بقلمي
زينب
...
تصويت
تعليق
....
كعدت من نومي الاشبه ب السبات الملم الي بقى مني
رفعت ايدي بوجع افتح الضماد منها
رجعت لفيتها متقززه من شكل ايدي
ضليت مكاني اسمع صوت مكينه خياط من الهول
التفتت الوراي شفت سحر غاطه بنومها كمت من مكاني وانا بعدني بملابسي الابستهن من ايام طلعت للهول لكيت نفس المره كاعده على كرسي لابسه نظاره وكدامهه ميز عليه مكينه وتخيط مركزه بخياطها صبحت عليها رفعت راسها جاوبتني
رحت للمغسله غسلت وجهي رجعت للغرفه طلعت الملابس الجابهن خالد لكيتهن كاملات حته داخليات شكد خجلت من نفسي شلون اخلي يشتريلي
كلشي ولا انحط بهل موقف
اخذت هدومي وسبحت من ايام الماي ماطايح على جسمي ماصدكت انا اسبح واغير ملابسي كعدت ب الهول ماعرف شنو موقعي يم الناس الغرب ولا الي خلك واحجي واستفسر اريد بس اسكت وهدوء افكر واراجع كلشي صار اريد استوعب الصار وياي
حاطه راسي بين رجلي صافنه ع الفراغ وعيوني مغرغره ب الدموع
اتذكر مهدي ومهيمن شوضعهم بعدي شلونهم مرتاحين لو لا من ارجع اتذكر بنيامين صدري ينترس غيض واستهضم
ليش بعد ماتعلقت بيك وامنت بيك ماتكلف روحك وتتعب لخاطري
بوعت للاستيكه مالتي الي نطانيها بنيامين شادتها على معصم ايدي مثل السوار غمضت عيوني نزلت دموعي ليش اشتاقله وهو باعني ليش احن اله وهو ماشوفني شي حلو وياه ليش تعلقت بي وانا الجنت مليانه كره وحقد عليه
هو الي مربي فائق بعد شنو اتوقع منه راسي متضاربه بي الافكار ابجي بدون ما احس على نفسي لكيتني اشهك بجيي وانا اتذكر السووه بيه من امي الى جواهر واخر شي بنيامين اما ب النسبه الابوي حدث بلا حرج لو مهما يسوي ما انصدم بي بعد
ايد نحطت على كتفي باوعت للمره وهيه تحاجيني
_بنيتي مو هيج سلمي امرج بيد الله وحسبي الله ونعم والوكيل على الوصلج لهل حال
حسيت بلاعيمي متجرحه لان من امس ماحاجيه هواي حاجيتها بصوتي المبحوح
_خاله كلبي ملجوم ماجاي يبرد
_كومي بنيتي
كمت وراها المطبخ صبت جاي وسوت ريوك وهيه تحط يمي الصينيه
باوعتلها مالي نفس اكل شي يجوز بس اكل اتقيأ
مو شي عجيب القهر كلشي يسوي وانا التعرضت كل الصار بيه حته الاكل صرت احسه مره ومابي لذه
_مشكورة خالة ماريد
كعدت يمي وهيه تطبطب على كتفي
_وجهج شاحب شكد صار ماماكله شراح يسويلج الحزن يطيبلج كسره لو يمحيلج ذكرى الصار صار تقبلي كلشي برحابه صدر وابدي من جديد منين ماتوصلين وتطيحين كومي وابدي من جديد
