جلال : ( وصلت لشقه سجى اطك الباب ماكو محد يفتح .... عشر دقايق اني بلباب وماكو جواب ...... الناس ضلوا يباوعولي كلش انحرجت .... جربت اتصل ماكو رد .... كلش ضل بالي عليها ..... تذكرت ان عندي نسخه من المفتاح بسيارتي ..... من غيرتلها القفل اخذت نسخه منه ..... شجاي تحس جلال ماخذ نسخه من مفتاح بيت البنيه ..... مو وقت تفكير روح جيبه خل اطمن عليه عود اكلها من الاستعلامات جبته ..... نزلت ركض لسيارتي اخذت المفتاح وصعدتلها شفت محد ببمرها وفتحته الباب ..... كم مره اكلها ردي السركي ولا تتعلم هلبنيه .... فتت للشقه واني اصيح باسمها ...... ماترد ..... دخلت للاستقبال ماكو .... كلش فزعت ..... رحت لغرفتها لكيتها كاعده ع الارض وراسها خالته ع السرير محتضنته بديها ..... من فزعي ركضت عليها اهز بيها .... فتحت عيونها بضعف ) سجى ..... سجى
سجى : جلال
جلال : شصايرلج .... اخذج لدكتور
سجى : ( بعدته عني ) مابيه شي .... مجرد هبوط
جلال : ( ولا حست ع نفسها انها بدون حجاب ولابسه تراك مفصل جسمها ..... اتكات ع الفراش وكفت بضعف واني عيوني تحوم بالغرفه ادور شي يغطيها .... جانت عيوني ترجع لجسمها .... شكد مابعدهن يرجعن الها .... لمن وكعت ..... لزمتها بين اديه .... مثل الريشه خفيفه ) شبيج
سجى : جلال اريد اموت
جلال : كومي اخذج لدكتور
سجى : فدوه اتركني ( ماسمع مني فتح كنتوري طلعلي جاكيت كويل وحجاب لبسني لزم ذراعي يريد يكومني بعدت عنه ) اكدر امشي
جلال : امشي
سجى : ( تذكرت شلون جانت ملابسي جانت فاضحه وشعري طالع .... دنكت راسي بخجل ) انسى الي شفته
جلال : دمشي قابل اول مره
سجى : ( بعصبيه ) شكد سخيف
جلال : دمشي امشي ( مشت خطوه ضلت تترنح مثل السكرانه ..... لزمت اذراعها عانتدتي جريتها بقوه حتى حسيت اذيتها .... اخذتها للمستشفى ..... قاسوا ضغطها لكوه هبوط .... شكلولها مغذي ) ليش ماتاكلين هيج احسن
سجى : مو مساله اكل ( بجيت )
جلال : شنو لعد .... ليش هلدموع
سجى : ( فتحت الفيس ونطيته تلفون )
جلال : منو هذا
سجى : ياسر .... نفسه الحجيتلك عنه
جلال : الي حبيتي
سجى : مزوج
جلال : يولي شتردين بي ..... بعدج تحبي
سجى : اكرهه ...... اكو شي بداخلي يريد يمزقه جلال ماتحمل اشوفه عايش مرتاح واني متاذيه
جلال : ليش متاذيه
سجى : صدك تحجي ..... لك ابيع هوى الدنيا حتى اشم عطرها لماما .... حتى احضنه لبابا
YOU ARE READING
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
