CHAPTER THIRTY-FIVE
Kaede's
"Parang tanga lang 'ji. Daig mo pa ang ikakasal ha." natatawang sabi ni Migs habang nakikita namin na halos hindi maipaliwanag ni Keiji ang nararamdaman dahil finally, after 11 months na panliligaw kay Cheska ay sinagot na siya nito.
"Nagbunga din ang pinaghihirapan mo pare." sabi naman ni Darius.
"Naku, huwag mong paiiyakin yang bestfriend ko kung hindi sisiguraduhin kong hindi na dadaloy ang lahi mo." pagbabanta ni George kaya nagtawanan kaming lahat.
"Loko ka talaga." natatawang bulong ko kay George sabay halik ko sa sintido niya kaya natawa din siya.
"Ang galing kasing mangbola nitong kaibigan niyo kaya napasagot ako eh." ani Cheska habang nakaakbay sa kanya si Keiji.
"Oy sincere ako sa lahat ng pinakita ko sayo ah. Walang halong pambobola ang lahat ng yun." nakangiting sabi ni Keiji sabay halik sa pisngi ni Cheska na kinurot naman siya sa pisngi.
"Tangina, ang sweet niyo. Baka magkadiabetes kami dito." bulalas ni Ashton kaya natawa ulit kami.
"Paano ba yan, apat nalang talaga kaming natitirang single sa barkada." maya-maya ay sabi ni Darius sabay kunwaring iyak nila ng sanay sabay nila Swisso, Ash at Migs.
"Napag-iwanan na tayo, mga pare." kunwaring umiiyak na sabi ni Swisso kaya natawa nalang kami.
"Mga mukha kayong gago." ani Duane na natatawa kayla Darius.
"Hindi bale, magpupursigi din ako sa panliligaw kay Faye para mapasagot ko na siya." biglang sabi ni Darius.
"Oo fafa Darius, pagbutihin mo ang panliligaw sa babaitang iyon para hindi beauty ko ang binubulabog." pagsang-ayon naman ni Art kaya nagtawanan kami ulit. "Juice Colored! Kinikilabutan ako sa pagdikidikit sa akin ng pinsan mong yun bakla!" sabi niya pa kay Stacie na natatawa nalang din.
"Eh paano kapag napasagot yun nitong si Darius edi maslalong magiging malabong maging kayo ni Darius, baks." natatawang tanong ni Cheska.
"Haynaku, keri lang. Okay lang na magkatuluyan sila ni fafa Darius kahit masakit sa aking damdamin basta't tigilan lang ako nun ni Faye. Jusko talaga kinikilabutan ako sa bruhang yun." sabi pa ni Art.
"Ang gwapo mo daw kasi, bakla." sabi naman ni Stacie.
"Che! Anong gwapo? Maganda ako. Dyosa. Ganun!" sabay pilantik pa ng mga kamay nito na lalong naging dahilan para magtawanan kami.
"Akala ba namin gusto mong magkaanak? Malay mo si Faye ang magbigay sayo nun." pang-aasar pa ni Janine.
"Girl naman! Oo gusto kong magkaanak, pero pwede namang mag-apon kesa sa chumorva ng babae ding katulad ko. Wag ganun. Ayokong maging paminta. MyGhad!" lalo kaming nagtawanan sa sinabing yun ni Art.
Lalo kaming natawa ng tumayo si Art at tumabi kay Darius saka kumapit sa braso nito.
"Kaya please lang fafa Darius..." nagmamakaawang sabi ni Art. "Galingan mo ang panliligaw sa babaitang yun. Huwag mong hayaan na yurakan niya ang puso kong babae. Kahit hindi na tayo magkatuluyan for real basta ilayo mo lang siya sa akin, please fafa Darius." seryosong sabi pa nito kaya lalo kaming nagtawanan.
Natatawa din si Darius sa pakiusap ni Art sa kanya pero tumango nalang siya para tumigil ito. Hindi din talaga ako makapaniwala sa love triangle nila ng pinsan ni Stacie na si Faye.
Ngayon lang namin nalaman na totoo pala ang pagkagusto ni Art kay Darius, na ang mga biro niya ay may kahulugan palang talaga pero handa daw siyang magparaya kay Darius na patay na patay naman kay Faye para maging si Darius at Faye basta't tigilan lang siya nito. Patay na patay kasi talaga ang pinsan ni Stacie na si Faye kay Art at kahit anong kumbinsi ang gawin nila para tigilan nito si Art ay walang epekto. Lalo lang nitong hinahabol at sinusundan ng sinusundan si Art which is minsan ang creepy na.
Ang daming nangyari this past few months. Halos magkakalahating taon na si George na naghohost sa isang noontime show. Dumami din ang projects na hawak siya sa firm maging ang mga guestings at commercials ay nadagdagan din. Napapadalas na din ang pagpunta niya sa ibang lugar para sa photoshoot ng ilang magazines, where in madalas pinipilit kong sumama pero minsan conflict talaga sa schedules ko.
Magdadalawang buwan na din simula ng manganak si Margaux sa pangalawang anak nila ni Matthew kaya tuloy tinatanong na din kami ng daddy ni George at ni Dad pati ni Granny kung kailangan ba namin balak bigyan sila ng apo. Madalas ang sagot namin ay ineenjoy muna namin ang company ng isa't isa at wala pa sa isip namin ang magkaroon ng anak dahil sa dami ng ginagawa namin.
Kung ako lang, gusto ko na ding magkaanak kami ang kaso madami pang projects ang kailangan tapusin si George. Pinaplano niyang unti untiing huwag tumanggap ng projects lalo na mula sa showbusiness para mabawasan ang schedule niyang gawain.
"Malapit na ang 1st wedding anniversary niyo, ano ba an plano niyo?" tanong ni Granny habang naghahapunan kaming tatlo.
Napatingin agad sa akin si George. Hindi pa din kasi namin napapag-usapan ang tungkol sa bagay na yun pero may plano na ako para sa anniversary namin at hindi ko pa nasasabi sa kanya. Balak ko kasing maging surpresa iyon.
"Huwag niyong sabihing wala pa kayong plano?" maya-maya ay tanong pa ni Granny. "Isang linggo nalang anniversary niyo na, hindi niyo pa ba napapaghandaan?"
"Baka maghanda nalang ng kaunting salo-salo dito sa bahay, Granny." nakangiting sagot ni George.
"Kaunting salo-salo lang?" nagtatakang tanong ni Granny. "Ayaw niyo bang magtravel papuntang ibang bansa for honeymoon?"
Parang gusto kong matawa dahil alam ko naman na gusto lang ni Granny na makabuo kami ng anak ni George kaya niya pinipilit na matuloy ang honeymoon naming mag-asawa.
"Gabi-gabi na ho kaming naghohon--ouch." hindi ko na naituloy ang sasabihin ko dahil bigla akong hinampas ni George sa braso kaya tuloy lalo akong natawa habang siya ang sama ng tingin sa akin ang namumula ang pisngi sa hiya.
Totoo naman ah. Gabi-gabi naman talaga kami kung maghoneymoon.
"Kung gabi-gabi naman pala kayong naghohoneymoon o bakit wala pa din akong apo sa tuhod?" natatawa tanong ni Granny habang nakatingin sa aming dalawa ni George.
Napaawang nalang ang labi ni George sa tanong ni Granny kaya lalo akong natawa.
"Di bale ho Granny, mamaya uumpisahan na namin ang pagbuo. Kambal pa kung gusto niyo." biro ko kaya muli akong hinampas ni George sa braso na lalo kong kinatawa.
"Nakakaasar ka alam mo yun? Sa guestroom ka matutulog mamaya makita mo." masungit na sabi niya.
"Eto naman hindi mabiro." malambing na sabi ko sabay halik sa pisngi niya.
"Nakakatuwa kayong tignan dalawa." nakangiting sabi ni Granny habang nakatangin sa amin ni George. "Ganiyan na ganiyan ang mga magulang mo noong bagong kasal." sabi pa nito sa akin kaya napangiti nalang ako.
Pagkatapos naming kumain tumulong muna kami kay Manang at Granny na magligpit ng pinagkainan bago kami sabay na umakyat sa kwarto para magpahinga.
"Not now, honey." mahinahong sabi niya ng dahan dahan kong hinahalikan ang leeg niya habang nakaupo siya sa kama, patalikod sa akin at naglalagay ng lotion.
"Bakit?" tanong ko habang pinagpapatuloy ang paghalik sa batok niya at pagmasahe sa bewang niya.
"Meron ako, hon. First day." aniya.
Kaya pala medyo masungit siya ngayong araw dahil may dalaw siya.
Napaisip tuloy ako. Kung first day niya ngayon, next week pa siya fertile dahil 8 to 19 days ang fertililty calendar niya, sakto sa 1st wedding anniversary namin.
"Magleleave nga pala ako ng isang linggo next week." maya-maya ay sabi niya habang nakahiga kami sa kama. Unan unan niya ang kanang braso ko habang nakapulupot ang kaliwang kamay ko sa bewang niya.
"Talaga?" sabay tingin ko sa kanya habang nakatingala siya sa akin. "Ibigsabihin makakapaghoneymoon tayo ng isang linggo?" biro ko bigla niya naman akong hinampas ng mahina sa braso.
"Ikaw, puro honeymoon ang nasa utak mo. At saka anong isang linggong honeymoon? Baka mamaya hindi na ako makalakad pagbalik natin dito." natatawang sabi niya.
"Okay lang yun. Handa naman akong buhatin ka." sabay tawa ko.
"Loko ka!" sabay mahinang kurot niya sa tagiliran ko kaya napaiktad ako. "Nagiging manyakis ka na kamo." natatawang sabi niya pa.
"Sayo lang." sagot ko naman. "Pero hindi nga? Isang linggo kang nakaleave next week?"
"Oo. Nagpaalam na ako kay Direk at sa management na magbabakasyon ako ng isang linggo. Sinabi ko din kay Matthew at Theo na hindi muna ako pupunta sa site next week. Hindi din ako nagpaschedule ng photoshoot at commercials." nakangiting sabi niya. "Iyong iyo ako next week." sabay halik niya sa labi ko kaya napangiti ako.
"Aba handang handa ka na sa anniversary natin ah." natatawang sabi ko.
"Oo naman no. I want to spend one whole week kasama ang asawa ko." aniya. "Pwede na din tayong mag-umpisa sa paggawa ng baby." sabay hagikgik niya.
"Ready ka ng magkababy tayo?" gulat na tanong ko. Tumango naman siya agad. "Talaga?" hindi makapaniwalang tanong ko pa.
"Oo nga. Ayaw mo ba?" aniya kaya kinintalan ko agad siya ng halik sa labi.
"Syempre gusto. Kung wala ka nga lang dalaw ngayon baka ngayon palang nag-umpisa na tayo para makarami eh." nakangising sabi ko.
"Loko loko ka talaga." sabay pisil niya sa ilong ko kaya natawa ako.
"I love you, hon." seryosong sabi ko sabay halik sa noo niya.
"I love you too." bulong niya naman habang nakasubsob sa leeg ko.
Hindi ko na pala itatago ang iniinom niyang pills mula nextweek dahil ready na pala siyang magkababy kami. Balak ko pa namang itago ang mga iyon para makabuo kami agad.
Hindi ko mapigilan ang mapangiti habang iniimagine siyang nagpapalakad lakad sa bahay habang kitang kita ang baby bump niya.
I don't want to celebrate our 1st wedding anniversary abroad dahil masyado ng typical ang ganun kaya naisip kong dadalhin ko nalang siya sa mountain house namin sa Antipolo kung saan makakapagtrekking at camping kaming dalawa, para maiba naman. Tutal alam ko naman na mahilig siya sa adventure at alam ko na masmarerelax siya doon dahil tahimik ang lugar at malayo sa polusyon.
"Sama kami. Gusto ko din magtrekking at magcamping." ani Migs ng malaman nila ang plano ko para sa 1st wedding anniversary namin ni George.
"Tumigil ka nga Migs." suway naman sa kanya ni Duane. "Alone time nga nilang mag-asawa yun sasama ka pa."
"Oo nga naman Migs. Malay mo doon na makabuo sila Kaede ng Junior niya." nakangising dagdag naman ni Arlo.
"Yun oh!" sabay sabay na pang-aalaska nila Duane, Darius, Swisso, Keiji, Theo, Matthew, Migs at Ash ng matawa ako sa sinabi ni Arlo.
Talagang alam ng mga lokong to kung ano ang binabalak ko. Mga walangya.
"Galingan mo ah. Para naman magkaroon na ako ng pamangkin." natatawang sabi ni Darius sabay tapik pa sa balikat ko.