سجى : ( رجعت للبيت بغرفتي مدخلني باحد مرت الايام الوضع نفسه منحجي اني وياسر وضحى ملتهيه بحملها وعمتي شاغغله ياسر بضحى جيب ودي لمن اجتي ولادتها اخذوها للمستشفى بليل لصبح يالله ولدت جابوها كلش تعبانه ... وكفت باب الغرفه اباوعلهم كلهم مخبوصين بضحى .... واتي واكفه بس اباوع اشرتلي ضحى تعاي مابيها تحجي )
ضحى: ياسر فدوه نطيها الطفل لسجى
سجى : ( جان الطفل بحضنه لياسر رفع راسه باوعلي اشرلي كعدي كعدت وفتحت اديه خله الطفل بينهن صغير كولش اخاف يومع مني من شفت دمعت فرح ) حبيبي صغيروني
ضحى : اي لج هذا الجان تارس بطني منو يصدك
سجى : شمو سميتوه
ضحى : مهدي
سجى : ياسر فدوه صعده خل شوفه ماما
ضحى : اي فدوه اكيد ضل بالها
سجى : لفلفه عدل بارد الدرج
ضحى : وانتبه لراسه
ياسر : خلاص افتهمت كافي توصن
سجى : ( شاله ياسر وصعد بيه لامي واني وراه اباوعله خايفه عليه ..... دخلنا يم امي جانت كاعده تتسبح وتدعي ) شوفي منو اجى
الام : ( بتلكىء ) اس... اسم الله .... الر.... الرحمن
سجى : ( خلاه ياسر بين اديها وكعدت يمها اسندها خاف يوكع منها لان اديها ترجف ..... رفعته بضعف واديها ترجف باست راسه ودمعها تصب كعدت تناغيله وكوه تحجي .... ضلت تقرا قران وتمسح ع كصته خلته ع رجلينها وتلوليله وهي تلمس بديه وهو ساكت مطمئن الها بعدت عنها متراجعه للخلف كعد ياسر بصفي وحوطني بيده من الخلف بدون متنبه امي همست باذنه ) وخر لتعكر مزاجنا
ياسر : خلص صبري
سجى : اطلع برا نحجي ماريد اضوج ماما ( كمت طلعت هو ورا شويه طلع وراي لكاني مجتفه وكف ع الحايط متكا راسم ع وجهه ابتسامه )
ياسر : اشتاقيتلج
سجى : صار بحضنك طفل لتخرب صورتك كدامه
ياسر : ميهمني اريدج الج .... خل تاخذه ضحى ونطلك واخذج الج
سجى : حرام عليك البنيه ميته بيك
ياسر : ماكدر احبها
سجى : وشلون صار بينكم طفل اذا متحبها
ياسر : اني رجال عزابي طبيعي اول بنيه سلملي نفسها اخذها مو مساله حب
سجى : وهسه شو صمت
ياسر : كلبي رفضهن كلهن يريدج انتي
سجى : دخيلك اسكت لتخليني اصدك منو الركض جاب السلاح لبابا ( تقرب عليه ببتسامه خبيثه تراجعت للخلف حتى طخ ظهري بلباب ) متكدر توكف وتحجي نفس العالم
ياسر : لو كاتلج ذاك ليوم مو أحسن من هلعذاب
سجى : ( دفعته عني ) اناني ومتفكر الا بنفسك
YOU ARE READING
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
