ابكم سحرني
الجزء الرابع
بقلم اوتار حزينه
لا تقتل النساء من الغرباء ولا من قطاع
الطرق ،،،،إنهن يقتلن
من أكثر الناس قربا وفي أكثر الأماكن إطمئنانا لهن
انهن يقتلن في منازلهن
،،،،،،
خليت الشال على شعري وكمت من مكاني
طلعت سديت باب الغرفه ورايه رفعت راسي
وجان اشوف عمار توه ديصعد الدرج وكف
ودحك عليه بنظرات تخوف قلبي هبط من شفته
هيج
جان مبين عصبي كلش ومااعرف شبي تقدم بخطوات واسعه عليه وعيونه كلها شر
من خوفي منه لزكت بالباب بلحظه صار كدامي وحجزني بايده الاثنين بمكاني
درت راسي من حسيت بانفاسه الحاره بوجهي
صوت ماااكو ودحكت علي بخووف
من رفع ايده الاثنين مثل اليريد يضربني
لميت ايدي بخوف فوك راسي بس هووو
وكف وجز على سنوونه بصوت يخوف وبعدين
ضرب الباب بايده الاثنين
عمااارر
سمعت صوت عمه وفكيت عيوني وشفته يدحك عليه بنظرات تگتل
هااا شبيك وي البنيه
ماخلها تلزمه وخر منها ومشه من يمنا
بسرعه وصعد فوك لحظات وسمعنا شي تكسر بقوه
فزيت من سمعت الصوت وخالي طلع من المطبخ
وكف ودحك علينا وبعدين لفوك
عمه رادت تصعد بس هو وكفها وكال
سهير عووفي ولاتصعدين خلي شريد يسوي
يسوي العندي كلته واريد الرجال الي يكسر كلمتي
فريت راسي عليهم واني مو مفتهمه شي
مثل الاطرش بالزفه والف سؤال يدور براسي
شبي هذا وليش هيج تصرف وياي
اني مسويه شي اله وماادري بروحي زين شوكت
ووين واني ماصارلي،يومين يمهم
استغفر الله واتوب اليه
عمه حجت بقهر ومبين عليها مستحيه من تصرفه
وحجت
ريم يمه لاتضوجين من تصرف عمار تره هو موو
سكتت وبين عليها الارتباك وكملت
والله مااعرف شحجي
ام ياسر لاتحجين كلشي وجيبي البنيه وياج
وخلينا عاد نتريك
خالو حجه وهي هزت راسها واشرتلي امشي
بلعت ريكي كوه ومشيت وياها واني دايخه من وره
الصار
كعدت واحس الجو مو طبيعي تصرف عمار وسكوت
خالي ومرته حسيته جان وره شي مضموم بس شنو هو ماادري
خالو اشرلي اكلي
ماكو صوت مني ولا جاوبته من حجه
عيوني ماتشوف اكل ولا ايدي كدرت تلزم شي منظره وهو جاي عليه وتصرفه بعده ببن عيوني
وقلبي جان يدك بسرعه
YOU ARE READING
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
