ابكم سحرني
الجزء السادس
بقلم اوتار حزينه
،،،،،،،
ريم هاج هاي الصدريه علكيها وره الباب
اخذتها منها وخرت الباب الخارجي مال المطبخ
علكتها وتوني انداريت وجان الباب يندفع بقوه
ويضربني بخشمي
اااخ
يمممه شبيج ريم
كمت اكمز بمكاني واني لازمه خشمي
دم ترس ايدي ووجهي وحسيت بايد جرتني
من زندي واخذتني للسنك مي بارد انذب على وجهي
وفگيت عيوني كووه
عبالي عمه الي دتغسل اليه بس طلع عمار
جريت روحي منه بسرعه وخزرته بعيوني لان عرفته هوو الي ضربني
وجهه تغير وخزرني بعيونه اندار
وسمعت خالو صااح
عمااار
جان وجهه مايتفسر واجه بخطوات سريعه علي عرفته مفتهم غلط ووكفت بوجهه وحجيت بسرعه
خالووو اني انطخيت بالباب عمااار ماسوالي شي والله ماسوالي شي اني انطخيت مووو عمه موو عمار هو هذا الصار
انتبهت لروحي قريبه كلش علي وهو صافن عليه
وخرت بسرعه واني خاله ايدي على خشمي الدينزف وعمه جابت خاولي وخلته بسرعه علي وحجت
وياي
ساعه السوده من انطيتج الصدريه لو خالتها مكانها هويه احسنلي
شبيها ريم ومنو اذاها
خالو حجه بعصبيه لزمت ايد عمه بقوه وهي
جاوبته بعد تردد
يمعود هي اندارت بسرعه وماشافت الباب وضربته
خالو مثل الي مااقتنع وظل يدحك لعمار الي
دار وجهه وطلع
ووووج خلي اشوف خشمج خاف انكسر
اني جنت صافنه على الباب الي طلع منه عمار واحجي بگلبي علي
شحجي عليك يكون تجيك كفخه تعوج خشمك هذا الرافعه مثل ماعوجت خشمي
ريم تروحين للمستشفى
انتبهت لخالو من حجه وهزيت راسي بلاااا وجاوبته
بفشله
لااا خالو مااروح مايحتاج
ولج خلي نوديج ونشوف خشمج خاف انكسر
لااا عمه مايحتاج الدم وانكطع بعد شكو رايحه
جاوبتها وكمت وكملت
من رخصتكم اروح ابدل هدومي
مشيت وبگلبي ادردم على سعودي الي مامن وره بس المصايب اخذت هدومي من غرفتي ورحت للحمام
طبيت ودحكت للوجهي بالمرايه
الضربه جايه بنص خشمي وتاركه اثر عقجت خشمي
ووجعني شويه
شدعي عليك سعودي يكون صخونه مال عنوز تضربك وتخليك نايم بالفراش اسبوع
YOU ARE READING
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
