تصويت
بقلمي زينب
....
_نايمه وخدج على التراب نايمه وشحلات النومه بعد امج عفتي امج وحيدها بصغرج عفتي حضن امج لحضن التراب
بنيتي ردتج عون الي كعدي لحضن امج تعوفين امج ترجع مغوركه عيونها تعوفيني دموعي للمخده مو الحضنج حلم ياريتها كل حياتي
حضنها عبدالله وجتافه تهتز ب البجي على اخته
بجيت وانا اباوع للفيديو الدزه ماجد الخولة وانا اشوف مياسين مره تضحك مره تبجي مره تعباتب بقبر بنتها
خلص الفيديو وانا مخنوكه حيل عليها بعد ماخابر عبدالله من جنه نتعشى على خولة وهو يكلها خيجيب خالد فلوس ويجي لان مياسين بالمستشفى صاير بيها جلطه
بس راح خالو فرقد ورا بنته شفنه الخوف بعيونه من كناله
انا وخوله وحده صافنه ع الثانيه ونفس دمعتنه
رجع خابر عبدالله فتحت خولة سبيكر وهيه خايفه ايديها ترجف
_لاتكلي مياسين صار بيها الاكثر من هيج
اجاها صوته وهو يصيح
_انتي شسويتي جا انا ماعرف اكل الابوي ورحتي انتي كلتيله خووولة انا وصيتج تكولين الخالد لان اخابره مايجاوب مو ترحين تركضين الابوي شلون خليتي يجي وحده وطريق شطوله وهو رجال مريض ومنهد حيله على مياسين انا حته خواتي ماكتلهن واعتمدت عليج
_والله مادري هيج ماعبالي ماتريد احد يدري
_استغفرالله ياربي اخوج الكرن وينه موتنه نخابره ومغلس
_نايم يجوز تلفون صامت هسه مياسين شلونها
_بعدهي ماصحت
_هيه ليش صار بيها هيج
_غير ارتفع ضغط دمها روحي الاصيل اريد احاجيها
سويتلها حركه بمعنى نايمه
_نايمه اصيل
_ميخالف كعديها
كال وسد التلفون خوله انطتني التلفون وهيه تكول
_شوفي شيريد هدئي سويله شي خابر يرعد فوك راسي
_احنه هم صدك شلون مافكرنه بيها ليش ماخابر اخو او ابو يعني شنو هل عقل العدنه
_اندري خيه مطفين من الرئيسي
كالتها وطلعت رجع اتصل عبدالله وبيدي التلفون ماعرف شجاوبه شحجي وياه
_شلونك عبدالله
_جنتي نايمه
_اي
_بس صوتج مال باجيه مو نايمه
_لا نايمه شلونها مياسين
_احسن من مساع المهم خابرتني افنان كتلها شوي ورجعي خابري على خولة لان انا مو ب البيت رجعت خابرت عليكم لو لا
_لا ماكو اي مكالمه
_ماشي خليج شوي واخابرج
انتظرته شوي ورجع خابر
_ها عبدالله حاجيتها
_مادري اصيل مجاي تجاوب من تخابر كليلي
_اذا حاجتك كلي
سد الخط وانا بالي على افنان هيه كلتلي بليل تحاجيني ليش هيج اختفت فجاة
دخلت خولة وهيه توا سابحه نامت بدون ماتحجي شي وانا ضليت متمدده يمها وبس صافنه
اخذت تلفون خولة وخابرت على رقم افنان بس مجانت تجاوب اتصلت للمره الثالثه على امل تجاوب
رجعت خابرت مأيسه تجاوب دمعت عيوني وانا مامرتاحه احس بيها شي اجاني صوت ب التلفون الي حاطته بحضني انتظر تجاوب رفعت التلفون احجي بكل لهفه
_ها افنان وينج خايفه عليج
اجاني صوت مهدي يحجي بدموع وشهكه
ماتوقعت الراح اسمعه ابد ولا اجه بالي بيوم اواجه هيج مصيبه
........
التفتت على خالد شفته وهو ومهدي يباوعون لبث خالد
وكفت يمه اباوع لخالد شكد متغير وجهه لابس اسود
ولحيته طولانه والي ب التعليقات يعزونه سألت جرثومه
_شبي ليش يعزونه
_توفه كراييه خاله مدري خالته
دمعت عيوني وانا اشوفه شكد مشتاقه اسمع قصائد بصوته اغنيه موال
بعدت عنهم وبس اسمع صوته وهو يقره لطميه
_اخاف من اعوفك
بعد ما اشوفك
اقدر ظروفك
طويله رحتلي
واخاف بسفرتي بعد ما اشوفك
_حيل وين رجعني لايام طفولتي من جنت اسمعها شكد جنت احبها
كال جرثومه وهو يباوعلي
_حته انا جنت احبها
_مشتاقتله مو
حسيت الغصه ملت بلعومي شكد ضليت يمهم بس مايوم اذاني خالد لو بكلمه زغيره او تصرف
_ابن خالي وعزيز علي
_هو محبوب انا اشوف البثوث اليفتحهن كلش حبيته جنت من اضل ايام ببابكم اشوفه يدخل ويطلع
التفتت عليه خازرته
_شسوي بابنه
_غير اراقبج علمود لاياخذج فائق انتي ماتدرين جنه مسوين شفتات انا وبنيامين اله شفت والي شفت يلا نكدر على فائق
_الله واكبر عليكم شلون محد حس عليكم
_قابل مكابل بابج وكاعد حته يحسون
_يعني هذا خالد الجنتي تحجين عليه افنان
_اي هو جنت اتمنى تشوفهم وتتعرف عليهم كلش راح تحبهم
كلت المهدي هيج ورجعت اكمل طبخ ضل جرثومه يسوي البيتزا وانا بالفطائر لحد ماكملنه
كملت وحطيهن ع الكاونتر وانا اكل الجرثومه
_انا رايحه للغرفه اصلي من يجي بنيامين وعربيد حط عشه وتعشو ماشي
_ماتتعشين ويانه
_ماشتهي
_بس انتي ماتغديتي
_ماريد جرثومه ميته حر
طلعت من المطبخ ميته حر سبحت وصليت وانا اطول بسجدتي ودعائي
خابرت على عبدالله بس كلي طالع خابري على خولة جان يحجي مستعجل كلش بسرعه سده حته مايسمع جوابي
ندهت مهيمن وانا اكعده
كعد غسل واجه يمي يصلي رغم صارله شكد ممصلي
كمل وطلع انا نمت على سجادتي من نعاسي وتعبي
اسمع عربيد وهو يسأل على بنيامين
دخل مهدي بيده فطيره
_اكلي افنان ادري بيج ماتحبين تاكلين يمهم
_اروح فدوة الكلبك بس والله ماشتهي مسحونه روحي مادري شبيه
_لان ماتاكلين
اخذتها من ايده وانا اكل
_يخابرون بنيامين ومغلق جهازه خايفين عليه لان مو عادته ميجاوبهم
_وهسه وينهم شو اختفه صوتهم
_مادري كالو راح ندور عليه
غمضت عيوني بمكاني وانا اردد بدعاء اله اول مره ادعيله من كلبي لان كلبي وجعني عليه وخصوصا قبل لا يطلع جان وضعه مو طبيعي
فتحت عيوني على صرخه مهيمن اختفه صوته فجاة وصوت دفرت باب الغرفه بقوة فزيت من مكاني وانا اشوف ملثمين كبالي الرجفه سرت بكل جسمي بعدت عنهم بحذر
مجلبه بيد مهيمن سحبني واحد قيد ايدي وانا اصرخ بكل صوتي وارافس بي الثاني دفر مهدي برجله المكسورة اباوعله روحه شاغت من الوجع والصريخ وانا اشوف الخوف بعيونه باوعت بوجهه الازمني وانا احجي بدموع
_شتريد مني وخرررر
دفرته برجله اريد يوخر بس لا حياة لمن ينادي كسرو هدوئنه الجنه بي بدخلتهم فجاة وهمه يطلعوني من الغرفه جنت اريد افلت روحي منهم بكل قوتي وحيلي بس حيلي نهد من شفت مهيمن طايح ب الكاع لاحس ولا نفس
صرخت باعلى صوتي وانا اريد افلت روحي بس استوقفني سلاح وهو موجهه على مهيمن وصوت صريخ مهدي
نهد حيلي كلت خلص راح يرمي وياخذه مني
_عوفه الله يخليك عوفه
_تطلعين وانتي ساكته
اسمع صاحبه الزمني يكله
_انته شلون تنسى الخ**
_هسه اخذها من خلقتي
جانت السياره ب الباب سحبني من الباب وعيني على مهيمن وانا اصيح المهدي
_لاتعوف اخوك مهدي تعاله لاتعوفه
مجرد طلعت من باب البيت حسيت على احد من ورا حط كلينسه على خشمي سحبت اخر انفاسي وانا دايخه مادري شصار بيه
صوت غلط بنيامين يخترق مسامعي راسي الياذيني روحي التعبانه جنت اتمنى كلشي حلم وبسرعه خلص
فتحت عيوني بثقل رفعت راسي الدايخ ليفوك وانا احس بوجع بيدي ورجلي باوعت الرجلي المرطبه بكرسي وايدي من الجهتين مربوطه نزلت دموعي وانا اشوف بنيامين معلكين ايديه بستاند مثل الحديد مربع
باوعلي وهو يكول
_افنان وين خوانج خوما اذوهم
حجيت بصوت متهاون من التعب
_مهيمن طايح مادري شبي سمعت صرخته واختفه صوته وهو متمدد ب الكاع
صاح بعلو صوته وانا اباوع الصدره العاري يرتفع من يصرخ
_نعمان الكللللب بيككك خيررر تجيي توااااجهني حيوووان
بلعت ريكي وانا اكله
_وين احنه بنيامين
غمض عيونه وهو يكول
_مثلج كعدت لكيتني هنا
_شلون كدرو يخطفوك ماتكلي شلون
سكت ماحجه وانا اباوع الرجله تصب دم ماعرف الدم منين ينزل
صاح متوجع من كل كلبه
_ااااخ يابوية اخذني اليمك ولا هذا العذاب
حاولت احرك الكرسي لاتجاهه بس ماكدرت باوعلي وهو يكول
_افنان لو شيصير لاتخلين احد يتقربلج فاهمه كتلي تفسج ولاتخلين احد ياذيج
شهكت وانا اكله
_ليش احنه هنا
سكت مايقبل يجاوبي صحت بيه بصوت
_مو احاجيك ليش احنه هنا ليش ياذوني من دون خواني
_لان سمعو اريد اخطبج يريد ياذوني بيج
_ورجلك شبيها ليش تنزف
_صوبوني علمود يقللون حركتي ويسطيرون علي
_بس بنيامين هاي برجلك تعرف شنو برجلك
_سطحيه
_من قريب لو بعيده
_بعيده
_ياربي ياربي على هيج بشريه بنيامين مهيمن راح يموت واحنه مو يمه
_مابي شي مايسوله شي
جان المكان واسع وبس صناديك بي مليان صناديك وبراميل وحديد ضوا كلش خفيف من الشبابيك تدخل اضويه خفيفه
حسيت بخوف وانا اباوع للمكان
_بنيامين
ساكت ميجاوبني وماكدر اشوف ملامحه عن قرب
_احاجيك بنيامين
_افنان بس اشش خليني افكر
_باعلي انته مايصير هلكد تبقى تنزف لازم تطلع منا
تجاهل كلامي وكال
_حاولي تفتحين ايدج
_مجاي اكدر مضبوبات حيل
_حاولي افنان حاولي ماكدر اضل معلك هيج
_هنا كامرات بنيامين
سكتنه ثنينه وبس صوت شهكاتي المتتاليه وصوت ونين بنيامين من الوجع
قطع كلامنه صوت رمي برا دخل رجال بس مامبين وجهه من الظلام بس طوله وهو لابس قاط محترم ويمشي اعرج
كال بنيامين باستهزاء وهو يقطه الصمت
_شرفنه ابن النعمان ياهلا بيك قررت تصير رجال وتواجهني
تجاهل كلامه بضحكات خبيثه وهو يشغل اضويه المكان
غمضت عيوني الوجعتني من الضوا
_فتح عيونك يحلو عيون البزون مايصير تحرمينه منها
تجاهلته وانا اباوع البنيامين شهكت من منظره جنت منتبهه على الدم البرجله بس شفت صدرة البي اثار كدمات جبيرة وجهه مثل الشي
_هنا باوعي مرتي هنا زوجج مو هناك لو هيج الحب عاميج ههههه
انتبهت ع اليحجي وجهه المقرف والشر مبين بي طولة الكصير كرشه يمشي كدامه
_طلعني منا مامسويتلكم شي
_مو انا الينضحك عليه بوكت اجهز خطوبتنه انا وياج
تجهزين الخطوبتج ويه غيري
_حجيك وياي ميمووون وياي فاهمممم
_انت شتريد جبتك هنا علمود شاهد على زواجنه لا اكثر
_لو تموت ماتحصلها فاهم
باوعت البنيامين ميلت راسي استنجد بي دخلو رياجيل ورا ميمون وهمه شايلين سلاح
تقرب علي ميمون وبنيامين يصرخ اكثر ويه كل خطوة يخطيها ميمون
_سويلها شي وشوف ياميمون اخليك تتمنى الهوى بس اصبرلي
دنك وجهه عليه متجاهل بنيامين وهو يضحك باستفزاز تلفت بكصته وانا اغلط عليه
_مبين فائق خوش معبي براسك
قاطع كلامي راشدي وهو يفر وجهي مالحك افتح حلكي جابني راشدي الثاني
حسيت خدودي خدرن من الم الراشديات
_ميموووون وياااااي حجيكككك فااااهم شتتتريد خاف عبالك اخليك تتزوجها لو تموت
اباوع البنيامين يريد يفلت روحه من الحدايد بكل قوته وكف ورا الكرسي المربطني بي وهو يكل البنيامين
_وانا اكول الغيهب شيعجبه بت فائق طلعت بزونه بس شرشه حقك تدافع عنها
كالها وجرني من شعري الجوا الحجاب بحيث رفع راسي ليفوك وانا اباوعله حسيت شعري تشلع من الوجع عطت بالم اعت براسي منه عاف شعري وجر حجابي صرخت عليه
_حجاااابي رجععععه بنيااامين
بجيت وانا اشوف بنيامين عاجز بس حته بهذا وضعه انا استنجد بي تمنيت بهل لحظه ايدي مامربطه تمنيت اغطي شعري بايديه دنكت راسي بجيت بعجز جر شعري مره ثانيه وهو يكول
_يلا صيحيه كليله خيخلصج من وضعج هياته كدامج ليش مدنكه راسج
فلت راسي بشمره وانا اباوع البنيامين وابجي طلعو هو وجماعته يضحكون بعد ماسدو الباب
حاجيته بكل قهر
_طلعني منا
_بس لاتبجين افنان نطلع بس لاتبجين
حاولت احرك روحي ب الكرسي بس جنت عاجزه وانا اشوف بنيامين حته بهذا وضعه ماحط عينه بعيني لان بدون حجاب
_بنيامين حجابي اريده
_كل واحد شافج بهذا وضعج افكس عينه اله بس خل الزمهم
باوعت ع الكرسي الكدامي بي جكاير وجداحه
ضليت احاول اطفر بالكرسي وانوشه بس ماكدرت
_شسوين
_اريد الجداحه احرك الحبل المربوطه بي
_تركي يحترك بيج الكرسي لو يموع عليج وياذيج
_بنيامين منو هذول
_صحبان فائق
_بس ليش فائق يسوي بيك هيج
_مايدري بيهم بس خل يجي داهيه
_يعرف بيك داهيه هنا
_اي يعرف جنت احاجي قبل لا يلزموني ودليته المكان الانا بي من لزموني لان جنت شاك باحد وراي بلكي كدر يلحكهم
حسيت مثل المخنوك وشم نقطه من الهوى هيج ردت روحي
_باعيلي من يجي تكليله انا عاقده احنه متزوجين فاهمه
هزيت راسي موافقه وانا اشوفه يحجي بوجع وتعب وكل شويه يغمض عيونه
نفتح الباب مره ثانيه وانا نسحنت روحي من شفته رجع بس هلمره وحده كعد ب الكرسي الكبالي وهو يدخن وحاط رجل على رجل ماحطيت عيني بعينه طول الوقت اباوع البنيامين
التفتت على بنيامين وهو يكله
_الغيهب شرايك بعيونها مثل البزون ب الضبط ماجذب فائق من كال ضاملي الك بزون بس داريهه لان شرسه
_كبور الطمتك انته وفائق ياعار لو بيك خير مامكابلني وانا مقيده
كلتها بصياح ورجعت تفلت عليه ضحك بصوت وهو يوكف وراي غمضت عيوني محضره لجرة شعري والوجع
بس جان وجعي اكثر وهو يطفي جكارته بركبتي صرخت بكل صوتي متوجعه مغمضه عيوني تنزل دموعي واون بوجع وانا اكله
_ضل بحسرتك ميت قهر مو من شي لان تشوف بنيامين احسن منك انته مو حبا بفائق راديني ولا لان فائق انطانياك بس لان انا وبنيامين خاطبين لو تموت ماتحصل ظفري هيه هاي اقوى شي عندك ارجع جويني مره ثانيه
جنت اموت من الوجع وهو يضحك رجع جواني مره ثانيه وانا احس حرارة تحركني جوا جلدي وبنيامين يصرخ عليه نهد حيلي من كد ماصرخت جان كل مايطفي جكاره يطفيها بيه طفه الثالثه جوا الجويتين غمضت عيوني بالم مهدود حيلي حسيت راح يغمى علي
_اطلعهن كلهن من عيونك عبالك ماعرف سوالفك كلك خيسه اطلع خيستك بس اصبرلي جايني بطرك روحك تتقوى علي
_هاي هجت لان اذيت الحلوة هيه بكبرها مامتاذيه بكد اذيتك ليش انته مفرفح عليها
جنت اسمع صوت الحدايد وهو يحاول يفك نفسه منهن
رفعت عيوني على صرخت بنيامين المكتومه وانا اشوفه يشغل جداحه يم ركبته
بجيت وانا اشوفه متوجع وهو يميل بركبته للجهه الثانيه
اباوعله متوجعه ومقهورة حسيت الوجع الجاي يحسه بسببي اول مره الوم نفسي جنت احس هو سبب كلشي نعيشه اول مره احسني انا سبب الجاي يعيشه
فجاة نطفت الاضويه كلهن وصوت ركض ب المكان صاح ميمون برعب بس سرعان ما اختفه صوته
تصويت
توقعاتكم...