كانو جميع نساء ال خطاب مجتمعين
دق الباب ودخلو سعود ومهيار وسلمو بعدين دخلو المقلط قامت ملاذ تشحن جواله على دخوله سمعت حديث سعود ومهيار
مهيار: يعني منت ناوي تكلم
سعود : بايش؟
مهيار : عن حبك
سعود : اه ماتعرفها البنت
مهيار : متى عرفت البنت ؟
سعود: ثاني يوم رحنا فيه المزرعه
مهيار: هههههههه الله يكملها معك
سعود : امين
عند ملاذ تجمعت الدموع بمحاجرها و طلعت ركض لبيتهم شافته شيخه ولحقته
عند الحريم
كانت المهره مغصوبه على الجلسة وشوي وتنفجر من نظرات ام مهيار الي كانت نظراته مو ندم ابدا
قاطع توتر الجلسة الجده وهي تقول : معزومين على عشاء بالديره ابي الكل يحضرون
ام خطاب : عشاء وش ياعمه ؟
الجده : عشاء الاسبوع الجاي و بكره عندنا ام طلال
ام عبد الله : ابشري
ام مهيار: حاظر ياطويلة العمر
الجده : تبشرون بالخير ، ها يا أم المهره ابغاك تحضرين
ام المهره بدون نفس : ان شاء الله
الجده : ايه ، قومو يابنات جهزو العشاء
البنات: ابشري
بيت ابو خطاب
دخلت ملاذ بسرعه وتجهت لـ غرفته مباشره وخلفه شيخه الي تسال : ملاذ قلبي انتي ايش فيك ؟ قولي لاتطلعين قلبي عليك تكفين
ملاذ بتوتر و ضيّق وتقول : اثره كان يلمح لشخص ثاني وانا كنت اظن انه يقصدني
مسكته شيخه من يدينه وجلست تهدي فيها : مين هذا ؟
جلست ملاذ على السرير و نقطت : أوفف
نزلت راسها ليدينها و جلست شيخه عند رجولها : ملاذ !!
ملاذ : سعود ..
ناظرتها بذهول .
بيت الجد
عند البنات بالمطبخ
عهود : انا أسوي الشكشوكة وعهد وشموخ الايدامات العاديه والمهره الشاي طيب ؟
عهد : والخبز ؟
عهود : اف انا اقول لـ سعود يجيب من البقاله
شموخ : طيب
المهره : غريبه وين شيخه وملاذ؟
عهود : ايه وينهم غريبه ؟
عهد : شفتهم طلعو فوق
شموخ : ماعلينا منهم هم يغسلون المواعين
المهره : ههههه حيوانه
عند الحريم
الجده : ام مهيار ابيك تعتذرين من المهره
ام المهره : لا عادي المهره زي بنته
الجده : لا تعتذر لـ اقول لـ ابو مهيار وهو يتصرف
ام مهيار بخوف : لالا خلاص اعتذر
الجده : ايه طيب
عند العيال كانو يلعبو بلاستيشن
سعود : كذا ثلاثه ثنين وانا الفايز
مهيار : اف شسوي عاد عقلي موب معي
سعود: ماعليه هونها وتهون
مهيار: جدتي تبي امي تعتذر لـ المهره وانا مايهون علي ب امي
سعود: محد يهون عليه امه بس امك غلطت واحسن تعتذر ولا عمامي وجدي يدرون بالسالفه وقتها تكبر
مهيار : اي والله صدقت
ببيت ابو خطاب
نامت ملاذ وهي تهلوس وطلعت شيخه على طلعتها قابلت خطاب
خطاب : ايش فيه ملاذ؟
شيخه: مادري فجاءه بكت اذا صحت افهم منها
جت تروح مسك يدها ورجعها وقال
خطاب : ها ايش قرارك ؟
شيخه بـ احراج وهي تشتت انظارها : بايش
خطاب : ايش الي ايش ؟ نسيتي ؟
مرت ثانيتين عم السكوت بالمكان وقع حديثهم
وقالت شيخه: ابي قلب يحبني بشكل لايوصف
شد على يدينها وقال خطاب: وانا احبك بشكل ماينوصف ولا تقدرين تتخيلينه
شيخه: وابي روح تصير اوجاعها من اوجاعي
خطاب : وانا يوجعني الي يوجعكرح اصير لك كل شي وخلينا نبني حياتنا
شيخه بالحراج تسحب يدها : تمام بس موالحين
خطاب : ليش مو الحين ؟ بدال انتي موافقه وانا موافق ليه مو الحين ؟ وش المانع ؟
شيخه: قلت مو الحين لاتضغط علي
خطاب : تمام
راحت شيخه بيتهم
اليوم الثاني
بيت الجد
كان جالس الجد والجده وابو مهيار ومهيار يسولفون
دخلت شموخ ركض: جت ام طلال
طلعت الجده تستقبلها و دخلتها بالصاله وراحت شموخ تعلم نساء ال خطاب خلال دقيقتين الكل نزل حتى ملاذ الي تعبانه نزلتها امه غصب
الجده : يالله حي أم طلال
ام طلال: الله يحيك ، كيفكم
ام عبدالله : الحمدلله
آم طلال: دوم
جلسو يسولفون
قامت ملاذ وجلست جنب امها وقالت بهمس ملاذ : يمه تعبانه بطلع فوق
ام خطاب بنفس الهمس : طيب
طلعت ملاذ وهي طالعة شافت سعود جالس بالحوش ومشت متجاهلته وقفها صوت سعود : ملاذ ملاذ يابنت وقفي
ملاذ : نعم خير امر وش بغيت ياولد العم ؟
سعود: ليش تكلميني كذا؟ قبل يومين كنا حلوين ايش صار
ملاذ : لا والله وتسال كمان
سعود مارد
ملاذ بعتب والضيقه بقوته :
شلون تجرحني وانا ميك فيك
اكبر غلط اني تعاطفك وياك
علمتني وشلون احبك واداريك
والحين علمني انا وشلون
بنساك ، كنت الغلا كله محد
يساويك واموت ولا فكرت في
يوم فرقاك ، كنت اعشقك
واغليك واحب طاريك وشفق
على صوتك واحلم بلقياك
اتفكر اني برجع ابكي واناديك
اقسم بربي لهجرك و اتنساك
" منقـوله "
قالت كلامه ومشت وجاء كلامه زي الرصاصه بقلب سعود وهو يقول بنفسه ( ليه تقول كذا ؟ اشفيه ؟ ايش صار ؟ قبل امس كنا نشرب الشاي يازينا والحين وش صار ) تركته محتار وضايع
عند الحريم
ام طلال : يالله مع السلامه
ام خطاب : بدري
ام طلال : لاوين بدري الساعه ثمانيه
ام مهيار : مع السلامه
راحت ام طلال وروحو كناين ال خطاب كل وحده بيته
الساعه ١١:٠٠
كانو جالسين سعود و مهيار وخطاب على باب الشارع كل واحد تفكيره بش
مهيار تفكيره بـ امه الي للحين ماوافقت على المهره
وسعود تفكيره بملاذ الي قالت كذا وايش الي صار
وخطاب تفكيره بشيخه ليه ماتبغاه يخطبها الحين
جاء الجد وشاف احفاده كيف سرحانين وكل واحد بديره واستغرب انهم للحين مهم نايمين لانهم ينامون ٨
رفع صوته الجد وقال :
عزتي للي يسهر الليل ماينام
يرسل لـ خله وخله مادرى به
مسكين ياقلبن تعلق بالاوهام
يرسل الابيات ومحدن صفاله
يافلان انشغل قلبي فيه واستهام
على خلن سرق قلبي وغدى به
صبرت شهور وصارت الشهور اعوام
لاوحسافة دمعي الي نزل وبكى له.
" منقـوله "
انتبهو احفاده عليه وكلهم لفو له على طول ضحك الجد وقال : تعالو نشرب شاي
قامو خطاب وسعود ورا جدهم الا مهيار تنهد ثم
قال :
وانت ياقلبي متى تعدي لياليك
تعبت منك وضاع وقتي وانا اواسيك
متى يحس حبيبك ويجيك اخ يس
" منقوله "
وقام لحق جده وعيال عمه