بسم الله الرحمن الرحيم
المفاجأة اللي وعدتكوا بيها عشان فرحتوني باليوم القمر دا
👇
اقتباس
خلف جدار الكبرياء يوجد خيبات عظيمة و آلام مريرة و أرواح تحرق قهرًا بينما القلوب معبأة
بـ استفهامات مؤلمة تطوف في فلكها علي غير هُدى !
هل تلك هي النهاية ؟ ام أن للقدر الذي جمعنا يومًا قد يُشفِق علي قلوبنا من جِراح لن تندمِل ولن يفلح في براءها شئ ؟
نورهان العشري ✍️
🍁🍁🍁🍁🍁🍁🍁🍁🍁
"اللي معاكِ دا كان حازم صح ؟
هكذا استفهم بغضب و ترقب فهبت من مخدعها بجزع وبلهفه اضرمت التوتر بكلماتها حين قالت نافية
" لا . مش حازم .."
لهفتها و نفيها السريع لم يكونا سوي مرآة أظهرت كذبها الذي أضاف نيران آخري غاضبة الي نيران ذنبه العظيم تجاهها
" مستغربتيش سؤالي يعني ! مش حازم دا مفروض ميت ولا ايه ؟"
تبلور الألم مُعانقًا الخوف بمقلتيها التي ذرفت مياهها بغزارة دون أن تملك بداخلها أي كلمات لتجيبه فاقترب خطوتين قبل أن يقول بجفاء
" كنتِ هتسبيني اموتك في أيدي عشان تحميه مش كدا ؟ "
تجاهلت منحني الرد التفتت مولية ظهرها لنظرات قاسية تخشي ما يكمُن خلفها فهدر بعنف
" كنت هتضحي بحياتك و تحرميني منك العمر كله عشان كلب زي دا؟"
" ايوا و عندي استعداد لحد دلوقتي أضحي بنفسي عشانه .."
هكذا صاحت بقوة وهي تلتفت تناظره بعينين تحويان التوسل الذي لم يلاقي صدي بداخله بل قست نظراته و شابهتها لهجته حين قال
" علي الرغم من أنه ضحي بيكوا و مفرقتوش معاه لا ومش كده وبس ! دا حط ايده في ايد عدوكم عشان يدمركم .."
تعلم أنها الحقيقة المرة ولكنها لم تملك سوي النفي لا تعلم إذا كان حماية لشقيقها العاق ام انقاذًا لما تبقي لها من ماء الوجه أمامه لذا صرخت بحدة
" محصلش .. محدش يعرف ايه اللي حصل معاه طول الفترة دي .."
اغضبه دفاعها عنه و تحدي نظراتها أمامه فبصق الكلمات بوجهها
" طب اعرفي بقي .. البيه اخوكي هرب و عمل ميت بعد ما اغتصب بنت قاصر و سابها بين الحيا و الموت. "
أصابتها كلماته كسهم نافذ اخترق قلبها و خاصةً حين تذكرت كلمات شقيقها بأنه لم يكن في وعيه و أنها شعر بالخوف عليهم لذا هرب !
كل خلية بها تشتهي الانهيار ولكنها لم تعتد علي ذلك فاستجمعت كل ما تملك من ثبات خلت منه لهجتها حين قالت
" كل دا كلام مش عليه دليل . وأنا مش ظالمه عشان احكم من غير ما اسمع منه…"
قاطعها بانفعال
" تسمعي ! أنتِ مجنونه ؟ فكراني هسيبك تعرفي الكلب دا تاني ؟ "
تعلم كم أن الحق بصفه ولكنها كانت يائسة بقلب محترق و عقل ممزق جعلها تقول بصراخ
" هتمنعني عن اهلي يعني؟"
ضرب الجنون عقله فصاح بانفعال
" ايوا همنعك … "
" ولو سمعت كلامك هتبعد عنه و مش هتأذيه؟"
هكذا تحدثت بقهر قابله الغضب و القسوة من قبالته حين قال
" انا مش بس هأذيه انا هفرمه تحت رجلي …"
دق قلبها بعنف حتي آلمتها دقاته و انفطر قلبها خوفًا من تلك القسوة التي تنبثق من عينيه و كلماته فاستخدمت آخر ما بيدها من حيل حين قالت بجمود
" لو فعلًا ناوي علي كدا يبقي مش هعيش معاك لحظة واحدة "
"الباب يفوت جمل ! "
باغتتها قسوته خاصةً أنه لم يفكر للحظة و كأنها لا تساوي شيئًا بالنسبة إليه فأصاب كبريائها في مقتل فتولد العنفوان و إستملك مكان العشق لتقول بجمود
" تمام يا ياسين بس اعمل حسابك لو خرجت من البيت دا مش هرجع تاني ابدًا لو عملت ايه "
اخترقت كلماتها صدره مُحدثه آلام عظيمة تغلب عليها عناد أهوج فقال بلهجة قاطعه
" مش هعمل يا حلا .."
**********
يتبع…
متنسوش تطلبوا الروايه الورقي بتاعتي قبل ما الطبعة التانية تخلص من علي رقم الاونلاين
01026326295
#تردي_في_العشق_قتيلاً
#نورهان_آل_عشري
#قيثارة_الكلمات
#طريق_العلا_للنشر_والتوزيع
#معرض_القاهرة_الدولي_للكتاب٢٠٢٤
#صالة1_جناحa37
#أنشودة_الأقدار
#سلسلة_الأقدار
دي صوري النهاردة في المعرض مع حبايب قلبي ♥️♥️ حبيت تفرحوا معايا ♥️♥️