سجى : ياسر ..... قسم بالله لو رميت اني اشهد ضدك قسم بالله لاسجنك عبالك ازوجك من يموت جلال
جلال : البنيه متريدك قتلي مراح يسويلك شي
سجى : ( سحب جلال المسدس منه بسرعه وتكامشوا واني احاول افك بينهم ماكدر لمن ادخلوا الجيران بينا فكوهم بس جلال جان متاذي امثر من ياسر يمكن لان جلال مراد ياذيه لياسر فمجان يضربه جان بس يدافع عن نفسه ..... المهم سحبني ياسر ورجعني للبيت يضرب بيه ويهدد )
ياسر : تهددين بيه ولج
سجى : تروح تكتله كل عقلك ( عافني و لزم جهازه يتصل ع جماعته سمعته يوصيهم ع جلال صعدت بغرفه ضحى مقهوره شسوي شلون اخلصه الولد ورطته وهو لا بيها ولا عليها .... لليل لمن تاكدت انهم ناموا نزلت لمرة عمي اخذت جهازها ودخلت رقم يزن جنت حافظته ) الوو
يزن : اهلا وسهلا تفضلي
سجى : اني سجى عرفتني
يزن : هلا سجى وينج صارلي يومين اتصل عليج جهازج مغلق
سجى : انكسر جهازي ..... قصه طويله بس اريدك تساعد جلال
يزن : شبيه جلال
سجى : يردون يقتلو
يزن : كل همج جلال واني داسال عنج
سجى : يزن فدوه افهمني والله مفاهم القصه انت جلال ممكن يموت واني داحاجيك هسه الله يخليك ساعده
يزن : هسه اتصل عليه
سجى : حتى لو كالك لا تدخل فدوه ساعده
يزن : صار
سجى : ( رجعت التلفون وحذفت كلشي منه ورحت للغرفه قفلت الباب ونمت .... كعدت الساعه ب١١ الصبح نزلت لكيت ضحى بالمطبخ تكصص مدري شنو .... تجاهلتها سويت شاي طلعت جبن وكصصته ماسمع وراي الا واحد واكع نداريت شفت ضحى واكعه فزعت .... شلتها اريد اكعدها ماتكعد ومرة عمي مادري وين وموليه اخذت جهاز ضحى واتصلت ع ياسر )
ياسر : ها ضحى
سجى : اني سجى .... ضحى تخربكت مدري شبيها
ياسر : امي وين
سجى : شدراني خايب تعال وكت اساله
ياسر : جاي حاولي تقيسين ضغطها ع مااجي
سجى : ( قست ضغطها عدها هبوط خفيف مو مال هيج توكع .... اخذت افتر بغرفه ضحى وهي متمدده بالفراش فتحت احد المجرات لكيت تلفون بابا فتحته لكيت رساله من واحد اسمه ماجد )
ماجد : ضحى ..... رحيم طلع
سجى : ( فتحت المحادثه ممسوحه بس هاي الرساله ضاله ومقاتحتها ضحى ..... رحيم انسجن .... منو شتكى عليه ؟ ممكن رحيم هو الشخص الوحيد الي يثبت برائتي .... وليش اريد اثبتها ..... ابوي ومات المن اثبت بعد ...... اخذت الجهاز ضميته عندي شوي واجى ياسر)
ياسر: شبيها
سجى : مادري
ياسر : لبسي عباتج راح تجين ويانا
سجى : واعوف امي وحدها
ياسر : بلا لغوه هسه ترجع امي
سجى : ( لبست عبايه اني ورحت ركبت بسيارة ياسر وصلنا للمستشفى دخلوا ضحى يم دكتور اخذ يفحصها شكللها مغذي وكال انتظروا نتيجه التحليل )
ياسر : متاكده ممسويتلها شي
سجى : لو مسويتلها جان حجيت قابل خايفه منك
ياسر : عدلي اسلوبج لا اعدل وجهج براشدي
سجى : ( تجاهلته دايره وجهي ماحس الا لازم ايدي ) شتريد
ياسر : بطلي عدوانيه راح صيرين زوجتي حتى تكدرين تعيشين علمودج احجي اني
سجى : ( سحبت ايدي منه ) ع اي اساس ..... مو انت الكلت متي بلنسبه الي
ياسر : جنت معصب
سجى : بس اني متت
ياسر : لخاطر الله سجى .... كافي تعذبين بيه هسه متكولين هلرجال عاف كل الحجي وصدك بيه
سجى : لا ماكول يمتى صدكت بيه
ياسر : كلتي الصور فوتوشوب
سجى : جذابه اني شبيك
ياسر: لا مو جذابه
سجى : شلون تاكدت
ياسر : ( ببتسامه خبيثه ) من اتقربلج اتاكد
سجى : باحلامك
ياسر : نشوف
سجى : ( بدت ضحى تصحصح بعدت عنهم واكفه بلباب )
ضحى : اااخ راسي
ياسر : شصارلج.
ضحى : مادري دخت وكعت
ياسر : بعد راسج ياذيج
ضحى : اي شويه ( اجى الدكتور وبيده نتيجه التحليل )
الدكتور : شنو اسم المريضه
ضحى : ضحى محمد
الدكتور : عمرج
ضحى : ٢٠
الدكتور : مزوجه ؟
ضحى : اي
الدكتور : انت رجلها
ياسر : اي
الدكتور : مبروك راح صير اب .....مرتك حامل
ياسر : 😳
ضحى : ( طرت فرح من كال الدكتور حامل وبنفس الوكت شعور مخيف ان اكو مخلوق بداخلك ..... ياسر عكسي تماما ماحسيته باوعت لسجى جانت فرحانه بس خفت ابتسامتها من باوعتلها ..... اخذوني للبيت بصمت استقبلتنا مرة عمي من خبرتها سجى ضلت تهلهل )
سجى : ( فرحت بحمل ضحى حسيت الله نقذني بحملها ياسر جان حيل ضل يومين مثل المختنك ميحجي وي احد ..... ليوم جمعه كالعاده كعدت ب١١ نزلت لكيت ضحى تسوي غده .... تريكت واخذت من ايدها اكمل طبخ بدون مااحجي شي باوعتلي ابتسمت وكعدت تكصص زلاطه ) يا شهر عليج
ضحى : ثاني يمكن
سجى : يمتى تعرفين ولد لو بنيه
ضحى : مو هسه بعد هواي
سجى : انزين عندي سؤال
ضحى : شنو
سجى : تعرفين واحد اسمه ماجد ( نداريت عليها شفتها ارتبكت نزلت راسها مكمله ثرم محاوله تخفي ارتباكها )
ضحى : ماعرفه
سجى : تعرفينه بس كولي ماريد احجي عنه
ضحى : يجوز اعرفه وناسيته شبي
سجى : لكيته داز رساله بتلفون بابا يكلج رحيم طلع ( وكعت من السجينه تباوعلي بصدمه )
ضحى : نطيني تلفون
سجى : مو قبل متحجيلي منو ماجد
ضحى : سجى لخاطر الله
سجى : تساعديني اطلع
ضحى : يذبحني ياسر
سجى : ارجع قبل ليرجع من دوام
ضحى : جذابه
سجى : وروح بابا
ضحى : شسوين
سجى : مدخلج
ضحى : ( ضل بالي شلون طلع رحيم شلون بيه اذا رجع عليه ..... جنت افكر وافتر بالغرفه لمن اجى ياسر ) الله يساعدك
ياسر : لا تفترين مو زين ع الطفل
ضحى : ( ابتسمت ع كلامه احب اهتمامه حتى لو قطره بحر هم احبه ) اسويلك غده
ياسر : لا متغدي وي حماعتي اريد انام
ضحى : ( تركته براحته ونزلت اتغده .... جان ليوم طبيعي لثاني يوم بدل ياسر وطلع لهيت مره عمي لمن طلعت سجى )
.
.
.
.
سجى : ( رحت لشقه جلال ركض .... طكيت الباب.... فتحلي جلال جان مبين توه كاعد من نوم )
جلال : سجى شسوين هنا .... فوتي فوتي
سجى : اجى يزن يمك
جلال : اي نايم .... انتي كلتيله مو
سجى : ضل بالي عليك شتريداسوي اشوفك تنكتل واكف اتفرج
جلال : لتخافين ميصير بيه شي
سجى : متعرف ياسر هذا خبل
جلال: على روحه
سجى : المهم عوف كولشي وارجع لاهلك كافي المشاكل الورطتك بيها
يزن : اهله طردوه ... سوري صباح الخير
سجى : شنو
جلال: اطلع منها زين رحمه لوالديك
سجى : خلي يحجي
جلال : لا مايحجي لشغلين بالج مو مهم
سجى : لتصرف نفس الاطفال خلي يحجي
يزن : امه من عرفت بيه مزوجج تخبلت كلتله ماتجي الا طلكها ولا نتبرا منك
سجى : ( نداريت ع جلال والدمعه بعيني )
جلال : مالج علاقه بهلحجي ( لزمت وجها باديني ) مراح اتركج خل تتبرا الدنيا مني مو بس امي
سجى : بشنو ورطتك اني ( مسحت دموعي ) طلكني جلال
جلال: ددولي
سجى : خلص نحلت مشكلتي وهياتني يم اهلي
جلال : ترجعين وياي
سجى : ليش
جلال : لاني زوجج
سجى : جلال طلكني
جلال : ماطلكج فهمي ماطلك
سجى : راح يكتلك ياسرخلاص جلال انتهت القصه
جلال : هياتني كدامه خل يجي .... خل يحاول
سجى : جلال بلا خبال
جلال : اني خبل منو كلج صاحي .... ورجعه الهم ماكو كافي شفتي امج.
سجى : لا بالله
جلال : والله
سجى : شبيك جلال
جلال: شبيه زوجتي واني حر بيها
سجى : لصدك هلزواج ورقي ( تقرب عليه حتى صار وجه بوجهي )
جلال : تردين اسوي فعلي
سجى : ( دفعته عني ) مو صاحي انت ..... سوي لسوي انتحر بروحك معلي بيك اني راجعه لاهلي
جلال : ( جريتها من ذراعها ) وين رايحه ماكو رجعه
سجى : دوخر عني شبيك
جلال : لتركيني
سجى : دعوفني وخررر
جلال : ماعوفج
سجى : اني مو ود جلال عووفني
جلال : ( تركت ايدها ) ليش هيج تحجين
سجى : لانك جاي شبهني بيها
جلال : ماشبهتج بيها ..... بالعكس كتلج تختلفين عنها جنت اتمنة لو كانت مثلج مجان ماتت
سجى : بكل حال اريد اروح
جلال : ماتروحين
سجى : ليش ماتريدني ارووح
جلال : لاني احبج
سجى : ( صفنت بوجهه وتراجعت خطوتين ) بس اني ماحبك
يزن : سجى شبيج الولد خايف عليج
جلال : تحبينه اله ؟
سجى : اي احبه لياسر
جلال : واني شنو
سجى : بس ردت ارجع لاهلي وخفت ميتقبلني ياسر بس اتقبلني وعنده استعداد يطلك ضحى علمودي
جلال : جنت اتوقعج احسن منها ..... طلعتي اخيس منها ..... روحي روحيله لحبيبج
سجى : وطلكني ( اشرلي براسه اي ..... طلعت من يمه والدموع ماليه عيني ..... مضطره اسوي هيج ماريد اورطه ...... خطفته من اهله وحياته وسببتله هواي مشاكل شنو ذنبه ياسر مخبل وممكن ياذي لهنا وبس جلال انسان طيب وهواي ساعدني ماكدر اذيه هيج..... يتبع