......
بقلمي زينب
تصويت
......
_مشتاقلج
غمضت عيوني وانا اكول لامفر منه واضح شكد مفضوحه جذبتي وبس خالو صدك لان خالد قنعه جنه يم صديقه خولة
_تشتاقلك العافيه
قرب وجهه الوجهي وهو يكول
_شسويتي بهاي اليومين
_ماكو شي مياسين شوكت تطلع من المستشفى
_صارت احسن باجر يجيبها ابوي
كالها وقرب خشمه الخدي بتعدت عنه لزم معصم ايدي
_رحتي الافنان
فتحت عيوني متفاجأ منين عرف شلون عرف ومحد كله
بلعت ريكي بخوف منه لا اكدر اجذب ولا اكدر اكول الحقيقه
رجع قرب وجهه الخدي وهو يحرك وجهه يم وجهي غمضت عيوني استشعر انفاسه
_مو انا الي تضمين عليه اصيل وهنا حبيتج ماكدرتي تجذبين
سطرني بحجيه حته ماكدرت اكول شي
قرب شفته الشفتي يحجي
_تخابريها
هزيت راسي باي ابتعد عني وهو يطلع تلفونه خفت من هدوء عبدالله
خابرت افنان جاوبتي وهيه طالعه ماكدرت احاجيها
سدت المكاله واباوع العبدالله الجان كاعد يمي تمدد على سرير وايدي بيده
انطيته التلفون وكال
_منو المسوي بيهم هيج
_مادري
قربني اله وهو يحط راسه على رجلي حط ايدي على كصته جمد الدم بيه ماريد هل قرب ولا اريد هل هدوء
_راسي ياذيني
حرك ايدي على راسه بمعنى دلكيلي
ضليت ادلك راسه وهو مغمض يكول
_شخبار الدراسه
_مجاي ادرس
_ليش
_جنت خايفه على افنان وتفكيري يمها هسه طمنت عليها
سكت شوي ورجعت كتله
_رحت يمها لان مهدي خابرني جان يبجي متوجع من رجله ومهمين مغمي عليه
فتح عيونه يباوعلي
_وانتي
_شبيه
_شنو جان وضعي
_خفت عليهم
_شلون رحتي ماخفتي
_خفت بس ماكدر اكعد وهمه هيج متاذين
_سويتيها هسه المره الجايه الي حجي ثاني وياج اااخ لو ماتعبان
_شسوي
_اموتج
شلت ايدي من راسه مضيقه عيوني باستفهام ابتسم ودار وجهه صار وجهه بجهت بطني
_وبطنج شلون صارت
_زينه
قشعر جسمي من قربه
_عبدالله
_همم
_روح البيتكم
_هذا بيتي
_روح ارتاح بغرفتك مو تعبان انته
_الصبح ترحين للمعهد وتدرسين كافي تسخت ماشي
_ماريد اروح
رفع راسه يباوعلي
_افكس عيونج الج اذا مارحتي
_انا مو طفله وهيج تحاجيني
_جبيرة مو تصرفي تصرف جبير شوكت ابقى اكلج خلاصج بدراستج اصيل لشوكت
عدل كعدته وكعد كبالي
_تردين تشوفين افنان مره ثانيه
_تريد الصدك
ابتسم يكول
_لا جذبي علي علمود اموتج
_اريد اشوفها واطمن عليها بس خاف اكلك وخاف عبالك اروح مره ثانيه
_هذا هو اذا نجحتي ب التمهيدي اخذج
_جا التمهيدي بعد هواي هنا هنيا
_لا هم يالله درسي عدل يلا اخذج جا اذا اخذج هسه شيكولون عليه وين موديها عاد بعدين من نخطب اكدر اطلعج
_عبدالله تحجي صدك
_مو تكولين حرام كعدتي يمج هسه وكت خطوبه
_اي طبعا حرام بس مو كل كعده كعده هسه من اكعد يم خالد مو حرام لان محد يلزمني مثلك
جاي احاجي وعيونه على صدري رفع الدشداشه من الاكتاف وهو يكول
_ليش تلبسين هيج ملابس جبيرة من الصدر
_ماعندي اسود مالات خولة هذن
_ليش ماكلتيلي اجيبلج
_لا انا راح اشتري
كام وكف يريد يروح وانا كمت وراه
_عبد
_حياته
_خلي نحجي الصدك
_اروح فدوة ونذر للصدك
_ليش ماسألتي ع الصار وياي من رحت الافنان اشو عندك عادي هيج انا ماهمك
ابتسم وهو يقربني اله حضني وهو يحط راسه على كتفي بلعت ريكي بخوف اريد ابتعد عنه بس مقيدني باديناته
_صح بعيد عنج بس عيوني يمج اعرف كل تفصيله عنج هيج ترديني وتردين تشوفين انتي شكد مهمه عندي ماباوعتي بوجهه طارق
_يمه هاي بس لا انته هيج ماذي
_اي
_خطيه عبدالله والله حرام مو هيج تخيل احد ياذيك هيج
_علمود يبلع لسانه ويسكت تجاوز هواي وياج
كالها وخله راسه بركبتي نمل كل جسمي تشنجب حته ماكدرت ابعد عنه
_هنيالي على هل حنيه
بعد راسه وهو يباوعلي مبتسم
فتحت عيون بثقل كوة احاجيه
_وخر عبد
وخرت ايديه من خصري ومستمر يبتسم بعدت عنه احاجيه
_توزع ابتسامات اليوم
_هو اليكابلج مايوزع ابتسامات
باوعتله بطرف عين اختفت ابتسامته يكول
_مو اجيج
_هسه شلون تطلع
_من الباب
_وماجد جوا
طلع بدون مايهتم الحجيي
صفنت ويه روحي ليش من اشوفه انسى كلشي بس بنفس الوكت اخاف منه من يعصب
دخلت خولة وهيه تهز جتف
_العب بيها يابو سميرا هاا ها بشري عرستو
_من اكوملج امشع شعرج احد يلومني محد غيرج يدخله
بوستني وهيه تكعد يمي
_انشالله ادخله عليج بليلة الدخله نذر عليه
_اهوو خولة مو وكتج
_يابويه مسطورة جا انا عود ماجيتج من طلع عبدالله كلت خاف الكاها خدرانه وعبالها انا عبدالله وتغتصبني
دفرتها بطنها وانا اكلها
_والله اموتج هيووو طوختيها مو هيج خولة
_ههههه والله اشاقه
خلصتها علي ضحك
_عبد وين يدري رحت الافنان
_تلكين خالد كتهن اله كت خوليد لو لا
ضلينه نسولف لحد ماقبلت تنام يمي
كعدت من وكت علمود اروح للمعهد لكيت عبدالله بسيارته بدلت وطلعت بعد مامرت خالو لحت عليه ع الريوك بس ماشتهيت سوتلي لفه
صعدت وانا اصبح عليه
...
_ليش ب السجن هاي صدك لو تتشاقه
_يمعوده يطلع هسه يومين الكاه فوك راسي
_انته وياه عليه مافهمت
_افنان مهما يصير مو انا الاعض الايد الي نمدت الي ساعدني بوقت جنت اموت بي ومن واجبي اساعده بهيج وقت
_وانته تعرف هو سبب بالي صار امس
_هو سبب بكلشي بس يجي يوم والله ياخذ امانته بوكتها ماريد اتندم
_هسه هو ليش بالسجن
_شغلات ماتفهمينها
_خوش خلي الفهم الك يالفهيم
كلتها وسديت التلفون محترك كلبي منه دائما يستصغرني بسوالفه صليت ونمت دكت عليه الباب البنيه حته ماعرفت اسمها سويت روحي نايمه مالي خلك احجي ويه احد وبنيامين كلش نرفزني
كعدت على صوت مهدي وبنيامين وهمه يسولفون بصوت ناصي ضليت متمدده اسمعلهم
جانت كل سوالفهم عن البارحه وهمه يحمدون ب الولد الوياهم
كعدت اصبح عليهم
_وين نمتو للفجر انتظركم
_نمنه يم الولد
_منو همه
_ولد الحجيه ازهر وفارس
_تريكتو
_ترا تغدينه
باوعت للساعه الظهر طلعت من الغرفه وانا اشوف الحجيه كاعده تشرب جاي ويمها نسوان
_السلام عليكم
_وعليكم السلام
وكفت ماعرفت اكعد لو اروح وانا كاعده بهيج وكت اشرتلي الحجيه ع المطبخ وهيه تكول
_يمه روحي يم عاتكه للمطبخ صبيلج لكمه اكل
رحت لكيت نفس البنيه الشفتها الصبح تنظف
ابتسمت وهيه تكول
_ها غدارة وين ريوكج وياي
_مو نمت بس اصلي انعس ماعرف شلون نمت
_حبيبه تعاي اكلي
غسلت لكيتها صابتلي اكل كعدت وكعدتها يمي
باوعت للهول وهيه تكول
_امي عرفتج ع الموجودين
_منو منهن امج
_الحجيه مُلكيه
_لا ماعرفتهن هسه انتي بنتها هم عندج خوات
_متزوجات كلهن بس خواني مامتزوجين شفتي ضاري ابن اخو امي يعني ابن عمي ومضر اخوي هاي المره الي هناك يم امي هاي اسراء مرت مضر اخوي واليمها سرور مرت ضاري هسه فهمتي
_مشالله الله يحفظهم
_ويحفظج حبيبه واليم سرور هذن بناتها مروة وزهراء ثنيناتهن بس حقنه شوي فتجنبيهن
هزيت راسي وانا اكل وهيه تحجيلي عنهم مبينه كلش محبوبه صاحتلها امها راحت يم امها
كملت اكل وغسلت الماعين رحت للغرفه تحت انظارهم لكيت مهدي يحاجي اصيل الي مخابرتني من خولة انطاني التلفون وهو يكول
_كليلهم خيحطولج نت ليمته تضلين ع الرصيد
_بعدين عود
اخذت التلفون منه وهمه يباوعون على فلم مشغلين التلفزيون
_اصيل
_مشتاقتلج
_شلونج خوما عرف خالي انتي اجيتي هنا
_لا مايعرف مو خالد كله رايحين الصاحبة خولة مريضه وتريد تشوفهه
_يااا وصدك جا خولة اجت وياج
_اي جبتها بس غير الثور العندكم حط المسدس براسها خلاها ليلها كله تتحلم بي
_بس لا جرثومه
_يمهه افنان شلون متحمله انوب حته اسمائهم الله كالبهن لا مو جرثومه مدري شسماه خالد مرعبد مدري شنو
ضحكت من كل كلبي من كالت هيج
_ولج عربيد صح هو عصبي بس زين علمود توبين بعد ماتجين
_هسه سولفيلي شصار وياج
_ضليت اسولف وياها ع الصار وياي جنت كل ماحاجيها والتفت على مهدي ومهيمن الكاهم يباوعون للتلفزوين بس ادري اذنهم وياي
ماسولفتلها على الحرك ضليت اسألها على امي
_ليش وين تلفونج انتي
_شنو نسيتي من قبل لاترحين كتلج تلفوني ماموجود واحد داز رسايل العبدالله ويحجي على عبدالله هاي بليلة العيد لمن رحتي وجبت تلفون ثاني وهم مثل التمسلت هذا ابن خالو احمد مافك مني ضل بس يراسل وسوالفه ماصخه عبدالله ضل يحجي علي ولكيته ضاربه مورم وجهه اله فكسرت الشريحه ماريدها لعبت نفسي سوي نت وبرامج علمود احاجيج من تلفوني على غير برنامج
_ماشي بس اصيل موضوع موتني من الحيره يعني من خابرتج ورا ماجيت هنا باعي انا ماخابرتج من تلفوني خابرتج من تلفون خالد الاخذته لكيت رقمج الجديد يمه بس المصيبه امي الجاوبت ع الاتصال جان عبالي انتي رحتي يمها لو هيه اجت يمج يعني تتوقعين هيه الماخذه تلفونج ودازه الرسايل
_لا افنان مستحيل هاي امي شنو مصلحتها هيج تسوي ويه عبدالله تعرفين هيه شكد تحب عبدالله ودومها معتمده عليه لو رادة شي
_واضحه السالفه اصيل ليش نضحك على روحنه
صاحت بيه بصوت مبين ماتريد تصدك
_شبيج تخبلتي افنان هاي امي تعرفين شنو امي ليش تخرب علاقتي ويه الناس انوب ويه عبدالله ليش انتم عبالكم بيناتنه شي انتي قبل لاترحين توصين عبدالله عليه برساله وامي تحجي حجي ماصخ مال جهال وياه حته هو مبين مامصدك والمصيبه مو هنا المصيبه انا من قريت الرسايل مثل اسلوبي ب الكلام خلتني اشك بروحي
كالت اخر كلماتها بغصه هيه مستهضمه وبجت
اخذت نفس اسمع بواجيها
كالت بين دموعها
_افنان هاي امي والله ماعندي شي ويه عبدالله ليش ماتصدكوني
_يروحي اصيل يخسه المايصدكج والله مصدكتج تدرين انا وصيته عليج لان اشوف منه اهتمام عليج اكثر من خوالي نفسهم قابل بينكم شي بس اخابر امي واعرف منها ليش هيج سوت
_خليها اصيل خليها بهاي تفكيرها وعقليتها اريد اشوف وين توصل باجر شنو ردت فعلها من تسمع بخطوبتي من عبدالله اذا رفضت فهيه الماتريدني العبدالله
_ليش راح تخطبون
_حجه وياي ب الموضوع وكتله اجل الموضوع بس هسه يصير خير
_اصيل باعيلي مو هيج الحجي هسه انتي بلحظه عصبيه لاتضلين تاخذين وتنطين ب الحجي اهدي وعرفي تفكرين وراج دراستج اصيل
_ماكافي اصيل اصيل تحملي اصيل صبري وتجي امي تلعب بسمعتي وثقتي بيها الي يقهرني مستزغرتني على عبدالله تشوفه انسان مثالي هواي عليه لو رادني
غمضت عيون بتعب وانا اسمع حجيها ليش امي هيج تشوفه ليش هيج سوت
_اصيل اهدي مو هيج تسوين بروحج على الاقل انتي احسن من حال خوانج لاتفكرين هيج يجوز اكو سبب ثاني
_احسن منكم مو انا تعبانه بدونكم لاعبالج مرتاحه تتذكرين من جنتي تكولين تعبانه بدونهم انا هيج اصيل انا بشر احس مو حجر ترديني دوم اصمد وهسه كدام سوايت امي هدت حيلي هد
_مهما يصير لاتاخذين اي قرار بعصبيه
_افنان شسوي هسه
كلتلها هيج وبجيت بحركه شلون اصدك امي دمرت سمعتي يم عبدالله وليش عبدالله زعل فتره ورجع طبيعي معقولة يعرف بيها
_لاتسوين شي الكاتبه الله يصير
_انتي شايفه الاسلوب التحجي بي امي ويه عبدالله على اساس انا اسلوب اطفال والله عبالي وحده مراهقه ماخذه تلفوني وتلعب على عبدالله
حجيت وياها شوي سوديت التلفون مقهورة حيل من سوايت امي
مسحت وجهي لبست حجابي وطلعت من البيت رحت لبيت خالو فرقد لكيتهم كلهم متجمعين يم مياسين بالغرفه
لان توا جايبها وخالة امل كاعده ب الهول وهيه على فد تعب
دخلت يمهم للغرفه اباوع المياسين التعبانه نايمه ع السرير وخواتها يمها منومه درة على ايدها وتشم بيها جنت اريدلي حجه علمود ابجي بس شفتها بجيت رفعت راسها تباوعلي دنكت عليها بوستها ودموعي تختلط بدموعها
برطمت شفايفها وهيه تكول
_اذا صارلي شي انتي اكثر وحده امن يمها درة من بعد امي
حطيت ايدي على وجهي وابجي بشهكه جنت حيل مخنوكه واريدلي بس سالفه افرغ بيها حركتي مهضومه من امي ومن صدمتها زاد حزني من شفت وضع مياسين
لزمت ايدي وهيه ترفعها من وجهي
باوعتلها ميسون اخت مياسين
_راح تموتين روحج اصيل يمعوده سمي بالله مو هيج
مسحت دموعي بس الشهكه بعدهي بيه
طلعت من الغرفه محد ب الهول صعدت لغرفه عبدالله لكيته متربع ع السرير ويشتغل ع الحاسبه رفع راسه مضيق عيونه باستفهام دخلت وسديت الباب وراي وكفت كباله احاجي
_امي الي مراسلتك
_شنو يمته
_من كتلك تلفوني مختفي بيوم الاكشر الراحت بيه امي وانته ماصدكتني امي الي راسلتك مو انا الي كلتلك ابتعد عني مو انا امي هسه صدكتني
صفن بوجهي كانو يعرف ب الموضوع اجتني لحظه ادراك عبدالله مايسكت عن الموضوع اله يعرف منو المسويه وفعلا مبين يعرف ضحكت باستهزاء اكله
_مراح ينقص من وقتك شي لو كلفت نفسك وكتلي بالنهايه الي سوته امي ليش خليتني كل هاي الفتره اشك بنفسي وافكر ليش تغيرت فجاة
سد الحاسبه وكف كبالي يكول
_مو هيج اصيل الموضوع عده شنو تستفادين اذا عرفتي
عليت صوتي على صوته وانا اكله
_استفاد هواي استفاد علمود اعرف امي شنو وانا شنو انا مو سلعه رخيصه عندك تجيها شوكت ماتريد تسولف وياها وتروح مو فد حاجه وتخلص منها بسرعه من ضميت الموضوع عليه مافكرت باجر لو عرفت شنو موقفك كبالي خليتني افكر هيج ومافكرت شنو موقفي كبالك وامي السوته بيك وانته السبب الي صولني لهاي المرحله بدل ماكعد الوم نفسي والوم امي واعتذر منك خلتني اجي ادور مبررات منك بس انا وحده حيوانه رغم الصار جايه اسمعلك
حسيت براشدي وهو يفر وجهي للجهه الثانية رفعت راسي احاجيه ماهتميت الضربته الي بكد مامحترك كلبي
_لسانج لا اكصه صوتج نصي
_من كد ماوثقت بيك ماجه بالي ليش امي تريد تبتعد عني لهل مرحله اثق بيك وانا حته بنفسي ماثق
_كلشي صار تنسينه فاهمه
_وراح تبقه ساكت وانته تعرف ليش امي هيج سوت
راد يحجي بس سكت حسيت احو حجيي ويريد يضيعه بعصبيته نصيت صوتي اكله بدموع
_تعرف وساكت
جر نفس وهو يكعدني ع السرير
_كلشي يجي وكته وتعرفين سببه اصيل مو انتي بنفسج كلتيلي كلشي بوكته كلشي صار ويه امج من سفرها وزواجهه مو عرفتي السبب وهو ابوج فتره وتعرفين سبب السوته ماكو شي ينضم بس المضموم احسن مايتعبج
مسح وجهي وهو يباوعلي
_يعني تعرف انته
_صدكيني السبب مايهمني لو حته يجي يوم وتعرفين السبب وداعت عيونج مايهمني
صفنت بكلامه وانا اتخيل امي اكو شي جبرها وسبب جبير بس من ارجع للواقع ماكو اي سبب حسيت او تاكدت عبدالله يعرف السبب بس ساكت ويريد بمرور الوقت اعرف مثل ماعرفت هسه
باوعت الوجهه وهو يمسح شفيفي بطرف صبعه
_كافي ترجفين
وخرت ايده من وجهي
كعد ع السرير وانا كباله
_شفتي مياسين
هزيت راسي ساكته جر ايدي يكعدني يمه وهو يفتح الحاسبه
_ضلي يمها لاتعوفيها
_شايف وضعي احسن من وضعها
_اي احسن
كمت من يمه متنرفزه طلعت من غرفته تحت انظراه وعيوني تحركني من كد مابجيت تعبت وانا افكر تعبت وانا اتخيل مجرد الفكره امي هيج سوت تقشعر جسمي
تصويت