بقلمي
زينب
......
تصويت
تعليق
...
تفاجأة من كلام عربيد بنفس الوقت عربيد اول مره يحجي بهل طريقه ويبين مشاعره جنت اشوفه انسان صلب مايهزه شي
سكت وانا سكتت ماكدر ارد على كلامه عربيد غير
_اذا هيج تشوفني ليش تاذيني
_ماعاش الايذيج
_وتهدد بيه
_ماعاش اليهددج
_اهوو عربيد
حضن ايدي على صدره ويحجي بهدوء تام يادوب اسمعه
_بس خليج يمي ماريد شي
_كوم عربيد
_اشش
خفت اكله كوم ويرجع يخزرني بس شكم دوب اعيش متردده وياه حاجيته بنفس طريقتي الاولى
_كوم هسه يجي ابوي
_خلي يجي شمسوي قابل نايم وياج كدامه لو
حطيت ايدي على حلكه ماريده يكمل فضيحه حجيه لو حجه
_عربيد شهل حجي
_ترا انتي مرتي مو غريبه
كالها ورفع ايدي يشم بيها بكلبي ششم ريحه زفره دم
همزين جنت حاطه مرطب الايدي عاد تقل الريحه
_وخر عربيد
كلتها وكمت من عنده صار راسه ع القنفه
_ترحين
_وين
_الصاحبتج
_كول والله
_وداعتج
_لا ماروح حيدر يكول تعاي باجر احسن لان هسه بعدهي ماصاحيه
حجتيها وانتبهت على نفسي شحجيت
_ماتوبين من حيدر
_ماعندي شي وياه مجرد طمني عليها
_يصير خير
_من هاي هزت راسك مايجي خير
صفن علي ب الثواني عقد حواجبه وهو يكول
_خولة جري عدل احسن الج
_اكعد اريد احجي وياك
كعدت وهو كعد عافس وجهه
_باع عربيد اجل العرس انا جاي امتحن مالحك اجهز شي خليها لعطلة نصف السنه ع الاقل
_الموضوع منتهي
_عربيد انا كم مره طالبه منك هيه بس هاي المره
_من البدايه كتلج الموضوع منتهي ليش تجادلين
دمعت عيوني مختنكه حيل مو انوب هو مصر يبقى العرس على موعده وانا لحد هسه مامتقبله السواه بيه
_عربيد لخاطري اذا عندي يمك خاطر
....
كل هاي الفتره منقطعه عن كلشي كل همي صار دراستي برغم كلشي مابطلت تفكير بافنان واخواني ماعرف وين همه وشنو صار بيهم ليش افنان هيج مختفيه عني ليش ماتحاجيني
دكت الباب مروة وهيه تفوت بيدها شاحنه
_اصيل مو هاي الشاحنه الردتيها الايبادج شوفيها ترهمله
شحنت الايباد وانا اشوفه
_اي عاشت ايدج صارت مشكورة مروة
بعد ماصاحتلها اختها طلعت
اجيت البيت عمي فرات الي عنده سبع بنات وولد زغير ربنه خواته السبعه بعد ماتوفت امه ورا ولادته بايام
اربعه من البنات متزوجات وتلاثه بعدهن بعمري واصغر مني
بيهن
دك تلفوني عبدالله ابتسمت وانا اجاوبه يوميه بهيج وقت يخابر بعد مايرجع من دوامه
_هلا يابعد عيني الشافتك تكوه
ويابعد العمن لعيونك الحلوة وهلاب العافيه الماضني املها
هلا ب المايدري بارضي وين هلا يابعد عيون اهلي وهاي الضحكه
_شنو هل استقبال الحلو
_مشتاقلج والعباس بس اهم شي مرتاحه خو عمج والله خبيث طلع مايخليني اجي الحد مانخطب لو ادري هيج ماخليج ترحين يمه
_لا الحمدالله بخير باع للامانه جاي ادرس هنا اكثر هناك نلتهيه وياك انته وخويله البذات حته ماتسأل هسه رزايلك فادت وجاي ادرس بعدين مو عيب تكول على عمي خبيث
_بوية سجاجه جا مادري بيج هسه تجيبين ميه وواحد
_خمسه وخميسه بعين العدو وراك حيه
_سوالف امي شوكت تبطلينهن ولج بابا قابل انا احسدج
_هسه المن مخابر حضرتك عمو مايقبل احجي ويه ناس غرب
_والعباس هسه اجي اخنكج احد يكلي ليش بسيطه جاي
_لا لا اجذب عليك باع والله اجذب عليك ولك عبد
_انتي ليش ماتحترمين نفسج شنو اجذب عليك وولك شنو العب وياج انا
حسيت نبرة صوته صارت جديه نكلب ميه وثمانين درجه رغم يدري جنت اشاقه وياه واضحك وياه
_شبيك عبد من يمته هيج مو تدري اشاقه وياك
سد التلفون بوجهي كلب ضحكتي لغصه شبيه هيج سوا
بعد ماطلبت من عبدالله ياجل الخطوبه لبين ماخلص امتحانات التمهيدي جنت عبالي مراح اتأقلم ويه بيت عمي وعبالي مو خوش ناس بس تبين العكس
استوقفني صوت سيف وهو يصرخ طلعت اركض على صوت
دخلنه انا وملاك للحمام الجان جاي الصوت منه لكيت سيف لازم راسه الي يصب دم من ورا اباوه للكاع كلها دم وهو ياشر على حافه السيراميك شكله مرعب بدمه
ملاك نخبصت بي وتبجي وياه حطيت راسه جوا الماي بس اريد اعرف وين جرحه جان راسه بي فتح ويصب بشكل مو طبيعي دم بس الجرح زغير
مروة تخابر ابوها وهيه مامفتهمه شي حطيت قطعه ملابس ضاغطتها على راسه
من شاف ملاك تبجي هو هدأ شلته وملاك لازم الملابس على راسه
كعدته بغرفته اطلعله ملابس ابدله وهو يحجي بهدءو والشهكه مافاركته
_انا راح اموت
_اسم الله عليك حبيبي جرح زغير مابيك شي هسه تصير احسن من قبل
_بدلتله ومروة تعقم براسه وملاك فحطت من البحي عليه صحيح شكله مرعب ب الدم بس الجرح مو جبير مقارنه ب الدم
دخل عمو وهو خايف عليه شاف راسه وهو ياخذه للمستشفى كعدت يم ملاك الي صفنت ع الفراغ يجوز اعرف شعورها حاليا من تمر بوقت تحتاج امها لو بوقت امها المفروض تقوم بهاي الواجبات
_ملك عليمن البجي شفتي مامتاذي هواي وهو خاف اكثر من شافج هيج تبجين هسه يخيطون جرحه وانتي شفتي مو جبير جرح بسيط
ملاك صاحبه السطعش سنه بس متعلقه باخوها بشكل مو طبيعي ماتنام وماتاكل اذا هو مو يمها
نظفت الحمام وانا ارجع للغرفه بعد ماخليت البنات كاعدات ينتظرون ابوهن
جانت الدنيا عصر والجو بارد حيل شغلت الدفاية وانا اكعد يمها ادرس على اكتافي بطانيه عفت الكتب بملل جريت المخده الجانت يمي وانا اروح بنومتي من تعب الدراسه ماحس على نفسي اله واحد يهمس باذني باسمي فزيت مخروعه اتعوذ من الشيطان حيل خفت نص حيلي نهد من الخوف ماشوف بس عبدالله نايم على نفس المخده الجنت نايمه عليها كلتله وانا لازمه كلبي اليدك سريع من الخوف
_شلون تنام هيج نومه عبدالله خوفتني
_انشالله مانكطعت خلفتج من الخوف بويا واضل بدون فروخ
تذكرت اخر كلام وشلون سد التلفون بوجهي
_شلون دخلت يعني بيت خالو جنت اعبرها الك هسه هم تدخل بلا شافك عمو عبدالله روح عليك الله كوم
كلتها وانا اجر بيده وهو يضحك
_بويه معطبة علمود ثاني مره لاتشاقين وياي
_لا راح اضل مبوزه بوجهك بعد ما اشاقه وياك التوبه
كام وهو يكعد كبالي جر شعري بضحك وهو يكول
_كولي والعباس ما اشاقيك
_عبدلله شعري والنبي راح اصيح الخالو
_خالج بح
_اقصد عمي ايي هد شعري عبد شبيك
_صايره تنبل مال نوم وتكلي عبد والله ادرس وانا مصدك
وخرت ايده من راسي الم بشعري واحاجيه
_اي مو جنت ادرس بس نعست ونمت هسه روح مو مزاعلتك شلون سديت التلفون بوجهي
_هسه خالج لو الله يهديه ويخليني اطلعج شني وليه هيه
_وين اطلع مثلا
كلتها ونمت على رجله كل هل ايام ماشايفته عبالك عطشانه على وجهه وصوته حط ايده على شعري احاجيه
_لاتشمع شعري الله عليك
_بويه الخوف يعدل الشوف
_شلون فتت الهنا
_جا انتم مخلين بيتكم فارغ مابي احد بس بنيات وبيهن شلون بنيه مو بنيه طركاعه
كالها وهو ينزل نظراته على جسمي كمت من رجله مثل الفازه
_يله خوية على دربك هسه يجي عمي
_هو وينه عمج بعد اخوج
_ابنه تاذه راسه واخذه للمستشفى بس مامعقولة لحد هسه مارجع
_انتي تدرين شنو صارلي شهر ماشايفج مسلوك جد جدي وانتي كاعده هنا ومدثره ونايمه جا شعندج واخابرج بس تدلعين علي وتتنعوصين لحد ماسديت التلفون بوجهج
_احلف انا اتنعوص عبد منو مساع كلبها علي بس احلف انا اتدلع واتنعوص
_لا الصدك ماتتنعوصين
_اي هل اكول شلونها مياسين
_زينه
_عبدالله بالي يم افنان
_هم زينه
_شمدريك
_مو خولة تسأل حماها بنيامين عليها ويكلها بخير
_بس مجاي اصدك
_لا صدكي
_وخالو يدري بنيامين حمه خولة بعدين هو رجال غريب شلون كاعده وياه افنان
جرني من ايدي وهو يقربني اله
_هسه عوفينه من هل هوسه اشتعل عمج وانطفه على هاي سوايته
_شمسوي المكرود
_غير مايخليني اشوفج اله نخطب
_جا هم حقه الرجال يعني تقبل احظ يشوف بنتك وهو ماخاطبها لا وفوكها كاعد بغرفتها
_غير اكسر رجليه قبل لايدخل الغرفتها
_خل اروح اكل العمي يكسر رجليك
_شحدج بعدين انتم اي واحد يجيكم ماتضيفونه ولا تقدموله لو ماي
_اتوقع ب الايام الجايه تاخذ رجلك وتصير من اهل البيت ماكو داعي ضيافه
_خبيثه ريكي يبس جيبلي ماي
ضحكت عليه وانا اروح للمطبخ لكيت مروة تسوي حلويات ماعبالي يدرون بعبدالله هنا باوعتلي وضحكت من ضحكتها عرفتها
_مرويه بس لا انتي فتحتيله الباب
_هو غراني ب الفلوس شسوي بعد النفس ضعيفه كلت افوته الخطيبته وعلى الله
_زين عمو وين
_راجع للشغل جاب سيف ورجع
_اووف عليج مروه هاي هم سويه
_ااخ اليسمعج مايصدك الاوف حته الوجه ورد
_لا بالله عليج
اخذت كلاص ماي وانا اروح للغرفه
_حته مايكم حلو ااخ يروي
_عبدالله بطل سوالفك
_عمي رايح مبين ماراديتني
_لالا اكعد اشاقه وياك
كعدت يمه وهو يكول
_ليش تركتي المعهد مو جنتي تستفادين منه
_لا يضيعلي وقت ادرس ب البيت احسن
جاي احجي ونفتح الباب درت مرعوبه عبالي عمو طلع سيف بيده جبس ياكل وراسه مضمد جان سيف عمر الخمس سنين بس ناعم بشكل مو طبيعي دخل كعد بحضني ونظراته مانزلت عن عبدالله تالي كال
_منو هذا الزلمه
_هذا رجال جابلنه ماي وراح يروح
حاجيت عبدالله
_عبدالله ترا فتان هسه يفتن علي شكل العمو ياربي
_خالي شايف هاي الكاعد بحضنها اذا اخذها منك تحلم تشوفهه لو تكعد بحضنها المدعبل ماخذ راحته
_يا صخام صخمك عبدالله
باوعت السيف مبرطم شفايف اهله محد يحاجيه هيج بسرعه يبجي مو انوب عبدالله يحاجيه بتهديد عبالك جاي يحاجي واحد جبير
_باع سيوفي هذا واحد جذاب اصلا مخبل اجه من الشارع ولان مخبل خليناه يكعد ماحجينه علي شي حبيبي لاتسمع كلامه واحد مخبل هو
_خلي يطلع مو حباب هو
_عبدالله يلا للبيت
_اي الك الله يعبدالله هذا الفصمه يكوله حبيبي وانته يطردون بيك تدرين لحد هسه خسرت ميه وخمسين الف لحد ماشوفج
_عود صدك تحجي والله بطران المن انطيتهن المروة لا ومكيفه هيه
_غالية علي شسويلج
كالعها وطلع خمسه وعشرين يشوفهن السيف وهذا مغلس ياكل جبس ويوكلني وياه
_خالي سيوفي هاي فلوس بس مو تحجي البابا شي عن المخبل
سيف تجاهله وهو يحط بحلكي جبس ماياكل اذا احد ماياكل وياه
طلع عشرة ويه الخمسه وعشرين وهو يكول
_دهر صابج خسرتيني فليساتي سيوفي هاي هم وياها اكلج شو هذا مغلس شنو مايعرف للفلوس
_لا مايعرف الحمره طلع ربع يعرفله
طلع ربع وسيف راحله يركض
بعد كلام وبعد ماقنعنه بسيف مايحجي شي راح عبدالله
مرت ايامي متشابهه بشكل لايفرق يوم عن يوم تقرب الامتحانات اخاف اكثر واشد روحي على دراستي اكثر
لحد ماخابرتني خولة جنت توا طالعه من الحمام والدنيا صبح كلها نايمه بس عمو طلع الشغله
_صباح الخير ياحلو
_صباح الخيرات عاش من سمع صوتج
_خليني حايره بضيمي اليوم تجين
_ليش اجي ياريت خولة ضايجه كلش هنا واستحي اكل العمي يجيبني الكم
_لا انا كلت الابوي اليوم يعمزمكم
_جا ماترحين للدوام
_اروح بس ارجع من وكت علمودج ابوي راح يجي ياخذج ماشي هسه مستعجله ابدل واروح راح يخبصني خالد
كلتها وسلمت عليها سديت التلفون كملت تبديل وطلعت لكيت خالد كاعد صافن وايده على الخد
_يلا خالد مانروح
_انتي شورطتيني وياج مية مره كتلج حطيلج خط
_يا خالد شسالفه تدري ينشلع كلبي ب الخطوط مالكه صاحب خط زين
_لا على اساس هسه انتي ماشالعه كلبي
كالها بتذمر وكام مدري شبي اليوم طلعت وانا احجي وراه
_ماتخابر على خالة شيماء شلونها افنان
_زينه مصار هواي من حاجيتها
_ترا وضعك مو طبيعي شبيك خالد
جر نفس ساكت ملاحظه خالد باخر ايام ماعرف شبي بس يصيح وطول الوقت مخنوك يصيح مايكعد ب البيت مو نفس قبل سوالف وضحك شلت هم اخوي وخفت عليه وصلت للجامعه بس كل بالي يمه
كعدت ب الكافتيريا انتظر ساره الي صارت احسن بس راسها تاذه وضلت بالاسابيع ب المسشتفى اخذت اجازه وبس بايام الامتحانات تداوم جانت عدنه امتحانات عملي خابرتها وهيه تكول انا داخل مختبر الامتحانات رحت للقسم ولكيتها تمتحن لان جان امتحانه على شكل كروبات
امتحنت بعدها وخابرتها لكيتها راجعه للبيت
بوقت واحد هيه وامها مريضه كلش تعبت باثر الحادث والي سوا حادث اختفه بس ضلت هيه تعبانه ماتكدر تتحرك كسر بايدها وركبتها متاذيه جنت حيل خايفه عليها وكل لحظه انا وياها دوم اروح البيتها اضل يمهم يوم او اكثر وارجع بعد مالحيت على عربيد ياجل العرس وفعلا اجله لعطلة نصف السنه الي بعد شهر
كعدت ب الكافتيريا وحدي انتظر ابوي يجي علي بس خابرني رقم مامسجلته وماجاوبت خابر اكثر من مره يلا جاوبت طلعت من هوسه الكافتيرا وانا اجاوب
_تفضل منو
_انا بنيامين
_اهلا بنيامين
_طلعي اريد احاجيج
_وين انته
_ يم الجامعه
_ليش بنيامين صاير شي
_هسه طلعي
جنت متردده اطلع خاف اسمع شي مو زين عربيد مسوي بيه خوفه من المفاجأة وخصوصا اختفائه باخر فتره سببلي قلق جان يجي للجامعه ويلح ب الحجي وياي واذا ماحجيت وتجاهلته اطلع انا الغلطانه دوم بالي كلام مياسين من تكلي اذا انتي متجاهلته شلون مايعصب عليج بس جان مايهمني اذا عصب او لا
قلت جيته وقلت مخابرته الي
طلعت للكراج لكيت سياره عربيد بيها بنيامين وحده
صعدت للسياره اسلم عليه وانا احاجيه
_بنيامين ماكدر اضل بالسياره احاجيك اذا اكو شي خابرني
حرك سيارته بدون مايجاوبني وهو يسوق سكتت انتظره وين يوديني نزل يم مطعم قريب ع الجامعه نزلت وراه احاجيه
_بنيامين انا مخابره الابوي خاف يجي
_هسه كعدي احاجيج
كعدنه على طاولة انتظره يحجي جان مبين جدي بموضوعه
_باعي خولة انتي حسبت اختي واكثر ساعدتيني هواي ماعرف شلون اجازيج بنفس الوقت عربيد اخوي وعزيز علي مايهون علي اخلي يودي روحه لورا الشمس علمود هيج لازم تعرفين سبب زواج عربيد منج وليش ضغط عليج كلنه حاجيناه ومنعناه بس البراسه براسه يسوي بدون مايهتم الاحد
ويه كل كلمه يكولها ينهد حيلي كمل كلامه الجان اوله سراج زوج مياسين اخوهم من غير ام يواصل كلامه عن حقد عربيد وانتقامه من خواني وعبدالله بنفس الوقت يناقض كلامه بحب عربيد الي وتمسكه بيه
نملت عيوني ب الدموع ما اكدر اجاوبه على كلامه المفاجأ بس هنا نحطت النقط ع الاحرف نملت اسئلتي ب الاجوبه عرفت راسي من رجلي بحيرتي العافني بيها عربيد حجيت بغصه بعد كلامه الطويل على اخوه
_بنيامين انا شذنبي اصير ضحية انتقام العربيد خواني مستحيل ياذون احد مو نوب ياذون سراج يعني هسه اذا اكل السالفه الطفل مراح يصدك هيه مياسين بنفسها ماتعرف زوجها ميت بنيامين احجي وياه تعبت هواي انا
_تعبنه من الحجي مايفيد المهم خولة ركزي وياي انا كتلج هيج اريدج انتي تبينيله الفكره خطأ مجاي يستوعب الصار قضاء وقدر ماريد تكليلة بصورة مباشرة اليعرفه كلشي خطا بس بمرور الوقت كسبي الجانبج وحرري من فكرة الانتقام الراسمها باله
_والمره الراسلتني زوجته السابقه
_الكاله الج صدك لان جان المفروض انا انفذ الخطه بداله بس بليلة الرحت البغداد انخطفت افنان وتركت كلشي عربيد لزكها من يمه
_والجذب الجذبه على اهلي ماتعرف شنو كلهم
_اعرفه هذا كله من تدبير داهيه
_منو داهيه
_اخونه بس ماشايفته انتي
غمضت عيوني نزلت دموعي ومسحتهن لو ضاله على عمه عيوني وما اعرف شي احسلي قطع افكاري بنيامين وهو يكول
_خولة عربيد مايعرف شيريد لحد هسه مامستوعب موتت سراج الموضوع حيل صعب عليه عباله من ينتقم السراج راح تهدأ لجمته
_هذا مو عذر بنيامين مهما فكر وسوا مراح يبرر اعتقاده
_خولة انا ماسولفلتلج كلشي حطي عقلج براسج وفكري زين سولفتلج علمود تصيرين وياه مو ضده سولفتلج علمود لا يضيع عربيد من ايدينه ويروح ضحيه تفكيره والسم الترس راسه بيه فائق وجماعته
قطع كلامه سلام جرثومه وهو يكعد يمنه
_شني كليتو بدوني بعدكم
_ابو بطن روح اكل يم امي
_وين امي يمعود تسويلي البيتزا ارتفاعها عشرين سنتيمتر وين بيتزا معطم الطازج بويا جوعان على اكلهم
_هسه انته شجابك
_جا مو انته كتلي من تخلص شغل تعال للطازج انتي يبا خولة شلخبار الله ب الخير
ماجاوبت غير صفنه تاخذني وصفنه تردني
_شني يبا عليمن الدنيا فوك راسج الله وكيلج باجر ميتين شنشوف من حياتنا عيشها تضحكين عربيد خانج عربيد جذب عليج طز بي هو والماكو سوا
عجيب هل انسان يمته ماتجيله يضحك ويسولف وبس يحجي يصير وجهه احمر وهو شعره ابيض تحسه مو بشر طبيعي
عدل كعدته وهو يكول بجديه
_خوله يكولون النسوان كيدهن عظيم وهذا الشفته بافنان والنسوان العرفتهن بحياتي بس شبيج مطفيه يحضي شغلي عقلج شوي لاتضلين تمشين ماتندلين دربج بس للامانه انتي خوش بنيه كلبج نظيف غيرج جا شوفت عربيد نجوم الظهر بس انتي متحملته هسه شايفه شكد بنيامين حبيب كلبي شكد عاقل افنان ما تحمتله وشردت بروحها العزيزه
_تمدحني تذمني
_خيبه بس سمعيني زين وينك كاتبن
كالها اخر كلماته بصوت وهو يطلب بيتزا
كمل كلامه يكول
_صيري داهيه لعبي على اصابعج مثل مايكولن النسوان محبس باصبعي
_جرثومه والله مالي خلك لسوالف التعبانه هذن
_ضل يمج الموضوع خلصي خوانج من خبال عربيد هاي انا اكلجيتها طك بطك
_الله كريم
بنيامين حط السويج على الطاولة وهو يكله
_نطيني سويج الدراجه
_وين على الله
_انطيني فضها
_اااخ راح ياخذك الشوك ذكرتك بيها
كالها وانطاه السويج بعد ما اخذ سويج السياره من بنيامين كتله بتسأل
_وين رايح بنيامين بس لايندل افنان
_هسه عاد يكابل بيت المسعده بهل برد والضيم لحد ماتطلع تتمختر للصالون هذا حظك بنيامين جبت عمرك كله مكبل بابها
_ليش افنان ماتريده
_نفس ما انتي ماتردين عربيد
_بس هذا غير هسه عوفنه جرثومه رجعني للجامعه راح يجي ابوي
.. ....
تفاعلكم