بقلمي
زينب
.....
دعمكم للقصه
.......
وكفت كدامه بخوف وتلفوني بيده
_هاج فتحي
اخذته منه وانا اكله
_تشك بيه عبدالله
_مو اشك بيج خايف عليج وادري طارق شنو
ضليت اكل بشفتي من الخوف خزرني وهو يكول
_فتحيي التلفون
_مابي شي
_يلا مو مابي شي فتحي هسه كدامي
_عبدالله يعني تلفوني خاص بيه ليش حته تشوف شنو بي
_كتتتلج فتحي الرمزز
فتحت التلفون وانا ابلع ريكي بخوف انتظر الراح يشوفه
كعد ع السرير وهو يدخل على محادثات الواتساب عاف كلشي ودخل على رقم طارق ماضلت دعوة مادعيتها على طارق بهذا الموقف الحطني بي
بيده التلفون عاقد حواحبه ويشوف المحادثه وصلني اشعار رفع حاجبه وهو يقرالي الرسالة الوصلت
_ها كاعد يحلو منو يمج وحدج ب البيت
_عبدالله والله مالي علاقه شوف محادثته انا ماجاوبه
متجاهلته
صاح بيه يسكتني
_وين يدري وحدج ب البيت هاا وين يدري منين جاب رقمج ليش ناطيته مجال زايد ليش ماحاضرته
كعدت يمه كانو اهرب منه اله استنجد بي لان من فتحت عيوني ع المشاكل استنجد بافنان وهسه خلتني وحدي
اباوع لعيونه الحاده والعرك اليصير بكصته مثل العرك البكصه افنان لو عصبو او ضحكو يبرز حيل
_مو انته كتلي لاتحضرينه خلي يحجي ويه روحه لان راح يخبث عليج انا هيج مسويه
_ليش جذبتي علي وكلتي ماكو شي
_ماريد اصير سبب بمشاكلك
ضل يطك التلفون براسي بحركه خفيفه
_انتي ثوله ماتفتهمين من اكلج تتجاهلينه مو توصل لهاي المرحله من السخافه
وخرت ايده من راسي احاجي
_ترا تعبت تعبت شذنبي انا انحط بهيج موقف وكله وجاي تلومني
قطع كلامي مكالمه طارق اخذت التلفون من ايده وانا انطي رفض
رجع اتصل وعبدالله يكول
_جاوبي شوفي شيريد المصخم صخمه البين انشالله
جاوبته اجاني صوته الغثيث وانا معطب كلبي منه
_هلا باصوله شدعوة يابه احنه مانعجب
باوعت العبدالله وانا اجاوبك
_خير طارق رايد شي ترا رسايلك مالها اي داعي كله سخافه
_بعد كلبي اصيل اتحمل حجيج هاي الايام لان الايام الجايه تصيرين بحضني
صحت بي اوكفه من كلامه
_شتمسلت انته خاف صدكت روحك
باوعت العبدالله الي عيونه راح تطلع من مكانها
_حبيبي انشالله فتره واتقدملج ماتوقع ترفضين واصلا ماتكدرين ترفضين
_تحلممم فاهم تحلم بيه وتحلم تشوفني وهاي افكارك التافهه نكعه واشرب مايهه خوش داده هسه ولي من خلقتي دوختني
سديت المكالمه وانت ارجف وانا اباوع العبدالله هز راسه وهو يكوم
_هذا ***عباله تايهتله بس بسيطه انا اعلمه
راد يطلع وكفت كدامه
_لاتروحله فدوة عبدالله عوفه هو هذا بس حجي
تقدم اليه رجعت ليورا خايفه منه اول مره هيج اخاف من عبدالله لزم ايدي وهو يكول
_ليش ترجفين مسوية شي غلط حته ترجفين
هزيت راسي بلا
طلع من الغرفه وعافني بحيرتي بقهري
خابرت امي وانا تعبانه روحي منهم لزمت تلفوني وانا اطلع السيم كارت واكسره مسحت كل البرامج كعدت ب الكاع حطيت ايدي على وجهي وبجيت بحركه
هيج انا انكسرت هيج احلامي نكسرت
هيج اهلي كلهم عاشو الحياة اليردوها لو حته متعبه بس لمره وحده حسيت عندهم حريه اختيار افنان امي همه
اختارو حياتهم اليمته اضل بهذا الجبن والخوف انا ليمته اضل خايفه اعيش جوا ضل ابوي
رفعت شعري من ركبتي حسيته خانكني حيل وكفت كدام المرايه اباوه النفسي
حسيت من التعب هدومي ثكال علي
طلعت المكص من الجرار وانا احطه بشعري بترت شعري وصلته الكتفي صوت المكص يكص بشعري جنت اريد انقهر اريد احس بشي مثل ماجنت احس قبل بس مجاي احس بشي احس روحي تسلب مني ع البطئ
طاح المكص من ايدي وانا اكعد كبال شعري المتناثر ب الكاع مثل حياتي المتناثره كل جزء مني بصفحه جزء ويه امي جزء ويه خواني
رحت لفراشي وانا اغطي نفسي بس فاتحه عيوني ماغفيت ولاكدرت انام ولا طلعت قفلت الباب سمعت صوت خطوات جوا نفتح الباب ومارفعت راسي صوت عبدالله وهو يكول
_هاي شمسويه بروحج
تجاهلت كلامه وغمضت عيوني
رفع البطانيه من راسي وهو يكول بصياح
_شمسوية بشعرج
_عسى ما اموت روحي شدخلك انته
جرني من شعري وهو يكومني لزمت ايده بوجع
_وخر عني شتريد
_تكصين شعرج ثوله عود بهذا تصرفج شغيرتي
_وخر من شعري كتلك وخر
بعد ايده مني بنتر
كعد على كرسي ميز التواليت وهو صافن على شعري والتلفون المشمور ب الكاع
_قفلي البيت وامشي البيتنه
_اريد انطمر
_احجي عدل لا اكسرج تكسر
سكتت عنه وانا كاعده ع السرير ودايخه
_امشي كداامي
فززني بصياحه
_اريد اضل وحدي
_مياسين تريدج
طلعت كدامه وانا انزل التفتت عليه واكف ع الدرج شمر عليه حجاب وهو يكول
_عود نزعي الحجاب كدامهم وشوفي شسوي بيج
حطيته على راسي وانا انتظره يطلع علمود اقفل الباب طلع كدامي قفلت الباب ورحت يم مياسين لكيتها تبدل لبناتها باوعتلي باتسامه وهيه تكول
_راح نروح لخوالي ترحين ويانه كلت العبدالله يجيبج لان ضاله وحدج
_مايقبل خالواحسان
_لا عبدالله خابره كله ختروح وياكم
_استحي اروح انا ماعرف احد هناك
_ميخالف عليج الله امشي احنه ورا العشه وراجعين مانطول الصراحه حته انا مالي خلك اروح بس رفل موتتني تريد تروح لخالة حنين هههه تسميها خاله وهيه بنت خالي
اباوع الرفل تصفك وتطفر بحماس
ماردت اكسر خاطرها كتلها
_اروح ابدل وارجع
طلعت من غرفتها تحت انظار عبدالله الكاعد يدخن ب الهول
رحت للبيت لبستلي فستان وطلعت لبيتهم
لكيت عبدالله متمدد ع القنفه ورفل نايمه على صدره وتلعب بوجهه وهو عافس وجهه وهيه تحاجي
باوعتلي وهيه تكول
_اجت خالة اصيل
رفع راسه يباوعلي ورجع يدخن
وكفت كدامها وانا اكلها
_شبي خالج مطنكر
باوعلي وهو يخزر
_لا اكوملج
_ترا انا مامضوجتك بشي حته تضوج مني باع تصرفاتك مهما اكون ماحب احد يضوج مني عود رفل شبعي من خالج زين لان اذا طنكر عليج تحلمين يياوعلج
مد ايده يلف بشعر رفل
_باع شعر الاميره جا مثل بعض البنات تكص شعرها شعر اميرتي اشكر يجنن
_عشتو شكره على خالها مدري على امها الملحان من ماي البصرة
كالتها رفل وهيه تطلع مبدله وبيدها دره طلعت امهم وهيه توصي بيهم
_يمه لاتطولون تعالو من وكت
_يمه هيه مره ب السنه اروحلهم خل اشوف البنات عدل عود تالي اجيج
_مو بناتج مايحبن يطلعن ينشلع كلبهن بس يضوجن جيبهن عبدالله
_اي يمه مانطول
طلعنه قبل عبدالله اجه وهو يفتح باب السياره ويكول
_مياسين كضي رفل اليوم شبيها مجلبه بيه ادري راح اطير
_غير خالها وتحبك شبيك يحضي ماشبعت من ابوها خل تشبع منكم
_باسها وهو يصعدها السياره
طول الطريق وهيه تحك بذاناته وتكول
_يمه خل انزعهن والله ياذني
_حلوات يحضي بس اليوم رفوله بس ارجع انزعجياهن
كعدتها بحضني وانا اكلها
_مياسين دباعي ذاناتها متاذيه خطيه تتحسس ماتكدرلهن
نزعتها تراجيها ومياسين تكول
_لبسيهن انتي خاف يضيعن ادري بيهن كل مانزعهن
تراجيهن يضيعن
رفعت الحجاب من جهت اذني وانا البسهن
_ها رفيل ارتاحيتي هسه
_اااي ذاناتي صارن خفيفات
ضحكت على سوالفها شكد حلوة وتحجي ببراءة
وصلنه لبيت خالهم جان بيتهم على مزرعه وشط كلش حلوة اجواءهم
دخلنه لبيتهم وانا بدي اضم روحي بعبايه مياسين ماعرف اطلع لناس ماعرفهم استحي منهم حته ماعرف اجامل مو نفس افنان عندها عادي لان طالعه مختلطه بشغلها وجامعتها عكسي انا خلصتها ب البيت
كال عبدالله وهو يعرفني على خالته
_خاله سميه هاي اصيل بنت عمتي
باستني وهيه ترحب بيه
دخلنه لبيتهم جانن عندهم هواي بنات الي عرفته منهن اكو جنانينهم مو كلهن بناتهن
رفل كل شوي تريد تطلع تلعب ويه الجهال بس مياسين ماتخليها
اخر شي خالتها سميه كلتلها
_يمه روحن انتن يم البنات ب الحديقه جاي يخبزن وخلي بنيتج تلعب ويه الجهال وانطيني هاي الزغيرم
كمت وياها وانا اكلها
_وين عايفتني مياسين اخاف وحدي
ضحكت وهيه تكلي
_الي يشوف لسانج مايكول هاي الهادئة صدك هيج لسانها بوياي طلعتي بوجهين
لكيت بنات سميه ثنينهن يخبزن وكفنه يمهن ومياسين وبنتها رفل ياكلن خبز حار كلتلها رفل وهيه تاشر ع الشط
_يمه مساع حنين راحت هناك تغسل خل انزل بس اغسل
_لا يمه ستري علي شتنزلين هو خبز اكلتي شماكله القوزي
تجاهلت كلامه امها وراحت تركض للشط نزلت ع الجرف ومياسين تصيح عليها بكل حركت كلب نزلت وراها وانا اباوعلهن من فوك
نزلت وراهم تونست لوضعهم دنكت بنت مياسين تاخذ بماي وتحطه على وجهه راحت مسافه تمشي ع الجرف ومياسين تباوعلها وهيه تكول
_يمه البنات شوكت تكبر متلهفه الهن حيل مرات احس الله نطانياهن علمود ينسيني عيشتي السوده
جاي تحجي وبنتها طاحت ب الشط وهيه دنك كامت مياسين تصرخ بكل صوتها وتركض الها
......
فززني صوت بنيامين من الشباك وهو يحجايني
_شنو البيدج
تصنمت بمكاني لا اكدر التفت علي وبيدي التلفون ولا اكدر اضمه
عبالي بعده يباوعلي من الشباك من حضني المصخم جنت رافعه البرده بس التفتت عليه وهو وراي تجمدت بمكاني عاصره التلفون بيدي حيل
بدون ماحاجي سحبني من ايدي للهول وهو يمشي سريع وكفني ب الهول يحجي بين اسنانه
_شجاب الضيم ليدج مو اخذته منج
_تلفون ابن خالي ثاني جبته وياي واذا تريد تاخذه ترا مانطي
_مو بكيفج هوا ماتنطيه
_ترا انا بشر حالي حالك مو حيوان اعيش هنا يضل بنفسي اسمع صوت امي اطمن عليها شنو انته ماعندك انسانيه ماعندك ام تحن الها
من حاجيته هيج رخت ملامحه وعاف ايدي
فركت ايدي بوجع وانا اباوعله كعد ب الكاه مدنك راسه وهو يحاجيني
_عادي خلي عندج بس انطني اشوفه
_انطي الك بس المكالمات القديمه كلها مو الي لان مو تلفوني هو
بدون ماياخذه راح للمطبخ وطلع بيده تلفوني الاخذه مني تفاجاة حيل من رده فعله توقعت يصيح يكسره بس جان ب العكس
_هاج بي السيم كارت مالتج
اخذته منه بدون ما احجي كال بهدوء
_شنو كلتلج امج
_مثلا شنو كلتلي حته بهاي تريد تتدخل
_مو مانطي الج
_لاتصير خبيث مو ادري اللطافه ماتلوكلك هل اكول منين نزل عليك الوحي
_وعلي محد متعبني وساطر راسي غيرج شكد تهذين هسه سألتج مثل الاوادم جاوبي وسكتي
_خذاك علي كول امين همزين ساطره راسك عاد مسويتلي شي بي خير بالدنيا
_هسه انا بيش ماذيج بلا مسويلج شي مو هاي خوانج وياي بس انتي الله كالبج علي جا هم حظي هذا
_اي ماطيقك اشوف بيك فائق اشوف بيك الخوف والرعب الي نعيشه
عافني وطلع حجه وهو يمشي
_اذا فائق شاف تلفوناتج ماضمن الج حياتج وكتها
غميته من ورا وانا اكله
_روح كلعه
فتحت تلفوني الي رجعه لكيت شكد مكالمات من خوالي والبنات ورسائل
الوحيده اصيل مالكيت منها اي مكالمه او رساله خابرت عليها بدون سابق انذار بس ماجاوبتي
رن اكثر من مره بس ماكو فايده
جريت نفس بقهر وانا اكول
_يجوز الله جاي يعشني العاشته امي من جانت تريد تحجي ويانه واحنه مانعيها منه
طفيت التلفون وضميته ويه الملابس انتظر شوكت نطلع منا لان صرت اخاف من خيالي كل شوي ويتخيلي يصير رمي لو يتخيلي بنيامين مايرجع لو يتاذه اول مره هيج اخاف عليه
واتمنى يرجع مابي شي لان هواي ادعي عليه وبوجهه ادعي صفنت على نفسي هاي من يمته انا صايره هيج اذا حقدت على احد حقدت بعد ما اتنازل لو شيصير
حضرت ريوك لمهيمن وانا اكعده راح غسل واجه للمطبخ حطيت يمه الصينيه احاجي
_امس كملت علاجك
هز راسه باي
_وبعد شنو ضل عليك
_قصدج شكد ضل علاج مادري سألي بنيامين بس اتوقع احتاج شعاع ورا الكيماوي
_ميخالف اخذ شعاع بس المهم ترجع زين
رفع راسه يباوعلي بعيون مدمعه
وهو يحجي بحه
_خايف
_ياعمري الله ماينسه عبده ولا ينسه دعائه انته صح ضليت وحدك تواجه مرضك لا ام ولا اب بس الله وياك لاتنسه باوع للحياة من ناحيه ثانيه الله نطاك اخت مثلي ترا بدون غرور حيل احبكم انا اضمكم بروحي انتم مو تحبون بنيامين الله حط بطريقكم بنيامين علمود يلملكم علمود ماتيهون ب الدنيا باوع الروحك بعد سنه شنو راح تلكه نفسك متعالج ويجوز ترجع لدراستك ترجع تعيش حياتك طبيعي
جنت احاجي وهو مدنك راسه
_مهيمن باوعلي لاتياس من شي رحمه الله العبده جبيره حيل احنه مو اول مره نمر بمحنه بس اعتبر مرضك هذا اختبار من ربك علمود يشوف عبده هل هو يستحق مستقبل حلو لو يعيش حياة عاديه انته مراح تعيش حياة عاديه راح اشوفك شي جبير اشوفك انسان قوي يلم خواته حوا كتره بدون محد يمن عليهم
جنت احاجي بس كوة لازمه نفسي لا ابجي خواني بحياتي خط احمر الوحيدين الي اضعف كدامهم الوحيدين الابجي بدون مادري بروحي
قطع كلامي صوت ابوي وهو يدخل للبيت ويصيح
......