Kumpleto na ang cast para sa aming palabas. Heto ang mga roles namin for today.
KASPER – Leading man (pero 'di niya alam)
ARA – Leading girl (pero 'di niya rin alam)
DEANE – Kontrabida (kunwari)
MINA & ROSE – Supporting role (in short, mga taga-sulsol)
AKO – Confidant (ng leading man)
LAHAT NG ESTUDYANTE – Audience
ACT. 1: Bago magsimula ang klase, nakipagkita sa amin si Deane. Nag-prisinta siyang tulungang bitbitin ang mga gamit namin. Gaya ng nasa plano, tumanggi ako, si Mina at si Rose kaya gamit lang ni Ara ang binitbit niya.
Pagdating namin sa classroom, tamang-tama na nasa pwesto na niya si Kasper. Una niya akong nakita pero agad siyang umiwas ng tingin. Pero napansin niya rin ang pagdikit ni Deane kay Ara at laking pagtataka nito.
DEANE: Grabe, ganito ba kabigat binubuhat mo araw-araw?
ARA: Oo. Pasensya ka na ah.
DEANE: Okay lang.
ARA: Salamat, Deane.
DEANE: Kita na lang tayo ulit mamayang recess. (Saka siya nagpaalam sa amin)
Pag-alis ni Deane, on cue naman sina Mina at Rose sa pasimple ang panunukso at sadyang nilakasan talaga nila para marinig ni Kasper.
MINA: Haba ng hair, Ara babes!
ARA: Huh? Pinagsasabi mo?
ROSE: Pahatid-hatid kunwari. Pabuhat-buhat ng gamit. Dyan nagsimula 'yan eh!
ARA: Hoy, magsitigil nga kayo! Mapagbigay-malisya!
Palihim namana akong napangiti nang mapansin ko ang epekto ng eksena kay Kasper. Yumuko siya at kunwari ay nagtulug-tulugan. Nagtinginan kami nina Mina at Rose dahil sa magandang simula ng aming palabas.
ACT. 2: First recess. Pina-intense pa namin ang karakter ni Deane sa palabas. Kunwari, mayroon siyang music na gustong ipakinig sa amin. As usual, tumanggi ako, si Mina at Rose na makinig kaya si Ara lang ang nakinig.
Nagtabi silang dalawa, gumamit ng iisang headset and boom! Nakita ulit ni Kasper ang eksena. Halata ang padabog niyang lakad palayo sa amin.
ACT. 3: Lunch break. Kapag hindi pa tumalab ang pagpormang gagawin ni Deane kay Ara, ewan ko na lang talaga!
DEANE: Anong gusto mong kainin? Sagot ko na!
ARA: Ha? Bakit?
DEANE: Kailangan bang may dahilan para ilibre ka? Kayo ba? (Tanong niya sa amin)
MINA & ROSE: We're good! (May obvious na mapang-asar na ngiti. Kunwari ay kinikilig)
AKO: (Nakigaya na rin sa ginagawa nila) May baon ako.
DEANE: Okay! Tara na, Ara! (Inabot ang kamay ni Ara at sadya pa talagang dumaan sa harap ni Kasper)
This time, hindi na talaga maipinta ang mukha ni Kasper nang makita niyang magkaholding-hands sina Deane at Ara. Hindi na nga ito kumain at nag-walkout na lang bigla.
MINA: Oh my gosh! Ang galing ni Deane umarte! Kung hindi ko pa alam 'to, iisipin kong pinopormahan na niya talaga si Ara!
ROSE: Pero the best 'yung reaction ni Kasper! Hahaha! Stacey, anong masasabi mo?
AKO: Um... susundan ko na ba si Kasper?
MINA: Ay oo nga pala! Go!
ROSE: Galingan mo ah! Good luck!
ACT. 4: Sinundan ko si Kasper. Sa likod ng school building siya nagpunta at nadatnan ko siyang nagwawala. May hawak siyang stick at pinagsasaksak ang lupa. Medyo nakakatakot ah!
AKO: Ka—Kasper...
KASPER: Stacey? Anong ginagawa mo rito? 'Di ba kasama mo sila?
Nang mapansin ni Kasper na nakatingin ako sa stick na hawak niya, agad niya itong itinapon.
KASPER: Hindi ka dapat nandito. Kapag nakita na naman nila tayong magkasama, aasarin na naman nila tayo.
AKO: Ano naman?
KASPER: Okay lang sa 'yo?
AKO: Hindi okay sa akin. Pero hindi rin naman ako apektado. Hindi naman kasi totoo.
KASPER: (Biglang napasalampak sa lupa) Sorry sa ginawa ko kahapon, Stacey. Akala ko lang kasi na kapag nalaman mo na may ganung issue, magagalit ka sa akin. Sorry talaga.
AKO: (Lumapit na ako sa kanya) Okay lang. (At huminga muna ng malalim para masabi ko ang susunod kong linya) May paraan naman para mapatunayan natin sa lahat na mali ang inaakala nila tungkol sa atin.
KASPER: Anong ibig mong sabihin?
AKO: Si Ara. Wala ka ba talagang balak magtapat sa kanya?
KASPER: (Biglang nabugnot ulit ang itsura at ginulo pa ang sariling buhok) 'Yun nga eh! Alam mo namang ang tagal ko nang gustong umamin, 'di ba? Hindi lang ako makahanap ng tyempo! Tapos ngayon si Deane pa... (Saka tumingin sa akin) Bakit nga ba pinapayagan mo si Deane na gawin 'yun sa Ara ko?
AKO: Bakit ako? Hindi ba dapat ikaw ang may dapat gawin para sa 'Ara mo'? At anong tyempo pa ba kailangan mo? Sige ka! Kapag pinatagal mo pa, baka maagaw na talaga siya mula sa 'yo.
Natahimik si Kasper. Nag-isip sandali. At nang muli niyang iangat ang ulo niya, nakita kong nag-aapoy na sa determinasyon ang kanyang mga mata. Naks!
Pero bigla na lang niyang hinawakan ang kamay ko at...
KASPER: Tara, Stacey!
ACT. 5: Teka! Hindi ko napaghandaan ang eksenang ito!
Hindi ko in-expect na magkahawak-kamay kaming maglalakad ni Kasper papuntang cafeteria! Nang makita nga kami nina Eliseo, kinantyawan kami agad ng mga ito pero hindi lang sila pinansin ni Kasper. Tuluy-tuloy lang siya sa paglalakad hanggang sa malapitan na ulit namin ang pwesto nina Deane, Ara, Mina at Rose.
Naabutan pa nga naming sweet pa rin si Deane kay Ara, pero nang makita niya kaming papalapit ni Kasper, nag-iba bigla ang reaksyon nila.
KASPER: Hoy pards? Anong sa tingin mo ginagawa mo?
DEANE: (Hindi nakasagot. Napatingin siya sa kamay namin ni Kasper na magkahawak pa rin)
KASPER: Ngayon, alam mo na kung anong pakiramdam?
Nawala na sa karakter niya si Deane at iniwan na si Ara. Paglapit niya sa amin, pinaghiwalay niya kami ni Kasper.
Hindi na rin kasama ito sa na-imagine naming eksena nina Mina at Rose. Tinignan ko nga sila para manghingi ng advice pero sa titig pa lang nila sa akin, parang sinasabi nilang 'go with the flow'na lang muna ako. Bukod doon, nasa amin na rin kasi ang atensyon ng lahat ng tao ngayon.
Seryosong nagtitigan sina Deane at Kasper sa isa't isa. Parang anytime, mauuwi na sa sapakan ito pero...
KASPER: Walang namamagitan sa amin ni Stacey dahil magkaibigan lang kami! Hinipan ko lang ang mata niya doon sa picture na nakita niyong naka-post online! (Ipinagsigawan niya sa lahat ng tao sa paligid) At isang babae lang ang gusto ko...
Noong time na 'yun, dumagundong na ang puso ko. Mamatay-matay na rin sa kilig sina Mina at Rose at lahat na ay nagtilian nang lumapit na si Kasper sa babaeng tinutukoy niya. Aaminin ko. Sa unang pagkakataon, pati ako ay kinilig na rin.
KASPER: Ara...
Inabot ni Kasper ang kamay ni Ara at halatang nagulat at nag-kulay pula naman ang mukha nito. At grabe! Pati ako ay pigil-hininga na rin sa mangyayaring pagtatapat pero laking pagkadismaya ng lahat nang mapagpasyahan nilang mag-usap ng pribado. Ayaw lang mag-share ng moment!
ACT. 6: Nakapagtapat na rin sa wakas si Kasper kay Ara at mabilis na kumalat ang balita na magliligawan na ang dalawa.
'Yung tungkol sa issue sa amin at 'yung picture, tuluyan na ring na-klaro at maibabaon na sa limot.
Nalaman din nina Kasper at Ara na pinlano namin ito para sa kanila. Syempre, binulyawan nila kami pareho pero ang mahalaga, naayos ang lahat at happy ending ang palabas!
But wait... TO BE CONTINUED...