Chapter Eight
Lianne's POV
Katulad ko ay gulat na gulat din si Mark at pati na rin ang nagbukas ng pinto.
Nakahawak pa din si Mark sa magkabilang braso ko, hindi yata siya makakilos sa sobrang pagkagulat at ganoon din ako. Para akong naestatwa sa kinatatayuan ko.
Ilang segundo pa kaming pare-parehong nakahinto. Pero maya-maya rin ay naunang makabawi si Mark.
Tumikhim siya at naramdaman ko ang paggalaw niya. Inalis niya ang mga kamay niyang nakawak sa akin at inayos niya ang sarili. Natataranta ko namang inayos din ang sarili.
Patay! Sobrang nakakahiya! Sana lamunin na lang ako ng sahig para nakatakas ako sa kahihiyan na ito!
"Ah... Tito, kung anuman—" basag ni Mark sa katahimikan pero pinutol na ni Daddy ang balak niyang pagpapaliwanag.
"Ayusin niyo na ang mga sarili niyo at sumunod kayo sa baba," seryosong utos ni Daddy sa amin, saka siya tumalikod at umalis.
Ilang saglit na naman kaming natahimik at nakatingin lang sa pintuang iniwan ni Daddy na nakabukas.
Hindi ko alam kung ano ang gagawin ko. Sobrang seryoso ni Daddy kanina at kapag ganoon siya kaseryoso, patay talaga ako! Hindi... hindi lang pala ako, pati si Mark!
Waaah! What to do? nagpa-panic na tanong ko sa sarili.
"Lianne, mag—" basag na naman ni Mark sa ilang minutong katahimikan na namagitan sa amin, but this time ay ako naman pumutol sa sasabihin niya.
"Kasalanan mo ito!" walang gatol kong paninisi sa kanya.
Medyo nagulat naman siya pero agad ding nakabawi. "Kasalanan ko pa ba iyon? Eh, ikaw nga riyan ang pakipot! Kung nagpahalik ka agad, edi sana, hindi tayo nakita na nasa ganoong ayos ni Tito," sisi niya rin sa akin na lalo kong kinaasar.
Pakipot daw ako?! Eh, kung ihagis ko kaya siya sa dagat ngayon?!
"Alam mo, ang kapal talaga ng mukha mong lalaki ka?!" nanggagalaiti ko nang sigaw sa kanya.
Grrr! Nakakainis talaga siya kahit kailan! Ang aga-aga, sinisira niya ang araw ko at lalo pang sumasakit ang ulo ko!
"At ako pa ang makapal ang mukha ngayon? Ikaw na nga nasiyahan sa paghalik-halik sa akin kagabi!" mapang-asar na niyang balik sa akin.
Nanlaki ang mga mata ko sinabi niya.
Ano'ng pinagsasabi niyang nasiyahan ako sa halik niya?! Eh, hindi ko nga maalala na hinalikan ko nga siya kagabi. At ang akala kong panaginip ko na hinalikan ko siya, hindi ko nga maalala kung ano ba ang feeling! At ayoko na ding malaman ang feeling dahil baka... basta!
Umuusok na ang bumbunan ko dahil sa init ng ulo ko sa kanya! Gusto ko na siya sakalin ngayon, dito mismo sa kuwarto na ito at sa mismong kinatatayuan niya ang paglilibingan ko sa kanya!
"Dalian mo na magbihis. Baka akalain ni Tito... itinuloy na natin iyong nakita niya kanina," utos niya pa na may nakakalokong ngiti sa mga labi niya.
"Asa!" pabulyaw ko namang sabi sa kanya na may kasama pang pag-irap.
Hindi na siya sumagot. Pero nahalata kong pinipigil niya ang pagtawa niya. Malalagot na nga kami tapos nakukuha niya pang mang-asar!
Grrr! Ang sarap niyang talagang sakalin!
Tinalikuran ko na lang siya at hinarap ko ang lalagyan ko ng mga damit para kumuha ng damit na pamalit. Pagkatapos ay pumasok na ako sa bathroom. Hinayaan ko na lang siya sa loob ng kwarto ko. Ni-lock ko na lang ng maigi ang pinto. Baka kasi abutin pa kami ng siyam-siyam kung papalabasin ko pa siya.
Bahala siya sa buhay niya! Ayoko na siyang kausapin pa. Nakaka-badtrip at nakakapikon lang. Nai-stress pa ang kagandahan ko nang dahil sa kanya!
Mabilis na akong nag-shower habang nagngingitngit pa rin ako sa baliw na si Mark at kasabay din niyon ang pagsuri ko sa sarili.
Wala pa naman akong bawas, 'di ba? Wala naman akong napansing mga marka o kung anuman sa balat ko. Nagbibiro lang siya kanina. Masakit ang katawan ko dahil nahulog ako kahapon. Tama. Iyon lang 'yon.
Nang matapos ako mag-shower, sa loob na din ako nagbihis. May manyak kasi sa labas. Baka makapatay na talaga ako ng poging hayop kung sakaling manyakin niya na naman ako, katulad ng pagtatangka niyang halikan ako.
Lumabas na ako ng bathroom pagkatapos kong magbihis at nakita ko si Mark na nakaupo sa kama ko habang nakasandal sa headboard.
Ang ganda lang ng upo niya. Feeling yata niya, kuwarto niya ito.
"Ang tagal mo naman maligo. Sobrang kapal ba ng libag mo at hirap na hirap ka hiludin?" pang-aasar niya agad sa akin.
Agad namang lumipad ang masamang tingin ko sa kanya and he just wiggled his brows.
Ang manyak ng hitsura!
Sumimangot pa ang nakasimangot ko naang mukha. Nagmadali na nga akong mag-shower, eh! Makapang-asar lang talaga siya! Buwisit!
Inirapan ko siya at dumiretso ako sa harap ng salamin para mag-ayos at magpaganda pa lalo kahit alam kong ang ganda-ganda ko na.
Siyet! Napaka-conceited ko talaga! Oh, well... it is just the truth and nothing but the truth kaya walang magagawa ang kahit sino kung ipagduldulan ko man na sobrang ganda ko.
"Dapat tinawag mo ako para natulungan kitang maghilod," patuloy niya pa sa pang-iinis.
Ang bastos lang talaga niya! Ang guwapong pervert! Este, ang laking pervert! Argh!
Hindi ko pa rin siya pinansin kaya nanahimik siya ng ilang minuto. Pero hindi talaga siya makatiis na hindi magsalita!
"Baka gusto mong dalian?" naiinip niyang tanong sa akin.
Napataas naman ang isang kilay ko at hindi ko na napigilang hindi siya sagutin. "Sinabi ko bang hintayin mo ako?"
Tsss! Wala naman talaga akong sinabi na hintayin niya ako, 'di ba? Puwede naman siyang mauna na, tapos susunod na lang ako sa baba. Kaya ko naman pumunta roon mag-isa!
Makapang-inis lang talaga ang unggoy na ito!
"Dalian mo na. Ikaw na nga itong hinihintay," iritable niyang sagot na may kasama pang pagkamot sa gilid ng ulo niya.
Napataas naman lalo ang isa kong kilay. Umabot na yata sa hairline ko ang kilay ko sa sobrang taas. Para kasing pinalalabas niya na utang na loob ko pa ang paghihintay niya sa akin.
"Tsss! Ang kupad talaga!" narinig ko pang bulong niya.
"Oo na! Ito na nga, tapos na!" naiinis ko nang sabi. Tumayo ako at padabog na ibinaba ang suklay sa harapan ng salamin.
Nagmamartsang naglakad ako palabas ng pinto. Sununod naman siya sa akin at nang naabutan niya ako ay hinawakan niya ang kamay ko.
Napahinto naman ako sa paglalakad at napaharap sa kanya. Binigyan ko siya ng matalim na tingin. Kung nakakamatay siguro ang tingin ko, kanina pa siya pinaglamayan.
"What?" painosente na naman niyang tanong nang hindi ako magsalita.
Buwisit talaga itong lalaking 'to! Ang sakit sa bangs!
Hinawi ko ang bangs ko gamit ang malaya kong kamay habang hindi niya pa din binibitawan ang isa at mukhang wala siyang balak na bitawan.
"Bitawan mo ang kamay ko," mahinahon kong utos sa kanya habang nakatingin sa mga kamay namin at sinubukan kong hilahin ang kamay ko. Pero hindi niya bitawan.
"Why would I?" kunot-noo niyang tanong. "Aren't you happy that I'm proud to show everybody that you're my girlfriend? Ang suwerte mo nga kasi hindi mo na ako niligawan, tayo na agad," nakangisi niya pang dagdag.
Aba't! Literal na nanlaki ang mga mata ko dahil sa narinig ko. Kung ganito lang din pala ang sinasabing 'suwerte' mas gugustuhin ko na lang yatang malasin!
Sobrang hangin niya na! At ano raw? Siya daw ang dapat ligawan?! Jeez! Sapakin ko na kaya ang lalaking ito? Ang kapal niya talaga!
Hindi ko nagawa ang balak kong pagsapak sa kanya dahil bigla niya na lang akong hinila.
"Tara na! Kanina pa nila tayo hinihintay. Magpapaliwanag pa ako sa kanila na girlfriend na kita kahit hindi mo ako niligawan," aniya. Nilingon niya ako saglit para ngumisi sa akin ng mapang-asar.
Hindi ko na lang pinag-aksayahang imikin siya. Ayoko nang makipagtalo sa kanya. Nakakapagod lang. Ang aga-aga pa at mahaba pa ang araw para ubusin ko na agad ang lakas ko dahil lang sa mga kalokohang sinasabi niya.
Joke lang din naman siguro na ipapakilala nga niya ako bilang girlfriend niya kila Mommy. Asa naman! Wala nga siyang dinala sa mga naging girlfriend niya sa bahay nila, eh. Tapos ako na hindi naman niya totoong girlfriend, ipapakilala niya?! Nah-ah with matching head shake!
Kung hindi ko pa siya nakikita dati sa school na iba-iba ang kasama niyang babae every week, baka naisip kong bakla siya!
Hawak-hawak niya pa din ang kamay ko hanggang sa makarating kami sa table nila Mommy, kasama sila Daddy, tito Rick at tita Belle.
Masaya silang nagkukwentuhan pagkalapit namin. Tumatawa sila na parang tuwang-tuwa sa kung anumang pinag-uusapan nila.
"O, nariyan na pala kayo, hija," sabi ni Tita Belle na unang nakapansin sa amin. Tumayo pa si tita at hinalikan ako sa pisngi. Ganoon din ang ginawa ni Mommy.
"Maupo na kayong dalawa," utos sa amin ni Daddy.
Mukhang hindi na galit si Daddy, katulad kanina. Nakangiti na nga siya sa amin ngayon at ayoko sa ngiting nasa mga labi niya. Feeling ko sisintensyahan ako ngayon!
Parang kanina lang mukha siyang galit na galit sa nakita niya, ah? Ngayon naman, sobrang ngiting-ngiti siya. Mas nakakatakot tuloy.
Wala sa loob ko na napahigpit ang hawak ko sa kamay ni Mark dahil sa kabang nararamdaman ko.
Umupo kami ni Mark na magkatabi. No choice na kasi. Si Daddy at Tito Rick nasa magkabilang dulo ng lamesa, tapos si Mommy at Tita Belle, magkatabi sa harap namin. Pang-anim na tao lang ang lamesa.
Wala si Renz. Inilibot ko ang paningin ko sa ibang table para hanapin siya pero wala akong nakita kahit anino niya.
Wala talaga si Renz? Nasaan na naman ang kumag kong best friend? Hindi ba siya natulog kagabi sa room nila ni Mark at sumama sa mga babae niya? Hindi kaya siya namolestiya na ng mga babaeng kasama niya?
Teka... hawak pa din ni Mark ang kamay ko, ah?! Sobra na siya sa chansing!
Hinila ko ang kamay ko pero katulad kanina, hindi niya pa rin pinakawalan ang kamay ko.
Ano ba naman 'yan?!
Lumingon ako sa kanya at pinandilatan ko siya ng mata para bitawan na niya ang kamay ko. Pero nginitian lang ako ng loko at nag-iwas na siya ng tingin.
"So... let's talk about their upcoming wedding," wika ni Tito Rick na kinabigla ko.
Napaangat ako sa kinauupuan ko pero pasimpleng pinigil ni Mark ang pagtayo ko. Hinigpitan niya pa ang paghawak sa kamay ko.
Napatingin ako sa mga mukha nila. Lahat sila nakangiti na abot pa sa mga mata nila, including Mark. Habang ako, nandidilat ang mga mata at napaawang ang mga labi.
Ano daw iyon? Wedding? Nino? Namin? No way! No way in this freaking whole world that I would marry this pervert guy beside me!
Magpoprotesta na sana ako pero biglang nagsalita si tita Belle.
"Mga anak, bakit niyo naman itinago sa amin na may relasyon pala kayo? Alam niyo naman na hindi kami tututol, 'di ba?" parang naghihinanakit pa ang paraan ng pagsasalita ni Tita Belle.
"Oo nga, anak. Sa katunayan, matutuwa pa nga kami kung kayo ang magkakatuluyan," second the motion ng Mommy ko.
Waaah! Ano ba naman ito?! Paanong naging ganito ang mga nangyayari ngayon? Hindi ito maari dahil mali ang iniisip nila. Maling-mali!
"Pero hindi na iyon ang mahalaga. Ang kasal niyo na ang pag-uusapan natin," singit naman ng Daddy ko sa drama ng dalawang matandang babae.
Napalunok ako at parang nasama sa paglunok ko ang dila ko dahil hindi ako makapagsalita. Hindi ko masabi na wala naman kaming relasyon ni Mark at walang ibigsabihin ang nakita ni Daddy kanina! At sigurado akong hindi din naman sila maniniwala kung sasabihin ko iyon.
Waaah! Ano ba naman ito?!
Mark, magsalita ka diyan! Kung ayaw mong matali tayo sa isa't-isa ng wala sa oras! You, stupid pervert!
"Kailangan maikasal na sila sa lalong madaling panahon. Baka magkaka-apo na pala tayo, hindi pa sila naikakasal," suhestyon naman ni Tito Rick.
Lalo naman akong na-depress. Para na rin akong sinisilihan sa puwit dahil sa pinagsasabi nila pero wala akong magawa at hindi talaga ako makapagsalita dahil hindi ko rin alam kung paano magpapaliwanag. Si Mark na lang ang pag-asa ko para luminaw sa mga iniisip nila.
Mark, say something! I nearly shouted to him.
"Ah... 'Ma, 'Pa, Tito Ed, Tita Lea..." pagsisimula ni Mark.
Medyo na-relieve naman ako. Thank, God! Akala ko tutunganga na lang siya at hahayaan ang mga maling iniisip ng mga magulang namin. Mabuti na lang, nagsalita na siya.
Napahinga ako ng malalim para kalmahin na ang sarili kong kanina pa nagpa-panic.
"Ahm... actually po, we're planning to tell you about our relationship before we go back to Manila. Kaso po, nagkataon na nakita kami ni Tito kanina sa hindi magandang eksena. Sorry po, Tito Ed. Naglalambingan lang naman po kami ni Lianne kanina. Sorry din po kung itinago namin sa inyo," mahabang paliwanag ni Mark.
Napanganga na naman ako. Ang paghinga ko ng malalim ay naputol at parang ayaw ko na lang ulit huminga para mamatay na ako sa sitwasyong ito.
Napatingin ako kay Mark and I saw that he's really acting sorry at nakayuko pa talaga siya! Hindi ko na napigilang hindi mag-react. Sobra na ang nangyayari at hindi ko na kaya!
Naku, kang Mark ka! Mapapatay na talaga kita! Ang dami mo nang kasalanan sa akin at lintek lang ang walang ganti!
"A-anong bang sinasabi mo Mark?!" natataranta kong sigaw. "Hindi po totoo 'yong sinabi ni Mark! Wala po kaming relasyon! At iyong kaninang naki—!"
"Anak, ano ka ba naman?" putol sa akin ni Tita Belle at hinawakan niya pa ang isa kong kamay na nakapatong sa ibabaw ng lamesa. "Huwag ka nang mahiya sa amin, okay? Umamin na ang nobyo mo. And as we have said earlier, we're not angry at natutuwa pa nga kami."
"Pero tita—" magpoprotesta pa ulit sana ako kaso si Mark naman ang nagsalita.
"Oo nga, Babe. Nahuli na din naman tayo, eh. So, what's the use of denying?" sabi niya tapos inakbayan ako.
Argh! Ano ba Mark?! Nababaliw ka na ba?! gusto ko sanang isigaw iyan sa mukha niya pero hindi ko magawa.
Masasapok ko talaga ang lalaki na ito ng wala sa oras! Nakakakilabot ang mga pinagsasabi niya! Mas magiging okay pa siguro kung alien ang boyfriend ko kaysa sa kanya!
At dahil hindi naman sila naniniwala sa akin, nanahimik na lang ako. Paano nga naman sila maniniwala kung nakita kami ni Daddy kanina sa room ko na halos magkayakap at ang sabi ni Mark ay 'naglalambingan' daw kami! Nakakasuka! Nagsasalita lang ako kapag may itinatanong sila sa akin.
Sa sobrang pagngingitngit ko sa inis kay Mark ay iyong karne na lang ang na-torture ko sa plato ko. Gusto ko na siyang kaladkarin papuntang main beach para lunurin at ipakain sa pating!
Ergh! Humanda ka mamaya sa akin, Mark!
Parang pinagsakluban ako ng langit at lupa nang magkasundo sila na two months from now, ikakasal na kami ni Mark!
For Mother Earth's sake! Third year college pa lang ako sa darating na pasukan! Si Mark naman, kaka-graduate lang ng architecture at kukuha ng experience para makapag-take siya ng board exam!
Goodness! Hindi ko pinangarap mag-asawa agad! Gusto ko pang i-enjoy ng matagal ang pagiging dalaga at ang magiging career ko in the near future!
I should do something para hindi kami maikasal. Hindi pwedeng mangyari iyon! Magugunaw ang mundo at magka-crush ang lahat ng planeta sa universe, mawawalan ng gravity at magkaka yelo sa araw!
Waaah! For all the people in the Philippines, bakit sa akin pa nangyayari ang kamalasan na ito?
>>> Next Chapter >>>