بعد شهر عدا على ابطالي بتحديد عند ورد الي كانت مسافره بتفكيرها وهذا حالها من فتره رجعت شعرها على ورا بقسوه وجلست تتامل الشارع بشرود حست بخطوات بندر وراها مسحت دموعها بسرعه الي صارت ملازمتها اغلب الوقت ، حاوط خصرها وهو يقول بمزح رغم جرحه وحزنه من نفورها عنه : حلوتي وش تفكر فيه؟
تجمدت بين يدينه من قسوة الواقع وقسوة التعليقات الي تجيها وصارت حاجز بينها وبين الشخص الي ماحبت غيره ووقف جمبها لما طلع بالتقرير انها ماتجيب عيال ، احترم رغبتها في تسكير الموضوع نهائيا لكن نفورها منه يقطعه يطعنه ، لفه له عشان تقابله كانت عيونها حمرا من البكي وهالاتها واضحه من الارهاق وقلة النوم قلت بصوت كله حزن: انا تعبانه يابندر
انقبض قلبه هو عارف تعبها نفسي مو جسدي حاوط وجه محبوبته بين كفينه : قوليلي وش يريحك ونا اسويه لاتحسبين شوفتي لك كذا تسعدني اذا تعبتي كاني انا التعبان
شهقت وماقدرت تكتم دموعها سندت راسها على صدره ،ضمها بكل قوته وهو يغمض عيونه بالم صارلهم خمس سنوات معترفين لبعضهم وكانت من احسن السنوات الي مرت عليهم ، هي الوحيده الي حبها بكل مافيها ولا همه لا عيال ولا غيره بس يبيها بقربه مايقدر يعيش بدونها !
هو عارف كلهم يحبون زوجته وماحد فتح معها طاري العيال عشان مايجرحونها لكن هذا مامنع عمه اليوم بالشركه الي هو مسعود ابو ورد ! من انه يفتح معه الموضوع تاخر حمل والي يضحك هو الي طلب منه يتزوج ولاكانه يتكلم مع زوج بنته!
__
قبل ساعات بالشركه
مسعود بدون مقدمات: مو عاجبني وضعك يابندر الكلام مو هين علي زي ماهو هين عليك لكنك انت وورد واحد عندي حرام تضيع شبابك تزوج الثانيه وشوف حياتك
تمالك بندر اعصابه من قسوة الكلام الي ابدا ماتوقعه قال وهو شاد على اسنانه بحاولة انه يهدي نفسه : اعذريني ياعمي عيشتي مع زوجتي ماهي مضيعة وقت، وشكرا لك على رايك لكني ما احتاجه
تنهد مسعود وكمل:ياولدي ورد مابتقدر تجيب لك عيال
وقف بندر وعيونه تلمع من الكلام الي كانه رصاصه تخترق صدره قال بصوت مجروح من يوم ماعرف بالخبر ماوقف جرحه وكل يوم ينزف اكثر واكثر: سكر على الموضوع ياعم ولاتزيد اوجاعي ولو يخيروني بين ورد ومية طفل من صلبي بختار ورد
وصل بندر لباب المكتب وقبل لا يطلع قاله مسعود: حنا لقينالك بنت و....
ماكمل كلامه الا وبندر طالع وصافع الباب بقوه حس بانه مخنوق المكان ماعاد يوسعه يبي يطلع ماهو قادر!
____
رجع للواقع بعد ما ابعدت عنه بنفور حاول يقربها له لكنها رفضت قال بصوته الحزين : لاتصيرين انتي والظروف ضدي ياحبيبة قلبي
كمل وهو يناظر بعيونها الي تقطر حزن : انا احبك ياغاليتي وين وعدك لي؟؟ وين حبك وين راح كلامك ولا كان كله مجرد حروف نطقيتها مالها اي قيمه عندك
صرخت بصوت باكي: لا لااا حبي لك كبير وانت داري
تكلم وهو يناظرها بخيبه : ماظنتي ولا كان ماستسلمتي من اول مشكله
انهارت ورد ومسكها قبل توصل الارض شالها بين يدينه وحطها على السرير ، لفت راسها بعيد عنه : ياليتها لو مشكله هاذي مصيبه بالنسبه لي
قال والعصبيه عنده قامت توصل للفل عالي : ولي بعد لاتنسين انا وانتي واحد
ورد: كنا
بعد عنها وقام يدور بالغرفه قرب لها والدموع في عينه : ورد وش صارلك ماكنتي كذا ليه تبعديني عن حياتك (تغير صوته )ليه انا مقدر اعيش بدونك لاتحرميني منك انا اموت
رق قلبها عليه وقامت سندت راسها على راس السرير بعد ماعدل بندر المخدات لها : بيزوجونك صح؟
انصدمم حتى ماعرف وش يقول هي كيف درت حد قالها ؟
بكت وبكي هو معها لان ضنونها تاكدت
بندر: انا ماني لعبه يابنت عمي ، انا لك وانتي لي
ورد : كل شي عشان يجيك عيال يهون
قال بضيق: يعني تقولين لي اتزوج عليك ؟
ناظرته وهي ماتقدر تشوفه من دموعها لو تزوج عليها هي تموتت تنتهي ماتقدر تتحمل يصير مع غيرها لكن كل شي عشانه يهون : ايه
ناظرها بصدمه :انهبلتي ؟؟
قالت بعد مامسحت دموعها تحاول تبين انها قويه : عادي بتحمل ابعد عنك
صرخ بكل صوته : انهبلتي لو داعيه علي بالموت ارحمم علي من كلامك
ناظرها بحده : لو انا ماجيب عيال تركتيني؟
مماقدرت تجاوب ، كمل :شفتي ، قفلي على الموضوع نهائيا
فصخ ملابسه بكل عصبيه ودخل يتروش ، بعد ماطلع نادته بصوت خفيف: بندر
جلس على السرير وهو ينشف شعره : عيون بندر
ورد : لو اطلبك توافق
ابتسم الابتسامه الي تضيعها فيه دايم : تم قبل اعرفه
ورد: ابيك توافق على العمليه الي قالتها الدكتوره
فز وهو يصرخ : طبعا لاا
قالت ودموعها تنزل: ليه
بندر: انتي صاحيه 50 بالميه يمكن تموتين ونتيجتها مش مضمونه
ورد: عادي بجرب
قام بندر يلبس ملابسه يحس نفسه مخنوق مو قادر: لا نفترق احسن
انقلب وجهها ماتوقعته يقولها وهو انتبه لها : نفترق واموت كل يوم وانتي بعيده عني بس ادري انك حيه
اخذ شماغه وطلع من الغرفه ومن البيت كله
انسدحت وكملت بكي
\\\\\\\\\\\\\\\\
نزلت بشره وهي بكامل زينتها وماسكه عباتها بيدها وقاعده تكلم السواق
وجد: هب هب هب كل ذا الكشخه على وين ان شاء الله
عطتها خزه وكملت الا قاطعتها امها : وين على الله يمك
بشره وهي تبتسم لامها: منيره عازمتنا على عيد ميلادها
وجد: كم مرا قلتلك ذي البنت مو مرتاحه لها
بشره: شي مايخصك لاتدخلين عصك !
قلبت وجد عيونها وكملت ترضع بنوتتها
\\\\\\\
وهو يسوق دق جواله الي قطع عليه افكاره :هلا هلا بسالم ، الحين عندي مهمه ،طيب بكرا ، شوف الي يناسبك ورد علي، يعطيك العافيه
قفل منه وكمل طريقه
قاطعه اتصال بندر: ياهو خير انت الثاني شتبي، لا قول لمازن ،اي كلمني سالم، متاكد منه، احس مو ضامنه لكن مافي غيره،ايه عطه الاوراق، عندي نسخه منها ،اي اكيد ، لا بروح لحالي، يلا بس ، هشش
قفل منه وهو يتحلطم مع نفسه
\\\\\\
صحت بسرعه وهي تشهق وتصيح ماتسمع غير انفاسها العاليه كان ظلاامم ماحست الا بشي يحظنها وهو يمسح على شعرها ويسمي عليها ماكانت تسمع وشيقول او ماكانت مستوعبه للحين وش يصير حولها ستوعبت انه ضرار حضنته اقوى وهي تصيح
ضرار: شش ساره حبيبي تسمعيني؟
ساره مكمله تصيح بدون رد
سكت لين حس انها هدت :سارونه
همهمت بدون رد
ضرار: بحجز بكرا عياده
لفت عليه : تقصد اني مريضه؟
رجع يحاوطها لكنها رفضت: لا ياروحي مو قصدي
ساره: اجل؟
ضرار بكل هدوء عشان يقنعها: كوابيسك تجيك كل يوم وكلها تفزين منها بشكل مو طبيعي! تخافين كثييرر وتجيك تقلبات كثيره !ماقصد انك مجنونه بس متاكد في اشياء اثرت عليك من ناحية اهلك وتعاملهم ، اي حد بمكانك مابيبقى صاحي بس انتي قويه انا داري وعشان كذا لازم نتطمن يروحي
تجمعت الدموع بعيونها بعد ماتذكرت امها وفعايلها فيها ابدا ماكان طبيعي الي مرت فيه وهي صغيره او بعمرها كله هزت راسها بمعنى موافقه ورجعت بحضنه عشان تنام باس جبهتها وكمل يمسح على شعرها
\\\\\\\\\\\
نزلت بشره الي استنكرت الوضع بس كملت تدخل وقابلت منيره قدامها
منيره وهي تحضنها: اهلينن بيشو ماتوقعتك تجين
بشره وهي تبتسم : ياحبيبتي شلون ما اجي
سحبتها منيره ودخلتها غرفه : انتظري بيشو افصخي عباتك على مانادي البنات يشوفونك وتطلعين معنا
طلعت وسكرت الباب عليها وقعدت بشره تتعدل لين مايجون البنات على كلام منيره
دخل وكان يدورها بعيونه لوحتله منيره الي عرفته على طول توجه لها وهو يبتسم : ها قد الوعد
ابتسمت له بخبث: فرش جديده
عدل شكله : يلا ماقدر انتظر
ضحكت ضحكتها العاهره ومشت معه لين الغرفه اخذ المفتاح ودخل
بشره الي كانت تتعدل لفت تحسب البنات جو لكن نصدمت من الولد الي دش عليها الغرفه !
باسل الي ماكان اقل صدمه منها لين شاف بنت عمته بذا المكان قفل الباب وقرب منها وهو يسحبها له وهي ترجف وتصيح صار فوقها وهو يكلمها: وش تسوين هنا؟؟
بشره الي دموعها نزلت بخوف هي ماتعرف مين هاذا : وخر الله يخليك
باسل الي عصب:وشش عندكك بذا المكاننن ؟؟؟
بشره الي ترجف: عيد ميلاد صاحبتي
باسل الي انتبه لمنيره تشوفهم من النافذه ثبت يدين بشره وشفشفها لين حس انها راحت بعد عنها: معليش بس كانت الي تقولين عنها صاحبتك تناظر وش اسوي فيك من النافذه
كانت على الصامت بس خايفه تنهد وهو يقولها: ماني مسوي لك شي طلع شارته يوريها من هو
تنهدت بخوف وكمل: انا بمهمه عشان امسكهم وبطلعك بس اسمعي كلامي فاهمه؟
هزت راسها ب ايه قام وهو يكلم فرقته عشان يستعدون : انتبهو اي احد يطلع امسكوه وحاصرو كل زاويه بالمكان فاهمين ؟؟
قفل من عندهم وهو يناظر بشره الي قالت وهي للحين الدموع بعيونها: مابي اهلي يدرون
باسل: مستحيل اطلع اسمك اصلا بس قلتلك خلك معي اسمعي الحين بطلع وانتي كملي تصيحين على اساس اني قربتلك وبتدخل اكيد صاحبتك بطلع اقولها اني خلصت وبجيك وقت الي هي عندك وبتمشين معي على اساس اني مهددك تفهمين؟
هزت راسها بايه طلع وهو شاق ابتسامه وربت على كتف منيره: ياشيخه جبتيلي فرش وصغيره وااه كل مرا بجيك
حاوطته : تبي وحده خبره الحين
باس رقبتها : تو تو بشوف الي داخل قبل
منيره بمياعه:تبي اشوفها لك
باسل: مايحتاج اكيد خلصت بشوفها انا
وراح لها الغرفه شافها طالعه من الحمام قالت بصوت يرجف وحاقد : ماجات منيره
باسل : احسنلك الحين اخذي اغراضك وتعالي معي
بشره: يعني البس؟
باسل بحده : اكيد كلهم عيال تبين يشوفونك؟؟
لبست بشه الي للحين مافهمت ليه يساعدها وكانه يعرفها
حاوطها وهي تمشي وللحين عيونها حمره من البكي
شافتهم منيره الي ابتسمت : ها بتروحون
ماتكلمت بشره الي عيونها للارض ودمعت من استوعبت الي قالت عنها صاحبتها كانت بتدخل عليها واحد ولو انه مو باسل الله اعلم وش كان صار لها الحين
باسل وهو يقربها له ويغمز لها: تعرفين باخذ راحتي اكثر
مشى بعيد عنهم بيطلع من الاستراحه كلها وقال للفريق حقه يداهمون المكان ويبقون ناس محاصرين كل المخارج طلع وهو رافع شارته عشان يعرفونه ووراه بشره مانتبهو لها ركب سيارته وهي معه وحرك
كان قريب من بيتهم ستغربت كيف يدل الطريق : انت مين؟
باسل :اتوقع لو سالتي احد عني منتي صاحيه عشانك بتفضحين نفسك وماحد بيجاوبك فا انا ولد خالك
بشره : لاتوقف عند البيت اخاف يشوفونك
باسل: مين بيشوفني ابوك اكيد نايم
بشره: يمكن عبدالله موجود
باسل تنهد وهو يوقف بعيد شوي نزلت بشره بعد ماتشكرت منه
\\\\\\\\\\\
دخل بندر بيت اهله وهو مرا ضايق ماشاف سيارة ابوه والباين انه طالع شيك على خوانه النايمين دق على غرفة طيف يتمنى انها صاحيه محتاج بالحيل يتكلم مع احد
فتحت الباب وهي تتحلطم تحسب خلود وتميم مانامو الا تشوف بندر: اوه بندر احسب خوانك مانامو
ابتسم : واضح مشيبين راسك
طيف وهي تفتح له الباب عشان يدخل : يووهه كثيير
بندر : لا خل نروح غرفتي
طيف: وه مسوي تستحي اقول بس ادخل
بندر: لا خلينا نفرش لنا زي قبل فوق مع شاهي
ابتسمت له: تم بسوي شاهي وانت زبط المكان فوق
صعد ياخذ مخدات وبطانيه من المخزن الي بسطح وطفى كل اللمبات مابقى غير نول القمر والنجوم صعدت طيف بشاهي وجلست جمبه بعد ما ارسلت رساله لعثمان انها بسطح مع بندر
طيف: واه بندور شتقت لذي الجلسه معاك
اخذ الشاهي منها: مو اكثر مني
وهي ترتشف من الكوب حقها: قولي وش مضايقك
ابتسم لها بضيق من قبل كانو يفضفضون لبعض وهو داري محد يعرفه كثرهاكانها اخته مو خالته :يبوني اتزوج على ورد
ناظرها: مو كانك مصدومه
طيف: كنت متوقعه
بندر: تعرفين مين؟
طيف بتفكير تذكرت لين بنت عمتهم الي تموت على بندر قبل مايتزوج وحتى بعد ماتزوج ودرت بمرض ورد قطت عليها سموم وورد كانت ماتعطيها وجه وساكته ، شكله تاثير ذيك الخبيثه كثير على ورد الي تعرف كيف تخبي ضعفها
تغير لون وجه طيف خلاه يتاكد:مين؟
مسك يدها بقوه وبصيغة امر: من والله مايسلم
حطت يده على يدها وضغطت عليه برقه :بدور وبنتها لين
صرخ : هاذي للحينها عايشه باحلامها!!ماراح تفكني من شرها لاهي ولا امها
حست من نبرته ان ازعاج لين للحين ماخلص حتى بعد زواجه
قالت بجديه: يعني للحين تزعجك؟
ناظرها بحده لكن طيف ماخافت وظلت عيونها بعيونه لكن نظراته تطلبها ماتسال
\\\\\\\\
صحى من النوم وهو يناظرها مسح على شعرها وعلى وجهها : ساره يلا قومي
قطبت حواجبها ولفت الجهه الثانيه وغطت وجهها تكمل نوم سحبها من خصرها شهقت ماتوقعت حركته حاوط خصرها بتملك وقرب وجهها من رقبتها وانفاسه الحاره تضرب فيها وتحس بحراره وقشعريره بجسمها : ضرار وقف
قام يبوسها على رقبتها وقلبها على ظهرها وصار فوقها وهي تغمض عيونها شفشفها بهدوء بعدها تعمق بشفتها اكثر حاولت تبعده عنها وخر عنها لين حسها نكتمت وحط راسه على جبهتها :لو ماكان عندك موعد ماكان تركتك ابدا
قامت من عنده بعد ماخذت الروب حقها عشان تتروش وهو لحقها
\\\\\\\\\
عند طيف صحت وشافت عثمان جمبها اخذت جوالها تشوف الساعه وانتبهت لرسايل ورد الي تتطمن على بندر
صحى عثمان وشدها من خصرها له :اطلبك بوسات تسعدني
ضحكة طيف وهو باقي شاده له: وحضن يعيشني
ضحكة وهي تقرب من وجهه وتبوس شفايفه مره ومرتين وثلاث وبعدها حضنته بقوه ، نزل وجهه لرقبتها وغطاه شعرها وباسها : حبيبيتي انتي
ظلت بحضنه لحظات لين سمعت صوت بطن عثمان اللي غمض عينه وقالت طيف بضحكه: امش ندلل بطنك
ابعد عن حضنها ونزل معها للمطبخ
\\\\\\\\
كانت منسدحه على السرير وهي تحس بغثيان سحبها لحضنه وهو يقول بخبث: يعني لو طلعتي حامل ، بيصير عندنا طفل يربطنا ببعض اكثر، ورح تصيرلك كرشه وبطن كبير وجسمك بيتغير!
وخرت عنه بسرعه : محمدوه ياويلك تقرب مني مابي اطفال
ابتسم على شكلها وهو يقول: طفل يملي حياتنا سعاده ماتبينه؟ يكفي انه مني!
ناظرته بمكر: اجل مين اللي بتحمله ببطنها 9 شهور؟
قال بمكر وخبث:ب انتاجي انا حبيبتي!
حمر وجهها وتغيرت معالمها
ابتسم على حياها ونزل يجيب لهم فطور
\\\\\\\\\\
صحى بندر وتاكد من الايميل انه وصل لدكتور الماني نزل تحت وهو يشم ريحة الفطور ويشوف ابوه وطيف قاعدين
: ياسلام من زمان عن اكل طيف
طيف: عافيه حبيبي
عثمان: هو حبيبك ونا لي ساعه جمبك ماقلتيلي كلمه حلوه
ضحكو عليه وهي تمد له الملعقه ر: اكل يروحي انت عافيه
ابتسم بندر على لطافتهم وجلس ياكل هو الثاني
طيف: ايه انت تاكل وورد من امس تحاتيك
ناظرها وهو بفمه اكل: ورد؟
طيف: ايه راسله لي تطمن انك اكلت ونمت
عثمان:ياولدي لاتخرب علاقتك مع زوجتك حتى لو طلبو منك تتزوج عط ذيك حقها بس لاتخرب بينكم
بندر: يبا الله يطولي بعمرك مابي اتزوج ليه انا ليه
عثمان: ياولدي دام جدك الي تكلم محد يقدر يرفض
تنهد بندر بضيق وقام من الاكل: الحمدلله
طيف : الله يصلحك ومالقيت تفتح موضوع يضايقه الا وهو ياكل يعني؟؟
عطوني تقيمكم وتوقعاتكم للبارت الجاي ، اعذروني اذا فيه اغلاط