لاتسأليه كثيرا عن خسائره
فصوته صار ادمى من اظافره
...
بقلمي
زينب
...
تصويت
توقعاتكم
....
دخلت للبيت تعب روحي اريد اشمره وراي وادخل بكل رحابه صدر بس ماكدرت اتجاوز السواه عربيد بهل سرعه
دخل خالد وهو يحجي بلهفه
_ماتكليلي شبيج صارلج يومين وضعج مو طبيعي لا عبالج ساكتيلج ننتظرج انتي تجين وتحجين
_شبيك نهديت على اختك ب الهداوة خالد مو هيج
كلت وانا اكسر حديثهم وتسألهم علي دموعي تنزل سابقه كلامي
_يمه مستحيل اتزوج عربيد خيطلكني
لطمت امي على وجهه وهيه تكول بصياح مكتوم
_صخم وجهج شيطلكج ولج شفتي ع الرجال ويطكلج توج خطبتي
_يمه هذا هو ماتريده خيطلكها
_خويلددد مو واكف بصفها غير افهم شبي وياها ويطلكها اخذتنه حاصل فاصل
دخلت للغرفه وقفلت الباب على نفسي وانا اسمع امي وخالد واحد يرفع واحد يكبس خالد مأيد كلامي بس مجرد سمع مني اطلك ماسمع السبب بس امي رافضه الفكره
ندك الباب علي وانا اسمع خالد يكول
_خولة تعاي كلي الامج ليش تردين تتطلكين
فتحت القفل مالي نفس احجي شي وابرر فتحت الباب امي وهيه تدخل
_من يجي ابوج كليلة هل حجي عود وكليله ع الطلاك
_انتي كليلة
_وشكله بتك التوا مخطوبه تريد تتطلك حته سبب ماكو
_تعاركت وياه وبس يصيح علي ويغلط علي ماريده يمه اكرهه ما اطيقه راح يخبلني
_انتي هسه مخطوبه واجيت وكتلج قابلة بي وجان جوابج اي محد جبرج عليه حته هسه تكرهينه وهاي مالت يصيح علي ويغلط علي تحملي شوي كبري عقلج شوي صبر مو كلشي تردينه بسرعه
بكلبي لو اكلج شكد مكبره عقلي وياه ومسايرته بكلشي بس بعد السواه مستحيل ارجع مره ثانيه اشوف وجهه
_خولة فكري وطولي بالج مو كلشي وطلاك بعدج باول مشكله وكلتي اطلك
صاح خالد الواكف بالهول
_يمه خليها على راحتها الترديه يجرالها لو حته طلاك
طلعت امي تحجي عليه لان مأيدني
لميت روحي انام ع السرير بدون ما انزع حذائي ولا حجابي نمت من تعب تفكيري
فززتني ندهت اصيل كعدت والبيت جان هدوء عكس من نمت عيوني تاذيني من كد مابجيت تربعت اصيل كاعده كبالي
_تعاي شنو هل حجي اتركج يومين الكاج تردين تتطلكين
هزيت راسي مابيه حيل احجي شي
_شنو اي ولج شصاير
_ماريده فوك شينه كوة عينه فوك ماهو زاني هو ابو الحق
باوعتلها متفاجأة شلون زاني معقولة ياربي مجاي اصدك
ماردت اضغط عليها شفتها شكد تعبانه وجسمها نحلان
