Chapter Nine
Lianne's POV
Wake up, Lianne...
May pasok na ako kaya maaga akong nagising. But waking up is one and getting up is another. Napaka hirap bumangon ng maaga dahil hindi na ako sanay. Pero siyempre kailangan kong pilitin ang sarili ko.
I shouldn't be this lazy because I really want to go back to school. Pero hindi pa kasi umuuwi si Daddy. Iyon ang isa pa sa nagpapatamad sa akin ngayong araw. Ang sabi niya, kahapon ang uwi niya. Pero nang makausap ko siya kagabi, nagkaroon daw ng problema na naman kaya kailangan niya pang mag-stay. At ang sabi pa niya, ngayong araw raw talaga siya uuwi kaya parang ayaw kong pumasok. Pero sana lang talaga umuwi na siya! Kasi kapag hindi pa siya umuwi, ako na mismo ang susundo sa kanya sa Singapore!
I'm missing him so much these past days, pero mabuti na lang ay araw-araw akong pinapakilig ni Mark kaya hindi ko napapansin na sobrang busy ni Daddy.
Napangiti ako nang maalala ko ang boyfriend kong may hot abs at parang nagising na rin ang ulirat ko. Ano naman kaya ang gagawin niya ngayong araw? Will he sing a song for me over the phone again during his break time?
May excitement na bumangon na ako at dumiretso ng bathroom. Pagpasok ko, may napansin kaagad akong flower sa harap ng mirror.
Flower na naman? Wala bang kasawaan si Mark sa flowers? Kasi ako hindi nagsasawa! Basta sa kanya galling...
Kinuha ko iyon at as usual, may note iyon na kasama.
Bittersweet flower means truth.
Let's know the truth, not only by reason,
but also by the heart.
- Your Mark
Naipilig ko ang ulo nang mabasa ko iyon. Bakit parang hindi nakakakilig ang nakasulat ngayon sa note? Nagtataka man ay ibinalik ko na lang iyon sa baso na may tubig kung saan ko iyon kinuha.
I'll be late if I take time thinking about its meaning. Mamaya siguro ay tatawagan naman ako ni Mark.
Mabilis na akong kumilos para hindi ako ma-late.
∞∞∞
Five minutes late ako! Mabuti na lang, wala pang professor. Kaya nakahinga naman ako ng maluwag. I've never been late on the first day of school! Ngayon pa lang... oh, well, there's always first time.
Umupo na ako sa upaan ko na may matamis na ngaiti. Aba? Sino hindi tatamis ang ngiti kung ang seatmate mo ay napaka guwapo at may dimples? Kung dati-rati ay si Myleen ang palaging katabi ko sa duluhang mga upuan dahil naka-alphabetical order ang seat namin, ngayon ay si Ejhay na! Pareho silang Zerna ang apelyido at ako naman ay Velozo.
Kaklase namin siya sa dalawang subjects tuwing TTh at isang subject naman kapag MWF. Since transferee siya from the main campus, naging irregular student siya dahil may mga minor subjects siyang naiwan pa at may mga natapos naman siya ng advance. At dahil pareho namang business ang courses namin, may mga subject siyang kapareho ng sa amin.
Friends na rin talaga kami ni Ejhay at wala na akong problema sa ngiti niya. Immune na ako sa nang-aakit niyang ngiti!
"Oy, Bruh! Late ka na naman," sita sa akin ni Myleen pagkaupo ko pa lang. Akala mo naman, hindi siya madalas na late!
"Wala pa namang prof," nakangiti kong sabi. Well, iyan din and dahilan niya sa akin kapag late siya at wala pang prof, kaya ginaya ko lang! It's not everyday naman na late ako at once in a blue lang din talaga mangyari.
Tumabi sa akin si Myleen. Wala pa kasi ang isa kong katabi sa kaliwa, at sa kanan ko nakaupo si Ejhay.
Chicka na naman ito, malamang.
"Kamusta naman kayo ni papa Mark?" tanong niya sa akin na parang kinikilig-kilig pa.
Nakatingin sa amin si Ejhay kaya nahiya akong sumagot sa tanong niya. Pinandilatan ko si Myleen ng mata. At pinandilatan niya rin ako! Nahalata niya yata kung bakit ko siya pinandilatan kaya lumapit pa siya sa akin ng bahagya.
"Ouch!" tili ko.
Fudge! Ang sakit! Kinurot ako ni Myleen sa tagiliran! Napatingin sa akin 'yong mga classmate namin pero wala akong pakialam! Masakit, eh!
Tiningnan ko ng masama si Myleen pero hindi siya natinag. Pinandidilatan niya pa rin ako. Eh, kung dukutin ko kaya 'yong mga mata niya?!
Ay, yuck! Kadiri pala 'yon... so never mind.
"Wag mo ngang masama-sama sa collection mo 'yang pinsan ko!" pabulong pero madiin niyang sabi sa akin.
Wala talaga kaming pakialam sa mga matang nakatingin sa amin. Sanay kami sa atensiyon kaya hindi kami naiilang o anupaman.
"Wala na 'kong balak dagdagan ang collections ko!" madiin ko ring bulong sa kanya.
Totoo naman, eh. Wala na akong balak dagdagan pa ang collections ko. Kaya kanilang kanila na si Ejhay! Kahit isaksak pa nila sa baga nila!
Pero puwede bang crush ko pa rin siya? Crush lang naman. Huwag masyadong madamot!
"Siguraduhin mo lang!" parang nananakot pa niyang sabi sa akin. "Kahit magkaibigan tayo, kakalbuhin talaga kitang bruha ka!"
Inirapan ko lang siya at tumingin sa whiteboard na puro sulat ng marker. Parang elementary lang. Ang baboy ng board namin. Wala man lang nagkusa na burahin ang mga nakasulat.
Hindi na kami nagpansinan ni Myleen pagkatapos naming magtalo. Magkagalit kami! Pero ganito lang talaga kami. Mamaya pag nakakita kami ng gwapo, magbabati na ulit kami niyan.
Ang tagal naman ng prof namin. Naiinip na ako at kumakalam ang sikmura ko!
May kumatok sa pinto ng classroom namin at pumasok ang isang HRM student? Naka-uniform kasi siya na pang-HRM. Mukhang higher year level na siya dahil sa puti niyang suot.
"Excuse me... May I speak to Ms. Velozo?" malakas na sabi niya sa harap.
Ako? Ako ba ang hinahanap niya? Ako nga. Ako lang naman ang Velozo dito sa classroom namin.
Tumayo ako at lumapit sa kanya. Pagkalapit ko, iniabot niya sa akin ang mga papel na hawak niya.
"Paki-distribute mo raw sa mga classmates mo. Then pwede na kayong umalis," nakangiting sabi niya. Parang kanina lang ang seryoso ng mukha niya.
Nakita lang kung sino si Ms. Velozo ngumiti na? Ang ganda ko talaga!
"Okay, thanks!" sabi ko sa kanya at tipid ko siyang nginitian. Okay na 'yong kaunting ngiti lang dahil baka bigla na lang madagdagan ang mga admirers ko. Mahirap na... seloso pa man din ang boyfriend ko.
Umalis na rin agad si kuyang HRM. Kumuha naman ako ng limang copies ng hand-out na pinabigay ng prof naming para sa aming apat na magkakaibigan at kay Ejhay. 'Tapos binigay ko sa nasa unahan kong classmate 'yong iba.
"Get one and pass, dude" sabi ko sa kanya.
Then tumingin ako sa mga kaibigan ko, sign para tumayo na sila at ng makalayas na kami sa room.
∞∞∞
Nandito na naman kami sa kaharian namin, ang Bitterlandia. At may kanya-kanya kaming mundo ngayon. Walang nagpapansinan.
Nagbibilang ako ng petals ng bulaklak na nalaglag galing sa puno na katabi nitong inuupuan namin. Si Faye ay binabasa iyong hand-out namin? Ewan ko kung totoong nagbabasa siya dahil panay rin ang pagti-text niya. Si Tracy naman ay nagso-solve ng problem sa book? Ewan ko rin kung totoo, kasi may headset na nakalagay sa magkabila niyang tainga tapos nagsasalita siya paminsan-minsan. Baka kausap niya rin si Oliver. Si Myleen, 'ayan, nagbo-boy hunting mag-isa!
Si Ejhay naman ay hindi namin alam kung nasaan. Hindi siya sumama sa amin paglabas ng room. Kung nandito lang sana siya baka hindi ako ganito kanaiinip dahil may mapagmamasdan akong guwapo.
Ang tagal naman mag-lunch. Thursday ngayon kaya sabay kaming kakain ni Mark ng lunch. Kapag TTh kasi ay maaga ang uwi niya at halos kasabay ng vacant ko. Nauuna lang siya ng thirty minutes, usually. Pero dahil nga wala ang prof namin kanina at nagbigay lang ng hand-out, ako tuloy ang naghihintay sa kanya ngayon.
Naiinip na pinag-trip-an ko na lang ang bulaklak na nadampot sa tabi ko. Tinanggal ko isa-isa ang mga petals habang nagtsa-chant sa isip ko...
Mark. Ejhay. Mark. Ejhay. Mark. Ejhay...
Isa na lang 'yong petal.
Mark.
Ay, mayroon pa tangkay!
Ejhay!
Ang adik ko na naman. Minsan lang ako magka-crush ng todo kaya hayaan niyo na. Natutuwa lang naman ako sa dimpled face ni Ejhay. Sana dimple na lang siya.
Napapabuntong-hininga na lang ako sa pagkainip. Ang tahimik ng mga kaibigan ko. May mga sapi yata ng mabubuting Espiritu.
"Mga bruh, nagugutom ako," out of kagutuman-slash-kainipan na sabi ko sa kanila.
Walang pumansin sa akin. Nalukot ang maganda kong mukha na maganda pa rin naman kahit lukot. Sa ganda kong ito, they're just ignoring me?
"Mga bruh, kain tayo, please," sabi ko pa ulit pero hindi pa din sila natinag.
Ano ba 'yan? Nagugutom na talaga ako bakit ayaw nilang kumain? Bakit ang seryoso nila ngayon? Ayokong kumain mag-isa sa canteen dahil baka pagkaguluhan ang kagandahan ko.
"Isusumbong ko kayo kay Mark. Sasabihin ko sa kanya na ginugutom niyo ako," pabulong kong sabi habang nanghahaba ang nguso.
Pupulot na lang sana ulit ako ng bulaklak para pilas-pilasin ulit nang bigla na lang silang nagsitayo.
"Tara kain tayo. Gutom na rin ako, eh," sabi ni Tracy habang inaayos ang gamit.
"Tara!" sabay namang sabi ni Faye at Myleen.
Tsk! Si Mark lang pala ang magic word para pansinin nila ako, eh. I really, really, really love Mark na! but not these three girls! Mga traydor! Nagnanasa pa rin sa boyfriend ko!
Kumain lang kami ng fries sa may cafeteria dahil magla-lunch na rin naman. Baka hindi kami makakain ng full meal mamaya. Kailangan naming iyon dahil madugo ang major subject naming after lunch.
"Uy, si papa Ejhay, oh," sabi ni Faye habang ngumunguya. Eww... where's the manners?
Pero dahil si Ejhay iyon ay hindi ko na lang pinansin ang manners ni Faye. Lumingon agada ko at ganoon din si Tracy. Habang si Myleen ay patay-malisya lang dahil pinsan niya iyon.
Faye waved at him. Nakita naman siya ni Ejhay kaya lumapit siya sa amin. Umupo siya sa tabi ni Myleen.
"Hi, girls!" nakangiting bati niya.
"Hi..." sabay-sabay naming ganti—ako, si Faye at si Tracy.
I can feel na bored kaming apat at parang si Ejhay ang maha-hot seat ngayon.
"Ilan na naging girlfriend mo?" panimulang tanong ni Faye kay Ejhay.
Ang landi talaga! Manang-man sa akin. Este... sa pinagmanahan! Parang nahihiya naman sumagot si Ejhay na napapakamot sa ulo habang may awkward na ngiti.
"Dalawa pa lang ang nagiging girlfriends niyan at lahat ay seryoso," sagot ni Myleen at pinagdiinan pa talaga niya 'yong mga salitang 'seryoso'.
Parang nahiya naman lalo si Ejhay sa sinabi ng pinsan. Tsk! Hindi siya ang dapat mahiya. Kami itong makarami na ng exes! Correction... kami lang pala ni Myleen ang maraming exes dahil si Tracy ay palaging long term ang mga nagiging boyfriend at si Faye naman ay si Kyle pa lang talaga!
"Ahh..." tumatangu-tangong sabi ni Tracy kasabay ng ngiting nagpapahiwatig. "Pareho pala tayo. Dalawa pa lang din and nagigigng boyfriends ko at lahat seryoso."
"Umayos ka nga Trace!" pagalit na sabi pa ni Myleen kay Tracy na may kasama pa ring pandidilat. Kung katabi nito si Tracy ay baka nakurot na niya ang napakalandi naming kaibigan.
Natatawang tumingin na lang ako sa cellphone ko. Baka may text na si Mark. Pero napapabuntong hiningang ibinalik ko lang iyon sa bulsa ko dahil wala pa rin. Maaga pa naman. Naiinip lang talaga ako at gusto ko na siyang makita.
"Bakit kayo nag-break ng mga naging girlfriends mo?" usisa pa ulit ni Faye. Mukhang hindi mauubusan ng tanong ang bruha. Pinaghandaan niya yata talaga ang pag-interview niya ngayon kay Ejhay.
Napahawak si Ejhay sa baba niya at parang nag-isip sandal at ngumiti. "They just left me."
"What?!" Pabagsak na lumapat ang mga kamay ni Faye at Tracy sa lamesa kasabay ng pagtayo nila.
Pinagtinginan na naman kami ng mga istudyante pero as usual, wala kaming pakialam. They can stare all they want.
"Sa gwapo mong 'yan, ikaw pa ang iniwan?!" hindi makapaniwalang bulalas ni Tracy.
"Mabait ka naman, ah!" segunda naman ni Faye at katulad ni Tracy, hindi rin siya makapaniwala.
I rolled my eyeballs. Kung makapag-react ang mga bruhang ito, wagas! Sila na lang kaya ang maging girlfriend ni Ejhay? Siguraduhin lang nila na hindi nila iiwan ang dimpled face crush ko, kundi kakalbuhin ko sila!
Makikisabat na sana ako nang maramdaman kong nag-vibrate ang cellphone ko. Malamang si Mark na ang nag-text kaya nagmamadali kong kinuha iyon.
Napangiti ako ng pangalan niya ang nabasa ko. Pero nawala rin agad ang ngiti ko at medyo na-disappoint ako sa laman ng text niya. Hindi daw kami sabay magla-lunch. Diretso na siya pauwi at sasamahan niya si Mommy magsundo kay Daddy sa airport.
Hay... May driver naman kami para maghatid kay Mommy sa airport. Masyado naman siyang nagpapalakas sa magulangko, eh sobrang lakas niya na kaya sa kanila.
Napapabuntong-hiningang ibinalik ko na naman ang cellphone ko sa bulsa. Hayaan na nga lang. Si Daddy naman ang susunduin niya. Baka mas na-miss niya pa si Daddy kaysa sa akin? Natawa ako sa naisip ko. Posible naman pero napaka clingy niya naman sa parents ko!
Pero parang gusto ko ng hilain ang oras para makauwi na rin ako at makita ko na si Daddy at si Mark. I want to kiss them both!
Nag-excuse ako sa kanila at pumunta ako ng restroom. Pabalik na ako nang may nakasalubong akong cute na nilalang!
Shoot! Anong ginagawa niya rito?
Napatingin siya sa gawi kung nasaan ako.
"Lianne?!" malakas niyang tawag sa akin na nagpatingin ng lahat ng dumadaan sa hallway.
Akala ko ay iyon na 'yon pero patakbo pa siyang lumapit sa akin at niyakap ako nang mahigpit. Halos hindi ako makahinga! Gusto ko siyang itulak pero hindi ko magawa dahil naipit ang mga braso ko sa pagkakayakap niya sa akin.
Ito na ba ang katapusan ng isang magandang katulad ko? No!
"Qinn...! Hindi ako... makahinga!" paputul-putol kong sabi.
"Ay, sorry!" agad naman niyang hingi ng pasensya at pinakawalan ako mula sa pagkahigpit-higpit niyang yakap. "Na-miss kita, eh," nangangamot sa ulo niyang dugtong at nag-peace sign pa siya.
Suddenly, gusto ko siyang pisilin sa magkabilang pisngi. Napaka cute ni talaga ni Qinn!
"Anong ginagawa mo rito?" I asked instead of pinching his cute face.
"Ahh..." Kumamot ulit siya sa ulo at lumapit sa akin ng kaunti.
Napalayo naman ako. Hahalikan niya baa ko? No! Magagalit si Mark at isa pa, cute siya pero hindi ko type ang mga lalaking isip bata.
"H'wag kang maingay, ha?" bulong niya sa akin.
Nakahinga naman ako ng maluwag na hindi naman pala niya ako hahalikan at napatango na lang sa kanya.
"We own this university," pabulong pa rin niyang sabi.
"Huh?! Sa inyo 'tong univer—"
Tinakpan niya agad ang bibig ko. "Sabi ko, h'wag kang maingay. Baka may makarinig!"
Nag-peace sign ako sa kanya, katulad ng ginagawa niya parati. Saka niya lang inalis ang pagkakatakip sa bibig ko.
"Eh, bakit hindi ka rito nag-aaral?" tanong ko sa kanya.
Naglalakad na kami nang sabay papuntang cafeteria. Ewan ko kung saan siya pupunta pero ako sa cafeteria talaga at babalikan ko 'yong magaganda kong kaibigan—na mas maganda pa rin ako—kahit na may konting kalandian. Baka naharas na rin Ejhay. I need to know!
"Home schooled ako, eh," sagot niya at nag peace sign na naman siya.
"I see..." iyon lang ang nasabi ko.
Kung may anak nga rin naman akong ganito ka-cute ay baka hindi ko rin pag-aralin sa normal school dahil everytime ay mag-aalala ako na may mang-kidnap na babae sa kanya.
"Saan pala tayo pupunta?" tanong niya.
"Sa cafeteria. Nandoon 'yong mga friends ko. Gusto mo, ipakilala kita?"
Kumamot na naman siya sa ulo na parang nag-aalinlangan. "Mababait ba sila katulad mo?" usisa pa ulit niya.
Gusto kong tumawa. Hindi dahil mukhang siyang nahihiya na ipakilala ko sa mga kaibigan ko. Kundi dahil mabait pala ang tingin niya sa akin! The ever maldita at magandang Lianne, mabait ang tingin ng isang Qinn?
Magpapa-party ako mamaya!
"Hindi!" sagot ko sa tanong niya.
Lalo namang nalukot ang mukha niya at halatang nag-aalala.
"Pero akong bahala sa 'yo," sabi ko at hinila ko na siya sa loob ng cafeteria.
Nagliwanag naman ang mukha niya. "Okay!"
Ang adik lang din talaga nito ni Qinn at ang cute cute! Ang sarap i-display sa kwarto ko! Kaso huwag na lang pala. Baka makalimutan ko na baby bro lang ang tingin ko sa kanya.
Pagdating namin sa table kung saan ko iniwan ang mga bruha, nagtaasan kaagad ang mga kilay ng tatlo kong kaibigan pagkakita sa akin na kasama si Qinn, habang si Ejhay ay nakamata lang.
"Hi there mga Bruh and Ejhay!" bati ko sa kanila.
Umupo ako sa kaninang pwesto ko at pinaupo ko din si Qinn sa tabi ko. Nagsumiksik pa siya sa akin dahil nakataas pa rin ang kilay ng tatlo. If I know, naiinggit lang sila kasi may kasama akong cute!
"Who is he?" hindi nakatiis na tanong ni Tracy.
"Oh, yeah... si Qinn nga pala, mga Bruh. Ejhay si Qinn," pagpapakilala ko sa kanila. "Qinn, si Myleen, Faye, Tracy at Ejhay nga pala." Tinuro ko sila isa-isa.
"Hello!" Nag-wave si Qinn na parang bata at nahihiyang ngumiti sa mga ito.
"Yaaah! Ang cute mo naman!" Tumayo pa si Myleen at lumapit kay Qinn tapos pinisil niya ito sa pisngi.
Si Qinn naman ay namula agad ang mukha at gulantang sa ginagawa ni Myleen sa mukha niya.
"Yaaah! Oo nga! Ang cute mo Qinn!" At nakipisil din si Tracy sa mukha ni Qinn.
Lalong pinamulahan ng mukha si Qinn habang pisil-pisil pa rin ng mga babae.
Tumayo na rin si Faye para makikurot din kay Qinn.
"Hep!" pigil ko sa kanila. "H'wag niyo ngang hawakan ang Qinn ko!" possessive kong sabi at inalis ang mga kamay nila sa mukha ni Qinn.
Kawawa naman kasi si Qinn! Nade-defrom na ang cute niyang mukha! Nagsitingin naman sila sa akin ng masama. Katulad ng pagtingin nila sa akin nang tawagin akong 'babe' ni Mark at halikan ako sa harap nila.
Hindi ko sila pinansin inilayo ko sa kanila si Qinn.
"Allergic siya sa mga babae! Kaya h'wag niyo siyang hawakan!" sabi ko sa kanila.
Si Ejhay at nakatingin lang sa amin. Parang naa-amaze! Naaaliw siya sa mga kalokohan naming magkakaibigan.
"So, hindi ka pala babae?!" wika ni Faye na may diin.
"Sabi na nga, Lianne... ikaw ang lalaki sa ating dalawa, eh!" gatong naman ni Myleen.
Hanggang sa ako na ang pinag-trip-an nila! Pati si Qinn ay nakisali sa trip ng mga kaibigan kong bruha. Sabi niya kaya daw pala wala akong gusto sa kanya, dahil babae rin ang gusto ko.
Ang mga walang'ya! Sila na ang naging close! Tapos si Ejhay tatawa-tawa lang sa amin at paminsan-minsang nang-aasar na rin!
∞∞∞
Yay! Pauwi na ako. Nakaramdan na naman ako ng excitement na makita si Daddy. Nawala iyon kanina sa isip ko dahil hindi na ako tinigilan sa pang-aasar ng mga kaibigan ko at ni Qinn. Naki-seat in pa sa class namin si Qinn na pinayagan naman ng professor namin. Mukhang kilala siya nito. Well, his family own the university, so mybe kilala nga siya nito.
"Mang Amboy, bilisan mo po mag-drive, please." Kanina ko pa 'yan sinasabi sa kanya pero parang hindi naman bumibilis ang takbo ng sasakyan.
Lalo niya lang yata akong ine-excite!
Napabuntong-hininga ako at sumandal sa upuan. Hayaan na nga. Malapit na rin naman kami sa bahay. Makikita ko na si Daddy! I know... para akong bata na sabik sa tatay na matagal naglagi sa abroad. Pero bakit ba? I'm a Daddy's girl kaya ganito ako.
Hindi naman nagtagal nakarating na kami sa bahay. Hindi pa naipaparada ng maayos si Mang Amboy ang sasakyan ay lumabas na ako ng sasakyan. Dumiretso ako papasok sa bahay. Nakasalubong ko si Manang Fe.
"Manang Fe, nasaan na po si Daddy?" tanong ko.
"Nasa guest room, anak," sagot niya tapos ngumiti siya sa akin.
Kahit nagtataka ako kung bakit nasa guest room si Daddy ay tumakbo na ako papunta roon. Nagpi-feeling bisita ba si Daddy? Natawa ako sa naisip. Or baka naman may bisita kami? It can be...
Hindi na ako nag-abalang kumatok sa pinto ng guest room dahil nakabukas naman iyon. Sumilip ako at nakita ko ang mga magulang ko. Pero lalo akong nagtaka nang makita kong marami sila sa loob. Kasama si Tita Belle at Tito Ricky at ang dalawa nilang anak.
Ano'ng mayroon?
Nang mapadako ang tingin ko sa kama ay may nakahigang babae doon na hindi ko kilala. She's so white... no, she's pale. Mukha siyang may sakit at nakahiga siya sa kama.
"Lianne..." Si Renz ang unang nakapansin sa presensiya ko.
Ikinunot ko ang noo ko sa nagsalita. "Sino siya?"
Nakatingin silang lahat sa akin pati na rin ang babaeng nakahiga sa kama. Hindi ko alam kung bakit bigla parang may bumundol sa dibdib ko ng magtama ang mga mata namin.
Kinakabahan ba ako? Pero bakit naman ako kakabahan? I don't even know who she is.
Nagpalipat-lipat ang tingin ko sa lahat ng tao na nasa loob ng kuwarto. Parang walang may gustong sumagot sa kanila. Tumingin ako sa mga magulang ko. Nasa mga mata nila pareho ang pag-aalala. Kung kanino sila nag-aalala ay hindi ko alam.
>>> Next Chapter >>>