انا شوك الغريب الكرب ولاح
انا حسرت هذاك الايس وراح
تعنيت اليخوف جلمتي سلاح
انا العن الشماته بوجعه ترتاح
♤♤♤♤
تصويت
بقلمي
زينب
......
غرفتي الهوسه واصوات ضجتهم ممكن تبث نوع من الطمأنينه بداخلي وعاتكه واسراء كاعدات يمي
ابتسمت العاتكه وانا اشوفها وجهه ب المرايه
_هسه شرايج
_عاشت ايدج بيرفكت ولج يجنن شني هاي مواهبج المدفونه ليش ضامتهن علينه
دخلت علينه الحجيه وعاتكه ضمت روحها وراي
_شو بلا انداري عليه
_عمه خليها ختتونس حالها حال البنات
_الغمه تكول وحده غاطه ب الطحين
_خاله جا هذا مكياجي تعيبين عليه
_انتي وين زلمتج صارله اسبوع ماجايج ومخليج تلطخين بالبنيات
_اندري خاله حته من اخابره مايجاوب خل يجي وانا اعلمه
ضحكت اسراء وهيه تكول
_مبين تخوفين اكيد صايرله ظرف علمود هيج مختفي
اختفت ابتسامتي جريت نفس ورجعت النفس افكاري ليش بنيامين مختفي ليش مايجاوبني
طلعت عاتكه تركض وهيه تسمع صوت اختها التوا اجت
طلعه الحجيه وبقت بس اسراء يمي دنكت الم المكياج وارجعه بجنطته
_حبيبه لاتخافين انشالله يرجع رجلج سالم معليج بعمتي هيه تطك طك بالحجي
جان يوم عيد
عيد الاحضى وكلهم عايشين اجواء عيد وجمعتهم بس انا روحي محتاره على بنيامين
رجعت الجنطه لاسراء لان مكياجها وطلعت بعد ماكلتلي
_لاتضلين وحيدج ب الغرفه تعاي يمنه كعدي
بدلت ملابسي وانا البس فستان الي اشترته الي مياسين ب العيد بليلتها رجعت لخواني ومالبسته
طلعت يمهم بنت الحجيه جانت نسخه من عاتكه سلمت عليها استحيت اكعد يمهم لان جانو كلهم كاعدين حته زوج اخت عاتكه
توا كاعده ودخل مهيمن وهو يدنك يحاجيني
_جرثومه اجه يريدج
حسيت كدرت اتنفس من سمعت بجرثومه اجه اريدلي بس خبر عليهم
ماصدكت اكوم من يمهم اطلع لكيت جرثومه واكف ب الطرمه ويمه ازهر يريده يدخل
بس شفته ابتسمت وانا اسلم عليه
فتح ازهر باب الديوانيه وهيه يريدنه ندخل دخلت انا وجرثومه وهو طلع
ماصدكت طلع علمود احاجي جرثومه
_يعني راح يطير نصكم لو واحد بيكم كلف نفسه وسأل علينه لو كثره بلا فايده انته مايلام بيك بنيامين من يكلك ابو الحراثيم ماغزر الزاد والملح نهار كله اطبخلك ولا اجت بعينك
ضحك بصوت وهو يكول
_وداعت عويناتج مو بيدنه فائق شامر شغله كله علينه
_المسعد طلع من السجن
_شبيج انتي هذا يهمه سجن يهمه ضيم هل طلع بعصريتها نافخ ريشاته علينه
تربعت على القنفه والكوشه بحضني وانا اسمعله سوالفه تونس
_شلون طلع
_يعرف ضباط وين ما ك...ب العراق يعرفه وطلعوه كفاله
_هو على شنو نسجن
_داعمله واحد بحادث وشارد والداعمه متوفي شايفن رقم سيارته بكاميرات لان جام يم سوك
لطمت على وجهي ممرود كلبي من سوايت ابوي
_صخام الصخمه هسه بنيامين وين ليش اخابره مايجاوب انا اعلمه والعباس بذاتين انتم شمرتونه هل شمره حقكم ملتهين بفائق وين الكم خلكنه
_دصبري هسه جايج ب الحجي من رحنه منا لكينه استاذ داهيه لاعب لعبته ويكل البنيامين اريد اخطب كرايب افنان هاي البنيه الاجت ويه اختج
_يبوو على عربيد تخبل هل مسودن ولك هذا مو اعقلكم شبي لو يموت خولة ماتقبل بي من كد مامخوفها خطيه
_هو مخوفها لو يابت ناس تقبل بينه احنه على شغلنه وقذارته
_باع مهما يكون شغلكم شفت بيكم روح المحبه مو النه صح بس خوفكم على بعض واحد مساند الثاني رغم بنيامين مو اخوكم بس تحبونه اكثر من نفسكم هذا كلش كافي يخليكم تعيشون بكرامه بس عربيد مستحيل افكر بيوم عربيد وخولة انته ماتعرف خولة شلون وحده فطيره وعلى نياتها
ماعرف شلون افهمك بس خولة بت دلال وحيدة امها تعرف شنو يعني دلال ابوها كله الها مايوم حته عصب عليها مو تجي يم عربيد انا اخاف اباوع بوجهه
هز ايده وهو يكول
_مسودن هل ولد يكل البنيامين اذا ما اخطبها ماخليها الغيري
_على بختك سراج حاجوه سووله شي فدوة اروحلك خيطلع خولة من راسه انوب يهي خولة ياربي عقلي راح يوكف شلون فكر بيها اصلا ساعه السودة الاجت بيها
_جاي نحاجيه شنسويله بعد
_شو كل ما اسألك على بنيامين ساكت
_مابي شي عرج مايطكه هو طنكورة
_جرثومه
_جا قابل جذب يوميه متعارك هو وداهيه
_على شنو
_داهيه مايريده يكعد بالبيت يكله اكعد يمنه ورجلج مايقبل معنفص علينه داهيه يريد يلعب ويه فائق ع المكشوف ورجلج متخبل
_مافهمت شنو يلعب ويه فائق
_يريد يطيحه واذا راح فائق احنه ننسجن
_شمسوين
_سوالف ماتخلص افنان مو وكته هسه بيت العالم احنه راح اخذ مهيمن وياي من اليوم نطلع لكربلا نزور اريد ازوره وانوب نروح للمستشفى
وراها اجي على مهدي هم يشيل الجبيره
_ليمته نضل هنا
_تردين ترجعين تعيشين مثل الرعب العشتيه
_اكيد لا بس سراج هنا ماعرف احد ماكدر اختلط بيهم باع بكل صدك من صرت يمكم عبالك اعرفكم من سنين هنا ماكدر اختلط وياهم هواي يضلون يسألوني هواي اسئله حته ماعرف شجاوب عفيه سراج حاولو تقنعون بنيامين يترك البيت ونطلع غير بيت
_هو يقبل موتنه وعلي لو اكضه اكسر سنونه بحلكه حارك كلبي كلش هل وليد
_شوف حاولو تقنعه يرد على اتصالاتي هسه انا شمسويتله ومايجاوبني علمود انا اقنعه نطلع من بيته
_يكول تضل تسألتي يمته ترجع وهو يريد يخلص من سالفه ميمون يلا يرجعج بس من تحاجينه ب الهداوة هليام روحه بخشمه مدري شبي
_يعني اذا خلص من ميمون خلص مايخطبني بعد ميمون وراح
_لا والله يروح ميمون يجي الاطكع من ميمون هسه روحي جيبلي ماي نشف ريجي وانا اسولف وانتي ماخذتني بسوالفج حاصل فاصل
عساك على ماي هسه اجيبلك
_وياج كلي المهيمن يجي تاخرت
ردت اكوم اجيب ماي وندك الباب دخلت عاتكه بيدها كرزات العيد وعصير
خلتهن ع الطاولة وهيه تسلم اباوعلها حته ماحطت عينها بعين جرثومه وطلعت ضحك جرثومه وهو يكول
_دباعي هاي النسوان الزينه جا مثلج بس حش ونميمه
_يا جرثومه غير صارلي اسبوع ماشايفتك
_عطشانه ع السوالف ادري بيج بس اوكفي ليش حاطيلي كرزات
_اليوم عيد بابا وين نايم انته
_وانا اشوفكم متأنقين هو رجلج خلانه نتذكر عيد نتذكر صخام هو وهذا العربد عربيد ابو صماخ اليابس
ضحكت عليه وهو يحجي بحركه كلب صفن وضحك
_ياا تضحكك غزيلاتك
همس بصوت ناصي
_هاي المجكنمه منين
_ بنت عمت بنيامين
صوفر بصوت ناصي يكول
_والاثول بنيامين شلون يفوتها والله غبي راكض وراج وانتي مامعبرته وعايف هل جمال جا شبيك يبا مدري وين عفتنه ورحت حته بنات عمه ماعدنه المكرودين ضالين ب الضيم
_ترااا زودتها بنيامين مو رجلي وبنيامين مو عيونجي ونسونجي مثلك حته يباوع للبنيه
_ااااه انا نسونجي
_لا بالله وعيونك الرادت تطلع من شفت عاتكه
_يايابه يابوية اروح فدوة الاسمها
_هاك استلم اروح اصيح المهيمن احسلي
_روحي فكيني
_بس باع لاتخلي بالي يم خولة ماكافي البراسي انوب
طلعتلي خولة صفح كض خوانك عدل وبنيامين خيجاوبني لا والله ارجع للبيت ولا عباله اخاف ماوصيك حاجيه بعد كله ارجع اذا مايرد
_يابه ماشي شي ثاني
_باع سؤال محيرني
_سألي مرارتي راح تطك
_ليش ابوي مايريد اصيل ليش يتخبل من طاريها صح انا ماشفت ابوي هواي وبكل مره اشوفه تصير مصيبه بس مهدي ومهيمن يسولفولي شلون كل مره يغلط على اصيل ويذمها وينكرها
تغيرت ملامح وجهه الجديه
_هذا السؤال سألي البنيامين ماعرف شي عن الموضوع
_عفيه جاوبني الف فكره براسي خايفه عليها حيل
_سألي بنيامين ماكدر اتدخل بهيج سوالف
_سراج
_روحي روحي صيحلي مهيمن وين راح هذا دوختيني
_لخاطري سراج هاي اختي جاي اتعذب من اشوفها حايره بحياتها وليش امي هيج وياها
جر نفس وهو يكول باستسلام
_بس نرجع اسولفلج كلشي
_والله
_والله اسولفلج
كمت من يمه كلبي حاسني اكو شي جبير احاول انكر هذا الاحساس بس تاكدت هسه من شفت وضع جرثومه شلون تغير
_صحت المهدي الجان واكف يم الباب حاجيته علمود يروح
حضرتله جنطه زغيره ملابسه وعلاجاته
طلعت للكراج لكيت مهيمن وجرثومه يصورون
حطيت الجنطه يم جرثومه اكله
_دامك بعد مارايح انطيني رقمك
جان مندمج يصور هو ومهيمن مدلي التلفون يكول
_هسه اخذيلنه صورة حلوة
اخذت تلفونه اصورهم انطه التلفون المهيمن يصورنه
وكفت يمه اضحك عليه وهو يكول
_اله احرك كلب بنيامين الخايس شالع كلبي اله اكله طلعنه سفره ضل انته نايم ب البيت واليوم انتي خوش كاشخه كشخه حلوة طالعه برنسس
دار مهيمن التلفون وهو يكول
_صارت حلوة
اباوع للصورة صدك حلوة لان جنه نسولف واضحك عليه
_باع دزلي الصوره ماشي
اخذ تلفونه طلع صعد سيارته وطلع وراه ضاري يسلم عليه ويكله مادري بيك يمته اجيت
صعد سيارته وانا اشرله ع تلفوني بمعنى حاجيني
راحو وانا اقرا وراهم ايات
رجعت للبيت لكيت عاتكه واختها ب المطبخ يصبن عصير
ابتسمت اخت عاتكه وهيه تكول
_ماكلتيلي عاتكه منو الحلوة
_زوجه بنيامين
بوستني مره ثانيه وهيه تحاجيني ضلينه نسولف وهيه تسألني وكوة ادبرلي جذب والزك ب الحجي
راحت للهول تاخذ العصير الهم وانا صرت اغسل بمواعين الريوك ويه عاتكه دخل زوج طوعه اخت عاتكه وهو يكل العاتكه
_شلونج عاتكه
_بخير سامي
كالتها بدون ماتباوعله التفتت عليه لكيته يباوعلي من فوك ليجوا وهو مبتسم نكثت ايدي من الماي وعفت المطبخ كلبي يدك سريع احس كلبي راح يطلع محد مباوعلي بهل نظرات الوصخه وهل قرب شكد ضليت ويه بنيامين ماسوا هيج
مر يوم العيد بهوسه وانا خانسه يم الحجيه الي كل البيت صغير وجبير يسموها ماما ملكيه
بيدي تلفوني خابرني بنيامين ماصدكت من خابر باوعتلي الحجيه وهيه تكول
_يمه انيطني خل احاجي هل مصيوب حته مايخابرني لاحس لانفس
فتحت المكالمه تحاجيه بعد ماحطتلي عاتكه نت قبل كم يوم
_ولك حقير ماتكول مرتي احاجيها
فتحت سبيكر وهو يضحك بصوت ويحاجيها اول مره اسمع صوت ضحكت بنيامين هيج واتخيل شكله بالي من يضحك
_عمه وعيونج تعبان من الشغل وانتي شفتي رجلي توا يلا كدرت امشي عليها واشتغل مالحك والله
_سوده عليه مو اكلك يمه لو تجي يمنه ننطيك حصتك من ورث ابوك وتعيش يمنه معزز مكرم
_تعيشين عمه والله ماكدر حته اطالب بورث او ب الاحرى مايحقلي انتي شلونج
_زوينه انا بس هل فرخه عايفها حته ماتشوفها ماتخابرها كل ماسألها خابرج شلونه تكلي مادري هسه ماصدكت من خابرتك ملهوفه عليك دباع حته وجهه ورد
_هههههه والله عليج سوالف عمه انطنياها احاجيها
اخذت التلفون منها وانا اكلها
_من رخصتج خالة
كمت للغرفه احاجيه
_ماتنلام بيك ماما ملكيه من تكول عنك حقير لا مو بس حقير بذات هم عاد اجينه بالك لا لو عفتنه هنا وماصدكت ترتاح بدونه
_وحق الله كلمه زايده اجي افلش راسج وجرثومه يكلي ليش ماتجاوبها على هاي سوالفج تردين اسولف وياج
_ليش ماتجاوب
_مافارغ
_شسوي مثلا
_مافارغ وبس ارجع للبصرة واجيج
_ليش وين انته
_بغداد
_من يمته
_من البارحه طلعت خلصتي تحقيقج
جريت نفس وانا الاحظ نفسي شكد سألت
_امج تخابرج ليش ماتحاجيها
كعدت ع السرير ماعندي جواب اله غير سكوتي
صاح ب السماعه فززني
_مووو احجيييي
_ماريد اجاوب
_تجاوبين احسلج انتي مو طفله وهيج مخليه كلب امج يمج بخوف
_كلي اصيل ليش يضوج منها فائق ومايريدها
_هسه حاجي امج وصيري ادميه ومن اشوفج احاجيج بهيج مواضيع لاتشلعين كلبي افنان والعباس تعبان ديري بالج على نفسج لاتطلعين هواي من الغرفه ماشي عينج على مهدي ومو تنسين علاج مهيمن خليهم ياكلون زين مو يضلون فاهين ب الاكل
_بنيايمن خلي نرجع للبيت مختنكه هنا
_بس صبريلي فد اسبوع
_شراح تسوي
_اذب ميمون ب السجن اكو اوراق انتظرهن بس خلي يوصللي انوب ارجعج
_مو لبيتك نرجع نطلع غير بيت
_شيلي الفكره من راسج
من طريقه كلامه عرفت ماكدر اناقشه بعد والموضوع حاسمه
سكت وانا سكتت شوي ورجع كال
_مامبين مخنوكه ضحكتج شكدها ويه جرثومه
_تدري بجرثومه سوالفه حلوة محبوب اكو واحد مايحبه
_اي حبيه ليش ماتحبينه
_اي حلوة روحه ترد الروح اكو بشر من تكعد يمه يضوج خلكك وبل سنه مره تسمع ضحكته
_ولي ادبسزز كاعده دور ضحك وسوالف
_جا هيه الحياة شنو بيها باجر عكبه ميتين
_الزريكه تريد تموت من وكت لاتخافين تعفنين على كلبي تكعدين عجوز على كلبي وهيج تشلعين كلبي تموتيني هرفي الوكت
_ياا متوازيه اعيش وياك لحد ماعجز هو بس خلي اخلص من فائث بعد ماتشوفني
_منو اول ماجه تحلف الفائق والي اشو كلشي ماكو
_هوا انطاني وكت نخطط نفكر مغركنه بهل مصايب وراجع ليورا ثاني شي لاتكلي الزريكه ترا تحسست من كلمتك
_والعباس زريكه وشعرج كناكر مدري شلون صرتي حلوة من كبرتي جنتي عيع دبسه جنج عبسي
_لابله وشدراك بيه زريكه صح من جت زغيره جنت سمره مو زركه وشعري حابيته شدخلك بي
_عيع سيمه مالت ماعين شنو عبالج ناسيج المدعبله عود كبرت صارت حلوة
_هيوووو انا خابرتك تسمعني سوالفك الماصخه بعدين وين تعرفني وانا طفله
_يلا ولي دوختيني
كالها وسد التلفون بوجهي عضيت اصبعي اكول بقهر هسه اذا احضرك وافتك منك احد يلومني بس شلون احضرك معناها تنسانه هنا وتدير وجهك
مرت ايامنه طبيعيه مثل كل يوم يمر
لحد ماجت موعد ياخذ بي جرثومه مهيمن علمود ياخذه للمستشفى جنت بكل صلاتي ادعيله
كل ماشوفه تعبان ورا ماياخذ الجرعه ينهد حيلي عليه خصوصا الايام الاخيره حيل تعب
كعدت الفجر لكيتهم كلهم يحضرون بغراضهم يردون يطلعون للزياره بس عاتكه ضلت يمي وازهر
سلمت عليهم والحجيه توصيني على نفسي وانتبه النفسي
سويت ريوك المهيمن وانا اكعده بعد مانتظرت جرثومه يجي
للصبح هو اجه جنت نايمه من اجه اخذتني الغفه لان كعدت الفجر
كعدت محد ب البيت بس انا مهدي وين مو جان نايم يمي
طلعت للهول اريد ادور عليه واصيح باسمه بس مهدي ماكو
ردت افتح الباب مقفول
رحت للمطبخ ردت افتح باب هم مقفول
تصويت
.....
توقعاتكم
...