يزن : ( اشرت لحراسي يتبعونه والتفتت لجلال جانت الاصابه بجهته اليسرى ) جلال .... تسمعني
جلال : تبعه يزن .... جيب سجى منه
يزن : عوف سجى لخاطر الله .... ساعدني اخذك للمستشفى
جلال : عوفني وروح وراه
يزن : باوعلي .... وحقك مااتركه .... اتفقنا .... مراح يفلت منا
جلال : وعد ( لزم ايدي وهز براسه .... حسيت الدنيا دور بيه وسودت بعيوني ..... عرفت ان حياتي جانت بدين يزن .... صحيت بس ماكدر افتح عيوني جنت اسمع صوت يزن والاطباء اسمع اصوات بس مااميز الكلام .... شوي شوي بدت استوعب .... لسمع احد يصيح باسمي .... بديت افتح عيوني شفت سجى يمي وجها اصفر عيونها حمر .... تمسح ع وجهي وتصيح باسمي .... ابتسمت ) وفالي يزن بوعده
سجى : ليش ماتاخذ الحجايه
جلال : لو ماخذها مجان انتي يمي
سجى: ردت تموت لو ما يزن مدخل
جلال : شنو صار
سجى : دز يزن حراسه ورا جلال لزموه وطلعوني .... سلموه للشرطه
جلال : هو بالسجن
سجى : اي مصيره بين اديك
جلال : تردين اسجنه ( سكتت منزله راسها ) شنو .... احجيلي ..... تحبي ؟
سجى: اكرهه .... بس اكو بيتنا ناس منتظرته .... عايشه تحت ضله .... يضيعون بعده
جلال : عمج موجود
سجى : عمي نشل ورا مانسجن جلال ..... اجى توسل بيزن يطلعه باس حتى رجلينه ويزن طرده
جلال : لا حول ولا قوة الا بالله
سجى : اختي وابنها منتظرها ..... ادويه امي وعلاجها ..... مرة عمي تموت اذا مشافته كدامها وعمي ....
جلال : ليش تهتميلهم
سجى : امي الوحيده الصدكتني وكفت وياي بس مابيدها شي
جلال : والبقيه
سجى : عمي بعد ابوي اعتبره مثله
جلال : وضحى ؟
سجى : مرة عمي فقيره ترا مالومها بالي سوته خدعتها ضحى
جلال : ( لزمت ايدها ) و ضحى
سجى : اقسمت ع نفسي مااسامحها..... بس ابنها غير كل افكاري .... لتسالني عنها اني بنفسي ماعرف
جلال : وين يزن
سجى : برا اصيحله ؟
جلال : اي
سجى : ( طلعت يم يزن جان يدفع فلوس عمليه جلال ) يزن
يزن : هلا سجاوي .... كعد
سجى : ماعرف شلون اشكرك ( التفت الي وابتسم )
يزن : واجبي ..... مو اصدقاء احنا
سجى : ( ابتسمت ) جلال يريدك
يزن : تمام
سجى : ( صفنت شلون يزن اجى ..... شدراه .... يمكن جانت خطه من جلال ..... لحظه ليش يزن خله ياسر يرمي ع جلال .... مااجى يزن وي جلال .... جان يراقبه ؟ .... ليش بلاساس مارجع للبصره .... ضليت بتسائلاتي ماحصلت اجابه .... بعد هليوم قدم يزن تنازل حتى يطلع ياسر ..... رحت للبيت برفقه حراس يزن ودعت امي .... وعدتها اني ازورها .... ورجعت للبصره ..... حسيت راجعه لبيتي ..... دخلت لشقتي ارتاحيت ..... جانوا يزن وجلال وياي )
يزن : ليش ماترتاح بيتكم جلال
سجى : صح كلامه طمن امك وخواتك عنك
جلال : رجعنا للطرد
سجى : لا والله .... بس حتى يطمنون انك تركتني
جلال: ماتركتج
سجى : شلون ..... والطلاق
جلال : ماطلكت جانت جذبه
سجى : مافهمت
يزن : الطلاق لازم يصير بوجهج .... يطلكج بحظورج
سجى : ميصير غيابي
يزن : يصير بس لازم يسمعج اياها للكلمه واكو حلات يصير غيابي بس مو بحالتكم بحالتكم لازم يسمعج اياها
سجى : ليش جذبت عليه
جلال : اعرف مضطره والحجي لحجيتي مجان من كلبج ردتي تحميني
سجى : ماريد اورطك جلال
جلال : انتي ورطه واني قابل بيها
سجى : اني ورطه 😠
جلال : ( تقرب منها لازم ايدها ) لج خلاص انتي زوجتي .... مشاكلج مشاكلي .... مو رجال الي ميوكف وي زوجتك باصعب اوقاتها
يزن : جلال ..... اني استاذن لازم اروح
سجى : ( طلع جلال وي يزن مدري شنو حجوا .... رجع جلال ضايج من شافني ابتسم ) اكو شي
جلال : اكو اني وياج وطز بالدنيا
سجى : ها
جلال : ع شنو اخفي ..... سجى اني احبج
سجى : بعد كل الي صار ؟
جلال : الصار زاد تعلقي بيج .... كل كلامج جان بدافع تحميني ..... انتي انسانه قويه .... طيبه .... مميزه
سجى : ( ابتسمت بخجل ) نسيت تكول ورطه
جلال : ها اي صح ورطه .... احلا ورطه بحياتي
سجى : اكعد ارتاح خل اسويلنا شي نتغده بيه
جلال : مكلتيلي ..... هلحب من طرف واحد ؟
سجى : لا تسالني هسه .... اني جنت اخوض حرب بالمشاعر .... مشوشه جلال .... اذا جنت تحبني اصبر عليه
جلال : ماشي
.
.
.
.
ام ياسر : شسويت بينا يمه طلكت مرتك ودخلت السجن واذيت ابوك
ياسر : تركيني يوم البيه مكفيني
ضحى : ( جان ياسر كلش منزعج .... واني منقهره منه لا سلمت عليه ولا كعدت وياه اذا ميريدني شعندي راجعتله .... انشغلت بابني الي ولا يوم سال ياسر عنه ولا حتى طل بوجهه .... مرت الايام وصار عمر ابني سنتين كبرته وحدي اني وامي ومره عمي .... بهلايام توفى عمي مما زاد احباط ياسر وكره للحياة ....من دخل ياسر لسجن انفصل عن شغله فمن طلع انضم لاحد الاحزاب حتى يتوسطوله بشغل وفعلا دخلوه بالمحافظه .... ليوم كعدت ع وقت سويت ريوك لامي ومره عمي .... ياسر عنده عطله .... كعدت اتريك وي مره عمي ونسولف عن الاخبار )
ام ياسر : ريكتي امج
ضحى : اي
ام ياسر : وابننج
ضحى : نايم ( شفت رساله من سجى )
سجى : اريد احجي وي امي
ضحى : شعجب ذكرتي عندج ام
سجى : بلا لغوه زايده ودي الجهاز لامي
ضحى : ( اخذت لجهاز لامي وعلمتها شلون تتصل ع سجى ... نزلت لكيت مهدي كاعد ... شلته غسلتله وبدلتله واخذته ريكته )
مهدي : ماما اليد اتوف تفزيون ( اريد اشوف تلفزيون )
ضحى : روح اصعد يم امي هناك ادوره الك ع ماخلص الماعين ( راح يركض خلصت شغلي وصعدت وراه شفته يحجي فيديو وي سجى ) منو شغل الكاميرا
مهدي : اني .... ماما هايه اختج
ضحى : اي ( خزت سجى بالكاميرا ... تجاهلتني تحجي وي مهدي .... درت التلفزيون ع افلام كارتون ونزلت اشتغل شوي و نزل ياسر سويتله ريوك مجاهلته هيج عشنا طول هلسنتين )
ام ياسر : يمه مكافي
ياسر : شتردين مني بعد
ام ياسر : رجع مرتك وابنك لعشك يايمه
ياسر : يوم اني بالي غير وحده
ام ياسر : وشبيها ضحى
ياسر : ماريدها ذكرني بذيج
ام ياسر : ومنو تريد
ياسر : موظفه وياي كاتله نفسها عليه
ضحى : ( صعدت لغرفتي مقهوره لو شمايصير ماارجع لياسر ..... خل تفيده ذيج .... عدلت غرفتي ونزلت اسوي غده شفت مهدي يلعب بالصاله يركض شوي واجى ياسر عاط بيه )
ياسر : اركد استقر ..... دوختنا
ضحى : جاي يلعب
ياسر : واني اريد اشتغل
ضحى : ياسر ترا طفل
ياسر : اذا سمعت صوت اجي اشنقه ع المروحه
ضحى : ( ركض مهدي حضن رجلي بينما صعد ياسر يشتغل )
مهدي : ماما لا خلينه يضربني
ضحى : مايضربك حبيبي بابا يحبك
مهدي : مو بابا
ضحى : ليش تكول هيج
مهدي : هو .... هو جر اذني كالي لا تكول بابا
ضحى : ( عصبت كلت لمهدي يروح يم مره عمي وصعدت لياسر ) شنو لزوم هلحجي
ياسر : لتعلين صوتج .... اسمعج
ضحى : ( فتت للغرفه وكفت ع راسه ) ياسر ترا طفل مهدي .... اذا تكرهني الي الطفل ماله دخل
ياسر : اول شي مااكرهج ... ثاني شي مامسويله شي
ضحى : وعياطك بي
ياسر : اربي
ضحى : وليش تكوله لتكولي بابا
ياسر : احسن خل يصيحلي ياسر
ضحى : ماتريد تعترف انه ابنك
ياسر : لل ماريد .... طلعي وسدي الباب وراج اريد اشتغل
ضحى : ( عصبت ) كلك ذوق ياسر
ياسر : شكرا ( ببتسامه مزتفزه )
ضحى : ( عفته وطلعت حاولت ابعد مهدي شكد ماكدر عن ياسر مر شهر تقريبا جانت مره عمي تشتري لمهدي كولشي ياسر شايل ايده منه .... ليوم شفته يححي بالتلفون وي ذيج الي تحبه متت قهر .... اكول لنفسي تركي بس كلبي رافض هلشي .... تحججت باي شي حتى اصعد لغرفته ) اكدر افوت
ياسر : تعاي
ضحى : ياسر .... اني استحي اطلب من مره عمي فلوس
ياسر : بشنو محتاجتهم
ضحى : لمهدي اريد اجيبله ملابس ( طلع فلوس من كنتوره )
ياسر : تطفيج ١٠٠
ضحى : ها .... اي كافي ( اخذ ١٠٠ وخله بيدي ضل لازمها لايدي ) خير
ياسر : شرايج ليوم تباتين يمي
ضحى : ( جريت ايدي منه ) شلزوم هلحجي
ياسر : ضايج
ضحى : احنا ماكو شي بينا ياسر وهلشي حرام ( تقرب عليه ردت ابتعد جرني من خصري )
ياسر : عوفي الحرام ع صفحه ..... ممشتاقتلي ..... ممحتاجه رجال #######
ضحى : ( ضل يمسلت بالحجي ضربته كف حتى اسكته وطلعت )
ياسر : بسيطه يا ضحى والله لردلج الضربه بعشره
ضحى : ( خفت منه نزلت يم مره عمي نمت وكلبي يدك بسرعه )
ام ياسر : شبيج ضحى
ضحى : خفت وحدي .... اكدر انام يمج
ام ياسر : ضحى انتي ام شنو تخافين
ضحى : وذا ام الله يخليج يوم ( هزت بيدها وسوتلي مجال نمت يمها .... والف فكره تجي براسي .... يتبع