ود : ( نزل لاحد البيوت يفتح بابه نزلت وراه فتت للبيت كله تراب )
جلال : ساعديني انظف البيت
ود : ( يحجي نعصب ماكدر اناقشه .... البيت صغير غرفه وحده وصاله وحمام ومطبخ فات للمطبخ بيه طباخ غاز وثلاجه صغيره وطاوله بدون كراسي طلعهن وشكل ملابسه .... اخذ يكنس بالتراب صار جو البيت كله تراب ..... انتبهلي اسعل نزع وشككه لوصل طوال اخذ وحده حطها ع انفي و وفمي وشداها خلف راسي ... هو يشد بيها تقرب يمي .... رفعت عيوني اراقبه وجهه ميتفسر من الغضب ) جلال
جلال : لا ضلين واكفه سوي شي مفيد
ود : ( شد القطعه ع وجهه ردت اشدها اله دفع ايدي وشداها وراح يكمل كنس ضلت الدمعه واكفه بعيني لزمت المكناسه اكنس وياه بالتراب بس شنو انترس وجهي تراب ...... خلصنا كنس ذب مي وغسول مال ارض ونظف المطبخ وحيطانه همات بعدين كلي شطفي المي وطلع نظف الطباخ والثلاجه والطاوله ورجعهن لمكانهن بس شنو الجو بااارد والارض رطبه واني انترست مي انوب طب للحمام هم نظفه وحده كالي رابي الصاله ... طبيت لصاله ممفروشه فارغه كنستها وذبيت مي نظفتها اجى هز بيده معاجبه ذب مي ورجع نظفا رحنا ثنينا لغرفه النوم همات نظفناها فارغه الغرفه بس سرير بيها وميز بيه مرايه خشب قديم بيه اربع مجرات صغار رتب الغرفه كالي طبي سبحي ) معندي ملابس ولا عدنا شامبو ولا صابون
جعفر : جايب بالسياره
ود : ( جاب شامبو مال الاطفال وصابونه ركي الخضره باوعتله ) صدك تحجي
جعفر : تحركي بسرعه
ود : ماعندي ملابس
جعفر : طبي سبحي ع ماجيب ملايس
ود : ( شبيه هذا .... طبيت اسبح ارتخت عضلاتي جوه المي حسيت رحت بغير عالم .... عالمي الخاص .... البيه كل احلامي .... عالم يكون بابا راضي عني .... بجيت جوه المي .... شنو الذنب السويته حتى هيج تكون حياتي سرعان ما انطرق الباب ) منو
جلال : اني
ود : ( مديت ايدي اخذت منه الملابس وسديت الباب .... شفتهم ملابس شتويه بلوزه طويله وبطرون شتوي لونهم جويتي ..... لبستهم وطلعت طب هو يسبح .... برررد كلش .... شفته فاتح دفايه .... نفطيه بنص الصاله كعدت بصفها انشف بشعري ....خلص سباحه اجى كعد بصفي لابس اسود بطرون وبلوز ) ماكو منشفه ثلج راسي
جلال : نسيتها .... جبتلج مشط ..... مشطي بيه هو ينشف
ود : ( كعدت امشط بيه ويوكه كومه مي ضليت اعطس .... نزع جلال بلوزته ونشفه لشعري بي ) لا لا لعد انت شتلبس
جلال : مو مشكله هس تنشف
ود : ( اخذ ينشفه لشعري ويمشطه ) جلال
جلال : شنو
ود : اني مسويت شي خطا
جلال : كل هذا وتكولين ماسويت
أنت تقرأ
ذنب لا يغتفر
أدب نسائيمهما حاولت الهروب من هذا الذنب اذ به يظهر امامي ليوقعني في مشكله اكبر
