ضحى : ( فتحت عيوني .... الغرفه بارده .... رجلي ثكال .... صداع قوي ..... فجاه اجالي الم فضيع صرخت باعلا صوتي ..... لزني ياسر يهديني )
ياسر : اهدي اهدي .... شنو ياذيج
ضحى : جسمييي ميته 😭
الدكتوره : مو البنج بده يروح تاثيره .... هسه يروح الالم نطيتج مسكن
ضحى : ( اشرتلي الدكتوره نبقى ع اتصال بالتلفون .... اباوع لبطني شادينها بس هو جذب مابيها جرح )
ياسر : شكد ونغير الضماد
الدكتوره : كل سبوعين جيبوها اني اغيره حتى لو للبيت ممنوع احد يغيرها الها
ياسر : ليش
الدكتوره : حفاظ ع سلامتها
ياسر : ويمتى نطلعها
الدكتوره : فد ٣ ساعات
ياسر : عادي اشيلها
الدكتوره : الافضل متتحرك ..... سمعت هي عروسه
ياسر : اي بعد اسبوع عرسها
الدكتوره : الافضل ميتقربلها رجلها لشهر
ياسر : ليش
الدكتوره : مو تتاذه
ياسر : شدخل هلشي بطنها
الدكتوره : بلي دخله يصير ضغط ..... هسه تعلمني شغلي
ضحى : ( سكتته الدكتوره بس هو عصب ...... ل٣ ساعات طلعوني بس رجلي حديد مابيه احركهن .... شالني ياسر وداني لسياره ابوه جان يسوق كعد ورا يمي نومني ع كتفه )
ياسر : حتى لو مناجل العرس
ضحى : شلون
ياسر : ماتقربلج بس المهم اخلص من امي
ضحى : ( ابتسمت وحضنته نايمه ع كتفه .... وصلنا للبيت شافتني عمتي ضلت دك ع راسها اخذ عمي يفهمها وصعدني ياسر للغرفه )
ياسر : ارتاحي
ضحى : شكرا ياسر ( ابتسم قبل راسي وطلع .... لزمت التلفون ارسل الدكتوره تعلمني شسوي وماسوي ) ممنونه منج دكتوره
الدكتوره : لازم تعرفين السويتي خطا ضحى
ضحى : ذنبي اني وثقت برحيم
الدكتوره : حبي ماكلج ماتحبين بس لا تنكسين راس ابوج
ضحى : ( ضميت التلفون الكلبي واخذت ابجي واني اذكر بابا .... خوفه علينا .... لاخر نفس وهو يوصي بيه واني شلون جازيته .... يا روحي يا بابا شلون اجازيك اني شلون اعتذرلك ..... راح يا ضحى شيفيد الحجي ..... نمت ودمعه بعيني صحيت ع اثر لمسات مرة جاي تغطيني )
ام ياسر : شلون صرتي
ضحى الم بسيط
ام ياسر : ب٦ ياسر كال انطيج الدوه
ضحى : اي ( باوعت لساعه ب٥ الصبح ..... طلعت عمتي من جيبها تلفون ابوي وسبحته )
ام ياسر : نسيت انطيج حاجات ابوج ... خفت اوريج حاحاته وازيدها عليج
ضحى : ( اخذتهن منها .... لزمت سبحته ... صفره حباتها كبار .... لهسه بيها عطره .... قربتها اشم عطرها .... كاني احتضنه لابوي ..... يا ريحه الجنه يا بابا ....وكعت دمعاتي واني محتضنه سبحته .... اخذت ابوس بيها كاني ابوس بيده .... طردت بغير كالم رجعتني السلحه لعمر خمس سنين .... جان بابا مامحصل شغل .... عنده عرباته صغيره يشيل بيها يضايع لناس ينطونه الف لو الفين بالزايد .... جنت انتظره ع عتبه الباب كاعده شفته رجع بيوم مغبر متروس تراب حتى رموشه بيها تراب ركض يحضني يخاف عليه اختنك بالتراب .... شالني فوتني لداخل البيت وهو يبوس بيه .... بابا حبيبي كلتله .... جاوبني عيوني .... كتله ابوه لياسر جابله حلويات وماما مانطتني فلوس اشتري .... بجيت .... مسح دمعتي ... نزلنلي وراح طلع .... جابلي شبس ومصاص وعصير الي ولخواتي ... طرت من الفرحه .... كاني اسعد انسانه ..... امي ضلت تعيط تعبك هذا واحنا كوه نحصل الفلس .... هو يكلها ميخالف قابل يوميه شوفي فرحتهن عندي بالدنيا ..... ركضت حضنته شابكته بدي الصغيره مغمضه عيوني ماكو بس حنانه وعطره .... فتحت عيوني .... بس سبحته بيدي ..... اختنكت ..... تمنيت لو كاتلني ولا رايح عني .... يا هضينه يا بويه .... فرحتك جنت تسمينا .... واحنا الكسرنا ظهرك ...... اخذت عمتي تواسيني طبطب عليه )
ام ياسر : جهازه ماعرفنا نفتحه بيه قفل سري .... ماكدرت امسح الصور البي .... متاكده البيه صوره
ضحى : اعرف الباسورد ( لزمت الجهاز بينما طلعت عمتي .... اول مافتحته طلعتلي صورته لبابا وي منى من جانت صغيره .... لزمت الجهاز ابوس بيه .... فتحته للقفل ..... بلاستديو صوره عمت عيني عليه ...... فيدواته .... ماضلي غير صورك يا روحي ..... لساعه ٧ واني اكلب بالصور فات ياسر شاف دموعي واني اكلب بجهاز بابا )
ياسر : اخذه منج ترا
ضحى : لا فدوه
ياسر : خليج قويه .... رفعي راسه لابوج ..... ابوج يحبج .... دموعج هاي تكسره
ضحى : ( هزيتله براسي اي .... حضني بايس راسي وطلع .... رجعت للجهاز ..... ستوقفتني رساله ما مفتوحه .... من واحد مسمي .... ماجد .... فتت لرسايل )
الاب : السلام عليكم
ماجد : وعليكم السلام
الاب : اني ابو رنى .... دزني كرار عليك
ماجد : علمود قضيه بتك
الاب : ايامو واحد يهددنا بصورها .... انت تشتغل بمكافحه الابتزاز الاكتروني
ماجد : نعم .... تفضل على مكتبي ناقش بالموضوع احسن
الاب : خويه ماكدر اجي .... اريدك من يمك تحلها بدون محد يعرف
ماجد : شوي صعبه بالتلفون
الاب : الله يخليك خويه الناس اكلت راسي
ماجد : سولفلي قضيتك
الاب : واحد دزلي صور وفيدوات لبتي وهددني ينشرهن اذا ماانطيه فلوس
ماجد : نطيته ؟
الاب : لا
ماجد : دزلي رقمه
ضحى : ( وراه اتصل ماجد ع بابا ماعرف شحجوا بس اكو علامه اتصال ..... ورا فتره رجع دازله ماجد رساله .... الشريحه باسم رحيم .... وهذا رحيم لزمناه واعترف بكلشي .... بس كال البنيه اسمها ضحى مو سجى .... انجلطت .... باوعت لتاريخ الرساله .... ورا وفاة بابا بيومين ..... سحبت نفس .... خره بيك رحيم .... الحمد لله نسجنت ..... دزيت رساله للي اسمه ماجد ..... اشكرك .... بس صاحب هذا التلفون توفى ..... رجاءا بقي الموضوع سر ماناقصين فضايح بسرعه رد عليه )
ماجد : اعرف توفى .... كلش ضجت .... الله يرحمه ... منو حضرتك عندي اساله براسي لازم اجاوب عنها
ضحى : بته ضحى
ماجد : انتي العترف عليج رحيم
ضحى : رجاءا خويه لا تحجي لاحد عرسي بعد اسبوع واذا عرفوا اهلي انكتل
ماجد : شغلنا السريه اختي لا تخافين .... سجى وين
ضحى : ماتت
ماجد : ما صدك كل الي قدمه ابوج مزور
ضحى : خويه ماتت واحنا دفناها شتحجي انت
ماجد : معناها كتلتوها
ضحى : ماعرف اني جنت بغرفتي وكلولي ماتت
ماجد : الله اكبر .... البنيه بريئه ضحى .... بيا ذنب نقتلت
ضحى : لا تلومني ترا اختي عبالك ممقهوره اني
ماجد : توئم انتي وياها هذا الفهمته من رحيم .... ليش اهلج شكوا بيها بالصور مو بيج
ضحى : ماعرف هي يمكن حجتلهم حتى تحميني
ماجد : رحيم كال بس هددج الج ماهدد ابوج .... كال الرقم نطاه الج
ضحى: ورا ماهددني نطيته كلشي
ماجد : تعرفين ماتكدرين تجذبين عليه
ضحى : ما جاي اجذب
ماجد : راح اعرف كلشي
ضحى : اتوسلك لا تحجي بالموضوع ماناقصنا فضايح
ماجد : قضيتج نسدت يمنا .... بس يمي مانسدت .... لتخافين الموضوع بيني وبينج
ضحى : ( مسحت كل الرسايل وعفته لتلفون ضليت بالفراش لنهايه السبوع .... كلتلي مرة عمي ان ياسر مصر يسوي العرس باجر .... مجان كدامي قرار غير اقبل .... واجى باجر .... كوه اتحرك اني .... ودوني لصالون من ساعه ٧ راحت وياي مرة عمي .... واني كوه واكفه ..... كلبي يدك خايفه من ياسر .... لساعه ٤ يلا خلصتني ..... اباوع لنفسي بالمرايه .... طالعه اميره .... شكد حبيتها لروحي ضليت اباوع لنفسي لمن اجى علينا ياسر ..... العرس جان بيتنا قليل الحظور لان مانعرف ناس قليلين )
ياسر : نزلي الخره ع وجهج
ام ياسر : يوم بالسياره شبيك
ضحى : ( جنت كاعده بالصدر يمه .... وكف السياره وبغضب غطى وجهي حتى تسريحتي نجرت )
ياسر : اني مو كلت ماريد مكياج
ام ياسر: يمه بس نسوان محد راح يشوفها
ياسر : من توصل للبيت وجها للحمام تغسله خوووش
ضحى : ( اخذت ابجي بصمت من شافني ياسر ابجي سكت )
ياسر : لا تغسلي بس غطي وجهج
ضحى : ( اشرتله براسي اي ..... لزم ايدي باسها )
ياسر : شهلاظافر
ضحى : ( بغضب ) انزعهن
ياسر : اني احب الاظافر عليج بس اريدهن طبيعيه
ضحى : ( ضل لازم ايدي لمن وصلنا للبيت نزل كدامي عود ييغطيني ع الرغم لابسه عبايه ..... كلش ضجت من تصرفاته .... فتت لصاله والنسوان هلاهل واغاني واني ماعرف ولا وحده نزلت الغطا ع وجهي جان عمتي توخره عني .... ضلن يركصن ورادن يكومني اركص ضليت واكفه بنصهن ماعرف ..... وامي مكعدينها كوه يمها مره عمي ..... خطيه كوه كاعده .... متاذيه ..... هن موكفني ويركصن ويحركن بديه واني واكفه اباوع لامي وهي متبسه فرحانه بيه .... تالي ملن مني من شافني ماعرف اركص .... رجعني يركصن وحدهن .... شوي وكالوا العريس يريد يفوت وهن لبسن عبيهن .... واني تغطيت وياهن ضلن يضحكن عليه يكلولي مو انتي رادن ينزعني العبايه ويكشفت عن وجهي يس مخليتهن وهن يكولن لمرة عمي شكد فقيره جنتكم ..... المهم فات ياسر وهن طشن الشكليت ع راسه ويهلهن يغنناجى كعد يمي لزم ايدي )
ياسر : شلونها عروستي الحلوه
ضحى : متاذيه شوي ( اجتي مره عمي وخرت العبايه عمي وكشفت وجهي .... ياسر ضاج .... وحده تصور بينا يمكن هم ماجرينها حتى تصور المهم كالوا كوموا ركصوا ....اني اكلهم لا ماعرف ماشوف الا ياسر لازم ايدي مكومني .... تفاجئت من تصرفه ..... لف ايده ع خصري واخذ يركصني ع اغنيه اسمحيلي من الرقصه الاولى .... صرت طماطيه ..... تقرب مني همس بذاني )
ياسر : خلي عيونج بعيوني
ضحى : ( رفعت راسي باوعتله .... عيونه حاده .... عسليات ...... نظراته بحد ذاتها قدتني ..... ضعت بيهن )
ياسر : خليج مركزه عليه
ضحى : هيج تخجلني ياسر ☺
ياسر : ليوم هواي راح اخجلج 😉
ضحى : ( واني مثل الثوله ابتسمت .... نسيت ضيمي .... المهم خلص العرس زفونا لغرفتنا وراحوا عنا بالف يا ويل .... صلى ياسر واني وراه .... خلص صلاه تلفتلي سويت نفسي بعدي .... ابتسم وكام كعد ع السرير نزع سترته .... واني كلبي يدك ..... هذا جان حلمي ليش هسه ارجف )
ياسر : صلي صلي ..... ليل طويل
ضحى : ( كمت وكفت )
ياسر : صلاة العشا صارت ٥ ركات ماشاء الله
ضحى : ( ابتسمت ونزلت راسي .... سجدت ورجعت كمت )
ياسر : قسم بالله اذا ماسلمين اخرب صلاتج
ضحى : ( سجدت وكعدت عود اقرا جان يجي عليه يشيلني ) لا بس اسلم
ياسر : باجر سلمي هسه سلميلي الي
ضحى : ( ضليت اريد انزل وهو شايلني بين اديه ذبني ع الفراش واعتلا فوكي ) لا ياسر عمليتي
ياسر : بطنج مو يمي مرا اصغط عليها
ضحى : لا فدوه ياسر مناقصني نزف والم
ياسر : ثقي بيه مراح تتاذين اتقربلط بطىء
ضحى : لا فدوه ياسر فدوه ( بجيت .... ماكو مايستجيب نزل ع شفتي يقبلها بالبدايه حاولت ادفعه لكن سرعان ماسلمتله .... شلون ماسلمله وهو ابن كلبي .... من صغري واني احبه ..... سجى جانت عائق بينا .... دمرت احلامي ..... بسببها رحت لرحيم ..... حضنت ياسر وهلكلام يدور بالي واخذت ابادله القبلات ..... نسيت كلشي ..... احسه ساحر يكدر يغير افكاري بلحظه ..... بلحظه خلاني اغادر عالمي .... متناسيه الالمي مصايبي ..... مانتبهت غير من جردني من ملابسي ..... اخذ يفتح ازرار ملابسه واني اباوعله صافنه بيه .... لحظه ادركت .... شجاي سوين ضحى ..... حاولت ابعده عني لكن قيدني وتقربلي .... جنت اموت بين اديه .... احس روحي تطلع مني وترجع ..... من الالم صار صداع قوي وتغوشت الدنيا بعيوني ..... صحيت ع صوته )
ياسر : ضحى جاي تنزفين
ضحى : ( جنت غاركه بالدم ..... شلال الدم .... بس شفته غمى عليه )
.
.
.
.
سجى : ( طلعت الصبح اشتري صمون ..... شفت رساله من يزن يكلي باحر دازمي انتهى كولشي ..... كلش فرحت لان مليت من البيت .... وكفت كدام ابو الصمون وهو يكلب بجهازه ) خويه خلصني
..... : بس ثانيه الفيس معلك عندي
سجى : هسه وكت فيس
...... : خويه اذا مارد ع حبيبتي شخلصني
سجى : تحجي وياك بالفيس
....... : اي ماعدها شريحه ..... سوت فيس من ورا اهلها
سجى : اخطبها وفض نفسك
...... : جاي اجمع اهلها يردون مهر ٣ هسه انا مجمع مليونين بس اكمل مهرها اطير لبيتهم
سجى : ههههه الله يحفظكم لبعض
...... : غير يشتغل الفيس ...... ها اشتغل الحمد لله
سجى : والفيس بس بيه رسايل يعني
...... : لا بيه فيدوات وصور واخبار ترفيهيه وعلميه واخباريه اي شيترديه
سجى : تكدر تسويلي واحد
...... : اي طبعا الدنيا كلها عدها فيس
سجى : ( سوالي واحد باسم سهر العيون ..... مادري هو اختار الاسم ..... سجلت معلوماتي وين درست وشكد مواليدي وعشيرتي وهلامور .... وعلمني شلون ابحث ..... اخذت الصمون ورجعت للبيت واني عيوني بلجهاز ماطحت عيوني من الفيس ..... بدل ماروح لسوق احجز منا ويجبولي الملابس والاكل .... لكيت جلال ويزن عدهم فيس تابعتهم دزيت لجلال ) هلو
جلال : اهلا وسهلا
سجى : اريد اتعرف عليك
جلال : اعتذر اختي
سجى : ليش لازم مرتبط
جلال : اعذريني خويه راح احضرج اذا عندج شي كولي
سجى : لك لا لتحظر اني سجى جنت اشاقه وياك
جلال : ايا كلبه منيلج فيس
سجى: سوالي اياه ابو الصمون
جلال : هاي شنو ولج انتي مو اي واحد تشوفينه تاخذين وتنطين وياه اذا عندج سؤال ساليني الي
سجى : ليش انت شفرقك عنهم
جلال : اني اخوج هم منو
سجى : بعد روحي اخويه المشكلجي
جلال : اختي الفاهيه .... اوكفي هسه اجي
سجى : روح عني اريد اسوي غده
جلال : شنو غداج
سجى : كبه برغل
جلال : جاي اليوم يمج اتغده
سجى : محد عزمك
جلال : حجي يفيدج
سجى : ههههههه تعال انتظرك ( طلعت من المحادثه .... صار بوجهي اشخاص قد تعرفهم .... طالبات وياي بالمدرسه ..... كعدت ادورهم .... اكو عرفتهم وياي جانن بالصف حاطين اسمائهم ..... فتت لصفحه وحده نفس عنونا بغداد ..... نفس مواليدي .... نفس السنه والتاريخ واليوم ..... نفس عشرتي ..... شكيت بيها ضحى ..... ناشره شي عن الاب ..... شعر حزين .... تترحم بيه ع ابوها ..... كلت لا مو ضحى ..... باوعت لاصدقاهئها .... ياسر ..... اي هو .... حاط صورته .... كبل فتت لصفحته .... فتت لصورته .... نزلت دموعي واني اتذكر كلماته .... من كالي انتي متي بالنسبه الي ..... اتذكرت وعوده ..... حبه الكاذب ..... شفت بصفحته جماعته ناشرين عليها يباركوله بعرسه .... اباوع لصوره لابس قاط .... وفرحان يركص وياهم .... وكع الجهاز مني وياه وكعت دموعي ...... من هاي لحظه نبتت بقلبي بذره الانتقام ...... يتبع