....
بقلمي
زينب...
تصويت
♡♡♡♡♡♡♡♡
نزلت راسي اكمل قراءة قرأن
قطعت قرأتي وانا اشوفه يتمدد بصعوبه يم مهدي ومهيمن الغاطين بنومهمسديت القران احاجي
_ليش تنام هناتجاهل كلامي وهو يكلي
_كملي قرانهزيت ايدي عليه واحاجي بصوت ناصي
_عود انته صاحيرجعت اقرأ قران عيني ع القرأن وعين عليه نايم ورا مهدي مدد رجله المتاذيه ومغمض عيونه وهو يكول
_علي صوتج شويجريت نفس وانا اعلي صوتي ب القران ضليت اقرا وحاولت افهم شنو اقرا جان كل همي اريد احس ب الامان والقران بين ايدي اريد احس انا بخير اريد انسه وجعي
ضليت مندمجه اقرا لحد مارفعت ركبتي الاذتني لان مدنكه سديت القران شلت السجاده وانا اباوعلهم عبالك اخوهم الجبير بنيامين او ابوهم هيج اشوفه تجاهم
كلهم غاطين بنومهم على اثر تعب اليومين الماشوفو بيهن النوم
وكفت كدام المرايه وانا افتح شالي اتحسس ركبتي وكفت الغصه بلعومي وانا اكول شلون راح اتقبل هل تشوهه شلون يروح لو يضل اخذت من العصاره الجابها جرثومه حطيتها على ركبتي شكد لبكتني وانا احطها واتذكر شوغتي من جواني
جنت اريد انام اريد اشرد من التفكير بس مايهون عليه اكعد بنيامين ويرجع يحس بوجع رجله مره ثانيه
طفيت الضوا عليهم وطلعت للهول اخذ تلفوني اللكيته مشمور ب الكاع رفعته وانا اتاكد يشتغل
فتحته وانا محتاره المن اخابر الامي لو اصيل يم منو ابجي يم منو احجي منو تكدر تنسيني
خابرت على عبدالله جانت ساعه بالسته توقعته نايم لان ماجاوب
خابرت على امي انتظرها تجاوب وانا اتمدد بالفراش
نزعت حجابي اريد الهوى يبرد جوياتيجاوبت وهيه تحاجيني
_افنان يروح امج وينج ماتجاوبين_يمه
وكفت الغصه بلعومي ماكدرت احاجيها نكطع الاتصال خلص رصيدي وهيه رجعت خابرتني_يمه افنان ردي عليه
_تعبانه يمه_اخابركم انتي وبنيامين ماتردون
غطيت وجهي ب البطانيه ودموعي تنزل بصمت وانا اكلها
_الحياة بدونج مستحيله يمه مره اباوع الاخواني ودموعي تصب مره اباوع الروحي وينكسر كلبي على نفسي مره اريد اشكي الربي بس اخاف تزيد مصايبي خاف اشكر ربي واطلع اجذب على نفسي
_حضج مثل حض امج بعد امج
_ثكيله ايامي حيل يمه دعيلي يجوز تخف بدعائج
اول مره احجيي ويه امي اتنازل عن انانيتي وماذمها اول مره اريدها بصدك لان تعبت وحدي صوتها المليان حنيه وهيه تكلي