ذنب لا يغتفر

٢٠

ضحى : ( مرت الايام ونشغلنا بتجهيزي للعرس ويوم عن يوم خوفي يزداد مثل الي ماخذينه للاعدام ضل سبوع ع عرسي سلمت امري كلت اروح اكول لياسر كولشي خل يكتلني هسه ولا بعدين وصير فضيه لان اعرف ياسر من يعصب ميلزم نفسه وحصير فضيحه اله اول مالها تالي ..... جان تلفون امي بيدي صافنه بيه قبل لا اخلي ع الفراش اجاني اشعار من الفيس .... تعليق عن منشوري الي نشرت بيه مشكلتي ..... فتت للمنشور جنت ناويه احذفه وحده كاتبتلي اكدر اساعدج فوتيلي خاص .... واني مثل الغركان اليتعلق بقشه .... فتتلها خاص ) السلام عليكم

..... : عليكم السلام

ضحى : ( سكرت المنشور وتعليها ودزيته الها ) ممكن تساعديني

..... : اي حبيبتي اني اختي دكتوره نسائيه تكدر تسويلج عمليه مراح يبين شي بس يكلفج

ضحى : شكد يكلف ماعندي غير مهري ضل منه بس ٣ والله

..... : خل اتفق وياها ع ال٣ واردلج خبر

ضحى : فدوه والله تنقذين حياتي ( راحت البنيه مسحت الرسايل ونزلت اشتغل وي نزلتي شفت ياسر )

ياسر : شبيج كاضيتها صفنات

ضحى : جاي اشتغل

ياسر : توفي من ايدج تعاي

ضحى : ( تركت كلشي وغسلت ايدي وصعدت وراه فوتني للغرفه )

ياسر : شرايج

ضحى : تجنن

ياسر : فوتي ليش واكفه بلباب

ضحى : ( فتت للغرفه بينما هو وكف بلباب سد السركي بس اني منتبهتله ماحس الا محتصني من الخلف )

ياسر : مو كافي ثكل

ضحى : يمعود وخر لحد يشوفنا

ياسر  : وين ضحى الجانت كاتله نفسها عليه ليش تغيرتي

ضحى : ما تغيرت بس نكسرت ( دفعت نفسي منه )

ياسر : ليش

ضحى : موت بابا وخواتي مو قليل المريت بيه اني

ياسر : اني هنا حتى اعوضج

ضحى : انت اخاف منك حجايه تخليك تعصب وتكلب

ياسر : مره صارت لا تلطشين

ضحى : اي اثبتلي

ياسر : شلون اثبتلج شسوي اذبح روحي

ضحى : الايام تبين ( ابتسمتله ردت اطلع جان يسحبني من خصري ضابني اله ) ياسر

ياسر : ترا مرتي مو عاقدين احنا

ضحى : و العرس

ياسر : هذا كلاوات كدام الله احنا زوجين

ضحى : ها ( ابتسم وتقرب عليه يقبل شفتي غمضت عيوني ..... بدون وعي شفت نفسي ابادله شكد مااخفي مشاعري مجرد يتقرب مني انفضح ..... ما اكدر اخفي حبي اله ..... لزمت وجهه اقبله .... مجرد فتحت طرف عيني شفت رحيم كبالي ... غمضت عيوني بقوه متاكده عقلي الخره ديتخيل ماحس الا دافعني ياسر عنه اباوعله شفايفه كلهن دم )