Lunch break, sinundo ako ni Jess sa room. Sabay sabay kaming tatlo nila Penny na pumunta ng cafeteria. Umorder ng pagkain at umupo sa paboritong upuan naming tatlo sa bandang gitna.
"Ewan ko ba sainyo ba't parang ang dali lang sainyo ng Math. Hirap na hirap nga ako doon tapos sainyo parang sisiw lang." Reklamo ni Penny saming dalawa ni Jess.
Natatawa naman kami sakanya dahil bawat salitang sinasabi nya, subo sya ng subo ng pagkain sa bibig nya.
"Hoy, stress eating ka na naman. Magdahan dahan ka nga." Sita ko pa sakanya.
"Magkalaban nga kami ni Karlota e. I'm sorry bespren, ngayon palang sinasabi ko na matatalo kita."
Hawak hawak pa ni Jess yung kamay ko na parang nagluluksa sa pagkatalo ko e wala pa naman. Binatukan ko sya sabay sagot ko naman sakanya.
"Baka nakakalimutan mo ako ang tutor mo nung highschool sa Math. Kung ako ang nagturo sayo kaya ka gumaling ng ganyan, ako rin tatalo sayo."
Natatawang sagot ko. Totoo naman tutor nya ko dati, hindi lang sa Math lahat ng subjects ako tutor nya noon.
"Sus, tumigil nga kayo. Puro kayo patagisan, kung magkalaban pala kayo sa Mathletes sinong ichicheer ko nyan sainyong dalawa?"
"Both." Sabay na sagot namin ni Jess.
Kwentuhan lang kami ng kwentuhan dahil matagal narin yung huling beses na sabay sabay kaming tatlo kumain ng mapatingin ako sa entrance ng cafeteria at ikinasama na naman ng loob ko yung nakita ko.
"Uy, Si Sir. Yuji at Ms. Lina oh" Sabi ni Penny.
"Sila ba? Parang lagi ko nalang silang nakikitang magkasama." Dagdag pa ni Jess.
"Siguro, bagay naman sila. Maganda si Ms. Lina, gwapo si Sir. Yuji at parehas pa silang instructor sa Math. Ang talino siguro ng magiging anak ng dalawang yan pag nagkataon." Sinamaan ko ng tingin si Penny sa sinabi nya.
"Ay...Sorry, may nasasaktan pala dito." Sabi na naman nya.
"Crush mo si Sir. Yuji?" Tanong sakin ni Jess.
"Konte." Maikling sagot ko.
"Anong konte ka dyan? E kulang na nga lang poster ni Sir. Yuji sa kwarto mo tapos nametag pa dyan sa uniform mo kung makapantasya ka kay Sir!" Sabat na naman ni Penny. Meet Penny, ang madaldal na MADALDAL na kaibigan ko sa lahat.
"Whoa, nako bespren tigil mo na yan wala kang pag-asa dyan. Tsaka diba bawal magkaroon ng relasyon ang Prof at ang estudyante nya? Rules kaya yun."
Nakikinig lang ako sa pinagsasabi ng dalawa pero yung mata ko na kila Sir at Ms. Lina.
Bakit ba palagi silang magkasama? Sino bang nag-aaya sakanila? Si Sir Yuji ba? SASAPAKIN KO NA SYA KONTI NALANG!
Si Ms. Lina ba? ALAM KO BAHAY NYA SUSUNUGIN KO YUN HABANG NANDUN SYA KONTING LANDI PA NYA!
Natigilan naman ako ng hawakan ni Jess yung baba ko, at hinarap sa mukha nya.
"Bespren, tama na kakatitig mo sakanila. Kulang nalang death ray dyan sa mata mo malamang kanina pa sila sunog." Napangisi naman ako sa sinabi nya.
Sige na nga, for now ititigil ko muna kakaYuji ng utak ko. Kasama ko mga kaibigan ko dapat masaya ako at hindi puro samahang YUJI at LINA yung iniisip ko.
Nakisali na ko sa pinaguusapan nilang dalawa na ilang minuto naman ay nauwi din sa tawanan at kulitan habang kumakain kami. Pinagtitripan namin si Penny habang kami naman ni Jess tawa ng tawa. Madalas pa kong akbayan ni Jess na nakasanayan ko na naman na. Since elementary ganyan na yan sakin kakomportable, to the point wala na kaming pakialam kung pagisipan man kami ng iba na ganito ganyan na baka daw may relasyon kami. Tinatawanan lang namin pag ganun.
After lunch break, bumalik na ko sa office ni Sir. Yuji. Ngayon normal lang ako maglakad, hindi ako tumatakbo, hindi ako nagmamadali. As I said before, titigil muna ko kakaYuji sa utak ko at magiging normal na estudyante muna ko. Nakakasakit kasi masyado sa puso pag nakikita ko syang kasama palagi si Ms. Lina. Kung ano ano iniisip ko, nagkakasala ako ng di oras.
Kumatok ako sa pinto nya at pinasok naman nya ko agad.
"Sit here, Ms. Briones." Turo nya sa upuan na nasa harap ng lamesa. Umupo naman ako dun at ngumiti sakanya.
"Had a great lunch?" Tanong nya. Bakit nakita ba nya ko sa cafeteria kanina?
"Yes, Sir. I had lunch with my friends." Nakangiting sagot ko sakanya.
"Ah, I see." Sagot niya.
May iniabot sya saking libro at may mga check ang mga sasagutan ko doon. Kinuha ko yung favorite panda ballpen ko at nagsagot na para matapos ako agad. May usapan kasi kami ni Jess na susunduin nya ko para ihatid sa bahay. Ganun kami dati palagi nya kong hinahatid, natigil lang nung naging busy kami sa mga schoolworks.
"Ms. Briones, how's your story?"
Tanong nya sakin, kinuha ko naman agad yung notebook sa bag ko at iniabot sakanya yun.
Marami na akong nasulat na panibagong chapters doon kaya marami na syang mababasa. Kinuha nya yun at nagbasa sya agad habang nagsosolve naman ako.
"So, namatayan si Boy at may nakilala syang babae sa sementeryo na namatayan din ng boyfriend?" Tanong nya.
"Yep." Sagot ko ng hindi ako tumitingin sakanya dahil seryoso ako sa kakasolve ko.
"Many days had passed, naging close sila at sabay na nilang bisitahin ang mga puntod ng mahal nila sa buhay?" Tanong ulit nya.
"Yep." Maikling sagot ko uli sakanya. Ganyan ba sya magbasa tanong ng tanong?
"They knew they have mutual feelings for each other but they chose to wait. Why, Ms. Briones? Kung may gusto naman na pala sila sa isa't isa bakit hindi pa maging sila?" Tanong na naman nya.
"Sir, it's not that simple for the story and even in reality. Kung namatayan kaba, mapapalitan mo agad ang taong yun sa buhay mo? Diba hindi? Because you respect that person. Kung mamadaliin nila na maging sila agad, parang lumabas lang na naging panakip butas sila sa isa't isa. Pareho silang malungkot at natagpuan nila yung isa't isa. They chose to wait hanggang sa talagang malimutan na nila yung pagmamahal na nasa mga taong nawala sakanila. You can't love again that easy the way you love someone who passed away Sir. The boy and the girl in my story, they both need time to heal before they start to love again."
Nagsasagot lang ako habang sinasabi ko ang mga yun. Hindi sumasagot si Sir kaya tumingala ako para tingnan sya at nakita kong nakatitig lang sya sakin.
"Uhh...Sir?"
Nakatitig sya sa mga mata ko, anong meron? Kumakabog na naman yung dibdib ko. Hahalikan ba nya ko ulit pero this time sa lips naman?
"E-hem um..That's um...that's beautiful Ms. Briones. I'm really amazed about your story and how you see things."
Nauutal sya sa mga sinasabi nya, naflattered naman ako sa mga sinabi nya pero tapos na ko magsagot kaya iniabot ko na sakanya yung mga sinagutan ko.
"Um, Sir pwede na po ba ako umuwi? 8pm narin po pala, gabi na po eh. Tsaka tapos ko na naman po sagutan lahat."
"S-sure Ms. Briones. Wait, ihahatid na kita." Tumayo pa sya at kinuha yung coat nya pero pinigilan ko sya.
"Ay wag na po Sir, may kasabay naman po ako actually nandyan na po sya sa labas." Pagkasabi ko nun biglang may kumatok sa pinto.
Lumapit ako dun at binuksan yung pinto dahil alam kong si Jess yun.
"Good evening po Sir." Bati ni Jess kay Sir. Yuji.
"Sige po Sir, una na po kami. Ingat po kayo." Nagbow ako sakanya at nagpaalam habang nakangiti.
"S-sige ingat kayo Ms. Briones."
Paglabas ko inakbayan agad ako ni Jess, at parehas kaming nagbabye kay Sir bago ko isara yung pinto. Huling sulyap ko kay Sir parang nag-iba expression ng mukha nya ng makita nyang inakbayan ako ni Jess.
Problema nun?
---