☄️
~~
علابالي طولت سامحوني😢💔..بايدواي انا وشخصياتي وعصابتي كاملة نهنؤو ناس سيس
@__amel_bd
I'm So proud of you😍 aya bant jelel official samouha Amel😂
#رولا
كنت قاعدة قدام المرايا تاع الكوافيز مقابل السرير فديك البيت الحمرا لي كانت حبس ليا من اول يوم..الميتم تاعي ..ملجئي الوحيد...حيدر ليا رغبتي ورجعني ليه..بصح باش يدير لنفسو نكتة يظحك عليها رجعو حبس وكل مرة يشوف وجهي المصدوم يظحك.
.
ديك الظحكة الشريرة
.
ديك الظحكة المألوفة
.
نفس ظحكة صرب
.
صرب لباعني
كل مرة نتفكر اللمسة تاعو فوق جلدي نحسها مزالت تحرق حابة نكسر الزداجة نحكم طرف ونحل صدري نجبد هاد القلب ال### لي حبو..شفت فالمرايا للبنت لي راهي مقابلتني البكا لي كان يخرج خافت طرطق كالبركان للخارج دموعي هبطو تحت الماسك الابيض مزين بسلاسل فضيين كل مرة راسي يتحرك يتحركو معاه شعري العسلي هابط عليه امواج المنتوجات لي ستخدموها عليه خلاتو يلمع تصدقو انو هذا وين ديكوفريت انو شعري مايل للحمرا. عينيا تحت الماسك بارزين بقوة لونهم العسلي رجع كالشعاع يظوي فظرف آخر كنت راح نموت بالسعادة على اللوك بصح كيفاش نظحك وعينيا زادو هبطو الغوب البيضة المرصعة بجواهر تتسحب ورايا بصح يادوب تغطي حاجة من غير صدري والجزء السفلي من جسمي..كلش كان ع المباح للناس
.
الزبائن
.
راح ننتباع
.
_بصحتك اللوك الجديد رولا
رجعت طرطقت بالكا لا عائلة باش تجي تسلكني لا أخ لا اخت لا اصحاب لا حبيب...ولا حد شطبو ماقبل الاخير حبيب القلب هو لباعني ههه.
حطولي فوال طويل على راسي مانيش عارفة لاي غرض ميهمش أصلا مراهش عندي كونترول حتى على روحي واش باقي باش نهتملو..راح ننتباع وحدة مالخادمات عطاتني نظرة تعاطف كأنها تقولي مايطلع بيدنا حتى حاجة ختي الباب نتحل فجأة وكل علينا راجل لابسة النواغ فودنو جهاز صغير تكلم بصوت قاسح
_راهي واجدة
قمت من بلاصتي نجر فرجليا عند اول درج اول مرة وقفت وتلاقت عيني بعين صرب راني متفاجأة كيفاش مخبرهمش يلقطوني ومثل بكل برودة انو مشافنيش..
كي هبطت بشوية عند ثاني درجعة حبيت نرجع بصح يد الحارس حكمتني
_مش من صالحك ترجعي دوك اوامري تنص عليا نهبطك دوك نقتارح عليك تنقصي فظايح ولا معنديش مشكل نرفدك كي درت لقيت الغاشي كامل فالقاعة يشوفو فيا كامل بلماسك الرجال ببدلات نواغ واللبنات لي كيفي فديغوب ميغطوش بزاف بصح كاين خلل؟ نصهم لابس ابيض بصح ديغوب سامبل ونصهم لابس لحمر تاني ديغوب سامبل علاش انا الوحيدة لراني مزوقة من كل جيهة وطريق..حيدر تبسم فوسطهم كامل
_نستحفظو توجوع بالحاجة للمخيرة الاخير
.
2)_مش كأنو راكي تظلمي فيا؟
_نظلم فيك؟؟؟؟ هههه نتا المظلوم فالموضوع ياك؟
_ايه..قلبي راه يتوجع
_نشاله يتعفن داك القلب
_ميقدرش لانو حب وردة كيفاش راح يتعفن؟..دوك ماديرش الفضايح بابا راه بدا يشك عمري
حليت فمي بخلعة واش قال؟؟ قبل ما نرجع نسألو باش يعاودها عم التصفيق وصوت حيدر ورايا..
_واش؟!! ثمن الاف دولار؟؟ دوها للفوق
مرجعتش حسيت بلمسة صرب عليا كي رجعت شفت قدامي مكاش نسخط
.
كي العادة يتمسخر بيا قدما يحب ويرجع يرميني💔 الله ينعلكم كامل
.
هو راح و انا نتباعيت ب ثمن الاف دولار
قبل ما نقدر نقاوم او نهرب طلعني نفس الحارس بقوة حتى قريب ثعثرت كامل الناس تشوف فيا تحت ليماسك قلبي يظرب بعنف ودخلوني لديك البيت هاد المرأة الاظواء خافتة وليت مجهزة وانا هنا وين وجهي هرب منو كل لون
رماني تما وغلق الباب..نقارع لي شراني يدخل يقتل واش تبقى من روحي😢يا ربي استر ياربي ماتخلي حتى حد يقربلي يا ربي معجزة
الباب نتحل وانا قلبي حبس دخل راجل يبان شوية كبير حتى ولو داير ماسك كان يبان كبير تقززت من تبسيمتو راجل بعمرة يكون عندو بنات قدي 😢😢
_بزاف شابة..تستاهلي كل دولار نفقتو عليك
هذا واش قال قبل الباب ماينتحل ويدخل واحداخر وراه...ويزيد وحداخر تاني
.
ثلاااااثة؟؟
كنت راح نطيح نتغاشا فأي وقت الراجل الاول قرب للسرير بخطاوي عراض قبل ما يحط يدو على الفوال تاعي واحد من دوك الزوج وراه سحبو للخلف ظربة وحدة بالقبضة تاعو كانت كافية باش تصرعو فلرض
حليت فمي فزوج واقفين يشوفو فيا كي نحلو ليماسك أخيرا كان لازم عليا نشد فطرف السرير باش ما نطيحش نتغاشا كالراجل هداك...صرب و جلال🥺😧!!!
#صرب
وقفت فالحفلة أخيرا البذلة النواغ كانت ظرورية رغم اني نكره الشكليات ومانيش عارف واش راه خانقني كثر الكرافاط ولا فكرة انو رولا راهي تنعرض للبيع...كنت رافد كاس واقف معا بابا وجماعتو ال### مسيو نجيب كل مرة يرميلي نظرة متوترة ومعصبة من بابا تحت تحت الماسك بسيف باش ظبط اعصابو معا كل ظحكة ساخرة حيدر يضحكها.
اني متفهم وضعو بابا ماشي ساهل..لعملو فيهم فينا كامل ماشي ساهل كثر...و الامن فكل بلاصة...ورولا رولا رولاااا راهي فالموضوع بنتو راهي فالموضوع
.
صدقو او لا كنت متوتر كثر منو
.
كاين ظياف هنا..بون كيفاش نقولهالكم؟
..مش ظياف تحت دوك ليفاست الكلاسيك و ليغوب غوج كامل انواع الاسلحة لقادرة ترسلك لقبرك بلا مقدمات.
.
كالعادة نقولها ونعاود بابا ماشي ساهل
شرحت لنجيب الوضع رغم انو صلاح عندو فكرة مسبقا بصح الوحيدين هنا لعارفين الموقف وخطورتو هوما
انا وجلال
انا الاكثر لانو بابا نعرفو كي يخمم حياتو كاملة...
جلال كان واقف بعيد علينا راكز على واحد مالحيطان يشوف ساعة فباباه وبابا وساعة فالظياف يديه فجييو كل شوية يطلع يدو للكارافاط تاعو يبعدها بصبعو على رقبتو بعصبية..عمري ما شفتو هكا..طبعا لانو البنت هادي
.
ختو!!!!منتخيلش روحي فبلاصتو دوك
وعد والديه قدامي باش يرجعها امنة...واسوء وعد ريا
.
وتصرا اي غلطة الليلة يا اما يموت واحد فينا يا اما تموت هي و الفكرة هادي صدقوني خلات ليستوما عندي تعمل التواء غي مالتخيل فقط..حطيت الكاس بعصبية زيادة عن اللزوم خلاتني نربح شئ نظرات من حوليا
.
انا فالعادة انسان هادي لازم نكون الأنسان الهادي لميبينش...بصح ديك البنت عملتلي صوالح غيروني مانيش عارف واش عملتلي خلاتني نظعف كي نخمم فيها..خلاتني نحس بشعور الخوف وانا معرفتوش أصلا حتى معا تعديب بابا..وبابا! المصيبة الكبيرة انو لاحظ التغيير فيا
.
اه يا رولا..
فالاول لعبت معاها لعبة وسخة
عملت معاه وجه الولد العاقل ديت معلومات منها ستغليتها..
عقلها البريء مخممش مرتين قبل ما يحرك شفاها وتحكلي على حياتها..صحاباتها..حكاتلي حتى على طفولتها المزعزعة
.
منكدبش انو فالبدية محسيت بوالو بصح كيما قلت ونرجع نقولها البنت عملتلي حاجة..رجعت بشوية نحس بالتعاطف معا ملامح وجها الحزينة..نظرتها ليا...دوك ااشفاه كانو حاجة وحدخرا...كل مرة نقول لنفسي انو نقص المؤنث في حياتي خلاني نتخيل صوالح وهي معايا في بيت وحدة بصح كنت غالط..رجعت مدمن على وجودها قدامي..لمستها..شعرها القصير...حكاياتها...وشفاها..وكلش كلللش فيها كلش!!
Chronic_adalinnacottاول مرة كانت فالحفلة خلاتني ننسى حتى صوت الرصاص فوق رؤوسنا يا جدكم.
.
بنت كالملاك ساعدتني نسلك خوها وهي ماعلابالهاش أصلا بلي خوها هه
...
حاولت نرجع بارد معاها حاولت نخليها تكرهني بالهدرة باش تبعد عليا..وصدقوني الكلام لي قلتهولها جرحني ميات مرة الداخل قبل ما يخرج لبرا وتسمعو هي.
غي باش متحبنيش لانو اي حاجة بيناتنا اعلان بلحمر انو خطر على حياتها
وانا كالبغل طحت على راسي
رجعت مدمن على هاد البنت
خطفتها بيدي؟..نقارع وينتا نرجع لبيتي..فكرة انها نتباع فأول مرة رجعت خممت فيها زعجتني..معا انو كنت عارف مسبقا علاش نخطفت..مش الحب محرم مش كنت عارف كمالها وين؟
بصح طبعا رحت غلطت ديك الغلطة تافة لي سموها حب.
.
كرهت روحي لاني عملت الشي لي حدرت صحابي منو
بقا معايا جلال..الوحيد لي ميقدرش يخوني لانو عارف واش عانيت معا بابا...الوحيد لمخانيش
.
يلا قلتلكم انو مكنتش رايح نقتل كل واحد فيهم على خيانتو راح تكون كذبة مكشوفة
.
منبعد جات رولا....وفجأة رجعت بنفس موقف صحابي خنت بابا وكان لازم نخلصها كيما خليتهم يخلصوها
.
بابا عندو طرق مريضة باش ينتاقم عارف انو مهما عمل ميآذينيش مهما عمل...واش يعمل وقتها؟ يروح يظربك فنقطت ظعفك
.
نقطة ظعفي كانت عبارة عن بنت..شعرها قصير عينيا عسليين وبيضة كالثلج...راح تتكسر معا اول نفس يلوحو فوجها
.
فالاول عملت كامل جهدي رغم واش عمل فيا باش يديها مني
عرفت انو كاين حاجة من حرصو الشديد باش يديها مني..لي متقوعتوش هو لافانت ال### لي قدر يوصلها
.
'قانون الغابة يقولك الاقوى ياكل الاظعف مكاش قوانيين و الغش مسموح'
كون ما تخليتش عليها ديك الدقيقة كانو راح يقتلوها قدامي بصح تمارين تاع شحال من عام باش نكنترولي ملامح وجهي بكل برودة خليتو يأمن انو منحبهاش تقطعت مالداخل تقطعت من نظرتها! عند اول دقيقة داها مني وغلق الباب طحت فلرض بانهيار..طبعا مكاش لي علابالو بقسوة ديك اللحظة من غير ربي.
.
و باب العزيز باش يقطع الشك كليا..واش عمل؟ يعدبني بحفلة تاع ### فالميتم لي انا صرب مديتلو الفكرة شخصيا..
*باش يبيع فيه البنت لي نبغيها وهكدا يعاقبني انا
*باش يعاقب جلال مرتين ع توالي بختو وبريا
*باش ديلن يشوف ختو تموت قدامو وهذا كان اكثر حاجة تفنن فيها
* باش نتاقم من غيث (لي بيناتنا ستمتعت بيه غييي شوية وهو يتعدب قدامي على خيانتو هو اول واحد قرر يحاربني فالبدية🙄)
.
واش قلتلكم؟بابا عندو طرق مريضة باش ينتاقم
نظن انو بهاد النقطة فهمتو شحال راني نعاني بثمتيل البرودة بوقوفي بيناتهم..قطع عليا تخمامي صوت ديلن فالجهاز الصغير فودني
🎙️|عندك صرب كيراه واقف تقول حاكماتو كونستيباسيون.
قلبت عينيا على تعليقو مزية كنت داير ماسك حتى حد ما نتبه
غيث🎙️: راح تحكمو مالغاطو لي كلاه من فوق البوفي
ديلن🎙️: هذاك ماشي مانتيكادو!! اول مرة حيدر يدير حاجة مليحة فحياتو كي جا ماسبانيا!!! صرب اتشو شوية معاك فالجيب
غيث🎙️: ديلن ركززز
طلعت يدي لودني وهمست تحت الماسك
_ديلن عمري عطيناك سومراك تسوى ثروة باش تقين العيباد ماشي الغاطو
ديلن🎙️: ارواح نتا حكم بلاصتي وشرك فمك ساجي غي فالماكلة
غيث🎙️: علاباك ميقدرش بصكو بطبيعة الحال حيدر لازم يوقف ولدو معاه وجلال ميشوفش بعين وحدة ونتا لي تطوعت بكل حماس كي شفت السومراك حبيبي
منا راني نتخيل فغيث كيراه كعادتو مركز معا حواسيبو فوسط الشاحنة نواغ معا صلاح بعيد على هنا يهكر فالكاميرات لعملهم بابا فكل زاوية. وهكدا راح يسهل التحرك تاعنا راح نعرف كل خطوة وكل هفة فالميتم ديلن من جيهة الأخرى كان فأعلى مبنى هنا بعيد ع الأقل بخمس مباني الملل قاتلو يقارع لكاش اشارة لازم يبعد باش ميلقطوش وهاد المسافة ماشي كامل مشكل معا البندقية الروسية لي راهي مثبثة تحت عينو على السطح قادر يطرطق راس اي واحد بظغطة زر بكل سهولة حتى راسي معاهم والبرولام رخيص ويعملها😑
ديلن🎙️: واش رايك نعمي العين الزاوجة لجلال وهكدا عينيه الشابين راح يرجعو زوج حبات زيتون
شفت فجلال من غاد يحرك راسو على تعليقو
.
واش بروبلام تاعو هذا معا عينين جلال!؟
.
ديلن🎙️:ولا ندخل ختو فغيبوبة ونقولو غلطة باش يحس بيا شوية
عظيت شافتي رغم انو تعليقو زعجني بصح من جيهة متفهمو كان ناقم عليه لانو...كيفاش نقولها...
راه معا ختو...وزيد عليه راني فنفس وظعو ...راني معا خت جلال
.
م### شوية نن؟
.
شفت جلال كي طلع يدو للمايك فودنو من البعيد جاني صوتو فودني يهمس
جلال🎙️: نكملو plan تاعنا منبعد اعمل واش بغيت
ديلن🎙️: واه واااه..حبس علينا وجه الج....اوو..جماعة
رجعت طلعت يدي لودني
_وااش كاين؟؟
ديلن🎙️: البرنسيس راهي هابطة...امممم........منظنش راح يعجبكم المنظر كيما عجبني🙄
جسمي لا أراديا تصلب وحدو رجعت في حالة تأهب الدورة الدموية تسارعت ! من داك النهار لي شفتها طل مالدروج مانيش عارف كيفاش منعت نفسي باش نجري لعندها كون عملتها كون البنت كانت تحت التراب دوك.
___
سوو خممت الشي لي راح يصرا منقدرش نحكيه من شخصية وحدة لانو راح تتخلط شكون تبغوه يحكي دوك
الحل كيفاش نحكي انا؟