Chapter 81
သိပ်မကြာမှီမှာပင် အဖွဲ့သားများက အလွန်ထိတ်လန့်သွားပြီး သူတို့မြင်ခဲ့ရသည်တို့ကြောင့် အလွန်အမင်း ဒေါသထွက်သွားကြရသည်။
"ချီး ဒါကဘယ်လို လူမဆန်မှုကြီးလဲ"
ချုတ်က ရှန်ပိန်အနည်းငယ်ကိုသောက်ကာ စိတ်လျှော့လိုက်သည်။
"သူတို့က မော့တိက ဆက်တိုက်ထိခိုက်အောင် လုပ်ရုံမကဘူး၊ ဒီလို အဆိပ်ပြင်းတဲ့ထောင်ချောက်တောင် လုပ်ထားသေးတယ်လား"
" ငါ ကျိန်းသေပေါက်ကူညီမယ်"
စကားပြောနေချိန်တလျှောက်လုံး တိတ်ဆိတ်နေသည့် လီချန်းက ပြောသည်။
"မု၊ မင်းဘာလိုလဲဆိုတာသာ ငါတို့ကိုပြောလိုက်၊ ငါတို့တတ်နိုင်သမျှ လုပ်ပေးမယ်"
"အမှန်ပဲ ငါတို့ အဲဒီ့သက်သေရှာတွေ့တဲ့အထိ တူးထုတ်ပစ်မယ်"
မုန့်ထယ်က နောက်ဆုံးတွင် ဆိုလာခဲ့သည်။
"အမှန်ပဲ ငါလည်းပါမယ်၊ ငါ တရားရုံးကိုတောင် ကိုယ်ရေးကိုယ်တာအရ တက်ပေးဦးမယ်...!" ဂျော့ခ်ျကပါ သဘောတူလာသည်။
"ငါ့လည်းထည့်လိုက်၊ အဲ့ကလေးက ငါ့သားနဲ့ ရွယ်တူလောက်ပဲရှိတာ ငါသူ့ကို အတော်လေး သဘောကျတယ်"
"ငါတို့ကို အချိန်သုံးရက်ပဲပေး၊ ငါတို့အတူ အလုပ်လုပ်ပြီး အဲ့နေ့စဥ်မှတ်တမ်းကို ဘယ်သူရေးလဲဆိုတာ ရှာပြီး သူကအစွန်းရောက်ဖန်တွေ ပြစ်မှုကျူးလွန်အောင် အကွက်ချနေကြောင်း သက်သေပြပစ်မယ်"
ချုတ်က စားပွဲကို ရိုက်ပစ်ကာဖြင့်
"အား၊ ငါအတော်လေး ဒေါသထွက်တယ်၊ ငါ့လပ်တော့ဘယ်မှာလဲ၊ ငါအခုပဲ လုပ်တော့မယ်"
"အလျင်မလိုနဲ့၊ မင်းတို့ အရင်စားကြ"
မုထျန်းဟန်က သူ့ရှန်ပိန်ခွက်ကို ကောက်ယူကာ တစိငုံသောက်လိုက်သည်။
"တကယ်လို့ ငါမမှားရင်၊ ဆာလဖျူရစ်အက်စစ်ကို သုံးချင်နေတဲ့ ပရိတ်သတ်တစ်အုပ်ရှိတယ်မလား၊ သူတို့အဖွဲ့ဝင်အတော်များများက အသက်မပြည့်သေးဘူး၊ ဒါက အသက်မပြည့်သေးတဲ့လူတွေကို ပြစ်မှုကျူးလွန်အောင် အားပေးအားမြှောက်လုပ်မှုပဲ၊ သက်သေပြည့်ပြည့်စုံစုံနဲ့ဆို ငါတို့သူ့ကို ထောင်ထဲ တန်းပို့လို့ရတယ်"
ထိုအခိုက်တွင် မော့တိက သူကိုယ်တိုင် အစားအသောက်များအား သွားယူနေလေသည်။
မော့တိက သူ့ပန်းကန်ထဲသို့ စတိ့ခ်တစ်ခု ထည့်လိုက်သည်။ သူက တစ်ကိုက်ကိုက်လိုက်ပြီးနောက် မုထျန်းဟန်၏ စတိ့ခ်နှင့် လုံးဝမယှဥ်နိုင်သည်ကို သတိပြုမိသွားသည်။ မုထျန်းဟန်၏ စတ့ခ်က ယခုထက် အဆတစ်ထောင် ပိုကောင်းသည်ဟု ထင်မိသည်။
"ဟေး၊ မင်းက ဒီကဝန်ထမ်းလား၊ ငါဘာလို့ အရင်ကမင်းကို မမြင်ဖူးပါလိမ့်"
မော့တိ ဖျော်ရည်အချို့ယူဖို့ ပြုစဥ် သူ့နောက်မှနေ၍ တစ်စုံတစ်ယောက်က စကားပြောလာသည်။ သူ့ကိုပြောနေသကဲ့သို့ ခံစားရသဖြင့် သူက လှည့်ကြည့်လိုက်သည်။
1.85မီတာမျှ ရှည်လျားသည့် တာဝါကောင်လေးက(အရပ်ရှည်လို့ခေါ်တာပါ) သူ့အား တောက်ပစွာ ပြုံးရင်း စကားဆိုသည်။
"မင်းက ရိုဒယ်လား"
မော့တိက ချက်ချင်းပင် အက်မန်၏သားနာမည်က ရိုဒယ်ဖြစ်ကြောင်း တွေးမိသွား၏။
ဘယ်လိုတောင် ကြီးထွားနေတာလဲ။ ဒီတစ်ယောက်က လုံးဝကို ဆယ့်လေးနှစ်အရွယ်နဲ့ တူမနေဘူးလေ။
"အိုး မင်းငါ့ကို သိတယ်လား"
ရိုဒယ်မှာ စိတ်လှုပ်ရှားသွားပြီး ချက်ချင်းပင် မော်တိအနားသို့ ချဥ်းကပ်လာသည်။
"မင်းပုံစံက ဝန်ထမ်းနဲ့မတူဘူး၊ မင်းနဲ့ငါက ရွယ်တူပဲလို့ထင်တယ်၊ တစ်ယောက်ယောက်ရဲ့သားလား၊ စကားပြောဖို့ ရွယ်တူချင်းတွေ့ရတာ ကောင်းလိုက်တာကွာ၊ လာပါ wechatချင်းလဲရအောင်"
မော့တိ ရိုဒယ်လ်၏ဝမ်းသာပီတိဖြစ်နေသည့်မျက်နှာကို ကြည့်ကာ စက္ကန့်အနည်းငယ်ကြာအောင် ငြိမ်သက်သွားပြီးနောက် ခေါင်းငြိမ့်လိုက်သည်။
" အဲ့ဒါဆိုရင် မင်းဘယ်သူနဲ့လာခဲ့တာလဲ…"
မော့တိနှင့်စကားပြောနေရင်းမှ ရိုဒယ်လ် Wechatကိုဖွင့်နေခဲ့သည်။
" ငါ့ရဲ့… ကိုကို မုထျန်းဟန်နဲ့.."
" မင်းသူ့ကို အစ်ကိုတစ်ယောက်လို့ သတ်မှတ်ထားတာလား… ဒါကမဟုတ်သေးဘူးနော်.. သူ့ကိုဦးလေးလို့ခေါ်သင့်တာ… သူနဲ့ငါ့အဖေက မျိုးဆက်အတူတူပဲ ပြီးတော့ သူကနှစ်ဆယ့်ရှစ်နှစ်တောင်ဖြစ်နေပြီ… မင်း သူ့ကို ကိုကိုလို့ မခေါ်သင့်တော့ဘူး…"
မော့တိ : "...."
" မင်းဘယ်လမွေးတာလဲ…"
မော့တိ : " အောက်တိုဘာလမှာမွေးတာ.. ဒါပေမယ့် ငါတို့ကအသက်မတူဘူး… ငါကအခုဆယ့်ခုနစ်နှစ်ပြည့်ပြီးတော့ ဆယ့်ရှစ်နှစ်ထဲဝင်နေပြီ…"
ရိုဒယ်လ် : " ??!! "
" ဟားဟားး နောက်မနေနဲ့ မင်းကဘယ်လိုလုပ်ပြီး ဆယ့်ခုနစ်နှစ်ဖြစ်နိုင်မှာလဲ…"
ရိုဒယ်လ် ရယ်မောလိုက်ကာ မော့တိ၏စကားကို မယုံကြည်ခဲ့ပေ။
မော့တိ တည်ငြိမ်စွာ ပြန်ပြောလာခဲ့သည်။
" ငါတို့ဟွာရှားလူမျိုးတွေက အမေရိကန်တွေထက်စာရင် တည်ဆောက်ပုံပိုပြီးသေးကွေးတယ်လေ မင်းသတိမပြုမိဘူးလား…"
ရိုဒယ်လ် : "...."
ရိုဒယ်လ် : " မဖြစ်နိုင်တာ မင်းက 180တောင်မရှိဘူးလေ.."
မော့တိ ရိုဒယ်လ်၏အရပ်ကို မော့ကြည့်ကာ အနည်းငယ်စိတ်ပျက်သွားပြီး
" ငါက 170ရှိတာ နောက်နှစ်လောက်ဆိုရင်တော့ 180ဖြစ်လာလိမ့်မယ်…ပြီးတော့ လူတစ်ယောက်ရဲ့အရပ်ကိုကြည့်ပြီး အသက်ကိုခန့်မှန်းတဲ့လော့ဂျစ်ကြီးက ဘယ်ကနေထွက်လာရတာလဲ…"
သူ၏ယခင်ဘဝတွင် မော့တိ၏အရပ်မှာ 180အထိ ရှိခဲ့လေသည်။ ယခုဘဝတွင်မူ သူ၏နေထိုင်မှုပုံစံမှာ ပို၍ပင်ကောင်းမွန်ခဲ့ပြီး အာဟာရပြည့်ဝစွာစားသောက်ခဲ့ရသဖြင့် ထိုနံပါတ်ကိုပင် ကျော်လွန်နိုင်နေသေးသည်။ ထို့အပြင် သူက မော်ဒယ်တစ်ယောက် လုပ်မည်မဟုတ်ပေရာ အရပ်မြင့်မားခြင်းမှာ သူ့အတွက် အရေးမပါလှချေ။
မော့တိ ထိုကလေးနှင့်ဆက်လက်ငြင်းခုံနေရသည်မှာ အနည်းငယ်မရင့်ကျက်ဟု ခံစားရသောကြောင့် ကျင်းသာ့ကျောင်းသားကဒ်ကိုဆွဲထုတ်ကာ ရိုဒယ်လ်ကို ပြလိုက်လေသည်။
" မြင်လား…"
ရိုဒယ်လ် ကဒ်ကိုကြည့်ကာ အဆုံး၌ ခေါင်းသာငြိမ့်ပြလိုက်ရသည် ။
" ကောင်းပြီ အခုတော့ ငါယုံသွားပါပြီ…"
မော့တိ ရိုဒယ်လ်နှင့်ဆက်လက်စကားမပြောချင်တော့ပေ။ သူက တစ်ခုခုစားရန် ထွက်လာခဲ့သော်လည်း ရိုဒယ်လ်မှာ သူ၏နောက်သို့ လိုက်လာကာ စကားတတွတ်တွတ်ပြောနေလေသည်။
" အိုက်ယား အဲ့ဒါမကောင်းဘူး မစားနဲ့…ဒီပုစွန်ကိုယူ အရသာရှိတယ်…"
ရိုဒယ်လ်က ပုစွန်ကိုယူကာ မော့တိ၏ပန်းကန်ပေါ်သို့ တင်ပေးလိုက်သည်။
" ဒါကတကယ်ကောင်းတာ မယုံရင် စားကြည့်…"
မော့တိ : "..."
အခြားသူများနှင့် ဆွေးနွေးပြီးနောက် မုထျန်းဟန်ပြန်ထွက်လာချိန်တွင် ရိုဒယ်လ်မှာ သူ့ကောင်ငယ်လေးကို အလွန်အမင်းလိုက်ကပ်နေသည်ကို မြင်လိုက်ရသည်။
မုထျန်းဟန် မသိစိတ်မှ မျက်ခုံးကြုတ်မိသွားပြီး
" ရိုဒယ်လ် ဘာတွေလုပ်နေတာလဲ…"
" အိုးး ဦးလေးမု…"
ရိုဒယ်လ်မှာ မုထျန်းဟန်ကို မြင်လိုက်သည်နှင့် ချက်ချင်းလိုပင် ပြေးထွက်လာကာ
" ဦးလေးမု မတွေ့တာတောင်ကြာပြီ ကျွန်တော့ကို မှတ်မိသေးရဲ့လား…"
" ဒါပေါ့…"
မုထျန်းဟန် သူ့ထက်စင်တီမီတာအနည်းငယ်သာပုသော ကောင်လေးကြောင့် အနည်းငယ်ထိတ်လန့်သွားရကာ
" မင်းကတော့ တွေ့တဲ့အခေါက်တိုင်းအရပ်ပိုရှည်လာတာကြီးပဲ…ဒီတိုင်းဆို ၂မီတာတောင်ကျော်တော့မှာ..မင်းဘတ်စကတ်ဘောအသင်းကို ပါဖို့ စဉ်းစားနေပြီလား…"
" ကျွန်တော်က ဘတ်စကတ်ဘောကိုသဘောမကျဘူး.. ဂိမ်းတွေပဲကြိုက်ပြီး ပရိုဂရမ်မာဖြစ်ချင်တာရယ်…"
ရိုဒယ်လ် အပြုံးကြီးကြီးဖြင့် ပြန်ဖြေလိုက်သည် ။
" ဦးလေးမု ကျွန်တော် မော့တိနဲ့ဂိမ်းတွေအကြောင်းပြောနေတာ … သူကလည်း ဂိမ်းတွေအကြောင်းသိနေပြီးတော့ ကျွန်တော့်ထက်တောင် ဗဟုသုတပိုစုံသေးတယ်…သူကတကယ်မိုက်တာနော်…ကျွန်တော် သူ့ကိုအိမ်ကိုဖိတ်ပြီး ရက်အနည်းငယ်လောက်နေစေချင်တာ အဆင်ပြေမလားဟင်…"
ရိုဒယ်လ်၏အခန်းမှာ မုထျန်းဟန် အက်ဒမန်အတွက်စီစဉ်ပေးသော နေရာတွင်ရှိသည်။ အခြားသူများကဲ့သို့ပင် ၎င်းမှာ မသေးငယ်လှပေ။ လူတိုင်း အနည်းဆုံး အိပ်ခန်းနှစ်ခန်းနှင့် ဧည့်ခန်းနှစ်ခန်းရရှိကြသည်။
မည်သည့်စကားမျှ မပြောရသေးသော မော့တိသည်လည်း အံ့ဩသွားခဲ့သည်။
"...."
သူက ရိုဒယ်လ်၏ဖိတ်ကြားမှုကို သူမုထျန်းဟန်နှင့် အတူနေနေကြောင်းပြော၍ သူတို့အလုပ်ရှုပ်နိုင်မည်ဖြစ်ကြောင်းစကားဖြင့် ငြင်းပယ်ပြီးဖြစ်သော်လည်း ရိုဒယ်လ်မှ မုထျန်းဟန်ဆီ တိုက်ရိုက်ခွင့်တောင်းမည်ဟု သူမထင်ထားမိပေ။
ဤသည်မှာ မုထျန်းဟန်က သူ၏တာဝန်ရှိသူတစ်ဦးဖြစ်နေသကဲ့သို့ပင်။
မုထျန်းဟန် ပြုံးလျက်သာ ပြောလာသည်။
" ဒါကအဆင်မပြေမှာကိုတော့ ငါစိုးရိမ်မိသား… မော့တိနဲ့ငါက စီးပွားရေးအတွက်တက်ရောက်စရာအချို့ရှိတယ်လေ..တကယ်လို့ မင်း မော့တိနဲ့လျှောက်လည်ချင်တယ်ဆိုတော့ ငါတို့နေရာကို တစ်ခါတလေလာလို့ရပါတယ်…"
မော့တိ မုထျန်းဟန်ကိုကြည့်ကာ မည်သို့ဖြင့် သူတို့၏ငြင်းပယ်မှုမှာ ဤမျှတူညီနေသည်နည်းဟု စဉ်းစားနေမိသည်။ သူတို့စိတ်ခြင်းပင်ဆက်နေသည်လား။
" ကောင်စုတ်လေးကတော့.. ဒီကိုလာစမ်း…"
အက်ဒမန်ချက်ချင်းဆိုသလို ရောက်ချလာကာ သူ့ထက်ပင် အရပ်ရှည်နေပြီဖြစ်သော ရိုဒယ်လ်ကို ကော်လာမှပင် ဆွဲခေါ်သွားပြီး သူ၏ဘေးတွင်ထားလိုက်ကာ
" မင်းဟွာရှားမှာ ကောင်းကောင်းနေရင် ကောင်းမယ်နော်… ပြဿနာလျှောက်ရှာမနေနဲ့…"
သူက သူ့သားအကြောင်းကို ကောင်းကောင်းနားလည်လေသည်။ ထိုကလေးမှာ အလွန်ရုပ်ရည်ချောမောလွန်း၍သာ သူ့သားဖြစ်သူမှ ရင်းနှီးရန် လမ်းစရှာနေခြင်းဖြစ်သည်။ အက်ဒမန် အံ့ဩနေမိသည်။ သူရော သူ့ဇနီးပါ ရုပ်ရည်ချောမောသူများကို ငမ်းတတ်သော်လည်း သူတို့၏သားမှာ ထိုအရာကို အမွေဆက်ခံရုံသာမက ထိုသူတွင် မျက်နှာလှလှလေးရှိနေသရွေ့ ယောင်္ကျားလေးဖြစ်စေ မိန်းကလေးဖြစ်စေ ဂရုမစိုက်တော့ပေ။
Xxxxxxx
Chapter 81
သိပ္မၾကာမွီမွာပင္ အဖြဲ႕သားမ်ားက အလြန္ထိတ္လန့္သြားၿပီး သူတို႔ျမင္ခဲ့ရသည္တို႔ေၾကာင့္ အလြန္အမင္း ေဒါသထြက္သြားၾကရသည္။
"ခ်ီး ဒါကဘယ္လို လူမဆန္မႈႀကီးလဲ"
ခ်ဳတ္က ရွန္ပိန္အနည္းငယ္ကိုေသာက္ကာ စိတ္ေလွ်ာ့လိုက္သည္။
"သူတို႔က ေမာ့တိက ဆက္တိုက္ထိခိုက္ေအာင္ လုပ္႐ုံမကဘူး၊ ဒီလို အဆိပ္ျပင္းတဲ့ေထာင္ေခ်ာက္ေတာင္ လုပ္ထားေသးတယ္လား"
" ငါ က်ိန္းေသေပါက္ကူညီမယ္"
စကားေျပာေနခ်ိန္တေလွ်ာက္လုံး တိတ္ဆိတ္ေနသည့္ လီခ်န္းက ေျပာသည္။
"မု၊ မင္းဘာလိုလဲဆိုတာသာ ငါတို႔ကိုေျပာလိုက္၊ ငါတို႔တတ္နိုင္သမွ် လုပ္ေပးမယ္"
"အမွန္ပဲ ငါတို႔ အဲဒီ့သက္ေသရွာေတြ႕တဲ့အထိ တူးထုတ္ပစ္မယ္"
မုန့္ထယ္က ေနာက္ဆုံးတြင္ ဆိုလာခဲ့သည္။
"အမွန္ပဲ ငါလည္းပါမယ္၊ ငါ တရား႐ုံးကိုေတာင္ ကိုယ္ေရးကိုယ္တာအရ တက္ေပးဦးမယ္...!" ေဂ်ာ့ခ္်ကပါ သေဘာတူလာသည္။
"ငါ့လည္းထည့္လိုက္၊ အဲ့ကေလးက ငါ့သားနဲ႕ ႐ြယ္တူေလာက္ပဲရွိတာ ငါသူ႕ကို အေတာ္ေလး သေဘာက်တယ္"
"ငါတို႔ကို အခ်ိန္သုံးရက္ပဲေပး၊ ငါတို႔အတူ အလုပ္လုပ္ၿပီး အဲ့ေန႕စဥ္မွတ္တမ္းကို ဘယ္သူေရးလဲဆိုတာ ရွာၿပီး သူကအစြန္းေရာက္ဖန္ေတြ ျပစ္မႈက်ဴးလြန္ေအာင္ အကြက္ခ်ေနေၾကာင္း သက္ေသျပပစ္မယ္"
ခ်ဳတ္က စားပြဲကို ရိုက္ပစ္ကာျဖင့္
"အား၊ ငါအေတာ္ေလး ေဒါသထြက္တယ္၊ ငါ့လပ္ေတာ့ဘယ္မွာလဲ၊ ငါအခုပဲ လုပ္ေတာ့မယ္"
"အလ်င္မလိုနဲ႕၊ မင္းတို႔ အရင္စားၾက"
မုထ်န္းဟန္က သူ႕ရွန္ပိန္ခြက္ကို ေကာက္ယူကာ တစိငုံေသာက္လိုက္သည္။
"တကယ္လို႔ ငါမမွားရင္၊ ဆာလဖ်ဴရစ္အက္စစ္ကို သုံးခ်င္ေနတဲ့ ပရိတ္သတ္တစ္အုပ္ရွိတယ္မလား၊ သူတို႔အဖြဲ႕ဝင္အေတာ္မ်ားမ်ားက အသက္မျပည့္ေသးဘူး၊ ဒါက အသက္မျပည့္ေသးတဲ့လူေတြကို ျပစ္မႈက်ဴးလြန္ေအာင္ အားေပးအားျမႇောက္လုပ္မႈပဲ၊ သက္ေသျပည့္ျပည့္စုံစုံနဲ႕ဆို ငါတို႔သူ႕ကို ေထာင္ထဲ တန္းပို႔လို႔ရတယ္"
ထိုအခိုက္တြင္ ေမာ့တိက သူကိုယ္တိုင္ အစားအေသာက္မ်ားအား သြားယူေနေလသည္။
ေမာ့တိက သူ႕ပန္းကန္ထဲသို႔ စတိ့ခ္တစ္ခု ထည့္လိုက္သည္။ သူက တစ္ကိုက္ကိုက္လိုက္ၿပီးေနာက္ မုထ်န္းဟန္၏ စတိ့ခ္ႏွင့္ လုံးဝမယွဥ္နိုင္သည္ကို သတိျပဳမိသြားသည္။ မုထ်န္းဟန္၏ စတ့ခ္က ယခုထက္ အဆတစ္ေထာင္ ပိုေကာင္းသည္ဟု ထင္မိသည္။
"ေဟး၊ မင္းက ဒီကဝန္ထမ္းလား၊ ငါဘာလို႔ အရင္ကမင္းကို မျမင္ဖူးပါလိမ့္"
ေမာ့တိ ေဖ်ာ္ရည္အခ်ိဳ႕ယူဖို႔ ျပဳစဥ္ သူ႕ေနာက္မွေန၍ တစ္စုံတစ္ေယာက္က စကားေျပာလာသည္။ သူ႕ကိုေျပာေနသကဲ့သို႔ ခံစားရသျဖင့္ သူက လွည့္ၾကည့္လိုက္သည္။
1.85မီတာမွ် ရွည္လ်ားသည့္ တာဝါေကာင္ေလးက(အရပ္ရွည္လို႔ေခၚတာပါ) သူ႕အား ေတာက္ပစြာ ၿပဳံးရင္း စကားဆိုသည္။
"မင္းက ရိုဒယ္လား"
ေမာ့တိက ခ်က္ခ်င္းပင္ အက္မန္၏သားနာမည္က ရိုဒယ္ျဖစ္ေၾကာင္း ေတြးမိသြား၏။
ဘယ္လိုေတာင္ ႀကီးထြားေနတာလဲ။ ဒီတစ္ေယာက္က လုံးဝကို ဆယ့္ေလးႏွစ္အ႐ြယ္နဲ႕ တူမေနဘူးေလ။
"အိုး မင္းငါ့ကို သိတယ္လား"
ရိုဒယ္မွာ စိတ္လႈပ္ရွားသြားၿပီး ခ်က္ခ်င္းပင္ ေမာ္တိအနားသို႔ ခ်ဥ္းကပ္လာသည္။
"မင္းပုံစံက ဝန္ထမ္းနဲ႕မတူဘူး၊ မင္းနဲ႕ငါက ႐ြယ္တူပဲလို႔ထင္တယ္၊ တစ္ေယာက္ေယာက္ရဲ႕သားလား၊ စကားေျပာဖို႔ ႐ြယ္တူခ်င္းေတြ႕ရတာ ေကာင္းလိုက္တာကြာ၊ လာပါ wechatခ်င္းလဲရေအာင္"
ေမာ့တိ ရိုဒယ္လ္၏ဝမ္းသာပီတိျဖစ္ေနသည့္မ်က္ႏွာကို ၾကည့္ကာ စကၠန႔္အနည္းငယ္ၾကာေအာင္ ၿငိမ္သက္သြားၿပီးေနာက္ ေခါင္းၿငိမ့္လိုက္သည္။
" အဲ့ဒါဆိုရင္ မင္းဘယ္သူနဲ႕လာခဲ့တာလဲ"
ေမာ့တိႏွင့္စကားေျပာေနရင္းမွ ရိုဒယ္လ္ Wechatကိုဖြင့္ေနခဲ့သည္။
" ငါ့ရဲ႕ ကိုကို မုထ်န္းဟန္နဲ႕.."
" မင္းသူ႕ကို အစ္ကိုတစ္ေယာက္လို႔ သတ္မွတ္ထားတာလား ဒါကမဟုတ္ေသးဘူးေနာ္.. သူ႕ကိုဦးေလးလို႔ေခၚသင့္တာ သူနဲ႕ငါ့အေဖက မ်ိဳးဆက္အတူတူပဲ ၿပီးေတာ့ သူကႏွစ္ဆယ့္ရွစ္ႏွစ္ေတာင္ျဖစ္ေနၿပီ မင္း သူ႕ကို ကိုကိုလို႔ မေခၚသင့္ေတာ့ဘူး"
ေမာ့တိ : "...."
" မင္းဘယ္လေမြးတာလဲ"
ေမာ့တိ : " ေအာက္တိုဘာလမွာေမြးတာ.. ဒါေပမယ့္ ငါတို႔ကအသက္မတူဘူး ငါကအခုဆယ့္ခုနစ္ႏွစ္ျပည့္ၿပီးေတာ့ ဆယ့္ရွစ္ႏွစ္ထဲဝင္ေနၿပီ"
ရိုဒယ္လ္ : " ??!! "
" ဟားဟားး ေနာက္မေနနဲ႕ မင္းကဘယ္လိုလုပ္ၿပီး ဆယ့္ခုနစ္ႏွစ္ျဖစ္နိုင္မွာလဲ"
ရိုဒယ္လ္ ရယ္ေမာလိုက္ကာ ေမာ့တိ၏စကားကို မယုံၾကည္ခဲ့ေပ။
ေမာ့တိ တည္ၿငိမ္စြာ ျပန္ေျပာလာခဲ့သည္။
" ငါတို႔ဟြာရွားလူမ်ိဳးေတြက အေမရိကန္ေတြထက္စာရင္ တည္ေဆာက္ပုံပိုၿပီးေသးေကြးတယ္ေလ မင္းသတိမျပဳမိဘူးလား"
ရိုဒယ္လ္ : "...."
ရိုဒယ္လ္ : " မျဖစ္နိုင္တာ မင္းက 180ေတာင္မရွိဘူးေလ.."
ေမာ့တိ ရိုဒယ္လ္၏အရပ္ကို ေမာ့ၾကည့္ကာ အနည္းငယ္စိတ္ပ်က္သြားၿပီး
" ငါက 170ရွိတာ ေနာက္ႏွစ္ေလာက္ဆိုရင္ေတာ့ 180ျဖစ္လာလိမ့္မယ္ၿပီးေတာ့ လူတစ္ေယာက္ရဲ႕အရပ္ကိုၾကည့္ၿပီး အသက္ကိုခန႔္မွန္းတဲ့ေလာ့ဂ်စ္ႀကီးက ဘယ္ကေနထြက္လာရတာလဲ"
သူ၏ယခင္ဘဝတြင္ ေမာ့တိ၏အရပ္မွာ 180အထိ ရွိခဲ့ေလသည္။ ယခုဘဝတြင္မူ သူ၏ေနထိုင္မႈပုံစံမွာ ပို၍ပင္ေကာင္းမြန္ခဲ့ၿပီး အာဟာရျပည့္ဝစြာစားေသာက္ခဲ့ရသျဖင့္ ထိုနံပါတ္ကိုပင္ ေက်ာ္လြန္နိုင္ေနေသးသည္။ ထို႔အျပင္ သူက ေမာ္ဒယ္တစ္ေယာက္ လုပ္မည္မဟုတ္ေပရာ အရပ္ျမင့္မားျခင္းမွာ သူ႕အတြက္ အေရးမပါလွေခ်။
ေမာ့တိ ထိုကေလးႏွင့္ဆက္လက္ျငင္းခုံေနရသည္မွာ အနည္းငယ္မရင့္က်က္ဟု ခံစားရေသာေၾကာင့္ က်င္းသာ့ေက်ာင္းသားကဒ္ကိုဆြဲထုတ္ကာ ရိုဒယ္လ္ကို ျပလိုက္ေလသည္။
" ျမင္လား"
ရိုဒယ္လ္ ကဒ္ကိုၾကည့္ကာ အဆုံး၌ ေခါင္းသာၿငိမ့္ျပလိုက္ရသည္ ။
" ေကာင္းၿပီ အခုေတာ့ ငါယုံသြားပါၿပီ"
ေမာ့တိ ရိုဒယ္လ္ႏွင့္ဆက္လက္စကားမေျပာခ်င္ေတာ့ေပ။ သူက တစ္ခုခုစားရန္ ထြက္လာခဲ့ေသာ္လည္း ရိုဒယ္လ္မွာ သူ၏ေနာက္သို႔ လိုက္လာကာ စကားတတြတ္တြတ္ေျပာေနေလသည္။
" အိုက္ယား အဲ့ဒါမေကာင္းဘူး မစားနဲ႕ဒီပုစြန္ကိုယူ အရသာရွိတယ္"
ရိုဒယ္လ္က ပုစြန္ကိုယူကာ ေမာ့တိ၏ပန္းကန္ေပၚသို႔ တင္ေပးလိုက္သည္။
" ဒါကတကယ္ေကာင္းတာ မယုံရင္ စားၾကည့္"
ေမာ့တိ : "..."
အျခားသူမ်ားႏွင့္ ေဆြးႏြေးၿပီးေနာက္ မုထ်န္းဟန္ျပန္ထြက္လာခ်ိန္တြင္ ရိုဒယ္လ္မွာ သူ႕ေကာင္ငယ္ေလးကို အလြန္အမင္းလိုက္ကပ္ေနသည္ကို ျမင္လိုက္ရသည္။
မုထ်န္းဟန္ မသိစိတ္မွ မ်က္ခုံးၾကဳတ္မိသြားၿပီး
" ရိုဒယ္လ္ ဘာေတြလုပ္ေနတာလဲ"
" အိုးး ဦးေလးမု"
ရိုဒယ္လ္မွာ မုထ်န္းဟန္ကို ျမင္လိုက္သည္ႏွင့္ ခ်က္ခ်င္းလိုပင္ ေျပးထြက္လာကာ
" ဦးေလးမု မေတြ႕တာေတာင္ၾကာၿပီ ကြၽန္ေတာ့ကို မွတ္မိေသးရဲ႕လား"
" ဒါေပါ့"
မုထ်န္းဟန္ သူ႕ထက္စင္တီမီတာအနည္းငယ္သာပုေသာ ေကာင္ေလးေၾကာင့္ အနည္းငယ္ထိတ္လန႔္သြားရကာ
" မင္းကေတာ့ ေတြ႕တဲ့အေခါက္တိုင္းအရပ္ပိုရွည္လာတာႀကီးပဲဒီတိုင္းဆို ၂မီတာေတာင္ေက်ာ္ေတာ့မွာ..မင္းဘတ္စကတ္ေဘာအသင္းကို ပါဖို႔ စဥ္းစားေနၿပီလား"
" ကြၽန္ေတာ္က ဘတ္စကတ္ေဘာကိုသေဘာမက်ဘဴး.. ဂိမ္းေတြပဲႀကိဳက္ၿပီး ပရိုဂရမ္မာျဖစ္ခ်င္တာရယ္"
ရိုဒယ္လ္ အၿပဳံးႀကီးႀကီးျဖင့္ ျပန္ေျဖလိုက္သည္ ။
" ဦးေလးမု ကြၽန္ေတာ္ ေမာ့တိနဲ႕ဂိမ္းေတြအေၾကာင္းေျပာေနတာ သူကလည္း ဂိမ္းေတြအေၾကာင္းသိေနၿပီးေတာ့ ကြၽန္ေတာ့္ထက္ေတာင္ ဗဟုသုတပိုစုံေသးတယ္သူကတကယ္မိုက္တာေနာ္ကြၽန္ေတာ္ သူ႕ကိုအိမ္ကိုဖိတ္ၿပီး ရက္အနည္းငယ္ေလာက္ေနေစခ်င္တာ အဆင္ေျပမလားဟင္"
ရိုဒယ္လ္၏အခန္းမွာ မုထ်န္းဟန္ အက္ဒမန္အတြက္စီစဥ္ေပးေသာ ေနရာတြင္ရွိသည္။ အျခားသူမ်ားကဲ့သို႔ပင္ ၎မွာ မေသးငယ္လွေပ။ လူတိုင္း အနည္းဆုံး အိပ္ခန္းႏွစ္ခန္းႏွင့္ ဧည့္ခန္းႏွစ္ခန္းရရွိၾကသည္။
မည္သည့္စကားမွ် မေျပာရေသးေသာ ေမာ့တိသည္လည္း အံ့ဩသြားခဲ့သည္။
"...."
သူက ရိုဒယ္လ္၏ဖိတ္ၾကားမႈကို သူမုထ်န္းဟန္ႏွင့္ အတူေနေနေၾကာင္းေျပာ၍ သူတို႔အလုပ္ရႈပ္နိုင္မည္ျဖစ္ေၾကာင္းစကားျဖင့္ ျငင္းပယ္ၿပီးျဖစ္ေသာ္လည္း ရိုဒယ္လ္မွ မုထ်န္းဟန္ဆီ တိုက္ရိုက္ခြင့္ေတာင္းမည္ဟု သူမထင္ထားမိေပ။
ဤသည္မွာ မုထ်န္းဟန္က သူ၏တာဝန္ရွိသူတစ္ဦးျဖစ္ေနသကဲ့သို႔ပင္။
မုထ်န္းဟန္ ၿပဳံးလ်က္သာ ေျပာလာသည္။
" ဒါကအဆင္မေျပမွာကိုေတာ့ ငါစိုးရိမ္မိသား ေမာ့တိနဲ႕ငါက စီးပြားေရးအတြက္တက္ေရာက္စရာအခ်ိဳ႕ရွိတယ္ေလ..တကယ္လို႔ မင္း ေမာ့တိနဲ႕ေလွ်ာက္လည္ခ်င္တယ္ဆိုေတာ့ ငါတို႔ေနရာကို တစ္ခါတေလလာလို႔ရပါတယ္"
ေမာ့တိ မုထ်န္းဟန္ကိုၾကည့္ကာ မည္သို႔ျဖင့္ သူတို႔၏ျငင္းပယ္မႈမွာ ဤမွ်တူညီေနသည္နည္းဟု စဥ္းစားေနမိသည္။ သူတို႔စိတ္ျခင္းပင္ဆက္ေနသည္လား။
" ေကာင္စုတ္ေလးကေတာ့.. ဒီကိုလာစမ္း"
အက္ဒမန္ခ်က္ခ်င္းဆိုသလို ေရာက္ခ်လာကာ သူ႕ထက္ပင္ အရပ္ရွည္ေနၿပီျဖစ္ေသာ ရိုဒယ္လ္ကို ေကာ္လာမွပင္ ဆြဲေခၚသြားၿပီး သူ၏ေဘးတြင္ထားလိုက္ကာ
" မင္းဟြာရွားမွာ ေကာင္းေကာင္းေနရင္ ေကာင္းမယ္ေနာ္ ျပႆနာေလွ်ာက္ရွာမေနနဲ႕"
သူက သူ႕သားအေၾကာင္းကို ေကာင္းေကာင္းနားလည္ေလသည္။ ထိုကေလးမွာ အလြန္႐ုပ္ရည္ေခ်ာေမာလြန္း၍သာ သူ႕သားျဖစ္သူမွ ရင္းႏွီးရန္ လမ္းစရွာေနျခင္းျဖစ္သည္။ အက္ဒမန္ အံ့ဩေနမိသည္။ သူေရာ သူ႕ဇနီးပါ ႐ုပ္ရည္ေခ်ာေမာသူမ်ားကို ငမ္းတတ္ေသာ္လည္း သူတို႔၏သားမွာ ထိုအရာကို အေမြဆက္ခံ႐ုံသာမက ထိုသူတြင္ မ်က္ႏွာလွလွေလးရွိေနသေ႐ြ႕ ေယာကၤ်ားေလးျဖစ္ေစ မိန္းကေလးျဖစ္ေစ ဂ႐ုမစိုက္ေတာ့ေပ။
Xxxxxxx