اللهُمّ صلِّ وسلّم علىٰ سيّدنا مُحمّد.
بنفس الوقت بكافي عند ورد دقت على الرقم : الو انا وصلت وينك؟. اي اي شفتك
قفلت منه وتوجهت له
وهو يوريها الصور انتبهت لوحده كانها تصورها بس ماعطت الموضوع اهميه كبيره
لين الي غافله عن ورد الي انتبهت لها رسلت الصور لبندر
ورد الي تنرفزت مرا وتاكدت كل الشكوك عندها مافكرت كثير بالي صورتها كان كل تفكيرها (ليه بندر يتزوجني وهو يطلع مع غيري؟) ركبت سيارتها وهي متوجها لبيتهم والافكار ماتركتها وقرار انها تتركه صار مؤكد
//////
في بيت الجد خالد
زي العاده جالس بالمقلط يتابع الاخبار ومعاه شاهي العصريه
نزل مازن بعد ماقلب كلام بندر براسه وقرر يكلم الجد
جلس جمبه على الكنب وتنحنح: احمم
ناظره الجد : كم تبي
مازن الي كان متردد يقوله : مابي فلوس ، ابي ورثي
عدل الجد قعدته وهو ينزل كوب الشاهي : ورث!
مازن الي حس الوضع جد وقال بكل برود : ايه نعم
الجد : ورث شنو ان شاء الله
مازن الي حاول قد مايقدر يصير اسلوبه زين: واللهي ابوي صارله سنين ماندري وينه ونا بطلع شهادة وفاه واخذ حقي
ضحك الجد وتعالت ضحكته سكت وتغيرت نظرته
مازن: بعطيك ربع الي يطلع لي
بعد تفكير من خالد قاله: شف امك
////////
اما بندر الي توه وقف عند بيت عمه كان بيدق على ورد الا توصله صوره لها هي مع رجال بالكوفي وقتها حس باحساس بشع احساس ماحد يبي يحسه
حاول يتمالك نفسه ويدق على ورد بكل هدوء وماردت نزل من السياره ورمى الجوال بكل قهر وظل واقف قدام البيت ينتظر حضراتها تشرف
///////
كانت طيف توها طالعه من الحمام لبست لها فستان ميد وقاعده ترتب شعرها
دخل عثمان وابتسم: وانتي كل يوم جمالك يسحرني
استحت طيف : عثمان لوسمحـ..
عثمان وهو يمسك قلبه: آه
طيف وهي تعقد حواجبها وتنزل المشط: فيك شي؟
عثمان: لا بس اسمي وانتي تقولينه يهبل
طيف : ههههههههههههههه
مسكها مع خصرها: يايزن هالضحكه
دق الباب
عصب عثمان وقال بمزح: مايجون الا باللحظات المهمه
فتح الباب وصرف عياله سكر الباب وتوجه للدولاب طلع منه طقم ذهب ناعم مايليق الا عليها
قالت طيف بعفويه: رووووعههه
ابتسم عثمان
طيف الي اخذته منه وقالت: روعه مشكور
كشر وقال: بس ذا الي قدرتي عليه
انحرجت طيف : وش اقول
قرب منها وقال وفيه نظرة خبث: يسلمو قلبي ، انت حياتي
هو يقرب وهي تبعد وهو يقرب وهي تبعد لين وصلت للجدار
ودق الباب
هالمرا لعن عثمان بصوت عالي وطيف ماسكه الضحكه على شكله
///////
وصلت ورد ومشت من جمبه بدون ماتعطيه وجه كانت بتسكر باب البيت الا ينفتح بقوه ويدخل بندر ووجهه مايبشر بالخير
مسكها من زندها ورص على اسنانه : مين الـ*** الي كنتي معاهه هااا؟؟؟
ورد الي تالمت من مسكته وحاولت تفلت يدها بس ماقدرت ردت عليه بقهر: انت اخر من له حق يسالني ذا السؤال
بندر الي نفذ صبره وقال بنبرة تهديد : يابنت خافي على نفسك وجاوبي لااذبحه واذبحك بعده والله وهاذاني اقولها لك
تركت يده وراحت لداخل تاركته وراها
تنرفز من حركتها وماخلاها لحقها لداخل شافته دخل : اطلع برا مالك كلام عندي
مسكها من يدها يسحبها لغرفتها ويقفل الباب دفها داخل بقوه : الحين تفهميني شصاير ولا بتشوفين وجهي الثاني
كانت تحاول تستفزه: يبابا خوفتني
قرب منها وهو يمسك فكها بقوه: تراك ماعرفتي بندر للحين
تكلمت بقهر: جاي تحاسبني عشان صوره ماتدري شسالفتها وانت تهيت مع البنات عادي
بندر بقلة صبر: بنتتت الصوره ذي جات بعد ماطلبتي ننفصل مستوعبه شمعناهاااا؟؟؟
ورد: وانت تعرفني زين
بندر بسخريه: اشك اني اعرفك يابنت العم لكن انقصل عنك تحلمين بعلقك ولاني بماخذك عندي
طلع من الغرقه تاركها وراه
////////
عند لين الي وقفت سيارتها عند بيت الجد وانتبهت انو مافي احد شافها وركبت مع ليث(الي ورا الصور لورد)
حرك سريع متجه للشارع العام
سالم الي كان بيوقف سيارته اتسغرب من لين الي جلست قدام مع ذا الولد!
وقرر يلحقهم
ليث مكمل طريقه ومشغل اغاني قفل السياره
لين: ليه قفلتهم
ليث ببتسامه خبيثه : احتياط
لين الي ماهتمت كثير عقدت حواجبها: مو ذاك الكوفي؟
ليث بضحكه: وليه مصدقه اني بوديك الكوفي
لين بصدمه : حنا اتفقنا
حاولت تفتح الباب بس ماقدرت ، وطلع لطريق كانه طريق المزارع بعيييدد
اخذت جوالها كانت بتدق بس هيهيهي شافها ورمى الجوال من النافذه
وصلو لمكان ابعد من البعيد اشبه بمزرعه قديمهه
نزل وفتح لها الباب وبنبرة امر: انزلي
مانزلت وحاول ينزلها بالغصب تحت مقاومتها
عند سالم الي استغرب المكان وكمل معهم بعد ماشافه ينزلها غصب نزل وقام يلكمه باقوى ماعنده
لين الي استغلت ضرب سالم له شافت حجر بحجم تقدر تشيله وضربت فيه راس ليث من الخلف وطاح ينزف
سالم الي بعد عن ليث ومسك زندها يوديها للسياره
لين بكل وقاحه: مابركب معك
سالم الي ضحك ضحكة سخريه: ههههههه مسويه شريفه على مين يبابا
وقال بنبره حاده واقرب للامر: اركبييي
ركبت وهي ساكته وحرك سالم
بعد ماستوعبت الي صار قامت تبكي بصوت عالي
سالم الي ماتحمل صوتها قد مكان منقرف : بزر ولا بزرر اسكتي
مسحت لين دموعها: خلني افرغ مشاعري
وكملت بكي وهو ماسك نفسه لايرميها من النافذه
////////
بعد اسبوعين
باسل الي تاكد مافي غيرها بالبيت دق الجرس فتحتله العامله ودخل بدون مقدمات
لولوه الي كانت ترتشف من بيالة الشاهي انصدمة من الرجال الي دش عليها بدون كلام ومن الصدمه طاحت البياله عليها وهي تقوله : مين انت ؟؟؟؟؟؟وشلون تدخل كذا؟؟؟؟؟؟
باسل الي كان يناظرها بهدوء : انا باسل ياعمه لولوه
لولوه الي ماتوقعت ولا واحد بالميه انه باسل هدت شوي وقالت: حمدلله على سلامتك ياباسل كيف حالك
تقدم لها وجلس بالكنبه المجاوره لها : اول شي ولا احدد بيعرف اني جيت او شفتيني اتفقنا؟
لولوه الي استغربت : ليه؟
باسل : اسمعي ياعمه انا جايك بموضوع بخلصه والكل بيعرف مين انا وليه جيت بالوقت المناسب
لولوه الي سكتت شوي وقالت : وش موضوعك
باسل : الموضوع اخوك يالولوه وانتي عارفه شنو ابي وتراني اعرف كل شي لاتلفين وتدورين
لولوه :ابوك من يوم رحت ماعاد شفناه
باسل بعصبيه : لاتقولين ابوك لاتقولينها ، قوليلي وينهه الحين وبعد سالفة امي الله يرحمها اتوقع تعرفينها
لولوه الي توترت وش تقول له؟؟ : قالت بهدوء ماعندي كلام اقوله
باسل الي ماسك نفسه : والله يالولوه لوعرفت السالفه بعيدها ببناتك
لولوه الي خافت لانها عارفهه كبر السالفه : كل شي بمكتب عمك سيف
قام وناظرها بطرف عينه : ان حد درا اني جيتك مايحتاج اهدد صح
هزت راسها بالايجاب كمل طريقه لخارج البيت
\\\\\\\\\
ببيت سالم كان سادح يفكر بالي خذت عقله على انه كارهها ماحس الا بالمخده بوجهه
وهو يقطها عليها: وجع
وعد برفعة حاجب: يوجعك ياخي العزيز
رمت مخده ثانيه عليه : يابنتتت
ضحكت وهي تقوله : وش الي شاغلك
تنهد وهو يقول :ابد شغل
دق جواله وشاف المتصل : ياهلاا ، هههه افكرر، خلاص سامحتك ، زين زين
قفل منه وهو يلف :لها بتجي وجد عندك
ستغربت وعد بس ستانست : زينن بروح اسوي قهوه
سالم: خلي القهوه بسويها مابتتجهزين؟
ناظرته بطرف عينها : فيك شي؟
ضحك : شدعوا خلاص مني مسوي
باسته على خده وراحت غرفتها وهي تقول: يحلوه اخوي الي يساعدني
ضحك عليها وراح المطبخ يسويله قهوه
\\\\\\\\\\
في بيت مسعود بغرفة ورد بالتحديد
كانت سادحه بوسط الظلمه ماتنكر ابدا قديش تحب بندر ومن زمان وتبيه بس حست بخذلان من الي شافته
دق باب غرفتها ودخلت امها بيدها صينية اكل ناظرتها بدون تتكلم : حبيبي ورد صارلك كم ماتاكلين قومي اكلي شوي
قالت بهدوء: مو مشتهيه
رضيه الي مو عاجبها حال بنتها حاولت وحاولت بس موراضيه تعلمها وش بينها هي وبندر: يايما انتي الي مابغيتيه ليه تسوين كذا بحالك ؟
ورد وتحس بدموعها تجمعت لفت راسها لاتشوفها امها
اما رضيه الي حطت يدها على كتف ورد : ماعرفت ورد وهي تبكي يايما انا هنا قوليلي
حطت يدها على يد امها وتشد عليها بدون كلام
\\\\\\\\\\\
في بيت سالم دق الجرس وراح سالم يفتح الباب : حيوو ابو ناصر
محمد الي شاق ابتسامه وماسك ورد
اخذها سالم بعبط : حبيبي لاكان كلفت على نفسك احب الورد الاصفر
محمد الي كشر وهو ياخذ الورد منه :حبيبي بعينك الا وين اختك
خزه سالم: لها اسم ماله داعي اختك !
ضحك محمد: شدعوا تراها اختك صدق
سالم : اقوللل ترا اغير رايي
ضحك محمد وهو يقول بسرعه : لا لا اسفين حج سالم وين وعدي ؟
ناظره سالم بطرف عينه : اييي ادبببب
عند وعد الي كانت تتجهز بعد ماخذت شاور سريع سمعت صوت يشبه صوت روحها محمد
قالت بنفسها (اتوهم توي كلمته ماقال بيجي اكيد عبدالله ) وكملت تحط مرطب وماسكارا على السريع كانت بتطلع بس ناظرت نفسها للمرا الاخيره ونزلت
دخلت المجلس وشافته مع سالم ابتسامتها وصلت اذونها : حمود !
ضحك سالم : تدلعينه ونا بس تغلطين
ناظرته بطرف عينها محمد الي قال برفعة حاجب: وانت تقارن نفسك بحمودها
سالم الي كشر: صدق حبايب
محمد الي قام عند وعد وباس مبسمها قدام سالم
وعد الي انحرجت وبعدت عنه
قام سالم وهو يبعده عنها : بعدد قلت ادب عيني عينك هاا
محمد : ياشيخ مالك نيه تطلع تتوقع اترك جميلتي بدون اقرب؟
سالم الي خزه : شوفي انتي وياه حركات قلت حيا مابيها انا طالع شوي فاهميننن
محمد الي سحب وعد جمبه : انت انقلع وحنا بخير
\\\\\\\\\\
بسرع الاحداث وصل الكل بعد العشا لبيت الجده نوره بمناسبة رجوع محمد بعد العشا مشى الكل مابقى غير الاهل
بصالة الحريم الي قاعدين يحشون بخلق الله ماخلو احد بحاله
زفرت وعد تعدل قعدتها : استغفر الله ماتستحون على وجيهكم انتو ماخليتوا حد بحاله
طالعتها بشره بطرف عين :الاخت شبعت من الحش!
طيف يضحكه: صادقه وهي ماخلت احد بحاله
تنهدت وعد تمد يدها لكتف طيف: اص
\\\\\\\\\
في بيت الجده نوره بالحوش تحديدا كانو العيال جالسين يلعبون بلوت وبندر راح يجيب الشاهي بعد ماخلص
عبدالله بحده :صهييبب لعنبووو غيرك لايفوزون علينا !!
صهيب :ابشرر بعزك
محمد ضحك: ضرار خل ندعس عيال مسعود
ابتسم ضرار : ازهلل
صهيب وعبدالله بصوت واحد : اعقققبب
وفجأه انقلب اللعب ودعس صهيب وفاز وفوز عبدالله معه
محمد بصدمه: ابو شكلك شلون !
ضرار ماكان اقل من محمد صدمه : غشوا؟
محمد: لا حبيبي لعبهم نظييفف بس مدري شلون قلب النتيجه
صهيب ضحك وقال: محد يقدر علينا اصلا
ضرار مسك يد محمد: هاردلك حمود وبمروك يعيال مسعود
\\\\\\\\\
بندر وهو طالع من المطبخ بعد ماخذ الشاهي من الباب الخلفي
ورد بصوت باكي: بندر
بندر الي حن قلبه عليها اول مرا يسمع ذي النبره منها بس غيرته وزعله كان اقوى من قلبه وماهتم لها
حطت يدها على كتفه تحاول تلفه لها بس ماتحرك
حطت راسها عليه ونزلت دموعها : اسفه
لف لها بقهر: بعد شنو!
ماتحمل دموعها وضمها له بقوى : خلاص يروحي حصل خير
مسكها من يدها للجلسات القريبه منهم : تبين تقولين لي وش صار ؟
ورد بتنهيده مسحت دموعها وفتحت جوالها توريه الصور والكلام الي وصلها عنه
شافها بندر وضحك بقهر: لهدرجه مافي ثقه
ورد وهي تناظر بعيد : ماقدرت ماصدق وناا
قاطعها بندر: باين فوتشوب ومفروض تعرفيني ياورد!
ورد: كثير علي يابندر كثير
وبصوت باكي: اشوف لين تقرب منك واحترق واقول ذا بندر تعرفينه واسلك بس توصلني ذي الصور مقدر
مسح دموعها وحضنها معنه منقهر بس مافي اهم منها عنده قربها لصدره: ياروح بندر ماشوف غيرك انا وماصار الا كل خير اهدي وتجهزي زواجنا الجمعه
مسحت دموعها: مو كنسلته؟
بندر: تتوقعين لو صار زعل بتركك لا والله انك لي غصبا عنك
ابتسمت : تراني حساسه عشان الدوره ولا مايهموني
ضحك لعذرها وهياطها الي مستحيل تخليه : لو داري الدوره بتحنن قلبك علي دعيت ماتخلص
قطت المخده عليه وقامت وهي تحس براحه داخلها من قربه وكلامه وحضنه ولمساته احاسيس ماتخيلت بيوم انها تحبها من شخص حمدت ربها انه بندر
دخلت بسعاده تقول للبنات
\\\\\\\\\\
جلسو البنات بتعب طيف: وين العيال المجلس مافيه حس
بشره ابتسمت وقامت بحماس وقالت :بروح اشوف
وجد بحذر: انتبهي
وعد : ايه
بشره بطيش: معليكممم
مشت ودخلت المجلس دخلت راسها وكانت الانوار مطفيه ابتسمت ودخلت ماكان فيه احد دخلت داخل المجلس وشافت صحن مليان حلويات تقدمت وفتحت وحده واكلتها وقالت: اممم لذيييذه!
سحب مازن شماغه من عيونه وفتح نص عين وقال بصوت ثقيل بسبب انه توه صاحي : بشره!
بشره فزت برعب وصارت تتلفت : مينن!!
بشره كانت مرتعبه وركضت على طول وركض مازن وراها مسك يدها وهو مو مستوعب وش قاعد يسوي وليه اصلا سحب شماغه وغطاها : العيال بالحوش امشي وراي لا يشوفك احد
\\\\\\\