ابكم سحرني
الجزء الرابع والثلاثون
بقلم اوتار حزينه
_________________________
هد ﺣـيلي البـ؏ـد يل
شوفتگ راحه
،،،،
حجه هيج وجرني علي بسرعه وباسني بقوه
طول وخلاني احظنه ايده حاوطتني كعدني بحظنه وخرت من انگطع النفس واني اتنفس بصعوبه وهو حجه بهمس وعيونه بعيوني
يولي شگثر احبج
صفنت علي جاوبته وعيوني مغوركه
صدگ عمار تحبني
رفعت حواجبي من سمعتها شحجت وعرفتها
مو مصدكتني لزمت ايدها وخليته على گلبي
وحجيت واني صادك
تسمعي
هزيت راسي باي وهو كمل بوجهه متغير ونظرات حلوه
وحگ هذا الگلب الي يدك باسمج ااحبج
واموت عليج واااعشگج عشگ بس الله يدري بيه
دموعي نزلت وسالني بلهفه
وانتي ريم بعدج تحبيني
هزيت راسي باي
ابتسمت وحجيت بتوسل
ااريد اسمعها منج اريدها ادك هنا وهنا
اشر على گلبه وراسه سكتت وخجلت
تقرب بعد اكثر وحجه ووجهه قريب كلش على وجهي
كوليها ريم اريد ارجع اسمعها منج
عضيت شفتي وخجلت كلش منه وحجيت گوه
واني مدنگه
ااحبك
ااني حجيتها ورجع باسني بلهفه وخر وهو يتنفس
بقوه ولزم خدي باسه وشمه بنفس الوقت
وحجه يمه
جنت ميت وهسه احتيت ردتي روحي
ياروح الروح
طلعت اني ويا ايد بأيد خالو جان بالممر شافنا وابتسم سحبت ايدي بخجل دنگت راسي وعفته يمه
انداريت من داطب المطبخ وشفت ابوه حظنه
وكام يبوس بي الفرحه رجعت لبيتنا عمار ظل يومين بس نايم يكعد بس على كد الاكل ويرجع للغرفتي يتمدد على الجربايه ينام خالو راد منه بس يروح ويا للدكتور وگوه قنع وراح اجه وجان مابي شي بس رضوض جان تعبان من الصار بي ومافگ جسمه الا ثالث يوم الولد رتبو حفله بالليل وعلگوها امجد وعدي اجوي وكل شباب المنطقه واصدقاء خالو
هم الحوش انترس والبره هم
ادحك من الشباج شلون يرگصون جوبي
والفرحه تارسه وجوههم عمار جان واكف وي خالو
كاشخ هو وياسر الي يركص بحظنه
ونسوان المنطقه هم اجني ام عدي
وام قاسم وام احمد صارت لمه حلوه،،والبنات كلهن جانن واكفات يم شباج الاستقبال ويدحكن للحفله اني صار علي حضر من امي وماما والكل
اكعدي لاتتحركين استري علينا تعبتي وانتي منا حامل
جنت كاعده على القنفه وادحك على عمار هو عبالك حس بيه اجه للشباج وعيونه تضحك سديت البرده بسرعه وسمعته دك دكتين وخرتها شويه
رفع حواجبه وغمزلي ابتسمت الوجهه ضحك بعدين عض شفته ورفعلي راسه
حراكاته من جان اخرس كلها سواها وخله گلبي
يدك بجنون خجلت منه ونزلت راسي بعدين رفعته ميل راسه على الحديقه
يعني اروح
هزيت راسي باي وهو باس ياسر الجان ملتهيه
بالرگص ومشه ويا
عمار
حفلتنا ظلت للنص الليل والتهيت وي الجوي
يباركون على سلامتي عدي اجه
بس ماظل راح وره مشوار
لحد هاي اللحظه اضوج منه ومانسيت هو حب
ريم ورادها لروحه وهو هم حسيته نفس احساسي
اجه اده واجب وهاهيه
طبيت ساعه 1 للمطبخ وشفت الحبايب كاعدات
وريم ماكوو شربت مي وسالت امي عليها
وجاوبتني
قبل شويه راحت لغرفتها
هزيت راسي ومشيت من يمهم رحت دكيت
الباب وفتت شفتها واكفه يم المرايه ودتلم شعرها
صفنت عليها واني مبتسم خجلت وارتبگت من شافت نظراتي مشيت ليمها
صرت وراها وشميت عطرها بنفس طويل
حاوطت خصرها وجبتها على صدري دنكت وبستها من رگبتها وطولت سمعتها تنهدت
درتها عليه لزمت وجهها بايدي الاثنين
صفنت بعيونها الحلوه وحجيت بصوت مخنوك
ااوف ياابه شكثر احب هذا الخجل
عضيت شفتي من حجه هيج دنك بسرعه وباسني بقوه ضعت بين ايده ودخت لمني بحظنه بعد اقوه
ووخر وهو يتنفس قوي
مشتاكه اله واريده لان احبه واموت بي
بس ماردت اسلم روحي اله الا اشوفه صار انسان
ثاني يعرف حدود الله ردته يعوف الشرب يصلي
يغير من طباعه وكلت اني اغيره اذا يحبني مثل مايكول خلي يتغير لخاطري ولخاطر ولده
سحبت روحي منه ولميت شعري واني
اتهزم بنظراتي منه حجيت گوه
اذا تعبان تعال نام هنا واني انام جووه
صفنت على ريم من مشت من يمي وراحت
فرشت بالكاع وكعدت
حسيت بيها ماتريدني وماردت افرض نفسي
عليها كلت خليها براحتها حجيت گوه واني ضايج
نامي فووك اني راح انام جووه
حجيت هيج وانداريت نزعت القميص وذبيته
على الميز وراه البنطلون ظليت بس بالشورت
والفانيله انداريت وشفتها كعدت فوك وتربعت وبدت تجذل بشعرها
منظرها خلاني اتحسر مشيت ليمها كعدت بالكاع
وحجيت
هذا شوكت نام
قبل ساعتين تعب من الرگص
جاوبته بضحك هو صفن عليه وبعدين ذب حسره
مد ايده ولزم طرف دشادشتي وحجه
تدرين يولي من جنت هناك بالي كله ظل يمج
كلت هسه شحالها شصار بيها هي وامي وابويه
وياسر ااخ يابه متت واني اريد بس ارجعلكم
اسم الله عليك لاتجيب سيره الموت
حجيت بلهفه وشفت وجهه ضحك ابتسمت اله
وهو كام كعد يمي لزم ايدي وحجه بغصه
ريم تصدگين بيه من كتلج راح اعوضج موو
صفنت علي للحظه وبعدين هزيت راسي باي
ابتسمت وكملت
وراح اعوضج وروح اخويه وغلاتج انتي راح
اتغير وهسه تشوفين شلون راح اصير واحد ثاني
ابتسمت اله والجنت اريده كال وجاوبته بهدؤ
خلي نشوف عمار واول شي تسوي هو تعوف الشرب
لان اول هو حرام ومنگر وهم مو زين عليك راح ياذيك اذا تظل تشربه
رجعت ليوره وفرگت شعري بقوه هزيت
هزيت راسي باي وهي كملت
ولازم تصلي وتعرف حدود الله
ريم اني اصلي من اطخ عندي
هزيت راسي بلااا وجاوبته
عمار اذا تريدني تغير يعني مو عيب عليك
اني اصلي وانت لااا
سكتت وكلامها دگ بگلبي وهي كملت
الله خلصك من شده مو لازم تشكره تحمده لان
طلعك من حلگ الموت ليش تقصر بحقه وهو منطيك
خير جثير
ريم كلامج صدگ بس اني مااعرف التزم
اني وياك نصلي سوو اذكرك بيها بكل وگت
اريد نصير مثل امك وابوك شوفهم شلون حلوين ويكعدون سوو للصلاه
تقربت علي من تحمست بالحجي مانتبهت هو قرب وجهه من وجهي حجه وعيونه بعيوني
ونكبر سوو ونعجز ونصير عجوز وعجيزه
رجعت ليوره وجاوبته بضوجه
عماار داحجي جديات اذا ماتتغير وتصير
مثل مااريد انت مكانك واني مكاني
ااكلج تره جاايج من الموت المفروض تاخذيني لحظنج وتضمين هنااا
اشر على صدري بايده وطخه بقوه فزيت وشهگت
وهو كمل بعصبيه حلوه وزعل
ووين الدموع وين احبك عمار طارن تبخرن بس
شفتني جدامج شبيج اخذتني حاصل فاصل
على كيفج وياي شتريدين اتحول بلمح
البصر من كويلي يطگ اصبعتين
لعابد ناسك يتعبد بمحرابج
والله هذا العندي تقبل اهلا وسهلا مااتقبل
ااعرف انتي مكانج واني مكاني وهذا مكاني
جاوبته بعصبيه وشمرت المخده بالكاع نزلت انخمدت جووه صحت باعصاب
طفي الضوه خليني انخمد
كمت واني كاتمه ضحكتي گوه مشيت
طفيت الضوه ورجعت للجربايه اسمعه يزفر بااوف
تقربت ودحكت لظهره وشلون لم ايده لصدره
جهازه دك وصاح
ووجع منو يدك هسه
طفى ورجع نام اسمعه يدردم بصوت ناصي
ومادرت بال اله اذا اسلم من هسه يعني راح ارضى
يظل هيج طول عمره وره وين كاعده مو نايمه
سمعته صاحني
رريم
ماجاوبته سويت نفسي غافيه حسيت بي كعد
قرب وجهه وحسيت نفسه طخ بوجهي
بوسه خفيفه بخدي وبشفتي
وخر وسمعته ذب حسره
جمدت بمكاني رغم حسيت گلبي فز
من جر جذيلتي وكام يفتح بيها فل شعري
وبده يشتم بي خله راسه قريب عليه وحجه بصوت
ناصي
ياعله گلبي شلون وياج اريد حظنج وانتي
بخيله بي
فتحت عيونها وخلتني ابتسم حجت بصوت
مخنوك
انام بحظنك بسسس
ماكو شي ااعرف
جاوبتها بسرعه ووخرت هي نزلت يمي وتمددت
نمت بصفها وحظنتها لصدري هدأت
شويه وحجيت من حسيت بروحي مضيع شي ولگيته بعد تعب
عافيتي انت وروحي
توني جنت عله گلبك
ضحك الا اهتز جسمه وجاوبني بوسه من راسي
وحجه بصوت يضحك
ول ياب احلى عله واموت بيها
من حظني بقوه حجيت بحزم
ناام عمار
انام ياابه ليش لااا مادامج بحظني راح انام رغد
ابتسمت وظليت بحظنه حسيت بحراره جسمه
ونفسه اليصعد وينزل غفيت قبله
عمار
ريم ظلت خاله حدود وماقبلت اتقرب منها رادتني
اتغير وابطل شرب وسهر واصلي الواحد صعب يتغير بين يوم وليله واني جنت مدمن شرب العرگ يمشي بدمي اكعد وياها هي وياسر وامي وابويه
اصفن على ريم وعلى ابني واحجي وي روحي
عمار تغير صارت عندك عائله ولك الثاني جايك
بالطريق شتريد يكبرون ويشوفك تجيهم سكران
تالي الليل باجر عگب يجوز يصيروك مثلك
اذا ظليت هيج
اهز راسي بلااا واكول
لازم ابطل شرب هو مو احسن من ريم وولدي
شفته شسوو بيه خلاني اتصرف تصرفات
مو مال بشر
قررت واول شي سويته هو عفت شله الي جنت اسهر وياهم واشرب يدكون اعتذر منهم بعد مااكدر
يلحون اسد الخط بوجوهم هم شويه شويه انسحبو من حياتي
اضوج بليل اطلع يم قاسم احمد وامجد نكعد نلعب دومنه لو شطرنج عدي سمعت بي ماخذ مرته ناقل دوامه لاربيل وسكن هناك الصلاه الله ماهداني عليها
ماردت اصلي لان هي رادت هيج ردتها من الله حتى التزم بيها
ريم وااخ منها ظلت فارض حدود مافرضت نفسي،عليها خليتها براحتها كافي عليه حظنها
رجعت اشتغل ورفضت طلب ابويه اعوف الصيرفه
بس كتله راح اسلم الشغله كله لزيد واخذ
بس نسبه من الارباح
الفلوس رجعن والحمد لله وايامي مشت
هادئه وحلوه بوجود ريم وياسر والخ الجاي بالطريق
والي بشروني بي من طلعت ريم من يم الدكتوره
ريم
جنت مو ماخذه سونار من وره الصار بينا
وكلت خلي اخذ لان جان خانس وخفت علي لاصار بي شي من وره الهبطه مال عمار وهم لان جنت اذب
دم مره قليل ومره جثير
رحت وي عمار وماما لدكتوره وهو يسأل بيه
بقلق من البيت للعياده
شبيج خما بيج شي ليش،رايحه للدكتوره خاف بيج
شي وماتحجين
اطمنه ويرجع هم يسأل امه وصلنا ونزلت وهو
اجه ووكف بره العياده اشرتله روح اكعد بالسياره
وماقبل ااشر بايده واكف هنا طبي
فتت للدكتوره من صاحتني السكرتيره
فحصتني بالسونار وحجت
الطفل الحمد لله مابي شي بس الجاره متقدمه
دتذبين دم انتي هسه طبيتي بالسابع موو
اي دكتوره مره قليل مره جثير
لاا ابد موزين هيج تره راح تسقطي للولد
اذا ظليتي تنزفين
هي بيها ولد
ماما حجت بفرح وهي ادحك عليه
اي ست سهير هذا ولد الخ بس هي ليش هيج
صايره ضعفانه كلش شنوو مادتاكل بعدج تذبين،من راسج
ماما حجت الها على سالفه عمار من سمعت تفأجات
وحجت بضوجه
والله ماظل امان بهل البلد العنده فلوس ضايع
وبعد مايأمن على روحه اذا مشه بالشارع
اي والله يادكتوره
ماما جاوبتها وهي ذبت حسره وكملت
الله يحفظ الجميع
امين يارب
كتبتلي ابر مثبت ومقويات
ممنوع يتقرب منج ياحلوه استري علينا منا الما اجيبين
هزيت راسي بأي واجتي من الله
طلعت واشوفه واكف بره ويدخن امه اشرت اله
بفرح وهو اجه ليمنا وعيونه عليه
هاا يمه بشري شطلع بيها
اني جاوبته
فاروق
رفع حواجبه وابتسم دحك لامه الي صفنت عليه
وبعدين ابتسمت وهو حجه
ولد موو
اي عجل شنوو بنيه
جاوبته بضحك وهو عض شفته وجاوبني
مره الخ البنيه
امه ضحكت وجاوبته
على الاربعين موو
خربت ضحك وشفت ريم خجلت والوجه صار احمر
يله ياابه مانمشي
مشيت بصفه وامه توصي بيه مااتحرك جثير
وحجتها بصريحه العباره جدامه من ركبت بصفه
ماعليك بيها ولتتقرب منها موزين استروا علينا منا الما جيب
شرحتلها الحاله كلها وهو يصفگ ايد بأيد ويدحك عليه بالمرايه جاوبها بعدين
كملتي يمه
اي وسوي مثل ماكلت
يمه رحمه لاهلج جنت عايزه هاي السالفه حتى تكمل
عليه انسدت بوجهي من كل الصفحات
بوومه على كوله ريسان مو يولي
حجاها وياي،وجاوبته ببروده واني مبتسمه
ماادري والله
هااا شفتيها كالت بوومه
وين كاالت ماسمعتها
رجع دحك عليه ضميت ضحكتي گوه بس حس بيه
وحجه بضوجه
اضحكي يااب واني مشعوله صفحتي
هااي شبيك يول اشو بس تحجي الغاز
ماكوو شي يمه مخبل وداحجي مخربط
حجيتها وعيوني صارت على ريم
حجت بهمس وقريت الشفايف
سعوودي
الضحكه اجتني وخربت ضحك
هينه يولي اشوفج سعودي شراح يسوي بيج
هذاا منو سعودي
امه سالته وهو طگها بضحكه واني ويااا
لا عيني انتو اكو شي بينكم واني ماادري
حجتها بضحك وسكتت
طول الطريق ادحك علي واشوفه يغمزلي بعيونه
والوجه يضحك وصلنا للبيت وماما طبت قبلنا كلنا
كالت ابشر خالج الجان بالبيت هو وياسر
دانزل وهو اجه حصرني يم السياره صار الباب سد
دنك وباسني بسرعه من شفتي وخر واشوف
الوجهه يضحك حجيت بسرعه
ااحنا بالكراج يمعود لايشوفنا احد
ماسمعني مال عليه مره الخ وباسني من خدي
وحجه بهمس
مااعندي صبر يولي ردت ابوسج ردت اشمج
حتى يبرد الگلب شويه
شمني بنفس طويل وكام يسووي
ااوف يااابه ردت الروح الجانت هايمه ولكت
حظنها
حركاته كلامه هو كله جان يخليني احن اله بس وضعي وهو ردته بعد يتغير
ااجه خالو
حجيت جذب فز ووخر مني مشيت بسرعه
واني اضحك علي سمعت صاح بخوف
ديربالج يمعوووده لاتمشين سريع
طبيت للصاله الضحكه بوجهي خالو جان كاعد
هو وماما ،،وياسر ديلعب دحك علي وابتسم
وجهه جان فرحان كلش خجلت من نظراته
حجه بفرح
هاا يابه راح يجينا فاروق
هزيت راسي باي وهو كام واجه ليمي حسيت عمار صار ورايه خالو حجه
يعني راح تسمي على اسمي
اي خالو ان شاء الله بس يجي
اسمي على اسمك لان ماشفت مثل حنيتك ولا طيبه گلبك صرت الي اب وسند وشما اسوي الك مااوفي ربع من السويته اليه
حجيتها بغصه وعيوني مغورگه هو دنك وباسني من راسي وحجه بتأثر
بارك الله بيج اصيله ريم الله يخليج اليه انتي
وعمار وولدج
سمعت ريم شحجت وسكتت حسيت بروحي
شكد جنت مقصر وياها جنت اتمنى ادكول عليه سند وحزام ظهر بس السويته بيها خلاها تحس
اني مالي امان وامانها جان ابويه
اابه
سمعت صوت ياسر وانتبهت هو يم رجلي
شلته لحظني وشفت ابويه يدحك عليه بترگيز
حجيت گوه واني احاول ماابين ضوجتي
هاا حجي فرحان بحفيدك الخ
اي يابه فرحان بس ديربالكم عليها لريم مااريدها تتعب كلنا نتعاون على البيت وياسر
ان شاء الله
جاوبته واني صافن عليها ابتسمت وامي حجت
لاتشيلون هم والله احس بروحي عافيتي رجعت
من عمار رجعلنا وسمعت هذا الخبر الحلو
اني اداريها وياسر تره هادئ مو وكح ويسمع
الكلام موو بيبي تسمع كلامي
ابني كام يكمز بحظني وراد يروح عليها
يممه فدوه للغالي ابن الغالي تروحلك فدوه بيبي
وعيونها
اخذته وكامت تلاعب بي ريم ترخصت وراحت
لغرفتها امي صاحت
نامي ولا تتحرگين استري عليه منا الما اجيبين
طلعت بره ورثت جگاره وكعدت ادخن جثير
امور بحياتي لازم ارتبها واعدلها حتى ريم تحس
وياي بالامان ردت اسمع نفس الكلام الكالته لابويه
ردت تحس بالامان وياي وتنسى كلشي سويته بيها
جهازي دك وشفتها هي فتحته وجاوبتها
هاا ريم شبيج
اكلك الدوه يمك عبالك نسيته بالسياره
ماادري هسه اشوفه ظلي وياي على الخط
اي
تمشيت لسيارتي فتحتها دورت ليوره وشفته
واكع جوه حجيت
هيانه لگيته بس هاي ليش هلكد ادويه منطيتج
غيررر حتى ابنك يثبت بطني
جاوبتني بضحك وخلتني ابتسم
الوو وينك عيني
هياني يولي جايج وجايبه
هاا يله جيبه لان عندي دوه قبل الاكل
ماتريدين شي ويااا
حجيت بخبث سكتت وبعدين سالتني ببرائه
مثل شنوو
اجي واكلج
مشيت بسرعه وسديت الخط
فتت من المطبخ وگبل للغرفتها طبيت شفتها مبدله
ولابسه دشادشه قصيره سوده ومشجره ورد
احمر كبار ربع ردن ودلعه
هاا جبته
من مدت ايدها جريتها علي وحجيت بشوگ
سالتج ماتريدين شي وياا
شفت عيونه وشكله المتغير وعرفته شيريد
غلست وجاوبته بهدؤ عكس گلبي،الجان يدك بسرعه
لاا سلامتك مااريد شي
ردت اوخر بس لزمني بقوه وجابني على صدره
عندج دينين لازم توفيهن
رفعت حواجبي وسالته
شنووو ماافتهمت
دنكت بسرعه وبستها بهداوه وخرت
رجعت بستها مره الخ بس بقوه ووخرت گوه
واحس بروحي راح افقد
صفنت عليها وشفتها مغمضه والوجه صاير احمر
دم تنهدت وفتحت عيونها
حجيت مبتسم
هذا دين سعودي ودين الفزه مال ابويه
ابتسمت بوجهه وماحجيت شي
وخرت منها بصعوبه وحجيت
روحي تمددي تره كبن عندي ووريتني ور على كوله ريسان
افتهمت وخجلت منه وجاوبته بصوت ناصي
اي هسه انام
حسيت مايريد يطلع من يمي تردد وبعدين فرگ
شعره بقوه وكمل
اروح يم ذاك الچلب العب ويا شويه ومن يصير العشه اجي عليج
هزيت راسي باي وهو طلع
الهبطه مال عمار اثرت بيه وظليت مريضه
طول فتره حملي وخافو عليه هم لا بالسابع اجيب
وظلو يدارون بيه مليت من النوم وقله الحرگه
من كملت السابع كمت اطلع اشتغل وي ماما
تحجي علي وما اسمع الكلام اكول خليها يم الله ومابيه شي لاتخافين رغم اني ظليت
اذب دم قليل ،،هي خطيه ماادري البيت ماادري
ياسر الي كبر وكام يمشي ومحد يلحك وراه
عمار ظل نايم يمي بغرفتي الجوه هو بالكاع واني فوگ على الجربايه طبعه تغير للاحسن واهله حسوا بي وارتاحوا بعد ماجان متعبهم بس ظل شغله وحده
وهي الصلاه شكد ماحجيت ويا وتوسلت مافاد
يكول بعد الله ماهداني الها
اعوفه من اشوفه يضوج وادعي من الله
يهدي عليها
التعب كمت اشوفه بليل من يجي
ويريد ينام لازم يحظني ويظل يبوس بيه
مره بهداوه ومره بقوه يريدني واني هم بس من وره
وضعي يعوفني وهو يتنهد بقوه يلمني بحظنه
ويحصرني بي رجلي ويحجي بتعب
اقريلي خلي انام تره گبن
ابتسم بحظنه وامد ايدي افرگ لراسه بهداوه
واقره ايات قرآن من يثگل اعرفه نام
حياتنا جانت حلوه بس بيوم صار شي خلاني ارجع اشك بي رنا بدت تجي لبيتنا باي حجه مره جيب اكل مره حلويات انتبهت الها تجي بوگت جيه عمار
الجنت اشوفه يضوج من يشوفها يمنا مره راح فتح
الباب من دگت المغرب طلعت داشوفه ليش تاخر وشفتها واكفه ويا وتسولف تقدمت علي
رجع ليوره وحجه بضوجه
هسه اصيحلج امي
رجعت للسنك وهو طب وحجه بعصببه
ااطلعي على هاي اخذي منها الزقنبوت
حجه وراح للغرفه طلعت وشفتها اجتي تتموع بمشيتها شافتني وخلقتها انگلبت وحجت بضوجه
هاي امي دزته الكم
شفت قطع كيك وجگليت اخذته وهي كملت بنغزه
هاي مال فرحه ابن عدي اجاه ولد
مبرووك ويتربه بعزكم
جاوبتها مختصر وهي دحكت عليه من فوگ ليجوه بضوجه وراحت
گلبي ماارتاح الها وحسيت وراها شي هي بعد مااجتي گطعت وماادري ليش والجنت خايفه منه صار بيوم
بالحمام داغسل لياسر ومثل كل غسله
نگعني مي
وولك دكف راح تزحلك
لزمته ولفيته بالروب مالته مال الحمام
شلته وطلعت اني وياا تلكتني ماما وكامت تحجي
ووج شگو شايلته انتي جاان صحتني
حجت واخذت من ايدي وكملت
اني راح ابدله روحي سبحي وبدلي هدومج
كلهن مي
اي هسه بس اخذ هدوم واروح
اخذتهن ورحت للحمام سبحت ورجعت لغرفتي
طبيت وشفت عمار متمدد بجربايتي وغافي
دحكت للساعه وشفتها 12كلت اليوم اجه
من وكت وكفت يم المرايه مشطت شعري وجذلته
صفح اذن وكلت خلي اصلي
لبست ازاري
وكفت يم كرسي نويت وبديت اصلي
كملت وكعدت ادعي واسبح مدنكه راسي واستغفر
وبعدين مسحت وجهي انتبهت علي كاعد
وصافن عليه ابتسمت بوجهه وحجيت
اليوم جاي من وگت
اي والله شفت روحي مالي خلگ واجيت
كمت بسرعه ورحت علي سالته بقلق
شبيك يوجعك شي
ماادري عبالك مستبرد احس روحي
مصخن وعضامي
كلها مكسره
جان الجو بعده صيف لزمت راسه جانت حرارته
مرتفعه كلش حجيت ويا بقلق
كووم اسبح حتى ترتاح شويه ووره الغده
اخذ دوه اليوم لاتطلع ظل يمنا
هو هم هيج
كام بتعب وراح للحمام لحكته بالهدوم اخذهن من ايدي وطب بالغده مااكل شي جان فد مره
شرب دوه وراح نام وجرها نومه لليل كعد تعشه بال11 واشوفه شويه صار احسن
جنت تعبانه كلش من وره ثگل الحمل
ومن وره ياسر
نيمته ورحت تمددت ورحت بسابع نومه
كعدت بالوحده من سمعت ياسر كعد عرفته عطشا
ودحكت لفراش عمار شفته
ماكو كلت يجوز كاعد بره يدخن او سهران
على شغله بالحاسبه طلعت جبت مي
لابني شربته ورجع نام
كلت خلي اشوف عمار شلون صار تمشيت للصاله
ماشفته بيها ولا الاستقبال كلت خاف بره
تمشيت لباب الگليدور فتحته وطلعت
دورت بعيوني علي وشفته واكف يم السياره
مالته جان يمه ماادري منوو
عگدت حواجبي ومشيت خطوه اريد اشوف
منو عبالي امه الوطنيه انطفت وواجه المولد وره لحظات شفت ايد حظنت ركبته من رادت تبوسه
صحته بصدمه
عمااار
دفعها واندار عليه
رررنا
هي من عرفت شفتها طلعت بسرعه
جسمي كله كام يرجف وظليت ادحك علي واني مصدومه ركع الباب واجه عليه حجه بخوف
ريم والله ماااكو شي وداعتج هيي
سحبت ايدي منه بقوووه ردت اكع وهو لزمني
وصااح
على كيفج لاتكعين
عطت
ياااربي شنو هذا الشفته معقوووله عماار
هم رجعت خنتني ووولك لييش
صحت ببجي
لزمت ريم اريد بس افهمها هي الشافته غلط بغلط
وماكوو شي
ريم دحكي عليه خليني افهمج تعالي اكعدي
واني اكلج شنوو الصار
شنوو الصار عمار شفتك بعيوني شلون واكف
وياها وشفتها شلون بااستك
فقدت وكمت الطم واعيط وهو لزمني بقوه
ابويه طلع وحجه بسرعه
شكوو شبيها ريم
عووفني مااريدك تلزمني اانت ماتصيرلك جااره
راح تعيش خااين وتموت خااين
كاااافي ولج
فقدت وصحت بيها من كامت تعيط وتملخ
بروحها شلتها گوه وهي تضرب بيه طببتها للصاله
نزلتها واني شابع ضرب وغلط
وولكم شكو شبيكم
امي صاحت وصارت بيني وبينها
هاااي بنت القندره من انعل ابوها لا ابو الجابها
طلعت كعدت بره كعدت وي الولد
هم طبوو واني ظليت كاعد بره ادخن
ومااشوفها غير جايه عليه
كمت اريد ارجع
للبيت فتت ومااشوفها غير ورايه
وكفتني دتحجي وياي واجتي ريم ومااشوفها
غير الخاتون حاظتني وبايستني
منوو هااي
خالو ساله بعصبيه وجاوبته بصياح
ررنا
وكملت ويا
تررردني اصدكك عمار تريدني اصدگ هي طلعت بهل الساعه بدون ماانت تواعدها
استغفر الله يااربي ووج والله وروح اخويه
قاطعته وصحت بي
لااااتحلف جذاب وماااتصيرلك جاااره الخيانه
تمشي بدمك
يعنننني شلووون اروح اجيبها من شعرهاا ليمج
واخليها ادكلج هي ذبت روحها عليه وظلت تراسل وتلح
سكتت من حجيت الجان يصير وشفت ريم وجهها
انطعن ولزمت ظهرها
سمعته شحجه عضيت شفتي وصحت بقهر
سمعته خالو سمعتي ماما تراساله ويرسالها حن
لذيج الايام ورجع لدربه الاعوج
ياااااربي ولج شبيج ماتصدگين بيه
جيب جهازك عمار
خالو حجه بحزم وهو طلعه وانطاه اله طلع
المحادثه وسمعته حجه
شوفها يابه راسلتني اكثر من مره وانطيها حضر
وترجع من غير رقم احبك وهاي السوالف
وهم ارزل وانطي حضر
ليش ماغيرت رقمك ليش ماحجيت لامك الصار
شفته دحك لامه الي جاوبت خالو
كلي والله بس اني ماعرفت شلون افتح الموضوع
وي ام عدي خجلت والله وكلت خاف تجذبني
تفاجأت وفگيت عيوني وظليت ادحك علي
وعليها وهو كمل
ورقمي مااكدر اغيره لان كل شغلي بيه
وهي ظلت لازكه بيه
اسمعهم يحجون واحس بوجعي زاد مشيت من يمهم
واني ساكته امه لحكتني وحجت بقلق
ريم بيج شي
جاوبتها بشهگه
تعبانه اريد اروح انام
رريم
سمعته صاحني وخالو جاوبه
عووفها هسه وخليها ترتاح
طبيت لغرفتي وگبل تمددت ودمعتي بعيوني
ماما اجتي ليمي كعدت وحجت بقلق
ريم لاتزعلين عليه لان ماحجيت الج ماردت شي
يخرب حياتكم لان داشوفكم شلون
رجعتو تصافيتو وكلت اني اتصرف وياها
شفتها حظنته وباسته
حجيتها بشهكه وهي كامت تغلط عليها وتدعي
اعرفها مو راحه من زمان
ومن كامت تطب علينا خليت ايدي على گلبي
كلت هاي وراها شي لان شفتها من جانت تجي على ذيج سليمه شلون بس تريد تعرف اخبار عمار وكتله ديربالك منها من كلي عليها وحجيت وياها اخر مره وكلت جازت بس هسه فاجتني من اجتي
بنص الليل وذبت روحها علي شلون عين گويه
يااربي وصايره فد وحده ماتستحي
سكتت وسمعت صوت عمارر
يااابه مااسوي شي ولاا احجي اريد اشوفها
شلونها
طب وراه خالو كعدت گوه ودمعتي بعيني
شفت ريم شلون صارت الوجهه احمر دم ومطعون من القهر وتبجي حجيت باعصاب
بالقران هسه اروح لبيتهم وافضحها بالمنطقه اذا ظليتي تبجين هسسسه اروح اكله لاخوتها واخليهم يذبحووها لهاااي،الكح،،،،
ابويه لزمني من ردت اطلع وصاح بيه
ووين رايح اكعد واسكت وعوف امك تصرف
يااابه بيتي راح ينهجم واني ماصدگت رجعنا
مثل الاول
لااا ريم عاقله وتفتهم وهاي مو مثل ذيج
خالو حجه وشفت عمار وجهه تغير
وظل يدحك علي بضوجه
لاحد يحجي بهاي السالفه وانتي ام ياسر
باجر تلزمين امها وتحجيلها على الصار بس امنيها
ماتحجي للحجي والولد تره ذوله دمهم حامي وخاف يگتلوها وينفضحون بالمنطقه
بااجر ادز عليها ااحاجيها وافهمها بنتها شجاي،تسوي من وراهم واخليها هي تصرف وياها
سكتت شويه وبعدين كملت بعصبيه
اخلص من ذيج يطلعلي تك الخ اني ادري شجاهن
وهيج استخفن اشو بوگتنا الشاب اذا يباوع
علينا نستحي ونزل راسنا
عيوني راحت لريم وشفت بيها هذا الوصف
دارت وجهها مني وبين عليها الزعل
فرگت شعري بقوه وحجيت بدون وعي
اليوم انام بره مووو
ابويه ابتسم واشر لامي اطلعي انتبهت عليهم
يضحكون طلعو وسدوو الباب وراهم
ااطلع مااريد اشوفك
مااطلع ريم لان اني هاي المره مامسوي شي
بجيت بشهكه وجاوبته بغصه
شفتها باستك حظنتك عماار
حجيتها بخنگه وهو اجه ليمي كعد جدامي وتربع
جاوبني بضوجه
لااا ماباستني ولا خليتها ووج والله استغلت
طفيه الكهرباء وسوت هيج ولا لو اني شايفها الا اركعها براجدي من هذا الزين
انهاريت وكمت اشهك بالبجي
جريت ريم لحظني واني اسب برنا وبساعه السوده
الي طلعت بيها بره
يولي كاافي بجي تره گلبي كام يوجعني شلون بيه
ياربي كلما اكول صحت ترجع تغيم وتمطر عليه
ظليت ساكته وابجي
ااش كافي خرب صفحه اهلها ووج والله ماعندي
شي وياها لرنا
لااادكول اسمها
صحت بي وخرت بسرعه من حظنه دحگت،علي بغضب،
ابتسمت من شفت العصبيه والعيون التلمع بغضب
وحجيت بلهفه
تغارين عليه يولي
اااي اغار ليش،ماااغار اانت مو رجلي
تقبل اانت تشوفني بحظن غيرك ويبوسني
تتت
سكتت من صاح بيه
هااا بدينا بالتجفص بدينا اندوس بالبطن
ماااتكدرين ادكولين اي اغاار وتسكتين اله تحجين حجي يخلي الخبال يصعد للراس
جاوبته بعصبيه
شفت شلوون ضجت بس حجيت هيج
هاااي لووو تصيرر
فزيت من هجم عليه وباسني بقوه دفعته
من صدره ماوخر حظني وتمدد وجرني ويا للفراش
وخر وره لحظه وحجه باعصاب يم شفتي
اااش تره گبن وراح اجرم بيج
عووفني وااطلع
حجيت بضعف
لميتها لحظني بقوه وحصرتها بين رجليه وجاوبتها بعصبيه
ااش وانخمدي طلعه ماكو نايم على گلبج
وااريد بعد من الله تحجين هيج الا اهد خبلاتي عليج
سكتت من شفت الاعصاب گبن ووره مشوار هدأنا اثنينه انداريت وهو جرني لحظنه وخله ايده على بطني وكام يمسح بهداوه حجه يم اذني
بيج شي
لاا مابيه شي
جاوبته بزعل وسمعته ذب حسره واووف وياها
وحجه بضوجه
راح تظلين زعلانه مني واني مو مسوي شي
عضيت شفتي وسكتت منظره هو ورنا وذيج سهى
رجعن يدگن بگلبي بقوه صح تأكدت هو ماعنده شي
وي رنا يس ماادري ليش ضجت وكمت اخاف
من الجاي عمار تغير وصارت العيون علي
يجذب اي بنيه ويخليها تنعجب بي
قلق صار بيه واثر علي تصرفاتي ويا
عمار
رغم ريم عرفت اني ماعندي شي وي
رنا وتاكدت من سمعت كلام ام عدي الي تخبلت وخجلت كلش من عرفت بنتها ذبت روحها عليه وحلفت الا تگتلها بس ترجع للبيت
اشوفها تتلاكني من افوت للبيت وكلمه
الله يساعدك عمار
اسمعها بس مااشوف ذيج اللهفه بعيونها اظل صافن
عليها وهي تحس بس تغلس وتمشي من يمي
مره رجعت تعبان من الشغل ومهدود حيلي
تاخرت ول12 يله طبيت للغرفه وشفتها كاعده ولازمه جهازها شافتني وحجت
الله يساعدك
هزيت راسي واني منتضرها تجي تبوسني من خدي
اجتي وعيوني عليها اخذت العلاگه ومشت من يمي
حجيت بغصه
مانسيتي شي
انداريت علي وشفته صافن علي بضوجه
هاا شنوو
ظلي ريم هيج سووي نفسج ماااتدرين
حجيتها بعصبيه وشمرت السويج
على الميز ورحت
صعدت للغرفه الفوك طبيت ورگعت الباب ورايه
زعلان لو مشتاقلك ببيش ابدي..؟
نشتاگلك بس انت مو الاولي
مالك خلگنه وحيل صاير صعب
يتبع
اختكم جمانه 🌸