ضحى : ( ضل هو وحراسه يضربون ع الباب فجاه سمعنا صوت الشرطه )
سجى : شنو صار
ضحى : لا تخافين جلال برا مراح يطبون علينا
سجى : جلال ....... جلال عايش ( فتحت الباب وطلعت )
ضحى : سجى تعاي ...
ام ياسر : ليش جبتيها ناقصين مشاكل
ضحى : اختي هذي
ام ياسر : يا اخت هاي لتحجين عنها
سجى : ( طلعت لكيت جلال واكف وي الشرطه الي معتقلين يزن وجماعته .... ركضت حضنته ) انت عايش
جلال : فوتي جوه نخلص تحقيق واجي
سجى : ( فتت جوه انتظره شوي واجى ياسر وي مهدي )
ياسر : شتو صاير
ضحى : اجى يزن وياه سجى حتى تشوفني واجى جلال والشرطه
ياسر : جلال .... وينه
سجى : هسه يجي جلال وياخذني ( دار وجهه عني وكعد بالصاله انتظرت لمن اجى جلال ركضت افتح الباب جان يدفعني ياسر فتح الباب هو )
جلال : اريد سجى
ياسر : وعليكم السلام
سجى : بعد اريد اروح
ضحى : متبقون شويه
سجى : امي وماتت شعندي باقيه ( دفعت ياسر وطلعت .... رحت وي جلال للبصره ) يزن كالي متت .... وكف كلبي
جلال : شيموتني بسبع ارواح اني
سجى : يطلع يزن مو
جلال : اكيد ابوه يطلع بس لتخافين يلزمه
سجى : خلصنا يعني
جلال : امج توفت ؟
سجى : ( نزلت راسي لزم ايدي )
جلال : امر الله حبيبتي
سجى : حلوه هاي حبيبتي جديده
جلال : هههههه طكت روحي واني اكلج احبج
سجى : واني احبك ( درت وجهي بس ادري جان يباوعلي .... وصلنا للشقه .... كعدت احجيله شثار وياي وهو يحجيلي ) هسه صدك راح اكعد بلبيت بعد خسرت شغلي
جلال : منحتاج يمعوده شعدنا احنا راتبي يكفينا
سجى : اسفه ع كل الخليتك تمر بيه
جلال : بس كوليلي احبك عن الف اسف .... وعديني متصديني ولا تبعديني عنج
سجى : احبك ( جرني اله يبوسني حضنته اشتم عطره من ذيج ليله عرفت شنو الحب ..... ع الرغم ان لليوم اهله ميحبوني ولا يردوني الا ان جلال ترك كولشي وتمسك بيه )
.
.
.
.
ضحى : ( بعد مرور فتره ع سفر سجى عشنا حياتنا طبيعي .... جانت تتصل يوميه تحجي وي مهدي واني قليل احجي وياها .... اكثر شي احجي وي البنات صديقاتي بالماسنجر ..... لمن صارت مشكله بينا وكولهن راحن عني بسبب عفراء همات صارت المشكله لان جانت تنافق ع وحده وحرضت البنات عليها واني وكفت وي ذيج البنيه فتعاركنا وخرب الكروب بقيت احجي وي البنات بس ع الخاص مو بلكروب وعدد قليل يمكن بس ثنين احجي وياهم لو تلاثه .... اكو بنيه اسمها ساره ضليت اني وياها يوميه نتراسل احجيلها عن يومي وهي تحجيلي عن يومها ..... المهم اجى ليوم ياسر تعبان اظاهر كومه شغل جان عنده ذب جنطه لابتوبه وصعد سبح ونام ) اصبلك غده
YOU ARE READING
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
