اخاف يفوت عمري عليك ويعفس الهوى ويعتك
....
بقلمي
زينب
....
تصويت
تعليقاتكم
....
وقف صوت الرمي ووقفني بنيامين وانا واكفه ب الباب يصيح
_لاتطلعين افنان لحد يطلع
الباب مفتوح اباوعله لازم مهيمن وحاطه ورا ظهره ومدنكين ورا السياره حسيت رجلي ماتحملني علمود امشيلي خطوة كعدت ب الكاع ابجي وانا شوف سيارته مزرفه والطلق ب الكاع شلون طلعو منها
دخلو للبيت لازم مهيمن يمشي جان مامتوازن
كنبض كدامي وهو لازم بيد مهيمن
_عدت ماكو شي كومي افنان
حطيت ايدي على وجهي زدت بجي وانا ارجف
بعد ايدي يكلي
_ماكو شي شوفي مهيمن زين مابي شي
رفعت راسي اباوع المهيمن الي يباوع بعيون ناعسه وحيلي مهدود كمت حضنته وانا ابوس بي
_بعد اختك واهلها عبالي بيك شي راحت روحي
مانطاني ردت فعل ولا رفع ايده حضني سوا انو بجه بحركه بعدت عنه لازمه وجهه وامسح بدموعه شاغت روحي من شفت ضعفه من شفت الخوف بعيونه والرجفه واضحه عليه
_مهيمن حبيبي عليمن البجي الحمدالله انت مابيك شي باعيلي راح نطلع منا ادري عشت يوم صعب بس عده
مسح وجهه ودخل للهول بدون ميحاجيني
باوعت البنيامين انتظر منه جواب
_مناوي تحجي
_شحجي
صحت بي بعلو صوتي وكلي حقد عليه
_شتحجي مووو هيج واصله بيك المرحله تطلع من حلك الموت وتكول شحجي بكل دم بارد راح تحط راسك ع المخده وتنام نومت اهل الكهف ماكلت الرعب العشناه احنه بهل كم ساعه شنو معناه جرب تختفي يوم واحد من البيت وشوف شلون تصير حياتنه هادئة صار اسبوع مرتاحين من حسك وطلايبك بس دخلت هنا دخلت وياك المشاكل والخوف ماتكلي شنو من طينه انته شنو هل برود العايش بي
_اذا خلصتي روحي نامي مطمنه لان بعد مايرجعون هنا لاعبالج اسكتلهم على هاي عملتهم وباجر نطلع منا لغير بيت مايندلوه
_تطلع منا هاي اقصى حلولك اطلع انته وفائق من حياتنه وكتها نطمئن
جاي احاجي واجت عيني ع السياج الصاير ورا بنيامين لان جنه واكفين بباب الهول ماداخلين دفعت بنيامين بكل صوتي للهول وانا دخلت اركض وانا اشوف واحد صاعد ع السياج وموجه سلاحه على بنيامين
صار صوت رمي ضميت نفسي بظهر بنيامين وانا اتشاهد على نفسي
بس سرعان ما اختفه صارت بيه رهبه مو طبيعيه بحيث اتخيل اذا ادور وجهي راح انكتل ضليت مغمضه عيوني وانا ارجف واردد بايات قرانيه
_افنان باعيلي افنان
تخيلت وجه بنيامين هو وجه الشخص الشفته واكف وراه فتحت عيوني وانا ابتعد عنه ابجي
دخلت للغرفه وانا اشوف مهيمن ومهدي واكفين ب الباب
نزلت دوشك وبطانيه وغطيت نفسي ارجف
بحيث اخاف اوخر البطانيه عني خاف يصير بوجهي احد الشفتهم اليوم
حسيت على احد تمدد بصفي ورفع الغطه من وجهي حضني مهيمن وهو يحجي
_هاي مو اول مره نتعرض لهيج شي بس لاتخافين علينه بنيامين ويانه مانتاذه
شهكتي ب البجي وانا احاجي
_قصدك لان بنيامين وياكم راح تبقى الاذيه ورانه
_هدفهم يكتلونه علمود يخلصون على ابوي بس مراح يكدرون لان بنيامين ويانه صدكي مايكدرون عبالهم ابونه يحبنه وميت علينه ويكدرون ياذون ابوي بينه
سكتت وانا مهدود حيلي ماعرف شلون وشوكت نمت بس جنت ابجي ودموعي تحركني انتظر الجاي والاذيه الراح تصير
فزيت على صوت ب الهول مهمين نايم يمي بدون غطه بس حاط راسه على مخدتي مهدي نايم و مكرفص نفسه ورا ظهر مهيمن
نزلتلهم فراش وغطيتهم
باوعت الروحي ب المرايه عيوني منفخه ومثل الزرك من جوا وجهي شاحب مايل ع الاصفر لميت شعري ولبست حجابي باوعت على شكل مهيمن ومهدي وانا اطول بنظرتي عليهم
طفيت الضوا وطلعت من الغرفه صار بوجهي بنيامين يخابر ب الهول وجرثومه نايم
عفته بدون ماباوعله وانا اروح اتوضي
توضيت ورجعت سألته
_بيش الساعه
_ب السته
_وين التربه الكتلي عليها طلعها الي
دخل للغرفه صعد على كرسي وطلع مصلايه وتربه من فوك الكنتور رفعلته حاجيبي وانا اكله
_شنو شيعي وخايف السنه يلزمون عندك تربه
طلع بدون مايحجي شي ضليت اصلي وانا اطول بدعائي وكل ماتذكر يوم امس يكزبر جسمي
لميت سجادتي وطلعت المطبخ سويت جاي وانا انظف ب المطبخ دخل بنيامين وهو يكول
_محاجه تنظفينه راح نطلع اليوم
_وين على الله
_لارض الله الواسعه
_وصاحبك انشالله يجي ويانه
_لا نشمره ب الشارع شتكولين
_مايجي
_نصي صوتج لا اجيج
عليت صوتي اكثر وانا اكله
_مايجي فاهم لو لا وحته انته تامن النه مكان وبعد مانشوف خلقتك
تقرب علي بخطوة سريعه وهو يحط ايده على حلكي سد حلكي طك راسي ب الحايط حيل لزمت ايده بيدي الاثنين اريد اوخرها
_عيدي حجيج وشوفي تحملتج هواي ترا والعباس اشمرج للجلاب ب الشارع واخلص من سمج الحيه
دفعت ايده حيل عني وانا احاجي
_وخر ابو السحورة والله العظيم انته مو خالي توصل مرحله احجي عليك كدام مهيمن ومهيمن مايقبل عليك ويحسك انته تحميهم وانته كل البلاوي من جوا راسك
_تبقين حيه ومتصيرلج جاره لو احطلج النجم بيد والقمر بيد
_مشالله صاير لطيف عين البارده عليك
قطع كلامي صوت جرثومه وراي وهو يكول
_بس بهداي على كيفكم راح يطك عرجكم يابه ماتردوني اطلع منا ليش تتعاركون
_انته لاتضل تمسلت ترا حيلي خلصان من العندي مو تطلعلي صفح
تجاهل كلام بنيامين وهو يكلي
_وانتي افنان تردين اطلع
هزيت راسي باي بدون ماحجي شي
ضحك وهو يكلي
_لو تموتين ماطلع بيت اخوي واكعد بي
_منين اجه اخوك من فطر الحايط
_لاتتجاسرين
سكتت عنه طفيت الجاي على النار وهو يكول
_صبيلي جاي
صبيتله وانا ادردم بصوت ناصي
اصبلك سم وزقنبوت كون سم واسمك بي
فززني بصوته العالي وهو يكلو
_سمعتتتج
ضحك جرثومه وهو يكول
_صبيله لايموت على الجاي بهذا اب اللهاب يشرب جاي
صبيتله وصبيتلي كلاص كام جرثومه وهو يغسل الكلاص ويصبله ويكول
_عليكم الله بس لافائق وهو سكران شارب بهذا الكلاص
_سراج اشرب واسكت
سكت جرثومه شوي ورجع كال
_عيع شني هل سلبيه البيتكم يابه حرملو سوو شي
محد جاوبه انا طلعت من المطبخ وبيدي كلاص الجاي
جاي اشرب الجاي ب الهول سانده روحي ع الشباك مبعده البرده واباوع للبرا
فززني صوت جرثومه وهو يكول
_بريعصي على راسج
طفرت من مكاني وانا اشمر كوب الجاي واصرخ وانا ادك على راسي طلع بنيامين وانا ماشوف كدامي ضليت افرفح وانا انكث براسي وكف وراي بنياميين وهو يشيل بريعصي من ورا ظهري
باوعتله لازم البريعصي بيده رفعه كدام وجهي وهو يكو
ل
_تخافين من هذا وهاي البراعه كلها
لزما ايده من المعصم احاجي
_عليك الله وخره من كدامي
كزبر جسمي اباوع المعصم ايدي حبب
_روحي للغرفه لاتطلعين
هزيت راسي موافقه وانا التفتت واباوعله خاف يشمره وراي
باوعت على جرثومه الي وجهه احمر من الضحك وانا صفريت من الخوف
كل ماتذكر شكله تلعب روحي بحيث ذبيت الحجاب ولبست غيره لعبت روحي
حضرت غراض مهيمن ومهدي وغراضي بجنطه علمود ناخذهن
جاي ارتب ب الملابس واسمع بنيامين يخابر
_لاتصير اثول داهيه جاي اكلك وراها ميمون والنعمان شبيك ماتصدك
_امده السماك داهيه على هل غباء الشايله بس اليوم انطيني السيارة ارجعها الك ولا زلغ بيها
_ولك لاتصير فكر اكلك بس اليوم سيارتي منتهيه شلون اطلع بيها
_عود اغسلها قبل لا ارجعها بس ها حاجي فائق كله خيكعد كافي نوم رواحنه راح تروح وهو بعده يم ك***
اختفه صوته بعد المكالمه
جنت ارتب ب الملابس توي فتحت التلفون وصاح بنيامين من الشباك لان جان شباك الغرفه ع الهول
.....
خلصت الدروس وانا اخابر العبدالله
_ها اصيل خصلتي
_اي كملت
_شو مخلصه من وكت اليوم
_بعد خلصت ماتجي
_هسه يجي عليج خالد السياره عده انا طالع مو يمه
_ماشي
_اصيل
_ها
_شبيج ضايجه
_مابيه شي بس حاره وتعب
_ها ماشي دقايق ويجيج خالد
سديت الخط وانا انتظره
خابرلي خالد بس ماجاوبته طلعت لكيته واكف ب الباب
صعدت ب السياره وانا راسي صدع من الحر
صعدت يمه وانا اباوعله لحيته الطولانه ولبسه الاسود رافع اردانات قميصه وحاط على كتفه غثره
_جا انته مو يم خوالك شلون اجيتني
_ب السياره اجيتج
_اقصد شلون عفتهم مبين جاي تساعدهم اليوم خميس وعندهم ثواب
التفت وهو يبتسلمي
_قابل اخلي البرنسس ب الحر وتعبانه
_رجعني ابدل واروح يم خولة وياك
_لا ماترحين مايقبل ابوي
سكتت بدون ماناقشه وصلنه للبيت نزلت وحدي ب البيت قفلت الباب ودخلت لغرفتي حسيت بوحده مو طبيعيه بهذا الوقت مفروض ارجع الكه امي وافنان بس جانت الوحده طاغيه علي تمددت اباوع للسكف وانا بملابسي الجنت بيهن ب المعهد
فتحت تلفوني الي جابه الي خالد ورا ماختفه تلفوني القديم وماعرفت السبب ولا سبب الرسائل الوصلت العبدالله بس فجاة عبدالله تغير ورا فتره كانو مواصلاتله رسائل من تلفوني
غمضت عيوني اريد اطرد الافكار من راسي
التفتت ع الجهه الثانيه صارت عيني على سرير افنان
قطع افكاري مكالمه من عبدالله ضليت اباوع للتلفون بعجز ماجاوبته رجع اتصل مره ثانيه فتحت خط وانا اجاوبه
_هلا عبدالله
_وصلتي
_اي توا
_عذريني ماكدرت ارجعج
_ميخالف
_اصيل كدرت اعرف وين افنان
_سد موضوعها
_تعرفين شي ضامته علي
_شعرف يعني كعدت حالي حالك صبح العيد وافنان اختفت ماريد اعرف شي عنها لان هيه الي ختارت تروح برجليها لعذابها
_ادري بداخلج تردين اصغر خبر عنها
غمضت عيوني بقهر ساكته صح بداخلي اتمنى اعرف وين هسه وشصار عليهه
جان صوتي مليان غصه وانا اجاوبه
_لو حته اريد اعرف تفصيل عنها اتجاهل هل شعور
_نزلي جوا جاي انا
سد الخط كمت بدلت ملابسي ولبست دشداشه سمعت يدك بباب المطبخ فتحتله الباب وهو يفوت باوع لعيوني وهو يحجي
_والعباس مامرتاح الوضعج بيج شي
ابتسمت الكلامه وانا اكله
_سلام الله ع العباس مابيه شي شبيه باعني
_جنج نبع ريحان تلولح بكلبي
ما عرفت شجاوبه حسيته حطني بموقف ماماره بي من قبل
_انوب نبع ريحان شني
_انتي احلى منه ب العباس
سكتت ماعندي جواب الحجيه ولا عندي اي مشاعر تجاهه
_ يمته يجون
_بعد ب الليل يخلص الثواب ويجون
_شو انتي حته ماضيفتيني
ضحكت وانا اكوم جبتله كلاص ماي احاجي
_والله مابيه حيل اسوي جاي شكد تشربون جاي
_بابا احد كلج اريد جاي شو انتي تسبقين الحدث
_عبالي تريد
_شنو اخذتي اليوم
درت وجهي عنه وانا اكله بغصه بصوتي ومقهورة على وضعي
_ماريد ادرس مالي خلك هو انا ويني وين الدراسه قابل شراح اجيب مثلا
جر كرسي من الطاوله وكعد مقابيلي يحجي
_انتي خبله والله انا المن يوميه موديج ومرجعج وعند احسن اساتذه غير اريدج توصلين مرحله حلوة وتصيرين راضيه عن نفسج بعد كم شهر وتمتحنين تمهيدي المفروض انتي هسه بحيلج واهسج مو هيج اصيل مو هذيج الايام تكليلي تمام وجاي تاخذين دروس
نزلت راسي ودموعي نزلت بقهر
ماحجيت شي سوا اكتفيت ب البجي
رفع راسي وهو يوخر شعري من وجهي
_باعيلي اصيل مو هيج تعالجين الامور ادري بيج مصدومه بيوم فقدتي امج واختج كلشي اله حل بعدين من راح تتخطين هذا الموضوع راح تتندمين لان هملتي دراستج كلشي فتره ويعدي بس هاي الايام لو عدت ماترجع مره ثانيه
_بس انا مخنوكه مراح تفهمني لو حته احجيلك لان انته ماعايش هاي الخسارات
_يجوز عايش الاسوء بس محد مرتاح صدكيني احجيلي لو حته مافهمج المهم ترتاحين
هزيت راسي بنفي ودموعي تنزل
_مرات اكره حياتي اكول ليش الله خلقني ليش لهسه عايشه شنو فرقي عن افنان ليش تحب خواني اكثر مني ضحت بنفسها علمودهم ليش انا حته ماتجرا اعرف اخبارها اكول خاف متاذيه افنان ماتحمل بعد اي خبر مو زين احسني مخنوكه حيل مثل الشي الجاي يغطي على حياتي مجاي احس اي احساس تجاه شي كلشي صار باهت بحياتي انا مو ويه الناس المفروض اصير وياهم
_هيج شايله بكلبج
حطيت ايديه ع الطاوله وحطيت راسي على ايدي واباوعله من يحجي بهدوء
_بس انتي سباعيه باعيلي اسبوع اسبوعين راح ترجعين احسن راح تتخطين صدكيني راح ترجعين تاكلينه ب لسانج وتجاوبين الحجايه بعشره ادري بيج خايفه تنطين الروحج فرصه وادري عبالج هذا الشعور راح يستمر الكل حياتج وعبالج حته الجاي من حياتج اسود مثل سواد ايامج الحاليه بس ماكو شي يستمر عشنه هذا الشعور وانتي هم عشتي قبل بس راح تتجاوزينه وتصير سوالف باجر عكبه
_انا خايفه ماسيطر على افكاري واروح لورا افنان ليش كتلك لاتكلي وين مكانها
خزرني وهو يكول
_ديربالج تفكرين ب المضوعوع لو تحجين بي ديربالج اصيل
هزيت راسي باي وانا ارفع راسي من الطولة
_حذرتج
_اي شبيك مو كتلك اي
زفر نفسه وهو يفرك راحه ايده بكصته
_ليش نكلب حالك
_مابيه شي
سكت ورجع كال
_طارق هم خابرج
_اي امس خابر
_شنو يريد
_مايريد شي كتله اريد ادرس ونهيت المحادثه مرات يراسل لان من يخابر ماجاوبه
_جيبي تلفونج
بلعت ريكي بخوف من كلي هيج جان يحجي بحديه والموضوع مو مال نقاش لان جذبت عليه جان يخابرني طارق يوميه بحجه ضايج واريد اسولف وياج وانا كل مره اتركه ماجاوبه بس ماكلت العبدالله هيج لان وكتها راح يقضي على طارق اعرف عبدالله وعصبيته
عافني وهو يكوم لغرفتي
.....
تصويت