ابكم سحرني

مشهد

مشهد 1

طب للغرفه ومن شفته مبتسم دنگت راسي
وگلبي يدك بجنون لزمت الورد بقوه
سمعت خطواته اقتربت
رجعت خطوه

وكف وبعدين مشه وهم رجعت خطوه
رفعت راسي من شفته ماتحرك
عيوني صارت بعيونه ابتسم ورفعلي حواجبه
مال براسه ودحك عليه من فوك ليجوه
وعيونه تضحك

رمشت بعيوني اكثر من مره من شفته
هيج سوو نظراته حركاته كلها جانت حلوه
بس اني جنت ميته خوف

نفس الحركه بالمهر سواها مد
ايده واشرلي تعالي

ماتحركت وظليت مكاني واتهزم بعيوني
منه هو اجه يمشي بهداوه رجعت بس ماخلاني
جرني من خصري علي

ثواني ورفعت راسي وشفته صافن عليه
ابتسم ودنك درت راسي بسرعه
حسيت بي شمني من رگبتي بنفس طويل
سندت ايدي على صدره وهمست
عماار

مشهد 2

واكفه اضحك وي مياده واذب مي عليها
وهي هم تذب عليه
وماحسيت الا ايدي جرتني بقوه حسيتها رادت
تنخلع من مكانها

اااخ هااي شبيك
سكتت من شفته عمار خزرني واشرلي امشي
ماانطاني مجال وكام يدفع بيه
الكل ظل يدحك علينا وامه اجتي بسرعه علي
وحجت بصوت ناصي

عماار شبيك وشنو هذا التصرف كدام الاوادم
عوف البنيه

مادار بال الها واشرلي امشي

مشهد 3
ادحك علي وجهه رجع مثل الاول والحروگ ماكو
صفنت بعيونه ردت اشوفه واسمعه شلون
يحجي هو ابتسم ورفعلي حواجبه وحجه

شلونج ياعله گلبي

الدموع المحبوسه طلعت بشهكه وبنص
الواكفين شمرت روحي بحظنه

مشهد 4
طلعت على وجهي واني مو مصدگه السمعته
ردت تكسي ياخذني للقاعه
مشيت واني ابجي واكول لااا جذب عمار مايسويها
هسه يطلع جذب السمعته

يااربي تكسي ليش مااكو

واكفه على الرصيف وادحك للشارع وافرك بأيدي
سياره وكفت يمي ونزل عدي سالني

ريم شبيج تبجين شصاير

رحت علي بدون وعي وحجيت ببجي

عفيه اخذني للقاعه جواهر

مشهد 5

طبيت برجل ترجف واني اسمع الاغاني
والهلاهل عيوني راحت للكوشه وشفت نسواون
واكفات ومامبين شي رحت يم عامود ووكفت وراه
وگلبي يدك بسرعه وجسمي يرجف

سندت روحي على العامود من تحرگن وشفته
عضيت ايدي بقوه خفت لا اعيط ويسمعوني

عيوني صدگت الشافته وگلبي جان رافض
يصدگ هذا عمار الكاعد ولازم ايد سهى ويضحك

لزمت بطني من مغصتني وحسيت ايد
جرتني بهداوه وطلعتني بره

مساء الخير

شلونجن حبايب عساجن بخير وعافيه
هاي مشاهد من قصه ابكم سحرني مقاطع من الي راح يصير بالبارتات الجايه يارب تعجبكم

هاي
القصه راح التزم بيها وياكم وانشر شوكت ماصارلي مجال يعني مو يوميا لان التفاعل زفت ومحد يكلف
نفسه يعلق او يصوت مع احترامي الشديد
لكل وحده تعلق وتنطي حق القصه والكاتبه
ولاحد تجي وادكلي القصه بدايتها واصبري
ومااعرف شنو لان داشوفهن بغير قصص شلون يعلقن اكثر من مره وشلون يرفعن القصه بسرعه
والتعليقات توصل للالف زين ليش هاي لو اني اشلع
گلبكم بتنزيل البارت جان كعد حظي وحظ اوتار قبل
مااعرف شحجي بس القصه هاي وانا والمجنون
راح انزالها لخاطر كم وحده وانسحب
اختكم جمانه 🌸