بلع ريقه بصدمه الي قراه حقيقه؟؟
التفت عليه بندر خايف من ردة فعله اذا هو حس حسس بشعور صعب وصفه بعد ذا العمر كله ؟؟
باسل رمى الاوراق بالمرتبه الخلفيه ودعس باقصى سرعه كان هادي خارجيا بعكس العواصف الي داخله
بندر: هد ياباسل بنفهم قريب
تكلم بصوت هادي عكس الي داخله : انا هادي ومافي شي يحتاج نفهمه كل شي واضح
بندر: تستهبل انت مصدق ذا الكلام يعني؟؟
باسل : وليه ماصدقه شفته عنده وبمكتبه ليه بكذبه يعني؟؟
بندر: ايه عشان كذا لازم نفهم طول ذا العمر عايش على كذبه مو معقول
بسل وهو يتكلم بالقوه من بين شفايفه : هرب زي الحرمه وتركنا كذا وش بستفيد بعد ما احصله (كمل وهو يصارخ) وش بيتغير يعني هااا؟؟
اردف بندر بهدوء معاكس لجوهم: اسمع لو قلتلك اعرف كيف بنحصله؟
لف عليه باسل بهتمام
كمل بندر............
\\\\\\\\\\\\\\
بعد اسبوع كانو يتجزون للشاليه بيمشون للشرقيه كلهم
ببيت عثمان
ضرار: اسمعوا دام ابوي عنده شغل بيجي لحاله وحنا كلنا نروح بسياره وحده
طيف انتبهت على نظرات عبير: لا انا بجي مع عثمان وريان معانا
ام محمد وهي تشيل جنطتها : يلا توكلنا
طلع بندر اخر الاغراض ورتبها بسياره وانطلقوا
\\\\\\\\\\
عبدالله بحنيه: متاكده بتقدرين على الطريق
وجد: ايه عبود ودي نغير جو
عبدالله وهو يعتليها ويبوس راسها : محنا مستعجلين
وجد: تراني حامل
عبدالله: يحياتي صارلك شهر حامل مادرينا ولا صارلك شي جات على الحين
وجهها قلب احمر : قولي ماتبيني
مسكته من ياقته وقربته لها لين ختلطت انفاسهم بصوت هامس: تدري ابيك ولا اقدر بدونك بس مو الحين
ابتسم وهو يطبع قبله سريعه على شفتها: زي ماتبين
\\\\\\\\\\
ام عبدالله وهي تنادي: مصعببب
نزل مصعب من الدرج : هلا يما
ابو عبدالله مسعود: اسمع ياولدي جدك من بيوديه
مصعب: ماكلمني بروح اشوفه
ورد نزلت : انا جاهزه
مسعود : هاتي اغراضك يايبا
راح صهيب بيت جده الي كان ملاصق لبتهم وفيه باب بالحوش يربط بين البيتين
انتبه للبنت الي تحط الاغراض عند الباب انتبه ليدها كانت محروقه؟ قال داخله(معقول هاذي ساره والله وعرفت تختار ياضرار)
عقد حواجبه وهو يقول بنفسه ( دقيقه ذا حرق؟)
حست في احد وراها ولتفت وهي تنزل اكمامها على يدها وتدخل داخل سريع
مشى للبيت قبل يدخل فال بصوت عالي : ياولدد
بدور : ادخل
شاف البنت الي كاشفه وقال داخله(يوه هاذي لين لاحول ) تنحنح: جدي وينه
الجد وهو طالع من غرفته: ها ياصهيب كلمت بندر بس مسك الخط بنمشي معاك اجل
صهيب: ايه بطلع الاغراض الباقيه انطركم بسياره
الجد : يلا اجل (لف على بدور)وينها ساره
بدور: مابتجي تعبانه
الجد: بنروح احنا كم يوم ماعندنا بنات يبقون بالبيت لحالهم قوليلها تنزل بسرعه
بدور بحقد : ان شاء الله
\\\\\\
دخل عثمان البيت وهو يناظرها تلعب مع ريان سكر الباب ولتفتت عليه ابتسمت : ابطيت
عثمان: توقعتكم مشيتو
قامت وهي تقرب منه : مابتركك تمسك طريق لحالك
عثمان بضحكه : وليه
طيف نزلت راسه وهي تتذكر : كان يوم سبت وصباح بقيتو لحالكم عساس بتجون متاخر وش صار لكم؟
عرف عثمان وش تتكلم عنه اه حس بحزن هو للحين يشوف محبوبته باحلامه
شافته سرح وصعدت تلبس عباتها عشان يمشون نزلت وكان جالس وريان يكلمه وهو مو معه : احم ، عثمان (قربت منه بصوت اعلا)عثماان
لف عليها: ها
طيف: وين وصلت؟
قام وهو يشيل ريان : مافي شي اخذه ؟
طيف: لا
عثمان: مشينا
\\\\\\\\\\\\\
كانت جالسه على السرير تبكي بقهر لتفت بسرعه للباب الي انفتح بقوه رجعت لسريرها بخوف لين لصقت براس السرير وهي تحظن اللحاف لها
تكلمت بصوت عالي وماليه القرف: قومي يابنت الحرام بتجين معانا
ماتكلمت وكانت تشهق بصوت مكتوم
طلعت وتركتها
بعد مده طلع مسعود وزوجته وبنته وركبو السياره قالهم صهيب انهم مطولين فاقررو يسبقونهم
\\\\\\\\\\\\\
كان يسولف بطفوليه وهو مكان معاهم باين يفكر بشي
طيف: عثمان عثاانن
لف عليه بدون مايتلكم
تكلمت بقهر: وش فيك من كلمتك اول ماجيت وانت سرحان
عثمان بصوت هادي : مافيني شي
وكملو طريقهم بصمت
بعد اربع ساعات بالشاليه
نزلو كلهم يرتبون اغراضهم كان كبير وفيه غرف واجد
بوصفه لكم
اول مايدخلون من البوابه كان عشب وقدامهم بمسافه بعيده بيت كبييرر كان له دورين الدور الارضي للحريم بمطبخه وحمامه وصالته الي فيها نافذه كبيره جهة البحر اما بالدور الثاني كان فيه صاله كبيره وغرف كثير وكان له مدخل خارجي(الدور الثاني للغرف) ورا البيت كان فيه قعده على البحر وكراسي شاطئ غير عن جلسه بعيده شوي للرجال والعاب مائيه
كل واحد منهم اخذ له غرفه مع زوجته توزيع الغرف كان(طيف وعثمان ريان ، وجد وعبدالله ، ضرار وصهيب ، لين وبشره ، ورد وعبير، وعد وساره ، بندر وسالم ، مسعود وزوجته ، ام محمد وخلود وتميم ، الجد خالد ، بدور )
طلعوا العيال والبنات لبسو ملابس تصلح للبحر فساتين صيفيه بالوانها مثل اخضر واصفر وسماوي واحمر وقبعات ونظارات وصنادل ومكايجهم الهادي كان فيه شوي رطبوه بالشرقيه عكس برد الرياض وجفافها
كانت بتطلع من غرفتهم بس شافته منسدح ولا ناظرها حتى تنرفزت وطلعت بدون كلام
نزلت تحت وكانو يجهزون الفطور قامت تساعدهم
بعد الفطور قالو البنات للعيال انهم بيطلعون عشان مايجون لهم طلعو بشايهم وجلسوا يصورون ويسولفون كانت ساره هاديه ولا بمعهم
طيف: ها ساره شتقولين
لفت عليها ساره بهدوء : وشو
وعد: خلك منها مو معنا الا اسمعي...
قامت لين وهي تعدل لبسها وباين مو عاجبتها القعده
عبير: وين لين تونا
لين بنظرات متكبره وصوت مقرف : مو من زين قعدتكم
وعد: مالت بالي مايحفظك
\\\\\\\\\
باليل طلعوا العيال يسبحون بالبحر اما البنات سبحو بالبركه الداخليه ساره رفضت تدخل وتعذرت انها بتنام
خلصو سباحه وطلعو ينشفون شعورهم ويلبسون بيجامتهم لان الوقت تاخر والجد يبي يجلسهم كلهم مع بعض
لبسو البنات عباياتهم وطلعو على جلسات البحر الي كانو العيال يشووون ونص الثاني جالس معهم عند الجد خالد والجده نوره
طيف: ايه قالت لي امي كنت معجب بالجده الله يرحمها حتى تسوي فيها يعننك هههههه
قامو يضحكون بعد نظرات الجد لها
ضرار: افا ياجدي طلع عندك حركات يمين يسار اخس بس
اما صهيب كان مشغول باله على ساره من شافها الصبح وهو حاس ان فيها شي ونفس الكلام عند ورد الي تحاتي ساره وتناظرها من بعيد
كملو سوالفهم عن ايام زمان كانت جلسه مافيها نفس ثقيله وكلها حب ولمه حنونه
دق جوال طيف الي استغربت وقامت تكلم بعيد شوي
: الوو
رد عليها : ياهلا
: حمووددد
: يعيون حمود
: هلا بالقاطع يازفت كل ذا الوقت حرام عليك
: ههههه والله مو بيدي المهم اسمعي
: ...............
: احلفك بالله؟
: والله
: تم وتمتم
: هههه اشوفك على خير
\\\\\\\\\\\
صارت الساعه 1 ماحسو بالوقت واغلبهم جاه النوم لانهم صاحين من الفجر قام الكل لغرفته
بغرفة ساره ووعد
دخلت وعد ونسدحت على السرير بفوضويه وهي ترمي عباتها وتفصخ نعلتها وتفتح شعرها اما ساره دخلت الحمام
دقت طيف الباب على طلعة ساره من الحمام راحت وفتحت لها : طيف؟
طيف وهي تسحب ساره من يدها الي تالمها سحبت ساره يدها بدون تحس طيف : اسمعي عادي تنامين اليوم مع البنات؟
ساره : ليه
طيف بهمس: محمد بيجي ويبي يشوف وعد
ساره: بس هي نايمه
طيف: معليه خليهم المهم عادي؟
ساره: باخذ اغراضي واروح وين غرفة ورد؟
اشرة لها طيف الي نزلت تستقبل محمد
شافته وركضت لها وهي تحضنه: حموود وحشتني
لمها له: مو اكثر مني
طيف: وش طرا عليك تجي
محمد: شفت القروب وعندي اجازه قلت ورا ما اجي كم يوم وامشي
طيف: وش فيه صوتك
محمد:يمكن من تغير الجو (كان يحس انه في حراره ومواصل حس بتعب )
طيف: واه متحمسه لوعد
محمد غمز لها : يلا وصليني
مشت معاه لين دلته على غرفة وعد وراحت غر فتها دخل وهي نايمه يبي يملي عينه بشوفتها صحت وابتسم لها
شخص مليان تعب تطيح عينه بعينك يبتسم لك شعور عذب! متلت عيونها وهي تستوعبه قدامها
محمد بصوت خفيف: ايش فيك (يتامل بيجامتها الحرير وكتفها الواضح منها ..
امتلت عيونها زود تشوف وجهه كيف ضعف اخذ التعب منه كثير عيونه الحمرا من التعب بلعت غصتها لما داهمها صوته بنبره هاديه : توقعت استقبالك احلا من وداعي
ابتسمت غصب وسط دموعها قربها له لدرجة حتى الهوا مايقدر يمر بينهم !
حس بيدها تحضن رقبته بشكل لطيف ورقيق .. دفن وجهه برقبتها يبي يهرب من كل شي ويظل هنا
حركته تركت قلبها ينبض بشكل كبير مر وقت طويل وهم كذا لين بعد محمد وهو يناظرها بحب عدلت جلستها وهي تمسح على خده : عافيتك كلها راحت
مسك يدها وهو يبوس باطن كفها كملت : محمد حرارتك
انسدح وهو يسحبها بحضنه : اشش بنام
حست بدقات قلبها كانه بيطلع وهو محاوطها كذا كلها دقايق ونتظمت انفاسه رفعت نفسها وهي تتامله مو مصدقه انه موجود وبحضنها غمضت عيونها بحب ونامت هي الثانيه
\\\\\\\\\\\
عند طيف الي رجعت غرفتها توقعته نايم نسدحت وهي تحس بقهر فضلت انها ماتكلمه قالت بنفسها(اساسا انا ماحبه ليه اتحسس مايهمني )غمضت عيونها وهي تتقلب لف عليها وقال بصوت ثقيل: تاخرتي
ناظرته وماردت
: ليه ماقلتيلي طيب
لفت عليه وقالت بغضب مكتوم : واذا قلتلك وش بيصير ليه تهتم اساسا
عثمان: وليه ما اهتم
طيف بنفس النبره: صارلك من الصبح اسرحان انشغل بنفسك
عثمان: وانتي زعلانه عشان كذا
طيف: مو زعلانه واكيد تفكر فيها انت اصلا مانسيتها كل احلامك عنها اصحى احسبك تناديني واسمعك تنطق باسمها من حقك وهي اختي بس تراني زوجتك !
تنهد وهو يغمض عيونه بقوه يحس بصداع كلامها صح
تاففت بقهر ونزلت منها دمعه متمرده لفت الجهه الثانيه وتلحفت لين مايبين منها ولا شي
_______________________________________ اتمنى تصوتون الباراتات الجايه مابتنزل لين اشوف اهتمامكم بنزلها