ذنب لا يغتفر

٨

ود  : رووح زين

زين : خل يولي مااخاف منه

ود : فدوه لخاطري روووح ( دفعته وفتت لجلال احاول الزمه دفعني وطلع لكى زين رايح رجع لزم شعري )

جلال  : (ايدي ترجف واني لازمه بصعوبه ملكت اعصابي عن ظربها ) ليش تنزلين من نفسج هيج

ود : بس راد يطمن عليه وحده للباب شسوينا جلال كافي غيرتك دمرتني لخاطر الله كافي ( بجيت )

جلال : ( فلتتها ذابها للارض ) مدام بعدج ما عاقده ممنوع يشوفج

ود : ( عصب وفات للحمام يغسل لان جان كله طين .... كعدت بالمطبخ اباوع بتلفوني الى ان طلع لابس كيمونه سحبت البطانيه وغطيتها بيه ضل يباوعلي ساكت ) بارده

جلال : ما عندي ملابس هنا بس ثنين وما غاسلهم

ود : انطيك بلوزني ( ضحك ) عابت فوكاها مو صوجك

جلال : ليش تخليني اعصب عليج

ود : جلال احنا من بيئتين مختلفات هلشي الي خلاني ارفضك لا اني ع مرامك ولا انت ع مرامي

جلال : وكلبي شكوله

ود : حب غيري الف بنيه تتمناك واكيد مراح تاذيك نفسي بس كون تاخذها من جماعه الحجاب والعبايه ويحوز تخليها تلبس بوشيه

جلال : اتمنى انتي هيج كلبي يحترك من يلفظون اسمج من تسلط عيونهم ع طولج

ود : لا تتمسك بشي مو الك تتاذى طول عمري اشوفك اخ مجاي اكدر اعتبرك اكثر من هيج

جلال : طيب بس هذي الايام سمعي الكلام

ود :  اوك اتفقنا ( ابتسم وفات للحمام غيل ملابسه ) راح اطلب اكل

جلال : طلبي ع رقمي

ود : ( باوعتله بحيره ) شنو اتفقنا

جلال : علمود ينحفظ رقم المطعم عندي

ود : ههههه اي صدتك

جلال : يلا فدوه من رقمي

ود : ( اخذت تلفونه وطلبت من رقمه دقايق واتصلوا فتحت الخط )

..... : عدكم طلبيه من ####

ود : اي وين وصلت

...... : ها عيني .... وصلت يم الجامع وين انتي بالضبط

ود : اطلع كبل واخذ ثالث فرع ع ايدك اليمنه

..... : يا فرع مو دوختيني

ود : داكولك الثالث ع اليمنى شسالفه

...... : والله صوتج دوختي

جلال : ( سحبت الجهاز منها ) ادزلك الموقع ع الواتساب

...... : لالا هذا هو وصلت

ود : عابتله سخيف ( عكر حواجبه وطلع يستلمها لزمت جهازه افرفر بيه شفت امه تحجي وياه تكول عايف خواتك وتركض ورا هاي الصلفه وهو يكلها عوفها ابوها تبرا منها لو طيح بيده يذبحها ..... بجيت واني اقرا .... جلال مجاوبها .... ما اسمح لاحد يلمس شعره منها تكله امه ولك ماتريدك لا تنزل راسك يكلها يوم ماكدر اموت اذا صارلها شي تالي متصله امه عليه .... فتحت رسايله وي اني تكوله اخذها جلال غصبا عليها واعقد عليها هذا الولد مو راحه هو يكوللها ماريدها قابل غصب واني اقرا سحب الجهاز مني شافني ابجي متحملت اندفعت حضنته )