بقلمي
زينب
...
تصويت
...
من بعد مكالمه بنيامين ويه داهيه طلع بنيامين من البيت ضليت كاعده الى ان رجعو مهدي ومهيمن بس اجو عكس روحتهم ضايجين مايحجون شي غسلو وبدلو وتمددو على فراشهم عينهم ع التلفزيون بس احس بيهم بالهم مو وياه
بدون ما اسألهم شصاير وياكم طلعت الجرثومه الي لكيته كاعد ع القنفه صافن ع الفراغ
_شصاير وياكم جرثومه مو على بعضكم
_ماكو شي
جنت مو بحال الح ب السؤال تعبانه مثلهم ويجوز اكثر رحت يمهم للغرفه وانا اطفي الضوا ضليت اتابع الفلم وياهم الى ان نمت فزيت على صوت صياح برا طلعت مرعوبه من صوت جرثومه العالي حته مهدي ومهيمن فزو باوعت للساعه بداية الصبح كال اخر كلماته
_كتلك ماعوف الموضوع شنو كبالك طفل لهل درجه مستهان بيه
بعد ماكالها شمر تلفونه ب الكاع حيل كعد ع القنقه كوة يجر نفسه
_سراج شبيك بسم الله شبيك جرثومه خوفتني
كلتها وانا افرك ايدي بحركات دائريه على ظهره شفته شلون ختل توازنه واختنك وضعه مو طبيعي
بعد ايدي منه كعدت يمه احاجيه
_المن خابرت ليش هيج نقهرت خابرت الفائق مو اتنفس زين جرثومه ليش مختنك
_عصريلي ليمونه
ادري بي ارتفع ضغطه على شنو ما ادري
عصرتله ليمونه بعد ماشربها حاجيته
_لو شيصير جرثومه مو هيج تقهر بروحك
كال بهدوء وهو يبلع ريكه
_ملكية تريد تزوج عاتكه
نهبطت من كلي هيج شحال هوا
_قابل تزوجها غصب
_طول هل فتره عندي تواصل وياها وفجأة نكطع تواصلي ويه عاتكه عبالي يوم يومين ترجع تحاجيني بس طولت اسبوع هيه ماكو ولا انتي اكو علمود اخليج تتواصلين ويه اهلها لحد البارحه خابرتني عاتكه ملكيه تريد تزوجها لان لازمتها تحاجيني بس ماعرفت بيه انا الاحاجيها بس تهدد بيها تزوجها لحد الفجر خابرتني بعد ماتاكدت صدك راح تزوجها امها وعلى اساس اليوم يخطبوها وخواني خابرتهم ولا واحد اله خلكي هذا بنيامين مادري وين مولي وعربيد مايتحاجه يكب بوجهي عود رحت للزين داهيه سدها بوجهي عبالهم راح اضل معتمد عليهم انا
_بس انته تعرف هناك شكد مجتمع عشائري انوب اذا عرفت بيك ملكيه شتسوي تلعب جولة تحاجي بيتها بدون علمها والله ماتفك منك
دمعت عيوني وانا اشوف وضعه كل هل قهر على عاتكه
_جرثومه لاتفكر محد وياك انا وياك نروح نخطبها الك خلي خوانك كلمن بحالة وغصبا عليها ملكية ماترفضك هيج شخص مثلك مستحيل ترفضه بس انته لاتفضح نفسك كدامها
هز راسه ساكت انا شلون لكيتها حجه علمود ابجي من البارحه لليوم مقهورة وماباجيه دخلت للمطلخ اسويله ريوك ودموعي تنزل وحدها سمعت صوت عربيد ب الهول وطلعت
لكيت وياه خولة
