ذنب لا يغتفر

36

سجى : شتريد مني انتي ثاني

يزن : نوصل ونحجي

سجى : نزلني هنا ماكو مكان اروحله وياك ( وصلنا لبيت صغير )

يزن : نزلي

سجى : مانزل

يزن : نزلها

سجى : ( اشر لحارسه ينزلني .... جرني من ذراعي منزلني للبيت .... جان عباره عن مطبخ وحمام وحوش البيت نفسه الاستقبال .... اكو بنص الاستقبال درج دوار يصعد لطابق ثاني ..... ذبني الحارس ع القنفه وطلع ) شتريد مني

يزن : شنو يعجبج جلال

سجى : ( وكفت كدامه بعصبيه ) انت شنو ..... شعليك .... اتركوني .... اعتقوني .... ع شنو لاحكيني

يزن : احبج

سجى : يا حب يزن ..... انت تهجمت عليه وانت متعرفني

يزن : بالبدايه ردت انتقم منج جان الموضوع تحدي ...... بعدين حبيتج وردت اكسبج كلشي سويت ع مودج

سجى : ( علا صوته وكسر التحفيه .... تقدم عليه واني اتراجع بخوف )

يزن : ردت اموت بسببج ..... شسوي اكثر

سجى : الي يحب مو هيج يزن ..... جاي تاذيني

يزن : وكلبي شذنبه

سجى : شوفلك وحده تحبك اني ماحبك

يزن : تحبيني بعدين

سجى : شتريد سوي

يزن : تبقين هنا لمن تحبيني

سجى : مخبل انت مو صاحي ( عافني وطلع ضليت ادور ع مكان اشرد منه ماكو وبرا كله حراس ماكو منفذ .... ضل يوميه يحيلي يكضي وقت وياي يسولف واني مننطتته وجه مارد ع اي كلمه لليل يروح )

.
.
.
.

ضحى : ( ضل ياسر يدور ع سجى بدون فايده لمن اتصل عليه يزن كاله لا دور هي يمي واذا شفتك متقربلها ااذيك .... خاف ياسر وترك الموضوع ...... مر سبوع محد بينا يحجي وي ثاني كاضيتها اني وي البنات بالماسنجر ...... لمن اجتي ذاك ليوم مره عمي )

ام ياسر : يوم اكو ناس جاين عليج

ضحى : يخطبوني ؟؟

ام ياسر : اي بس ياسر طردهم

ضحى : غير يسالني

ام ياسر : كلتله انت ماتريدها ليش تكطع برزقها عصب وكال يرجعج

ضحى : ماريده اني .... مو لعبه عنده يمتى ميريد يرجعني ويمتى ميريد يطلكني اول وتالي ترحع سجى ويكلب فاختصرله الطريق ( ليوم ثاني كعد ياسر كالب خلقته اظاهر امه حاجيتله ..... سويتله ريوك وصعدت لغرفتي راح لدوام واني التهيت بشغل البنات وكروب البنات ..... قوت علاقتي بيهن مجنت احجيلهم كولشي اخاف يرجعن ينتقدني وصير مشاكل د يس جنت اسمع مشاكلهن واحاول اساعد ندمجت بجوهن ... جانت امي تلح اريد سجى جيبولي بتي واحنا نحاول نهديها بدون فايده حتى صحتها تخربطت ..... جانت موجه كورونا توها تطب للعراق والدنيا مخبوصه بيها ..... اجانا  ياسر بيه كورونا ..... حاولنا نعزله فوك بس مكدرنا .... وصل المرض لامي ..... ساءت احوالها ..... حاولنا نحافظ عليها .... حاولنا نقاوم ..... ماكدرت ..... بذاك ليوم جنت نايمه وي امي بالمستشفى اصحى بنص ليل ع صوت انخفاض تنفسها ضربت الانذار زاحوي الاكباء واني تعبانه من المرض اصلا وبالي يم ابني لان هم مصاب بس امي احتاجتني اكثر ..... فضليت وياها بالمستشفى ..... جنت واكفه بضعف .... كوه اجر النفس ..... والاطباء ملتمين ع امي ..... كالوا اخذزها للانعاش ردت اطب وراها مخلوني ..... قبل لا طب لزمت ايدي ع الرغم انها كانت فاقده الوعي .... ماعرفت شتريد تكولي ولليوم حسره بكلبي حجايتها ..... بس اتوقع جانت تريد توصيني بسجى .... لان هي كل مرضها جانت تكلي اريد سجى ..... طلع الدكتور يصبرني .... دخلت بحاله هستيريا اصرخ وادك ع راسي ذبيت الماسك هم ابتعدوا عني لان مصابه .... ع الرغم ان هم كلهم لابسين شيلد وعده الوقايه الكامله ..... ضليت اصرخ يوووم لا تركيني ما ضلي احد ولج يممممه ..... ماكو رد ...... مجان اكو اي رد غير ابتسامتها المرسومه بثغرها ...... كانها ارتاحت وتركني اعاني وحدي .... بيومها كلت هذا هو ضحى منو ضلج راحوا كل اهلج ..... فقدت الامل بكلشي ..... كرهت الدنيا ومن فيها ..... امي وراحت شكو عايشه اني .... هيج جنت اكول ..... ايام جانت جدا عصيبه عليه ..... ادور الموت ومالكاه ..... تعبت من هلدنيا اريد ارتاح ..... جنت اصرخ واكسر بالبيت لمن يتغلب المرض عليه واوكع ..... جنت اذكر مره عمي سوت المستحيل وياي وهي مريضه كوه توكف .... كدرنا نحاوز كورونا ع الرغم من كل شي  ...... مر  اربعين يوم جنا تونا راجعين من زياره امي ..... سجى مالها اثر ولا اتوقع عرفت بالصار ويانا ..... دخلت للبيت يخنك ..... غمضت عيوني وبجيت ماحس الا ياسر حاضني .... ضليت ابجي بحضنه ..... جنت محتاجه وكفته هاي ..... رجعت لحياتي الماساويه ع نفس المنوال .... احجي وي البنات ومن يجي ياسر اخذف كولشي ..... مره جنت احجي وي هذي البنيه عفراء الي تعارطت وياي اول ما فتت للكروب )