Part 35
ဖုန်းမြည်သံကြောင့် ရှင်းလေးချက်ခြင်းနိုးလာကာ
ဖုန်းကိုင်လိုက်သည်။
" ရှင်းလေး "
" ဘာကြောင့်ဆက်သွယ်လို့မရရတာလဲ "
" ကိုယ်နယ်မှာ MTVသွားရိုက်နေလို့ပါ
ဘာဖြစ်လို့လဲ "
" ဘာကိုဘာဖြစ်လို့လဲတဲ့လား "
ရှင်းလေးအသံနားထောင်ရတာ ကျွန်တော်အပေါ်
တော်တော်စိတ်ဆိုးနေပုံရသည်။
" ကိုယ်အလုပ်ရှုပ်တဲ့အချိန်နားလည်ပေးဖို့
ပြောထားတယ်လေ "
" ဒါပေမဲ့နေမကောင်းတဲ့အချိန်တော့ လွမ်းတာပေါ့
အားလည်းငယ်တယ် "
" ရှင်းလေးနေမကောင်းဘူးလား "
" အင်း နေမကောင်းတဲ့အချိန်တော့ တင်းနီကို
ချက်ခြင်းပြေးလာစေချင်တာ "
" ကိုယ်လာခဲ့ပါမယ် ရှင်းလေးဆီလာခဲ့မယ်နော် "
" အခုချက်ခြင်း "
" အွန်းပါ ကိုယ်ထွက်လာခဲ့ပါမယ် "
ရှင်းလေးဖုန်းပြောပြီးမှ ရှောင်ဝမ် အပေါက်ဝကနေရပ်နေရာကနေ ဝင်လာလိုက်သည်။
" မင်္ဂလာမနက်ခင်းပါ ရှင်းလေး "
" အစ်ကိုအစောကြီးနိုးနေတာလား "
" အင်း ရှင်းလေးဘယ်လိုနေလဲ ကိုယ်လာကြည့်တာ "
" ကျွန်တော်ဒီနေလည်း ကျောင်းမသွားနိုင်ဘူး "
ရှင်းလေးပြောပြီး ရေချိုးခန်းထဲဝင်သွားသည်။
" ရေတော့မချိုးလိုက်နဲ့နော် "
ရှောင်ဝမ်တောင်ပြောမဆုံးသေးဘူး
ရေသံကြားရသည်။
" တင်းနီကို အဲ့ဒီလောက်တောင်ချစ်တာလား
သူနဲ့တွေ့ဖို့ရေချိုးခေါင်းလျှော်ရတယ်လို့ "
ရှောင်ဝမ် ရှင်းလေးခေါင်းကိုလေမှုတ်ပေးရင်
ဆိုလိုက်သည်။
" ကျွန်တော်ကဖျားနေတာမှမဟုတ်တာ နုံးနေတာပဲကိုး "
ရှင်းလေးကို ခေါင်းခြောက်အောင်မှုတ်ပေးရင်း
အိပ်ရာပေါ်လှဲစေလိုက်သည်။
" ကိုယ်မနက်စာသွားလုပ်ပေးမယ် သူရောက်လာရင်
အပေါ်လွှတ်လိုက်မယ် "
" ကျေးဇူးတင်ပါတယ် အစ်ကို "
ရှောင်ဝမ်ပြုံးပြီးအခန်းထဲကအထွက်
ဝမ်ရိပေါ်ကိုတွေ့ရသည်။
" ရှင်းလေးနိုးနေပြီ "
" အင်း ရှောင်ဝမ်..ငါ "
" မနက်စာသွားပြင်လိုက်အုံးမယ် "
ဝမ်ရိပေါ်ဘာပြောရမှန်းမသိခင် ရှောင်ဝမ်ထွက်သွားသည်။
ရိပေါ် သက်ပြင်းသာချနေမိသည်။ သူ့သူငယ်ချင်းက
ရှင်းလေးကို ဘယ်လောက်ထိချစ်လဲ သူအသိဆုံးပဲဖြစ်သည်။
" မင်းရောက်ပြီကိုး "
ရှောင်ဝမ်စားစရာယူပြီးထွက်အလာ
ဧည့်ခန်းထဲရောက်ရှီနေပြီဖြစ်တဲ့ တင်းနီကို နှုတ်ဆက်လိုက်သည်။ တင်းနီလက်ထဲကပန်းနှင့်သစ်သီးခြင်းကို
အစေခံကိုယူစေကာ သူ့လက်ထဲကအစားအသောက်ဗန်းကိုတင်းနီကိုပေးလိုက်သည်။
" ရှင်းလေးအခန်းကိုလိုက်ပို့လိုက် "
အစေခံက ခေါင်းညိတ်ကာ ခေါ်ဆောင်သွားသည်။
🏫
ဒေါက်...ဒေါက်
ရိပေါ်ရှင်းလေးကို နှိပ်ပေးနေစဥ်
တံခါးခေါက်သံကြောင့်
ဝင်စေလိုက်သည်။
" တင်းနီ! "
တင်းနီလာတာနဲ့ ချက်ခြင်းထထိုင်လာတဲ့ကလေး
" ရှင်းလေး "
အစားအသောက်ကိုစားပွဲပေါ်တင်ကာ ရှင်းလေးကိုဖက်လိုက်သည်။ ဝမ်ရိပေါ်အလိုက်သိစွာပဲ အခန်းထဲကထွက်လာခဲ့လိုက်သည်။
" ပိန်သွားလိုက်တာ "
ဖက်ထားရာကနေခွာပြီ ရှင်းလေးကိုသေချာကြည့်ကာပြောလိုက်သည်။
" တင်းနီကိုလွမ်းလို့လေ ဘာကြောင့်ကျွန်တော်ကိုပစ်ထားတာလဲ ကျွန်တော်ကိုချစ်တယ်ဆိုတာလိမ်တာလား "
" တောင်းပန်ပါတယ် အဲ့လိုတောင်ထင်သွားရတာလား
ကိုယ်ကအလုပ်လုပ်နေရရင် တခြားကိုအာရုံမစိုက်တက်လိုက်ပါ အလုပ်ပြီးမှ ဖုန်းကို မန်နေဂျာဆီကတောင်းတာ "
" နောက်ဆိုရိုက်ကွင်းတခန်းပြီးတိုင်း
ဖုန်းကိုတချက်ယူကြည့်
သုံးလေးရက်နေမှ တစ်ခါမယူကြည့်နဲ့ တင်းနီမှအခု
ချစ်သူရှီနေပြီလေ "
ကျွန်တော်ရင်ခွင်ထဲဝင်ကာ
ပြောလာတဲ့ ရှင်းလေးကြောင့်
တင်းနီပြုံးကာ ခေါင်းညိတ်မိသည်။
" ဟုတ်ပါပြီ ကိုယ်မှားသွားတာပါ
ဆန်ပြုတ်ပူပူလေးသောက်ရအောင်နော် "
ရှင်းလေးကိုမှီစေလိုက်ပြီး ဆန်ပြုတ်ယူကာ
သေချာမှုတ်ပြီး ကျွေးလိုက်သည်။
အားနင်က ဝင်လာကာ တင်းနီးပေးသောပန်းကို
ဖန်အိုးလှလှလေးနဲ့ ထိုးလာသည်။
" နှင်းဆီပန်းပဲ ကိုကိုထိုးပေးလိုက်တာလား "
" တင်းနီဝယ်လာတာကိုး သခင်လေးရှောင်ဝမ်က
ထိုးပေးလိုက်တာပါ "
ရှင်းလေး တင်းနီကိုကြည့်လိုက်မိသည်။
" အစ်ကိုရှောင်ဝမ်က ကိုယ်ကို ဒီတစ်ခေါက်
ဖော်ရွေစွာဆက်ဆံတယ် "
ရှင်းလေးခေါင်းညိတ်လိုက်သည်။ ရင်ထဲမှာတော့
စိတ်မကောင်းဖြစ်သွားမိသည်။ အစ်ကိုရှောင်ဝမ်က
သဘောထားကြီးလေ ရိရှင်း အားနာမိလေဖြစ်သည်။
⛪
" ဒီနေ့ ရှင်းလေး ကိုယ်တို့နဲ့အတူ မနက်စာစားလို့ရပြီလား "
ရိပေါ် နက်ကတိုင်စီးပေးရင်း ခေါင်းရမ်းလိုက်သည်။
" ဘာဖြစ်လို့လဲ မသက်သာသေးဘူးလား
မဖြစ်တော့ဘူး ကျန်းချန်ကိုခေါ်မှရမယ် "
" တင်းနီရောက်နေတယ် "
" ဟင်..."
" ကျွန်တော်တို့ပဲ စားရအောင် "
ရှောင်ကျန့်ခေါင်းညိတ်လိုက်ပြီး ရိပေါ်ခါးကိုဖက်လိုက်သည်။
" ကိုယ်တို့ရဲ့ရှင်းလေးက လွမ်းဖျား ဖျားနေတာကိုး "
" ကိုကိုနော် လျှောက်မပြောနဲ့ ကလေးကို "
ရှောင်ကျန့် ဝမ်လေးပါးကိုနမ်းလိုက်သည်။
မနက်စာစားပြီး ရှောင်ကျန့်နဲ့ရှောင်ဝမ်က
ကုမ္ပဏီသို့သွားခဲ့ပြီး ရိပေါ်ကတော့ ရှင်းလေးကို
စိတ်မချသေးတာကြောင့် ကုမ္ပဏီမသွားခဲ့ပေ။
" တင်းနီ..."
ရိပေါ် အခန်းထဲဝင်တော့ ရှင်းလေးက တင်းနီလက်ကိုဆုတ်ကိုင်ပြီး အိပ်ပျော်နေသည်။
" အစ်ကို "
" တင်းနီအတွက် မနက်စာယူလာတယ် "
" ကျွန်တော်ဗိုက်မဆာပါဘူး "
" ဒီနေအားရောအားရဲ့လား "
" ရှုတင်ဖျက်ပြီလာခဲ့တာ အစ်ကို
ကျွန်တော် ဒီနေ့တနေ့ကုန် ရှင်းလေးနားနေလို့ရတယ်မှတ်လား "
" အစ်ကိုကကျေးဇူးတင်တာပေါ့ "
ရိပေါ်ပြုံးပြီး ပြောလိုက်သည်။ လူငယ်တွေကြားမှာ
အရမ်းအောင်မြင်နေတဲ့ တင်းနီ အလုပ်အရမ်းများပြီး
အချိန်ပြည့်နေတဲ့ တင်းနီက ညီလေးနားမှာ ရှီနေမှာဆိုတော့
ရှင်းလေး အမြန်သက်သာမှာဖြစ်သည်။
⛪
ရိပေါ်ဆုတောင်းမပြည့်ခဲ့ဘူးဖြစ်သည်။
" အစ်ကို ရှင်းလေးကို နှိုးလို့မရဘူး "
တင်းနီကို နေ့လယ်စာအပို့
တင်းနီပြောစကားကြောင့်
မျက်လုံးပြာသွားခဲ့ရသည်။
" ရှင်းလေး...ရှင်းလေး ကိုကိုခေါ်နေတယ်လေ "
ဝမ်ရိပေါ်လှုပ်နိုးနေပေမဲ့ ထူးသံမကြားရပေ။
ရှင်းလေးလက်ကတော့ တင်းနီကိုဆုတ်ကိုင်ထားမြဲဖြစ်သည်။ ဝမ်ရိပေါ်ဘာကိုမမြင်နိုင်အောင် တိတ်လန့်သွားပြီး နှလုံးခုန်ရပ်သွားသကဲ့သို့ ဖြစ်သွားရသည်။