ذنب لا يغتفر

١

ضحى : صباح الخير

سجى : استعجلي راح نتاخر

ضحى : خل اصلي صبري ( خزرتني وهي تكوي بحجابها كمت من فراشي رتبته شفت رنى اختي نايمه بسريرها وحدها واني وسجى سريرنا واحد ... باوعت لحجابي الابيض مكسر ) اكويلي وياج

سجى : ديلا تحررركي

ضحى : تكويلي

سجى : خوس

ضحى : اموووح ( بستها بالهوا ابتسمت فتت للحمام بصف غرفتنا باوعت لصابونتي جان اسمها روز الورديه وسجى تستخدم غسول ابيض يصير بيه رغوه ليش احجيلكم علامور ماادري يمكن منعسه بعدي .... غسلت وجهي وتوضيت وطلعت فرشت سجاتي باوعت لسجى تكوي بقميصي ابتسمت وصليت .... خلصت صلاه كعدت اسبح ولا تعيط بيه سجى )

سجى : سبحي بكلبج وانتي تبدلين

ضحى : حسبي الله ع المدرسه شراح اطلع قابل دكتوره

سجى : ليش لا

رنى : ترا زعجتوتي

ضحى : ( لفيت السجاده وبطنها الحجاب وبدلت ع السريع اخذت جنطتي وطفيت الاضويه ونزلت شفت ماما وسجى بالمطبخ )

الام : تعاي اكلي لفتج

ضحى : اووف نعسانه

الام : يلا يلا كافي نوم

ضحى : يوم تلفونج بفراشي نمت البارحه ونسيت انزله

الام : سهرتي عليه مو

ضحى : لا والله ب١١ نمت سجى خبصتني

سجى : الضوه بعيني مااكدر انام

الام : يلا يلا استعجلوا

ضحى : ( خلصنا ريوك شلنا جنطنا وطلعنا ... المدرسه قريبه فكنا تروح مشي .... طلعت قبل سجى شفت ياسر جاي يطلع بسيارته يريد يروح لدوام شافني رفع ايده يمكن عباله سجى هو يحب سجى وميميز بينا لان انا نسخه طبق الاصل من ثانيه بس شخصياتنا تبين ... رفعت ايدي اسلم عليه طلعت سجى شافته عكرت حواجبها ومشت كدامي ) هذا ياسر

سجى : امم

ضحى : سلم عليه عباله انتي ههههه

سجى : خل يولي

ضحى : ليش تضوجين منه

سجى : شراح تستفادين اذا عرفتي

ضحى : يعني ماتحبينه

سجى : هم شراح تستفادين اذا عرفتي

ضحى : مو اختج اني احب اعرف

سجى : ولج انتي شتحجين ترا عمرنا ١٥ سنه ابوج لو يعرف نحجي بهيج مواضيع والله يصلبنا بالباب

ضحى : ابوج معقد

سجى : نجبي

ضحى : ( وصلنا للمدرسه هلسنه احنا وزاري فسجى تشوفها بس تدرس كبل فاتت للقاعه طلعت العربي وضلت تقرا بلانشاء واني كعدت اسولف وي البنات )