း သဘောကျပါတယ် ။ "
Tang Fang က လည်း အလိုက်သင့် ပြန်ပြောတယ် ။ ထပ်ပြီး ပြောလိုက်တာက....
" ဒါပေမယ့်.... နောက်တစ်ခါဆိုရင် ကျွန်တော့်ကို ဆေးမခပ်နဲ့ ။ လူက မူးနေပြီး နေလို့ထိုင်လို့ အခုထိ မကောင်းသေးဘူး ။ "
" နောက်တစ်ချီ ထပ်စချင် နေပြီလား ? "
Charles အရှေ့ကို တိုးလာတယ် ။ သူ့တစ်ကိုယ်လုံးနဲ့ Tang Fang ရဲ့ အပေါ်ကနေ အုပ်မိုးပြီး ခေါင်းကိုငုံ့ကာ Tang Fang ရဲ့ နဖူးကို ခပ်ဖွဖွလေး နမ်းလိုက်တယ် ။ ဒါပေမယ့် အနမ်းတွေက တဖြည်းဖြည်း အရှိန်တက်လာတော့တယ် ။
" ဆေးရုံ ဆင်းလာတာ မကြာသေးလို့ ခုထိ အားတွေက မရှိသေးဘူး ။ ချမ်းသာပေးပါ ဒီတစ်ခါတော့.. ။ "
" အင်းလေ.. ငါ မင်းကို ပထမဆုံး စတွေ့တုန်းကလို ထပ်မထိတ်လန့်စေချင်ပါဘူး ။ အနမ်းပဲ ပေးမယ်ဆိုရင်ကော ဘယ်လိုသဘောရလဲ ? "
Tang Fang ဟာ လက်တွေနဲ့ Charles ရဲ့ ပုခုံးပြင်ကျယ်ကို ရစ်ဖက်လိုက်ပြီး ၊ ညင်သာစွာ နမ်းလိုက်တယ် ။ ဒီတစ်ခါ အနမ်းမှာ ပြင်းပြတဲ့ လိင်စိတ်ဆန္ဒတွေ မပါဝင်ပဲ ၊ နူးညံ့ပြီး ချိုမြိန်မူ အပြည့်နဲ့ နွေးထွေးနေတာပဲ ။ ဒီလို ရင်ခုန်စရာ အနမ်းမျိုးကို Charles အရမ်း သဘောကျ နှစ်သက်မိတယ် ။
...........................................................