بقلمي
زينب
.....
بطني لوتني من الخوف
_شتحجين خولة على كيفج وياي وحده وحده كتيتيهن كت هسه ماعاونت اتخطى افنان يجيلي هل ضيم هذا
_جا شسوين هذا هم حظج الفكر هل طوريق مدري شعنده من سالفه مو خالي
_زين ليش خالة هيج تباوعلي معقولة عبالهم عندي شي ويه طارق حته خالد ماحجه وياي مو مثل كليوميه
_لا ابد والله مافكرو هيج اصلا امي تكول خطيه اصيل اذا تزوجت طارق شلون تتحمل امه ماتنجرع وخالد يدري بيج شنو اشو طول الوكت احنه جوا عيونهم يعني حالج حالي يعرفونه شنو
سكتت صافنه ب الفراغ انا وين وهل بطران طارق وين
_اصيل ليش عبدالله معصب عليج وطردج جا انتي شدخلج
_خيولي واحد روحه طالعه من روحه يجي هو فوك راسي خليها على الله
كمت من يم خولة الافكار تتضارب براسي وعيوني مدمعه طول ماسمع كلام خولة
بس عليمن ابجي خلي انقهر وابلع قهرتي واسكت جنت مطمنه خالي بظهري ارجع افكر اذا لعبو براسه وصدكهم شيصير بوكتها
طلعت كتبي وكعدت ادرس جنت اباوع محاضرات ع اليوتيوب بس جان المدرس يشرح بعالم وانا افكر بعالم ثاني
دخلت علي خولة بيدها تلفونها تكول
_امج تريد تحاجيج
_اريد ادرس
كعدت يمي وهيه تسد المحاضره وتسد الكتب
_اصيل امج هاي ليش مخليتها هيج لا هيه للسما ولا هيه للكاع بالها يمجن انتي وافنان
_هيه تخابر ماتسأل عليه تسأل اذا افنان خابرتني وطمنتني عليها لو لا مو حبا بيه
مسحت دموعي النزلت وانا اسوي نفسي مامهتمه
اخذتني بحضنها خولة لو انفجرت ب البجي جنت اكتم بداخلي وماسولف ماريد اضعف يم احد بس بجيت الى ان نهد حيلي
_مو اريد ابرر سوالفها والسوته بيج وبعبدلله بس والله دوم تخابرني وتسألني عليج حته تسألني اذا تدرسين تاكلين تنامين مهتمه لكل تفاصيلج شكد تكلي لحي عليها تحاجيني بس ماتقتنعين كالت سامعه شي عني اصيل مسويتلها شي اجذب عليها واكلها ماكو شي هيه بحدها تضوج فتره وترجع طبيعيه
_لو تريدني صدك ماسوت سوايتها وياي
_هسه حاجيها شخسرانه
فتحي سبيكر وخابريها
خابرتها التلفون بيد خولة وانا حاطه راسي على كتفها
_ها خولة وين ماحاجيتي اصيل
_اي هاي تحاجيج
_اصيل بنيتي ليش ماتحاجيني والله مشتاقه الصوتج
جليت صوتي وانا اكلها
_ملتهيه ادرس يمه مالحك
ضلت تحاجيني وتسألني وتوصي بيه اكل زين وادير بالي على نفسي وانا اجاوبها بدون نفس كانو واجب عليه احاجيها واريد ادي هذا الواجب
اخر شي كالت
_يمه مو خطبج طارق انا كلت الخالج لو تزوجها الطارق احسن وين يلكه مثل طارق
صدمتني حيل بكلامها وهيه تعرف طارق واهله شنو
.....
_شني بنيامين السالفه لعب جهال اختها ولازم تعرف والله اذا سألتني اسولف كلشي مالي دخل مو خطية مخليها هيج ماتعرف راسها من رجليها احنه العايشين وياها ماتعرفنه منو وشنو السالفه
_ولي من وجهي جرثومه دوختني
كالها واختفه صوتهم ثنينهم
كعدت افكر باصيل شنو سالفتها ليش همه يعرفون وانا ماعرف شنو الصاير معقولة انا فاقده الذاكره واعرفهم قبل وناسيتهم ليش يعرفون كلشي عنه
امتله راسي بهل افكار اجيب منا واحط منا اريد الزم راس خيط ماكو
اخذت من علاج مهيمن الي يخليه ينام مال غثيان بس علمود انام وصدك ساعه ونمت
صوت طربكه جرثومه وصياحه فززني ضليت بفراشي متكاسله اكوم افتح عيوني واسدهن بتثاقل حسيت تاثير الدوا بيه ماكدر اصحصح
كمت من فراشي من سمعت جرثومه يدك باب غرفتي حته مهدي كعد
فتحت الباب الجرثومه كبالي وهو لازم جدريه ويطبل بيها
_جان صاحبها وخذاها وجان صاحبها وخذاها
_الناس تكول صباح الخير
_عيني ست الحسن والدلال حضري روحج ترحون تعقدون جناين اخر وكت يكعدن الظهر انتي بس صيري جنتنه اله ادبج لله
_جرثومه وكتك هسه
_ انتي وذاك الكرن رافعين خشمكم علي شبيكم مادري
باوعتله ضاج من حاجيته هيج
_هيي لاتضوج اشاقه وياك شبيك عود صاير يضوج استاذ سراج وين بنيامين
_طالع
_اريد احاجي
_هسه بدلي وبعدين الله كريم
دخلت للغرفه اباوع المهدي كاعد بوسته وانا اضحك وياه
_ياهلا بهل صباح شنو اليوم متاخر بنومتك
_هو جرثومه يطربك من الفجر لهسه الله خلانه ننام بس انتي غاطه بنومتج مسوي صدك عرس
ابتسم وكمل
_بس هو صدك عرس غير انتي وبنيامين راح تنخطبون وبعد ماراح تروحين منا ولا بنيامين يعوفنه
_قصدك تخطبون مو تنخطبون بس لاصدكت ترا هيج فتره واتركه انا وبنيامين فرق السما والكاع ماتنوالم ابد
_نشووف
قلدت على حجايته بنفس طريقته
_نشوف اي نشوف ثول صاير مستفز نفس بنيامين بعد من عاشر القوم اصبح منهم
_يلا عزيزتي هسه روحي نخطبتي وتعاي
_لا اجيلك
_دروحي
كام وهو يطلع رغم نرزفني بحجيه بس سكتت عنه
بدلت وانا اطلع لجرثومه
_كللللووش
_وسم
_جا حطيلج حمره كحله عيونج شكدهن فاهيات
_اهووو جرثومه والله ابطل
_روحي حطي مكياج
_خابر الاخيك خلي يلفي ترا روحي طالعه منه وين يختفي هذا
_عيني ست جعجوعه على كيفج ويانه برا اخيي يلا سحليها
_بس اصبرلي خل ارجع
طلعت وانا شايطه من جرثومه لكيت بنيامين كاعد ب السيارة صعدت يمه وانا اكله
_اليوم كاشخ فد مره
متانق باخر درجه الي يشوفه يحوفه هذا بنيامين
_ليش كلبي الاناقه بس الج قابل
_ومنو كلك انا متانقه
_انتي لو تلبسسن كونيه هم حلوة عليج بدون لاتتعاركين وياي يلا سكتي
_خلي ناجل العقد ماريد اليوم
_سدي الموضوع
_بنيامين شني سكتي ماسكتي كل ماحاجيك سدي الموضوع ترا مثل ما انته الك راي انا هم يحقلي اختار شوكت اعقد
صاح بيه بصوت فززني
_مو وياي الج راي مو ويه فائق لو وياي
_بنيامين خلي نرجع
وكف السيارة ع الرصيف باوعلي يخزر
_لاتخنزر عيونك ماتخوفني
سحب نفس وهو يكول
_الصبر ياربي الصبر افنان انتي مو طفله واكعد افهم بيج بس افهمج شسوي امري لله اولا مو حلوة كعدتنه بيت بدون مابينه شي شرعي حته لو حبر على ورق يبقى مو حرام علينه اكعد وياج بنفس البيت هواي شغلات مجاي تفهميها ماريد افوت ب العميق بس فهمي الي كتلج عليه ووالسبب الاكبر ماريد فائق يبهذلج صيري وياي مو ضدي افنان
درت وجهي عنه ابلع بغصتي مدمعه عيوني
رجع راسه ع الكرسي وهوو يكول
_خلص مو اليوم مو اليوم بعد لاتبجين
_لا كمل طريقك خنخلص من هل موضوع
كمل سياقه لحد ماوصلته لبيت كال بيت صديقي فتت للبيت مابي احد بس شيخ ويه ناس سمعت يحجون ويه بنيامين ضليت واكفه بباب للهول وهمه كاعدين اختنكت حيل والدموع متجمعه بعيني كوة انطيت موافقتي للشيخ ضل بنيامين يسولف وياهم وانا ب المطبخ انتظره
طلعو ضل بس بنيامين وصاحبه
صاحلي وترددت اطلع
تالي هو دخل علي
_ماتجين
_خنرجع للبيت
ابتسم وهو يكول
_هسه شبيج تبجين
من كلي هيج زدت ب البجي وصاحبه يكله
_يلا نكلع بنيامين اريد اطلع من البيت واقفله بسرعه
_رايح خويه جا هيج تطردني
تقرب علي وهو يمسح دموعي كرصته بايده حيل وانا اكله
_خلي نرجع للبيت وانا اعلمك
تجاهل حركت كلبي وهو يضحك بقوة
_شتعلميني جعجوعه
_خوش خلي حجي يفيدك جعجوعه تاج راسك خبيث
_امشي لاتضلين تفصمين الجلحه
_خوش بسيطة ابو السحور مسوي محبه للناس ماضال واحد مايحبه حته صاحبه
_انشالله جاي دورج
_لو تموت
_هسه امشي امشي بيت الناس وتعاركين
طلعت وراه من باب المطبخ الي على الطرمه
رجعنه للبيت واحنه محد يحجي ويه الثاني ساعه اتندم وساعه اتذكر فائق اكول انا هسه بامان
لكيت داهيه نايم يم مهيمن ب الغرفه وثنينهم غافين دنكت على مهيمن ابوسه وانا اكعد يمه
همس بنيامين الواكف ب الباب
_عوفيهم ينامون
كمت من يمه ممرود كلبي عليه واضح التعب بوجهه
جاي انظف ب المطبخ واجه عربيد وجرثومه دخل جرثومه يصيح عليه
_تعوفها لا وحق علي ادفنك هنا هواي زودتها عربيد اخوي الجبير ومحترمك لحد هسه
_ماعوفها وشتريد تسوي سوي
_ضل بهاي سوادينك واذا باجر طحت بمصيبه لاتكول جرثومه انته وخوانك الساكتين عنك يوو هسه انا شعلي حارك كلبي
جنت مركزه بحجيهم وانا اغسل مواعين دخل جرثومه فززني وهو يكول
_ماكو جاي سطرو راسي والحمزه
_هسه اسويلك
سويتله جاي وصبيتله كعد يكلب بتلفونه وكل شوي وتنهد ماتحملت اسكت وكتله
_شبي عربيد
_خيولي طلع روحي وهذول الك** ساكتين عنه
حسيته مايريد يحجي الصار سكتت عنه انوب كال بهدوء
_جنت اضحك عليه شلون يريد خولة وهو بس شافهه شنو البيها مميز بس من شفت عاتكه صرت مخبل اكثر منه وصرت افكر نفسه حته عيوني تلاحكهه بدون ماحس على روحي احس روحي هناك معلكه بس مجبور اسكت واغض نظري عليها لان البنيه راحت بحال سبيلها مو نفس هذا الخبل هسه فهمت شعورة بس مجاي افهم سبب لحته الزايده
حسيته يحجي بقهر رغم اكثر واحد يسوي هوسه ب البيت بس اكثر واحد هادئ بيهم بالمواضيع الجديه
_لاتضوج جرثومه مثلا عربيد شراح يسوي الخولة وهيه عند اهلها مايتجرأ يسوي شي وانته اذا الله كاتبلك عاتكه ماتروح من ايدك اكيد
هز راسه ساكت
خلص اليوم ومحد ب البيت بس مهيمن طول الوكت نايم وانا نايمه يمه عيوني ثكال من الدوا ماكدر اصحصح
لليل ندهني مهيمن
_كعدي تعشي افنان ليش هلكد نمتي
رفعت وجهي اباوع للساعه تالي ليل وكت متاخر
رفعت جسمي المكسر وانا اكعد صار كبالي مهيمن حضنته وانا ابوس بي
_شلون صرت هسه
ضل فتره حاضني وهو ساكت جنت من انام يمهم انام بحجابي ماريد يشوفون اثر حروكي لو اثر سامي الحقير
تنهد وهو حاضني
_شبيك مهيمن خوفتني عليك
_ماكو شي هواي شتاقيتلج ماعبالك يومين رحت احس صار سنه ماشايفج
_ضل بالي يمك مامتعوده عليك هيج تطول بالعلاج
_قبل لا تجين هم جنت من اتخربط ب المستشفى اضل بس هسه تعودت ع العلاج هسه كومي خل ناكل جوعان كلش
_كمت وياه لكيت بنيامين يحضر ب الاكل مسوي مكليات وجايب خبز وخبز شعير المهيمن دائما يجيبله اكل وياه مايخلي ياكل لحوم او حلاة
كعدت يمهم اكل وهمه ساكتين كال مهدي
_بنيامين باجر خنطلع ب الدراجه نفس اليوم
_وين رحتو
_جبنه مسواك بس والله حلو هوى الشارع مليت من البيت
_منيلكم دراجه
_بنيامين باع سيارته وجاب دراجه
_وجرثومه شو مهو
جان بنيامين مدنك ياكل من احاجي مهدي من كلت هيج رفع راسه يباوعلي باستفهام
_شتردين من جرثومه
_هيج ماريد شي مايصير اسئل عليه
خلصو عشه وانا ضليت اكل على كيفي النعاس طاغي علي
_افنان
رفعت راسي لبنيامين الكاعد ع الكرسي ومهدي مهيمن اسمع صوتهم ب الهول
_اريد جاي
_سويلك انته
_لابلة شبيج اليوم عبالك سكرانه
_محد سكير غيرك
_هسه اطيح حظج
_هو شلون حظ معفن لو عندي حظ حلو جا ماكابلتك
_ولج انتي مايجي بعينج شي ماتصيرلج جاره وعلي ابن ابي طالب من اغسلج هسه غسله احد يلومني
_مو بكيفك هوا
طلع يهز بايده ويدردم بصوت ناصي
خلصت عشه وانا اغسل المواعين حسيت بنيامين وراي مد ايده ياخذ بيده ماي عبالي راح يغسل ايده بس اخذ ماي وغسل بي وجهي فزيت من برودت الماي
_بنيامين باارد ولك مو هيج
درت عليه كارصته من ايده الغسل بيها وجهي
_اليوم شبيج بس تتثاوبين صحصحي بنيتي
تذركته من يكل للطفله الشربته بنيتي
_شو وخر شني بنيتي انا طفله وتكول هيج
_لا وينج وبن الطفله
_جا المن مصحصحه اريد انام
_روحي الله وياج
عفت المطبخ وطلعت لكيت مهدي ومهيمن كاعدين ع التلفزيون ب الهول بعد ما اشترالهم بنيامين تلفزيون وتخم
حاولت انام ب الغرفه بس اتكلب طلعت لكيت مهدي ومهيمن نايمين ع القنفات كومتهم كوة كامو للغرفه كملو نومتهم جبت غطه لبنيامين النايم على بطنه
طفيت التلفزيون جان حاط بتلفونه مثل الطمية الي يسمعها كل مره قبل لاينام
تقربت عليه غطيته واريد اطفي التلفون جره من ايدي
_بسم الله مو على اساس نايم
_شعندج تفترين جنج سحير الليل
_مانعسانه
_حقج اربعه وعشرين ساعه نايمه
_بنيامين ضوجه احسني مخنوكه خل اطلع
_مو وكت خبالج باعي الساعه بالوحده ب الليل
_بس والله ضايجه اريد انام ماكدر
عدل نومته على ظهره وانا واكفه كدامه
_روحي لبسيلج شي هيج بنطرون وقميص عندج
_اي عندي وين نروح
_مو ضايجه لبسي وتعاي ليبرا
لبست بنطرون قماش وعندي قميص طويل طلعت لكيته صاعد ع الدراجه اجه يمي وهو مبتسم
_الفلج الغتره يلا نطلع
_ياا شنو رايحه سلابه
_يعني اصعدج بالدراجه بهيج وكت افتر بيج عاد لفي وجهج
عنده غتره جانت لافها على ايده فتحها وهو يلفهه على راسي انوب دارها على وجهي خله بس عيوني طالعه
لزم وجهي وهو يضحك
_صارت عيونج تجيب التايه ولج نزعيها احسن
راد يفتحه وخرت ايده
_اذا تكرصين بعد اطيح حظج
_عوفها غيور مايتمنى الخير الاحد كون هو احلى واحد الاجرب
_اااخ يالله يجي يوم ابتر لسانج
_هسه اصعد خاف اتعارك وياك وتبطل
طلع الدراجه وانا وراه صعدت مجرد ماحرك خفت ولفيت ابدي على بطنه طلعنه من المنطقه لشارع العام وهو يسوق بسرعه كرصته من بطنه اصيح بذانه لان صوت الدراجه والهوى يطرش
_خففف بنيامين راح تنكلب بنيه
اسمع ضحكته القويه وانا اتمنى اسد ذاناتي من صوت الدراجه خفف السراعه وهو يكول
_جعجوعه الخوافه
حطيت راسي على ظهره وهو يسوق غمصت عيوني مبتسمه على حجيه جريت نفس وانا احط راسي على كتفه واحجي باذنه
_جعجوعه بعينك انا وين اشبهه
دار علي مبتسم وجه بوجهي لزمت وجهه من حنكه وانا ادورة ليكدام
_هناك عيونك لانندعم
_هسه اشمرج منا وعلي
_وين رايحين
سكت ماجاوب وهو يسوق
_هسه تشوفين
جان كل حجينه بصوت عالي علمود يسمعني نزعت اللثام من وجهي وانا اكله
_بنيامين خل اعضك هنا عليك الله
_تعضيني اعضج
_والله اعضك
عضيته من زنده حيل وهو ولا حاس ولا كانو عضيته
وكف الدراجه ع الرصيف وهو يطفيها وينزل فرك زنده يكول
_حيواااانه خو ما حيوااانه
_شنو تعورت اشو ماعورتك
رفع التشيرت من زنده وهو يشوفني العضه اثر سنوني نابته الجلد ضحكت اكله
_حل حل بعد ايدي كون عاضتك اقوى
_لو ماشارع جا عضيتج اقوى وطيحت حظج جلبه خوما جلبه بنص الشارع تعضيني
ماكمل سوالفه من شاف ولد يعبر سكت وهو يرجع االثام عللى وجهي الولد ضل يمشي وداير وجهه علينه متعجب من وضعنه ضحكت من كل كلبي وانا اشوفه لان صدك شكل الولد وشكل بنيامين يضحك
كعدت ب الكاع عيوني مدمعه من الضحك سد حلكي بيده بيامين وهو يكومني من الكاع صعدت وراه وانا كل شوي اكرصه كرصه ام اللويه اخلي يشيط ب العصبيه واضحك عليه
نزل يم محل اشتره علاكه حلويات وطلع
وصلنه ع الكورنيش ونزلت وهو نزل
_صبريلي خل ارجع للبيت الزماله الخبيثه
_ويكول تغلطين هواي شوف لسانك
_يعني مسويج ادميه ومطلعج هيج تسوين بيه شلعتي بطني من الكرص مو صابيع ابر
_لاتجذب ماتتعور
كرصني بيدي وانا اريد اوخر ايدي منه وهو مجلب بيها
_وخرر اااخ بنيامين مو هيج ماكرصك بعد
وخر ايده وايدي صارت حمره اثر كرصته
_باع شسويت بيدي
_انتي ماتتحملين شسويلج عشتو جلد جعجوعه رقيق الجلحه
_سلميه تطمك على هاي الفاظك معفنه مثلك
راح كدامي يمشي وانا وراه نزل يم الشط كعد كعدت يمه فتح جيس جبس وهو يكول
_اكلي
اخذته منه اكل وانا صافنه ع الشط بس الاضويه عاكسه بي وقليل ناس ع الكورنيش
التفتت عليه لكيته صافن علي انتبهلي وكال
_بيش يذكرج هل مكان
درت وجهي عيوني مدمعه على كد ماضحكت مساع على كد ماحصرتني البجيه هسه
حسيته يعرف شنو هل مكان ب النسبه الي الشخص القريب عليه مايعرف تفاصيلي بس العجيب بنيامين يعرفني ويعرف سوالفي وكلشي عني
ماجنت ادري هاي الكعده وياه راح تكشفلي هواي شغلات
.....
توقعاتكم